Ilovani yuklab oling
Yuklab olish
Уман Альбумин

Oson Apteka - Dorixonalar ma'lumotnomasi

Уман Альбумин РАСТВОР ДЛЯ ИНФУЗИИ 20% 100мл №1

648 000 so'mdan
(4134)
Dorixonalardagi narx
Xaritada topish
Tavsif
Уман Альбумин РАСТВОР ДЛЯ ИНФУЗИИ 20% 100мл №1
Xususiyatlari
Xalqaro nomi
Ishlab chiqaruvchi
Chiqarilish shakli
Farma. Guruh
Dori tafsilotlari
Dori shakli:
Tarkibi:
Taʼrifi: 
Farmakoterapevtik guruhi: 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli:

 infuziya uchun eritma.

 

Tarkibi:

 

Komponentning nomi

Infuziya uchun eritma 1 l eritmadagi miqdori

20,00%

25,00%

Faol modda:

Odam albumini

200 g

250 g

Yordamchi moddalar:

natriy xloridi

natriy kaprilati

atsetiltriptofan

inyeksiya uchun suv

4,52 g

2,660 g

3,940 g

1 l gacha

3,52 g

3,325 g

4,925 g

1 l gacha

 

Taʼrifi: 

sariq, qahrabo yoki yashil rangli, tiniq yoki biroz tovlanuvchi eritma.

 

Farmakoterapevtik guruhi: 

plazma oʻrnini bosuvchi vosita. 

Farmakologik xususiyatlari

Uman Albumin odam qon plazmasini fraksiyalash yoʻli bilan olingan, virusli xavfsizlikka tekshirilgan, yuqori darajada tozalangan va viruslari faolsizlantirilgan odam albuminining infuziya uchun eritmasidan iborat. Ushbu preparat plazma oʻrnini bosuvsi vosita sifatida qoʻllanadi, u qon plazmasidagi albumin tanqisligini toʻldiradi, qonning kolloid-osmotik (onkotik) bosimini tutib turadi, arterial bosim va aylanib yuruvchi qon xajmini (AYUQX) tez oshiradi, suyuqlikni toʻqimadan qon oqimiga oʻtishiga yordam beradi, dezintoksikatsion xususiyatlarga ega.

Farmakodinamikasi

Odam albumini odam qoni oqsil fraksiyasining yarmidan koʻprogʻini va jigarda sintezlanadigan oqsilning taxminan 10% ni tashkil etuvchi tabiiy oqsildan iborat.

Albuminning eng muhim fiziologik funksiyasi boʻlib uni onkotik bosimdagi ulushi va transport funksiyasi hisoblanadi. Albumin aylanib yuruvchi qon hajmini barqarorlashtiradi va gormonlar, fermentlar, dori preparatlari va toksinlarni tashuvchi transport oqsili boʻlib hisoblanadi. 20% li va 25% li albumin eritmasi giperonkonik samara koʻrsatadi.

Farmakokinetikasi

Normada albuminning umumiy almashinuvchi fraksiyasi tana vazniga 4-5 g/kg ni tashkil qiladi; bu miqdordan 40-45% qon oqimida boʻladi, 55-60% esa tomirdan tashqari boʻshliqda boʻladi. Ogʻir darajadagi kuyishlar yoki septok shok kabi patologik holatlarda albuminni normal taqsimlanishi izdan chiqadi, bu kapillyarlarning oʻtkazuvchanligini ahamiyatli darajada oshishi bilan bogʻliq.

Albuminning yarim chiqarilish davri oʻrtacha 19 kunni tashkil qiladi. Chiqarilishi lizosomal proteazalar ishtirokida xujayra ichida amalga oshiriladi.

Sogʻlom koʻngillilarda vena ichiga yuborilgan albuminning 10% dan kamrogʻi qon oqimidan infuziyadan keyin birinchi 2 soat davomida chiqariladi. Lekin kritik holatdagi patsiyentlar albuminni ahamiyatli darajada yoʻqotishlari mumkin, bunda uni qon oqimidan chiqarilish tezligini oldindan bilib boʻlmaydi.

 

Qoʻllanilishi

Albumin tanqisligida oʻrinbosar davolash. Aylanib yuruvchi qon xajmi yetishmovchiligida uni tiklash va bir maromda ushlab turish va kolloid sifatida qoʻllash. Sunʼiy kolloid oʻrniga albuminni tanlash konkret klinik holat va standart tavsiyalarga bogʻliq.

 

Qoʻllash usuli va dozalari

Preparat dastlab suyultirmasdan yoki izotonik eritma bilan suyultirgandan (5% li glyukoza eritmasi yoki 0,9% li natriy xloridi eritmasi bilan) keyin faqat vena ichiga yuborish uchun moʻljallangan. Albumin preparatlari inyeksiya uchun suv bilan eritilishi mumkin emas, chunki bu retsipiyentni gemolizaga olib kelishi mumkin.

Preparatning katta miqdori yuborilishidan oldin preparat xona haroratigacha yoki tana haroratigacha isitilishi kerak. Eritmaning tashqi koʻrinishi taʼrifga mos kelishi, eritma tiniq boʻlishi, mexanik kiritmalardan xoli va rangi oʻzgarmagan boʻlishiga ishonch hosil qilish kerak. Agar eritma xira boʻlsa yoki choʻkma saqlasa, preparatni ishlatish mumkin emas. Flakon ochilgandan keyin preparat darhol yuboriladi. Preparatning qoldiqlarini yoʻq qilish kerak.

Preparatni dozalash tartibi va yuborish tezligini patsiyentning klinik holati va koʻrsatmalarga qarab individual ravishda tanlash kerak.

Odatda infuziya tezligi minutiga 5 ml (5% li eritma uchun) va minutiga 1-2 ml (20% li va 25% li eritmalar uchun) ni tashkil qiladi. Maksimal yuborish vaqti – 3 soat. Plazmoferez vaqtida infuziya tezligi minutiga 30 ml dan oshmasligi kerak.

Plazmoferezda preparatni yuborish tezligi plazmani chiqarish tezligiga mos kelishi kerak.

Preparatning zarur dozasi tana vazni, jarohatning ogʻirlik darajasi yoki kasallikka va suyuqlik va oqsilni yoʻqotish davomiyligiga bogʻliq. Zarur dozani aniqlash uchun plazmada albuminning darajasidan tashqari aylanib yuruvchi qon hajmini yetarli ekanligini baholash kerak.

Preparatning grammlardagi zarur dozasi quyidagi formula boʻyicha hisoblanishi mumkin:

Doza (g) = [albumin konsentratsiyasini talab etiladigan oshirilishi (g/l)]* plazma xajmi (l) * 2

Plazmaning fiziologik xajmi tana vazniga 40 ml/kg sifatida hisoblanishi mumkin.

Albumin preparati yuborilganda quyidagi gemodinamik koʻrsatkichlarning monitoringini olib borish kerak:

  • arterial bosim va puls tez-tezligi;
  • markaziy venoz bosim;
  • oʻpka arteriyasi okklyuziyasida bosim;
  • diurez;
  • qonning elektrolit muvozanati;
  • “gematokrit/gemoglobin darajasi” nisbati.

Agar preparatda albuminning konsentratsiyasi 200 mkg/l dan oshmasa, Uman Albumin chala tugʻilgan bolalarni davolashda va dializ uchun ishlatilishi mumkin.

 

Nojoʻya taʼsirlari

Odam albuminini yuborgandan keyin nojoʻya taʼsirlar kam hollarda namoyon boʻladi. Qon oqib kelishlari, eshakemi, isitmali holat va koʻngil aynishi kabi oʻrtacha reaksiyalar kuzatilishi mumkin, ular preparat yuborilishi tezligi kamaytirilganda yoki yuborish bekor qilinganda tez oʻtib ketadi. Juda kam hollarda preparatni yuborish shok chaqirishi mumkin. 

Barcha nojoʻya samaralar haqida davolovchi shifokorga xabar bering.

 

Qoʻllash mumkin boʻlmagan holatlar

Preparatning komponentlaridan birontasiga oʻta yuqori sezuvchanlik. 

 

 

Dorilarning oʻzaro taʼsiri

Odam albuminini boshqa preparatlar bilan spetsifik oʻzaro taʼsiri aniqlanmagan. Uman Albuminni preparatni suyultirish uchun ishlatiladigan izotonik eritmalardan tashqari boshqa dori vositalari, qon yoki eritrotsitar massa bilan aralashtirish mumkin emas.

 

 

Maxsus koʻrsatmalar

Allergik yoki anafilaktik reaksiyaga gumon paydo boʻlganida preparatni yuborishni darhol toʻxtatish kerak. Shok holatida shokka qarshi standart choralar koʻrilishi kerak.

Gipervolemiya va uning oqibatlari yoki gemodilyutsiya patsiyent uchun xavfli boʻlishi mumkin boʻlgan hollarda albumin preparati ehtiyotkorlik bilan qoʻllanadi. Bunday holatlarga quyidagilar kiradi:

  • dekompesatsiyalangan yurak yetishmovchiligi;
  • arterial bosimni oshishi;
  • qiziloʻngach venalarini venoz kengayishi;
  • oʻpka shishi;
  • gemorragik diatez;
  • oʻtkir anemiya;
  • renal va postrenal anuriya.

Odam albuminining 20% li 25% li eritmalarning onkotik samarasi qon plazmasiga nisbatan taxminan toʻrt marta yuqori. Shunday qilib, albuminning konsentratsiyalangan eritmalarini yuborganda patsiyentning adekvat gidratatsiyasiga eʼtiborni qaratish kerak. Preparatni yuborganda sirkulyator yuklama va gipergidratatsiyadan saqlanish uchun patsiyentning holatini sinchkovlik bilan monitoring qilish lozim.

200-250 g/l konsentarsiyali albumin eritmasida (20-25% li eritmasi) elektrolitlarning miqdori 40-50 g/l konsentratsiyali albumin eritmasiga (4-5% li eritma) nisbatan muvofiq ravishda kam. Shuning uchun albumin eritmasi yuborilganda bemorning elektrolit statusi monitoringini olib borish va elektrolit muvozanatni tiklash yoki bir maromda ushlab turish uchun tegishli choralarni koʻrish kerak.

Yirik oʻrinbosar davolash holatida koagulyatsiya va gematokritni nazorat qilish kerak. Qonning boshqa komponentlari (koagulyatsiya faktorlari, elektrolitlar, trombotsitlar va eritrotsitlar) ni adekvat oʻrnini bosishga alohida eʼtibor qaratish kerak.

Gematokrit 30% dan pasayganda qon bilan kislorodni tashilishini bir maromda ushlab turish uchun eritrotsitar massa yuborish kerak.

Preparatning dozasi yoki yuborish tezligi patsiyentning sirkulyator holatiga mos kelmaganda gipervolemiya rivojlanishi mumkin. Yurak-qon tomir tizimiga yuklamani oshishining birinchi klinik belgilari (bosh ogʻrigʻi, hansirash, boʻyinturuq venani tiqilishi) paydo boʻlganda yoki qon bosimi oshganda, venoz bosim oshganda va oʻpka shishida preparatni yuborishni darhol toʻxtatish kerak.

Virus xavfsizligi

Odam qon plazmasidan tayyorlangan preparatlarni ishlab chiqarish infeksiyalar va viruslarni patsiyentning qoniga tushishini oldini oluvchi choralarni oʻz ichiga oladi. Bunday choralarga sogʻlom donorlarni sinchkovlik bilan tanlab olish, har bir donorni uning qonida viruslar va infeksiyalar mavjudligiga tekshirish, shuningdek ishlab chiqarish jarayonida viruslarni faolsizlantirish va viruslarni bartaraf etish kiradi.

Ushbu choralarga rioya qilishga qaramasdan, odam qonidan tayyorlangan preparatlarni qoʻllash virusli agentlarni, shu jumladan nomaʼlum viruslar yoki infeksiyalarning boshqa tipini yuqishi ehtimolini toʻliq inkor etmaydi. Lekin Yevropa Farmakopeyasi talablariga muvofiq ishlab chiqarilgan albumin eritmasini yuborish oqibatida viruslarni yuqishi holatlari aniqlanmagan.

Preparatni qoʻllaganda davolash vaqtida qoʻllanilgan preparatning seriyasini qayd etish tavsiya etiladi.

Homiladorlik va emizish davrida qoʻllanishi

Homiladorlik va emizish davrida ayollarga Uman Albumin preparatini ehtiyotkorlik bilan buyurish kerak, chunki ushbu guruh uchun preparatning nazoratli klinik tadqiqotlari oʻtkazilmagan. Lekin albumin preparatlarini klinik amaliyotda qoʻllashning tajribasi homiladorlikni kechishiga, homilaga yoki yangi tugʻilgan chaqaloqqa biron-bir salbiy taʼsirni kutish uchun asos boʻlmaydi, chunki odam albumini odam qon plazmasining normal komponenti boʻlib hisoblanadi.

Preparatni buyurganda homilador patsiyentda plazmaning almashinayotgan xajmini eʼtiborga olish kerak.

Pediatriyada qoʻllanishi

Bolalarda preparatning dozasi ularning yoshiga bogʻliqligini eʼtiborga olish kerak, chunki plazmaning fiziologik xajmi yosh oʻtgan sari oʻzgaradi.

Preparatning zarur dozasi “Qoʻllash usuli va dozalari” boʻlimida keltirilgan umumiy formula boʻyicha hisoblanishi mumkin.

Transport vositalari va mexanizmlarni boshqarish qobiliyatiga taʼsiri

Transport vositalari, mexanizmlarni boshqarish va diqqatni yuqori jamlashni talab etuvchi boshqa faoliyat turlari bilan shugʻullanish qobiliyatiga taʼsir koʻrsatmaydi.

Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Preparatning yuqori dozalarini tez-tez yuborganda gipervolemiya rivojlanishi mumkin. Yurak-qon tomir tizimiga yuklamani oshishining birinchi klinik belgilari (hansirash, boʻyinturuq venani tiqilishi, bosh ogʻrigʻi) paydo boʻlganda, qon bosimi va/yoki venoz bosim oshganda, oʻpka shishida preparatni yuborishni darhol toʻxtatish va qon aylanishining koʻrsatkichlarini doimiy nazoratini oʻtkazish kerak.

Bundan tashqari, diurez va yurakdan otilib chiqayotgan qon xajmi klinik manzaraning ogʻirlik darajasiga qarab oshishi kerak.

 

Chiqarilish shakli

20% li infuziya uchun eritma 50 ml yoki 100 ml dan galobutil tiqin birinchi ochish nazoratli himoya plastik qopqoqli alyumin qalpoqcha bilan berkitilgan II gidrolitik sinf tiniq neytral shisha flakonda, qoʻllash boʻyicha yoʻriqnomasi bilan karton qutida.

 

Saqlash sharoiti

Yorugʻlikdan himoyalangan joyda, 30°S dan yuqori boʻlmagan haroratda saqlansin. Muzlatilmasin.

 

Yaroqlilik muddati

3 yil.

 

 

Dorixonalardan berish tartibi

Retsept boʻyicha beriladi.