Ilovani yuklab oling
Yuklab olish
Новокаин АМПУЛЫ

Oson Apteka - Dorixonalar ma'lumotnomasi

Новокаин АМПУЛЫ 2% 2мл №10

2 000 so'mdan
(1990)
Dorixonalardagi narx
Xususiyatlari
Xalqaro nomi
Ishlab chiqaruvchi
МЕРРИМЕД
Chiqarilish shakli
АМП
Farma. Guruh
Местноанестезириющие препараты
Dori tafsilotlari
Dori shakli:
Tarkibi:
Taʼrifi: 
Farmakoterapevtik guruhi:
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli:

 inyeksiya uchun eritma.

 

Tarkibi:

faol modda: novokain (prokain gidroxloridi) – 5 g va 20,0 g;

yordamchi moddalar: xlorid kislotasi, inyeksiya uchun suv.

 

Taʼrifi: 

tiniq, rangsiz eritma (0,5% eritma); tiniq yoki biroz sargʻish tusli eritma (2% eritma).

 

Farmakoterapevtik guruhi:

 mahalliy ogʻriqsizlantiruvchi vosita.

 

 

Farmakologik xususiyatlari

Keng terapevtik doirasiga va oʻrtacha faollikka ega boʻlgan mahalliy ogʻriqsizlantiruvchi vosita. Ogʻriqsizlantiruvchi taʼsir mexanizmi natriy kanallarining blokadasi, kalsiyga raqobat bilan birga, kaliy oqimini tormozlanishi, membranalarning fosfolipid qavatini sirt tarangligini pasayishi, oksidlanish-qaytarilish jarayonlari va impulslar generatsiyasining susayishi bilan bogʻliq. Qonga tushganida atsetilxolinni hosil boʻlishini kamaytiradi, periferik xolinoreaktiv tizimning qoʻzgʻaluvchanligini pasaytiradi, vegetativ gangliylarga susaytiruvchi taʼsir koʻrsatadi, silliq mushaklarning spazmini kamaytiradi, yurak mushaklari va bosh miyaning poʻstloq qismi harakat sohalarining qoʻzgʻaluvchanligini pasaytiradi.

 

Farmakokinetikasi

Parenteral yuborilganida yaxshi soʻriladi. Soʻrilish darajasi yuborish yoʻli va joyiga (ayniqsa qon tomirlarini borligi va yuborish joyida qon oqimining tezligiga) va yakuniy dozaga (miqdori va konsentratsiyasi) bogʻliq. Preparat toʻqimalar va plazmaning esteraza va xolinesterazalari bilan tez gidrolizlanadi va ikki asosiy farmakologik faol metabolitlar; dietilaminoetanol (qon tomirlarni oʻrtacha kengaytiruvchi taʼsirga ega) va paraaminobenzoy kislotasi (sulfanilamid kimyoterapiya dori vositalarining raqobatli antagonisti boʻlib, ularning mikroblarga qarshi taʼsirini susaytirishi mumkin) hosil qiladi. Yarim chiqarilish davri 30-50 soatni, neonatal davrda – 54-114 soatni tashkil qiladi. Asosan buyraklar orqali metabolitlari koʻrinishida (80%) chiqariladi; 2% dan koʻp boʻlmagan qismi oʻzgarmagan holda chiqariladi.

Shilliq qavatlaridan yomon soʻriladi.

 

Qoʻllanilishi

Mahalliy va infiltratsion anesteziya, davolovchi blokadalarda qoʻllanadi.

 

Qoʻllash usuli va dozalari

Mahalliy anesteziyada preparatning dozasi uning konsentratsiyasiga, jarrohlik muolajasining xarakteriga, yuborish usuliga, bemorning yoshi va holatiga bogʻliq. Paranefral blokadada kattalarga 0,5% Novokain eritmasining 50-70 ml (5 mg/ml) buyrak atrofi yogʻ kletchatkasiga yuboriladi. Infiltratsion anesteziya uchun quyidagi yuqori dozalar (kattalar uchun) belgilangan: operatsiya boshida birinchi bir martalik doza koʻpi bilan – 0,75 g (yaʼni 0,5% novokain eritmasining 150 ml). Soʻngra operatsiyaning har soati davomida – koʻpi bilan 2 g (yaʼni 0,5% novokain eritmasining 400 ml) buyuriladi.

Infiltratsion anesteziya uchun 0,25%-0,5% li eritmalar ishlatiladi: A.V.Vishnevskiy usuli anesteziyasi uchun (tarang oʻrmalovchi infiltratsiya) 0,125%-0,25% eritmalar; oʻtkazuvchan anesteziya uchun 1%-2% eritmalar (20 yoki 10 ml), paranefral blokadada 0,25%-0,5% eritma (100-150 ml yoki 50-80 ml); vagosimpatik blokadada 0,25% eritma (30-100 ml); peridural anesteziyada 2% eritma (20-25 ml) ishlatiladi.

 

Nojoʻya taʼsirlari

Novokain odatda yaxshi oʻzlashtiriladi, biroq baʼzida quyidagi nojoʻya reaksiyalar boʻlishi mumkin:

Markaziy va periferik nerv tizimi tomonidan: bosh ogʻrigʻi, uyquchanlik, holsizlik, harakatli bezovtalik, xushni yoʻqotish, tirishishlar, trizm, tremor, koʻrish va eshitishni buzilishlari, nistagm, “ot dumi” sindromi (oyoqlarni falaji, paresteziyalar), nafas mushaklarining falaji, harakat va sezuvchanlikni bloklanishi.

Yurak-tomir tizimi tomonidan: arterial bosimni pasayishi yoki oshishi, periferik vazodilyatatsiya, kollaps, bradikardiya, aritmiya, koʻkrak qafasida ogʻriq.

Siydik chiqarish tizimi tomonidan: beixtiyor siyish.

Ovqat hazm qilish tizimi tomonidan: koʻngil aynishi, qusish, beixtiyor defekatsiya.

Qon tizimi tomonidan: metgemoglobinemiya.

Allergik reaksiyalar: terini qichishishi, teri toshmalari, dermatit, terini qipiqlanishi, boshqa anafilaktik reaksiyalar (shu jumladan angionevrotik shish, anafilaktik shok), eshakemi (teri va shilliq qavatlarda).

Boshqalar: gipotermiya.

 

Qoʻllash mumkin boʻlmagan holatlar

Preparatga yuqori sezuvchanlik.

Miasteniya, arterial gipotenziya, yuborish joyidagi yiringli jarayon, oʻtkir qon ketishi bilan kechuvchi shoshilinch jarrohlik muolajalari, toʻqimalardagi yaqqol fibroz oʻzgarishlar (oʻrmalovchi infiltratsion anesteziya usuli uchun) da qoʻllash mumkin emas.

 

Dorilarning oʻzaro taʼsiri

Suksametoniy chaqirgan mushak blokadasini uzaytiradi (chunki ikkala preparat plazmadagi xolinesteraza bilan gidrolizlanadi).

MAO ingibitorlari (furazolidon, prokarbazin, selegelin) bilan bir vaqtda qoʻllash arterial gipotenziyani rivojlanish xavfini oshiradi. Antixolinesteraza preparatlari (uning gidrolizini bostiradilar) prokainning toksikligini oshiradi. Prokainning metaboliti (paraaminobenzoy kislotasi) sulfanilamid preparatlarning raqobatli antagonistidir va ularning mikroblarga qarshi taʼsirini kuchaytiradi.

Mahalliy anestetik inyeksiya qilingan joyga ogʻir metallarni saqlovchi dezinfeksiyalovchi eritmalar bilan ishlov berilganida, shish va ogʻriq koʻrinishidagi mahalliy reaksiyalarni rivojlanish xavfini oshiradi.

Bilvosita antikoagulyantlarning taʼsirini potensiyalaydi.

Preparat antixolinesteraz vositalarning nerv-mushak oʻtkazuvchanligiga taʼsirini pasaytiradi. Kesishgan sensibilizatsiya boʻlishi mumkin.

Nomutanosibligi. Sulfanilamidlar bilan davolanishda qoʻllanmasin.

 

Maxsus koʻrsatmalar

Mahalliy anesteziyada novokain eritmasini soʻrilishini kamaytirish va taʼsirini uzaytirish uchun odatda 2, 5 yoki 10 ml novokain eritmasiga adrenalin gidroxloridning (0,1%) eritmasi 1 tomchidan qoʻshiladi.

Nojoʻya reaksiyalarning oldini olish uchun, yuborishdan oldin preparatni oʻzlashtirilishiga sinama oʻtkaziladi, inyeksiya qilingan joyda qizarish va shish boʻlishi bundan dalolat beradi. Ijobiy reaksiyada prokain qoʻllanmaydi.

Preparatni qoʻllashda yurak-qon tomir, nafas va markaziy nerv tizimining faoliyatini nazorat qilish kerak. Yurak, jigar va buyrakning ogʻir kasalliklarida ehtiyotkorlik bilan buyuriladi.

Mahalliy anesteziyani oʻtkazishda aynan shu umumiy doza qoʻllanganida qoʻllanayotgan eritma qanchalik konsentratsiyalangan boʻlsa, prokainning toksikligi shunchalik yuqori boʻladi. Shuning uchun eritmaning konsentratsiyasini oshishi bilan umumiy dozani kamaytirish tavsiya qilinadi yoki preparatning eritmasi past konsentratsiyagacha (natriy xloridning steril izotonik eritmasida) suyultirish tavsiya qilinadi.

Jigarda qon oqimini pasayishi, yurak-qon tomir yetishmovchiligini rivojlanishi (odatda yurakning blokadasi va shok natijasida) bilan kechuvchi holatlarda, yalligʻlanish kasalliklari, soxta xolineesteraza tanqisligi, jigar yetishmovchiligi, keksa yoshdagi patsiyentlar (65 yoshdan oshgan), ogʻir holatdagi bemorlar, holsizlangan bemorlar, homiladorlik, tugʻruq va emizish davrida preparat ehtiyotkorlik bilan qoʻllanadi.

Homiladorlik yoki emizish davrida qoʻllanishi. Homiladorlik davrida yaxshi oʻzlashtirilishi sharoitida qoʻllash mumkin.

Emizish davrida ona uchun davolashdan kutilayotgan foyda va chaqaloq uchun potensial xavf oldindan sinchiklab baholanganidan keyingina, preparatni qoʻllash mumkin.

Tugʻruq vaqtida qoʻllanganida bradikardiya, apnoe, yangi tugʻilgan chaqaloqda tirishish rivojlanishi mumkin.

Avtotransportni boshqarish yoki boshqa mexanizmlar bilan ishlashda reaksiya tezligiga taʼsir qilish xususiyati. Davolanish davrida transport vositalarini boshqarish va diqqatni yuqori jamlashni va tezkor psixomotor reaksiyalarni talab qiluvchi potensial xavfli faoliyat turlari bilan shugʻullanishdan saqlanish kerak.

Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Novokainni faqat yuqori dozalari qoʻllanganida quyidagilar boʻlishi mumkin.

Simptomlari: Teri qoplamalari va shilliq qavatlarning oqarishi, bosh aylanishi, koʻngil aynishi, qusish, yuqori nerv qoʻzgʻaluvchanligi, “sovuq” ter, taxikardiya, arterial bosimni deyarli kollapsgacha pasayishi, tremor, tirishishlar, apnoe, metgemoglobinemiya, nafasni susayishi, toʻsatdan yurak-tomir kollapsi.

Markaziy nerv tizimiga taʼsiri qoʻrquv hissi, gallyutsinatsiyalar, tirishishlar, harakat qoʻzgʻalishi bilan namoyon boʻladi. Dozani oshirib yuborilishi hollarida preparatni yuborish darhol toʻxtatilishi kerak. Mahalliy anesteziya oʻtkazilganida yuborilgan joyning atrofiga oz miqdorda adrenalin yuborish mumkin.

Davolash: Umumiy reanimatsion chora-tadbirlar, shu jumladan kislorod ingalyatsiyasi, zarurati boʻlganida – oʻpkaning sunʼiy ventilyatsiyasi oʻtkaziladi. Agar tirishishlar 15-20 sekunddan koʻproq davom etsa, u vena ichiga tiopental (100-150 mg) yoki diazepam (5-20 mg) yuborish bilan bartaraf qilinadi. Arterial gipotenziyada va/yoki miokardning depressiyasida vena ichiga efedrin (15-30 mg) yuboriladi, ogʻir hollarda – dezintoksikatsion va simptomatik davolash oʻtkaziladi.

Novokain oyoq yoki qoʻl mushaklariga inyeksiya qilinganidan keyin intoksikatsiya rivojlanish holida, preparatni umumiy qon oqimiga keyingi oʻtishini pasaytirish uchun darhol jgut qoʻyish tavsiya qilinadi.

 

 

Chiqarilish shakli

0,5% va 2% inyeksiya uchun eritma.

2 ml dan yoki 5 ml dan ampulada; 10 ampuladan qoʻllash boʻyicha yoʻriqnomasi bilan birga karton qutida.

 

Saqlash sharoiti

Yorugʻlikdan himoyalangan joyda, 250S dan yuqori boʻlmagan haroratda saqlansin.

 

Yaroqlilik muddati

3 yil.

 

 

Dorixonalardan berish tartibi

Retsept boʻyicha.