Ilovani yuklab oling
Yuklab olish
Церетон капс.

Oson Apteka - Dorixonalar ma'lumotnomasi

Церетон капс. 400мг №56

328 000 so'mdan
(5471)
Dorixonalardagi narx
Tavsif
Церетон капс. 400мг №56
Xususiyatlari
Xalqaro nomlanishi
Choline alfoscerate
Ishlab chiqaruvchi
(АРТЛАЙФ ООО , Россия)
Chiqarilish shakli
Farma. Guruh
Ноотропные средства
Dori tafsilotlari
Қўллаш мумкин бўлмаган ҳолатлар
Таркиби
Сақлаш шароити
Яроқлилик муддати
Фармакодинамикаси
Дорихоналардан бериш тартиби
Фармакокинетикаси
Қўлланилиши
Қўллаш усули ва дозалари
Ножўя таъсирлари
Дориларнинг ўзаро таъсири
Махсус кўрсатмалар
Дори шакли
Дозани ошириб юборилиши
Қўллаш мумкин бўлмаган ҳолатлар
  • препаратга юқори сезувчанлик;
  • геморрагик инсультнинг ўткир босқичи;
  • ҳомиладорлик ва лактация;
  • 18 ёшгача бўлган болалар (маълумотларнинг йўқлиги туфайли) да қўллаш мумкин эмас. 
Таркиби

1 капсула қуйидагиларни сақлайди:

фаол модда: 100% моддага қайта ҳисобланганда 400 мг холин альфосцерати;

ёрдамчи моддалар: глицерол, тозаланган сув – 590 мг миқдордаги масса олингунича;

капсула таркиби: желатин, сорбитол, глицерол, метилпарагидоксибензоат, пропилгидроксибензоат, титан диоксиди, темир II оксиди, тозаланган сув.

Таърифи: овал шаклли, сариқ ёки оч-жигарранг тусли сариқ рангли юмшоқ желатин капсулалар.

Капсула ичидагиси – тиниқ, рангсиз ёки бироз бўялган, мойли суюқлик. 

Сақлаш шароити

Қуруқ, ёруғликдан ҳимояланган жойда, 25°С дан юқори бўлмаган ҳароратда сақлансин. 

Яроқлилик муддати

3 йил. 

Фармакодинамикаси

Ноотроп восита. Марказий холиностимулятор, унинг таркибида 40,5% метаболик ҳимояланган холин сақланади. Метаболик ҳимоя холинни бош мияда ажралиб чиқишига ёрдам беради. Нейронал мембраналарда ацетилхолин ва фосфатидилхолин синтезини таъминлайди, марказий нерв тизимида қон оқимининг яхшилайди ва метаболик жараёнларни кучайтиради, ретикуляр формацияни фаоллаштиради. Бош миянинг травматик шикастланган томонида қон оқимини чизиқли тезлигини оширади, бош миянинг спонтан биоэлектрик фаоллигини фазовий-вақтли характеристикаларини нормаллашишига, ўчоқли неврологик регрессияга ва онгни тикланишига ёрдам беради, бош миянинг қон томирли касалликлари бўлган беморларда (дисциркулятор энцефалопатия ва бош мия қон айланишини бузилишларини қолдиқ кўринишлари) билиш ва ҳатти-ҳаракат реакцияларга ижобий таъсир кўрсатади. Инволюцион психоорганик синдромнинг патогенетик омилларига профилактик ва мувофиқлаштирувчи таъсир кўрсатади, нейронларнинг мембраналарини фосфолипид таркибини ўзгартиради ва холинэргик фаолликни пасайтиради. Физиологик шароитларда ацетилхолинни дозага боғлиқ ажралиб чиқишини рағбатлантиради; фосфатидилхолиннинг синтезида иштирок этиб (мембрана фосфолипиди), синаптик ўтказилишни нейронал мембраналарнинг пластиклигини рецепторларнинг фаолиятини яхшилайди. Репродуктив циклга таъсир кўрсатмайди ва тератоген, мутаген таъсирга эга эмас. 

Дорихоналардан бериш тартиби

Рецепт бўйича. 

Фармакокинетикаси

Парентерал қабул қилинганида (10 мг/кг) холин альфосцерати асосан мияда, ўпка ва жигарда тўпланади. Сўрилиши – 88%, гематоэнцефалик тўсиқ орқали осон ўтади (перорал қабул қилинганида бош миядаги концентрацияси плазмадагидан 45% ни ташкил қилади). Ўпка орқали препаратнинг 85% углерод диоксиди кўринишида чиқарилади, қолган қисми (15%) буйраклар ва ичак орқали чиқарилади. 

Қўлланилиши
  • оғир бош мия шикастланиши ва ишемик инсультдан кейинги тикланиш даври, ўчоқли яримшарли симптоматика ёки бош мия ўзагининг шикастланиши симптомлари билан кечувчи геморрагик инсультнинг тикланиш даври;
  • бош миянинг дегенератив ва инволюцион ўзгаришлари фонидаги психоорганик синдроми;
  • когнитив бузилишлар (фикрлаш фаолиятини, хотирани бузилишлари, онгни чалкашиши, дезоринтация, мотивация, ташаббускорлик ва диққатни жамлашни пасайиши), шу жумладан деменция ва энцефалопатиядаги;
  • қарилик сохта меланхолиясида қўлланади. 
Қўллаш усули ва дозалари

Бош мия шикастланиши, ишемик ёки геморрагик инсультни тикланиш даврида Церетон® эрталаб 800 мг ва кундузи 400 мг дан 6 ой давомида буюрилади.

Сурункали цереброваскуляр етишмовчиликда ва деменция синромида Церетон® суткада    3 марта 400 мг (1 капсула) дан, авзалроғи овқатдан кейин, 3-6 ой давомида буюрилади. 

Ножўя таъсирлари

Кўнгил айниши пайдо бўлиши мумкин (асосан, дофаминэргик фаолланиш оқибатида). Бекор қилишни талаб қилмайди, вақтинча препаратнинг дозасини пасайтириш кифоя қилади.

Аллергик реакциялар кузатилиши мумкин. 

Дориларнинг ўзаро таъсири

Бошқа препаратлар билан ахамиятли ўзаро таъсири аниқланмаган. 

Махсус кўрсатмалар

Церетон® психомотор реакциялар тезлигига таъсир кўрсатмайди.

Препарат болалар ололмайдиган жойда сақлансин ва яроқлилик муддати ўтганидан сўнг ишлатилмасин. 

Дори шакли

капсулалар 

Дозани ошириб юборилиши

Кўнгил айниши кузатилиши мумкин.

Даволаш: симптоматик даволаш.