Ilovani yuklab oling
Yuklab olish
Вольтарен Ретард

Oson Apteka - Dorixonalar ma'lumotnomasi

Вольтарен Ретард ТАБЛЕТКА 100мг №10

56 000 so'mdan
(2020)
Dorixonalardagi narx
Xaritada topish
Tavsif
Вольтарен Ретард ТАБЛЕТКА 100мг №10
Xususiyatlari
Xalqaro nomi
Ishlab chiqaruvchi
Chiqarilish shakli
Farma. Guruh
Dori tafsilotlari
Dori shakli:
Tarkibi:
Taʼrifi:
Farmakoterapevtik guruhi: 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar.
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli:

 ichakda eruvchan qobiq bilan qoplangan tabletkalar.

 

Tarkibi:

Ichakda eruvchan qobiq bilan qoplangan bir tabletkalar quyidagilarni saqlaydi:

faol modda: 25 mg yoki 50 mg diklofenak natriy;

yordamchi moddalar:

25 va 50 mg li tabletka yadrosi:

suvsiz kolloid kremniy dioksidi, laktoza monogidrati,  makkajoʻxori kraxmali, natriy kraxmal glikolyati (A tip), povidon, mikrokristall sellyuloza, magniy stearati;

25 mg li tabletka yadrosi qobigʻining tarkibi:

gipromelloza, temir (II) oksidi (Ye172), tozalangan talk, titan dioksidi (Ye171), metakril kislotasining sopolimeri,makrogol (polietilenglikol 8000), semitikon, temir (III) oksidi (Ye172), polioksietillangan, gidrogenlangan kanakunjit moyi, sorbin kislotasi.

50 mg li tabletka yadrosi qobigʻining tarkibi:

gipromelloza, temir (II) oksidi (Ye172), tozalangan talk, titan dioksidi (Ye171), metakril kislotasining sopolimeri,makrogol (polietilenglikol 8000), semitikon, temir (III) oksidi (Ye172), polioksietillangan, gidrogenlangan kanakunjit moyi, sorbin kislotasi.

 

Taʼrifi:

25 mg: sariq, dumaloq, ikki yoqlama qavariq, chetlari qiya, bir tomonida “CG” va boshqa tomonida “BZ” yozuvi boʻlgan tabletkalar.

50 mg: och-jigarrang, ikki yoqlama qavariq, chetlari qiya, bir tomonida “CG” va boshqa tomonida “GT” yozuvi boʻlgan tabletkalar

 

Farmakoterapevtik guruhi: 

Yalligʻlanishga qarshi va revmatizmga qarshi preparatlar. Nosteroid yalligʻlanishga qarshi preparatlar. Sirka sislotasining hosilalari. Diklofenak.

 

 

Farmakologik xususiyatlari

Farmakodinamikasi

Voltaren® preparati nosteroid strukturali modda – diklofenak natriy saqlaydi, u yaqqol revmatizmga qarshi, yalligʻlanishga qarshi, ogʻriqni qoldiruvchi, isitmani pasaytiruvchi taʼsir koʻrsatadi. Diklofenakning asosiy taʼsir mexanizmi, prostaglandinlar biosintezini tormozlashi xisoblanadi. Prostaglandinlar yalligʻlanish, ogʻriq va isitmaning genezida muhim rol oʻynaydi. Revmatik kasalliklarda preparatining yalligʻlanishga qarshi va ogʻriqni qoldiruvchi klinik xususiyatlari: tinch holatda ham, xarakatda ham ogʻriq, ertalabki tangliklik va boʻgʻimlarni shishi, shuningdek faoliyatini sezilarli yaxshilanishi kabi klinik belgilari va simptomlarini yaqqol yoʻqolishi bilan ifodalanadi.

In vitro sharoitda diklofenak natriy, patsiyentlarni davolashda erishiladigan konsentratsiyalarga ekvivalent konsentratsiyalarda togʻay toʻqimasi proteoglikanli biosintezini bostirmaydi. Posttravmatik va operatsiyadan keyingi yalligʻlanish koʻrinishlarida Voltaren® preparati ogʻriqni (spontan ogʻriqni ham, harakatdagi ogʻriqni ham) tez yengillashtiradi, yalligʻlanishli shishini va operatsiyadan keyingi jarohat shishini kamaytiradi.

Oʻtkazilgan klinik tadqiqotlar preparatni norevmatik kelib chiqishga ega boʻlgan oʻrtacha va kuchli ifodalangan ogʻriq sindromida ahamiyatli analgetik samarasini aniqlash imkoniyatini bergan. Klinik tadqiqotlar shuningdek, Voltaren® preparatini birlamchi disminoreyada ogʻriq tuygʻularini yoʻqotish va qon yoʻqotilishini pasaytirish qobiliyatini aniqlash imkoniyatini  bergan. Voltaren® preparati bundan tashqari, migren xurujlarida terapevtik samara namoyon qiladi.

Farmakokinetikasi

Soʻrilishi. Ichakda eruvchan qobiq bilan qoplangan tabletkalarni ichga qabul qilgandan keyin Voltaren® preparatining taʼsir etuvchi moddasi – diklofenak, tez va toʻliq soʻriladi. Voltaren® preparati 50 mg dozada bir marta qabul qilinganidan keyin, maksimal konsentratsiyasiga taxminan 2 soat oʻtgach erishiladi va 1,5 mkg/ml (5 mkmol/l) ni tashkil qiladi. Soʻrilgan taʼsir qiluvchi moddaning miqdori dozaga proporsional.

Agar preparat ovaqatlanish vaqtida yoki keyin (ovqatdan oldin qabul qilish bilan solishtirganda), tabletkalarni meʼda orqali oʻtishi sekinlashadi, lekin soʻrilgan diklofenakning miqdori oʻzgarmaydi. Diklofenakning taxminan yarim dozasi jigar orqali birinchi oʻtish vaqtida metabolizmga uchrashi tufayli (“jigardan birinchi oʻtish” samarasi), peroral yoki rektal qoʻllanganidan keyin “konsentratsiya-vaqt” egri chizigʻi osti maydoni (AUC), ekvivalent doza parenteral yuborilganidan keyingi xoldagi maydonning taxminan yarmini tashkil qiladi. Preparat takroriy qabul qilinganidan keyin farmakokinetikaning koʻrsatgichlari oʻzgarmaydi. Dozalashning tavsiya etilgan intervaliga rioya qilingan xolda, preparatning toʻplanishi kuzatilmaydi.

Ekvivalent dozalarda (tana vazniga mg/kg) bolalarda erishiladigan qon plazmasidagi preparatning konsentratsiyalari, kattalarda kuzatiladiganga oʻxshash.

Taqsimlanishi. Diklofenakning 99,7% qon zardobi oqsillari bilan bogʻlanadi, asosan albuminlar bilan (99,4%). Yaqqol taqsimlanish hajmi hisoblar boʻyicha 0,12-0,17 l/kg ni tashkil qiladi. Diklofenak sinovial suyuqligiga kiradi, u yerdagi uning maksimal konsentratsiyasiga plazmadagiga qaraganda 2-4 soat kechroq erishiladi. Sinovial suyuqligidan tahminan yarim chiqarilish darvi – 3-6 soatgachani tashkil qiladi. Plazmadagi choʻqqi konsentratsiyaga erishilganidan keyin 2 soat oʻtgach sinovial suyuqligidagi faol moddaning konsentratsiyasi plazmadagidan yuqori, va uning qiymati 12 soat davomida yuqoriroq boʻlib qoladi. Diklofenakning past konsentratsiyasi
(100 ng/ml) bir emizikli onaning koʻkrak sutida aniqlangan. Koʻkrak sutini emayotgan goʻdakning organizmiga kirayotgan moddaning umumiy konsentratsiyasi kuniga 0,03 mg/kg dozaga teng.

Biotransformatsiyasi. Diklofengakning biotransformatsiyasi qisman oʻzgarmagan molekulani glyukuronizatsiyasi yoʻli bilan, lekin, asosan bir martalik va koʻp martalik gidroksilizatsiya va metoksilizatsiya orqali amalga oshiriladi, bu bir necha fenolli metabolitlarining (3ʻ-gidroksi-4ʻ-gidroksi-5ʻ-gidroksi-4ʻ5-digidroksi va 3ʻ-gidroksi-4ʻ-metoksidiklofenak) hosil boʻlishiga olib keladi, ulardan koʻpchiligi glyukuron konʼyugatsatlarga aylanadi. Bu fenolli metabolitlaridan ikkitasi farmakologik faol, biroq bu xususiyati diklofenakka qaraganda kamroq darajada namoyon boʻladi.

Chiqarilishi. Diklofenakning umumiy tizimli plazma klirensi minutiga 263±56 ml ni tashkil qiladi (oʻrtacha qiymat ± standart ogʻish).  Yarim chiqarilishining  yakuniy davri 1-2 soatni tashkil qiladi. Metabolitlaridan biri, 3ʻ-gidroksi-4ʻ-metoksi-diklofenak, davomliroq yarim chiqarilish davriga ega, lekin bu metaboliti  deyarli butunlay nofaol.

Preparatning qoʻllangan dozasini taxminan 60% siydik bilan faol moddaning intakt molekulasini glyukuronli konʼyugatlari koʻrinishida, shuningdek koʻpchiligi glyukuronli konʼyugatlarga aylangan metabolitlari koʻrinishida chiqariladi. Oʻzgarmagan xolda diklofenakning 1% dan kamrogʻi chiqariladi. Preparatning qoʻllangan dozasining qolgan qismi metabolitlari koʻrinishida safro orqali ahlat bilan chiqariladi.

Alohida guruh patsiyentlaridagi farmakokinetikasi.

Patsiyentning yoshi bilan bogʻliq boʻlgan preparatni soʻrilishi, metabolizmi yoki chiqarilishidagi ahamiyatli farqlar kuzatilmagan. Lekin, keksa yoshdagi ayrim patsiyentlarda, 15 minutlik vena ichiga infuziya, yosh sogʻlom shaxslarda kuzatilgandagi qaraganda, plazmada 50% ga yuqoriroq konsentratsiyaga olib kelgan.

Buyrak funksiyasini buzilishi boʻlgan patsiyentlarda, bir martalik dozaning kinetikasi va odatdagi qoʻllash sxemasidan kelib chiqib, diklofenakning toʻplanishi kuzatilmagan. Kreatinin klirensi <10 ml/min boʻlgan xolda, qon plazmasidagi gidroksimetabolitlarining hisoblangan statsionar konsentratsiyasi, sogʻlom shaxslarga qaraganda taxminan 4 marta yuqori. Lekin metabolitlari oxirigacha safro bilan chiqariladi.

Surunkali gepatit yoki kompensatsiyalangan jigar sirrozi boʻlgan patsiyentlarda diklofenakning farmakokinetik koʻrsatgichlari, jigar kasalliklariga ega boʻlgan patsiyentlardagi kabidir.

 

Qoʻllanilishi
  • Revmatik kasalliklarning yalligʻlanishli va degenerativ shakllari: revmatoid artrit; yuvinil revmatoid artrit, ankilozlovchi spondilit Bexterev kasalligi), osteoartrit, spondiloartritlar, revmatik kelib chiqishga ega boʻlgan umurtqa pogʻonasining kasalliklaridagi ogʻriq sindromi; boʻgʻimdan tashqari revmatizm (revmatik polimialgiya).
  • Podagraning oʻtkir xurujlari.
  • Posttravmatik va operatsiyadan keyingi ogʻriq sindromlari, ular yalligʻlanish va shish bilan birga kechadi, masalan, stomatologik va ortopedik aralashuvlardan keyingi.
  • Ogʻriq sindromi va yalligʻlanish bilan birga kechuvchi ginekologik (masalan, birlamchi dismenoreya va adneksit) kasalliklar.
  • Ogʻriq sindromi bilan birga kechuvchi LOR-aʼzolarining ogʻir yalligʻlanish kasalliklarida (masalan, faringotonzillit, otit) yordamchi vosita sifatida.

Tashxis va davolashning Protokollariga (TDP) muvofiq, asosiy kasallikni bazis davolash vositalari bilan davolash kerak. Isitma oʻz-oʻzidan preparatni qoʻllash uchun koʻrsatma hisoblanmaydi.

 

Qoʻllash usuli va dozalari

 

Kattalar

Umumiy tavsiyalar doirasida preparatning dozani individual ravishda tanlash tavsiya etiladi. Simptomlarni davolash uchun kerak boʻlgan eng past samarali doza, iloji boricha qisqa vaqt davomida qabul qilish bilan preparatni nojoʻya reaksiyalarini mumkin qadar kamaytirish mumkin. Voltaren® preparati tabletkalarini butunligicha, suyuqlik bilan, yaxshisi ovqatdan oldin yutish kerak. Tabletkalarni boʻlish yoki chaynash mumkin emas.

Kattalar uchun preparatning tavsiya etilgan boshlangʻich sutkalik dozasi 100-150 mg ni tashkil qiladi. Yengil hollarda, davomli davolashdagi kabi 75 – 150 mg sutkalik dozani buyurish yetarli boʻladi. Kattalar uchun sutkalik dozani 2-3 qabulga boʻlish kerak. Tungi ogʻriqlar va ertalabki tanglikni kamaytirish maqsadida, preparatning kunduzgi dozasiga rektal shamchalar shaklidagi Voltaren® preparatini kechasiga buyurish mumkin (preparatning sutkalik dozasi 150 mg dan oshmasligi kerak).

Birlamchi dismenoreyada sutkalik doza individual ravishda tanlanadi va, umuman u 50-150 mg ni tashkil qiladi. Boshlangʻich doza 50-150 mg ni tashkil qilishi mumkin, zarurati boʻlganda uni bir necha xayz sikllari davomida oshirish mumkin, lekin sutkada 200 mg dan koʻp emas. Birinchi simptomlar paydo boʻlganda, preparatni iloji boricha ertaroq qabul qilishni boshlash kerak. Klinik simptomlarning dinamikasiga qarab, davolashni bir necha kun davomida davom ettirish mumkin.

 

Bolalar

Bir yoshdan oshgan bolalar va oʻsmirlarga kasallikning ogʻirligiga qarab, preparat 2-3 qabulga boʻlingan tana vazniga 0,5-2,0 mg/kg dozada buyuriladi. Yuvenil revmatoid artritni davolash uchun, sutkalik doza maksimal kuniga 3 mg/kg gacha (2-3 qabulda) oshirilishi mumkin. 150 mg maksimal sutkalik dozani oshirish mumkin emas. Kuchli terapevtik samarasi tufayli, 50 mg dozali tabletkalarini bolalar va 14 yoshdan kichik oʻsmirlarga buyurish mumkin emas. Bu yosh guruhida 25 mg dozali Voltaren® preparatini qoʻllash lozim.

Keksa yoshdagi patsiyentlar (65 yoshdan katta)

Keksa patsiyentlar uchun boshlangʻich dozaga tuzatish kiritish talab etilmaydi. Shu bilan birga, kuchsizlangan keksa shaxslarda va tana vazni past shaxslarda preparatni ehtiyotkorlik bilan qoʻllash kerak.

Patsiyentlarning alohida guruhlari.

Anamnezdagi yurak-qon tomir kasalliklari yoki yurak-qon tomir tizimi tomonidan ahamiyatli xavf omillari

Odatda, Voltaren® preparati bilan davolash anamnezida yurak-qon tomir kasalliklari yoki nazorat qilinmaydigan arterial gipertenziyasi boʻlgan patsiyentlarga tavsiya etilmaydi.

Anamnezida yurak-qon tomir kasalliklari yoki nazorat qilinmaydigan arterial gipertenziyasi yoki yurak-qon tomir kasalliklarining ahamiyatli omillari boʻlgan patsiyentlarga zarurati boʻlganida Voltaren® faqat sinchiklab baxolangandan keyin va faqat 4 haftadan davomli davolash xolida ≤100 mg dozalar chegarasida buyuriladi.

Buyrak funksiyasini buzilishi boʻlgan patsiyentlar

Voltaren® preparatini buyrak yetishmovchiligi boʻlgan patsiyentlarda qoʻllash mumkin emas.

Buyrak yetishmovchiligi boʻlgan patsiyentlar orasida maxsus tekshirishlar oʻtkazilmaganligi tufayli, dozaga maxsus tuzatish kiritish boʻyicha tavsiyalarni tasavvur qilish mumkin emas. Buyrak funksiyasining buzilishlari boʻlgan patsiyentlarda Voltaren® qoʻllanganida ehtiyotkorlikka rioya qilish kerak.

Jigar funksiyasi buzilishi boʻlgan patsiyentlar

Voltaren® preparatini jigar yetishmovchiligi boʻlgan patsiyentlarda qoʻllash mumkin emas.

Jigar funksiyasini buzilishlari boʻlgan patsiyentlar orasida maxsus tekshirishlar boʻlmaganligi tufayli, dozaga maxsus tuzatish kiritish boʻyicha tavsiyalar berilishi mumkin emas. Jigar funksiyasini yengil va oʻrtacha buzilishlari boʻlgan patsiyentlarda Voltaren® qoʻllanganida ehtiyotkorlikka rioya qilish kerak.

 

Nojoʻya taʼsirlari

Klinik tadqiqotlar va/yoki koʻngilliklar yoki adabiyot maʼlumotlaridan olingan nojoʻya taʼsirlari, meyoriy-xuquqiy faoliyatning Tibbiy lugʻati (“MedDRA”) tizimli-aʼzoli sinfiga muvofiq berilgan. Xar bir tizimli-aʼzoli sinfida nojoʻya taʼsirlar paydo boʻlishining tez-tezligini xisobi bilan berilgan, undan eng koʻp uchraydigan nojoʻya taʼsirlari birinchi keltirilgan. Xar bir tez-tezlik guruhida nojoʻya taʼsirlari ularning ogʻirligini kamayishi tartibida berilgan. Bundan tashqari, xar bir nojoʻya taʼsir boʻyicha tez-tezlik toifali quyidagi tasnifga (“CIOMS III”) muvofiq tuzilgan: juda tez-tez (>1/10), tez-tez (≥1/100 dan <1/10 gacha), tez-tez emas (≥1/1000 dan <1/100 gacha), kam hollarda (≥1/10000 dan <1/1000 gacha), juda kam hollarda (≤1/10000).

Qon tizimi va limfatik tizimi tomonidan: juda kam hollarda – trombotsitopeniya, leykopeniya, gemolitik anemiya, aplastik anemiya, anranulotsitoz.

Immun tizimi tomonidan: kam hollarda – oʻta yuqori sezuvchanlik reaksiyalari, anafilaktik/anafilaktoid reaksiyalar, shu jumladan arterial gipotenziya va anafilaktik shok; juda kam hollarda – angionevrotik shish (shu jumladan yuzning shishi).

Ruhiy buzilishlar: juda kam hollarda – dezoriyentatsiya, depressiya, uyqusizlik, tungi daxshatlar, taʼsirchanlik, psixotik buzilishlar.

Nerv tizimi tomonidan: juda kam hollarda – bosh ogʻrigʻi, bosh aylanishi; kam hollarda – uyquchanlik; juda kam hollarda – parasteziya, xotirani buzilishi, tirishishlar, xavotirlik, tremor, aseptik meningit, taʼmni buzilishi, bosh miyada qon aylanishining buzilishi.

Koʻrish aʼzosi tomonidan: juda kam hollarda – koʻrishni buzilishi, koʻrishni tumanlashishi, diplopiya.

Eshitish aʼzosi va labirint tomonidan: tez-tez – vertigo; juda kam hollarda – quloqlarda jaranglash, eshitishni buzilishi.

Yurak tomonidan: tez-tez emas* – miokard infarkti, yurak yetishmovchiligi, yurak urishini tezlashishi, koʻkrak qafasida ogʻriq,

Tomirli buzilishlar: juda kam hollarda – arterial gipertenziya, vaskulit.

Nafas tizimi, koʻkrak qafasi va koʻks oraligʻi tomonidan: kam hollarda – astma (shu jumladan xansirash); juda kam hollarda – pnevmoniya.

Meʼda-ichak yoʻllari tomonidan: tez-tez – koʻngil aynishi, qusish, diareya, dispepsiya, abdominal ogʻriq, meteorizm, ishtahani pasayishi; kam hollarda – gastrit, meʼda-ichak qon ketishi, qonli qusish, gemorragik diareya, melena, meʼda yoki ichak yarasi (qon ketishi, gastrointestinal stenoz, perforatsiya bilan, ular peritonit rivojlanishiga olib kelishlari mumkin yoki ularsiz); juda kam hollarda – kolit (shu jumladan gemorragik kolit, ishemik kolit va yarali kolit yoki Kron kasalligini zoʻrayishi), qabziyat, stomatit, glossit, qiziloʻngach tomonidan buzilishlar, ichakning diafragmasimon kasalliklari, pankreatit.

Gepatobiliar tizimi tomonidan: tez-tez – transaminazalar darajasini oshishi; kam hollarda – gepatit, sariqlik, jigar ffunksiyasini buzilishi; juda kam hollarda – yashinsimon gepatit, jigar nekrozi, jigar yetishmovchiligi.

Teri va teri osti kletchatkasi tomonidan: tez-tez – toshma; kam hollarda – eshakemi; juda kam hollarda – bullyoz dermatit, ekzema, eritema, koʻp shaklli eritema, Stivens-Djonson sindromi, toksik epidermal nekroliz (Layell sindromi), eksfoliativ dermatit, alopetsiya, fotosezuvchanlik reaksiyalari, purpura, Genox-Shenleyn purpurasi, qichishish.

Buyraklar vaSiydik chiqarish tizimi tomonidan: juda kam hollarda – oʻtkir buyrak yetishmovchiligi, gematuriya, proteinuriya, nefrotik sindrom, tubulointestinal nefrit, buyrak papillyar nekrozi.

Umumiy buzilishlar: kam hollarda – shish.

* Tez-tezligi yuqori dozani (sutkada 150 mg) qoʻllash bilan daqvmli davolash maʼlumotlarini aks ettiradi.

Nojoʻya koʻrinishlarini alohida taʼrifi

Arteriotrombotik koʻrinishlar

Meta-tahlil va farmakoepidemiologik maʼlumotlar diklofenakni qoʻllash bilan assotsiatsiyalangan, ayniqsa yuqori dozalar (kuniga 150 mg) qoʻllanganida va davomli davolash vaqtida arteriotrombotik koʻrinishlar (masalan, miokard infarkti) xavfini biroz oshishini koʻrsatadi.

Vizual (koʻrishli) samaralari

Koʻrishni buzilishi, noaniqlik yoki koʻzlarda ikkilanish – NYAQP sinfi uchun xarakterli noxush samaralar, ular, odatda qabul qilish toʻxtatilganidan keyin bartaraf boʻladi. Paydo boʻlishini mumkin boʻlgan mexanizmi, toʻr pardada qon oqimi boshqarilishini buzib, koʻrishni buzilishlariga olib keluvchi prostaglandinlar va boshqa birikmalar sintezini ingibitsiya qilinishi xisoblanadi. Ushbu buzilishlar paydo boʻlgan xolda vizual samaralar paydo boʻlishini boshqa mumkin boʻlgan sabablarini istisno qilish uchun oftalmologik tekshirishni oʻtkazish kerak.

 

Qoʻllash mumkin boʻlmagan holatlar.
  • Taʼsir etuvchi moddaga (diklofenak) yoki preparatning xar qanday boshqa komponentlariga oʻta yuqori sezuvchanlik.
  • Zoʻrayish bosqichidagi meʼda yoki ichakning yara kasalligi; gastrointestinal kon ketishlar yoki perforatsiya.
  • Homiladorlikning oxirgi uch oyligi.
  • Jigar yetishmovchili.
  • Buyrak yetishmovchiligi (kreatinin klirensi <30 ml/min).
  • Ogʻir yurak yetishmovchiligi.
  • Voltaren® preparatini, boshqa nosteroid yalligʻlanishga qarshi preparatlar (NYAQP) kabi, atsetilsalitsil kislotasi yoki boshqa NYAQP qoʻllashga javoban bronxial astma xurujlari, eshakemi yoki oʻtkir rinit, va boshqa allergik simptomlar paydo boʻladigan patsiyentlarda qoʻllash mumkin emas.

 

Dorilarning oʻzaro taʼsiri

CYP2C9 ning ingibitorlari

Diklofenak CYP2C9 ning ingibitorlari (vorikanazol kabi) bilan birga buyurilganida ehtiyotkorilkka rioya qilish kerak, ular diklofenakning metabolizmini ingibitsiya qilish xisobiga qon plazmasida dilofenaknining maksimal konsentratsiyani va ekspozitsiyasini ahamiyatli oshishiga olib kelishi mumkin.

Litiy. Digoksin.

Voltaren® preparati qon plazmasida litiy va digoksinning konsentratsiyasini oshirishi mumkin.

Diuretik va antigipertenziv vositalar

Voltaren® preparati boshqa NYAQP kabi, diuretiklar va antigipertenziv preparatlar (masalan, beta-blokatorlar, aniotenzinga-aylantiruvchi ferment ingibitorlari) bilan bir vaqtda qabul qilinganida, ularning antigipertenziv samarasini pasaytirishi mumkin. Shuning uchun bunday preparatlarning majmuasini ehtiyotkorlik bilan buyurish, patsiyentlarda esa,  ayniqsa keksa yoshdagi,  vaqti-vaqti bilan arterial bosimni nazorat qilish kerak. Patsiyentlar yetarli miqdorda suv isteʼmol qilishlari kerak, yondosh davolash boshlanganidan keyin xususan, diuretiklar va AAF ingibitorlari ishlatilganda nefrotoksiklik paydo boʻlishining yuqori xavfi tufayli, vaqti-vaqti bilan buyrak funksiyasini nazorat qilish kerak.

Siklosporin va takrolimus

Boshqa NYAQP kabi diklofenak ham, buyraklar prostaglandinlariga taʼsiri tufayli, siklosporin va takrolimusning nefrotoksikligini oshirishi mumkin. Shuning uchun preparatni siklosporin yoki takrolimus qabul qilmayotgan patsiyentlarda dikolfenakning kamroq dozalarini qabul qilishni koʻzda tutish kerak.

Boshqa NYAQP va kortikosteroidlar

Diklofenak va boshqa tizimli NYAQP yoki kortikosteroidlarni bir vaqtda qoʻllash, meʼda-ichak yoʻllari tomonidan noxush koʻrinishlar tez-tezligini oshirishi mumkin.

Antikoagulyantlar va trombozga qarshi preparatlar

Garchi klinik sinovlarda Voltaren® preparatini antikoagulyantlar samarasiga taʼsiri aniqlanmagan boʻlsada, Voltaren® preparati va bu preparatlarni bir vaqitda qabul qilgan patsiyentlarda qon ketishi xavfini oshishi xaqida xabarlar boʻlgan. Shuning uchun dori vositalarini bunday qoʻshilishida bemorlarni diqqat bilan va muntazam kuzatish tavsiya etiladi.

Serotonini qayta qamrab olinishi selektiv ingibitorlari (SQQOSI)

Tizimli NYAQP, shu jumladan diklofenak, va SQQOSI ni bir vaqtda qoʻllash, meʼda-ichak qon ketishlari xavfini oshirishi mumkin.

 

 

Diabetga qarshi preparatlar

Klinik tadqiqotlarda Voltaren® preparati va diabetga qarshi preparatlarni bir vaqtda qoʻllash mumkinligi aniqlangan, bunda diabetga qarshi preparatlarning samaradorligi oʻzgarmaydi. Lekin bunday hollarda gipoglikemiyani ham, va giperglikemiyani xam rivojlanishi xaqida aloxida xabarlar bor, bu Voltaren® preparatini qoʻllash vaqtida qandni pasaytiruvchi preparatlarning dozasini oʻzgartirish zaruratini belgilaydi. Shu sababga koʻra davolash vaqtida qonda glyukoza darajasini nazorat qilish tavsiya etiladi.

Diklofenak va metformin bir vaqtda qabul qilinganida, ayniqsa buyraklarning buzilishlari mavjud boʻlgan patsiyentlarda, metabolik atsidozning  rivojlanishi xaqida aloxida xabarlar bor.

Fenitoin

Fenitoin diklofenak bilan birga ishlatilganda, fenitoinning ekspozitsiyasi darajasini kutiladigan oshishi sababli, qon plazmasida fenitoinning konsentratsiyasini monitoringini oʻtkazish tavsiya etiladi.

Metotreksat

Metotreksat qabul qilishdan 24 soat oldin yoki keyin, NYAQP ni buyurishda ehtiyotkorlikka rioya qilish kerak, chunki bunday hollarda qonda metotreksatning konsentratsiyasini oshishi va uning toksik taʼsirini kuchayishi mumkin.

Giperkaliyemiya chaqiruvchi preparatlar

Kaliy tejovchi diuretiklar, siklosporin, takrolimus yoki trimetoprim bilan yondosh davolash, zardobda kaliy darajasini oshirishi mumkin, uni muntazam  nazorat qilish kerak.

Antibakterial vositalar – xinolon hosilalari

Xinolon hosilalari va NYAQP ni bir vaqtda qabul qilgan patsiyentlarda tirishlar rivojlanishini aloxida xabarlari bor.

CYP2C9 induktorlari

Diklofenak va CYP2C9 induktorlari (masalan, rifampitsin) birga buyurilganida ehtiyotkorlikka rioya qilish tavsiya etiladi, ular qon plazmasida diklofenakning konsentratsiyasini va ekspozitsiyasini ahamiyatli pasayishiga olib kelishlari mumkin.

 

Maxsus koʻrsatmalar

Meʼda-ichak yoʻllariga taʼsiri

Barcha NYAQP, shu jumladan dikolfenak qoʻllanganida, meʼda-ichak qon ketishi, yaralar yoki perforatsiya paydo boʻlish hollari qayd etilgan, ular fatal boʻlishi yoki davolash davrida ogoxlantiruvchi simptomlar borligi fonida yoki boʻlmaganda, yoki anamnezida jiddiy  meʼda-ichak kasalliklari boʻlgan patsiyentlarda aniqlanadi. Umuman bunday koʻrinishlar keksa yoshdagi patsiyentlar uchun juda xavfli. Agar Voltaren® preparatini qabul qilayotgan patsiyentlarda meʼda-ichak qon ketishlari yoki yara hosil boʻlishi kuzatilsa, preparatni qoʻllashni toʻxtatish kerak.

Boshqa NYAQP, shu jumladan diklofenak qoʻllashdagi kabi, MIY tomonidan buzilishlar xaqida dalolat beruvchi simptomlari boʻlgan, anamnezida yaralari, qon ketishi yoki MIY perforatsiyasi xaqida maʼlumotlari boʻlgan patsiyentlar uchun, tibbiy kuzatuv va alohida ehtiyotkorlik shart xisoblanadi. Qon ketishlar, yara yoki MIY perforatsiyasi paydo boʻlishini xavfi NYAQP, shu jumladan diklofenak, oshishi bilan, va anamnezida yarasi boʻlgan, ayniqsa qon ketishi bilan asoratlangan patsiyentlarda, shuningdek keksa yoshdagi shaxslarda oshadi. MIY bunday toksik taʼsiri xavfini pasaytirish uchun, davolashni minimal samarali dozalar bilan boshlash va tutib turish kerak.

Yuqorida koʻrsatilgan patsiyentlar va atsetilsalitsil kislotasi (ASK)/aspirinni yoki meʼda-ichak yoʻllarida noxush reaksiyalar xavfini oshirishi mumkin boʻlgan boshqa preparatlarning kichik dozalarini saqlovchi dori dori vositalarini yondosh qoʻllashni talab qiluvchi patsiyentlarda, ximoyalovchi preparatlarni (masalan, proton pompasining ingibitorlari yoki mizoprestolni) qoʻllash bilan majmuaviy davolashning maqsadga muvofiqligini koʻrib chiqish kerak.

Anamnezida meʼda-ichak buzilishlari boʻlgan, ayniqsa keksa yoshdagi patsiyentlar, xar qanday odatdagi boʻlmagan abdominal simptomlar (ayniqsa MIY qon ketishi) xaqida xabar berishlari kerak. Ehtiyotkorlik shuningdek, tizimli kortikosteroidlar, antikoagulyantlar, antitrombotsitar vositalar yoai serotoninni qayta qamrab olinishini selektiv ingibitorlari kabi yaralar yoki qon ketishi paydo boʻlishi xavfini oshirishi mumkin boʻlgan dori vositalarini bir vaqtda qabul qilayotgan bemorlar uchun ham talab etiladi.

Preparat bilan davolash vaqtida yarali koliti yoki Kron kasalligi boʻlgan patsiyentlarni sinchikov tibbiy kuzatuvini amalga oshirish va ehtiyotkorlikka rioya qilish kerak, chunki ularning holati yomonlashishi mumkin.

Yurak-qon tomir tizimiga taʼsiri

NYAQP yuqori dozalarda ishlatilganida va uzoq muddat qabul qilinganida, jiddiy yurak-qon tomir trombotik koʻrinishlar, shu jumladan  insult va miokard infarkti, paydo boʻlish xavfini oshirishi mumkin. Anamnezida yurak-qon tomir kasalliklari (dimlangan yurak yetishmovchiligi, yurak ishemik kasalligi, periferik arteriyalar kasalligi) yoki nazorat qilinmaydigan gipertenziyasi boʻlgan patsiyentlarda, Voltaren® preparati bilan davolash tavsiya etilmaydi.

Zarurati boʻlganda Voltaren® preparati anamnezida yurak-qon tomir kasalliklari, nozorat qilinmaydigan arterial gipertenziyasi yoki yurak-qon tomir kasalliklarining (gipertenziya, giperlipidemiya, qandli diabet va chekish) ahamiyatli xavf omillari boʻlgan patsiyentlarga, faqat sinchiklab baxolangandan keyin va faqat ≤100 mg sutkalik dozalar chegarasida,  4 haftadan ortiq davomiylikdagi davolash xolida buyuriladi.

Dozasi va ekspozitsiyasining oshishi natijasida yurak-qon tomir tizimi tomonidan xavflarini oshishi mumkinligi tufayli, diklofenakning minimal samarali dozasini minimal davr davomida ishlatish kerak. Simptomlarning yengillashishi va davolashga javobni, ayniqsa agar davolash 4 haftadan ortiq davom etsa, patsiyentning ehtiyojini vaqti-vaqti bilan takroriy baholashni oʻtkazish talab qilinadi.

Patsiyentlar ogʻir arteriotrombotik koʻrinishlar (masalan, koʻkrakda ogʻriq, xansirash, kuchsizlik, noaniq nutq)  paydo boʻlishi xavfiga nisbatan xabardor qilingan boʻlishlari kerak, ular xar qanday vaqtda va ogohlantiruvchi simptomlarsiz paydo boʻlishi mumkin. Bunday hollarda patsiyentlar zudlik bilan shifokorga murojaat qilishlari kerak.

Gematologik koʻrsatgichlarga taʼsiri

Boshqa NYAQP kabi bu preparat uzoq muddut buyurilganda, muntazam gemogrammani tekshirish kerak. Boshqa NYAQP kabi diklofenak ham vaqtincha trombotsitlar agregatsiyasini ingibitsiya qilshi mumkin, shuning uchun gemostazning buzilishlari boʻlgan patsiyentlarning holatini sinchiklab nazorat qilish kerak.

Teri reaksiyalari

NYAQP, shu jumladan Voltaren® preparati, qoʻllanganda, juda kam hollarda ogʻir, ayrim hollarda fatal teri reaksiyalari, shu jumladan eksfoliativ dermatit, Stivens-Djonson sindromi va toksik epidermal nekroliz, hollari xaqida xabar berilgan. Bu reaksiyalarning paydo boʻlishini yuqori xavfi davolash kursini boshida, koʻpchilik hollarda davolashning birinchi oyida aniqlangan. Teri toshmalari, shilliq qavatlarning shikastlanishini birinchi koʻrinishlarida yoki oʻta yuqori sezuvchanlikning xar qanday boshqa koʻrinishlarida Voltaren® preparatini bekor qilish kerak.

Ilgari Voltaren® preparatini qabul qilmagan patsiyentlarda, davolash davrida kam hollarda, lekin anafilaktik va anafilaktoid allergik reaksiyalar rivojlanishi mumkin.

Keksa yoshdagi patsiyentlarda (65 yoshdan oshgan) qoʻllanishi

Keksa yoshdagi patsiyentlarda, ayniqsa kuchsizlangan keksa yoshdagi patsiyentlarda va tana vazni yetarli boʻlmagan patsiyentlarda preparatni ehtiyotkorlik bilan qoʻllash kerak.

 

Nafas aʼzolariga taʼsiri (oldingi astma)

Astmasi, mavsumiy allergik riniti, burun shilliq qavatining shishi (masalan, nazal poliplar), oʻpkalarning surunkali obstruktiv kasalliklari yoki nafas yoʻllarining surunkali infeksiyalari boʻlgan patsiyentlarda, NYAQP qabul qilganda, boshqa patsiyentlarga qaraganda koʻproq astmani zoʻrayishi (analgetiklarni oʻzlashtiraolmaslik deb nomlanadigan yoki analgetik astma), Kvinke shishi yoki eshakemi kabi nojoʻya samaralar paydo boʻladi. Shunday qilib, bunday patsiyentlarni davolashda alohida ehtiyotkorlikka rioya qilish kerak. Bu shuningdek boshqa moddalarga allergiyasi, masalan, teri reaksiyalari, qichishish yoki eshakemi boʻlgan patsiyentlarga ham taalluqlidir.

Jigarga taʼsirpi

Jigar funksiyasini buzilishi boʻlgan patsiyentlarga Voltaren® preparati buyurilgan xolda, uning yomonlashishi tufayli, ularning holatini doimiy tibbiy kuzatuvini taʼminlash kerak. Boshqa NYAQP kabi Voltaren® preparati qoʻllanganda, bir yoki bir necha jigar fermentlarining darajasi oshishi mumkin. Voltaren® preparati bilan uzoq muddatli davolashda, oldini olish chorasi sifatida jigar funksiyasini muntazam tekshirish koʻrsatilgan. Agar jigarning funksional koʻrsatgichlari tomonidan buzilishlar saqlansa yoki kuchaysa, agar shikoyatlar yoki jigar kasalligini zoʻrayishiga ishora qiluvchi simtomlar rivojlansa, shuningdek boshqa nojoʻya koʻrinishlar (masalan, eozinofiliya, toshma va boshqalar) paydo boʻlsa, bunday xolda Voltaren® preparatini bekor qilish kerak. Preparatni qabul qilishda gepatitning kechishi prodromal koʻrinishlarsiz oʻtishi mumkinligini nazarda tutish kerak. Jigar porfiriyasi boʻlgan patsiyentlarga Voltaren® preparatini buyurishda ehtiyotkorlikka rioya qilish kerak, chunki u xurujni qoʻzgʻatishi mumkin.

Buyraklarga taʼsiri

NYAQP, shu jumladan  diklofenak bilan davolashda, suyuqlikni tutilish hollari va shishlar qayd qilingan, yurak va buyrak funksiyasining buzilishlari boʻlgan patsiyentlar, anamnezida gipertenziyasi boʻlgan patsiyentlar, keksa yoshdagi patsiyentlar, diuretiklar yoki buyrak funksiyasiga ahamiyatli taʼsir koʻrsatuvchi preparatlarni qabul qilayotgan patsiyentlar, shuningdek xar qanday sababga koʻra, masalan, jiddiy xirurgik aralashuvlargacha va keyingi davrda suyuqlikni xujayradan tashqari xajmi ahamiyatli pasaygan patsiyentlarda aloxida ehtiyotkorlik kerak. Bu hollarda, Voltaren® preparatini qoʻllash vaqtida oldini olish chorasi sifatida buyrak funksiyasini muntazam nazoratini oʻtkazish tavsiya etiladi. Preparatni qabul qilishni toʻxtatish odatda buyrak funksiyasini dastlabki darajagacha tiklanishiga olib keladi. Boshqa NYAQP kabi Voltaren® preparati davomli qoʻllanganda, periferik qonning holatini muntazam nazorat qilish koʻrsatilgan.

NYAQP bilan oʻzaro taʼsiri

Voltaren® preparatini tizimli NYAQP, shu jumladan  siklooksigenaza-2 (SOG-2) ning selektiv ingibitorliri, noxush taʼsiri tufayli, bir vaqtda qoʻllashdan saqlanish kerak.

Infeksion kasalliklarning koʻrinishlarini niqoblanishi

Boshqa NYAQP kabi Voltaren® preparati, oʻzining farmakodinamik xususiyatlari tufayli, infeksion kasalliklarning koʻrinishlari va simptomlarini niqoblashi mumkin.

Homiladorlik va emizish davrida qoʻllanishi

Homilador ayollarda diklofenakni qoʻllash oʻrganilmagan. Shuning uchun Voltaren® preparatini homiladorlikning ikki birinchi uch oyliklari davrida agar faqat uni qoʻllashdan ona uchun kutilayotga foyda homila uchun xavfdan yuqori boʻlmasa buyurish mumkin emas. Boshqa NYAQP kabi, preparatni homiladorlikning uchinchi uch oyida davomida, bachadonning qisqaruvchanlik qobilyatini susayishi, keyingi kamsuvlikni rivojlanishi bilan buyraklarning ona qornidagi rivojlanishini buzilishi va/yoki homilada arterial yoʻlining muddatidan oldin bekilishi oqibatida qoʻllash mumkin emas.

Boshqa NYAQP kabi diklofenak, katta boʻlmagan miqdorlarda koʻkrak sutiga chiqariladi. Shunday qilib, bola uchun noxush reaksiyalarni oldini olish uchun  emizish davrida qoʻllash mumkin emas.

Boshqa NYAQP kabi Voltaren® preparati, ayollar fertilligiga salbiy taʼsir koʻrsatishi mumkin, shuning uchun homiladorlikni rejalashtirayotgan ayollarga preparatni buyurish tavsiya etilmaydi. Homilador boʻlish bilan muammolari boʻlgan yoki bepushtlikka tekshiruvdan oʻtayotgan ayollarda, Voltaren® preparatini bekor qilish maqsadga muvofiqligini koʻrib chiqish kerak.

Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Diklofenakning dozasini oshirib yuborilishini tipik klinik manzarasi yoʻq.  Dozasini oshirib yuborilishi qusish, meʼda-ichakdan qon ketishlar, diareya, bosh aylanishi, quloqlarda shovqin yoki tirishishlar kabi simptomlar bilan birga kechishi mumkin. Yaqqol zaxarlanish xolida oʻtkir buyrak yetishmovchiligi va jigar funksiyasini buzilishi mumkin.

Davolash. NYAQP bilan oʻtkir zaxarlanishni davolash tutib turuvchi va simptomatik davolash vositalarini ishlatishdan iborat. Tutib turuvchi va simptomatik davolash gipotenziya, buyrak yetishmovchiligi, tirishish sindromi, meʼda-ichak yoʻllari tomonidan buzilishlar va nafasning susayishi kabi asoratlarda koʻrsatilgan. Jadallashtirilgan diurez, dializ yoki gemoperfuziyani NYAQP ni chiqarilishi uchun foydali boʻlishining ehtimoli kam, chunki bu preparatlarning faol moddalari ahamiyatli darajada qon oqsillari bilan bogʻlanadi va jadal metabolizmga uchraydi.

Potensial toksik dozani oshirib yuborilishida faollashtirilgan koʻmirni qabul qilish va xayotga potensial xavf soluvchi dozani oshirib yuborilishida meʼda dekontaminatsiyasini (qusish, meʼdani yuvish) oʻtkazish mumkin.

 

Chiqarilish shakli

Ichakda eruvchan qobiq bilan qoplangan tabletkalar 25 mg dan №30, ichakda eruvchan qobiq bilan qoplangan tabletkalar 50 mg №20.

 

Saqlash sharoiti

30oS dan yuqori boʻlmagan haroratda saqlansin. Namlik taʼsiridan himoyalansin.

 

Yaroqlilik muddati

3 yil.

 

Dorixonalardan berish tartibi

Retsept boʻyicha.