Ilovani yuklab oling
Yuklab olish
Волюстим РАСТВОР

Oson Apteka - Dorixonalar ma'lumotnomasi

Волюстим РАСТВОР ДЛЯ ИНФУЗИИ 10% 100мл №1

38 000 so'mdan
(4217)
Dorixonalardagi narx
Xususiyatlari
Xalqaro nomi
Ishlab chiqaruvchi
ДЖУРАБЕК
Chiqarilish shakli
Р-Р Д/ИНФ
Farma. Guruh
Плазмозамещающее средство
Dori tafsilotlari
Tarkibi va ishlab chiqarilish shakli
Dori shakli
Farmakodinamikasi
Farmakokinetikasi
Nojo'ya samaralari
Sotish shartlari
Maxsus shartlar
Qo'llanilishi
Qo'llanilishi mumkin bo'lmagan holatlar
Dori vositalarining o'zaro ta'siri
Maxsus saqlash sharoitlari
Dozirovkasi
Dozani oshirib yuborilishi
Homiladorlik va laktatsiya davrida qullanishi
Tarkibi va ishlab chiqarilish shakli
Дори шакли: 6% ва 10% инфузия учун эритма.

Таркиби:

фаол моддалар: ўрин алмашиниш даражаси - 0,42, ўртача молекуляр массаси 130000 Да бўлган гидроксиэтил крахмал - 60,0 г ва 100 г; натрий  хлориди – 9,0 г;

ёрдамчи модда: инъекция учун сув - 1 литргача.

 
 
Dori shakli
6% ва 10% инфузия учун эритма 100 мл, 250 мл ва 500 мл дан флаконларда.
 
Farmakodinamikasi
Гидроксиэтилкрахмал (ГЭК) амилопектиндан олинади ва молекуляр массаси ва алмашиниш даражаси бўйича характерланади. Волюстим учун ГЭК ўртача молекуляр массаси 130000Да, алмашиниш даражаси - 0,42 атрофида. ГЭК тузилиши бўйича гликогенга яқин бўлиб, бу уни юқори толерантлигини ва анафилактик реакциялар пайдо бўлиш хавфи пастлигини тушунтириб беради.

 

Қон томир ҳавзасида узоқ айланиб юради (коллоидосмотик), айланаётган қон ҳажмини (АҚҲ) оширади, гемодинамик кўрсаткичларни нормаллашишига ва яхшиланишига ёрдам беради. Қон ҳажмини узоқ сақлаш самарасини намаён этади, шунингдек қоннинг реологик хусусиятларига ижобий таъсир кўрсатади.

Волюстим 6% - инфузия учун эритмаси - бу плазма ўрнини босувчи коллоид изоонкотик ГЭК эритмаси, яъни томир ичидаги плазма ҳажми у билан инфузия қилинганда юборилган ҳажмга эквивалент равишда ошади. Волюстим 6% - барқарор волемик самараси препаратни томирга юборилган вақтдан бошлаб, 4 соат давомида 100%ни ташкил қилади. Терапевтик самараси 6 соат давом этади ва моддани молекуляр массасига ва алмашиниш даражасига боғлиқ.

Волюстим 10% - инфузия учун эритмаси - гиперонкотик эритма ҳисобланиб, 100% дан ошадиган яққол волемик самарага эга.

 
Farmakokinetikasi
Гидроксиэтилкрахмалнинг (ГЭК) фармакокинетикаси мураккаб характерга эга ва модданинг молекуляр массасига ва молекуляр алмашиниш даражасига боғлиқ. Унчалик катта бўлмаган молекулалар калава фильтрацияси ёрдамида, ўлчами катта молекулалар – α-амилаза билан ферментатив гидролизга учрайди ва кейинчалик буйрак орқали чиқарилади. Киритилган дозанинг 50% га яқин қисми сийдик билан 24 соат давомида чиқарилади.

 

500 мл Волюстимни бир марта юборилганда ГЭК молекулалари организмдан 24 соатдан кейин тўлиқ чиқарилади. Кўнгиллиларга хатто ҳар куни 500 мл 10% эритмани 10 кун давомида юборилганда модданинг қон плазмасида сезиларли тўпланиши аниқланмаган.

ГЭК 200/0,5 га нисбатан Волюстим плазма ўрнини босувчи самараси сақланиб,  яхшиланган (метаболизми ва чиқарилиши оптималлашган) фармакокинетикасига эга. Бунда препаратни кўп марта хатто юқори дозаларда юборилганда гемостаз тизимига бўлган таъсирининг сусайиши ва ГЭК тўқималарда тўпланишини пасайиши юз берган.

 
Nojo'ya samaralari
Турли оғирлик даражасидаги аллергик и анафилактик реакциялар, ўпка шиши, юрак етишмовчилиги, қон зардобида амилаза даражасини ошиши; катта доза қўлланганда (қон ивиш вақтини, протромбин ва қисман тромбин вақтини транзитор узайиши), гемодилюцияда - зардобдаги умумий оқсил, альбумин, кальций ва фибриногенни, гемоглобин даражасини пасайииши (24 соат давомида) юз бериши мумкин. Узоқ вақт юқори дозаларда юборилганда терини қичишиши пайдо бўлиши мумкин.
 
Sotish shartlari
Рецепт бўйича.
 
Maxsus shartlar
Аллергик реациялар ривожланганида дарҳол инфузияни тўхтатиш ва тегишли шошилинч даволашни ўтказишни бошлаш лозим.

 

Препаратни қўллаш вақтида организмни етарли гидратациясини таъминлаш лозим. Қон зардобида электролитлар миқдорини, сув мувозанатини назорат қилиш тавсия қилинади. Яққол дегидратация ҳолларида биринчи навбатда сув-электролит мувозанатини нормаллаштириш лозим, тузли эритмаларни юбориш афзал ҳисобланади. Даволашни ўтказишда буйрак функциясини назорат қилиш лозим.

Айниқса йўлдош юрак патологияси бўлган пациентларда, кекса пациентларда қон ҳажмини хаддан зиёд ошишидан сақланиш лозим .

Препаратни катта ҳажмларини юбориш агглютинация реакцияларига таъсир қилиши мумкин ва қон гуруҳини аниқлашда сохта-мусбат натижаларини бериши мумкинлиги туфайли, пациентни қайси қон гуруҳига таалуқлигини аниқлаш учун қон синамасини Волюстимни юборишдан олдин олиш керак.

Болалар учун дозаларни болани коллоидларга бўлган эҳтиёжига кўра ва асосий касалликни оғирлиги, гемодинамик кўрсаткичлари ва сув мувозанатини ҳисобга олган ҳолда, индивидуал танлаш лозим. Волюстимни чала туғилган чақалоқларда фақат хавф/фойда нисбатларини синчков баҳолагандан кейин қўллаш мумкин.

Препаратни юборилиши қон зардобида амилаза даражасини ошишига олиб келиши мумкин, бу панкреатитни аниқлашда ҳалақит бериши мумкин. Бу самарага меъда ости бези фаолиятини бузилиши сифатида қараш керак эмас. У гидроксиэтилкрахмаллар метаболизми билан боғлиқ.

Волюстимни ошган дозалари суюлтириш самарасини (дилюция) чақиради ва гематокритни пасайишига, шунингдек гемоглобин концентрациясини, коагуляция омилларини ва бошқа плазма протеинларини  пасайишига олиб келади.

Юборилган дозага кўра ГЭК эритмалари коагуляция омилларини концентрацияларини пасайишини чақириши, қон кетиш вақтини ва ФПТВ (фаоллаштирилган парциал тромбопластин вақтини) индексини ошириши, Виллебранд омилини фаоллигини камайтириши мумкин. Аммо Волюстимни қўллаганда бу ўзгаришлар олдинги авлод ГЭК препаратлари инфузия қилингандагига нисбатан аҳамиятли дараражада пасайган ва препаратнинг инфузияси тўхтатилгандан  6 соатдан кейин дастлабки даражасига қайтади.

Қуйиш учун фақат тиниқ бироз товланувчи ва бироз сариқ ранглигача бўлган даражада рангсиз эритмаларни ишлатиш лозим.

Фақат шикастланмаган флаконлардаги препаратни ишлатиш лозим. Флакон фақат бир марта қўллаш учун мўлжалланган. Волюстимни флакон очилгандан кейин иложи борича тезроқ ишлатиш керак.

Ҳомиладорлик ва лактация

Препарат ҳомиладорликда препаратни ишлатилгандаги она учун бўлган фойда, ҳомила учун тадқиқот бўлган потенциал хавфдан устун бўлган ҳолларда қўлланади. Ҳайвонлардаги экспериментал тадқиқотларда препаратни ҳомиладорликни кечишига, эмбрионни/ҳомилани ривожланишига, туғруқларга ва постнатал ривожланишга бевосита ёки билвосита ножўя таъсири аниқланмаган. Тератогенлик белгилари кузатилмаган.

Ушбу препаратни эмизикли оналарда ишлатиш бўйича маълумотлар йўқ. Бу препаратни аёлларга лактация даврида буюрилганда эҳтиёткорлик намоён қилиш дозим.

 

 
Qo'llanilishi
Гиповолемияни ва гиповолемик шокни (куйишларда, қон кетишларида, жароҳатларда, инфекцион касалликларда, операцияларда) олдини олиш ва даволаш, ўткир нормоволемик гемодилюция, терапевтик гемодилюция, центрифуга қилиш йўли билан лейкоцитар массани йиғишни ошириш (лейкаферезда қўшимча востита сифатида), қон ўрнини босишда юборилган қон препаратларини ҳажмини камайтириш учун қўлланади.
 
Qo'llanilishi mumkin bo'lmagan holatlar
Ўта юқори сезувчанлик, сепсис, куйишлар, оғир геморрагик диатезлар ва қон кетишлари билан кечувчи қон ивиш тизимининг бошқа бузилишларида, шу жумладан коагулопатияларда, бош мия ички қон кетишларида, гиперволемия, гипергидратация, сув-электролит мувозанатини тўғрилашни талаб қилувчи дегидратацияда, оғир димланган юрак етишмовчилиги, буйрак функциясини олиго- ва анурия билан кечувчи яққол бузилишларида (гиповолемия билан боғлиқ бўлмаган), оғир жигар етишмовчилиги, гемодиализда бўлган пациентларда қўллаш, гиперхлоремия, гипернатриемия.

 

Препаратни жигарнинг сурункали касалликларида, қон ивишини бузилишларида, (айниқса гемофилияда ва аниқланган ва ёки шубҳа қилинаётган Виллебранд касаллигида), болаларга (препаратни юбориш хавфсизлиги ва самарадорлиги етарли ўрганилмаган, шунинг учун уни болаларда препаратни ишлатишдан кутиладиган терапевтик самара потенциал хавфдан устун бўлган ҳолларда қўллаш мумкин) ўта эҳтиёткорлик билан қўллаш лозим.

 
Dori vositalarining o'zaro ta'siri
Аминогликозид антибиотикларнинг нефротоксиклигини оширади. Препаратни бошқа моддалар билан аралаштиришдан сақланиш лозим. Бошқа инфузион эритмалар, инфузион эритмаларни тайёрлаш учун концентратлар, инъекцион эритмалар ва инъекция учун эритмаларни тайёрлаш учун кукунлар билан аралаштирилганда кимёвий ва терапевтик номутаносиблик кузатилиши мумкин.
 
Maxsus saqlash sharoitlari
Қуруқ ва ёруғликдан ҳимояланган жойда, 250С дан юқори бўлмаган ҳароратда сақлансин.

 

Музлатилишига йўл қўйилмасин!

Препаратни болалар ололмайдиган жойда сақлансин.

 

Яроқлилик муддати

2 йил.

Ўрамида кўрсатилган яроқлилик муддати ўтганидан кейин қўлланилмасин.

 

 
Dozirovkasi
Эритма вена ичига юбориш учун мўлжалланган.

 

Суткалик доза ва юбориш тезлиги йўқотилган қон ҳажмига, гемодинамик параметрларга ва қонни суюлтирилиш даражасига (гемодилюция) боғлиқ.

Анафилактик реакциялар  хавфини максимал эрта аниқлаш учун беморларга препаратнинг биринчи 10-20 мл секин тиббий ходимнинг доимий назорати остида юбориш лозим.

6% эритма - катталар: суткада тана вазни кг 33 мл гача. Клиник текширувларда 6% эритмани тана вазни кг суткада 33 мл дан 50 мл гача дозада қўлланилишини чекланган тажрибаси бор

Болаларда қўлланилиши. Болаларда 6% изоотоник эритмани қўллаган маъқулроқдир.

Янги туғилган чақалоқларда ва 10 ёшгача бўлган болаларда суткалик дозани 6% эритмасини тана вазни кг 25 мл, 10-16 ёшгача бўлган болаларга суткалик дозани тана вазни кг 33 мл ни ташкил қилади.

10% эритма - катталар: максимал суткалик дозаси 30 мл/кг. Болаларда 10% эритмани қўлланиши ва тавсия қилинадиган дозалари тўғрисида клиник маълумотлар йўқ. Болаларда 6% изоонкотик эритмани  қўллаган маъқулроқдир.

Даволаниш давомийлиги гиповолемиянинг давомийлиги ва оғирлигига, гемодинамикага ва гемодилюцияга боғлиқ.

Максимал юбориш тезлиги клиник вазиятга боғлиқ. Шокнинг ўткир босқичда тавсия қилинадиган юбориш тезлиги тана вазнигача соатига 20мл/кг (соатига 1,2 г ГЭК/ кг тана вазнига).

 
Dozani oshirib yuborilishi
Препаратни ҳаддан зиёд дозада ёки юқори тезликда юборилганда айланаётган қон ҳажмини хаддан зиёд ошиши бўлади.

 

Даволаш: препаратни юборишни тўхтатиш, зарур бўлганида диуретикларни буюриш.

 
Homiladorlik va laktatsiya davrida qullanishi

Препарат ҳомиладорликда препаратни ишлатилгандаги она учун бўлган фойда, ҳомила учун тадқиқот бўлган потенциал хавфдан устун бўлган ҳолларда қўлланади. Ҳайвонлардаги экспериментал тадқиқотларда препаратни ҳомиладорликни кечишига, эмбрионни/ҳомилани ривожланишига, туғруқларга ва постнатал ривожланишга бевосита ёки билвосита ножўя таъсири аниқланмаган. Тератогенлик белгилари кузатилмаган.

 

Ушбу препаратни эмизикли оналарда ишлатиш бўйича маълумотлар йўқ. Бу препаратни аёлларга лактация даврида буюрилганда эҳтиёткорлик намоён қилиш дозим.