Ilovani yuklab oling
Yuklab olish
Вазапростан ЛИОФИЛИЗАТ

Oson Apteka - Dorixonalar ma'lumotnomasi

Вазапростан ЛИОФИЛИЗАТ ДЛЯ ИНЪЕКЦИЙ 60мкг №10

2 746 000 so'mdan
(2599)
Dorixonalardagi narx
Xususiyatlari
Xalqaro nomi
Ishlab chiqaruvchi
BAYER
Chiqarilish shakli
ЛИОФ Д/ИНф
Farma. Guruh
Кроветворение и кровь
Dori tafsilotlari
Farmakologik xususiyatlari
Qoʻllanilishi
Qoʻllash usuli va dozalari
Dori shakli:
Tarkibi:
Taʼrifi: 
Farmakoterapevtik guruhi: 
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Farmakologik xususiyatlari

Prostaglandin Ye1 (PG Ye1) preparati mikrotsirkulyatsiya va periferik qon aylanishini yaxshilaydi, vazoprotektor taʼsir koʻrsatadi. Tizimli yuborilganida silliq mushak tolalarini boʻshashini chaqiradi, qon tomirlarni kengaytiruvchi taʼsir koʻrsatadi, arterial bosimni oʻzgartirmasdan periferik qon tomirlar qarshiligini kamaytiradi. Bunda yurakdan qonni otilib chiqish koʻrsatkichini va yurak qisqarishlari soni (YUQS) ni reflektor oshishi kuzatiladi. Eritrotsitlarning elastikligini oshishiga yordam beradi, trombotsitlar agregatsiyasi va neytrofillarning faolligini kamaytiradi, qonning fibrinolitik faolligini oshiradi. Ichak, qovuq, bachadonning silliq mushaklariga ragʻbatlantiruvchi taʼsir koʻrsatadi, meʼda shirasi sekretsiyasini susaytiradi.

Farmakokinetikasi

PG Ye1 alfatsiklodekstrin bilan kompleksda vena ichiga yoki arteriya ichiga yuboriladi. Eritma tayyorlash vaqtida preparatning kompleksi tarkibiy qismlarga – PG Ye1 va alfatsiklodekstringa parchalanadi. Vena ichiga yuborilganida faol moddaning terapevtik ahamiyatli konsentratsiyasiga, preparatni yuborish boshlangandan soʻng tezda erishiladi, qon plazmasidagi maksimal konsentratsiyasiga preparatni yuborish boshlangandan soʻng 2 soat davomida erishiladi. PG Ye1 yarim chiqarilish davri juda qisqa boʻlgan endogen modda hisoblanadi – qon plazmasidagi konsentratsiyasi yuborish toʻxtatilgandan soʻng 10 sekund davomida dastlabki darajasiga qaytadi.

PG Ye1 ni biotransformatsiya jarayoni asosan oʻpkada yuz beradi, oʻpka orqali “birinchi marta oʻtishda” faol moddaning 60-90% metabolizmga uchrab, asosiy metabolitlar – 15-keto- PG Ye1, 15-keto- PG Ye0 va PG Ye0 ni hosil qiladi. Metabolizmning asosiy maxsulotlari buyrak orqali – 88% va meʼda-ichak yoʻllari orqali – 12% 72 soat davomida chiqariladi. Plazma oqsillari biln 93% PG Ye1 bogʻlanadi. Alfatsiklodekstrining yarim chiqarilish davri taxminan 7 minut, buyrak orqali oʻzgarmagan xolda chiqariladi.

 

Qoʻllanilishi

Arteriyalarning surunkali obliteratsiyalanuvchi kasalligini III va IV bosqichida (Fonteyn tasnifi boʻyicha) qoʻllanadi.

 

Qoʻllash usuli va dozalari

Eritmani bevosita infuziyani bajarishdan oldin tayyorlash kerak. Liofilizat fiziologik eritma qoʻshilishi bilanoq darxol eriydi. Avvaliga eritma sutga oʻxshab, xira boʻlishi mumkin. Bu samara havo pufakchalari hisobiga hosil boʻladi va xech qanday axamiyatga emas. Qisqa vaqtdan soʻng eritma tiniqlashadi. 12 soatdan ortiq vaqt oldin tayyorlangan eritmani ishlatish mumkin emas.

Vazaprostanni arteriya ichiga yuborish

Bitta ampula VAZAPROSTAN liofilizatining bir ammpulasidagi moddani (20 mkg gaprostadilga toʻgʻri keladi) 50 ml fiziologik eritmada eritiladi. Boshqa tavsiyalar boʻlmaganida VAZAPROSTANning ampulasini yarmini (10 mk galprostadilga toʻgʻri keladi) infuziya uchun moʻljallangan qurilma yordamida arteriya ichiga 60-120 minut davomida yuboriladi. Zarurat boʻlganida, ayniqsa nekrozlar boʻlganida, preparatning oʻzlashtirilishini qatʼiy nazorati ostida dozasini bir ampula (20 mkg alprostadil) oshirish mumkin. Bu dozasi odatda bir martalik kundalik infuziya uchun qoʻllanadi.

Agar arteriya ichiga yuboriladigan infuziya kateter orqali amalga oshirilsa, preparatni oʻzlashtirilishi va kasallikning ogʻirligiga qarab, preparatni minutiga 0,1-0,6 ng/kg dozada infuziya uchun moʻljallangan moslama yordamida 12 soat davomida yuborish tavsiya etiladi (vazaprostanning ¼–½ ampulasiga toʻgʻri keladi).

VAZAPROSTANNI vena ichiga yuborish:

VAZAPROSTAN liofilizatining ikkita ampulasidagi moddani (40 mkg alprostadilga toʻgʻri keladi) 50-250 ml fiziologik eritmada eritiladi va olingan eritma vena ichiga 2 soat davomida yuboriladi. Bu doza kuniga ikki marta qoʻllanadi.

Yoki 50-250 ml fiziologik eritmada eritilgan 3 ta VAZAPROSTAN ampulasi (60 mkg alprostadil) vena ichiga 3 soat davomida kuniga bir marta yuboriladi.

Buyrak faoliyatini buzilishi boʻlgan patsiyentlarda (kreatinin qiymati >1,5 mg/l boʻlgan buyrak yetishmovchiligida) VAZAPROSTANni vena ichiga yuborish ikki soat davomida
20 mkg dan boshlanadi. Zarurat boʻlganida 2-3 kundan keyin bir martalik dozasi 40-
60 mkg gacha oshiriladi.

Buyrak va yurak yetishmovchiligi boʻlgan bemorlar uchun yuboriladigan suyuqlikni maksimal xajmi – sutkada 50-100 ml ni tashkil etadi. Davolash kursi – 4 haftani tashkil etadi.

Davolash davomiyligi oʻrtacha – 14 kun tashkil etadi, preparat bilan davolash samarasi ijobiy boʻlganida yana 7-14 kun davom ettirish mumkin.

Davolash boshlanganidan soʻng 2 hafta davomida ijobiy samara kuzatilmasa, preparat bilan davolashni toʻxtatish kerak.

 

Dori shakli:

 infuziyaga eritma tayyorlash uchun liofilizat

 

Tarkibi:

1 ampula quyidagilarni saqlaydi:

faol modda: alprostadil (alfadeks bilan klatrat majmuasi) 20 mkg

yordamchi moddalar: alfadeks (α-siklodekstrin), suvsiz laktoza.

 

Taʼrifi: 

oq rangli gigroskopik liofil massa.

 

Farmakoterapevtik guruhi: 

vazodilatator vosita (prostaglandin Ye1).

 

 

Nojoʻya taʼsirlari

Markaziy nerv tizimi tomonidan: bosh ogʻrigʻi, tirishish sindromi, bosh aylanishi, kuchli toliqish, loxaslik xissi, teri va shilliq qavatlar sezuvchanligini buzilishi.

Yurak-qon tomir tizimi tomonidan: arterial bosimni pasayishi, toʻsh suyagi ortida ogʻriq, yurak ritmini buzilishi, atrioventikulyar blokada.

Ovqat-hazm qilish tizimi tomonidan: epigastral soxada diskomfort xissi, dispeptik oʻzgarishlar – diareya, koʻngil aynishi, qusish.

Tayanch-harakat apparati tomonidan: uzun naysimon suyaklar giperostozi (4 haftadan ortiq davolanganda) kuzatiladi.

Mahalliy reaksiyalar: ogʻriq, shish, eritema, sezuvchanlikni buzilishi, flebit (vena ichiga yuborilgan soxadan proksimalroq soxada) kuzatilishi mumkin.

Laborator koʻrsatkichlar: leykotsitoz, leykopeniya, S-reaktiv oqsilning titrini oshishi, transaminazalar darajasini oshishi.

Boshqalar: kuchli terlash, gipertermiya, infuziya qilingan vena joylashgan qoʻl-oyoqlar shishi.

Kam hollarda: boʻgʻimlarda ogʻriq, ongni chalkashishi, markaziy genezli tirishishlar, isitma, et uvishishi, bradipnoe, artralgiyalar, psixoz, buyrak yetishmovchiligi, anuriya. Oʻpka shishi va oʻtkir chap qorincha yetishmovchiligining bir necha rivojlangan xollari yuzasidan xabarlar berilgan.

Juda kam (1% gacha) xollarda: shok, oʻtkir yurak yetishmovchiligi, giperbilirubinemiya, qon ketishi, uyquchanlik, bradipnoe, nafas faoliyatini susayishi, traxipnoe, anuriya, buyrak faoliyatini buzilishi, gipoglikemiya, yurak qorinchalari fibrilyatsiyasi, II darajali atriventikulyar blokada, qorinchalar usti aritmiyasi, boʻyin mushaklarini taranglashishi, kuchli taʼsirchanlik, gipotermiya, giperkapniya, teri qoplamalari giperemiyasi, gematuriya, peritoneal simptomlar, taxifilaksiya, giperkaliyemiya, trombotsitopeniya, anemiya.

Allergik reaksiyalar: teri toshmasi, terini qichishishi boʻlishi mumkin.

Preparatni qoʻllash yoki kateterizatsiya muolajasi bilan bogʻliq boʻlgan nojoʻya samaralar preparatning dozasi kamaytirilgandan yoki infuziya toʻxtatilgandan soʻng yoʻqoladi.

 

Qoʻllash mumkin boʻlmagan holatlar

Alprostadilga yoki preparatning boshqa komponentlariga yuqori sezuvchanlik. Dekompensatsiya bosqichidagi surunkali yurak yetishmovchiligi yurak ritmini yaqqol buzilishlari, yurak ishemik kasalligini zoʻrayishi, oxirgi 6 oy davomida oʻtkazilgan miokard infarktida qoʻllash mumkin emas.

Oʻpka shishi, oʻpkaning infiltrativ kasalligi, oʻpkani surunkali obstruktiv kasalligida.

Anamnezida jigar faoliyatini buzilishi (AST, ALT yoki gamma GT ning darajasini yuqori boʻlishi) va jigar kasalligi, shuningdek qon ketishini rivojlanish xavfini oshishi bilan kechuvchi kasalliklar (meʼda va oʻn ikki barmoq ichak yara kasalligi, bosh miyadagi qon tomirlarni ogʻir darajadagi shikastlanishi, qon ketishiga moyilligi boʻlgan proliferativ retinopatiya, yirik jaroxatlar va boshqalarda).

Qon tomirlarni kengaytiruvchi va antikoagulyant vositalar bilan yondosh davolashda.

Homiladorlik va laktatsiya davrida.

18 yoshgacha patsiyentlarda (samaradorligi va xavfsizligi aniqlanmagan) qoʻllash mumkin emas.

Arterial gipotenziya, yurak qon-tomir yetishmovchiligi (erituvchi-tashuvchining xajmini nazorat qilishga alohida eʼtibor berish kerak), gemodializdagi patsiyentlar (preparat bilan davolashni dializdan keyingi davrda oʻtkazish kerak), qandli diabetning I tipi boʻlgan patsiyentlarda ayniqsa qon tomirlarni yirik shikastlanishlarida VAZAPROSTAN ehtiyotkorlik bilan qoʻllash kerak.

 

Dorilarning oʻzaro taʼsiri

VAZAPROSTAN gipotenziv vositalar, vazodilatatorlar va antianginal vositalarning samarasini kuchaytirishi mumkin. Qon ivishiga qarshi vositalar (antikoagulyantlar, trombotsitlar agregatsiyasini ingibitorlari) ni qabul qilayotgan patsiyentlarga bir vaqtda VAZAPROSTANni qoʻllash qon ketishi extimolini oshirish mumkin. Sefamandol, sefoperazon, sefotestan va trombolitliklar bilan majmuada – qon ketishi xavfini oshiradi. Simpatomimetiklar – adrenalin, noradrenalin – qon tomirlarni kengaytiruvchi samarasini pasaytiradilar. Agar yuqorida sanab oʻtilgan dori vositalar VAZAPROSTAN bilan davolanish boshlanishdan ancha boʻlmagan vaqt oldin qoʻllanilgan boʻlsa ham, preparatlar oʻzaro taʼsir qilishi mumkinligini hisobga olish kerak.

 

Maxsus koʻrsatmalar

VAZAPROSTAN preparatini angiologiya boʻyicha tajribaga ega boʻlgan, yurak qon-tomir tizimini uzluksiz nazorat qilishni zamonaviy usullari bilan tanish boʻlgan va buning uchun muvofiq uskunalarga ega boʻlgan shifokorlargina qoʻllashlari mumkin.

Davolanish vaqtida AB, YUQS, qonning biokimyoviy koʻrsatkichlari, qon ivish tizimini nazorat qilish kerak (qon ivish tizimini buzilishlarida yoki qon ivish tizimiga taʼsir etuvchi vositalar bilan bir vaqtda davolanganda).

Yurak ishemik kasalligi bilan xastalangan bemorlar, shuningdek periferik shishlari va buyrak faoliyatini buzilishi (zardobdagi kreatinin > 1,5 mg/dl) boʻlgan patsiyentlar VAZAPROSTAN bilan davolanish vaqtida, uni qoʻllash tugaganidan soʻng bir kun davomida kasalxonada kuzatuvda boʻlishlari kerak.

Buyrak yetishmovchiligi boʻlgan patsiyentlarda gipergidratatsiya simptomlari paydo boʻlishidan saqlanish uchun yuboriladigan suyuqlik xajmi imkon boricha kuniga 50-100 ml dan oshmasligi kerak. Patsiyentning xolatini (AB va YUQS ni nazorat qilish), dinamik kuzatish, zarurat boʻlganida, tana vaznini, suyuqlik muvozanatini, nazorat qilish, markaziy vena bosimini oʻlchash yoki exokardiografik tekshirishlar oʻtkazish kerak.

Flebit (yuborilgan joydan proksimalroq soxada) odatda, davolashni toʻxtatish uchun sabab boʻlmaydi, yaligʻlanish belgilari infuziya toʻxtatilganidan soʻng bir necha soat oʻtgach yoki preparat yuboriladigan joy oʻzgartirilganida yoʻqoladi, bunday xollarda spetsifik davolash talab etilmaydi.

Markaziy venaga kateter qoʻyish preparatning bunday nojoʻya taʼsirlarini namoyon boʻlish chastotasini kamaytirish imkonini beradi.

Ampula shikastlanganida liofilizat nam va yopishqoq boʻlib qoladi va xajmi ancha kamayadi. Bunday xollarda preparatni ishlatish mumkin emas.

Homiladorlik va laktatsiya davrida qoʻllanishi

Homiladorlikda VAZAPROSTAN preparatini qoʻllash mumkin emas. Emizishni toʻxtatish kerak.

Transport vositalari va boshqa mexanizmlarni boshqarish qobiliyatiga taʼsiri

VAZAPROSTAN koʻchada xarakatlanish yoki mexanizmlarni boshqarishda, ayniqsa davolash boshlanishida, preparatning dozasi oshirilganida va bekor qilinganida, shuningdek alkogol bilan bir vaqtda qabul qilinganida faol xarakatlanish qobiliyatiga taʼsir qilishi mumkin.

Preparat bolalar olaolmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

VAZAPROSTANning dozasini oshirib yuborilishi arterial bosimni pasayishi va YUQS ni tezlashishi bilan namoyon boʻlishi mumkin. Teri qoplamlarini oqarishi, kuchli terlash, koʻngil aynishi va qusish bilan kechuvchi vazovagal reaksiyalar rivojlanishi mumkin, bu shuningdek miokard ishemiyasi va yurak yetishmovchiligi simptomlari bilan kechishi mumkin, shu bilan birga infuziya joyida toʻqimani qizarishi, shish, ogʻriq boʻlishi mumkin.

Dozani oshirib yuborilishi simptomlari paydo boʻlganida VAZAPROSTANning dozasini kamaytirish yoki infuziyani toʻxtatish kerak.

Arterial bosim yaqqol pasayganida bemor yotgan xolatda oyoqlarini yuqoriga koʻtarishi kerak. Simptomlar saqlanib tursa, simpatomimetiklarni qoʻllash kerak.

 

Chiqarilish shakli

Infuziyaga eritma tayyorlash uchun liofilizat ampulalarda. Alprostadil 20 mkg dan sindirish uchun joyidan yuqorida koʻp rangli nuqtasi va qizil neytral shisha (Ph.Eur. I tur) ampulalarda.

10 ampula qoʻllash boʻyicha yoʻriqnomasi bilan birga karton qutida.

 

Saqlash sharoiti

25oS dan yuqori boʻlmagan haroratda.

 

Yaroqlilik muddati

4 yil.

 

Dorixonalardan berish tartibi

Retsept boʻyicha.