Ilovani yuklab oling
Yuklab olish
Цефтризоне-ТЗ ПОРОШОК

Oson Apteka - Dorixonalar ma'lumotnomasi

Цефтризоне-ТЗ ПОРОШОК ДЛЯ ИНЪЕКЦИИ 1г/125мг №1

39 000 so'mdan
(4351)
Dorixonalardagi narx
Xususiyatlari
Xalqaro nomi
Ceftriaxone, Tazobactam
Ishlab chiqaruvchi
AKUMS DRUGS PHARMA LTD
Chiqarilish shakli
ПОР Д/ИН
Farma. Guruh
Антибиотики
Dori tafsilotlari
Dori shakli:
Tarkibi:
Taʼrifi: 
Farmakoterapevtik guruhi: 
Farmakologik hususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozasini oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli:

 inyeksiya uchun eritma tayyorlash uchun kukun.

 

Tarkibi:

1 flakon quyidagilarni saqlaydi:

faol moddalar:

seftriakson natriy (seftriaksonga ekvivalent) – 500 mg va 1000 mg,

tazobaktam natriy (tazobaktamga ekvivalent) – 62,5 mg va 125 mg;

erituvchi: inyeksiya uchun suv – muvofiq 5 ml va 10 ml.

 

Taʼrifi: 

oq rangdan och sariq ranggacha boʻlgan kristall kukun.

 

Farmakoterapevtik guruhi: 

antibiotiklar (sefalosporinlar guruhi).

 

 

Farmakologik hususiyatlari

Seftriakson – uchinchi avlod sefalosporini. Seftriakson bakteritsid taʼsirga ega, penitsillin-bogʻlovchi proteinlardan biri yoki bir nechtasi bilan birikish oraqali bogʻlanib, bakteriyalarning faol boʻlinayotgan hujayra devorlarining sintezini ingibirlaydi. Ushbu proteinlar bakteriyalarning hujayra membranalari bilan bogʻlangan va ehtimol ularni sintezida ishtirok etadi. Hujayra devorida nuqsonlar hosil boʻlishini natijasi hujayradagi osmotik bosimni nostabil xolatiga keladi. Bakteriya hujayralari unikal penitsillin-bogʻlovchi proteinlar toʻplamiga ega. Bakteriyalarni har xil turlari uchun penitsillinni bogʻlovchi proteinlarga seftriaksonning yaqinligi, preparatning antimikrob faollik doirasi bilan bogʻliq. Shuningdek sefalosporinlar, penitsillinlar kabi hujayralarni boʻlinishiga javobgar ferment murein gidrolaza ingibitorining hususiyatini pasaytirish orqali bakteriyalarning hujayra devorlarini parchalanish tezligini oshirishi mumkin. Ushbu ferment bakteriyalarning xujayra devorlarining butunligini parchalashi mumkin.

Tazobaktam – penitsillinat sulfon, tuzilish jihatidan sulbaktamga oʻxshash. Beta-laktamazani ingibitori boʻlib, penitsillinlar va sefalosporinlar kabi ushbu ferment taʼsiri ostida parchalanadigan koʻpchilik preparatlar bilan sinergizm namoyon qiladi. Tazobaktam klavulan kislotasi ingibirlashi mumkin boʻlgan barcha beta-laktamazalarni ingibirlaydi, bundan tashqari, Morganella morganii, Citrobacter freundii, Enterobacter cloacae, Serratia marcescens va Pseudomonas aeruginosa bakteriyalarning indutsiyalangan fermentlariga nisbatan maʼlum bir faollikka ega. Tazobaktam boshqa beta-laktamazalarga nisbatan kuchsiz ferment induktori hisoblanadi.

Seftriakson va tazobaktam majmuasi

Tazobaktam va seftriaksonni majmuasi seftriaksonga sezgir barcha mikroorganizmlarga nisbatan faoldir. Bundan tashqari, majmua turli mikroorganizmlarga nisbatan preparatning alohida komponentlari bilan solishtirganda sinergizm (minimal ingibirlovchi konsentratsiyalarni pasayishi) namoyon qiladi.

Grammanfiy aeroblarAcinetobacter calcoaceticus, Enterobacter aerogenes, Enterobacter cloacae, Escherichia coli, Haemophilus influenzae (jumladan, ampitsillinga chidamli va beta-laktamaza ishlab chiqaradigan shtammlari), Haemophilus parainfluenzae, Klebsiella oxytoca, Klebsiella pneumonia, Moraxella catarrhalis (beta-laktamaza ishlab chiqaradigan shtammlari), Morganella morganii Neisseria gonorrhoeae (shu jumladan, penitsillinaza ishlab chiqaradigan va ishlab chiqaruvchi shtammlar), Neisseria meningitides, Proteus mirabilis, Proteus vulgaris, Serratia marcescens.

Seftriakson Pseudomonas aeruginosa ga nisbatan ham faol.

Yuqorida koʻrsatilgan mikroorganizmlarning koʻpchilik shtammlari odatda boshqa antibiotiklarga, masalan, penitsillinlar, sefalosporinlar va aminoglikozidlarga nisbatan chidamli, seftriaksonga nisbatan esa sezuvchandir.

Grammusbat aeroblarStaphylococcus aureus (shu jumladan, penitsillinaza ishlab chiqaruvchi shtammlari), Staphylococcus epidermidis, Streptococcus pneumonia, Streptococcus pyogenes, Viridans group streptococci.

Metitsillinga chidamli stafilokokklar sefalosporinlarga, jumladan seftriaksonga ham chidamlidir.

AnaeroblarBacteroides fragilis, Clostridium species, Peptostreptococcus species.

Clostridium difficile ning koʻpchilik shtammlari seftriaksonga chidamli.

Aerob grammanfiy mikroorganizmlar: Citrobacter diversus, Citrobacter freundii,

Providencia species (jumladan, Providencia rettgeri), Salmonella species (jumladan, Salmonella typhi), Shigella species.

Aerob grammusbat mikroorganizmlar: Streptococcus agalactiae, Prevotella (Bacteroides) bivius, Porphyromonas (Bacteroides) melaninogenicus.

Listeria monocytogenes va meningitni chaqiruvchi penitsillinga chidamli S. pneumoniae ga nisbatan kam faol.

Farmakokinetikasi

Plazmadagi seftriaksonning maksimal konsentratsiyaga yuborilganidan soʻng 30 minut davomida erishiladi. Seftriakson siydikda yuqori konsentratsiyalarga erishadi. Umuman olganda seftriaksonning 33-67% oʻzgarmagan holda chiqariladi, qolgan qismi esa safro va ahlat bilan chiqariladi. 1 g seftriakson vena ichiga yuborilganidan soʻng oʻrtacha konsentratsiyasi safroda 581 mkg/ml va plazmada 62,1 mkg/ml ni tashkil qiladi. Yarim chiqarilish davri 8,7 soatni tashkil qiladi. Seftriakson plazma oqsillari bilan 98% bogʻlanadi. Seftriakson gematoensefalik toʻsiq orqali oʻtadi. Peritoneal va gemodializda organizmdan chiqarilmaydi.

Tazobaktam farmakologik va antibakterial faollikka ega boʻlmagan yagona metabolitgacha metabolizmga uchraydi. Tazobaktam kalava filtratsiyasi va naychalar sekretsiyasi yoʻli bilan buyraklar orqali chiqariladi. Tazobaktam va uning metaboliti asosan buyraklar orqali chiqariladi, yuborilgan dozaning 80% oʻzgarmagan holda, qolgan qismi yagona metabolit koʻrinishida chiqariladi. Tazobaktam shuningdek oʻt-safroga ham chiqadi. Tazobaktam plazma oqsillari bilan taxminan 30% bogʻlanadi. Tazobaktamning metabolitlarini oqsillar bilan bogʻlanishi ahamiyatsiz darajada boʻladi. Tazobaktam organizmning toʻqima va suyuqliklariga, shu jumladan ichakning shilliq qavati, oʻt pufagi, oʻpka, ayollarning reproduktiv aʼzolari (bachadon, tuxumdonlar, bachadon naylari), hujayralararo suyuqlik va oʻt-safroga keng tarqaladi.

 

Qoʻllanilishi

 

Preparatga chidamli bakteriyalarning rivojlanishini pasaytirish va seftriakson va tazobaktamning samaradorligini tutib turish uchun, preparatni faqat sezgir mikroorganizmlar chaqirgan infeksiyalarni davolash uchun qoʻllash kerak. Seftriakson natriy va tazobaktamning majmuasini quyidagi holatlarda qoʻllash koʻrsatilgan:

  • Yuqori va quyi nafas yoʻllari va LOR-aʼzolarining infeksion-yalligʻlanish kasalliklari (shu jumladan oʻtkir va surunkali bronxit, pnevmoniya, kasalxonadan tashqari pnevmoniya, oʻpka abssessi, plevra empiyemasi, oʻrta quloqni oʻtkir bakterial otiti);
  • Teri va yumshoq toʻqimalarning infeksion-yalligʻlanish kasalliklari;
  • Siydik jinsiy aʼzolarning infeksion-yalligʻlanish kasalliklari (piyelit, oʻtkir va surunkali piyelonefrit, sistit, prostatit, epididimit va boshq.);
  • Suyak va boʻgʻimlar, yuz-jagʻ sohasining infeksion-yalligʻlanish kasalliklari;
  • Qorin boʻshligʻi aʼzolarining infeksion-yalligʻlanish kasalliklari (peritonit, xoletsistit, pankreatit va boshq.);
  • Asoratlanmagan gonoreya, shu jumladan penitsillinaza ishlab chiqaruvchi mikroorganizmlar chaqirgan gonoreya;
  • Sepsis va bakterial septitsemiya;
  • Bakterial meningit va endokardit;
  • Yumshoq shankr va sifilis;
  • Layma kasalligi (spiroxetoz);
  • Salmonellez va salmonella tashuvchilar;
  • Immuniteti susaygan patsiyentlardagi infeksiyalar;
  • Operatsiyadan keyingi infeksion asoratlarni oldini olish.

Operatsiyadan keyingi infeksion asoratlarni oldini olish: operatsiyadan oldin preparatni (seftriakson) yuborish operatsiyadan keyingi infeksiyalar havfini kamaytirishi mumkin. Operatsiya oʻtkaziladigan patsiyentlar (masalan, vaginal abdominal gisterektomiya, havf guruhidagi patsiyentlarida surunkali kalkulez xoletsistitdagi xoletsistektomiya, antimikrob preparatlar yuborishni talab qilmaydigan oʻtkir xoletsistit, obstruktiv sariqlik yoki oʻt-safro yoʻllariga toshlarni tiqilib qolishi va boshq.) infeksiyani rivojlanishiga nisbatan potensial havfli hisoblanadilar. Shuningdek, operatsiya maydoni jiddiy havf solishi mumkin boʻlgan patsiyentlar (masalan, aorta-koronar shuntlash vaqtida) ham infeksiyani rivojlanishiga nisbatan potensial xavfli hisoblanadilar.

 

Qoʻllash usuli va dozalari

Bolalar: Jiddiy infeksiyalarni davolash uchun tavsiya qilingan doza 50-75 mg/kg ni (seftriaksonga hisoblaganda) tashkil qiladi, ikkiga boʻlib har 12 soatda yuboriladi. Umumiy sutkalik doza 2 g (seftriaksonga hisoblaganda) dan oshmasligi kerak. 2 haftagacha boʻlgan yangi tugʻilgan chaqaloqlar uchun sutkalik doza 20-50 mg/kg ni tashkil qiladi. Oʻtkir bakterial oʻrta quloq otitini davolash uchun tavsiya qilingan bir martalik doza 50 mg/kg (ammo seftriaksonga hisoblaganda 1 g dan koʻp emas) mushak ichiga yuboriladi.

Kattalar: Kattalar uchun odatdagi doza 1000/125 mg seftriakson/tazobaktamni tashkil qiladi, infeksiyaning ogʻirligiga qarab sutkada 1-2 marta yuboriladi. Umumiy sutkalik doza 4 g dan (seftriaksonga hisoblaganda) oshmasligi kerak.

Operatsiyadan oldin yuborish uchun (operatsiyadan keyingi asoratlarni oldini olish uchun) 1 g seftriaksonga teng boʻlgan dozani jarrohlik aralashuvidan 30 minut – 2 soat oldin vena ichiga bir marta yuborish tavsiya qilinadi. Seftriakson bilan davolashni infeksiyani simptomlari oʻtib ketganidan keyin kamida 2 kun davomida yuborish kerak. Odatda davolashni davomiyligi 4-14 kunni tashkil qiladi; infeksiyani ogʻirligiga qarab davolash muddatini uzaytirish talab qilinishi mumkin. Streptococcus pyogenes chaqirgan infeksiyalarni davolashda, davolashni kamida 10 kun davom ettirish kerak. Seftriakson eritmasi quyida keltirilgan koʻrsatmalarga muvofiq tayyorlangan soʻng vena ichiga sekin inyeksiya yoki infuziya qilish yoki mushak ichiga yuborish mumkin.

Qoʻllash boʻyicha koʻrsatmalar

Vena ichiga oqim bilan yuborish uchun preparat inyeksiya uchun steril suvda, natriy xlorid eritmasida yoki dekstroza eritmasida 1:10 nisbatda, mushak ichiga yuborish uchun 1% li lidokain eritmasida eritiladi. Seftriakson preparatini tegishli erituvchida (inyeksiya uchun suv, natriy xlorid eritmasi, dekstroza eritmasi) suyultirish quyidagi jadvalda keltirilgan.

Dozasi (seftriaksonga hisoblaganda)

250 mg

500 mg

1000 mg

Vena ichiga yuborish uchun erituvchini miqdori (ml)

2,4

4,8

9,6

Mushak ichiga yuborish uchun erituvchini miqdori (ml) (1% lidokain gidroxlorid eritmasi)

0,5-0,9

1,0-1,8

3,6

Vena ichiga inyeksiyani kamida 2-4 minut davomida yuborish kerak.

Vena ichiga infuziyani kamida 30 minut davomida yuborish kerak.

Preparat 1% li lidokain eritmasida eritilganidan soʻng tayyor eritmani chuqur mushak ichiga yuborish kerak. 1 g dan ortiq dozalarni (seftriaksonga hisoblaganda) 2 ga boʻlish va 12 soat interval bilan yuborish kerak.

Tayyorlangan eritmani darxol ishlatish kerak.

Seftriakson preparatini eritish yoki tayyor eritmani vena ichiga yuborish uchun suyultirish uchun kalsiya saqlovchi eritmalarni (masalan, Ringer eritmasi yoki Gartman eritmasi) ishlatish mumkin emas. Bu choʻkma hosil boʻlishiga olib kelishi mumkin.

 

Nojoʻya taʼsirlari

Seftriakson va tazobaktam majmuasi odatda yaxshi oʻzlashtiriladi.

Preparat qoʻllanganida quyidagi nojoʻya reaksiyalar rivojlanishi mumkin:

Nerv tizimi tomonidan: bosh ogʻrigʻi, bosh aylanishi, uyquchanlik, tirishishlar (buyrak yetishmovchiligida), eshitishni buzilishi;

Ovqat hazm qilish yoʻllari tomonidan: koʻngil aynishi, qusish, qabziyat, meteorizm, anoreksiya, qorin ogʻrigʻi va spazmlari, taʼm bilishni buzilishi, stomatit, ogʻiz boʻshligʻi shilliq qavatida yaralarni paydo boʻlishi, ogʻiz boʻshligʻi kandidozi, glossit, soxta membranoz kolit, disbakterioz;

Jigar tomonidan: transaminazalar, ishqoriy fosfataza, LDG yoki bilirubinning faolligini tranzitor oshishi, jigar faoliyatining buzilishi, xolestaz;

Qon tizimi tomonidan: gemoglobin va gematokritni pasayishi, tranzitor eozonofiliya, neytropeniya, leykopeniya, aplastik va gemolitik anemiya, trombotsitopeniya, agranulotsitoz, gipoprotrombinemiya, protrombin vaqtini uzayishi, plazmada qonni ivish omillari (II, VII, IX, X) darajasini pasayishi;

Siydik-jinsiy tizim tomonidan: buyraklar faoliyatini buzilishi, interstitsial nefrit, dizuriya, vaginit, urolitiaz, nefrolitiaz, oraliqni qichishishi, qon zardobida kreatinin va/yoki mochevina azotini oshishi;

Allergik reaksiyalar: oʻta yuqori sezuvchanlik reaksiyalari, teri toshmalari, qichishish, allergik pnevmonit, allergik dermatit, eshakemi, ekzantema, Kvinke shishi, kam hollarda – isitma yoki etni uvishishi, zardob kasalligi, anafilaktik shok, bronxospazm. Boshqa preparatlarni qoʻllashdagi kabi alohida hollarda teri tomonidan koʻp shaklli eritema, Stivens-Djonson sindromi, Layell sindromi kabi nojoʻya reaksiyalar kuzatilishi mumkin;

Mahalliy reaksiyalar: inyeksiya qilingan joyda ogʻriq yoki infiltrat, vena ichiga yuborilganidan soʻng tromboflebit boʻlishi mumkin.

 

Qoʻllash mumkin boʻlmagan holatlar

Sefalosporinlar va beta-laktamaza ingibitorlariga (shu jumladan, penitsillinlarga, karbapenemlarga) yuqori sezuvchanlik. Homiladorlik (I uch oylik), emizish davri.

Ehtiyotkorlik bilan: yangi tugʻilgan chaqaloqlarda giperbilirubinemiya, chala tugʻilgan chaqaloqlar, buyrak va/yoki jigar yetishmovchiligi, nospetsifik yarali kolit, antibakterial vositalarni qoʻllash bilan bogʻliq boʻlgan enterit yoki kolit, homiladorlik, emizish davri.

 

Dorilarning oʻzaro taʼsiri

NYAQV va trombotsitlar agregatsiyasini boshqa ingibitorlari bilan bir vaqtda qoʻllanganida qon ketishining ehtimoli oshadi.

Diuretiklar va aminoglikozidlar seftriaksonning nefrotoksik samarasini kuchaytiradilar.

Preparat aminoglikozidlar, flukonazol, labetalol, vankomitsin, pentamidin, kalsiya saqlovchi eritmalar bilan farmatsevtik jihatdan nomutanosib.

 

Maxsus koʻrsatmalar

Bakterial infeksiya tasdiqlanmaganida, shuningdek profilaktik maqsadda seftriaksonni buyurish maqsadga muvofiq emas, chunki bunday holda preparatga chidamli bakteriyalarni rivojlanish havfi oshadi.

Arterial gipertenziyada va suv-elektrolit muvozanati buzilganida plazmada natriyni darajasini tekshirish kerak. Preparat uzoq vaqt buyurilganida qonni sitologik tahlil qilish kerak, disbakterioz rivojlanishi mumkinligini inobatga olish kerak.

Seftriakson bilan davolashni boshlashdan oldin patsiyentda sefalosporinlar, penitsillinlar va boshqa preparatlarga allergik reaksiyalar boʻlganligini aniqlash kerak. Bu preparatni penitsillinga sezuvchan patsiyentlarga ehtiyotkorlik bilan buyurish kerak. Jiddiy yuqori sezuvchanlik reaksiyalari paydo boʻlganida teri ostiga epinefrinni yuborish va boshqa tegishli davolash choralarini koʻrish kerak.

Clostridium difficile chaqirgan diareya antibakterial preparatlar, shu jumladan seftriakson olgan deyarli barcha patsiyentlarda kuzatiladi va yengil darajadan ogʻir darajagacha boʻlishi mumkin.

Gemolitik anemiya sefalosporinlar, shu jumladan seftriakson/tazobaktam olgan patsiyentlarda kuzatilishi mumkin. Gemolitik anemiyani ogʻir hollari ham kattalar, ham bolalar davolanganda kuzatilgan. Agarda patsiyentda seftriakson yuborilgandan soʻng anemiya rivojlangan boʻlsa (sefalosporinlar bilan bogʻliq boʻlgan anemiya tashxisini kasallikni etiologiyasi aniqlanganda ham baholash kerak), preparat bilan davolashni toʻxtatish kerak.

Preparat hatto tavsiya qilingan dozalarda yuborilganda plazmada kreatinin va mochevina azoti darajasini vaqtinchalik oshishi kuzatilgan. Protrombin vaqtini uzayishi baʼzi patsiyentlarda kuzatilgan.

K vitaminining sintezi buzilgan yoki K vitaminini zahirasi kam boʻlgan patsiyentlarda (masalan, jigarni surunkali kasalligi yoki ovqat hazm boʻlishini buzilishi) seftriakson bilan davolash vaqtida protrombin vaqtini doim tekshirish kerak. Agarda protrombin vaqti davolash vaqtida oshsa yoki davolashdan oldin ushbu koʻrsatkich yuqori boʻlsa, u holda K vitaminini (har kuni 10 mg) yuborish kerak.

Seftriaksonni uzoq vaqt qoʻllash preparatga chidamli mikroorganizmlarni oʻsishiga olib kelishi mumkin. Shuning uchun patsiyentlarni doim nazorat qilish kerak. Superinfeksiya rivojlanganida tegishli davolash choralarini koʻrish kerak. Seftriakson MIY kasalliklari, ayniqsa kolitlari boʻlgan patsiyentlarga ehtiyotkorlik bilan buyuriladi.

Boshqa sefalosporinlar bilan davolashda boʻlgani kabi anafilaktik shokni rivojlanishini istisno qilish mumkin emas.

Buyrak va jigar yetishmovchiligi qoʻshilganida va gemodializda boʻlgan bemorlarda preparatning dozasini toʻgʻrilash va plazmadagi konsentratsiyasini monitoring qilish (jigar va buyraklar faoliyatining alohida izolyatsiyalangan buzilishlarida qondagi miqdorini vaqti-vaqti bilan nazorat qilish tavsiya etiladi) talab qilinadi. Jigar yetishmovchiligi boʻlgan patsiyentlarda seftriaksonning dozasiga tuzatish kiritish talab qilinmaydi; biroq jigar va buyraklar faoliyati ahamiyatli darajada buzilgan patsiyentlarda seftriaksonning dozasi kuniga 2,250 g dan oshmasligi kerak, bunda plazmada preparatning konsentratsiyasini nazorat qilish talab qilinmaydi.

 

 

Yangi tugʻilgan chaqaloqlar (</= 28 kun)

Giperbilirubinemiyasi boʻlgan yangi tugʻilgan chaqaloqlarda, ayniqsa, chala tugʻilgan chaqaloqlarda seftriaksonni qoʻllash mumkin emas. In vitro sharoitda oʻtkazilgan tadqiqotlar, seftriakson bilirubinni plazma albumini bilan bogʻidan siqib chiqarishi va bu keyinchalik bilirubin ensefalopatiyasi rivojlanishiga olib kelishi mumkinligini koʻrsatdi.

Yangi tugʻilgan chaqaloqlarda seftriaksonni kalsiy tuzlari bilan choʻkma hosil qilish havfi tufayli parentaral oziqlantirish kabi kalsiy saqlovchi eritmalar bilan birga qoʻllash mumkin emas. Seftriakson va kalsiy saqlovchi suyuqliklar yuborilgan yangi tugʻilgan chaqaloqlarda oʻlim hollari oʻpkalar va buyraklarda kristallarni paydo boʻlishi bilan birga kuzatilgan.

Homiladorlik va laktatsiya davri

Homiladorlik

Seftriakson preparatini homiladorlikning I-uch oyligida qoʻllash mumkin emas.

Laktatsiya

Preparat koʻkrak sutiga kam miqdorda oʻtadi. Shuning uchun davolash vaqtida emizishni toʻxtatish kerak.

Preparat bolalar ololmaydigan joyda saqlansin va yaroqlilik muddati oʻtgach ishlatilmasin.

 

Dozasini oshirib yuborilishi

Simptomlari: neyroreflektor qoʻzgʻaluvchanlik sindromi, ensefalopatiya, buyrak yetishmovchiligi boʻlgan patsiyentlarda tirishishlar, koʻngil aynishi, qusish, diareya.

Davolash: gemodializ va tutib turuvchi davolash.

 

Chiqarilish shakli

Antibiotiklar uchun shisha flakonlarda (III turi), bir dona flakon erituvchi – inyeksiya uchun suv 5 ml (562,5 mg dozasi uchun) yoki 10 ml (1125 mg dozasi uchun) LDPE ampulalarda va qoʻllash boʻyicha yoʻriqnomasi bilan birga karton qutiga joylangan.

 

Saqlash sharoiti

30oS dan yuqori boʻlmagan haroratda, yorugʻlik va namlikdan himoyalangan joyda saqlansin.

Muzlatilmasin.

 

Yaroqlilik muddati

2 yil.

 

Dorixonalardan berish tartibi

Retsept boʻyicha.