Ilovani yuklab oling
Yuklab olish
Ципрофлоксацин РАСТВОР

Oson Apteka - Dorixonalar ma'lumotnomasi

Ципрофлоксацин РАСТВОР ДЛЯ ИНФУЗИИ 100МЛ №1

7 000 so'mdan
(4839)
Dorixonalardagi narx
Xaritada topish
Xususiyatlari
Xalqaro nomi
CIPROFLOXACIN
Ishlab chiqaruvchi
ФАРМАСИНТЕЗ
Chiqarilish shakli
Р-Р Д/ИНФ
Farma. Guruh
Антибактериальные средства
Dori tafsilotlari
Dori shakli: 
Tarkibi:
Taʼrifi:
Farmakoterapevtik guruhi:
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli: 

infuziya uchun 0,2% li eritma, 100 ml

 

Tarkibi:

100 ml preparat quyidagilarni saqlaydi:

faol modda – 254,0 mg siprofloksatsin laktati (200,0 mg siprofloksatsinga ekvivalent),

yordamchi moddalar: natriya xloridi, inyeksiya uchun suv.

 

Taʼrifi:

 tiniq, rangsiz yoki deyarli rangsiz eritma

 

Farmakoterapevtik guruhi:

 Mikroblarga qarshi preparatlar – xinolon hosilalari. Ftorxinolonlar. Siprofloksatsin.

 

 

Farmakologik xususiyatlari

Farmakokinetikasi

200 mg yoki 400 mg siprofloksatsin vena ichiga yuborilganida qon plazmasida maksimal konsentratsiyasi (Cmax) 60 minutdan keyin muvofiq 2,1 va 4,6 mg/ml ni, 12 soatdan keyin – 0,1-0,2 mg/ml ni tashkil qiladi. Taqsimlanish hajmi – 2-3 l/kg, plazma oqsillari bilan bogʻlanishi – 20-40% ni tashkil qiladi.

Siprofloksatsinni infuziyasidan keyin oʻpka, bronx, plevral, balgʻam, bogʻlamlar, mushaklar, teri va teri derivitlari, safro, prostata, buyrak, siydikda terapevtik konsentratsiyaga erishadi. Siproflosatsinni serebrospinal suyuqligidagi konsentratsiyasi qon plazmadagidan 10% ni tashkil qiladi va preparat ahamiyatsiz miqdorda koʻz ichki suyuqligida aniqlanadi. 200 mg va 400 mg siprofloksatsinni vena ichiga yuborgandan keyin qon plazmasidagi maksimal konsentarsiyasiga (Smax) 60 minutdan keyin – muvofiq 0,1 va 0,2 mkg/ml tashkil qiladi.

Siprofloksatsinni farmakokinetikasi vena ichiga yuboriladigan 200-400 mg doza diapazonida proporsional. Qon zardobidagi yarim parchalanish davri taxminan 5-6 soatni tashkil qiladi.

Preparat dozasining taxminan 10-15% metabolizmga uchraydi. Metaboliti va oʻzgarmagan 15-20% dori vositasi glomerulyar filtratsiya va naychali sekretsiya yoʻli orqali buyrak orqali chiqariladi. 20-40% doza ahlat bilan chiqariladi, asosan safro orqali chiqariladi.

Siprofloksatsinni toʻliq chiqarilishi 35 soatni tashkil qiladi. Buyurilgan dozaning taxminan 50-70% oʻzgarmagan holda buyrak orqali chiqariladi, 1-2% metabolit shaklida safro bilan va 15% ahlat bilan qabul qilgandan keyin 5 kun davomida chiqariladi.

Jigar faoliyatini buzilishi farmakokinetikaga axamiyatli taʼsir koʻrsatmaydi, buyrak faoliyatini buzilishi preparatni yarim chiqarilish davrini axamiyatsiz oshiradi.

Farmakodinamikasi

Ftorxinolonlar guruhi keng taʼsir doirasiga ega mikroblarga qarshi preparat. Bakteritsid taʼsir qiladi. Taʼsir mexanizmi bakteriyalarning DNK-giraza fermentini ingibitsiya qilish bilan bogʻliq, buning oqibatida DNK sintezi (yoki replekatsiyasi) va bakteriyalarning hujayra oqsillarini sintezi buziladi. Siprofloksatsin koʻpayayotgan mikroorganizmlarga ham, tinch holatda boʻlgan bakteriyalarga ham taʼsir qiladi. Siprofloksatsinga grammanfiy aerob bakteriyalar sezgir: Eschenchia coli, Salmonella spp., Shigella spp., Citrobacter spp., Klebsiella spp., Enterobacter spp., Proteus mirabilis, Proteus vulgaris, Serratia marcescens, Hafnia alvei, Edwardsiella tarda, Providencia spp., Morganella morganii, Vibrio spp., Yersinia spp., boshqa grammanfiy bakteriyalar (Haemophilus spp., Pseudomonas aeruginosa, Moraxella catarhalis, Aeromonas spp., Pasteurella multocida, Plesiomonas shigelloides, Campylobacter jejuni, Neisseria spp.); ayrim hujayra ichki qoʻzgʻatuvchilari: Legionella pneumophila, Brucella spp., Chlamydia trachomatis, Listeria monocytogenes, Mycobacterium tuberculosis, Mycobacterium kansasii, Corynebacterium diphtheriae.

Siprofloksatsinga shuningdek grammusbat aerob bakteriyalar ham sezgir: Staphylococcus spp. (Staphylococcus aureus, Staphylococcus haemolyticus, Staphylococcus hominis, Staphylococcus saprophyticus), Streptococcus spp. (Streptococcus pyoganes, Streptococcus agalactiae).

Metitsillinga chidamli koʻpchilik stafilokokklar siprofloksatsinga ham chidamli. Streptococcus pneumoniae, Enterococcus faecalis, Mycobacterium avium-intracellulare bakteriyalarining sezgirligi oʻrtacha (ularni bostirish uchun yuqori konsentratsiyalar talab etiladi).

Preparatga Bacteroides fragilis, Pseudomonas cepacia, Pseudomonas maltophilia, Ureaplasma urealyticum, Clostridium difficile, Nocardia asteroides lar rezistent. Treponema pallidum ga nisbatan preparatni taʼsiri yetarli oʻrganilmagan.

 

Qoʻllanilishi

Siprofloksatsinga sezgir mikroorganizmlar chaqirgan quyidagi infeksion-yalligʻlanish kasalliklarida:

  • nafas yoʻllarining infeksiyalari
  • LOR-aʼzolarining infeksiyalari
  • oʻt qopi va oʻt chiqaruvchi yoʻllarining infeksiyalari
  • qorin boʻshligʻi va kichik chanoq aʼzolarining infeksiyalari, shu jumladan peritonit, sepsis
  • buyrak va siydik chiqarish tizimining infeksiyalari
  • teri shilliq qavatlar va yumshoq toʻqimalarining infeksiyalari
  • tayanch-harakat apparatining infeksiyalari
  • jinsiy aʼzolarning infeksiyalari (gonoreya, prostati)
  • operatsiyadan keyin infeksion asoratlarni oldini olish
  • immuniteti past boʻlgan bemorlarda infeksiyalarni oldini olish va davolashda (immunodepressantlar bilan davolash) qoʻllanadi.

 

Qoʻllash usuli va dozalari

Vena ichiga yuborish uchun 200 mg 100 ml dan siprofloksatsin eritmasini 30-60 minut davomida tomchilab yuborish uchun buyuriladi.

Siydik chiqarish yoʻllarining infeksion shikastlanishini asoratlanmagan shakllarida 100 mg dan sutkada 2 marta buyuriladi. Siydik chiqarish yoʻllarining infeksion jarayonlarni asoratlangan shakllarida tavsiya etilgan bir martalik doza – 200 mg, yuborish davomiyligi sutkada 2 mrta.

Oʻtkir gonoreya, sistitda 100 mg dozada bir marta buyuriladi.

Quyi nafas yoʻllarining infeksiyalarida 200-400 mg dan sutkada 2 marta.

Quyi nafas yoʻllarining (shu jumladan streptokokkli pnevmoniya), suyak-boʻgʻim tizimining ogʻir infeksiyalarida, septitsemiya, peritonitda (asosan Pseudomonas, Staphylococcus, Streptococcus) mavjudligida tavsiya etilgan bir martalik doza – 400 mg, yuborish davomiyligi sutkada 3 martani tashkil qiladi.

Jarrohlik aralashuvlardagi infeksiyalari oldini olish uchun 200-400 mg dan operatsiyadan 0,5-1 soat oldin; operatsiyani 4 soatdan uzoq davom etishida ushbu dozada takroriy yuboriladi.

Boshqa infeksiyalarda (kechish ogʻirligiga qarab) – 200-400 mg dan sutkada 2 marta. Davolash davomiyligi kasallikning ogʻirlik darajasiga bogʻliq.

Davolashni oʻrtacha davomiyligi: asoratlanmagan gonoreya va sistitda 1 kun, buyrak, siydik chiqarish yoʻllari va qorin boʻloʻigʻi infeksiyalarida 7 kungacha, osteomiyelitda 2 oygacha, boshqa infeksiyalarda 7-14 kunni tashkil qiladi.

Immuniteti susaygan patsiyentlarda davolashni neytropeniyani butun davri davomida oʻtkaziladi.

Buyrak yetishmovchiligi boʻlgan patsiyentlarda qoʻllanilishi

Kreatinin klirensi minutiga 31-60 ml boʻlganda sutkalik doza 800 mg dan oshmasligi lozim. Kreatinin klirensi minutiga 30 ml dan kam boʻlganda maksimal sutkalik doza – 400 mg.

Keksa yoshdan patsiyentlarda qoʻllanilishi

Geriatriyada kasallikni ogʻirligiga va kreatinin klirensiga qarab preparatni iloji boricha past dozasini qoʻllash lozim.\

 

Nojoʻya taʼsirlari
  • taʼmni buzilishi, ishtahani pasayishi, koʻngil aynishi, qusish, qorinda ogʻriq, meteorizm, diareya, dispepsiya.
  • bosh ogʻrigʻi, bosh aylanishi, charchoqlik hissi, qoʻzgʻaluvchanlik, qoʻrqinchli tush koʻrish, gallyutsinatsiyalar, xushdan ketishlar, koʻrish va eshitishni buzilishi, ongni chalkashishi, tirishishlar, paresteziyalar, xarakat buzilishlari, shu jumladan yurganda
  • xolestatik sariqlik (asosan jigar kasalliklarini oʻtkazgan patsiyentlarda), gepatit, jigar yetishmovchiligi
  • soxtamembranoz kolit
  • jigar yetishmovchiligi, gematuriya, kristalluriya (eng avvalo ishqoriy siydikda va past diurezda), interstitsial nefrit, dizuriya, poliuriya, siydikni tutilishi, albuminuriya, uretral qon ketish
  • taxikardiya, yurak ritmini buzilishi, arterial gipotenziya, qorinchalar aritmiyasi, vaskulit
  • anafilaktik reaksiyalar, teri toshmalari, terini qichishishi, toshma, eshakemi, bronxospazm, Kvinke shishi, Stivens-Djonson sindromi, Layell sindromi
  • artralgiya, artrit, mialgiya, tendovaginit, paylarni uzilishi
  • kandidoz
  • fotosensibilizatsiya
  • eozinofiliya, leykopeniya, neytropeniya, trombotsitoz, trombotsitopeniya, gemolitik anemiya
  • jigar transaminazalari, ishqoriy fosfatazani faolligini oshishi, giperbilirubinemiya, laktatdegidrogenaza, bilirubinni oshishi
  • giperglikemiya, giperkreatininemiya, giprotrombinemiya
  • yurak ritmini buzilish, EKG da QT intervalini uzayishi
  • yuborish joyida ogʻriq, achishish hissi, flebit
  • oʻtkir tarqalgan pustulez

 

 

Qoʻllash mumkin boʻlmagan holatlar
  • siprofloksatsinga yoki ftorxinolonlar guruhining boshqa preparatlariga yuqori sezuvchanlik
  • tizanidin va teofillin bilan bir vaqtda qabul qilish (arterial bosimini yaqqol pasayishi xavfi, uyquchanlik)
  • paylarni shikastlanishi (shu jumladan tendovaginit), paylarni uzilishi, mushaklarni shikastlanishi (rabdomioliz)
  • avval ftorxinolonlar bilan davolanganda paylarni shikastlanishi
  • bolalar va 18 yoshgacha boʻlgan oʻsmirlar
  • homiladorlik va laktatsiya davri
  • soxtamembranoz kolitda qoʻllash mumkin emas.

 

Dorilarning oʻzaro taʼsiri

Antatsidlarni, shuningdek alyuminiy, temir yoki magniy ionlarini saqlovchi preparatlarni bir vaqtda qabul qilish siprofloksatsinni soʻrilishini kamayishini chaqirishi mumkin, shuning uchun ushbu preparatlarni buyurishlari orasidagi interval kamida 4 soat boʻlishi lozim.

Siprofloksatsinni teofillin va kofein bilan bir vaqtda qabul qilish sitoxrom R450 ni bogʻlash sohalarida raqobatli ingibitsiya qilish hisobiga ularning qon plazmasidagi konsentratsiyasini oshishiga olib kelishi mumkin, bu teofillinning yarim chiqarilish davrini uzayishiga va teofillin bilan bogʻliq toksik taʼsir rivojlanishi xavfi oshishiga olib kelishi mumkin.

Siprofloksatsin va antikoagulyantlarni bir vaqtda qoʻllanganda qon ketishlar vaqti uzayadi.

Siprofloksatsin va siklosporinni bir vaqtda qoʻllanganda, siklosporinning pefrotoksik taʼsiri kuchayadi.

Beta-laktam antibiotiklar, aminogltkozidlar, vaknomitsin, klindamitsin bilan birgalikda qoʻllanganda preparatni faolligi oshadi.

Siprofloksatsinni metrotreksat bilan birga qoʻllanganda, metotreksatning toksik taʼsir xavfi oshadi. Probensid qon plazmasida siprofloksatsin konsentratsiyasini oshirishi mumkin.

Siprofloksatsin fenitoin bilan birga qoʻllanganda, ayrim bemorlarda qon zardobida fenitoinning darajasini oʻzgarishi (oshishi yoki pasayishi) aniqlangan.

Siprofloksatsinni glibenklamid bilan birgalikda qoʻllanganda gipoglikemiya rivojlanishi mumkin.

Nosteroid yalligʻlanishga qarshi preparatlar bilan birga qoʻllanganda MNT qoʻzgʻaluvchanligini oshishi va tirishishlarini kelib chiqishi xavfi mavjud.

Siprofloksatsin eritmasi rN 3-4 boʻlgan, yaʼni fizik yoki kimyoviy barqaror boʻlmagan eritmalar yoki dori preparatlari bilan nomutanosibdir.

 

Maxsus koʻrsatmalar

Tutqanogʻi boʻlgan bemorlarga, anamnezida tirishish xurujlari, qon-tomir kasalliklari va bosh miyaning organik shikastlanishlari boʻlgan patsiyentlarga, MNT tomonidan nojoʻya reaksiyalarni rivojlanishi xavfi tufayli, siprofloksatsinni faqat hayotiy koʻrsatmalari boʻyicha buyurish lozim.

Qandli diabeti boʻlgan bemorlarga siprofloksatsinni buyurishda ehtiyotkorlik choralariga rioya qilish lozim.

Siprofloksatsin bilan davolanish davrida, bevosita quyosh nurlaridan saqlanish lozim.

Kristalluriyani kelib chiqishini oldini olish uchun, preparat bilan davolash davrida normal diurezni taʼminlash uchun yetarli miqdordagi suyuqlikni qabul qilish zarur.

Paylarda ogʻriq vujudga kelsa yoki tendovaginitni birinchi belgilari paydo boʻlsa, davolashni toʻxtatish lozim.

Glyukozo-6-fosfatdegidrogenaza yetishmovchiligi boʻlgan bemorlarda siprofloksatsinni qoʻllanganda gemoliz rivojlanishi mumkin. Shuning uchun, siprofloksatsin bilan davolashni juda extiyotkorlik bilan oʻtkazish lozim.

Davolash vaqtida yoki keyin ogʻir va davomdi diareya paydo boʻlganda soxtamembranoz kolit tashxisini istisno qilish lozim, bu siprofloksatsin preparatini darhol bekor qilishni va muvofiq davolashni buyurishni talab etadi. Ushbu vaziyatda peristaltikaga qarshi preparatlarni qoʻllash mumkin emas.

Siprofloksatsinni infuzion eritmasi yorugʻlik taʼsiriga sezgir, flakonni faqat qoʻllashdan oldin oʻramdan oldish kerak.

Transport vositalari yoki potensial xavfli mexanizmlarni boshqarish qobiliyatiga dori vositasini taʼsir qilishni oʻziga xosligi.

Siprofloksatsin qabul qilayotgan patsiyentlar avtomobilni haydash va yuqori eʼtiborni va tez psixomotor reaksiyalarni talab etadigan boshqa potensail xavfli turdagi faoliyat turlari bilan shugʻullanishda ehtiyotkorlikka rioya qilish lozim (ayniqsa alkogolni bir vaqtda isteʼmol qilganda).

Preparat bolalar ololmaydigan joyda saqlansin va yaroqlilik muddati oʻtgach ishlatilmasin.

 

Dozani oshirib yuborilishi

Simptomlari: nojoʻya taʼsirlarni kuchayishi.

Davolash: simptomatik. Maxsus antidoti nomaʼlum. Bemorni holatini sinchkovlik bilan nazorat qilish, meʼdani yuvish oʻtkazish, kechiktirib boʻlmaydigan oddiy choralarni oʻtkazish, yetarli miqdordagi suyuqlikni tushishini taʼminlash zarur. Gemo- yoki peritoneal dializ yordamida preparatni faqat kam miqdori ajralib chiqarilishi mumkin (kamida 10%).

 

Chiqarilish shakli

100 ml dan preparat flakonga yopishtirilgan ochish uchun uziladigan xalqali qalpoqchali va rezina polipropilen qopqoq bilan berkitilgan halqa – ushlagichli polipropilen fakonlarga quyiladi.

1 flakondan davlat va rus tillaridagi tibbiyotda qoʻllash boʻyicha yoʻriqnomasi bilan karton qutida yoki flakonlar davlat va rus tillaridagi tibbiyotda qoʻllash yoʻriqnomalari bilan karton qutida (guruh).

 

Saqlash sharoiti

Quruq, yorugʻlikdan himoyalangan joyda, 25oS dan yuqori boʻlmagan haroratda saqlansin.

 

Yaroqlilik muddati

2 yil.

 

Dorixonalardan berish tartibi

Retsept boʻyicha