Ilovani yuklab oling
Yuklab olish
Розулип Плюс

Oson Apteka - Dorixonalar ma'lumotnomasi

Розулип Плюс КАПСУЛА 10мг/10мг №30

60 000 so'mdan
(2277)
Dorixonalardagi narx
Xaritada topish
Xususiyatlari
Xalqaro nomi
ezetimibe, rosuvastatin
Ishlab chiqaruvchi
ЭГИС
Chiqarilish shakli
КАПС
Farma. Guruh
Гиполипидемические препараты (статины)
Dori tafsilotlari
Yaroqlilik muddati
Dorixonalardan berish tartibi
Rozulip® qobiq bilan qoplangan tabletkalar preparati oʻzi nima va u nima uchun qoʻllanadi
Rozulip® qobiq bilan qoplangan tabletka preparatini qoʻllashni boshlashdan oldin nimalarni bilish kerak
Rozulip® qobiq bilan qoplangan tabletkalar preparatini qanday qabul qilish kerak
Tibbiyotda qoʻllanilganida boʻlishi mumkin boʻlmagan nojoʻya samaralari
Rozulip® qobiq bilan qoplangan tabletkalar preparatini qanday saqlash kerak
Oʻram ichidagisi va qoʻshimcha maʼlumotlar
Yaroqlilik muddati

Yaroqlilik muddati oʻramida koʻrsatilgan.

Rozulip® ni oʻramida koʻrsatilgan yaroqlilik muddati oʻtganidan keyin ishlatmang. Yaroqlilik muddatining oʻtish sanasi koʻrsatilgan oyning oxirgi kuniga toʻgʻri keladi.

Dorixonalardan berish tartibi

Shifokor retsepti boʻyicha beriladi.

Rozulip® qobiq bilan qoplangan tabletkalar preparati oʻzi nima va u nima uchun qoʻllanadi

Rozulip® preparati (taʼsir etuvchi moddasi rozuvastatin) statinlar deb nomlangan preparatlar guruhiga kiradi.

Rozulip® preparati Sizga buyurilgan:

  • qonda xolesterin darajasi yuqori boʻlganligi tufayli, bu infarkt va insult rivojlanishiga olib keladi.

Sizga statinlarni parhezni oʻzgartirish va jismoniy faollikni oshirish qonda xolesterin darajasini kamaytirish uchun yetarli boʻlmaganligi tufayli qabul qilish tavsiya etilgan. Rozulip® qobiq bilan qoplangan tabletkalar preparatini qabul qilish vaqtida qonda xolesterin darajasini kamaytiruvchi parhezni davom ettirish va jismonan faol boʻlish kerak.

yoki

  • Sizda miokard infarkti, insult va boshqa yondosh muammolarni rivojlanishi xavfini oshiruvchi boshqa omillar boʻlganligi tufayli.

Miokard infarkti, insult va boshqa yondosh muammolarni ateroskleroz (qon tomirlar devorlarida choʻkma) deb nomlanuvchi kasallik chaqirishi mumkin. Aterosklerozda qon tomirlarda yogʻ zarrachalari choʻkmaga tushishi kuchayadi.

Rozulip® qobiq bilan qoplangan tabletkalar qonda yogʻlarning (lipidlarning) miqdorini boshqarish uchun qoʻllanadi. Lipidlarning eng koʻp tarqalgan shakli xolesterin hisoblanadi.

Qonda xolesterin har xil shakllarda aniqlanadi: “zararli” xolesterin (past zichlikdagi lipoproteidlar xolesterini, PZLX) va “foydali” xolesterin (yuqori zichlikdagi lipoproteidlar xolesterini, YUZLX). Rozulip® preparati Sizning organizmingiz tomonidan qonda “zararli” xolesterin ishlab chiqarilishini bloklaydi, shuningdek uni qondan chiqarilishini yengillashtiradi.

Nima uchun Rozulip® preparatini qabul qilishni davom ettirish muhim

Koʻpchilik odamlar qonda xolesterin darajasi yuqori ekanligini his qilmaydi, chunki bu holat biron-bir sipmtomlar bilan kechmaydi. Shunga qaramasdan, tegishli davolash oʻtkazilmaganida xolesterin qon tomir devorlarida choʻkmaga tushadi, bu qon tomir teshigini torayishiga olib keladi. Ayrim hollarda bundan toraygan qon tomirlar tiqilib qoladi, bu infarkt yoki insult rivojlanishi bilan yurak yoki bosh miyani qon bilan taʼminlanishini buzilishiga olib keladi. Agar Siz qonda xolesterin darajasini normallashtirsangiz, infarkt va insult rivojlanishi xavfi kamayadi.

Siz Rozulip® preparatini qabul qilishni qondagi xolesterin darajasi normallashgandan keyin ham davom ettirishingiz kerak, chunki preparatni qabul qilish keyinchalik xolesterinning miqdorini oshishini oldini oladi. Lekin, Siz preparatni qabul qilishni shifokorning tavsiyasiga koʻra, shuningdek homiladorlikda toʻxtatishingiz kerak.

Rozulip® qobiq bilan qoplangan tabletka preparatini qoʻllashni boshlashdan oldin nimalarni bilish kerak

Rozulip® qobiq bilan qoplangan tabletka preparatini qabul qilmang:

  • agar Sizda taʼsir etuvchi moddaga (rozuvastatinga) yoki Rozulip® qobiq bilan qoplangan tabletka preparatining 8 boʻlimda keltirilgan boshqa ingrediyentlariga yuqori sezuvchanlik (allergiya) boʻlsa;
  • agar Siz homilador boʻlsangiz yoki bola emizayotgan boʻlsangiz. Agar siz Rozulip® preparati bilan davolash vaqtida homiladorligingiz haqida xabar topsangiz, preparatni qabul qilishni darhol toʻxtating va shifokoringiz bilan bogʻlaning. Rozulip® qabul qilayotgan ayollar homiladorlikdan saqlanish uchun kontratsepsiyaning ishonchli vositalarini qoʻllashlari kerak;
  • agar Sizda jigar kasalliklari boʻlsa;
  • agar Sizda buyrak faoliyatini ogʻir buzilishlari boʻlsa;
  • agar Sizda qaytalanuvchi, tushuntirib boʻlmaydigan mushak ogʻriqlari boʻlsa;
  • agar Siz siklosporin deb nomlanuvchi preparatni qabul qilayotgan boʻlsangiz (u immun javobni bostiradi va masalan, aʼzolarni transplantatsiyasidan keyin qoʻllanadi).

Agar yuqorida koʻrsatilgan holatlardan birontasi Sizga tegishli boʻlsa (yoki Sizda shubha uygʻotsa) shifokoringizga murojaat qiling.

Bundan tashqari, Rozulip® 40 mg (maksimal doza) dozada qabul qilmang:

  • agar Sizda buyrakni oʻrtacha buzilishlari boʻlsa (agar Sizning ishonchingiz komil boʻlmasa davolovchi shifokoringizdan soʻrang);
  • agar Sizda qalqonsimon bezining faoliyati buzilgan boʻlsa;
  • agar oʻtmishda Sizni qaytalanuvchi yoki tushintirib boʻlmaydigan mushak ogʻrigʻi bezovta qilgan boʻlsa, agar mushak tizimi tomonidan buzilishlar Sizda yoki oila azolaringizda kuzatilgan boʻlsa, shuningdek agar ilgari Sizda qonda xolesterin darajasini pasaytiruvchi boshqa preparatlarni qabul qilish fonida mushak tizimi tomonidan buzilishlar kuzatilgan boʻlsa;
  • agar Siz muntazam koʻp miqdorda alkogol isteʼmol qilsangiz;
  • agar Siz osiyolik (yaponiyalik, xitoylik, filippinlik, vyetnamlik, koreyalik yoki hind) boʻlsangiz;
  • agar Siz qonda xolesterin darajasini pasaytiruvchi boshqa dori vositalarini, xususan fibratlarni qabul qilayotgan boʻlsangiz.

Agar yuqorida sanab oʻtilganlardan birontasi Sizga taalluqli boʻlsa (yoki Sizda shubha uygʻotsa), davolovchi shifokoringizga murojaat qiling.

Tibbiyotda qoʻllanilganida ehtiyotkorlik choralari:

Rozulip® qobiq bilan qoplangan tabletkalar preparatini qabul qilishni boshlashdan oldin davolovchi shifokoringiz yoki farmatsevt bilan maslahatlashing.

  • agar Sizda buyrak bilan bogʻliq muommolar boʻlsa;
  • agar Sizda jigar bilan bogʻliq muommolar boʻlsa;
  • agar ilgari Sizni qaytalanuvchi yoki tushuntirib boʻlmaydigan mushak ogʻrigʻi bezovta qilgan boʻlsa, agar Sizning oila aʼzolaringizda yoki oʻzingizda mushak tizimi tomonidan buzilishlar kuzatilgan boʻlsa, shuningdek agar Sizda ilgari qonda xolesterin darajasini pasaytiruvchi boshqa preparatlarni qabul qilganingizda mushak tizimi tomonidan buzilishlar kuzatilgan boʻlsa. Agar Sizni tushuntirib boʻlmaydigan mushaklarda ogʻriq bezovta qilayotgan boʻlsa, agar u holsizlik yoki isitma bilan birga kechsa, darhol bu haqida shifokoringizga xabar bering.
  • shuningdek agar Sizda davomli mushak kuchsizligi kuzatilsa davolovchi shifokoringizga yoki farmatsevtga xabar bering. Bu holatga diagnoz qoʻyish va davolash uchun ehtimol, keyinchalik laborator tekshiruvlar va dori preparatlari talab etilishi mumkin.
  • agar Siz muntazam koʻp miqdorda alkogol isteʼmol qilsangiz;
  • agar Sizda qalqonsimon bezining faoliyati buzilgan boʻlsa;
  • agar Siz qonda xalestirinning darajasini pasaytiruvchi boshqa dori vositalarini xususan fibratlarini qabul qilayotgan boʻlsangiz. Iltimos, xatto ilgari xolesterin darajasini pasaytirish uchun boshqa dori preparatlarni qabul qilgan boʻlsangiz ham, bu ilova-varaqani diqqat bilan oʻqib chiqing;
  • agar Siz OITV-infeksiyasi bilan kurashish uchun moʻljallangan preparatlarni, masalan lopinavir/ritonavir (“Boshqa preparatlarni qabul qilish” boʻlimini qarang) qabul qilayotgan boʻlsangiz;
  • agar Siz 70 yoshdan oshgan boʻlsangiz (shifokoringiz Rozulin® preparatining boshlangʻich dozasini toʻgʻri tanlab olishi kerak);
  • agar Siz osiyolik (yaponlik, xitoylik, fillipinlik, vyetnamlik, koreyalik yoki hind) boʻlsangiz. Shifokoringiz Rozulip® preparatining boshlangʻich dozasini toʻgʻri tanlashi kerak;
  • agar Sizda ogʻir nafas yetishmovchiligi boʻlsa.

Agar yuqorida sanab oʻtilgan holatlardan birontasi Sizga taalluqli boʻlsa (yoki sizda shubha uygʻotsa):

Rozulip® qobiq bilan qoplangan tabletkalar preparatini 40 mg dozada qabul qilmang (maksimal doza) va Rozulip® preparatini har qanday dozada qabul qilishni boshlashdan oldin davolovchi shifokoringiz yoki farmatsevt bilan bogʻlaning.

Ayrim hollarda statinlar bilan davolash jigar faoliyatining buzilishlari bilan kechishi mumkin. Statinlarning bu aʼzoning faoliyatiga noxush tasiri qon zardobida jigar fermentlari konsentratsiyasini oshishi bilan namoyon boʻladi. Shuning uchun Rozulip® preparati bilan davolashni ham boshlashdan oldin, ham davolanish vaqtida shifokoringiz muntazam funksional jigar sinamalarini baholaydi. Sizni belgilangan laborator tekshiruvlar rejasiga amal qilishingiz muhim.

Agar Sizda qandli diabet boʻlsa yoki diabet rivojlanishi xavfi boʻlsa, ushbu dori vositasini qoʻllash vaqtida shifokoringiz Sizning holatingizni sinchkovlik bilan nazorat qiladi. Agar Sizda qonda qand va yogʻlar darajasi yuqoriligi aniqlansa, shuningdek Sizda yuqori arterial bosimi yoki tana vazni yuqori boʻlsa, Siz ehtimol, diabet rivojlanishining yuqori xavf guruhiga kirasiz.

Bolalar va 18 yoshgacha boʻlgan oʻsmirlar

10 yoshdan kichik bolalar: Rozulip® qobiq bilan qoplangan tabletkalar preparatini 10 yoshgacha boʻlgan bolalarda qoʻllash mumkin emas.

Bolalar va 18 yoshgacha boʻlgan oʻsmirlar: Rozulip® qobiq bilan qoplangan 40 mg tabletkalar preparatini bolalar va 18 yoshgacha boʻlgan bolalarda qoʻllash mumkin emas.

Boshqa dori vositalari va Rozulip® qobiq bilan qoplangan tabletkalar preparati

Siz qabul qilayotgan, yaqinda qabul qilgan yoki qabul qilishni rejalashtirgan har qanday dori vositalari haqida shifokoringizga yoki farmatsevtga albatta xabar qiling.

Agar Siz quyida keltirilgan preparatlarning birontasini qabul (qilayotgan) qilgan boʻlsangiz shifokoringizga maʼlum qiling.

Bu dori preparatlarining farmakologik samarasi Rozulip® preparati bilan davolash fonida oʻzgarishi mumkin, yoki aksincha Rozulip preparatining samarasi quyida koʻrsatilgan preparatlar taʼsiri ostida modifikatsiya qilinishi mumkin.

  • Siklosporin (masalan, aʼzolar transplantatsiyasidan keyin transplantantni koʻchib ketishini oldini olish maqsadida qoʻllanadi. Rozuvastatin bilan bir vaqtda qoʻllanganida, rozuvastatinning samaralari kuchayadi). Agar Siz siklosporin bilan davolanayotgan boʻlsangiz Rozulip® preparatini qabul qilmang.
  • Antikoagulyantlar (masalan, varfarin, sinkumar) (Rozulip® preparati bilan bir vaqtda qabul qilinganda, antikoagulyantlarni samarasi va qon ketish xavfi oshishi mumkin).
  • Qonda xolesterin darajasini pasaytiruvchi boshqa dori preparatlari (fibratlar), ular shuningdek triglitseridlarning konsentratsiyasini meʼyorlashtiradi (masalan, gemfibrozil va boshqa fibratlar). Birga qoʻllanganda rozuvastatinning samarasi kuchayadi. Rozulip® preparatini 40 mg dozada (maksimal doza) va fibratlarni bir vaqtda qoʻllamang. Fibratlar bilan qoʻshimcha davolashda Rozulip® preparatining dastlabki dozasini 5 mg gacha qisqartirish tavsiya qilinadi.
  • Qonda xolesterin darajasini kamaytiruvchi har qanday boshqa dori vositalari (masalan, ezetimib, ichakda xolesterinning soʻrilishini susaytirishi hisobiga taʼsir qiluvchi vosita).
  • Meʼdada kislotani neytralizatsiya qilish uchun ishlatiladigan dori preparatlari (antatsidlar); ular qon plazmasida rozuvastatinni konsentratsiyasini kamaytiradi. Agar bunday preparatlarni, Rozulip® preparatini qabul qilgandan soʻng 2 soatdan keyin qabul qilinsa, bu oʻzaro taʼsirni kamaytirish mumkin.
  • Antibakterial preparatlar (masalan, eritromitsin). Rozuvastatinning samaradorligi bu preparatlar bilan bir vaqtda qoʻllanganda kamayadi.
  • Peroral kontratseptivlar (homiladorlikka qarshi tabletkalar). Rozuvastatin bilan davolash fonida jinsiy gormonlarni soʻrilishi kuchayadi va ularning qonda ularning darajasi oshadi.
  • Oʻrnini bosuvchi gormonal terapiya (qondagi gormonlarning konsentratsiyasini oshiradi).
  • OITV bilan infeksiyalangan patsiyentlarni davolash uchun ishlatiladigan viruslarga qarshi preparatlar (OITV proteazasi ingibitori deb nomlanuvchi, masalan, lopinavir /ritonavir). Bu preparatlar bir vaqtda qoʻllanganida rozuvastatinning samaradorligini oshiradi. Rozulip® preparati OITV-proteazasi ingibitorlari bilan bir vaqtda qabul qilish tavsiya qilinmaydi.

 

Rozulip® preparatini ovqat va ichimliklar bilan qabul qilish

Rozulip® qobiq bilan qoplangan tabletkalar preparatini ovqat qabul qilishdan qatʼiy nazar qabul qilish mumkin.

Homiladorlik, emizish va reproduktiv faoliyat

Agar Siz homilador boʻlsangiz, emizayotgan boʻlsangiz, homiladorman deb taxmin qilsangiz yoki homilador boʻlishni rejalashtirgan boʻlsangiz, bu haqida davolovchi shifokoringiz yoki farmatsevtga xabar bering.

Homiladorlik

Agar Siz homilador boʻlsangiz Rozulip® preparatini qabul qilmang. Agar Siz Rozulip® preparati bilan davolanayotgan vaqtda homiladorligingiz haqida xabar topgan boʻlsangiz, preparatni qabul qilishni darhol toʻxtating va shifokoringiz bilan bogʻlaning. Rozulip® preparatini qabul qilayotgan ayollarga homiladorlikdan saqlanishlari va ishonchli kontratseptiv vositalardan foydalanish kerak.

Emizish

Agar Siz emizayotgan boʻlsangiz, Rozulip® preparatini qabul qilmang.

Har qanday dori vositalarini qabul qilishni boshlashdan oldin, davolovchi shifokoringiz yoki farmatsevt bilan maslahatlashing.

 

Dori vositasini avtotransportni boshqarish va mexanizmlar bilan ishlash qobiliyatiga taʼsiri

Koʻpchilik hollarda Rozulip® ni qabul qilayotgan patsiyentlar, avtotransportni va mexanizmlarni boshqarishlari mumkin, chunki bu preparat bilan davolanish bu qobiliyatlarga taʼsir qilmaydi. Shunga qaramay, ayrim patsiyentlarda Rozulip® preparat bilan davolash fonida bosh aylanishi rivojlanishi mumkin. Agar Siz bosh aylanishini his qilsangiz avtotransportni yoki mexanizmlarni boshqarishdan oldin, shifokoringiz bilan maslahatlashing.

 

Rozulip® qobiq bilan qoplangan tabletkalar preparati sut qandi (laktoza) saqlaydi

Agar davolovchi shifokoringiz Sizni Sizda qandlarning ayrim turlariga (laktoza yoki sut qandi) yuqori sezuvchanlik mavjudligi haqida ogohlantirgan boʻlsa, ushbu preparatni qabul qilishdan oldin shifokor bilan maslahatlashing. Yordamchi moddalarning toʻliq roʻyhati “Oʻram ichidagisi va qoʻshimcha maʼlumot” 8-boʻlimda keltirilgan.

Rozulip® qobiq bilan qoplangan tabletkalar preparatini qanday qabul qilish kerak

Rozulip® ni doimo shifokorning koʻrsatmasiga aniq rioya qilgan holda qabul qiling. Agar Sizda qandaydir shubhalar tugʻilsa, shifokoringizga yoki farmatsevtga murojaat qiling.

Rozulip® preparati bilan davolanish vaqtida Siz jismoniy faollikni tutib turishingiz va xolesterinni kam saqlovchi standart parhezga rioya qilishingiz kerak.

 

Dozalash tartibi

Kattalar uchun tavsiya etiladigan dozalar

Agar Siz Rozulip® qobiq bilan qoplangan tabletkalar preparatini xolesterin darajasi yuqori boʻlganligi tufayli qabul qilayotgan boʻlsangiz:

Boshlangʻich doza

Siz ilgari xatto yuqori dozada boshqa statinlarni qabul qilgan boʻlsangiz ham, Rozulip® preparati bilan davolashni 5 mg yoki 10 mg dozada boshlash kerak. Boshlangʻich dozani tanlash quyidagilarga bogʻliq:

  • Qondagi xolesterin konsentratsiyasi;
  • Miokard infarkti yoki insultni rivojlanish xavfining darajasi;
  • Nojoʻya samaralarini rivojlanishiga yuqori moyillikni belgilovchi omillarning mavjudligi.

Rozulip® qobiq bilan qoplangan tabletkalar preparatining boshlangʻich optimal dozasini tanlash uchun shifokoringiz yoki farmatsevtingiz bilan maslahatlashing.

Shifokor sizga minimal (5 mg) dozani buyurishi mumkin agar:

  • Agar siz osiyolik (yaponiyalik, xitoylik, filippinlik, vyetnamlik, koreyalik yoki hind) boʻlsangiz;
  • 70 yoshdan katta boʻlsangiz;
  • Agar Sizda buyrak faoliyatini oʻrtacha buzilishlari boʻlsa;
  • Mushak ogʻriqlari paydo boʻlishining (miopatiya) xavfi boʻlsa.

 

Dozani oshirish va maksimal sutkalik doza

Shifokoringiz Rozulip® preparatining dozasini oshirish xaqida qaror qabul qilishi mumkin. Bu qaror qon zardobidagi xolesterin konsentratsiyasini joriy koʻrsatkichlariga, yurak-qon tomir tizimi tomonidan noxush holatlarini rivojlanishi xavfiga, shuningdek yondosh patologiyaning boʻlishiga bogʻliq. Dozani oshirish Rozulip® preparatining optimal dozasini tanlash uchun kerak boʻlishi mumkin. Agar Siz davolashni 5 mg dozadan boshlagan boʻlsangiz, shifokor bu dozani ikki marta – 10 mg gacha oshirish haqida qaror qabul qilishi mumkin, soʻngra esa, zarurati boʻlganida, dozani
20 mg va 40 mg gacha oshirishi mumkin.

Doza oshirishda, har safar toʻrt haftalik intervalga rioya qilish kerak.

Rozulip® preparatining maksimal sutkalik dozasi sutkada 40 mg ni tashkil qiladi. Bu doza faqat qonda xolesterini yuqori darajali va infarkt rivojlanishining xavfi yuqori yoki Rozulip® preparatining 20 mg dozasi bilan davolash fonida xolesterin konsentratsiyasini yetarlicha pasaymagan patsiyentlarda koʻrsatilgan.

Agar Siz Rozulip® qobiq bilan qoplangan tabletkalar preparatini miokard infarkti, insult yoki yondosh muammolarni rivojlanishi xavfini kamaytirish maqsadida qabul qilayotgan boʻlsangiz:

Tavsiya etiladigan doza kuniga 20 mg ni tashkil qiladi. Agar yuqorida keltirilgan omillardan birontasiga Sizga taalluqli boʻlsa, davolovchi shifokoringiz preparatning dozasini kamaytirish haqida qaror qabul qilishi mumkin.

Bolalar va 18 yoshgacha boʻlgan oʻsmirlar

10 yoshdan 17 yoshgacha boʻlgan bolalar va oʻsmirlar uchun tavsiya etiladigan doza

Tavsiya etiladigan boshlangʻich doza kuniga 5 mg ni tashkil qiladi. Bola uchun eng toʻgʻri kelladigan dozani tashlash maqsadida shifokor preparatning dozasini oshirishi mumkin. Rozulip® qobiq bilan qoplangan tabletkalar preparatining maksimal sutkalik dozasi 20 mg ni tashkil qiladi. Tabletkalarni sutkada bir marta qabul qilish kerak.

Rozulip® 40 mg qobiq bilan qoplangan tabletka preparatini 10 yoshdan 17 yoshgacha boʻlgan bolalar va oʻsmirlarga buyurish mumkin emas.

10 yoshdan kichik bolalar

Rozulip® qobiq bilan qoplangan tabletka preparati 10 yoshdan kichik boʻlgan bolalarga tavsiya etilmaydi.

Qoʻllash usuli

Preparat ichiga qabul qilish uchun buyuriladi.

Har bir tabletkani butunligicha, suv bilan ichib yuting.

Rozulip® ni kuniga bir marta qabul qiling. Siz Rozulip® ni, ovqat qabul qilishdan qatʼiy nazar, sutkaning har qanday vaqtda qabul qilishingiz mumkin.

Iloji boricha, oʻzingizning sutkalik dozangizni oʻtkazib yubormaslik uchun preparatni har kuni bir vaqtda qabul qiling.

 

Qon zardobida xolesterin konsentratsiyasini muntazam nazorat qilish

Shifokorni koʻrigida qon zardobidagi xolesterin konsentratsiyasining muntazam nazorati katta ahamiyatga ega. Xolesterinning istalgan darajasiga erishish va uni tutib

turishni baholash uchun bunday nazorat zarurdir.

Shifokor Sizga optimal dozani tanlash uchun preparatning dozasini oshirishi haqida qaror qabul qilishi mumkin.

 

Agar Siz Rozulip® tabletkalarini keragidan ortiq qabul qilgan boʻlsangiz

Agar Siz qabul qilgan preparatning sutkalik dozasini tasodifan oshirib yuborgan boʻlsangiz, davolovchi shifokoringiz bilan bogʻlaning yoki yaqindagi kasalxonaga tez yordam boʻlimiga murojaat qiling, chunki Sizga shifokorning yordami kerak boʻlib qolishi mumkin.

Agar Siz kasalxonaga yotsangiz yoki boshqa patologiya tufayli davolanayotgan boʻlsangiz tibbiyot xodimiga Rozulip® preparatini qabul qilayotganingiz haqida xabar bering.

Agar Siz Rozulip® qobiq bilan qoplangan tabletkalar preparatining navbatdagi dozasini qabul qilishni unutgan boʻlsangiz

Agar Siz Rozulip® tabletkasini qabul qilishni unutgan boʻlsangiz, hayajonlanmang. Bu dozani oʻtkazib yuboring va preparatni keyingi dozasini kerakli vaqtda qabul qiling. Preparatning oʻtkazib yuborilgan dozaning oʻrnini bosish uchun preparatning ikki barobar koʻp dozasini qabul qilmang.

 

Agar Siz Rozulip® qobiq bilan qoplangan tabletkalar preparatini qabul qilishni toʻxtatgan boʻlsangiz

Davolovchi shifokoringizni maslahatisiz Rozulip® preparatini qabul qilishni, faqat Sizda homiladorlik belgilari paydo boʻlsa, mushak tizimiga davolashning nojoʻya taʼsiri (mushak kuchsizligi, yuqori sezuvchanlik, ogʻriq) yoki ogʻir allergik reaksiya simptomlari (oʻta yuqori sezuvchanlik reaksiyalari) (yuz yumshoq toʻqimalarini, lablar, til va xalqumni shishi; nafas yoki yutinishni qiyinlashishi, yaqqol qichishish va eshakemi) dan tashqari hollarda toʻxtatmang.

Agar Siz Rozulip® preparatini qabul qilishni toʻxtatsangiz, qonda xolesterin konsentratsiyasi yana oshishi mumkin.

Agar Sizda ushbu preparatni qabul qilishga taalluqli boʻlgan qoʻshimcha savollar paydo boʻlsa, shifokoringizga yoki farmatsevtga murojaat qiling.

Tibbiyotda qoʻllanilganida boʻlishi mumkin boʻlmagan nojoʻya samaralari

Boshqa dori vositalari kabi, ushbu preparati ham nojoʻya samaralarni chaqirishi mumkin, lekin ular preparatni qabul qiluvchi patsiyentlarning hammasida ham uchramaydi.

Bu nojoʻya samaralari haqida Siz bilishingiz muhim. Odatda ular yengil xarakterga ega va tez yoʻqoladi.

 

Agar Sizda quyidagi allergik reaksiyalardan birontasi rivojlangan boʻlsa, Rozulip® preparatini qabul qilishni toʻxtating va zudlik bilan tibbiy yordamga murojaat qiling:

  • Yuz, lablar, til va (yoki) xalqumning shishi bilan yoki ularsiz nafasni qiyinlashishi;
  • Yutinganda qiyinchilik tugʻdiruvchi yuz, til, lablar va (yoki) halqumni shishi;
  • Terini yaqqol qichishishi (teridan boʻrtib turuvchi toshmalar bilan).

Bundan tashqari, agar Sizning mushaklaringizda gʻayri tabiiy, kutganingizdan ham koʻra uzoq davom etuvchi ogʻriq paydo boʻlgan boʻlsaRozulip® preparatini qabul qilishni toʻxtating va zudlik bilan shifokoringizga murojaat qiling. Mushaklar tomonidan simptomlar kattalarga nisbatan bolalar va oʻsmirlarda koʻproq rivojlanadi. Rozuvastatin ishlatilganida boshqa statinlar bilan davolashga xos boʻlmagan mushak tizimi tomonidan juda kam noxush samaralar kuzatilgan. Undan ham kam hollarda bunday noxush samaralar mushak toʻqimasining shikastlanishi bilan bogʻliq boʻlgan- hayot uchun xavfli rabdomioliz bilan kechgan.

 

Boʻlishi mumkin boʻlgan nojoʻya samaralari

Tez-tez (100 patsiyentdan 1-10 tasida kuzatilgan):

  • Bosh ogʻrigʻi;
  • Qorin ogʻrigʻi;
  • Qabziyat;
  • Koʻngil aynishi;
  • Mushaklarda ogʻriq;
  • Holsizlik hissi;
  • Bosh aylanishi;
  • Siydikda oqsil miqdorini oshishi (faqat, preparat 40 mg dozada ishlatilganida kuzatiladi; odatda siydikdagi oqsilning konsentratsiyasi oʻz-oʻzidan normallashadi va preparat bilan davolashni toʻxtatishning zarurati yoʻq).

Tez-tez emas (1000 patsiyentdan 1-10 da kuzatiladi):

  • Toshma;
  • Terini qichishishi;
  • Eshakemi;
  • Siydikda oqsil miqdorini oshishi (faqat preparatning 5 mg, 10 mg va 20 mg dozada qoʻllaganida kuzatiladi; odatda siydikdagi oqsilning konsentratsiyasi oʻz-oʻzidan meʼyorlashadi va Rozulip® preparati bilan davolashni toʻxtatishning zarurati yoʻq.

Kam xollarda (10000 patsiyentdan 1-10 da kuzatiladi):

  • Ogʻir allergik reaksiya (oʻta yuqori sezuvchanlik reaksiyasi) yuz, lablar, til va (yoki) xalqumni shishi, yutishni va nafasni qiyinlashishi, terini kuchli qichishishi (teridan boʻrtib turuvchi toshmalar bilan) simptomlarini oʻz ichiga oladi. Agar Siz, Sizda allergik reaksiya rivojlanganiga gumonsirasangiz, Rozulip® preparatini qabul qilishni darhol toʻxtating va tibbiy yordamga murojaat qiling.
  • Mushaklarni shikastlanishi – bu simptomatika mushak kuchsizligi, yuqori sezuvchanlik va mushaklarda ogʻriq belgilarini oʻz ichiga oladi. Kam hollarda patsiyentlarda lohaslik, isitmalash va ayrim hollarda buyrak faoliyatini buzilishlari bilan kechuvchi mushak toʻqimasini (rabdomioliz sifatida maʼlum boʻlgan) ogʻir shikastlanishlari rivojlangan. Bu asoratni rivojlanishini oldini olish uchun, agar Sizda odatdagi boʻlmagan mushaklarda ogʻriq paydo boʻlsa, Siz kutganingizdan ham uzoq davom etsa, Rozulip® preparatini qabul qilishni darhol toʻxtating va shifokor bilan bogʻlaning. Shifokor Sizga mushak tizimi xolatini baxolash imkoniyatini beruvchi qon tekshiruvlarini buyurishi mumkin
  • Meʼda osti bezini yalligʻlanishi bilan bogʻliq (pankreatit) boʻlgan qorinda kuchli ogʻriq.
  • Qonda jigar fermentlarining konsentratsiyasini oshishi;
  • Qonda qon plastinkalari sonini kamayishi.

Juda kam hollarda (10000 patsiyentdan 1 ta kuzatiladi):

  • Sariqlik (teri va koʻzni sariqqa boʻyalishi);
  • Gepatit (jigarni yalligʻlanishi);
  • Siydikda qon paydo boʻlishi;
  • Qoʻl-oyoqlarning periferik nervlari faoliyatini buzilishlari (masalan, uvishish);
  • Boʻgʻimlarda ogʻriq;
  • Xotirani yoʻqotilishi;
  • Erkaklarda sut bezini kattalashishi (ginekomastiya)

Tez-tezligi nomaʼlum (mavjud boʻlgan  maʼlumotlarga koʻra aniqlash mumkin emas):

  • Diareya (tez-tez suyuq ich kelishi);
  • Stivens-Djonson sindromi (qavariqlarni paydo boʻlishi bilan kechuvchi terini, ogʻiz shilliq qavatini, koʻz va genitaliyni ogʻir shikastlanishi). Har qanday ogʻir teri reaksiyalari paydo boʻlganida, Rozulip® preparatini qabul qilishni darhol toʻxtating va tibbiy yordamga murojaat qiling;
  • Yoʻtal;
  • Nafas olishni qiyinlashishi;
  • Shish;
  • Uyquni buzilishi, shu jumladan uyqusizlik va dahshatli tush koʻrish;
  • Jinsiy faoliyatni buzilishi;
  • Depressiya;
  • Nafasni buzilishlari, shu jumladan kuchli yoʻtal, hansirash yoki isitma;
  • Paylarni shikastlanishi;
  • Davomli mushak xolsizligi.

Ogʻir nojoʻya samaralar rivojlanganda, shuningdek ushbu ilova-varaqasida taʼriflanmagan nojoʻya samaralar rivojlanganda, iltimos, shifokoringizga yoki farmakologga murojaat qiling.

Nojoʻya samaralar haqida xabar berib, Siz ushbu preparatning xavfsizligi haqida qoʻshimcha maʼlumot olishga yordam bergan boʻlasiz.

Rozulip® qobiq bilan qoplangan tabletkalar preparatini qanday saqlash kerak

30°S dan yuqori boʻlmagan haroratda saqlansin.

Bolalar ololmaydigan joyda saqlansin.

Dori preparatini maishiy chiqindilar yoki oqar suvlar bilan yoʻqotish mumkin emas. Dori preparatlarini yoʻqotish boʻyicha savolni oʻz farmatsevtingizga berishingiz kerak. Yoʻqotish qoidalariga rioya qilish atrof muhitni himoya qilishga yordam beradi.

Agar Siz preparatning sifatsizligining aniq belgilarini (masalan, rangini oʻzgarganini) sezgan boʻlsangiz Rozulip® ni ishlatmang.

Oʻram ichidagisi va qoʻshimcha maʼlumotlar

Rozulip® tabletka nimalarni saqlaydi

Taʼsir etuvchi modda:  rozuvastatin (rozuvastatinning ruxli tuzi koʻrinishida). Qobiq bilan qoplangan, har bir Rozulip® tabletkasi 5 mg, 10 mg, 20 mg yoki 40 mg rozuvastatin saqlaydi.

Yordamchi moddalar: laktoza monogidrati, povidon, krospovidon, magniy stearati, polivinil spirti, titan dioksidi, makrogol 3350, talk.

 

Rozulip® preparatining tashqi koʻrinishi va oʻram ichidagisi

Taʼrifi

Qobiq bilan qoplangan 5 mg li Rozulip® tabletkalari: oq yoki deyarli oq, dumaloq, ikki yoqlama biroz qavariq, hidsiz yoki deyarli hidsiz, bir tomonida Ye harfi va boshqa tomonida 591 raqami bosib tushirilgan, qobiq bilan qoplangan tabletkalar.

Qobiq bilan qoplangan 10 mg li Rozulip® tabletkalari: oq yoki deyarli oq, dumaloq, ikki yoqlama biroz qavariq, hidsiz yoki deyarli hidsiz, bir tomonida Ye harfi va boshqa tomonida 592 raqami bosib tushirilgan, qobiq bilan qoplangan tabletkalar.

Qobiq bilan qoplangan 20 mg li Rozulip® tabletkalari: oq yoki deyarli oq, dumaloq, ikki yoqlama biroz qavariq, hidsiz yoki deyarli hidsiz, bir tomonida Ye harfi 593 raqami bosib tushirilgan, qobiq bilan qoplangan tabletkalar.

Qobiq bilan qoplangan 40 mg li Rozulip® tabletkalari: oq yoki deyarli oq, oval, ikki yoqlama biroz qavariq, hidsiz yoki deyarli hidsiz, bir tomonida Ye harfi 594 raqami bosib tushirilgan, qobiq bilan qoplangan tabletkalar.

Oʻrami

Qobiq bilan qoplangan tabletkalar, majmuaviy plyonka “cold” blisterlarga oʻralgan (poliamid/alyumin folga/PVX)/alyumin folgada) har birida 7 tabletkadan. Blisterlar, oʻz navbatida, 2 (14 tabletka), 4 (28 tabletka) va 8 (56 tabletka) dan qoʻllash boʻyicha yoʻriqnomasi bilan birga karton qutiga joylangan.