Ilovani yuklab oling
Yuklab olish
Спекбакт ПОРОШОК

Oson Apteka - Dorixonalar ma'lumotnomasi

Спекбакт ПОРОШОК ДЛЯ ИНЪЕКЦИИ 1000мг №1

34 000 so'mdan
(4368)
Dorixonalardagi narx
Xususiyatlari
Xalqaro nomi
Ceftriaxone
Ishlab chiqaruvchi
Novopharm Formulations
Chiqarilish shakli
ПОР Д/ИН
Farma. Guruh
Антибиотики
Dori tafsilotlari
Dori shakli: 
Tarkibi:
Taʼrifi: 
Farmakoterapevtik guruhi: 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli: 

inyeksion eritma tayyorlash uchun kukun.

 

Tarkibi:

1 flakon quyidagilarni saqlaydi:

faol moddalar: ampitsillin natriyli tuzi (ampitsillinga qayta hisoblanganda) – 1,0 g yoki 2,0 g; sulbaktam natriyli tuzi (sulbaktamga qayta hisoblanganda) – 0,5 g yoki 1,0 g.

 

Taʼrifi: 

oq yoki deyarli oq rangli kukun.

 

Farmakoterapevtik guruhi: 

antibiotiklar (penitsillinlar guruhi)

 

 

Farmakologik xususiyatlari

Preparat beta-laktam guruhi, sefalosporinlarni III avlodiga mansub bakteritsid taʼsirga ega yarimsintetik antibiotik. Taʼsir qilish mexanizmi transpeptidaza fermenti faolligini susayishi, mikroorganizm hujayralari devorida peptidoglikan biosintezini buzilishi bilan bogʻliq. Preparat keng taʼsir doirasiga ega: aerob grammusbat mikroorganizmlar: fakultativ anaeroblar – Staphylococcus aureus (shu jumladan penitsillinaza hosil qiluvchi shtammlar), Staphylococcus epidermidis, Streptococcus pneumoniaye, b-gemolitik A guruhi (S. pyogenes), V guruhi streptokokklari (S.agalactiae), Streptococcus viridans, Streptococcus bovis, noenterokokk D guruhi streptokokklari; grammanfiy mikroorganizmlar: Escherichia coli, Haemophilus influenzae, H.rarainfluenzae, Klebsiella (shu jumladan Klebsiella pneumonia), Morganella morganii, Proteus mirabilis, Proteus vulgaris, Providencia, Salmonella (shu jumladan S.typhe), Serratia (shu jumladan S.marcesceos), Shigella, Versinia (shu jumladan Y.enterocolitica); mikroaerofillar –Treponema pallidum; aeroblar – Neisseria gonorrheae (shu jumladan penitsillinaza hosil qiluvchi shtammlar), Neisseria meningitides, Pseudomonas aeruginosa; obligat bakteroid anaerob-turlari (shu jumladan B.Fragilis ni ayrim shtammlari), Clostridium, ammo S.difficile koʻpchilik shtammlari rezistentlikka ega, Peptococcus, Peptostreptococcus, Fusobacterium (shu jumladan F. mortiferum va F.varium) nisbatan faol. Preparatni mikroorganizmlarni boshqa sefalasporin qatori preparatlariga, aminoglikozidlarga, penitsillinlarga rezistent boʻlganida buyuriladi.

Farmakokinetikasi

Preparat ichga qabul qilinmaydi, chunki meʼda shirasi taʼsiri ostida u tezda parchalanadi. Mushak ichiga (m/i) yuborilganda tez va toʻliq soʻriladi. Biokiraolishligi 100% ni tashkil qiladi.

Preparat plazma albuminlari bilan qaytuvchan bogʻlanadi (85-95%), preparatning qondagi konsentratsiyasi oshgan sari oqsillar bilan bogʻlanishi kamayadi. Preparat R-plazmidli beta–laktamazalar va koʻpgina xromosoma bilan bogʻliq penitsillinaza va sefalosporinazalar bilan gidrolizga uchramaydi, penitsillin va sefalosporinlarni I va II avlodlariga, penitsillinlarga va aminoglikozidlarga tolerant boʻlgan multirezistent shtammlarga taʼsir qilishi mumkin. Bakteriyalarning ayrim shtammlarini  orttirilgan chidamliligi preparat faolsizlantirgan beta-laktamaza mahsuloti bilan bogʻliq. Preparat yuqori darajali turgʻunlikka va davomiy yarim chiqarilish (T½) davriga ega. M/i yuborilganda qon plazmasidagi maksimal konsentratsiyasi (Smax) 1,5-2-3 soatdan keyin aniqlanadi va 1 g dozada yuborilganda
80 mg/l ni tashkil etadi; vena ichiga (v/i) yuborilgandan 30 minutdan soʻng Smax
100-150 mg/l ni tashkil qiladi. Turgʻun konsentratsiyaga 4 soatdan keyin erishiladi. Mikroblarga qarshi minimal konsentratsiya qonda 24 soatdan koʻp vaqtgacha  aniqlanadi. Organizmni toʻqima va suyuqliklarida (sinovial, peritoneal, interstitsial) yaxshi taqsimlanadi, bosh miya qobigʻini  yalligʻlanishida orqa miya suyuqligiga kiradi, preparat suyak toʻqimasida ham aniqlanadi, yoʻldosh toʻsigʻidan oʻtadi. Preparat koʻkrak suti bilan kam miqdorda (3-4%) chiqariladi. Oʻzgarmagan shaklda (50-65%) buyraklar orqali 48 soatda, taxminan 40% safro bilan chiqariladi. Preparatni 0,15-3,0 g dozalarda yuborilgandagi T½ 5,8-8,7 soatni, taqsimlanish hajmi (Vd) – 5,78-13,5 l ni, plazmadagi klirensi soatiga – 0,58-1,45 l ni, buyrak klirensi soatiga 0,32-0,73 l ni tashkil qiladi. Ichakdagi mikroflora taʼsirida preparat faol boʻlmagan metabolitga aylanadi. T½ oʻrtacha 8 soatni tashkil qiladi. Bolalarda hayotini birinchi 8 kunida, hamda 75 yoshdan katta shaxslarda T½ 16 soatgacha uzayadi. Jigar va buyrak faoliyatini yetishmovchiligida preparatni chiqarilishi sekinlashadi. Toʻplanishi mumkin.

 

Qoʻllanilishi

Preparatga sezgir mikroorganizm shtammlari chaqirgan infeksion kasalliklarni davolash uchun buyuriladi. Preparatni quyi nafas yoʻllarining infeksion kasalliklarini (pnevmoniya, bronxit, oʻpka abssessi, plevra empiyemasi), otorinolaringologik infeksion  kasalliklarni, buyrak  va siydik-jinsiy yoʻllarining infeksion kasalliklarini (piyelit, sistit, oʻtkir va surunkali piyelonefrit, prostatit, epididimit), teri va yumshoq toʻqimalarning infeksion kasalliklarini, shu jumladan bakterial  streptodermiyani; meningitni, suyak va boʻgʻim infeksion kasalliklarini, peritonitni, oʻt pufagini  yalligʻlanishini, meʼda–ichak infeksiyalarini, asoratlanmagan gonoreyani  va jinsiy yoʻl bilan yuqadigan boshqa infeksiyalarni (yumshoq shankr va sifilis), Layma kasalligini (spiroxetoz), tuberkulyoz isitmasi, salmonellyozni, salmonella tashuvchanlikni davolash uchun qoʻllanadi.

Preparatni shuningdek jarrohlik operatsiyalaridan soʻng kelib chiqadigan infeksiyalarni oldini olish uchun ham qoʻllanadi.

 

Qoʻllash usuli va dozalari

Preparat m/i yoki v/i yuboriladi. Ogʻriqni bartaraf etish maqsadida m/i yuborish uchun preparatni 1% li lidokain eritmasida quyidagi nisbatda: flakon ichidagi 0,5 g ni 2 ml 1% li lidokain eritmasida, 1 g ni esa 3-5 ml da suyultiriladi. Inyeksiya  uchun steril suvni ishlatish mumkin.

V/i yuborish uchun preparatni inyeksiya  uchun steril suvda quyidagi nisbatda: flakon ichidagi 0,5 g ni 5 ml erituvchida, 1 g ni esa 10 ml da suyultiriladi. Kattalarga va 12 yoshdan oshgan bolalarga  1-2 g sutkalik dozada (kuniga 1 marta yoki yarim dozani kuniga 2 marta) buyuriladi. Ogʻir hollarda  sutkalik doza 4 g ni tashkil etadi va bu dozani 2 qabulga har 12 soat oraligʻida  yuboriladi. Operatsiyadan keyingi asoratlarini oldini olish uchun  bir marta 1-2 g dan, operatsiyadan 30–90 minut oldin yuboriladi (yuqish xavfi darajasiga bogʻliq holda). Buyrak faoliyatini buzilishi boʻlgan patsiyentlarda dozaga faqat ogʻir buyrak yetishmovchiligida (kreatinin klirensi (KK) minutiga 10 ml dan past boʻlganda) tuzatish kiritish zarur. Keksa yoshdagi bemorlar uchun doza katta bemorlar uchun dozasi bilan mos tushadi. Asoratlanmagan gonoreyada v/i bir marta 0,25 g  preparat  yuboriladi.

Chaqaloqlar (2 haftalikkacha boʻlgan) va chala tugʻilgan chaqaloqlar uchun sutkalik doza 1 kg tana vazniga 20-50 mg/kg ni tashkil qiladi. 2 haftalikdan 12 yoshgacha boʻlgan bolalar uchun sutkalik doza 1 kg tana vazniga 20-80 mg/kg ni 2 ga boʻlib yuboriladi. V/i 1 kg tana vazni 50 mg/kg ga dozasidan oshsa, preparatni bolalarga yuborishlar oʻrtasida kamida 30 minutlik tanaffus bilan boʻlib-boʻlib qoʻllanadi.

Preparat bilan davolash davomiyligi patologik jarayonni  xarakterini, ogʻirligiga bogʻliq holda va bakteriologik tekshirish maʼlumotlariga koʻra aniqlanadi. Odatda davolanish davomiyligi 4-14 kunni tashkil etadi. Ammo ogʻir infeksion kasalliklarida uzoq muddatli davo talab qilinadi. Koʻpchilik infeksion kasalliklarda davolash kasallik belgilari yoʻqolganidan va bakteriologik tahlil natijalarini samarasi tasdiqlanganidan keyin kamida 48-72 soat davom etadi.

 

Nojoʻya taʼsirlari

Preparat qabul qilinganida allergik reaksiyalar (eshakemi, qichishish, eozinofiliya, zardob kasalligi, bronxospazm, koʻp shaklli ekssudativ eritema, anafilaktik reaksiyalar, kam hollarda – anafilaktik shok), stomatit, glossit, meʼda-ichak yoʻllari tomonidan esa koʻngil aynishi, qusish, taʼmni yoʻqolishi, qorinda ogʻriq, disbakterioz, superinfeksiya, soxtamembranoz kolit paydo boʻlishi mumkin. Periferik qon koʻrsatkichlarini oʻzgarishi; neytropeniya, limfopeniya, leykopeniya, trombotsitopeniya kam hollarda: gemolitik anemiya aniqlanilishi mumkin, alohida hollarda qon zardobining plazma omillari (II, VII, IX, X) darajasi pasayadi, protrombin vaqti uzayadi, burundan qon ketishi kuzatiladi, xolestatik sariqlik rivojlanadi, siydikda kreatinin miqdorini oshishi, silindrlarni paydo boʻlishi, oliguriya, anuriya, biokimyoviy oʻzgarishlar (jigar transaminazalari faolligini va bilirubinni qon plazmasida oshishi), oʻtkir buyrak yetishmovchiligi, aritmiyalar, bosh ogʻrigʻi, yuborilgan joyda ogʻriq yoki infiltrat, alohida xollarda – v/i yuborilganda flebit yoki tromboflebit boʻlishi mumkin.

 

Qoʻllash mumkin boʻlmagan holatlar

Sefalosporinlar sinfiga taalluqli antibiotiklarga va penitsillinlarga hamda (m/i yuborilganda) lidokainga boʻlgan yuqori sezuvchanlik. Jigar-buyrak yetishmovchiligi, anamnezida meʼda-ichak yoʻllarining kasalliklari, ayniqsa yarali nospetsifik kolit yoki enterit, homiladorlik, laktatsiya davrida qoʻllash mumkin emas.

 

Dorilarning oʻzaro taʼsiri

Aminoglikozidlar bilan majmuaviy qoʻllanganda sinergizm oqibatida grammanfiy mikroorganizmlarga nisbatan samarasi kuchayadi, ammo ularning optimal dozalarini tanlash kerak. NYAQV, antiagregantlar qon ketish ehtimolini oshiradi, halqali diuretiklar va nefrotoksik preparatlar (aminoglikozidlar, polimiksin V) buyrak faoliyatini buzilishiga olib keladi. Preparat eritmasini boshqa mikroblarga qarshi preparatlar yoki eritmalar bilan farmatsevtik nomutanosibligi sababli aralashtirish yoki bir vaqtda yuborish mumkin emas.

 

Maxsus koʻrsatmalar

Katta dumba mushagini yuqori tashqi  kvadrantiga m/i yuboriladigan inyeksiya chuqur boʻlishi kerak. Preparat eritmasini yuborishdan oldin igna qon tomirdan tashqarida ekanligiga ishonch hosil qilish kerak. Jigar va buyrak faoliyatini ogʻir buzilishi boʻlgan bemorlarda preparat dozasi kamaytiriladi. KK minutiga 10 ml dan kam boʻlgan bemorlarga antibiotik uchun sutkalik doza 2 g dan oshmasligi kerak.

Arterial gipertenziyasida va suv-elektrolit muvozanati buzilishida plazmada natriy miqdorini nazorat qilish lozim. Uzoq muddat qoʻllanilganda disbakteriozni aniqlash uchun sitologik tekshirishlarni olib borish zarur. Giperbilirubinemiyasi boʻlgan chaqaloqlarga, allergik reaksiyalarga moyilligi boʻlganda extiyotkorlik bilan buyuriladi. Keksa yoshdagi shaxslarga qoʻshimcha ravishda K vitamini buyuriladi.

Preparatni bolalar ololmaydigan joyda saqlansin va uni yaroqlilik muddati oʻtganidan soʻng ishlatilmasin.

 

Dozani oshirib yuborilishi

Uzoq muddat qoʻllanilganda allergik reaksiyalar, dispepsik buzilishlar paydo boʻlishi mumkin.

Davolash: simptomatik maxsus antidoti yoʻq. Simptomatik davolash tavsiya qilinadi. Gemodializ yoki peritoneal dializni qoʻllash mumkin.

 

Chiqarilish shakli

1,5 g dan inyeksion eritmani tayyorlash uchun kukun flakonlarda.

 

Saqlash sharoiti

Quruq, yorugʻlikdan himoyalangan joyda, 25°S dan yuqori boʻlmagan haroratda saqlansin.

 

Yaroqlilik muddati

2 yil.

 

Dorixonalardan berish tartibi

Retsept boʻyicha.