Ilovani yuklab oling
Yuklab olish
Резорба ЛИОФИЛИЗАТ

Oson Apteka - Dorixonalar ma'lumotnomasi

Резорба ЛИОФИЛИЗАТ ДЛЯ ИНЪЕКЦИЙ 4мг №1

475 000 so'mdan
(3445)
Dorixonalardagi narx
Xaritada topish
Xususiyatlari
Xalqaro nomi
Zoledronic acid
Ishlab chiqaruvchi
ФАРМСИНТЕЗ
Chiqarilish shakli
ЛИОФ Д/ИНф
Farma. Guruh
Костной резорбции ингибитор - бисфосфонат
Dori tafsilotlari
Qoʻllanilishi
Qoʻllash usuli va dozalari
Yaroqlilik muddati
Dorixonalardan berish tartibi
Tarkibi:
Taʼrifi:
Farmakoterapevtik guruhi:
Farmakologik xususiyatlari
Dori shakli:
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Qoʻllanilishi
  • xavfli oʻsmalar tomonidan induksiyalangan giperkalsiyemiya (albumin boʻyicha muvofiqlashtirilgan zardobdagi kalsiyning konsentratsiyasi ≥ 12 mg/dl yoki 3 mmol/l);
  • xavfli solid oʻsmalar va miyeloma kasalligida suyaklarni metastatik shikastlanishida (suyaklarni patologik sinishlar havfi, orqa miyani kompressiyasi, oʻsma sabab boʻlgan giperkalsiyemiyani kamaytirish uchun va nur terapiyasini oʻtkazishga boʻlgan talabni kamaytirish uchun) qoʻllanadi.

 

Qoʻllash usuli va dozalari

Vena ichiga kamida 15 minut davomida tomchilab yuboriladi.

Suyak metastazlarida va koʻpsonli miyelomadagi osteolitik oʻchoqlarda tavsiya qilingan doza 4 mg ni tashkil qiladi har 3-4 haftada yuboriladi.

Qoʻshimcha ravishda ichga kalsiyni sutkada 500 mg dozada va D vitaminini sutkada 400 XB dozada buyurish tavsiya qilinadi.

Xavfli oʻsmalar oqibatidagi giperkalsiyemiyada (albuminning darajasi boʻyicha muvofiqlashtirilgan kalsiyning konsentratsiyasi ≥ 12 mg/dl yoki 3 mmol/l) tavsiya qilingan doza, 4 mg ni tashkil qiladi, bir marta yuboriladi. Infuziya patsiyent adekvat ravishda gidratatsiya qilinadigan sharoitda oʻtkaziladi.

Buyraklar faoliyatini buzilishi boʻlgan patsiyentlarga qoʻllanganidagi ehtiyotkorlik choralari

Xavfli oʻsmalar sabab boʻlgan giperkalsiyemiya:

Buyrak faoliyatini yaqqol buzilishlari boʻlgan patsiyentlarni zoledron kislotasi bilan davolash toʻgʻrisidagi qarorni faqat xavf/foyda nisbati sinchkovlik bilan baholangandan keyingina qabul qilish kerak. Qon zardobidagi kreatininning konsentratsiyasi <400 mkmol/l yoki < 4,5 mg/dl boʻlganida dozalash tartibiga tuzatish kiritish talab etilmaydi.

Tarqalgan xavfli oʻsmalarning suyak metastazlari va miyeloma kasalligi:

Zoledron kislotasining dozasi Cockroft-Gault formulasi boʻyicha hisoblangan kreatinin klirensi (KK) ning dastlabki darajasiga bogʻliq. Buyrak faoliyatini ogʻir darajadagi buzilishlarida (KK <30 ml/min) zoledron kislotasini qoʻllash tavsiya etilmaydi.

Buyrak faoliyatini yengil yoki oʻrtacha darajada buzilishlarida (kreatinin klirensining koʻrsatkichlari minutiga 30-60 ml) tavsiya etilgan dozalari quyida jadvalda keltirilgan:

KK dastlabki qiymati (ml/min)

Zoledron kislotasining tavsiya etilgan dozalari

>60

4,0 mg

50-60

3,5 mg

40-49

3,3 mg

30-39

3,0 mg

Zardobdagi kreatininning konsentratsiyasini preparatning har bir dozasini yuborishdan oldin aniqlash kerak. Buyrak faoliyatini buzilishlari aniqlanganida zoledron kislotasining navbatdagi dozasini yuborishni kechiktirish lozim. Buyrak faoliyatini buzilishlari quyidagi koʻrsatkichlar boʻyicha aniqlanadi:

  • Kreatininning dastlabki qiymatlari normal (< 1,4 mg/dl) boʻlgan patsiyentlar uchun – qon zardobida kreatininning konsentratsiyasini 0,5 mg/dl ga oshishi.
  • Kreatininning dastlabki qiymatlarini siljishlari (>1,4 mg/dl) boʻlgan patsiyentlar uchun – qon zardobida kreatininning konsentratsiyasini 1 mg/dl ga oshishi.

Zoledron kislotasi bilan davolashni, faqat kreatininning darajasi dastlabki kattaligidan koʻpi bilan 10% ortiq darajaga yetgandagina, davolash toʻxtatilishidan oldin qoʻllangan dozada qaytadan boshlanadi.

Infuziya uchun eritmani tayyorlash boʻyicha yoʻriqnoma:

Eritma aseptik sharoitlarda tayyorlanadi; 4 mg 5 ml inyeksiya uchun suvda eritiladi, toʻliq erigunicha ehtiyotkorlik bilan chayqatiladi. Kerakli dozada tayyorlangan eritma 100 ml 0,9% li natriy xloridi eritmasi yoki 5% li dekstroza eritmasida sultiriladi. Tarkibida kalsiy saqlovchi eritmalar ishlatilmasin. Tayyorlangan eritmani bevosita tayyorlangandan keyin ishlatgan afzal. Ishlatilmagan eritmani sovutgichda +2-80S haroratda uzogʻi bilan 24 soat davomida saqlash mumkin. Sovutgichda saqlangan eritmani yuborishdan oldin xona haroratigacha ilitish kerak.

 

Yaroqlilik muddati

Liofilizat – 3 yil.

Tayyorlangan eritma – 24 soat.

Erituvchi (“Inyeksiya uchun suv”) – 5 yil.

Oʻramining yaroqlilik muddati eng kam yaroqlilik muddatiga ega boʻlgan komponenti boʻyicha belgilanadi.

 

Dorixonalardan berish tartibi

Retsept boʻyicha.

Tarkibi:

Bir flakon quyidagilarni saqlaydi:

faol modda: 4,26 mg zolendron kislotasi monogidrati (4,0 mg suvsiz zoledron kislotasiga toʻgʻri keladi).

yordamchi moddalar: 220,0 mg D-mannitol, 27,34 mg natriy sitrati digidrati (24,0 mg suvsiz moddaga qayta hisoblanganda).

 

Taʼrifi:

tiniq, rangsiz, hidsiz suyuqlik.

 

Farmakoterapevtik guruhi:

 suyak rezorbsiyasining ingibitori – bisfosfonat.

Farmakologik xususiyatlari

Farmakodinamikasi

Zoledron kislotasi suyak toʻqimasiga tanlab taʼsir qiluvchi, yuqori samarali bisfosfonatlarga kiradi. Preparat osteoklastlarga taʼsir qilib, suyak toʻqimasining rezorbsiyasini susaytiradi. Bisfosfonatlarni suyak toʻqimasiga selektiv taʼsiri, ularning mineralizatsiya boʻlgan suyak toʻqimasiga nisbatan juda yaqinligiga asoslangan. Osteoklastlarning faolligini ingibitsiyasini taʼminlovchi aniq molekulyar mexanizmi hozirgi vaqtgacha nomaʼlum boʻlib qolmoqda.

Zoledron kislotasi suyaklarni shakllanishi, mineralizatsiyasi va mexanik hususiyatlariga salbiy taʼsir koʻrsatmaydi.

Suyak toʻqimasiga ingibitsiya qiluvchi taʼsir qilishi bilan bir qatorda, zoledron kislotasi suyak metastazlarida preparatning samaradorligini taʼminlovchi oʻsmalarga qarshi hususiyatlarga ega. In vivo sharoitlarida osteoklastlar tomonidan suyak toʻqimasining rezorbsiyasini ingibitsiya qiladi, suyak toʻqimasining mikromuhitini oʻzgartiradi, oʻsma hujayralarini oʻsishini pasayishiga olib keladi; anti-angiogen faolligini namoyon qiladi. Suyak rezorbsiyasini susayishi klinik jihatdan ogʻriq hislarini yaqqol pasayishi bilan namoyon boʻladi.

In vitro sharoitlarida osteoblastlar proliferatsiyasini ingibitsiya qiladi, bilvosita sitostatik va proapoptik faollikni, oʻsmalarga qarshi preparatlar bilan sinergik sitostatik samara namoyon qiladi; anti-adgeziv va anti-invaziv faollikni namoyon qiladi. Zolendron kislotasi, oʻzining sinergik samarasi tufayli, gormonal va kimyoterapiya bilan majmuada proliferatsiyani susaytiradi va apoptozni induksiya qiladi, odamning miyeloma hujayralari va sut bezi rakiga nisbatan bevosita oʻsmalarga qarshi taʼsir koʻrsatadi, shuningdek odam sut bezi rakining hujayralarini ekstratsellyulyar matriks orqali oʻtishini kamaytiradi, bu uning antimetastatik hususiyatlaridan dalolat beradi. Bundan tashqari, zoledron kislotasi odam va hayvonlardagi endoteliy hujayralarini proliferatsiyasini ingibitsiya qiladi va antiangiogen taʼsir koʻrsatadi.

Sut bezi raki, prostata bezi raki va suyaklarning metastatik shikastlanishlari bilan birga boshqa solid oʻsmalar boʻlgan bemorlarda zoledron kislotasi suyaklarning patologik sinishlarni rivojlanishini, orqa miyaning kompressiyasini oldini oladi, nur terapiyasi va operativ aralashuvlarni oʻtkazishga boʻlgan talabni pasaytiradi, oʻsmali giperkalsiyemiyani kamaytiradi. Preparat ogʻriq sindromini zoʻrayib borishiga yoʻl qoʻymasligi mumkin. Preparatning davolovchi samarasi osteoblast oʻchoqlari boʻlgan patsiyentlarda osteolitik oʻchoqlari boʻlgan patsiyentlarga nisbatan kamroq ifodalangan.

Koʻp sonli miyeloma va sut bezini raki boʻlgan bemorlarda kamida bitta suyakda oʻsma oʻchogʻi boʻlganida zoledron kislotasining 4 mg dozasini samaradorligi 90 mg dozali pamidron kislotasi bilan qiyosiy boʻladi.

Oʻsmali giperkalsiyemiyasi boʻlgan bemorlarda preparatning taʼsiri qon zardobida kalsiyning darajasini pasayishi va kalsiyni buyraklar orqali chiqarilishini pasayishi bilan xarakterlanadi. Kalsiyning darajasi normallashgunigacha boʻlgan vaqt taxminan 4 kunni tashkil etadi. 10-chi kunga kelib kalsiyning konsentratsiyasi 87-88% bemorlarda normallashadi. Qaytalangunigacha boʻlgan oʻrtacha vaqt (albumin boʻyicha toʻgʻrilangan zardobdagi kalsiyning darajasi kamida 2,9 mmol/l) 30-40 kunni tashkil etadi. Giperkalsiyemiyani davolashda zoledron kislotasini 4 mg va 8 mg dozalardagi samaradorligi oʻrtasida ahamiyatli darajadagi farqlar kuzatilmaydi.

Klinik tadqiqotlarda, zoledron kislotasini 4 mg, 8 mg dozalarda, pamidron kislotasini 90 mg dozada yoki platseboni ham suyak metastazlarida, ham giperkalsiyemiyada olgan patsiyentlarda kuzatilgan noxush koʻrinishlarning uchrash tezligi va ogʻirligi oʻrtasida ahamiyatli farqlar aniqlanmagan.

Farmakokinetikasi

Suyak metastazlarida preparatning farmakokinetikasi yuzasidan maʼlumotlar 64 patsiyentga zoledron kislotasi 2, 4, 8 va 16 mg dozalarda bir marta va 5 hamda 15 minut orasida takroran yuborilgandan soʻng olingan. Preparatning farmakokinetik parametrlari dozasiga bogʻliq emas. Infuziya boshlanganidan soʻng qon zardobidagi konsentratsiyasi tez oshadi, infuziyani yakunida choʻqqiga yetadi, keyinchalik konsentratsiyani tez kamayishi 4 soatdan soʻng 10% ga, 24 soatdan soʻng – choʻqqi konsentratsiyasida 1% dan kamroq qiymatga kamayishi, soʻngra takroriy infuziyadan oldin 28 kuni maksimal konsentratsiyasining 0,1% dan oshmaydigan past konsentratsiyalarini uzoq davri aniqlanadi.

Vena ichiga yuborilgan zoledron kislotasi buyraklar orqali uch bosqichda chiqariladi: preparatni tizimli qon oqimidan muvofiq 0,24 va 1,87 soatlik yarim chiqarilish davridan iborat boʻlgan ikki bosqichli tez chiqarilishi, 146 soatdan tashkil topgan, yakuniy yarim chiqarilish davridan iborat boʻlgan davomli bosqich. Preparat har 28 kunda takroran yuborilganida uning kumulyatsiyasi aniqlanmagan. Zoledron kislotasi metabolizmga uchramaydi va buyraklar orqali oʻzgarmagan holda chiqariladi. Zoledron kislotasi odamdagi sitoxrom R450 izofermentlar tizimini ingibitsiya qilmaydi. Birinchi 24 soat davomida siydikda yuborilgan dozaning 39±16% aniqlanadi. Preparatning qolgan miqdori asosan suyak toʻqimasi bilan bogʻlanadi. Soʻngra zoledron kislotasini suyak toʻqimasidan tizimli qon oqimiga asta-sekin ajralib chiqishi va buyraklar orqali chiqarilishi yuz beradi. Preparatning umumiy plazma klirensi soatiga 5,04±2,5 l ni tashkil etadi va u preparatning dozasi, patsiyentning jinsi, yoshi, irqiy mansubligi va tana vazniga bogʻliq emas. Infuziyaning davomiyligini 5 minutdan 15 minutgacha oshishi zoledron kislotasining konsentratsiyasini infuziya oxirida 30% ga kamayishiga olib keladi, lekin “konsentratsiya-vaqt” egri chizigʻi ostidagi maydon (AUC) ga taʼsir qilmaydi.

Giperkalsiyemiya yoki jigar faoliyatini yetishmovchiligi boʻlgan patsiyentlarda farmakokinetik tadqiqotlar oʻtkazilmagan. In vitro sharoitlarida olingan maʼlumotlarga koʻra, zoledron kislotasi odamdagi sitoxrom R450 izofermentlar tizimini ingibitsiya qilmaydi va biotransformatsiyaga uchramaydi, bu jigar faoliyatining holati zoledron kislotasining farmakokinetikasiga biron-bir ahamiyatli taʼsir qilmaydi deb taxmin qilish imkonini beradi. Preparatning dozasini 3% dan kamroq qismi ichak orqali chiqariladi.

Zoledron kislotasining buyrak klirensi kreatinin klirensi (KK) bilan ijobiy mos keladi va tadqiqotga kiritilgan 64 nafar patsiyentlarda oʻrtacha 84±29% (minutiga         22-143 ml oraliq) ni tashkil qiluvchi kreatinin klirensidan 75±33% ni tashkil qiladi. Populyatsiyani tahlil qilish, ogʻir darajadagi (kreatinin klirensi ≤ 20 ml/min) yoki oʻrtacha darajadagi (kreatinin klirensi minutiga 20-50 ml) buyrak yetishmovchiligi boʻlgan patsiyentlarda zoledron kislotasining hisoblangan klirensi, kreatinin klirensi ≥ 84 ml/min boʻlgan patsiyentlardagi zoledronatning klirensi koʻrsatkichlaridan muvofiq ravishda 37% va 72% ni tashkil qilishini koʻrsatdi. Ogʻir darajadagi buyrak yetishmovchiligi (kreatinin klirensi minutiga 30 ml dan kam) boʻlgan patsiyentlar uchun cheklangan farmakokinetik maʼlumotlar olingan.

Zoledron kislotasini qon komponentlarigi yaqinligini pastligi, plazma oqsillari bilan bogʻlanishi pastligi (taxminan 56%) va preparatning konsentratsiyasiga bogʻliq emasligi koʻrsatilgan.

 

Dori shakli:

infuziya uchun eritma tayyorlash uchun liofilizat

 

Nojoʻya taʼsirlari

Aʼzolar va aʼzolar tizimi boʻyicha quyida keltirilgan noxush reaksiyalar, ularni uchrash tezligi boʻyicha koʻrsatilgan. Uchrash tezligi mezonlari: juda tez-tez (≥ 1/10), tez-tez (≥°1/100, < 1/10), baʼzida (≥ 1/1000, < 1/100), kam hollarda (≥ 1/10000, < 1/1000), juda kam (< 1/10000), shu jumladan ayrim xabarlar.

Qon yaratish aʼzolari tomonidan: tez-tez – anemiya, baʼzida – trombotsitopeniya, leykopeniya; kam hollarda – pansitopeniya.

Nerv tizimi tomonidan: tez-tez – bosh ogʻrigʻi; baʼzida – bosh aylanishi, parasteziyalar, taʼm sezishni buzilishlari, gipesteziya, giperesteziya, tremor, havotirlik hissi, uyquni buzilishi; kam hollarda – ongni chalkashishi.

Koʻrish aʼzolari tomonidan: tez-tez – konʼyunktivit; baʼzida – koʻrishni “noaniqligi”; juda kam hollarda – uveit, episklerit.

Meʼda-ichak yoʻllari tomonidan: tez-tez – koʻngil aynishi, qusish, anoreksiya; baʼzida – diareya, qabziyat, abdominal ogʻriqlar, dispepsiya, stomatit, ogʻizni qurishi.

Nafas tizimi tomonidan: baʼzida – hansirash, yoʻtal.

Teri va teri hosilalari tomonidan: baʼzida – qichishish, toshma (shu jumladan eritematoz va makulyar), kuchli terlash.

Suyak-mushak tizimi tomonidan: tez-tez – suyaklarda ogʻriq, mialgiya, artralgiya, tarqalgan ogʻriqlar; baʼzida – mushak tirishishlari.

Yurak-qon tomir tizimi tomonidan: baʼzida – arterial bosimni yaqqol oshishi yoki pasayishi; kam hollarda – bradikardiya.

Chiqarish tizimi tomonidan: tez-tez – buyrak faoliyatini buzilishi; baʼzida – oʻtkir buyrak yetishmovchiligi, gematuriya, proteinuriya.

Immun tizimi tomonidan: baʼzida – yuqori sezuvchanlik reaksiyalari; kam hollarda – angionevrotik shish.

Laboratoriya koʻrsatgichlari tomonidan: juda tez-tez – gipofosfatemiya; tez-tez – kreatinin va mochevinaning zardobdagi konsentratsiyalarini oshishi, gipokalsiyemiya; baʼzida – gipomagniyemiya, gipokaliyemiya; kam hollarda – giperkaliyemiya, gipernatriyemiya.

Mahalliy reaksiyalar: preparat yuborilgan joyda ogʻriq, taʼsirlanishi, shish, infiltratni hosil boʻlishi.

Boshqalar: tez-tez – isitma, grippsimon simptomlar (umumiy lanjlik, etni uvishishi, ogʻriqlik holati, qizib ketishdan iborat), baʼzida – asteniya, periferik shishlar, koʻkrak qafasida ogʻriq, tana vaznini oshishi.

Patsiyentlarni bisfosfonatlar, shu jumladan zoledron kislotasi bilan davolaganda, baʼzida jagʻ osteonekrozini rivojlanish hollari (odatda tish olingandan keyin yoki boshqa stomatologik aralashuvdan keyin) aniqlangan.

Juda kam hollarda, zoledron kislotasi bilan davolanish fonidagi arterial bosimni pasayishi hushdan ketishga yoki sirkulyator kollapsga olib kelgan.

 

Qoʻllash mumkin boʻlmagan holatlar
  • zoledron kislotasiga, boshqa bisfosfonatlarga yoki preparatning tarkibiga kiruvchi har qanday boshqa komponentlariga yuqori sezuvchanlik.
  • yaqqol buyrak yetishmovchiligi (kratinin klirensi minutiga 30 ml dan kam);
  • homiladorlik va emizish davri;
  • bolalar va oʻsmirlar (qoʻllash xavfsizligi va samaradorligi aniqlanmagan) da qoʻllash mumkin emas.

 

Dorilarning oʻzaro taʼsiri

Erituvchi sifatida tarkibida kalsiy saqlovchi eritmalarni, xususan Ringer eritmasini ishlatish mumkin emas.

Oʻsmalarga qarshi dori vositalari, diuretiklar, antibiotiklar, analgetiklar bilan bir vaqtda qoʻllanganida klinik jihatdan ahamiyatli oʻzaro taʼsirlar aniqlanmagan.

Bisfosfonatlar va aminoglikozidlar qon zardobidagi kalsiyning konsentratsiyasiga bir tomonga yoʻnaltirilgan taʼsir koʻrsatadi, shuning uchun ular bir vaqtda buyurilganida gipokalsiyemiya va gipomagniyemiyani rivojlanish xavfi oshadi. Gipokalsiyemiya, gipofosfatemiya yoki gipomagniyemiya rivojlanganida muvofiq moddalarni qisqa muddatga qoʻshimcha yuborish zarurati tugʻilishi mumkin. Davolanmagan giperkalsiyemiyasi boʻlgan patsiyentlarda, odatda buyrak faoliyatini buzilishi boʻladi, shuning uchun ushbu patsiyentlar toifasida buyrak faoliyatini sinchkov monitoring oʻtkazish kerak. Suyak metastazlari boʻlgan patsiyentlarni zoledron kislotasi bilan davolash masalasini hal qilishda, terapevtik samarasi zoledron kislotasi bilan davolash boshlanganidan soʻng 2-3 oydan keyin kuzatilishini eʼtiborga olish kerak.

Zolendron kislotasini potensial nefrotoksik taʼsirga ega boʻlgan preparatlar bilan bir vaqtda qoʻllanganida ehtiyotkorlikka rioya qilish kerak.

Koʻp sonli miyelomasi boʻlgan patsiyentlarda bisfosfonatlarni talidomid bilan majmuada vena ichiga yuborilganida buyraklar faoliyatini buzilishlarini rivojlanish xavfi oshishi mumkin. Yuqorida taʼriflangan asoratlarni rivojlanish havfi zoledron kislotasi 4 mg dozada kamida 15 minut davomida yuborilishiga qaramasdan, buyrak faoliyatini buzilish ehtimoli saqlanib qoladi. Zoledron kislotasi birinchi marta yoki bir marta qoʻllanganida buyrak faoliyatini yomonlashishi, buyrak yetishmovchiligini zoʻrayib borishi va gemodializ oʻtkazish zaruratini rivojlanish hollari kuzatilgan. Preparatni boshqa dori vositalari bilan aralashtirish mumkin emas.

Ehtiyotkorlik bilan: buyrak faoliyatini buzilishi, yaqqol ifodalangan jigar yetishmovchiligida (qoʻllash boʻyicha maʼlumotlar yoʻq), atsetilsalitsil kislotasiga sezuvchan bronxial astma bilan xastalangan patsiyentlarda ehtiyotkorlik bilan qoʻllash kerak.

 

Maxsus koʻrsatmalar

Infuziyadan oldin patsiyentga adekvat ravishda gidratatsiya oʻtkazilganligiga ishonch hosil qilish kerak. Zarurat boʻlganida, zoledron kislotasini infuziya qilishdan oldin, parallel ravishda yoki undan keyin fiziologik eritmani yuborish tavsiya etiladi. Yurak-qon tomir tizimi tomonidan asoratlarni rivojlanish xavfi borligi tufayli patsiyentni gipergidratatsiyasiga yoʻl qoʻymaslik kerak.

Preparat yuborilganidan soʻng qon zardobida kalsiy, magniy, fosfor va kreatininning konsentratsiyasini doimo nazorat qilish kerak.

Zoledron kislotasi bilan davolash fonida buyrak faoliyatini sinchiklab kuzatish kerak. Buyrak faoliyatini buzilishini rivojlanish xavf omillariga degidratatsiya, mavjud boʻlgan buyrak yetishmovchiligi, zoledron kislotasi yoki boshqa bisfosfonatlarni koʻp marta yuborish, shuningdek nefrotoksik dori vositalarni qoʻllanishi va preparatni haddan tashqari tez yuborish kiradi.

Asetilsalitsil kislotasiga sezuvchan boʻlgan bronxial astma bilan xastalangan patsiyentlarga, boshqa bisfosfonatlar buyurilganida bronxospazm hollari aniqlanganini nazarda tutish kerak, biroq zoledron kislotasi qoʻllanganida bunday holatlar hali qayd qilinmagan.

Bisfosfonatlar bilan, shu jumladan zoledron kislotasi bilan davolanish fonida, onkologik bemorlarda jagʻ osteonekrozini rivojlanish holatlari taʼriflangan, shuning uchun bisfosfonatlar bilan davolashni boshlashdan oldin stomatologik tekshiruv oʻtkazish kerak va xavf omillari (anemiya, koagulopatiya, infeksiyalar, gigiyenaga rioya qilmaslik yoki ogʻiz boʻshligʻini kasalliklari, yoʻldosh kimyo- yoki nur bilan davolash, kortikosteroidlar bilan davolash) boʻlganida tegishli profilaktik muolajalarni oʻtkazish kerak. Xavf omillari boʻlgan bemorlarni zoledron kislotasi bilan davolash fonida, iloji boricha stomatologik operativ aralashuvlardan saqlanish kerak.

Homilador ayollar va emizish davridagi ayollar, bolalarga preparatni tibbiy qoʻllash xususiyatlari

Homiladorlik va emizish davrida preparatni qoʻllash mumkin emas.

Bolalar va oʻsmirlik yoshida preparatni qoʻllash mumkin emas, chunki preparatni qoʻllash havfsizligi va samaradorligi aniqlanmagan.

Avtomobilni va boshqa mexanizmlarni boshqarish qobiliyatiga taʼsiri

Transport vositalarini boshqarish va murakkab mexanizmlar bilan ishlash qobiliyatiga preparatning taʼsiri yuzasidan tekshirishlar oʻtkazilmagan. MNT tomonidan nojoʻya samaralar kuzatilganida diqqatni jamlash va ruhiy hamda harakat reaksiyalarining tezligini talab etuvchi faoliyatlarni bajarishdan saqlanish kerak.

Preparat bolalar ololmaydigan joyda saqlansin va yaroqlilik muddati oʻtgach ishlatilmasin.

 

Dozani oshirib yuborilishi

Zoledron kislotasining dozasi oshirib yuborilganida buyrak faoliyatini buzilishi, shu jumladan buyrak yetishmovchiligi, qon plazmasida elektrolitlar tarkibini, shu jumladan kalsiy, fosfatlar va magniyning konsentratsiyasini oʻzgarishi boʻlishi mumkin. Doza behosdan oshirib yuborilganida patsiyent doimiy kuzatuv ostida boʻlishi lozim. Klinik koʻrinishlari bilan kechuvchi gipokalsiyemiya rivojlanganida kalsiy glyukonatini infuziya qilish koʻrsatilgan.

 

Chiqarilish shakli

4,0 mg zoledron kislotasini (quruq moddaga qayta hisoblanganida) saqlovchi liofilizat 10 ml sigʻimli toʻq rangli neytral shisha flakonlarda, rezina tiqin bilan germetik berkitilgan, alyumin-plastik qalpoqcha bilan mahkamlangan.

5 ml dan erituvchi (“Inyeksiya uchun suv”) ochish uchun tortish halqasiga ega yoki sindirish nuqtasi boʻlgan yoki boʻlmagan neytral shisha ampulalarda.

Preparatli 1 flakon va erituvchili 1 ampula (“Inyeksiya uchun suv”) kontur uyali oʻramda. 1 kontur uyali oʻram qoʻllash boʻyicha yoʻriqnomasi bilan birga karton qutiga joylangan.

 

Saqlash sharoiti

Quruq, yorugʻliqdan himoyalangan joyda, 250S dan yuqori boʻlmagan haroratda saqlansin.

Tayyorlangan eritma: 5oS dan 25oS gacha boʻlgan haroratda saqlansin.