Ilovani yuklab oling
Yuklab olish
Трентал АМПУЛЫ

Oson Apteka - Dorixonalar ma'lumotnomasi

Трентал АМПУЛЫ 100мг/5мл №5

5 000 so'mdan
(2196)
Dorixonalardagi narx
Xususiyatlari
Xalqaro nomi
Ishlab chiqaruvchi
САНОФИ
Chiqarilish shakli
АМП
Farma. Guruh
Pharm Group Name
Dori tafsilotlari
Dori shakli:
Tarkibi:
Taʼrifi: 
Farmakoterapevtik guruhi:
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli:

 infuzion eritma tayyorlash uchun konsentrat

 

Tarkibi:

Bir ml eritma saqlaydi:

Faol modda: pentoksifillin – 20,00 mg;

Yordamchi moddalar: natriy xloridi, inyeksiya uchun suv.

 

Taʼrifi: 

deyarli tiniq, rangsiz eritma.

 

Farmakoterapevtik guruhi:

 pereferik qon aylanishini davolash uchun vositalar (tomirlarni kengaytiruvchi vosita)

 

 

Farmakologik xususiyatlari

Trental eritrotsitlarning patologik oʻzgargan deformatsiyalanuvchanligiga taʼsiri, trombotsitlar agregatsiyasini ingibirlashi va qonning yuqori qovushqoqligini kamaytirishi hisobiga qonning reologik xususiyatlarini yaxshilaydi. Trental qon aylanishi buzilgan sohalarda mikrotsirkulyatsiyani yaxshilaydi.

Faol modda sifatida Trental tarkibida ksantin hosilasi – pentoksifillin saqlaydi. Uning taʼsir mexanizmi fosfodiesterazani ingibirlash hamda silliq mushak tomirlarining xujayralarida va qonning shaklli elementlarida sAMF ni toʻplanishi bilan bogʻliqdir.

Yengil miotrop tomirni kengaytiruvchi taʼsirga ega boʻlib, pentoksifillin biroz tomirlarning umumiy periferik qarshiligini kamaytiradi va koronar tomirlarni biroz kengaytiradi. Trental bilan davolash miyada qon aylanishi buzilishlari simptomatikasi yaxshilanishiga olib keladi.

Periferik arteriyalarning okklyuzion shikastlanishida (masalan, oʻzgaruvchan choʻloqlikda) davolanish harakat masofasini uzayishi, oyoq mushaklarining tungi tirishishi va tinch holatdagi ogʻriqlarning bartaraf etilishi bilan namoyon boʻladi.

Farmakokinetikasi

Pentoksifillin eritrotsitlar va jigarda jadal ravishda  metabolizmga uchraydi. Asosiy faol 1- (M-I; gidroksipentoksifillin) metaboliti parchalanish oqibatida hosil boʻladi, 4- (M-IV) metaboliti va 5- (M-V; karboksipentoksifillin) metaboliti esa asosiy moddani oksidlanishi oqibatida hosil boʻladi. M-I metaboliti pentoksifillin bilan bir xil farmakologik faollikka ega. Qabul qilingan pentoksifillin dozasining 90% buyraklar orqali va 3-4% ahlat bilan chiqariladi.

100 mg pentoksifillinni vena ichiga yuborilganidan keyingi yarim chiqarilish davri tahminan 1,1 soatni tashkil qiladi.

Ogʻir darajali jigar yetishmovchiligi boʻlgan bemorlarda pentoksifillinning yarim chiqarilish davri uzayadi. Pentoksifillin yuqori taqsimlanish hajmi (200 mg li infuziyadan keyin 30 minut oʻtgach 168 l) va taxminan 4500-5100 ml/min ni tashkil qiluvchi klirensga ega.

Pentoksifillin va uning metabolitlari qon plazmasi oqsilari bilan bogʻlanmaydi. Buyraklar faoliyatini ogʻir darajali buzilishlarida metabolitlarni chiqarilishi sekinlashadi.

 

Qoʻllanilishi

Periferik qon aylanishini aterosklerotik buzilishi (shu jumladan “oʻzgaruvchan” choʻloqlik, diabetik angiopatiya), trofik buzilishlar (shu jumladan boldir trofik yaralari va gangrena), sovuq urishi, posttrombotik sindrom va boshqalar.

Bosh miyada qon aylanishini buzilishlari (serebral ateroskleroz asorati: xotirani buzilishi, diqqat jamlanishini buzilishi, bosh aylanishi), ishemik va insultdan keyingi holatlar.

Koʻzning toʻr pardasi va koʻzning tomir qavatidagi qon aylanishini buzilishi: otoskleroz, ichki quloq tomirlarining degenerativ jarayonlari oʻzgarishi va eshitish qobiliyatini pasayishi.

 

Qoʻllash usuli va dozalari

Preparatning dozasi va qoʻllash usuli qon aylanishning buzilish darajasiga va preparatni shaxsiy oʻzlashtiraolish xususiyatlariga bogʻliq. Preparat dozasi bemorning shaxsiy xususiyatlariga mos ravishda shifokor tomonidan buyuriladi.

Odatdagi dozasi ikkita (ertalab va kunduzi) vena ichiga yuboriladigan infuziyadan iborat, har bir infuziya 250 ml yoki 500 ml 0,9% li natriy xlorid yoki Ringer eritmasida 200 mg pentoksifillin (2 ampula 5 ml dan) yoki 300 mg pentoksifillin saqlanadi (3 ampula 5 ml dan).

Boshqa infuzion eritmalar bilan mutanosibligi alohida sharoitda tekshirish lozim, faqat tiniq eritmalardan foydalanish tavsiya etiladi.

100 mg pentoksifillin kamida 60 minut davomida yuborilishi kerak.

Yondosh kasalliklar (yurak yetishmovchiligi) mavjudligi tufayli preparatning yuborilayotgan hajmlarini kamaytirish zaruriyati paydo boʻlishi mumkin. Bunday holatlarda infuziyani nazorat qilish uchun maxsus infuzatordan foydalanish tavsiya etiladi.

Kunduzgi infuziyadan keyin qoʻshimcha tarzda 2 ta Trental 400 tabletkasini buyurish mumkin. Agar ikkita infuziya orasidagi vaqt oraligʻi uzoq boʻlsa, bu holda buyurilgan ikkita Trental 400 tabletkasidan bittasini avvalroq qabul qilish mumkin (taxminan peshinda).

Agar klinik sharoitlarga koʻra vena ichi infuziyasini yuborish faqat kuniga bir marta boʻlsa, u holda bu infuziyadan keyin qoʻshimcha tarzda 3 ta Trental 400 tabletkasi buyurilishi mumkin (2 tabletka peshinda va 1 ta kechqurun).

Ogʻir holatlarda, ayniqsa tinch holatdagi ogʻriqlar, gangrena yoki trofik yaralar (Fonten boʻyicha III-IV darajali) bilan kasallangan bemorlarda 24 soat davomida uzoq vaqt vena ichiga Trental infuziyasini yuborish tavsiya etiladi.

Parenteral ravishda 24 soat davomida yuboriladigan Trental dozasi 1200 mg pentoksifillindan oshmasligi kerak, shuningdek individual dozasi quyidagi formula boʻyicha hisoblanishi kerak: 0,6 mg pentoksifillin tana vaznining 1 kg ga bir soat davomida. Bunday hisobga koʻra 70 kg tana vaznli bemorga 1000 mg pentoksifillin va 80 kg tana vaznli bemorga 1150 mg pentoksifillin yuboriladi.

Buyraklar faoliyatini buzilishi (kreatinin klirensi minutiga 30 ml dan past boʻlganida) boʻlgan bemorlarda dozasi sutkada 30%-50% pasaytiriladi, bu preparatni bemor tomonidan shaxsiy ravishda oʻzlashtiraolishiga bogʻliq.

Jigarning ogʻir darajali buzilishlari boʻlgan bemorlarda shaxsiy oʻzlashtiraolmaslikni hisobga olgan holda, dozani kamaytirish zaruriyati mavjud.

Arterial bosimi past bemorlarda, shuningdek xavf guruhidagi bemorlarda (ogʻir darajali yurak ishemik kasalligi boʻlgan yoki bosh miya qon tomirlarining gemodinamik ahamiyatli stenozlari boʻlgan patsiyentlar) davolashni kichik dozalar bilan boshlash mumkin. Bunday holatlarda doza asta-sekinlik bilan oshirilishi mumkin.

 

Nojoʻya taʼsirlari

Trental preparatini yuqori dozalarda qoʻllanganida yoki infuziyani yuqori tezlikda baʼzida quyidagi nojoʻya samaralari paydo boʻlishi mumkin:

nerv tizimi tomonidan: bosh ogʻrigʻi, bosh aylanishi, xavotirlik, uyquni buzilishi, tirishishlar;

teri qoplamalari va teri osti yogʻ kletchatkasi tomonidan: yuz terisini qizarishi, yuz va koʻkrak qafasining yuqori qismiga “qon oqib kelishlari”, shishlar, tirnoqlarning yuqori sinuvchanligi;

ovqat hazm qilish tizimi tomonidan: kserostomiya, anoreksiya, ichak atoniyasi;

yurak-qon tomir tizimi tomonidan: taxikardiya, aritmiya, kardialgiya, stenokardiyani avj olishi, arterial bosimni pasayishi;

gemostaz va qon yaratish aʼzolari tizimi tomonidan: trombotsitopeniya, teri, shilliq qavatlar, meʼda, ichak tomirlaridan qon ketishi, gipofibrinogenemiya;

sezgi aʼzolari tomonidan: koʻrishni buzilishi, skotoma;

allergik reaksiyalar: qichishish, terini qizarishi, eshakemi, angionevrotik shish, anafilaktik shok.

Juda kam hollarda aseptik meningit, bosh miya ichki xolestazi va “jigar” transaminazalari faolligi oshishi kuzatiladi.

 

Qoʻllash mumkin boʻlmagan holatlar
  • pentoksifillinga va boshqa metiksantinlarga yoki preparatning har qaysi komponentiga yuqori sezuvchanlik;
  • koʻp miqdordagi qon ketish holatlari;
  • koʻzning toʻr pardasidagi keng tarqalgan qon quyilishlar;
  • miyadagi qon quyilishlar;
  • oʻtkir miokard infarkti;
  • ogʻir darajali aritmiyalar;
  • koronar va miya arteriyalarining ogʻir darajali aterosklerotik shikastlanishlari;
  • nazorat qilinmaydigan arterial gipotenziya;
  • 18 yoshgacha boʻlgan bemorlar;
  • homiladorlik va laktatsiya davrida qoʻllash mumkin emas.

Ehtiyotkorlik bilan quyidagi bemorlarda qoʻllanadi: arterial gipotenziya (arterial bosimni yanada pasayishi xavfi; buyraklar faoliyatini buzilishi (kreatinin klirensi minutiga 30 ml dan past boʻlganida), toʻplanish xavfi va nojoʻya samaralarini rivojlanishining yuqori xavfi, jigar faoliyatini ogʻir darajali buzilishlari (toʻplanish xavfi va nojoʻya samaralarini rivojlanishining yuqori xavfi), qon ketishiga boʻlgan yuqori moyillik, shu jumladan antikoagulyantlarni qoʻllash yoki qon ivish tizimi buzilishlari (ogʻir darajali qon ketishlarni rivojlanish xavfi) natijasida yaqinda oʻtkazilgan jarrohlik muolajalaridan keyin.

 

Dorilarning oʻzaro taʼsiri

Pentoksifillin arterial bosimni pasaytiruvchi dori vositalarni taʼsirini kuchaytiradi (AAF ingibitorlari, nitratlar).

Pentoksifillin qon ivish tizimiga taʼsir etuvchi dori vositalari (bevosita va vositali antikoagulyantlar, trombolitiklar), antibiotiklar (shu jumladan sefalosporinlar) taʼsirini kuchaytirishi mumkin.

Simetidin pentoksifillinning plazmadagi konsentratsiyasini oshiradi (nojoʻya samaralarni rivojlanish xavfi).

Boshqa ksantinlar bilan bir vaqtda qoʻllash haddan tashqari qoʻzgʻaluvchanligiga olib kelishi mumkin.

Pentoksifillinni qabul qilishda insulin yoki peroral diabetga qarshi vositalarning qand miqdorini kamaytiruvchi taʼsiri kuchayishi mumkin (gipoglikemiya rivojlanishining yuqori xavfi).

Bunday bemorlarni qatʼiy nazorat qilish kerak.

Baʼzi bemorlarda pentoksifillin va teofillin bilan bir vaqtda qabul qilinishi teofillinning miqdorini oshishiga olib keladi. Bu teofillin bilan bogʻliq nojoʻya taʼsirlar oshishiga yoki kuchayishiga olib kelishi mumkin.

 

Maxsus koʻrsatmalar

Davolashni arterial bosimni nazorati ostida olib borish kerak.

Gipoglikemik vositalarni qabul qiluvchi qandli diabeti boʻlgan bemorlarda yuqori dozalarni buyurish yaqqol gipoglikemiyani chaqirishi mumkin (dozani toʻgʻrilash talab etiladi).

Antikoagulyantlar bilan bir vaqtda buyurilganda qon ivish tizimi koʻrsatkichlarini sinchkovlik bilan nazorat qilish zarur.

Yaqinda jarroxlik muolajasini oʻtkazgan bemorlarda gemoglobin va gematokrit darajalarini muntazam nazorat qilish kerak.

Past yoki nostabil arterial bosimli bemorlarga yuborilayotgan doza kamaytirish kerak.

Keksa yoshdagi bemorlarda dozani kamaytirish zaruriyati paydo boʻlishi mumkin (biokiraolishligini oshishi va chiqarilish tezligini pasayishi).

Bolalarda pentoksifillinni qoʻllashning xavfsizligi va samaradorligi yetarlicha aniqlanmagan.

Chekish preparatning terapevtik samaradorligini pasaytirishi mumkin.

Pentoksifillinni infuzion eritma bilan mutanosibligina har bir alohida holatda tekshirish kerak.

Vena ichi infuziyasini yuborish vaqtida bemor yotgan holatda bulishi lozim.

Preparat bolalar olaolmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Dozani oshirib yuborilishi simptomlari: holsizlik, terlash, koʻngil aynishi, sianoz, bosh aylanishi, arterial bosimni pasayishi, taxikardiya, hushdan ketish, uyquchanlik yoki qoʻzgʻalish, aritmiya, gipertermiya, xushdan ketish, tonik-klonik tirishishlar, meʼda-ichak yoʻllaridan qon ketishining belgilari (kofe quyqasi turidagi qusish).

Davolash simptomatik: arterial bosim va nafas faoliyatini tutib turishga alohida ahamiyat berish lozim. Tirishish xurujlarini diazepam yuborish bilan bartaraf etiladi.

Preparat dozasi oshirib yuborilishining birinchi belgilari paydo boʻlishida preparatni yuborish darhol toʻxtatiladi.

 

Chiqarilish shakli

20 mg/ml infuzion eritma tayyorlash uchun konsentrat.

5 ml dan sindirish chizigʻi mavjud, rangsiz (I turdagi) tiniq shisha ampulada.

5 ampuladan qoplamasiz kontur uyali oʻramda (poddon).

1 poddondan qoʻllash boʻyicha yoʻriqnomasi bilan birga karton qutida.

 

 

Saqlash sharoiti

Yorugʻlikdan himoyalangan joyda, 8ºS dan to 25oS gacha boʻlgan haroratda saqlansin.

 

Yaroqlilik muddati

4 yil.

 

Dorixonalardan berish tartibi

Retsept boʻyicha.