Ilovani yuklab oling
Yuklab olish
Зитмак ПОРОШОК

Oson Apteka - Dorixonalar ma'lumotnomasi

Зитмак ПОРОШОК ДЛЯ СУСПЕНЗИИ 100мг/5мл 20мл №1

22 000 so'mdan
(2923)
Dorixonalardagi narx
Xususiyatlari
Xalqaro nomi
Azithromycin
Ishlab chiqaruvchi
НОБЕЛЬ
Chiqarilish shakli
ПОР Д/СУСП
Farma. Guruh
Антибиотики
Dori tafsilotlari
Dori shakli:
Tarkibi:
Taʼrifi:
Farmakoterapevtik guruhi: 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli:

Suspenziya tayyorlash uchun kukun.

 

Tarkibi:

Faol modda: Azitromitsin digidrat (447,02 mg, 768 mg yoki 1392 mg azitromitsinga ekvivalent).

Yordamchi moddalar: shakar kukuni, natriy fosfati digidrati, gidroksipropil sellyuloza, Xantan Gum, bananli aromatizator, olchali aromatizator.

 

Taʼrifi:

 Banan va olcha xidli, oq rangli kukun.

 

Farmakoterapevtik guruhi: 

Antibiotiklar (makrolidlar guruhi).

 

Farmakologik xususiyatlari

Keng taʼsir doirasiga ega antibiotik. Yangi makrolid antibiotiklarning yangi guruhi – azalidlarning birinchi vakili hisoblanadi. Yalligʻlanish oʻchogʻida yuqori konsentratsiyalari hosil qilinganida bakteritsid taʼsir koʻrsatadi.

Preparatga grammusbat kokklar: Streptococcus pneumoniaeSt. pyogenes, St.agalactiae, C, F va G guruhi streptokokklari, St. viridansStaphylococcus aureus, grammanfiy bakteriyalar: Haemophilus influenzaeMoraxella catarrhalis, Bordetella pertussis, B.rarapertussis, Legionella pneumophila, H.ducrei, Campylobacter jejuni, Neisseria gonorrhoeae va Gardnerella vaginalis; ayrim anaerob mikroorganizmlar: Bacteroides bivius, Clostridium perfringens, Peptostreptococcus spp; shuningdek Chlamydia trachomatis, Mycoplasma pneumoniae, Ureaplasma urealyticum, Treponema pallidum, Borrelia burgdorferi sezgir. Eritromitsinga chidamli grammusbat bakteriyalarga nisbatan faol emas.

Farmakokinetikasi

Preparat meʼda-ichak yoʻllaridan tez soʻriladi, bu uni kislotali muhitga chidamliligi va lipofilligi bilan bogʻliq. Ichga 500 mg qabul qilinganidan keyin, azitromitsinning qon plazmasidagi maksimal konsentratsiyasiga (Smax) 2,5-2,96 soat oʻtgach erishiladi va u 0,4 mg/l ni tashkil qiladi. Biokirishaolishligi 37% tashkil qiladi.

Azitromitsin nafas yoʻllariga, urogenital yoʻllarining aʼzolari va toʻqimalariga (xususan prostata beziga), teri va yumshoq toʻqimalarga yaxshi kiradi. Toʻqimalardagi yuqori konsentratsiyasi (qon plazmasidagiga nisbatan 10-50 marta yuqori) va yarim chiqarilish davrining (T1/2) uzoqligi azitromitsinning qon plazmasi oqsillari bilan past darajada bogʻlanishi, hamda uni eukariotik hujayralarga kiraolish qobiliyati va rN past boʻlgan, lizosomalar atrofidagi muhitda koʻproq toʻplanishi bilan bogʻliq. Bu oʻz navbatida, katta ehtimoliy taqsimlanish hajmini (31,1 l/kg) va yuqori plazma klirensini belgilaydi. Azitromitsinni koʻproq lizosomalarda toʻplanish qobiliyati, ayniqsa hujayra ichki qoʻzgʻatuvchilarini eliminatsiyasi uchun muhim. Fagotsitlar azitromitsinni infeksiya joyiga yetkazib berishi, u yerda uning fagotsitoz jarayonida ajralib chiqishi isbotlangan. Azitromitsinning konsentratsiyasi infeksiya oʻchogʻida, sogʻlom toʻqimalarga nisbatan (oʻrtacha 24-34% ga) ishonarli yuqori va yalligʻlanish shishi darajasi bilan toʻgʻri qiladi. Fagotsitlardagi yuqori konsentratsiyasiga qaramay, azitromitsin ularning faoliyatiga sezilarli taʼsir koʻrsatmaydi. Azitromitsin yalligʻlanish oʻchoqlarida bakteritsid konsentratsiyalarda, oxirgi qabul qilingan dozadan keyin 5-7 kun davomida saqlanadi, bu qisqa (3-kunlik va 5-kunlik) davolash kurslarini ishlab chiqish imkonini beradi.

Asosan jigarda nofaol metabolitlarni hosil qilib metabolizmga uchraydi.

Azitromitsin qon plazmasidan 2 bosqichda chiqariladi: T1/2  qabul qilingandan keyin 8 dan 24 soat oraligʻida 14-20 soatni va 24 dan 72 soat oraligʻida – 41 soatni tashkil qiladi, bu preparatni sutkada 1 marta qoʻllash imkonini beradi.

 

Qoʻllanilishi

Preparatga sezgir boʻlgan qoʻzgʻatuvchilar chaqirgan infeksion-yalligʻlanish kasalliklari:

– nafas yoʻllarining yuqori boʻlimlari va LOR-aʼzolarining (angina, sinusit, tonzillit, oʻrta otit) infeksiyalari;

– skarlatina;

– nafas yoʻllarining quyi boʻlimlarining (bakterial va tipik pnevmoniyalar, bronxit) infeksiyalari;

– teri va yumshoq toʻqimalarning (oʻrtacha ogʻirlikdagi husunbuzar (Ance Vulgaris) toshmasi, saramas, impetigo, ikkilamchi infeksiyalangan dermatozlar) infeksiyalari;

– urogenital yoʻllarining infeksiyalari (asoratlanmagan uretrit va/yoki servitsit);

– Layma kasalligi (borrelioz), boshlangʻich bosqichini davolash uchun qoʻllanadi.

 

Qoʻllash usuli va dozalari

Suspenziyani tayyorlash usuli:

Suspenziyani kukunni distillangan yoki qaynatilgan suvda eritish yoʻli bilan tayyorlanadi.

20 ml suspenziyani tayerlash uchun (nominal hajm), 400 mg miqdoridagi azitromitsin saqlovchi flakonga (Zitmak®100, 19 g) 10 ml suv qoʻshiladi (asl hajmi – 30 ml suspenziya).

15 ml suspenziyani tayerlash uchun (nominal hajm), 600 mg miqdoridagi azitromitsin saqlovchi flakonga (Zitmak®200, 16 g) 9 ml suv qoʻshiladi (asl hajmi – 20 ml suspenziya).

30 ml suspenziyani tayyorlash uchun (nominal hajm), 1200 mg miqdoridagi azitromitsin saqlovchi flakonga (Zitmak®200, 29 g) 15 ml suv qoʻshiladi (asl hajmi – 35 ml suspenziya).

Har bir flakonda preparatni flakondan toʻliq olish maqsadida, kurs dozadan suspenziya 5 ml ga koʻproq boʻlishi kerak.

Dozalash uchun qoshiq yoki shpris yordamida kerakli xajmdagi suv oʻlchab olinadi va kukun saqlovchi flakonga qoʻshiladi. Qabul qilishdan oldin flakon bir hil suspenziyaning hosil boʻlguncha yaxshilab chayqatiladi.

Bir turdagi suspenziya 5 ml da 100 mg (Zitmak®100) va 200 mg (Zitmak®200) azitromitsin saqlaydi.

Preparat ichga sutkada 1 marta buyuriladi. Suspenziyani ovqatdan 1 soat oldin yoki ovqatdan 2 soat keyin qabul qilinadi.

Bola tana vazniga qarab quyidagi dozalash sxemalari tavsiyalanadi:

Nafas yoʻllarining yuqori va quyi boʻlimlarining, teri va yumshoq toʻqimalarning (surunkali migratsiyalanuvchi eritemadan tashqari) infeksiyalarida, bolalarga sutkada 10 mg/kg tana vazniga 1 marta/sut 3 kun davomida, kurs dozasi – 30 mg/kg.

Surunkali migratsiyalanuvchi eritemada bolalarga birinchi kuni 20 mg/kg tana vazniga, soʻngra 2 dan 5 kunlari – xar kuni 10 mg/kg tana vazniga, kurs dozasi – 60 mg/kg.

Helicobacter pylori bilan assotsiatsiyalangan meʼda va 12 barmoqli ichak kasalliklarida tana vazniga 20 mg/kg nisbatda bir kunda bir marta antisekretor vositalari va boshqa dori vositalari bilan birga belgilanadi (kompleks terapiyasida).

Agar preparat dozasi qabuli oʻtib ketgan boʻlsa, uni oʻsha zaxoti qabul qilish kerak, keyin keyingi dozalarni 24 soat intervali bilan qabul qilinadi.

Tana vazni 14 kg gacha boʻlgan bolalarga suspenziyani tana vazni hisobi bilan belgilanadi:

Tana vazni

Zitmak®100, ml da (azitromitsin miqdori, mg)

5 kg

2,5 ml (50 mg)

6 kg

3,0 ml (60 mg)

7 kg

3,5 ml (70 mg)

8 kg

4,0 ml (80 mg)

10-14 kg

5,0 ml (100 mg)

Boshqa patologiyalarda ham suspenziyani vazni hisobidan kelib chiqqan holda dozalanadi:

Tana vazni

Zitmak®200, ml da (azitromitsin miqdori, mg)

10-14 kg

2,5 ml (100 mg)

15-24 kg

5,0 ml (200 mg)

25-34 kg

7,5 ml (300 mg)

35-44 kg

10,0 ml (400 mg)

≥ 45 kg

12,5 ml (500 mg)

Tayer suspenziyani dozalash uchun shpris yoki oʻlchov qoshigʻi ishlatiladi.

Suspenziya bevosita qabul qilinganidan keyin ogʻizdagi suspenziyani qoldiqlarini yuvib va yutib yuborish maqsadida, bolaga bir necha qultum choy yoki sharbat beriladi.

Ishlatilgandan keyin shpris oqava suvda yuviladi, quritiladi va preparat bilan birga saqlanadi.

 

Nojoʻya taʼsirlari

Kam uchraydi (0,7% va undan kam hollarda).

Ovqat-hazm qilish tizimi tomonidan: melena, xolestatik sariqlik, koʻngil aynashi, qusish, diareya, qabziyat, ishtahani pasayishi, gastrit, jigar fermentlarining faolligini oʻrtacha qayta oshishi.

Siydik-chiqarish tizimi tomonidan: nefrit.

Yurak-tomir tizimi tomonidan: yurak urishi, koʻkrak qafasida ogʻriqlar.

Markaziy nerv tizimi va periferik nerv tizimi tomonidan: bosh aylanishi, bosh ogʻrigʻi, uyquchanlik, yuqori toliqish; bolalarda – bosh ogʻrigʻi (oʻrta otitni davolashda), giperkineziya, xavotirlik, nevroz, uyquni buzilishi.

Allergik reaksiyalar: juda kam teri toshmalari, Kvinke shishi, eshakemi, fotosensibilizatsiya, qichishish, konʼyunktivit, Stivens-Djonson sindromi.

Laboratoriya koʻrsatkichlari tomonidan: alohida hollarda – neytrofiliya, eozinofiliya (oʻzgargan koʻrsatkichlar davolash toʻxtatilganidan keyin 2-3 hafta oʻtgach meʼyorga qaytadi).

 

Qoʻllash mumkin boʻlmagan holatlar

– jigar va buyraklar faoliyatining ogʻir buzilishlari;

– azitromitsinga va preparatning boshqa komponentlariga yuqori sezuvchanlik;

– makrolid guruhi antibiotiklariga yuqori sezuvchanlik.

 

Dorilarning oʻzaro taʼsiri

Antatsid vositalar (alyuminiy, magniy saqlovchi), etanol va ovqat qabul qilish azitromitsinning soʻrilishini sezilarli darajada kamaytiradi, shuning uchun preparatni bu preparatlar va ovqat qabul qilishdan kamida 1 soat oldin yoki 2 soatdan keyin qabul qilish kerak.

Azitromitsin, boshqa makrolid antibiotiklaridan farqli ravishda sitoxrom R450 tizimining izofermentlari bilan bogʻlanmaydi. Hozirgi kunda teofillin, terfenadin, karbamazepin, triazolam, digoksin bilan oʻzaro taʼsiri aniqlanmagan.

Varfarin bilan birga qoʻllashning zarurati boʻlganida protrombin vaqtini sinchiklab nazorat qilish tavsiya etiladi. Makrolidlar ergotamin va digidroergotamin bilan bir vaqtda qabul qilinganida, ularning zaharli taʼsirlari (tomirlarning spazmi, dizesteziya) namoyon boʻlishi mumkin.

Linkozaminlar azitromitsimnning samarasini pasaytiradi, tetratsiklin va xloramfenikol esa – oshiradi.

Azitromitsin geparin bilan farmatsevtik nomutanosib.

 

Maxsus koʻrsatmalar

Ehtiyotkorlik bilan: jigar va buyraklar faoliyatining buzilishlarida qoʻllanadi.

Azitromitsin va antatsid preparatlarini qabul qilish orasida kamida 2 soatlik tanaffusga rioya qilish tavsiya etiladi.

Preparatning bir dozasini qabul qilish oʻtkazib yuborilganida, oʻtkazib yuborilgan dozani iloji boricha tezroq, keyingilarini esa 24 – soatlik tanaffus bilan qabul qilish kerak.

Patsiyentni har qanday nojoʻya samaralari paydo boʻlganida shifokorga xabar qilish kerakligi toʻgʻrisida ogohlantirish lozim.

Preparatni bolalar olaolmaydigan joyda saqlash va yaroqlilik muddati oʻtgach ishlatmaslik lozim.

 

Dozani oshirib yuborilishi

Simptomlarikoʻngil aynishi, eshitishni vaqtinchalik yoʻqotish, qusish va diareya.

Davolash: simptomatik davolash.

 

Chiqarilish shakli

«Zitmak®» 200 mg/5 ml, 15 ml suspenziya tayerlash uchun 16 g kukun flakonlarda, komplektida 9 ml erituvchi va 5 ml plastik mikropipetka bilan.

«Zitmak®» 200 mg/5 ml, 30 ml suspenziya tayerlash uchun 29 g kukun flakonlarda, komplektida 15 ml erituvchi va 5 ml plastik mikropipetka bilan.

«Zitmak®» 100 mg/5 ml, 20 ml suspenziya tayerlash uchun 19 g kukun flakonlarda,  komplektida 10 ml erituvchi va 5 ml plastik mikropipetka bilan.

 

 

Saqlash sharoiti

Quruq, yorugʻlikdan himoyalangan joyda, 25°S dan yuqori boʻlmagan haroratda saqlansin.

Tayyor suspenziyani sovutgichda, 2-8°S boʻlgan haroratda saqlash va 5 kun davomida qoʻllash kerak.

 

Yaroqlilik muddati

2 yil.

 

Dorixonalardan berish tartibi

Retsept boʻyicha.