Ilovani yuklab oling
Yuklab olish
Цинепар ТАБЛЕТКА

Oson Apteka - Dorixonalar ma'lumotnomasi

Цинепар ТАБЛЕТКА №1000

6 999 so'mdan
(3291)
Dorixonalardagi narx
Xususiyatlari
Xalqaro nomi
Paracetamol, Diclofenak
Ishlab chiqaruvchi
КУРАМАКС
Chiqarilish shakli
ТАБ
Farma. Guruh
Нестероидные противосполительные препараты
Dori tafsilotlari
Dori shakli:
Tarkibi
Taʼrifi:
Farmakoterapevtik guruhi:
Farmakologik xususiyatlari
Qoʻllanishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli:

tabletkalar.

 

Tarkibi

Qobiq bilan qoplanmagan har bir tabletka quyidagilarni saqlaydi:

faol moddalar: paratsetamol – 500 mg; diklofenak natriy – 50 mg; (enterosolyubial qobiqli granulada)

yordamchi moddalar: kraxmal, gipromelloza, tozalangan talk, magniy stearati, suvsiz kolloid kremniy dioksidi, natriy kroskarmelloza, natriy lauril sulfati, stearin kislotasi, izopropil spirti, tozalangan suv.

 

Taʼrifi:

 oq rangli, dumaloq, yassi, qobiq bilan qoplanmagan, bir tomoni riskali tabletkalar.

 

Farmakoterapevtik guruhi:

analgetik-antipiretik.

 

 

Farmakologik xususiyatlari

Sinepar® tabletkalari – ogʻriqni qoldiruvchi, isitmani tushiruvchi va yalligʻlanishga qarshi taʼsir koʻrsatadi.

Paratsetamol ogʻriqni qoldiruvchi va isitmani tushiruvchi taʼsir koʻrsatadi. Ogʻriqni qoldiruvchi taʼsir mexanizmi, asosan gipotalamusdagi termoregulyatsiya markazida joylashgan prostaglandinlar sintezini ingibitsiya qilishi bilan bogʻliq. Buning natijasida tomirlarning kengayishi va kuchli terlash tufayli, tanadan issiqlikni ajralib chiqishi kuchayadi.

Diklofenak natriy nosteroid yalligʻlanishga qarshi vositadir. Uning taʼsir mexanizmi siklooksigenazani nospetsifik susaytirishi orqali prostaglandinlar sintezini ingibitsiya boʻlishi, shuningdek leykotsitlarda erkin araxidonlarning konsentratsiyasini pasaytirishi bilan bogʻliq.

Farmakokinetikasi

Paratsetamol ichga qabul qilinganida yaxshi va tez soʻriladi. Plazmadagi choʻqqi konsentratsiyasiga 10-60 minutdan keyin erishiladi. Organizmning deyarli barcha toʻqimalariga kiradi, yoʻldoshga oson oʻtadi va koʻkrak suti bilan ajralib chiqadi. Jigarda metabolizmga uchraydi, metabolitlari farmakologik jihatdan faol emas, ammo toʻplanganida jigar nekroziga olib kelishi mumkin. Buyraklar orqali asosan metabolitlar holida chiqariladi. Yarim chiqarilish davri 1-4 soat oraligʻida oʻzgaradi. Jigar faoliyati buzilganida preparatni organizmdan chiqarilishi sekinlashadi, bu organizmda metabolitlarni toʻplanishiga olib keladi.

Diklofenak natriy – ichga bir marta qabul qilinganidan soʻng, ichakdan tez va toʻliq soʻriladi, faol moddaning taxminan 50% jigardan birinchi oʻtishda metabolizmga uchraydi. 50 mg dozada preparatning qon plazmasidagi maksimal konsentratsiyasi 1-2 soatdan soʻng kuzatiladi va 1,5 mkg/ml (5 mkmol/l) ni tashkil etadi. Ovqatlanish preparatning soʻrilish tezligini sekinlashtiradi, ammo soʻrilayotgan faol moddaning miqdori oʻzgarmaydi. Plazma oqsillari bilan bogʻlanishi 99,7% ni tashkil etadi; bunda preparatning koʻp qismi (99,4%) albuminlar bilan bogʻlanadi. Sinovial suyuqligiga boʻgʻim boʻshligʻiga yaxshi kiradi, u yerda faol moddaning maksimal konsentratsiyasiga plazmadagiga nisbatan 2-4 soat kechroq erishiladi. Sinovial suyuqlikdan yarim chiqarilish davri 3-6 soatni tashkil etadi.

Plazmada choʻqqi qiymatiga erishilganidan soʻng ikki soatdan keyin sinovial suyuqlikda faol moddaning konsentratsiyasi plazmadagiga nisbatan hali ham yuqori boʻladi va 12 soatgacha yuqori qiymatda qoladi. Plazmadan yarim chiqarilish davri 1-2 soatni tashkil etadi. Preparatning 60% metabolitlari holida buyraklar orqali, qolgan qismi safro orqali chiqariladi. Buyraklar faoliyatini yaqqol buzilishi boʻlgan (kreatinin klirensi minutiga 10 ml dan kam) bemorlarda, safro bilan chiqariladigan metabolitlarining solishtirma ogʻirligi oshadi, shuning uchun ularning qondagi konsentratsiyasini oshishi kuzatilmaydi.

 

Qoʻllanishi

Ogʻriq qoldiruvchi, yalligʻlanishga qarshi, isitma tushuruvchi taʼsir koʻrsatadi. Yalligʻlanish va ogʻriqdan halos etadi.

Sinepar tabletkalari revmatoid artrit, osteoartrit, yuvenil surunkali artrit, osteoxondroz, skelet-mushak buzilishlari, masalan, tendinit, tendosinovit, bursit, paylarni choʻzilishi va suyaklarni chiqishi kabi, shuningdek sportdagi jarohatlarda koʻrsatilgan; Bexterev kasalligida ogʻriq va yalligʻlanishni kamaytirish uchun; ortopedik, stomatologik va boshqa kichik xirurgik operatsiyalarida, tish ogʻrigʻi, dismenoreya va hayz koʻrish vaqtidagi ogʻriqlar; tanadagi ogʻriqlar; bosh ogʻrigʻida, isitmani pasaytirish uchun qoʻllanadi.

 

Qoʻllash usuli va dozalari

Tabletkalar ichga butun holda, chaynamasdan, yetarli miqdordagi suyuqlik bilan qabul qilinadi. Preparatni ovqatdan soʻng qabul qilish kerak.

Kattalar va 12 yoshdan oshgan bolalarga 1 tabletkadan sutkada 2-3 marta buyuriladi. Kasallikning simptomlari oʻrtacha darajada boʻlganida, shuningdek uzoq muddat davolanganda, odatda sutkada 2 tabletka – bir tabletkadan ertalab va kechqurun qabul qilish yetarlidir. Bunday sharoitlarda Sinepar® tabletkalarining maksimal sutkalik dozasi 3 tabletkadan oshmasligi kerak.

Birlamchi algodismenoreyada preparatning boshlangʻich dozasi – 1 tadan 3 tabletkagacha boʻladi, ammo zarurat boʻlganida bir sutka davomida sutkalik dozani 4 tabletkagacha oshirish mumkin. Preparatni qoʻllash muddati 5-7 kunni tashkil etadi va kasallik simptomlarini dinamikasiga bogʻliq.

12 yoshgacha boʻlgan bolalarga faqatgina shifokorning koʻrsatmasi boʻyicha va shifokorning nazoratida buyuriladi. Preparat 6-12 yoshdagi bolalarga buyurilganida diklofenakning sutkalik dozasi tana vazniga 0,5-2 mg/kg dan oshmasligi kerakligini hisobga olish kerak, bu bolalar uchun maksimal doza hisoblanadi. 6 yoshdan oshgan bolalarni davolashda paratsetamolning sutkalik dozasi 2 g dan oshmasligi kerak.

 

Nojoʻya taʼsirlari

Meʼda-ichak yoʻllari tomonidan: koʻngil aynishi, qusish, anoreksiya, diskomfort hissi (epigastral sohada ogʻriqlar va spazmlar), meteroizm, ishtahani pasayishi. Kam hollarda – meʼda-ichak yoʻllarini, qon ketishi, perforatsiya bilan asoratlangan, eroziv-yarali shikastlanishlari, aftozli stomatit, ezofagit. Ayrim hollarda – nospetsifik yarali kolit, Kron kasalligi;

Markaziy nerv tizimi tomonidan: bosh aylanishi, toliqish. Kam hollarda – his qilish yoki koʻrishni buzilishi (jismlarni noaniq koʻrish, diplopiya), quloqlarni shangʻillashi, taʼsirchanlik, tirishishlar, uyquni buzilishi, depressiya, xavotirlik hissi;

Dermatologik reaksiyalar: teri toshmasi, eshakemi. Kam hollarda: bullez toshmalar, ekzema, eritrodermiya, sochlarni toʻkilishi, fotosensibilizatsiya;

Jigar faoliyati tomonidan: gepatit, sariqlik, jigar faoliyatini buzilishi;

Qon yaratish tizimi tomonidan: ayrim hollarda – trombotsitopeniya, leykopeniya, agranulotsitoz, gemolitik anemiya, aplastik anemiya;

Yurak qon-tomir tizimi tomonidan: kam hollarda – taxikardiya, koʻkrak qafasi sohasida ogʻriqlar, yurak yetishmovchiligi, infarkt miokardi;

Nafas tizimi tomonidan: astma (shu jumladan, hansirash), eozonofil pnevmoniya;

Siydik chiqarish tizimi tomonidan: buyrak yetishmovchiligi, oʻtkir tubulyar nekroz, interstitsial nefrit;

Allergik va immunopatologik reaksiyalar: kam hollarda – anafilaktik va anafilaktoid reaksiyalar.

 

Qoʻllash mumkin boʻlmagan holatlar
  • preparatning komponentlariga yuqori sezuvchanlik;
  • ibuprofen, atsetilsalitsil kislotasi yoki boshqa nosteroid yalligʻlanishga qarshi preparatlar tomonidan chaqirilgan astma, Kvinke shishi, eshakemi yoki oʻtkir rinit;
  • meʼda-ichak yoʻllarini, zoʻrayish bosqichidagi, eroziv-yarali shikastlanishlari (shu jumladan peptik yara, Kron kasalligi, nospetsifik yarali kolit);
  • homiladorlikning III uch oyligi, laktatsiya;
  • 6 yoshgacha boʻlgan bolalar;
  • ogʻir darajadagi jigar, buyrak yoki yurak yetishmovchiligida qoʻllash mumkin emas.

 

Dorilarning oʻzaro taʼsiri

Kaliyni tejovchi diuretiklar bilan bir vaqtda qoʻllanganida, qonda kaliyning miqdori oshishi mumkin. Bilvosita antikoagulyantlar bilan bir vaqtda buyurilganida qon ketishi rivojlanishi mumkin. Preparat qonda litiy, digoksin va siklosporinning konsentratsiyasini oshirishi mumkin, shuning uchun ular bilan birga qoʻllanganida, litiy, digoksin va siklosporinning dozalariga tuzatish kiritish kerak. Metotreksat bilan davolashni boshlashdan 24 soat oldin yoki keyin preparat buyurilganida ehtiyotkorlikka rioya qilish kerak, chunki bunda uning zaharli taʼsirini rivojlanish xavfi oshadi.

Fenitoin diklofenak bilan bir vaqtda ishlatilganida fenitoinning taʼsiri kuchayishi mumkinligi tufayli, plazmada fenitoinning konsentratsiyasini monitoring qilish kerak. Preparat qonda qandning miqdorini pasaytiruvchi preparatlar va diuretiklarning toksikligini kuchaytiradi. Boshqa nosteroid yalligʻlanishga qarshi preparatlar va kortikosteroidlar bilan birga qoʻllanganida meʼda-ichakdan qon ketishlar havfi yoki yaralarni paydo boʻlish havfi oshishi mumkin.

 

Maxsus koʻrsatmalar

Anamnezida meʼda-ichak yoʻllarini eroziv-yarali shikastlanishlari boʻlgan bemorlarga, shuningdek jigar, buyrak, qon yaratish aʼzolari faoliyatini yaqqol buzilishlari boʻlgan patsiyentlarga buyurilganida ehtiyotkorlikka rioya qilish lozim.

Yuqori dozalarda preparat trombotsitlar agregatsiyasini susaytirishi mumkin, shuning uchun gemostazni buzilishi boʻlgan patsiyentlarni sinchiklab kuzatish kerak.

Preparatni keksalarda, surunkali yurak yetishmovchiligi, arterial gipertoniyasi, porfiriyasi boʻlgan bemorlarda, shuningdek bevosita jiddiy jarrohlik aralashuvlaridan keyin ehtiyotkorlik bilan qoʻllash kerak.

Preparat bilan davolash vaqtida jigar, buyraklar faoliyatini va periferik qon manzarasini nazorat qilish kerak. Preparatni qoʻllash vaqtida preparat gepatotoksik taʼsiri kuchayishi mumkinligi tufayli, alkogol isteʼmol qilish mumkin emas.

Preparat bolalar ololmaydigan joyda saqlansin va yaroqlilik muddati tugaganidan soʻng ishlatilmasin.

Homiladorlikda va laktatsiya davrida qoʻllanishi

Homilador va emizikli ayollar ushbu preparatni qabul qilishdan oldin shifokor bilan maslahatlashishlari kerak.

Avtotransportni va boshqa mexanizmlarni boshqarish qobiliyatiga taʼsiri

Bemorlar, preparatni qabul qilish vaqtida, diqqatni jamlash va ruhiy hamda harakat reaksiyalarining tezligini talab etuvchi ishlarni bajarishdan (masalan, avtomobilni haydash) saqlanishlari kerak.

Preparat bolalar olaolmaydigan joyda saqlansin va yaroqlilik muddati tugaganidan soʻng ishlatilmasin.

 

Dozani oshirib yuborilishi

Simptomlari: allergik reaksiyalar, bezovtalanish, bosh aylanishi. Baʼzida jigarni jiddiy shikastlanishi, va buyraklarni oʻtkir tubulyar nekroziga olib keladi.

Davolash: meʼdani yuvish, simptomatik davolash oʻtkaziladi.

 

Chiqarilish shakli

Birlamchi oʻram: 10 tabletkadan alyumin folga va PVX plyonka blisterda.

Ikkilamchi oʻram: 10 tabletkadan iborat boʻlgan 10 blister qoʻllash boʻyicha yoʻriqnomasi bilan birga karton qutida.

10 tabletkadan iborat 100 blister qoʻllash boʻyicha yoʻriqnomasi bilan birga plastik konteynerda.

 

Saqlash sharoiti

Qorongʻi va quruq joyda, 25oS dan yuqori boʻlmagan haroratda saqlansin.

 

Yaroqlilik muddati

4 yil.

 

Dorixonalardan berish tartibi

Retsept boʻyicha.