Ilovani yuklab oling
Yuklab olish
Прозитром ПОРОШОК

Oson Apteka - Dorixonalar ma'lumotnomasi

Прозитром ПОРОШОК ДЛЯ СУСПЕНЗИИ 200мг/5мл 15мл №1

27 000 so'mdan
(4378)
Dorixonalardagi narx
Xususiyatlari
Xalqaro nomi
Ishlab chiqaruvchi
PROCARE PHARMA PVT LTD
Chiqarilish shakli
ПОР Д/СУСП
Farma. Guruh
Антибиотики
Dori tafsilotlari
Nojo‘ya ta‘sirlari
Dori shakli
Farmakologik xususiyatlari
Qo‘llanilishi
Qo‘llash usuli va dozalari
Qo‘llash mumkin bo‘lmagan holatlar
Dorilarning o‘zaro ta‘sirlari
Maxsus ko‘rsatmalar
Saqlash sharoiti
Yaroqlilik muddati
Dorixonalardan berish tartibi
Nojo‘ya ta‘sirlari

Azitromisin, asosan yaxshi o‘zlashtiriladi. Azitromisin qabul qilinganida nojo‘ya reaksiyalar kam uchraydi.

Ovqat hazm qilish tizimi tomonidan: diareya, ko‘ngil aynishi, abdominal og‘riqlar, dispepsiya, meteroizm, qusish. Boshqa makrolidlar va penisillinlarni qo‘llashdagi kabi, jigar transaminaza fermentlari faolligi orqaga qaytuvchi o‘rtacha oshishi mumkin

Yurak-qon tomir tizimi tomonidan: yurak urishi, aritmiya, shu jumladan qorinchalar taxikardiyasi.

Nerv tizimi tomonidan: bosh aylanishi, bosh og‘rig‘i, uyquchanlik, tirishishlar.

Siydik-tanosil tizimi tomonidan: qin kandidozi, nefrit.

Allergik reaksiyalar: toshma, fotosensibilizasiya, Kvinke shishi.

Boshqalar: yuqori charchoqlik, og‘iz bo‘shlig‘i shilliq qavatining kandidomikozi.

HAR QANDAY NOJO‘YA SAMARA RIVOJLANGANIDA DAVOLOVCHI SHIFOKORGA XABAR BERISH KERAK!

 

Dori shakli

 ichga qabul qilish uchun suspenziya

Farmakologik xususiyatlari

Farmakodinamikasi

Azitromisin lakton halqasiga metilen guruhi bog‘langan, azot atomi qo‘shilgan eritromisin tuzilishiga ega, makrolid guruhiga mansub, yarimsintetik azalid antibiotikidir. Kimyoviy tuzilishi bo‘yicha azalidlarning kichik guruhi makrolidlarni a‘zosidir. Keng mikroblarga qarshi ta‘sir doirasiga ega. Ribosomalarning 50S subbirligi bilan bog‘lanadi, mikroorganizmlarning oqsillari biosintezini susaytiradi.

In vitro sharoitlarida azitromisin ko‘pchilik grammusbat va grammanfiy bakteriyalar, shu jumladan Streptococcus pneumoniae, Streptococcus pyogenes (A guruhi) va boshqa ko‘rinishdagi streptokokklar: Streptococcus aureus, Crynebactetium diphtheria, Haemophilus influenzae, Haemophilus parainfluenzae, Branhamella catarrhalis, Bacteroides fragilis, Escherichia coli, Bordetella pertussis, Bordetella parapertussis, turli Pasturella, Vibrio, Peptococcus, Parastreptococcus va Shigella; Fusobacterium necrophorum, Propionibacterium acnes, Yersinia, Clostridium perfrtngens, Borrelia burgdorferi, Haemofilius ducrei, Neisseria gonorrhoeae, Chlamydia trachomatis, Chlamydia pneumoniae ga qarshi faollik namoyon qiladi.

Shuningdek azitromisin Legionella pneumophila, Mycoplasma hominis, Mycobacterium avium, Helicobacter ning turli ko‘rinishlariga, Ureaplasma urealyticum, Toxoplasma gondii va Treponema pallidum ga nisbatan faol.

Farmakokinetikasi

Ichga qabul qilinganida azitromisin MIY dan tez so‘riladi va a‘zolar va to‘qimalarga yaxshi kiradi. Natijada to‘qima xujayralarida azitromisinning konsentrasiyasi plazmadagiga qaraganda ahamiyatli darajada yuqori bo‘ladi. Preparat 500 mg dozada bir marta qabul qilinganidan keyin o‘pkalar, bodomsimon bezlar, prostata bezi kabi nishon a‘zolarida azitromisinning konsentrasiyasi ehtimoli mumkin bo‘lgan mikroorganizmlar uchun MIC90 (minimal susaytiruvchi konsentrasiya) qiymatidan oshib ketadi.

Plazmadagi cho‘qqi darajasiga taxminan 2-3 soatdan keyin erishiladi. Preparatning biokiraolishligi 37% ni tashkil qiladi. Azitromisin safro bilan, asosan o‘zgarmagan ko‘rinishda chiqariladi va bu asosiy chiqarilish yo‘li deb hisoblanadi; dozaning taxminan 6% siydik bilan chiqariladi. Yarim chiqarilish davri – 2 kundan 4 kungacha.

Qo‘llanilishi

Azitromisin preparatga sezgir mikroorganizmlar chaqirgan quyidagi infeksiyalarni:

  • yuqori nafas yo‘llarining va LOR-a‘zolarining infeksiyalarini (angina, sinusit, tonzillit, faringit, o‘rta otit);
  • quyi nafas yo‘llarining infeksiyalarini (bakterial va atipik pnevmoniya, bronxit);
  • teri va yumshoq to‘qimalarning infeksiyalarini (saramas, impetigo, ikkilamchi infeksiyalangan dermatozlar);
  • urogenital yo‘llarning infeksiyalarini (asoratlanmagan uretrit va/yoki servisit); shu jumladan Chlamydia trachomatis va Ureaplasma urelyticum chaqirgan jinsiy yo‘llarning asoratlanmagan infeksiyalarini davolash uchun qo‘llanadi.
Qo‘llash usuli va dozalari

Azitromisinni sutkada 1 marta qo‘llash kerak.

Doza bolalar uchun tana vazni va yoshiga qarab hisoblanadi:

Tana vazni 3 kunlik davolash 5 kunlik davolash
15 kg gacha

(6 oylikdan

3 yoshgacha):

Bir martalik har kungi doza

10 mg/kg yoki 2,5 ml (100 mg)

1-kuni bir marta 10 mg/kg yoki 2,5 ml

(100 mg), so‘ngra 4 kun davomida 5 mg/kg dan sutkada 1 marta yoki 1,25 ml (50 mg)

15-25 kg

(3-7 yosh):

5 ml (200 mg) sutkada 1 marta 1-kuni sutkada 5 ml (200 mg), so‘ngra 4 kun davomida sutkada 2,5 ml (100 mg) dan
26-35 kg

(8-11 yosh):

7,5 ml (300 mg) sutkada bir marta 1-kuni sutkada 7,5 ml (300 mg), so‘ngra 4 kun davomida sutkada 3,75 ml (150 mg) dan
36-45 kg

(12-14 yosh):

10 ml (400 mg) sutkada bir marta 1-kuni sutkada 10 ml (400 mg), so‘ngra 4 kun davomida sutkada 5 ml (200 mg) dan

Suspenziyani tayyorlash:

Suspenziyani xona haroratida 10 kun davomida saqlash mumkin.

Ovqatdan 1 soat oldin yoki ovqatdan 2 soat keyin albatta nahorga qabul qilish kerak, chunki ovqat bilan bir vaqtda qabul qilish azitromisinning so‘rilishini pasaytiradi.

Qabul qilishdan oldin flakon yaxshilab chayqatiladi!

Qo‘llash mumkin bo‘lmagan holatlar

Azitromisinni makrolid antibiotiklar yoki tarkibiga kiruvchi har qanday yordamchi moddalarga yuqori sezuvchanligi bo‘lgan bemorlarda qo‘llash mumkin emas.

Gepatobiliar tizimi azitromisinni chiqarilishi uchun asosiy bo‘lganligi tufayli, jigar yetishmovchiligi bo‘lgan bemorlarni davolashda uni qo‘llamaslik maqsadga muvofiqdir.

Ehtiyotkorlik bilan – buyrak faoliyatini yaqqol buzilishi bo‘lgan pasientlarda, homiladorlikda (qo‘llashdan kutilgan foyda xavfdan ustun bo‘lgan holdagina qo‘llash mumkin).

Laktasiya davrida preparatni qo‘llash zarurati bo‘lganida emizishni to‘xtatish masalasini hal qilish lozim.

6 oylikkacha bo‘lgan bolalarga azitromisinni qo‘llash tavsiya qilinmaydi, chunki bu yoshda azitromisinning ishonchliligi va samaradorligi yetarli darajada o‘rganilmagan.

Preparatni anamnezida QT intervalini tug‘ma uzayish sindromi va qorinchalar lipillashiga taxmin qilingan yoki tasdiqlangan pasintlarga buyurilishi mumkin emas.

Dorilarning o‘zaro ta‘sirlari

Antasidlar azitromisinning so‘rilishini sekinlashtiradilar va pasaytiradilar. Preparat va antasid qabul qilish orasidagi intervalni (kamida 1-2 soat) saqlash tavsiya qilinadi.

Preparatni siklosporin bilan bir vaqtda qabul qilishga e‘tibor qaratish kerak, chunki makrolid antibiotiklari siklosporinning samarasini kuchaytirishi mumkin.

Makrolid qatori ba‘zi antibiotiklar digoksinning biotransformasiyasini kamaytiradilar. Garchi azitromisin bilan bunday samarasiga nisbatan hech qanday ma‘lumotlar bo‘lmasa-da, digoksin bilan o‘zaro ta‘sirini tekshirish kerak.

Makrolidlar guruhining boshqa antibiotiklari kabi azitromisinni shoxkuya hosilalari bilan birga buyurish mumkin emas.

Mikrosomal oksidlanishga uchraydigan dori vositalari, masalan terfenadinning zaharliligini va plazmadagi konsentrasiyasini oshiradi va chiqarilishini sekinlashtiradi.

Maxsus ko‘rsatmalar

Dozani qabul qilish o‘tkazib yuborilgan holda o‘tkazib yuborilgan dozani iloji boricha ertaroq, keyingi dozani 24 soatli interval bilan qabul qilish lozim.

Davolash bekor qilinganidan so‘ng o‘ta yuqori sezuvchanlik reaksiyalari ba‘zi pasientlarda saqlanib qolishi mumkin, bu shifokorning kuzatuvi ostida maxsus davolash o‘tkazishni talab etadi.

Azitromisin QT intervalini uzayishini va yurak qorinchalari xilpillashini chaqirishi mumkin, shuning uchun preparat yuqorida ko‘rsatilgan holatlarni rivojlanishi mumkin bo‘lgan pasientlarda qo‘llanmaydi.

Preparat bolalar ololmaydigan joyda saqlansin va yaroqlilik muddati o‘tgandan so‘ng qo‘llanmasin!

Saqlash sharoiti

Quruq va qorong‘i joyda, 25°S dan yuqori bo‘lmagan haroratda saqlansin.

 

Yaroqlilik muddati

2 yil

 

Dorixonalardan berish tartibi

Resept bo‘yicha.