Ilovani yuklab oling
Yuklab olish
Визмеро ПОРОШОК

Oson Apteka - Dorixonalar ma'lumotnomasi

Визмеро ПОРОШОК ДЛЯ ИНЪЕКЦИИ 1г №1

49 000 so'mdan
(1986)
Dorixonalardagi narx
Xaritada topish
Tavsif
Визмеро ПОРОШОК ДЛЯ ИНЪЕКЦИИ 1г №1
Xususiyatlari
Xalqaro nomi
Ishlab chiqaruvchi
Chiqarilish shakli
Farma. Guruh
Dori tafsilotlari
Dori shakli:
Tarkibi:
Taʼrifi:
Farmakoterapevtik guruhi:
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish shartlari
Dori shakli:

 infuziya uchun eritma tayyorlash uchun kukun

 

Tarkibi:

1 flakon quyidagilarni saqlaydi:

faol modda: 500 mg va 1000 mg suvsiz meropenemga ekvivalent meropenem trigidrati;

yordamchi modda – natriy karbonati.

 

Taʼrifi:

 oq rangdan sargʻish ranggacha boʻlgan kukun.

 

Farmakoterapevtik guruhi:

 Beta-laktam antibakterial boshqa preparatlar. Karbapenemlar. Meropenem.

 

Farmakologik xususiyatlari

Farmakodinamikasi

Vizmero – karbapenemlar sinfiga mansub antibiotikdir, u parenteral qoʻllanish uchun moʻljallangan boʻlib, odamning degidropeptidaza-1 (DGP-1) ga nisbatan barqaror, DGP-1 ingibitori qoʻshimcha yuborilishini talab qilmaydi.

Meropenem bakteriyalarning hujayra devorlari sinteziga taʼsir koʻrsatish hisobiga bakteritsid taʼsir koʻrsatadi. Meropenemning keng doiradagi aerob va anaerob bakteriyalarga qarshi yaqqol ifodalangan bakteritsid taʼsiri Meropenemning bakteriyalar hujayra devorlari orqali oʻtishiga yuqori darajada qobiliyati, b-laktamazalarning koʻpchiligiga nisbatan yuqori darajada barqarorligi va penitsillin-bogʻlovchi oqsillarga (PBO) sezilarli darajada affinlik bilan izohlanadi. Minimal bakteritsid konsentratsiyalari (MBK) odatda minimal ingibitsiya qiluvchi konsentratsiyalar (MIK) kabi oʻxshash boʻladi. Testdan oʻtkazilgan 76% bakteriyalar turlari uchun MBK/MIK nisbati 2 ga teng yoki undan kam boʻlgan.

Meropenem qoʻzgʻatuvchining sezuvchanligini aniqlash testlarida barqaror boʻladi. Meropenem turli xil antibiotiklar bilan sinergik taʼsir qiladi. Shuningdek Meropenem post-antibiotik taʼsirga ega.

Meropenemning antibakterial faollik doirasi klinik tajriba va davolash tavsiyalariga asoslangan holda quyidagi turlarni oʻz ichiga oladi:

Grammusbat aeroblar:

Enterococcus faecalis (E. faecalis oʻz tabiatiga koʻra oraliq sezuvchanlikni namoyon qilishi mumkin), Staphylococcus aureus (faqat metitsillinga sezgir shtammlar: metitsillinga rezistent stafilokokklar, shu jumladan MRSA meropenemga nisbatan chidamlilikni namoyon qiladi), Staphylococcus turkumidagi turlar, shu jumladan Staphylococcus epidermidis (faqat metitsillinga sezgir shtammlar: metitsillinga rezistent stafilokokklar, shu jumladan MRSЕ meropenemga nisbatan chidamlilikni namoyon qiladi), Streptococcus agalactiae (V guruhidagi streptokokklar), Streptococcus milleri guruhi (S. anginosus, S. constellatus, S. intermedius), Streptococcus pneumoniae, Streptococcus pyogenes (A guruhidagi streptokokklar).

Grammanfiy aeroblar:

Citrobacter freundii, Citrobacter koseri, Enterobacter aerogenes, Enterobacter cloacae, Escherichia coli, Haemophilus influenzae, Klebsiella oxytoca, Klebsiella pneumoniae, Morganella morganii, Neisseria meningitidis, Proteus mirabilis, Proteus vulgaris, Serratia marcescens.

Anaerob grammusbat bakteriyalar:

Clostridium perfringens, Peptoniphilus asaccharolyticus, Peptostreptococcus species (shu jumladan P. micros, P anaerobius, P. magnus).

Anaerob grammanfiy bakteriyalar

Bacteroides caccaeBacteroides fragilis guruht, Prevotella biviaPrevotella disiens.

Orttirilgan rezistentlik muammosi mavjudligi mumkin boʻlgan turlar:

Grammusbat aeroblar

Enterococcus faecium (ayrim Yevropa mamlakatlarida E. faecium orasida chidamlilik tez-tezligi 50% dan ortiq shtammlarni tashkil etadi).

Grammanfiy aeroblar

Acinetobacter, Burkholderia cepacia, Pseudomonas aeruginosa.

Ilgaridan rezistent boʻlgan mikroorganizmlar

Grammanfiy aeroblar

Stenotrophomonas maltophilia, Legionella sp.

Boshqa ilgaridan rezistent boʻlgan mikroorganizmlar

Chlamydophila pneumoniaeChlamydophila psittaciCoxiella burnetiiMycoplasma Pneumoniae

Orttirilgan chidamlilikning tarqalganligi ayrim turlar uchun geografik jihatdan va vaqt oraligʻida oʻzgaruvchan boʻlishi mumkin, shu sababli rezistentlik haqida, ayniqsa ogʻir infeksiyalarni davolashda, mahalliy axborotga ega boʻlish maqsadga muvofiq. Zarurati boʻlganida, yaʼni rezistentlikning lokal tarqalganligi preparatni qoʻllashdan keladigan foyda eng kamida infeksiyalarning ayrim turlariga nisbatan noaniq boʻlgan hollarda, shifokor bilan maslahatlashish lozim.

Farmakokinetikasi

Sogʻlom odamlarda oʻrtacha yarim chiqarilish davri taxminan 1 soatni tashkil etadi; oʻrtacha taqsimlanish hajmi taxminan 0,25 l/kg (11-27 l) ni, oʻrtacha klirens esa 250 mg dozada minutiga 287 ml ni tashkil etadi va 2 g dozada minutiga 205 ml gacha pasayadi. 30 minut davomida yuboriladigan 500, 1000 va 2000 mg li dozalar Cmax ning muvofiq ravishda taxminan 23, 49 va 115 mkg/ml oʻrtacha qiymatlariga olib keladi, bu AUC ning 39,3; 62,3 va 153 mkg*soat/ml ga teng boʻlgan qiymatlariga mos keladi. 500 va 1000 mg li dozalarni 5 minut davomida infuziyasidan keyin Cmax qiymatlari muvofiq ravishda 52 va
112 mkg/ml ni tashkil etadi. Koʻp martalik dozalarni buyrak faoliyati normal boʻlgan patsiyentlarga 8 soatlik interval bilan yuborilganida meropenemni toʻplanishi yuz bermaydi.

Intraabdominal infeksiyalarni davolash uchun jarrohlik operatsiyasidan keyin meropenem 1000 mg dozada har 8 soatda yuborilgan 12 nafar patsiyentda oʻtkazilgan tadqiqotlar ushbu patsiyentlarda Cmax va yarim chiqarilishi davrining qiymatlari sogʻlom odamlardagi qiymatlar bilan bir xil boʻlishini, ammo taqsimlanish hajmi 27 l ni tashkil etishini koʻrsatadi.

1 g meropenemni 2 minut, 3 minut va 5 minut davomida vena ichiga infuziyasi plazmada muvofiq ravishda 110, 91 va 94 mkg/ml ga teng boʻlgan choʻqqi konsentratsiyalariga olib keladi.

Taqsimlanishi

Meropenemni plazma oqsillari bilan oʻrtacha bogʻlanishi taxminan 2% ni tashkil etadi va uning konsentratsiyasiga bogʻliq boʻlmaydi. Meropenem organizmning ayrim suyuqliklari va toʻqimalariga, shu jumladan oʻpka, bronxial sekret, safro, orqa miya suyuqligi, ginekologik toʻqimalar, teri, mushak pardalari, mushaklar va peritoneal ekssudatga yaxshi oʻtadi.

Metabolizmi

Meropenem mikrobiologik faol boʻlmagan metabolitni hosil qilgan holda β-laktam halqani gidrolizi yoʻli bilan metabolizmga uchraydi. In vitro sharoitda meropenem odamning degidropeptidaza-I (DGP-I) si bilan gidrolizga nisbatan imipenem bilan taqqoslanganda pasaytirilgan sezuvchanlikni namoyon qiladi, shu sababli DGP-I ingibitorlarini birga qoʻllanilishiga zarurat yoʻq.

Chiqarilishi

Meropenem asosan oʻzgarmagan koʻrinishda buyraklar orqali chiqariladi, dozaning taxminan 70% (50-75%) oʻzgarmagan koʻrinishda 12 soat davomida chiqariladi. Yana 28% mikrobiologik faol boʻlmagan metabolitlar koʻrinishida chiqariladi. Ahlat bilan chiqarilishi dozaning faqat 2% ni tashkil etadi. Buyrak klirensini va probenetsid taʼsirini oʻlchash meropenem filtratsiya ham, kanalchalar sekretsiyaga ham uchratilishini koʻrsatadi.

Meropenemni bolalarda va kattalardagi farmakokinetikasi oʻxshash. Meropenemni 2 yoshgacha boʻlgan bolalarda yarim chiqarilish davri taxminan 1,5-2,3 soatni tashkil etadi, 10-40 mg/kg dozalar diapazonida proporsional bogʻliqlik kuzatiladi.

Buyrak yetishmovchiligi boʻlgan patsiyentlarda farmakokinetikaga doir tadqiqotlar meropenem klirensi kreatinin klirensi bilan oʻzaro bogʻlanganligini koʻrsatadi. Bunday bemorlarda dozaga tuzatish kiritish zarur.

Keksa yoshdagi shaxslarda farmokokinetikani oʻrganilishida kreatinin klirensining yoshga doir pasayishi bilan oʻzaro bogʻliq boʻlgan meropenem klirensining pasayishi aniqlangan.

Jigar kasalliklari boʻlgan patsiyentlarda farmakokinetika tadqiqotlari mazkur patologik oʻzgarishlar meropenem farmakokinetikasiga taʼsir etmasligini koʻrsatadi.

 

Qoʻllanilishi

Vena ichiga yuborish uchun Vizmero preparati bolalar va kattalarda meropenemga sezgir boʻlgan bitta yoki bir nechta qoʻzgʻatuvchilar keltirib chiqargan quyidagi infeksiyalarni davolash uchun:

  • pnevmoniya, shu gospital pnevmoniyada
  • siydik chiqarish tizimining infeksiyalarida
  • qorin boʻshligʻining infeksiyalarida
  • endometrit va kichik chanoq aʼzolarini yalligʻlanishi kabi ginekologik infeksiyalarda
  • teri va yumshoq toʻqimalarning infeksiyalarida
  • meningitda
  • septitsemiyada
  • katta yoshdagi patsiyentlarda febril neytropeniya simptomlari boʻlgan infeksiyaga shubha qilinganida monoterapiya koʻrinishida yoki viruslarga qarshi yoki zamburugʻlarga qarshi vositalar bilan majmuada empirik davolash uchun buyuriladi.

Meropenem polimikrob infeksiyalarni davolashda monoterapiya sifatida yoki boshqa antimikrob vositalar bilan majmuada samaradorligini namoyish qildi.

Vena ichiga yuborish uchun Vizmero preparati kistozli fibrozi (mukovissidozi) va quyi nafas yoʻllarining surunkali infeksiyalari boʻlgan patsiyentlarda monoterapiya sifatida yoki boshqa antibakterial vositalar bilan majmuada samarali qoʻllaniladi.

Preparatni pediatriya amaliyotida neytropeniyali yoki birlamchi yoki ikkilamchi immuntanqisligi boʻlgan patsiyentlarda qoʻllash tajribasi yoʻq.

 

Qoʻllash usuli va dozalari

Dozalar va davolash davomiyligi infeksiyaning turi va ogʻirligiga va patsiyentning holatiga bogʻliq holda belgilanishi kerak.

Quyidagi sutkalik dozalar tavsiya etiladi:

pnevmoniya, siydik chiqarish yoʻllarining infeksiyalari, endometrit kabi ginekologik infeksiyalar, teri va teri tuzilmalarining infeksiyalarini davolashda har 8 soatda vena ichiga 500 mg;

gospital pnevmoniyalar, peritonitni davolashda, neytropeniya, shuningdek septitsemiya simptomlari boʻlgan bemorlarda bakterial infeksiyalarga shubha qilinganida har 8 soatda vena ichiga 1 g.

Pseudomonas aeruginosa, Acinetobacter spp keltirib chiqargan infeksiyalarda, shuningdek ushbu qoʻzgʻatuvchilarga shubha qilinganida va qoʻzgʻatuvchi aniqlanmagan hollarda tavsiya etilgan doza kattalar uchun sutkada uch marta 1 g yoki undan ortiq va bolalar uchun sutkada uch marta 40 mg/kg ni tashkil etadi.

Kistozli fibrozda (mukovissidozda) tavsiya etilgan doza har 8 soatda 2 g gachani tashkil etadi.

Meningitni davolashda tavsiya etiladigan doza har 8 soatda 2 g ni tashkil etadi.

Buyrak faoliyatini buzilishi boʻlgan kattalarda qoʻllaniladigan dozalari

Kreatinin klirensi minutiga 51 ml boʻlgan patsiyentlarda doza quyidagi tarzda kamaytirilishi kerak:

Kreatinin klirensi

(ml/min)

Dozasi

(500 mg, 1 g, 2 g dozalar birligi asosida)

Yuborilish

tez-tezligi

26–50

bitta doza birligi

har 12 soatda

10–25

0,5 doza birligi

har 12 soatda

< 10

0,5 doza birligi

har 24 soatda

Meropenem gemodializ va gemofiltratsiyada chiqariladi. Agar meropenem bilan uzoq muddatli davolash talab qilinsa, doza birligi (infeksiyaning turi va ogʻirligidan kelib chiqqan holda) qon plazmasida samarali konsentratsiyani tiklash uchun gemodializ muolajasi yakunlanishi bilan yuborilishi tavsiya etiladi.

Jigar faoliyatini buzilishi boʻlgan katta yoshdagi patsiyentlarda dozalari

Jigar yetishmovchiligi boʻlgan bemorlarda dozaga tuzatish kiritish zarurati yoʻq.

Keksa yoshdagi patsiyentlar

Buyrak faoliyati normal boʻlgan yoki kreatinin klirensi minutiga 50 ml dan ortiq keksa yoshdagi bemorlarda dozaga tuzatish kiritish talab qilinmaydi.

Bolalar

3 oylikdan to 12 yoshgacha boʻlgan bolalar uchun vena ichiga yuborish uchun tavsiya etiladigan doza infeksiyaning turi va ogʻirligiga, patogen mikroorganizmning sezgirligiga va patsiyentning holatiga bogʻliq holda har 8 soatda 10 – 20 mg/kg ni tashkil etadi.

Tana vazni 50 kg dan ortiq boʻlgan bolalarda kattalar uchun tavsiya etiladigan dozalardan foydalanish lozim.

Kistozli fibrozi (mukovissidoz) boʻlgan 4 yoshdan 18 yoshgacha boʻlgan bolalarda quyi nafas yoʻllarining surunkali infeksiyalari zoʻraygan davrda har 8 soatda 25 dan 40 mg/kg gacha boʻlgan dozalari qoʻllaniladi.

Meningitda tavsiya etiladigan doza har 8 soatda 40 mg/kg ni tashkil etadi.

Buyrak faoliyati buzilishlari boʻlgan bolalarda preparatni qoʻllash tajribasi yoʻq.

Yuborilish usuli

Vena ichiga yuborish uchun qoʻllaniladigan Vizmero preparati suyultirish uchun tegishli infuziya eritmalaridan foydalangan holda kamida 5 minut davomida vena ichiga oqim bilan inyeksiya yoki 15-30 minut davomida vena ichiga infuziya koʻrinishida yuborilishi mumkin.

Vena ichiga oqim bilan inyeksiya uchun Vizmero preparatini inyeksiya uchun steril suvda (250 mg meropenemga 5 ml) suyultirish lozim, bunda preparat konsentratsiyasi taxminan 50 mg/ml ni tashkil etadi. Hosil qilingan eritma tiniq rangsiz yoki och sariq rangli suyuqlikni ifodalaydi.

Preparatni kattalarga 2 g va bolalarga 40 mg/kg dozada oqim bilan yuborish xavfsizligini qoʻllab-quvvatlashga doir cheklangan maʼlumotlar mavjud.

Vena ichiga infuziyalar uchun Vizmero preparati mutanosib infuziya suyuqligi bilan (50 dan 200 ml gacha) suyultirilishi mumkin.

Vizmero boshqa preparatlar bilan aralashtirilmasligi yoki ularga qoʻshilmasligi kerak.

Vizmero quyidagi infuzion eritmalar bilan mutanosib:

  • 0,9% li natriy xloridi eritmasi
  • 5% yoki 10% li glyukoza eritmasi.

Vizmero preparatini suyultirishda standart antiseptika tartibiga rioya qilish lozim. Suyultirilgan eritmani ishlatishdan oldin silkitib chayqating.

Barcha flakonlar faqat bir marta qoʻllash uchun moʻljallangan.

Vena ichiga inyeksiyalar va infuziyalar uchun Vizmero preparatining yangi tayyorlangan eritmasini qoʻllash tavsiya etiladi.

Vizmero preparatining eritmasi darhol ishlatilishi yoki quyidagi jadvalda koʻrsatilgan vaqt davomida muzlatgichda (4°S gacha) saqlanishi kerak:

Erituvchi

Saqlash davomiyligi (soat)

15-25oS da

4oS da

Inyeksiya uchun suv bilan suyultirilgan, oqim bilan inyeksiya uchun moʻljallangan flakonlar

 

8

 

24

Quyidagilardan tayyorlangan eritmalar (1-20mg/ml):

0,9% li natriy xlorididan

10

48

5% li glyukozadan

3

18

10% li glyukozadan

2

8

Vizmero preparatining eritmasi muzlatilmasligi kerak.

 

Nojoʻya taʼsirlari

Tez-tez

  • trombotsitemiya;
  • bosh ogʻrigʻi;
  • koʻngil aynishi, qusish, diareya;
  • qon zardobida alaninaminotransferaza, aspartataminotransferaza, ishqoriy fosfataza, laktat-degidrogenaza va γ-glutamiltransferaza konsentratsiyasini oshishi;
  • toshma, qichishish;
  • yuborilgan joyida yalligʻlanish va ogʻriq.

Tez-tez emas

  • ogʻiz boʻshligʻi kandidozi va vaginal kandidoz;
  • eozinofiliya, trombotsitopeniya, leykopeniya, neytropeniya;
  • paresteziyalar;
  • qon zardobida bilirubin konsentratsiyasini oshishi;
  • eshakemi;
  • tromboflebit.

Kam hollarda

  • tirishishlar;
  • agranulotsitoz.

Juda kam hollarda

  • gemolitik anemiya;
  • Kvinke shishi, anafilaksiyani namoyon boʻlishi;
  • soxtamembranoz kolit;
  • koʻp shaklli eritema, Stivens-Djonson sindromi va toksik epidermal nekroliz.

 

Qoʻllash mumkin boʻlmagan holatlar
  • homiladorlik va laktatsiya davrida;
  • anamnezda meropenemga va preparatning boshqa komponentlariga, shu jumladan boshqa beta-laktam antibakterial vositalariga yuqori sezuvchanlikda;
  • 3 oylikkacha boʻlgan bolalarda (mazkur guruhdagi patsiyentlarda preparat samaradorligi va xavfsizligi oʻrganilmagan) qoʻllash mumkin emas.

Ehtiyotkorlik bilan:

Vizmero preparatini potensial nefrotoksik preparatlar bilan bir vaqtda buyurilganda. Meʼda-ichak kasalliklari boʻlgan, ayniqsa kolitlar bilan xastalangan shaxslarda ehtiyotkorlik bilan qoʻllash lozim.

 

Dorilarning oʻzaro taʼsiri

Probenetsid buyrak ekskretsiyasini ingibitsiya qilgan va plazmada Vizmero preparatining yarim chiqarilishi davri va konsentratsiyasi oshishini keltirib chiqargan holda faol kanalchalar sekretsiya uchun Vizmero preparati bilan raqobatlashadi. Probenetsidsiz yuboriladigan Vizmero preparatining samaradorligi va taʼsir etish davomiyligi adekvat boʻlganligi sababli, probenetsidni Vizmero preparati bilan birga yuborish tavsiya etilmaydi.

Boshqa preparatlarning oqsillar bilan bogʻlanishiga Vizmero preparatini ehtimol qilingan taʼsiri yoki metabolizmi oʻrganilmagan. Vizmero preparatini oqsillar bilan bogʻlanishi past (taxminan 20%) boʻlib, plazma oqsillaridan siqib chiqarilishiga asoslangan boshqa preparatlar bilan oʻzaro taʼsiri boʻlmasligi taxmin qilinadi.

Vizmero qon zardobida valproat kislotasi darajasini kamaytirishi mumkin. Valproat kislotasi/natriy valproatini Vizmero preparati bilan bir vaqtda qoʻllanilishi tavsiya etilmaydi.

Boshqa preparatlarni qabul qilish vaqtida Vizmero preparatini qoʻllanilishi noxush farmakologik oʻzaro taʼsirlar rivojlanishi bilan kechmagan. Biroq kutilishi mumkin boʻlgan dorilarning oʻzaro taʼsiri haqidagi maxsus maʼlumotlar yoʻq.

 

Maxsus koʻrsatmalar

Vizmero preparatidan monoterapiya sifatida foydalanilganida boshqa antibiotiklarni qoʻllashdagi kabi, Pseudomonas aeruginosa keltirib chiqaruvchi quyi nafas yoʻllarining aniqlangan infeksiyasi boʻlgan ogʻir holatdagi patsiyentlarda yoki unga shubha qilinganida ushbu antibiotikka sezgirlikka oid test muntazam ravishda oʻtkazilishi va qoʻllanilishida ehtiyotkorlikka rioya qilinishi tavsiya etiladi.

Vizmero preparati qoʻllanilganida kam hollarda deyarli barcha antibiotiklarni qoʻllashdagi kabi soxtamembranoz kolit rivojlanishi kuzatilib, u ogʻirlilik darajasi boʻyicha yengildan to hayotga xavf soluvchi shaklda oʻzgaruvchan boʻlishi mumkin. Shu sababli meʼda-ichak kasalliklari boʻlgan, ayniqsa koliti boʻlgan patsiyentlarga antibiotiklar ehtiyotkorlik bilan buyurilishi kerak. Vizmero preparatini qabul qilish fonida diareya rivojlangan holda “soxtamembranoz kolit” tashhisini nazarda tutish muhim. Garchi tadqiqotlar Clostridium difficile tomonidan ishlab chiqariladigan toksin antibiotikni qoʻllash bilan bogʻliq kolitlarning asosiy sabablaridan biri boʻlishini koʻrsatsa ham, shunga qaramay boshqa sabablarni ham nazarda tutish zarur.

Boshqa karbapenemlar va beta-laktam antibiotiklar, penitsillinlar va sefalosporinlar oʻrtasida qisman kesishgan allergogenlik haqidagi maʼlumotlar mavjud. Vizmero preparati bilan davolash boshlanishidan oldin anamnezda beta-laktam antibiotiklarga yuqori sezuvchanlik reaksiyalariga alohida eʼtibor qaratgan holda patsiyentni sinchiklab soʻrash zarur. Anamnezda bunday holatlar koʻrsatilgan patsiyentlarda Vizmero ehtiyotkorlik bilan qoʻllanilishi kerak. Agar Vizmeroga nisbatan allergik reaksiya yuzaga kelgan boʻlsa, u holda preparat yuborilishini toʻxtatish va tegishli choralarni koʻrish zarur.

Vizmero preparatini jigar kasalliklari boʻlgan patsiyentlarda qoʻllanilishi transaminazalar va bilirubin darajasini sinchkov nazorat ostida oʻtkazilishi kerak.

Boshqa antibiotiklarni qoʻllash hollaridagi kabi sezgir boʻlmagan mikroorganizmlarning ustuvor oʻsishi boʻlishi mumkin, shuning uchun patsiyentni doimiy ravishda kuzatish zarur.

Preparatni metitsillinga rezistent boʻlgan stafilokokk keltirib chiqaradigan infeksiyalarda qoʻllash tavsiya etilmaydi.

Homiladorlik va laktatsiya davrida

Ayollarda homiladorlik davrida Vizmero preparatini qoʻllash xavfsizligi oʻrganilmagan. Vizmero homiladorlik davrida qoʻllanilmasligi kerak, uni qoʻllashdagi potensial foyda homilaga uchun xavfdan yuqori boʻlgan hollar bundan mustasno. Har bir holatda preparat toʻgʻridan-toʻgʻri shifokor kuzatuvi ostida qoʻllanilishi kerak.

Vizmero emizikli ayollarda qoʻllanilmasligi kerak, uni qoʻllashdagi potensial foyda bola uchun xavfdan yuqori boʻlgan hollar bundan mustasno. Laktatsiya davrida preparatni qoʻllash zarurati boʻlganida emizishni toʻxtatish haqidagi masalani koʻrib chiqish lozim.

Pediatriyada qoʻllanilishi

3 oylikkacha boʻlgan bolalarda preparat samaradorligi va oʻzlashtiraolinishi baholanmagan, shuning uchun mazkur yoshdan kichik boʻlgan bolalarda preparatni qoʻllash tavsiya etilmaydi. Jigar va buyrak faoliyati buzilishlari boʻlgan bolalarda, neytropeniyali yoki birlamchi va ikkilamchi immun tanqisligi boʻlgan patsiyentlarda preparatni qoʻllash tajribasi yoʻq.

Transport vositasini boshqarish va potensial xavfli mexanizmlar bilan ishlash qobiliyatiga dori vositasini taʼsirining oʻziga xos xususiyatlari

Avtomobilni boshqarish va boshqa texnika vositasi bilan ishlash qobiliyatiga Vizmero preparatini taʼsiriga doir maxsus tadqiqotlar oʻtkazilmagan, biroq Vizmero preparati qoʻllanilganida bosh ogʻrigʻi, tirishishlar va paresteziya rivojlanishi mumkinligini hisobga olish lozim.

Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Davolash vaqtida, ayniqsa buyrak faoliyati buzilishi boʻlgan patsiyentlarni davolashda doza tasodifan oshirib yuborilishi mumkin.

Simptomlari: preparatning nojoʻya taʼsirlari kuchayishi mumkin.

Davolash: simptomatik. Buyrak faoliyati normal boʻlgan patsiyentlarda preparatni siydik bilan tezda chiqarilishi yuz beradi. Buyrak buzilishlari boʻlgan patsiyentlarda gemodializ samarali boʻladi.

 

Chiqarilish shakli

500 mg dozali preparatni sigʻimi 10 ml boʻlgan yoki 1000 mg dozali preparatni sigʻimi 20 ml boʻlgan, rezina tiqinlar bilan berktilgan va alyumin qopqoqlar bilan siqilgan rangsiz shishali flakonlarga joylanadi.

1 ta flakondan qoʻllash boʻyicha yoʻriqnomasi bilan karton qutiga joylangan.

 

Saqlash sharoiti

20–25oS haroratda saqlansin. Muzlatilmasin.

 

Yaroqlilik muddati

2 yil.

 

 

Dorixonalardan berish shartlari

Retsept boʻyicha.