Ilovani yuklab oling
Yuklab olish
ТРОМБО АСС

Oson Apteka - Dorixonalar ma'lumotnomasi

ТРОМБО АСС ТАБЛЕТКА 100МГ №28

9 000 so'mdan
(3155)
Dorixonalardagi narx
Xususiyatlari
Xalqaro nomi
Acetylsalicylic acid
Ishlab chiqaruvchi
G.L.PHARMA
Chiqarilish shakli
ТАБ
Farma. Guruh
Препараты влияющие на агрегацию тромбоцитов и свертыванию крови
Dori tafsilotlari
Farmakoterapevtik guruhi: 
Farmakologik xususiyatlari 
Qoʻllanilishi
Qoʻllash usuli va dozalari
Dori shakli:
Tarkibi:
Taʼrifi:
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Farmakoterapevtik guruhi: 

Analgetiklar, Boshqa analgetiklar-antipiretiklar, Salitsil kislotasi va uning hosilalari, Asetilsalitsil kislotasi.

 

 

 

Farmakologik xususiyatlari 

Farmakodinamikasi

Asetilsalitsil kislotasi nosteroid yalligʻlanishga qarshi vosita hisoblanadi. Past dozalar buyurilganda (30-300 mg), atsetilsalitsil kislotasining asosiy taʼsir mexanizmi siklooksigenaza fermentining faolsizlantirib, natijada araxidon kislotasidan prostaglandinlar, prostatsiklinlar va tromboksanning sintezi buziladi. Trombotsitlarda tromboksan A2 sintezining qaytmas buzilishi atsetilsalitsil kislotasining antiagregant taʼsirini taʼminlash bilan bogʻliq. Bundan tashqari atsetilsalitsil kislotasi trombotsitlar ajralib chiqish reaksiyasini bloklaydi, buning natijasida ADF (adenozindifosfat), serotonin, trombotsitlarni faollashtiruvchi omil va boshqalar kabi trombotsitlar agregatsiyasini chaqirish xususiyatiga ega boʻlgan substansiyalarning katta miqdori ajralib chiqadi. ASK 30-300 mg dozalar qon tomir devorining shikastlangan endoteliysida tromb hosil boʻlishi samarasini ingibitsiya qiladi va trombotsitar tromb hosil boʻlishini oldini oladi. Shunday qilib, atsetisalitsil kislotasining trombotsitlarni yuqori darajadagi agregatsiyasi bilan bogʻliq boʻlgan kasalliklarning oldini olish va davolashga qaratilgan antitrombotsittar taʼsiri namoyon boʻladi.

Preparat serebro-vaskulyar kasalliklar, periferik arteriyalar kasalliklarni, yurak ishemik kasalligi (shu jumladan miokard infarkti) va boshqa tomir kasalliklari boʻlgan patsiyentlarda trombotsitlar faoliyatini yaxshilaydi. Bundan tashqari, atsetilsalitsil kislotasi tromboemboliya koʻrinishlarini va patsiyentlarda (yurakdagi operatsiyalardan keyingi) restenozlar sonini kamaytiradi.

Farmakokinetikasi 

Qoʻllanilganida preparat ingichka ichakda soʻriladi, chunki meʼda shirasining taʼsiriga chidamli qobiqqa ega. Preparatning plazmadagi maksimal darajasi uni qoʻllanganidan keyin 3 soatdan soʻng kuzatiladi. 

Fermentlarning taʼsirida atsetilsalitsil kislotasi (ASK) jigarda va qisman ingichka ichakning shilliq qavatida salitsil kislotasigacha gidrolizga uchraydi. Bundan tashqari salitsil kislotasi jigarda glyukuron kislotasi bilan birikadi. Fenrmentli esterazalar faolligi tufayli atsetilsalitsil kislotasining plazmadagi konsentratsiyasi tez pasayadi, ayni vaqtda asosiy metaboliti – salitsil kislotasining konsentratsiyasi esa oshadi va preparat qabul qilgandan soʻng 4 soatdan keyin maksimumga erishadi.

Asetisalitsil kislotati va salitsil kislotasining organizm toʻqima va suyuqliklarida taqsimlanishga asosan passiv difuziya orqali amalga oshiriladi, u rN darajasi va konsentratsiyaga bogʻliq. Shuning uchun salitsilatlar rN darajasi past toʻqimalarda toʻplanadi.

Salitsilatlarning taqsimlanishi hajmi dozaga bogʻliq. Past (antitrombotik) dozalarni qabul qilganda, u taxminan 0,2 l/kg ni tashkil etadi; plazma oqsillari bilan yuqori – 89 dan 90% gacha bogʻlanishi sababli asosan hujayra tashqarisida taqsimlanishidan dalolat beradi. Asetilsalitsil kislotasining qonda yarim parchalanish davri 15 minutdan 20 minutgachani tashkil etadi. Asetilsalitsil kislotasi toʻliq qayta oʻzgarishga uchraydi va shuning uchun, siydik orqali faqat metabolitlar koʻrinishida chiqarib yuboriladi. Asetilsalitsil kislotasining terapevtik dozalari qabul qilinganda, uning birlamchi metaboliti – salitsil kislotasi siydikda asosan glitsinli konʼyugat koʻrinishida (salitsil-siydik kislotasi – 75%), shuningdek efir va efirli glyukuronidlar koʻrinishida (5 dan 10% gacha) va erkin salitsil kislotasi sifatida (10%) aniqlanadi.

Siydik rN oshishi, masalan, bikarbonat infuziyasida, salitsilatlarni chiqarib yuborilishini sezilarli darajada (5-10 marta) oshiradi.

 

Qoʻllanilishi
  • stenokardiyasi boʻlgan patsiyentlarda miokard infarktini birlamchi va ikkilamchi profilaktikasi;
  • yurak ishemik kasalligi boʻlgan bemorlarda miokard infarkti qaytalanishi xavfini pasaytirishi;
  • bosh miya qon aylanishining ishemik turidagi buzilishlarini va insultni oldini olish;
  • tromboz va emboliyalar oldini olish, shu jumladan ularning paydo boʻlish xavfi yuqori boʻlgan patsiyentlarda (yurak va qon-tomirlarda operatsiyalar, aortokoronar shuntlashdan keyin).
  • qandli diabetda yurak-qon tomirlar patologiyasini oldini olishda qoʻllanadi.

 

Qoʻllash usuli va dozalari

Ichakda eruvchan plyonka qobiq bilan qoplangan Trombo ASS tabletkalarini chaynamasdan, koʻp boʻlmagan miqdordagi suyuqlik bilan sutkaning bir vaqtida ichga qabul qilinadi. Plenka qobiqning butunligini saqlash uchun, tabletkani boʻlish tavsiya etilmaydi. Yuqorida keltirilgan koʻrsatmalarda tavsiya etilgan doza kuniga bir marta 50 mg dan
300 mg gachani tashkil etadi. Keksa patsiyentlarda dozaga tuzatish kiritish talab etilmaydi. Maksimal sutkalik doza 300 mg.

Preparatni kam dozalarda uzoq vaqt qabul qilish tavsiya etiladi. Doza va davolash davomiyligini davolovchi shifokor belgilaydi.

 

 

Dori shakli:

 Ichakda eruvchan plyonka qobiq bilan qoplangan tabletkalar 50 mg va 100 mg.

 

Tarkibi:

Bir tabletka quyidagilarni saqlaydi:

faol modda: 50 mg yoki 100 mg atsetilsalitsil kislotasi,

yordamchi moddalar: laktoza monogidrati, mikrokristall sellyuloza, kolloid kremniy dioksidi, kartoshka kraxmali,

qobiq tarkibi: talk, triatsetin, metilakril kislotasining sopolemeri – etalkrilat (1:1) 30% dispresiya1.

122,63 mg suspenziya 6,79 mg quruq moddaga toʻgʻri keladi (50 mg doza uchun).

  33,95 mg suspenziya 10,185 mg quruq moddaga toʻgʻri keladi (100 mg doza uchun).

 

Taʼrifi:

 dumaloq shaklli, ikki tomoni qavariq, oq rangli qobiq bilan qoplangan tabletkalar.

 

Nojoʻya taʼsirlari

Tez-tez

  • meʼda-ichak yoʻllari tomonidan buzilishlar (jigʻildon qaynashi, koʻngil aynishi, qusish, epigastral sohada ogʻriq, diareya)
  • meʼda-ichak yoʻllaridan mikro qon ketishlari

Baʼzida

  • meʼda-ichak yoʻllaridan qon ketishlar va yaralar (ularning belgilariga qora ahlat va 

qon bilan qusish kiradi).

Kam hollarda

  • trombotsitopeniya, qon ketishi vaqtining uzayishi, leykopeniya
  • yuqori sezuvchanlik reaksiyalari (bronxospazm, angionevrotik shish, teri koʻrinishlari, anafilaktik reaksiyalar, Kvinke shishi, kardiorespirator distress).
  • astmatik xurujlar
  • meʼda-ichak yoʻllar tomonidan buzilishlar (koʻngil aynishi, qusish, diareya)
  • temir tanqisligi anemiyasiga olib kelishi mumkin boʻlgan meʼda-ichak yashirin qon ketishlari
  • xayz koʻrish siklini uzayishi
  • bronxial astma xurujlarini qoʻzgʻatish
  • preparatning yuqori dozalari bilan uzoq muddatli davolashda buyrak tomonidan buzilishlar kelib chiqish mumkin (gematuriya, nefropatiya, leykotsituriya, albuminuriya).

Juda kam hollarda

  • gipoglikemiya
  • podagra xurujlari
  • bosh ogʻrigʻi, bosh aylanishi, ongni chalkashishi
  • eshitish qobiliyatini pasayishi, quloq shangʻillashi
  • jigar transaminazalari faolligini oshishi
  • bosh miyaga qon quyilishi (ayniqsa nazorat qilinmaydigan arterial gipertenziyasi boʻlgan patsiyentlarda).

 

Qoʻllash mumkin boʻlmagan holatlar
  • salitsil kislotasi va uning hosilalariga yoki nosteroid ogʻriq qoldiruvchi/yalligʻlanishga qarshi vositalar (NYAQV), shuningdek yordamchi moddalarga yuqori sezuvchanlik
  • zoʻrayishi bosqichidagi meʼda-ichak yoʻllari yara kasalliklari
  • gemorragik diatez, trombotsitopniya, gemofiliya
  • buyrak yetishmovchiligi va oksaluriya
  • yaqqol jigar yetishmovchiligi
  • yaqqol, nazorat qilib boʻlmaydigan yurak yetishmovchiligi
  • metotreksatni haftada 15 mg va undan koʻp dozada birga qabul qilish
  • gipoprotrombinemiya
  • glyukozo-6-fosfatdegidrogenaza tanqisligi
  • homiladorlik va emizish davri
  • 18 yoshgacha boʻlgan bolalar
  • fruktozani nasliy oʻzgartiraolmaslik, Lapp-laktaza fermenti tanqisligi, glyukoza-galaktoza malabsorbsiyasida qoʻllash mumkin emas.

 

Dorilarning oʻzaro taʼsiri

Trombo ASS:

  • antikoagulyantlar va antiagregant preparatlar (masalan, varfarin va kumarinning boshqa xosilalari, geparin, dipiridamol, sulfinpirazon) taʼsirini
  • trombotsitlar agregatsiyasining boshqa ingibitorlari, masalan tiklopidin, klopidogrel taʼsirini: qon ketishi vaqti uzayishi mumkin
  • diabetga qarshi preparatlar taʼsirini sulfonilmochevina hosilalarining gipoglikemik samarasini
  • nosteroid yalligʻlanishga qarshi va revmatizmga qarshi vositalarining kutilgan va noxush samaralarini
  • metotreksatning kutilgan va noxush samaralarini
  • glyukokortikoidlar yoki alkogol bilan bir vaqtda qoʻllanganida meʼda-ichakdan qon ketishlari xavfini
  • qon plazmada digoksin, barbituratlar va litiy konsentratsiyasini
  • sulfonilamid preparatlar va sulfonilamidlar majmualarini, shu jumladan ko-trimoksazolning taʼsirini
  • triyodtironin taʼsirini
  • valpro kislotasi taʼsirini kuchaytiradi

Preparat:

  • aldosteron antagonistlari (spironolakton va kanrenon) taʼsirini
  • xalqali diuretiklar (masalan furosemid) taʼsirini
  • urikozurik preparatlar (promenetsid, sulfinpirazon) taʼsirini
  • AAF ingibitorlari taʼsirini susaytiradi

Tetratsiklinlarni bir vaqtda qabul qilganda soʻrilmaydigan komplekslar paydo boʻlishi rioya qilish mumkin. Shuning uchun, ushbu preparatlarni qabul qilishda kamida 1-3 soatli intervalga boʻlishi kerak.

Siklosporin yoki takrolimusni birga qabul qilganda ehtiyotkorlikka rioya qilish kerak.

Trombo ASS ni yuqorida sanab oʻtilgan preparatlar bilan majmuaviy qoʻllash zarurati boʻlganida ular orasidagi interval kamida 1-3 soatni tashkil etishi lozim.

 

Maxsus koʻrsatmalar

Trombo ASS ni quyidagi holatlarda ehtiyotkorlik bilan buyurish kerak:

  • NYAQV qoʻllanishga nisbatan anamnezida yuqori sezuvchanlik reaksiyalari toʻgʻrisida maʼlumotlar boʻlganida
  • bronxial astma, pichan isitmasi, burun shilliq qavati shishi, nafas olish aʼzolarining surunkali kasalliklarda
  • antikoagulyantlar (kumarin hosilalari, geparin quyi dozadagi geparin bilan davolashdan tashqari) bilan yondosh davolashda
  • zoʻrayish bosqichida boʻlmagan meʼda-ichak yoʻllarining eroziv-yarali va yalligʻlanishli kasalliklarida
  • jigar va buyrak tomonidan funksional buzilishlar.

Jarrohlik aralashuvlaridan oldin (xatto kichik aralashuvlar, masalan, stomatologik operatsiyadan oldin) patsiyentlar plyonka qobiq bilan qoplangan Trombo ASS tabletkalarini qabul qilayotganligi toʻgʻrisidagi shifokorga xabar berishlari kerak va atsetilsalitsil kislotasining antiagregant taʼsirini hisobga olish lozim. Qon ketish vaqti uzayishi mumkin. Boshqa salitsilatlar yoki nosteroid yalligʻlanishga qarshi revmatizmga qarshi vositalarni qoʻshimcha qabul qilishdan saqlanish kerak.

Preparatni yuqori dozada bir necha yil davomida qabul qilganda, buyrak yetishmovchiligi rivojlanishi mumkin. Vaqti-vaqti bilan buyrak faoliyatini nazorat qilish kerak.

Trombolitik davolash buyurilgan patsiyentlarni tashqi yoki ichki qon ketish (masalan, gematomalar) belgilari borligi yuzasidan tekshirish tavsiya etiladi.

Asetilsalitsil kislota kichik dozalarda siydik kislotasi chaqirilishini pasaytiradi, bu moyilligi boʻlgan patsiyentlarda podagra xurujlarini chaqrishi mumkin.

Preparat laktoza monogidrati saqlaydi. Kam uchraydigan nasliy galaktozani oʻzlashtiraolmaslik muammolari, Lappa laktozasi tanqisligi yoki glyukoza va galaktoza malbsorbsiyasi boʻlgan patsiyentlarga ushbu preparatni qabul qilish tavsiya etilmaydi.

Dori vositasining transport vositalarini yoki potensial xavfli mexanizmlarni boshqarish qobiliyatiga taʼsiri.

Bosh aylanishi, ongni chalkashishi kabi nojoʻya samaralar kelib chiqishi mumkinligini hisobga olib, transport vositalarini va potensial xavfli mexanizmlarni boshqarishda ehtiyotkorlikka rioya qilish kerak.

Preparat bolalar olaolmaydigan joyda saqlansin va yaroqlilik muddati oʻtgach qoʻllanilmasin. 

 

Dozani oshirib yuborilishi

Odatda, nerv tizimi tomonidan kelib chiqadigan uyquchanlik, bosh aylanishi, ongni chalkashishi va koʻngil aynishi (salitsil kislota va uning birlashmalari bilan zaharlanish) bilan kechadigan atsetilsalitsil kislotasining surunkali dozani oshirib yuborilishi va oʻtkir zaharlanishni farq qilish kerak.

Oʻtkir zaharlanish simptomlari: kislota-ishqor muvozanatini ogʻir buzilishlari. Hatto terapevtik dozalarda ham nafas tezlashishi fonida respirator alkaloz rivojlanishi mumkin. U gidrokarbonatlarni buyrak orqali chiqarilishi oshishi bilan kompensatsiyalanadi, shuning uchun qon rN normal koʻrsatkichlar diapozonida saqlanib turadi. Toksik dozalarda bunday kompensatsiya yetarli boʻlmaydi, shuning uchun qon rN va gidrokarbonat konsentratsiyasi pasayadi. Qon rSO2 koʻrsatkichlari normada qolishi mumkin. Tashqi belgilar metabolik atsidoz klinik koʻrinishlarini koʻrsatadi. Haqiqatda esa, bu koʻrinishlar respirator va metabolik atsidoz barovar birga rivojlanishi natijasidir, uning sabablariga toksik dozalar keltirib chiqargan nafas olish buzilishlari, uglevodlar almashinuvi buzilishi va qisman buyrak ekskretsiyasi pasayishi sababli kislotalar toʻplanishi (sulfat va fosfat kislotasi, shuningdek, sut, atsetilsirka kislotasi va boshqalar) kiradi. Bundan tashqari, elektrolit muvozanat buziladi va koʻp miqdorda kaliy yoʻqotish kelib chiqadi.

Simptomlari:

Yengil va oʻrta darajadagi zaharlanish (200-400 mkg/ml): kislota-ishqor muvozanatini buzilishlari, elektrolit muvozanat buzilishi mumkin (masalan kaliy yoʻqotilishi), gipoglikemiya, terida toshmalar, meʼda-ichakdan qon ketishi, giperventilyatsiya, quloqda shovqin, koʻngil aynishi, qusish, koʻrish va eshitishni buzilishlari, bosh ogʻrigʻi, bosh aylanishi va ongni chakashishi.

Ogʻir zaharlanish (400 mkg/ml dan koʻp): alahsirash holati, tremor, hansirash, koʻp terlash, eksikoz, gipertermiya va koma rivojlanishi mumkin.

Oʻlimga olib keluvchi zaharlanishlar: oʻlim odatda nafas olishni toʻxtashi natijasida kelib chiqadi.

Davolash: atsetilsalitsil kislotasi bilan zaharlanganda davolashni tanlash zaharliligining ogʻirligi, bosqichiga va klinik simptomlariga asoslangan. Davolash sifatida faol modda soʻrilishini kamaytiradigan, suv va elektrolit muvozanatini nazorat qiladigan, shuningdek termoregulyatsiyani va nafas olishni normallashtiradigan odatdagi choralar amalga oshiriladi. Birinchi navbatda chiqarib yuborishga yordam beradigan va kislota-ishqor va elektrolit muvozanatini normallashtiradigan choralarga ahamiyat qaratiladi. Bikarbonat va kaliy xloridi eritmalarini vena ichiga yuborishdan tashqari diuretiklar ham buyurilishi mumkin. Salitsilatlar ionizatsiya darajasini oshirish va kanalchalar rebsorbsiyasini kamaytirish uchun siydik ishqoriy boʻlishi kerak.

Qon rN, rSO2 koʻrsatkichlari, gidrokarbonat, kaliy darajalarini va boshqalarni nazorat qilish tavsiya etiladi. Ogʻir holatlarda jadal davolash (jadallashtirilgan ishqoriy, diurez, gemodializ) talab qilinishi mumkin, tirishishlarda diazepam qabul qilish kerak.

 

Chiqarilish shakli

10 tabletkadan polivinilxlorid plyonka va bosma laklangan alyumin folgali konturli uyali oʻramga joylanadi.

3 kontur uyali oʻram (10 tabletkadan) yoki 5 kontur uyali oʻram (20 tabletkadan) davlat va rus tilidagi tibbiyotda qoʻllash boʻyicha yoʻriqnomasi bilan karton joylanadi.

 

Saqlash sharoiti

Quruq, yorugʻlikdan himoyalangan joyda, 25oS dan yuqori boʻlmagan haroratda saqlansin.

 

Yaroqlilik muddati

3 yil. 

 

 

 

Dorixonalardan berish tartibi

Retseptsiz.