Ilovani yuklab oling
Yuklab olish
ПЕРАЗУЛ ПОРОШОК

Oson Apteka - Dorixonalar ma'lumotnomasi

ПЕРАЗУЛ ПОРОШОК ДЛЯ ИНЪЕКЦИИ 1,0Г №1

29 300 so'mdan
(2274)
Dorixonalardagi narx
Xususiyatlari
Xalqaro nomi
Ishlab chiqaruvchi
АТМ САНИТА ФАРМА
Chiqarilish shakli
ПОР Д/ИН
Farma. Guruh
Антибиотики
Dori tafsilotlari
Dori shakli:
Tarkibi:
Taʼrifi: 
Farmakoterapevtik guruhi:
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli:

 inyeksion eritmani tayyorlash uchun kukun.

 

Tarkibi:

1 flakon quyidagilarni saqlaydi:

Sefoperozonga qayta hisoblangan sefoperozonning natriyli tuzi – 1,0 g va sulbaktamga qayta hisoblangan sulbaktamning natriyli tuzi – 1,0 g.

 

Taʼrifi: 

oq yoki deyali oq rangli kukun.

 

Farmakoterapevtik guruhi:

 Antibiotiklar (sefalosporinlar guruhi).

 

 

Farmakologik xususiyatlari

Preparatning antibikterial komponenti – bakteriya devorining sintezini susaytirish yoʻli bilan bakteritsid taʼsir qiluvchi, uchinchi avlod sefalosporini – sefoperazondir. Sulbaktam Neisseriaceae va Acinetobacter spp. larga qarshi taʼsiridan tashqari, real antibakterial faollikka ega boʻlmasada, biroq u beta-laktam antibiotiklarga rezistent boʻlgan mikroorganizmlar ishlab chiqaradigan ferment – beta-laktamazalarning ingibitoridir.

Sulbaktam rezistent mikroorganizmlar tomonidan penitsillinlar va sefalosporinlarning destruksiyasini oldini oladi va penitsillinlar va sefalosporinlar bilan yaqqol sinergizm namoyish qiladi. Sulbaktam shuningdek ayrim penitsillinni bogʻlovchi oqsillar bilan bogʻlanishi tufayli, mikroorganizmlar, sefoperazonning bir oʻzining taʼsiriga qaraganda, sulbaktam/sefoperazonning taʼsiriga koʻproq sezuvchan boʻlib qoladilar.

Sulbaktam va sefoperazonning majmuasi quyidagi mikroorganizmlarga qarshi faoldir: Haemophylus influenzae, Bacteroides ning turlari, Acinetabacter calcoaceticus, Enterobacter aerodens, Escherichia coli,  Proteus mirabilis, Klebsiella pneumoniae, Morganella morganii, Citrobacter freundii, Enterobacter cloacae, Citrobacter diversus.

Sulbaktam/sefoperazon in vitro sharoitida klinik ahamiyatli mikroorganizmlarning keng doirasiga qarshi faollikni namoyon qiladi.

Grammusbat mikroorganizmlar: Staphylococcus aureus (shu jumladan penitsillinazani ishlab chiqaruvchi va ishlab chiqarmaydigan shtammlari), Staphylococcus epidermidis, Streptococcus pneumonia (asosan Diplococcus pneumoniae), Streptococcus pyogenes (A guruhi beta-gemolitik streptokokk), Streptococcus agalactiae (V guruhi beta-gemolitik streptokokk), beta-gemolitik streptokokklarning koʻpchilik boshqa turlari, Streptococcus faecalis ning koʻpchilik turlari.

Grammanfiy mikroorganizmlar: Escherichia coli, Klebsiella turlari, Enterobacter turlari, Citrobacter turlari, Haemophilus influenzae, Proteus mirabilis, Proteus vulgaris, Morganella morganii (asosan Proteus morganii), Providencia rettgeri (asosan Proteus rettgeri), Providencia turlari, Serratia turlari (shu jumladan S. marcescens), Salmonella va Shigella turlari, Pseudomonas aeruginosa, Pseudomonas ning ayrim turlari, Acinetobacter calcoaceticus, Neisseria gonorrhoeae, Neisseria meningitides, Bordetella pertussis, Yersinia enterocolitica

Anaerob mikroorganizmlar: grammanfiy batsillalar (shu jumladan Bacteroides fragilis, Bacteroides ning boshqa turlari va Fusobacterium ning turlari); grammusbat va grammanfiy kokklar (shu jumladan Rertococcus, Peptostreptococcus va Veillonella turlari); grammusbat batsillalar (shu jumladan Clostridium, Eubacterium va Lactobacillus turlari).

 

Farmakokinetikasi

Soʻrilishi

1 g sefoperazon vena ichiga (v/i) yuborilganidan soʻng, maksimal konsentratsiyaga (Smax)  ga 30 min.dan keyin erishiladi va u 114 mkg/ml ni tashkil qiladi. 500 mg yoki 1 g sulbaktam v/i yuborilganidan soʻng Smax  ga 15 min.dan keyin erishiladi va u muvofiq 21-40 mkg/ml va 48-88 mkg/ml ni tashkil qiladi.

Taqsimlanishi

Sefoperazonning plazma oqsillari bilan bogʻlanishi 82-93%, sulbaktamning-38% tashkil etadi.

2 g sulbaktam/sefoperazon vena ichiga 5 minut davomida yuborilganidan keyin sulbaktam va sefoperazonning maksimal konsentratsiyalarini oʻrtacha qiymati muvofiq 130,2 va 236,8 mkg/ml ni tashkil qiladi. Bu sefoperazonni taqsimlanishi (Vα=10,2-11,3 l) ga nisbatan, sulbaktamning kattaroq hajmda (Vα=18,2-27,6 l) taqsimlanishidan dalolat beradi.

Sulbaktam ham, sefoperazon ham organizmning toʻqima va suyuqliklarida, shu jumladan safro, oʻt pufagi, teri, appendiks, falopiy naylari, tuxumdonlar, bachadonda va boshqalarda jadal taqsimlanishga uchraydilar.

Chiqarilishi

Preparat yuborilganida olingan sulbaktamning dozasini taxminan 84% va sefoperazonning dozasini taxminan 25% buyraklar orqali chiqariladi. Sefoperazonning dozasini katta qismi safro bilan chiqariladi. Sulbaktam/sefoperazon yuborilganidan keyin sulbaktamning oʻrtacha T1/2 muddati 1 soatni, sefoperazonniki esa – 1,7 soatni tashkil qiladi. Plazmadagi konsentratsiyasi yuborilgan dozaga proporsionaldir.

Bolalarda sulbaktamning oʻrtacha T1/2 muddati 0,91 dan 1,42 soatgacha, sefoperazonniki esa – 1,44 dan 1,88 soatgacha boʻlgan vaqt chegarasida boʻladi.

Sulbaktam va sefoperazon orasida, ular majmuaviy preparat shaklida birga qoʻllanganida qandaydir farmakokinetik oʻzaro taʼsiriga taalluqli maʼlumotlar yoʻq.

Koʻp marta yuborilganidan keyin sulbaktam/sefoperazonning farmakokinetikasida qandaydir jiddiy oʻzgarishlar va har 8-12 soatda qoʻllanganida ularning toʻplanishi aniqlanmagan.

 

Qoʻllanilishi

– yuqori va quyi nafas yoʻllarining infeksiyalari (shu jumladan, bakterial sinusit);

– siydik chiqarish yoʻllarining yuqori va quyi boʻlimlarining infeksiyalari;

-qorin boʻshligʻining infeksiyalari (shu jumladan, xoletsistit, xolangit);

-teri va yumshoq toʻqimalarning infeksiyalari;

-suyaklar va boʻgʻimlarning infeksiyalari;

-kichik chanoq infeksiyalari (shu jumladan, endometrit);

-gonoreya;

-septitsemiya;

-meningitda qoʻllanadi.

 

Qoʻllash usuli va dozalari

Perazulni vena ichiga va mushak ichiga yuborish uchun moʻljallangan. Davolashni boshlash oldidan, teri sinamasini bajarib, patsiyentda yuqori sezuvchanlikning borligini istisno qilish kerak.

Kattalarda qoʻllanishi. Preparatining tavsiya qilingan sutkalik dozasi 2-4 g ni tashkil qiladi. Preparatni har 12 soatda bir xil taqsimlangan dozalarda yuborish kerak. Ogʻir yoki refrakter infeksiyalarda preparatning sutkalik doza 8 g gacha oshirilishi mumkin.

Preparatni olayotgan patsiyentlarda sefoperazon preparatlarini qoʻshimcha yuborishning zarurati tugʻilishi mumkin (har 12 soatda bir tekis taqsimlangan dozada yuborish kerak). Sulbaktamning maksimal sutkalik dozasi 4 g ga teng.

Jigar funksiyasini buzilishida qoʻllanishi. Ogʻir obstruksion sariqlikda va ogʻir jigar kasalliklarida yoki bu ikkala patologiya buyrak funksiyasini buzilishi bilan kechgan hollarda dozaga tuzatish kiritish zarurati tugʻilishi mumkin. Jigar funksiyasini buzilishlari va buyrak funksiyasini yoʻldosh buzilishlari boʻlgan patsiyentlarda plazmada sefoperazonning konsentratsiyasini nazorat qilish va zarurat boʻlganida dozaga muvofiq ravishda tuzatish kiritish kerak. Preparatning plazmadagi konsentratsiyasini sinchkov nazorati oʻtkazilmagan hollarda, sefoperazonning dozasi sutkada 2 g dan oshmasligi kerak.

Buyrak funksiyasini buzilishlarida qoʻllanishi. Preparati kreatinin klirensi minutiga 30 ml dan kam boʻlgan patsiyentlarda qoʻllanganida, sulbaktamning klirensini pasayishini kompensatsiya qilish maqsadida, preparatning dozasiga tuzatish kiritish kerak. Kreatinin klirensi minutiga 15-30 ml boʻlganida sulbaktamning maksimal bir martalik dozasi har 12 soatda 1 g ni; kreatinin klirensi minutiga 15 ml dan kam boʻlganida – har 12 soatda 500 mg ni tashkil qiladi. Shuning uchun ogʻir infeksiyalarda sefoperazon preparatlarini qoʻshimcha buyurish zarurati tugʻilishi mumkin.

Dializ qoʻllanganida preparatining dozalash tartibiga tuzatish kiritish kerak (“Qoʻllashning oʻziga xosligi” ga qarang).

Bolalarda qoʻllanishi. Preparatining tavsiya qilingan sutkalik dozasi tana vazniga 40-80 mg/kg ni tashkil qiladi. Preparatni har 6-12 soatda bir xil taqsimlangan dozalarda yuborish kerak.

Ogʻir yoki refrakter infeksiyalarda Sefoperazon+sulbaktam preparatining sutkalik dozasi 160 mg/kg gacha oshirilishi va teng 2-4 dozalarga boʻlinishi mumkin.

Chaqaloqlarga hayotining 1-chi haftasida har 12 soatda yuborish kerak. Chaqaloqlar uchun maksimal sutkalik doza 80 mg/kg dan oshmasligi kerak.

Vena ichiga qoʻllanishi. Tomchilab infuziya uchun 1 flakonning ichidagisini (2,0 g) 6-7 ml 5% li glyukozaning suvdagi eritmasida, 0,9% li natriy xloridi eritmasida yoki inyeksiya uchun steril suvda eritish, soʻngra esa xuddi shu erituvchilarni qoʻllash bilan  20 ml gacha suyultirish kerak. Preparat infuziya holida 15-30 minut davomida yuboriladi.

Perazul preparati inyeksiya uchun suv, 0,225% li natriy xloridi eritmasidagi 5% li glyukoza eritmasi, 0,9% li natriy xloridi eritmasidagi 5% glyukoza eritmasi bilan sefoperazonning 10 mg/ml dan va sulbaktamning 10 mg/ml dan sefoperazonning 250 mg/ml, sulbaktamning 250 mg/ml gacha konsentratsiyalarida mutanosib.

Ringer laktat eritmasi birlamchi suyultirish uchun emas, balki vena ichiga infuziya qilishda suyultirish uchun toʻgʻri keladi.

Vena ichiga inyeksiya uchun flakonning ichidagisini yuqorida taʼriflanganidek eritish va kamida 3 minut davomida yuborish kerak.

Mushak ichiga qoʻllanishi. Lidokain eritmasi birlamchi eritish uchun emas, balki mushak ichiga qoʻllanganida suyultirish uchun mos keladi.

Eritma eritilganidan keyin, preparatning v/i yoki m/i yuborish uchun eratmasini 8 dan  25 S gacha haroratda 24 soat davomida, 2°S dan 8°S gacha boʻlgan haroratda – 7 kun saqlash mumkin.

Novokain bilan eritish taʼqiqlanadi!

 

Nojoʻya taʼsirlari

Markaziy nerv tizimi tomonidan: bosh ogʻrigi (0,04%).

Siydik chiqarish tizimi tomonidan: buyrak funksiyasini buzilishlari.

Ovqat xazm qilish tizimi tomonidan koʻngil aynishi, qusish, soxta membranoz kolit, bilirubin, ishqoriy fosfataza darajasini tranzitor oshishi.

Yurak-qon tomir tizimi va qon tomonidan (qon xosil boʻlishi, gemostaz): gipoprotrombinemiya, oʻtkinchi eozinofiliya, gemoglobin va gematokrit darajasini pasayishi, trombotsitopeniya, uzoq muddatli davolashda qaytuvchi neytropeniya, leykopeniya, gipotenziya, vaskulit.

Allergik reaksiyalar: qichishish, eshakemi, makulopapulyoz toshma, anafilaktoid reaksiyalar, vaskulit.

Mahaliy reaksiyalar: baʼzida yuborish joyida oʻtuvchan ogʻriq, kateter yordamida vena ichiga  infuziyalar qilish joyida flebit.

Boshkalar: isitma, et uvishishi.

 

Qoʻllash mumkin boʻlmagan holatlar

Sefalosporinlar va boshka β-laktam antibiotiklarga yuqori sezuvchanlikda qoʻllash mumkin emas.

Preparatni homiladorlik va laktatsiya davrida (koʻkrak bilan emizish) faqat ona uchun boʻlgan foyda, homila yoki bola uchun boʻlgan potensial xavfdan ustun boʻlgan holdagina qoʻllash mumkin.

 

Dorilarning oʻzaro taʼsiri

Perazul preparatini va spirt saqlovchi preparatlarni bir vaqtda qoʻllash yoki davolash tugaganidan keyin 5 kun davomida yoki davolash vaqtida alkogolni bir vaqtda qoʻllash, disulfiramning (teturam) taʼsiriga oʻxshash samaralar: qorinda spazm, koʻngil aynishi, qusish, bosh ogʻrigʻi, yurakni urib ketishi, hansirash, yuzni qizarishiga olib kelishi mumkin. Bu samaralar alkogol isteʼmol qilinganidan keyin 15-30 minut davomida qayd etiladi va bir necha soatdan keyin mustaqil oʻtib ketadi. Bu sefoperazon molekulasining strukturasida, atsetaldegiddegidrogenaza fermentining faolligini susaytiruvchi N-metiltiotetrazolli yon zanjirini borligi bilan bogʻliq boʻlib, bu qonda taʼriflangan nojoʻya samaralarni chaqiruvchi atsetaldegidni toʻplanishiga olib keladi.

Antikoagulyantlar bilan (kumarin yoki indandion hosilalari bilan), geparin bilan yoki qandaydir trombolitiklar bilan bir vaqtda qoʻllash qon ketishlari xavfini oshiradi.

Perazul preparati qoʻllanganida siydikda glyukozaning miqdorini nofermentativ usullar bilan aniqlashda va Kumbs reaksiyasini qoʻyishda soxta musbat natijalar boʻlishi mumkin.

Perazul preparatini aminoglikozidlar bilan majmuaviy davolash tarkibida qoʻllangan hollarda, butun davolash kursi davomida buyrak funksiyasini nazorat qilish kerak (“Nomutanosiblik” ga qarang).

Preparat quyidagi infuzion eritmalar:bilan mutanosib  inyeksiya uchun suv, 5% yoki 10% dekstroza (glyukoza) eritmalari, 0,9% natriy xloridi eritmasi.

Kukunning dastlabki eritish uchun Ringer eritmasini va 2% lidokain eritmasini qoʻllash kerak emas.

Preparatning eritmalari va aminoglikozid guruhi antibiotiklari oʻzaro fizik nomutanosib, shuning uchun bu preparatlarni eritmalarini aralashtirish mumkin emas.

 

Maxsus koʻrsatmalar

Ayrim bemorlarda Perazul preparati bilan davolash, boshqa sefalosporinlar bilan boʻlgani kabi, oʻta yuqori sezuvchanlik reaksiyalari, shu jumladan fatal anafilaktik reaksiyalarni rivojlanishiga olib kelishi mumkin. Bunday reaksiyalarni yuz berish ehtimoli anamnezida koʻpchilik allergenlarga maʼlum oʻta yuqori sezuvchanligi boʻlgan shaxslarda juda yuqoridir. Allergik reaksiyalar rivojlanganida preparatni darhol bekor qilish va tegishli davolashni buyurish kerak. Ogʻir anafilaktik reaksiyalar shoshilinch davolashni, xususan adrenalinni yuborishni talab qiladi. Koʻrsatmalar boʻyicha oksigenoterapiyani, kortikosteroidlarni vena ichiga yuborishni, nafas yoʻllarining oʻtkazuvchanligini taʼminlash, shu jumladan intubatsiyani darhol oʻtkazishni talab qiladi.

Ayrim bemorlarda sefoperazon bilan davolash, boshqa antibiotiklar bilan boʻlgani kabi, organizmda K vitaminining tanqisligiga olib kelishi mumkin, bu ehtimol bu vitaminni sintez qiluvchi ichak mikroflorasini susayishi bilan bogʻliq boʻlsa kerak. Bunday xavfga holsizlangan patsiyentlar, ovqatlanishi cheklangan patsiyentlar, mukovissidozi boʻlgan bemorlar, shuningdek uzoq vaqt parenteral oziqlanishda boʻlgan patsiyentlar beriluvchandirlar. Bunday hollarda protrombin darajasini nazorat qilish va zarurati boʻlganida K vitamini preparatlarini buyurish kerak. Xuddi shunday nazoratni antikoagulyantlar bilan davolanayotgan patsiyentlarda ham amalga oshirish kerak.

Perazul preparatini davomli qoʻllash chidamli mikroorganizmlarning oʻsishini kuchayishiga olib kelishi mumkin, shuning uchun bemorning holatini sinchiklab nazorat qilish kerak. Buyraklar, jigar va qon yaratish tizimining funksiyasini buzilishlarini vaqti-vaqti bilan namoyon boʻlishiga tayyor boʻlishi kerak. Bu ayniqsa, yangi tugʻilgan, xususan chala tugʻilgan chaqaloqlarga, shuningdek boshqa chaqaloqlarga nisbatan muhimdir.

Buyraklar funksiyasini buzilishlarida qoʻllanishi. Buyraklarning funksiyasini turli darajadagi buzilishlari boʻlgan patsiyentlarda Perazul preparati qoʻllanganida sulbaktamning umumiy klirensi aniqlangan kreatinin klirensi bilan mos keladi. Buyraklar funksiyasining ogʻir buzilishlari boʻlgan patsiyentlarda sulbaktamning T1/2 ahamiyatli oshishi aniqlanadi. Gemodializ sulbaktamning T1/2 davri, umumiy klirensi va taqsimlanish hajmiga jiddiy taʼsir qiladi. Buyrak yetishmovchiligi boʻlgan bemorlarda sefoperazonning farmakokinetikasida xech qanday oʻzgarishlar aniqlanmagan.

Jigar funksiyasini buzilishida qoʻllanishi. Sefoperazon ahamiyatli darajada safro bilan chiqariladi. Jigar kasalliklari va/yoki oʻt chiqarish yoʻllarining obstruksiyasi boʻlgan patsiyentlarda sefoperazonning plazmada T1/2 uzayadi, siydik bilan chiqarilishi esa oshadi. Hatto jigar funksiyasining ogʻir buzilishlarida ham safroda sefoperazonning terapevtik konsentratsiyalari aniqlanadi, plazmadagi T1/2 esa 2-4 marta oshadi.

Oʻt chiqarish yoʻllarining ogʻir obstruksiyasi, jigarning ogʻir kasalliklarida yoki buyraklar funksiyasini yoʻldosh buzilishlarida dozaga tuzatish kiritish kerak boʻlishi mumkin (“Qoʻllash usuli va dozalari”ga qarang).

Keksa va qari bemorlarda qoʻllanishi. Sulbaktam ham, sefoperazon ham qoʻllanganida T1/2 uzayishi, umumiy klirensni kamayishi va taqsimlanish hajmini oshishi kuzatiladi. Sulbaktamning farmakokinetikasi buyraklar funksiyasining darajasi bilan bevosita mos keladi, sefoperazonning farmakokinetikasi esa jigar funksiyasini buzilishlari bilan mos keladi.

Bolalarni davolash uchun qoʻllanishi. Perazul preparatining komponentlarini pediatriya populyatsiyasida farmakokinetikasi kattalar bilan qiyoslanganida katta farqlarga esa emas.

Perazul preparati chaqaloqlarda samarali qoʻllanadi. Biroq sefoperazon/sulbaktam majmuasini chala tugʻilgan chaqaloqlarda yoki yangi tugʻilgan chaqaloqlarda qoʻllash boʻyicha har tomonlama tekshirishlar oʻtkazilmagan. Shuning uchun chala tugʻilgan chaqaloqlar yoki yangi tugʻilgan chaqaloqlarni davolashni boshlashdan oldin, potensial foyda va davolashdan boʻladigan xavfni sinchiklab baholash kerak.

Sulbaktam va sefoperazon yoʻldosh toʻsigʻi orqali oʻtadi. Shuning uchun homiladorlik vaqtida  Perazul preparatini faqat ayol uchun kutilayotgan foyda, homila uchun potensial xavfdan ustun boʻlganidagina qoʻllash mumkin.

Sulbaktam va sefoperazon juda oz miqdorda koʻkrak suti bilan chiqariladi, shuning uchun Perazul preparati laktatsiya davrida qoʻllanganida emizishni toʻxtatish masalasini hal qilish kerak.

Perazul preparatini 2 yoshgacha boʻlgan bolalarda ehtiyotkorlik bilan qoʻllash kerak.

Avtotransportni boshqarishda yoki boshqa mexanizmlar bilan ishlashda reaksiya tezligiga taʼsiri toʻgʻrisida.

Hozirgi vaqtda xabarlar yoʻq.

Nomutanosiblik

Perazul preparati va aminoglikozidlarning eritmalarini bevosita aralashtirish mumkin emas, chunki ular orasida fizik nomutanosiblik mavjud. Agar Perazul preparati va aminoglikozidlar bilan majmuaviy davolashning zarurati boʻlsa, ularni alohida ikkilamchi vena ichiga nayli tizimni qoʻllash bilan ketma-ket, boʻlingan tomchilab infuziya koʻrinishida qoʻllash kerak; bunda birlamchi vena ichiga qoʻyiladigan nayli tizimni, koʻrsatilgan preparatlarning infuziyalari orasidagi tanaffusda tegishli eritma bilan yaxshilab yuvish kerak. Shuningdek  Perazul preparati va aminoglikozidlarni yuborishlar orasidagi sutka davomidagi intervallar iloji boricha uzoqroq boʻlishi maqsadga muvofiqdir.

Ringer laktat eritmasi bilan birlamchi suyultirish tavsiya qilinmaydi, chunki bu aralashma nomutanosib. Biroq ikki bosqichli suyultirish jarayonini qoʻllash nomutanosiblikdan saqlanishga imkon beradi: avval inyeksiya uchun steril suv ishlatiladi, soʻngra olingan eritma sulbaktamning 5 mg/ml konsentratsiyasigacha Ringer laktat eritmasi bilan suyultiriladi (2 ml birlamchi eritma 50 ml Ringer laktat eritmasida yoki 4 ml birlamchi eritma 100 ml Ringer laktat eritmasida suyultiriladi).

2% lidokain eritmasi bilan birlamchi suyultirish tavsiya qilinmaydi, chunki bu aralashma nomutanosib. Biroq ikki bosqichli suyultirish jarayonini qoʻllash nomutanosiblikdan saqlanishga imkon beradi: avval inyeksiya uchun steril suv ishlatiladi, soʻngra olingan eritma 2% lidokain eritmasida (taxminan 0,5% lidokain gidroxloridi eritmasida 250 mg/ml sefoperazon va 250 mg/ml sulbaktam saqlovchi eritma olish uchun) suyultiriladi.

Preparat bolalar ololmaydigan joyda saqlansin va yaroqlilik muddati oʻtganidan keyin ishlatilmasin.

 

Dozani oshirib yuborilishi

Simptomlari: nevrologik buzilishlar, jumladan tirishishlar.

Davolash: gemodializ yoki peritoneal  dializ. Maxsus antidoti yoʻq.

 

Chiqarilish shakli

Inyeksion eritmani tayyorlash uchun kukun  2,0 g dan flakonlarda

 

Saqlash sharoiti

Quruq, yorugʻlikdan himoyalangan joyda, 25°S dan yuqori boʻlmagan haroratda saqlansin.

 

Yaroqlilik muddati

3 yil.

 

Dorixonalardan berish tartibi

Retsept boʻyicha.