Ilovani yuklab oling
Yuklab olish
ПАРАЦЕТАМОЛ СВЕЧИ

Oson Apteka - Dorixonalar ma'lumotnomasi

ПАРАЦЕТАМОЛ СВЕЧИ 50МГ №10

2 500 so'mdan
(2881)
Dorixonalardagi narx
Xususiyatlari
Xalqaro nomi
PARACETAMOL
Ishlab chiqaruvchi
МЕРРИМЕД
Chiqarilish shakli
СУПП
Farma. Guruh
Анальгетическое ненаркотическое средство
Dori tafsilotlari
Dori shakli: 
Tarkibi:
Farmakologik xususiyatlari
Farmakokinetikasi
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Saqlash sharoiti
Dori shakli: 

rektal suppozitoriylar

 

Tarkibi:

1 suppozitoriy quyidagilarni saqlaydi:

Faol modda: paratsetamol 125 yoki 250 mg;

Yordamchi moddalar: qattiq yogʻ.

 

Farmakologik xususiyatlari

Yaqqol isitmani tushiruvchi, analgetik va kuchsiz yalligʻlanishga qarshi taʼsirga ega. Paratsetamol SOG-1 va SOG-2 (I va II siklooksigenaza) ni asosan markaziy nerv tizimida bloklaydi, ogʻriq va termoregulyatsiya markazlariga taʼsir qiladi. Yalligʻlangan toʻqimalarda xujayra peroksidazalari paratsetamolning siklooksigenazaga taʼsirini neytrallaydi, bu kuchsiz yalligʻlanishga qarshi samarasini tushuntiradi. Periferik toʻqimalarda prostaglandinlar sinteziga taʼsirini yoʻqligi tufayli, preparat suv-tuz almashinuviga (natriy va suvni tutilishi) va meʼda-ichak yoʻllarining shilliq qavatiga salbiy taʼsir koʻrsatmaydi. Meʼda-ichak yoʻllaridan yaxshi soʻriladi. Jigarda metabolizmga uchraydi. Buyrak orqali chiqariladi.

 

 

Farmakokinetikasi

Tez va toʻliq soʻriladi. Paratsetamolning plazmadagi maksimal konsentratsiyasiga rektal shamchalar ishlatilganidan keyin 0,5-2 soatdan keyin erishiladi.

Organizmning koʻpchilik toʻqima va suyuqliklariga kiradi. Yoʻldosh toʻsigʻi orqali va koʻkrak sutiga oʻtadi.

Plazma oqsillari bilan bogʻlanishi kuchsiz – 10-15%. Paratsetamolning asosiy qismi jigarda glyukuronid va sulfat yoʻllari orqali metabolizmga uchraydi va nofaol metabolitlar hosil boʻladi, ozgina (taxminan 5%) qismi gidroksillanib, reaktiv metabolit – N-atsetil- p-aminobenzoxinon hosil boʻladi (ushbu biotransformatsiya jigar va buyrakda kechadi), u esa, oʻz navbatida glutation tomonidan faolsizlantiriladi.  Siydik bilan metabolitlari koʻrinishida chiqariladi, taxminan 5% paratsetamol oʻzgarmagan holda chiqariladi. Rektal shamchalar ishlatilganidan keyin paratsetamolning yarim chiqarilish davri taxminan 4-5 soatni tashkil qiladi.

Keksa yoshdagi bemorlarda preparatning klirensi pasayadi va yarim chiqarilish davri oshadi.

 

Qoʻllanilishi

– turli genezli kuchsiz va oʻrtacha jadallikdagi ogʻriq sindromi: artralgiya, mialgiya, nevralgiya, migren, bosh ogʻrigʻi va tish ogʻrigʻi, algodismenoreya va boshqalar.

– turli kelib chiqishga ega boʻlgan isitma sindromi.

– oʻtkir respirator virusli kasalliklar, gripp, bolalar infeksiyalari, infeksion-yalligʻlanish kasalliklarda qoʻllanadi.

 

Qoʻllash usuli va dozalari

Rektal qoʻllanadi.

Bolalarga: bir martalik doza – tana vazniga 15 mg/kg; maksimal sutkalik doza – tana vazniga 60 mg/kg.

6 oylikdan 1 yoshgacha (vazni 8 kg dan 10 kg gacha) boʻlgan bolalarga: bir martalik dozalar – 60-125 mg. Zarurat tugʻilganda sutkada 2-3 marta, qabul qilishlar orasida 4-6 soatlik interval bilan sutkada 2-3 marta qoʻllash kerak.

1 yoshdan 3 yoshgacha (vazni 10 kg dan 15 kg gacha) boʻlgan bolalarga: bir martalik doza –
125 mg. Zarurat tugʻilganda qabul qilishlar orasida 4-6 soatlik interval bilan sutkada 4 marta qoʻllash kerak.

3 yoshdan 6 yoshgacha (vazni 16 kg dan 21 kg gacha) boʻlgan bolalarga: bir martalik doza –
250 mg. Zarurat tugʻilganda qabul qilishlar orasida 4-6 soatlik interval bilan sutkada 2-3 marta qoʻllash kerak.

6 yoshdan 12 yoshgacha (vazni 21 kg dan 35 kg gacha) boʻlgan bolalarga: bir martalik doza –
250 mg. Zarurat tugʻilganda qabul qilishlar orasida 4-6 soatlik interval bilan sutkada 3-4 marta qoʻllash kerak.

Kattalar va 12 yoshdan oshgan bolalarga (tana vazni 60 kg dan ortiq): minimal bir martalik doza – 500 mg. Maksimal bir martalik doza – 1 g. Qabul qilishlar soni – qabul qilishlar orasidagi 4-6 soatlik interval bilan sutkada 4 marta. Maksimal sutkalik doza – 4 g.

Davolash davomiyligi isitmani tushiruvchi vosita sifatida 3 kunni, analgetik sifatida – 5 kunni tashkil qiladi.

 

Nojoʻya taʼsirlari

Mahalliy reaksiyalar: toʻgʻri ichak shilliq qavatini taʼsirlanishi, tenezmlar.

Ovqat hazm qilish tizimi tomonidan: kam hollarda – koʻngil aynishi, qusish; yuqori dozalarda uzoq muddat qoʻllanganda gepatotoksik taʼsir kuzatilishi mumkin.

Qon yaratish tizimi tomonidan: kam hollarda – anemiya, leykopeniya, agranulotsitoz, trombotsitopeniya (burundan qon ketishlari, milklarni qonashi).

Siydik chiqarish tizimi tomonidan: yuqori dozalarda uzoq muddat qoʻllanganida nefrotoksik taʼsiri boʻlishi mumkin.

Allergik reaksiyalar: kam hollarda – teri toshmasi, qichishish, eshakemi, Kvinke shishi.

 

Qoʻllash mumkin boʻlmagan holatlar

– paratsetamolga yoki preparatning har qanday ingrediyentiga yuqori sezuvchanlik.

– paratsetamol  saqlovchi boshqa preparatlarni bir vaqtda qabul qilish.

– toʻgʻri ichakda yaqinda oʻtkazilgan yalligʻlanish yoki qon ketishi (yuborish yoʻli bilan bogʻliq boʻlgan qarshi koʻrsatma).

– buyrak va/yoki jigar faoliyatining ogʻir buzilishlari.

– glyukozo-6-fosfatdegidrogenaza fermenti tanqisligi.

– qon kasalliklari.

– proktit.

– 6 oylikkacha boʻlgan bolalar (125 mg doza uchun).

– 3 oylikkacha boʻlgan bolalar (250 mg doza uchun).

 

Dorilarning oʻzaro taʼsiri

Paratsetamol antikoagulyantlarning taʼsirini kuchaytiradi.

Salitsilatlar bilan bir vaqtda qabul qilish nefrotoksik taʼsir xavfini sezilarli oshiradi.

Mikrosomal oksidlanish induktorlari va gepatotoksik preparatlar (barbituratlar,

tirishishga qarshi vositalar, tritsiklik antidepressantlar, rifampitsin, butadion, etanol bilan bir vaqtda qabul qilish preparatning gepatotoksik taʼsir xavfini sezilarli oshiradi.

Metoklopramid bilan bir vaqtda qabul qilish paratsetamolni soʻrilishi kuchaytirishi mumkin.

Probenetsid bilan bir vaqtda qabul qilish paratsetamolning klirensini pasaytiradi va yarim chiqarilish davrini uzaytiradi.

Kolestiramin bilan birga qoʻllanganida paratsetamol qabul qilinganidan keyin kamida 1 soat davomida paratsetamolni soʻrilishi kamayishi mumkin.

Xloramfenikol bilan bir vaqtda qabul qilish, oxirgining toksik xususiyatlarini oshishiga olib keladi.

NYAQV ning boshqa preparatlari bilan bir vaqtda qabul qilish ularning yalligʻlanishga qarshi taʼsirini kuchaytiradi.

Kodein va spazmolitiklar bilan bir vaqtda qabul qilish, ogʻriq qoldiruvchi taʼsirini kuchaytiradi.

Birinchi avlod gistaminoblokatorlari bilan bir vaqtda qabul qilish isitmani tushiruvchi taʼsirini kuchaytiradi.

 

Maxsus koʻrsatmalar

Xavfsiz giperbilirubinemiyada (shu jumladan Jilber sindromida), jigar va buyrak kasalliklarida (shu jumladan jigarni alkogolli shikastlanishi), shuningdek keksa patsiyentlarda ehtiyotkorlik bilan qoʻllanadi.

Paratsetamolni qabul qilish qon plazmasida glyukoza va siydik kislotasining miqdorini aniqlashda laboratoriya tadqiqotlarning koʻrsatkichlarini oʻzgartirishi mumkin.

Preparatni 7 kundan ortiq qoʻllanganda periferik qonning manzarasini va jigarning funksional holatini nazorat qilish kerak.

Homilador va emizikli ayollar

Homiladorlik va laktatsiyada ehtiyotkorlik bilan qoʻllash kerak.

Avtomobil yoki mexanizmlarni boshqarish qobiliyatiga taʼsiri

Preparat avtotransportni haydash va potensial xavfli mexanizmlarni boshqarish qobiliyatiga taʼsir etmaydi.

Preparat bolalar olaolmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Simptomlari: teri qoplamalarini oqarishi, anoreksiya, koʻngil aynishi, qusish, qorinda ogʻriq, qon plazmasida jigar transaminazalarining oshishi, protrombin vaqtining oshishi, keyinroq – jigar sohasida ogʻriq, glyukoza metabolizmini buzilishi metabolik atsidoz paydo boʻladi. Ogʻir hollarda jigar yetishmovchiligi, gepatonekroz, ensefalopatiya va komatoz holat rivojlanishi mumkin. Kam hollarda jigar yetishmovchiligi yashin tezligida rivojlanadi va tubulyar nekroz fonida oʻtkir buyrak yetishmovchiligi bilan asoratlanishi mumkin. Pankreatit.

Davolash: SH-guruh donatorlari va glutation sintezining oʻtmishdoshlari – metioninni, ichga doza oshirib yuborilgandan keyin kechi bilan 10 soatdan keyin va N-atsetilsisteinni doza oshirib yuborilgandan keyin 8 soat davomida (oʻsha zahoti
150 mg/kg, keyin har 4 soatda 50 mg/kg va keyin 16 soat davomida 100 mg/kg) vena ichiga yuboriladi; simptomatik davolash; ogʻir zaharlanishlarda gemodializ oʻtkaziladi.

 

Saqlash sharoiti

Quruq, yorugʻlikdan himoyalangan joyda, 25°S dan yuqori boʻlmagan haroratda saqlansin. Muzlatilmasin.