2025-yil 18-yanvar kuni Toshkent shahrida dorixonalar rahbarlari va bosh menejerlari ishtirokida yirik tadbir bo‘lib o‘tdi. Mazkur anjumanda 200 ga yaqin farmatsevtika sohasining yetakchi vakillari qatnashdi. Tadbirni Oson Apteka kompaniyasi tashkil qildi.

Tadbir davomida farmatsevtika sohasidagi so‘nggi yangiliklar, mavjud muammolar va ularga yechim sifatida joriy etilayotgan zamonaviy texnologiyalar hamda innovatsion yondashuvlar muhokama qilindi. Tadbir Oson Apteka kompaniyasi rahbari Shavkat Tillayevning taqdimoti bilan boshlandi. U farmatsevtika sohasidagi dolzarb muammolarni tahlil qilar ekan, ushbu muammolarni hal qilishga xizmat qiluvchi o‘ziga xos mahsulot va xizmatlarning taqdimotini o‘tkazdi.

Tadbir ishtirokchilari tomonidan Oson Aptekaning yangi texnologik yechimlariga katta qiziqish bildirildi. Dorixona rahbarlari mahsulot va xizmatlarga oid iliq fikr-mulohazalar bildirishdi, shuningdek, yanada takomillashtirish bo‘yicha amaliy takliflar berdilar. Taqdimotdan so‘ng savol-javob qismi tashkil etilib, ishtirokchilar o‘zlarini qiziqtirgan masalalarga batafsil javob olish imkoniga ega bo‘ldilar.

Tadbir doirasida qatnashchilar Oson Aptekaning zamonaviy dasturlarini sinovdan o‘tkazdilar. Ishtirokchilar, ayniqsa, yangi texnologiyalarning foydalanish qulayligi va samaradorligini alohida ta’kidlashdi.

Tadbir yakunida barcha mehmonlar uchun do‘stona muhitda ziyofat tashkil etildi. Anjuman mobaynida olingan video lavhalar va foto suratlar tadbirning mazmunli o‘tganidan dalolat beradi.

Oson Apteka kompaniyasi ushbu tadbir orqali farmatsevtika sohasidagi hamkorlikni mustahkamlash, dolzarb masalalarga yechim topish va bozorni innovatsion mahsulotlar bilan ta’minlash borasida navbatdagi qadamni tashladi.

#Farmatsevtika #OsonApteka #Tadbir2025 #Texnologiya #DorixonaYechimlari #ToshkentTadbir #Taqdimot

Tadbirdan video lavhalarni ko'rish uchun ushbu havolani bosing !