Ilovani yuklab oling
Yuklab olish
Нафтизин КАПЛИ

Oson Apteka - Dorixonalar ma'lumotnomasi

Нафтизин КАПЛИ 0.1% 20мл №1

950 so'mdan
(4744)
Dorixonalardagi narx
Xaritada topish
Xususiyatlari
Xalqaro nomi
Naphazoline
Ishlab chiqaruvchi
ЛД ТИБ МАХСУЛОТ
Chiqarilish shakli
КАПЛИ
Farma. Guruh
Препараты для облегчения носового дыхания
Dori tafsilotlari
Dori shakli:
Farmakodinamikasi
Farmakokinetikasi
Qo‘llanilishi
Qo‘llash usuli va dozalari
Nojo‘ya ta‘sirlari
Qo‘llash mumkin bo‘lmagan holatlar
Dorilarning o‘zaro ta‘siri
Maxsus ko‘rsatmalar
Dozani oshirib yuborilishi
Saqlash sharoiti
Yaroqlilik muddati
Dorixonalardan berish tartibi
Dori shakli:

 nazal tomchilar

 

Farmakodinamikasi

Naftizin® alfa-adrenoreseptorlarga ta‘siri tufayli, periferik qon tomirlarga yaqqol tomirlarni toraytiruvchi ta‘sir ko‘rsatadi. Shilliq qavatlarga qo‘yilganda shishni, giperemiyani, ekssudasiyani kamaytiradi, bu rinitlarda burun orqali nafas olishni yengillashtiradi. Nafazolin burunning yondosh bo‘shliqlarini chiqaruvchi yo‘llarini va yevstaxiy naylarini ochilishi va kengayishiga yordam beradi, bu sekretni oqib chiqishini yaxshilaydi va bakteriyalarni tutilib qolishiga to‘sqinlik qiladi.

Farmakokinetikasi

Nafazolin mahalliy qo‘llanganda to‘liq so‘riladi.

Intranazal qo‘llanganda terapevtik ta‘siriga 5 minut davomida erishiladi va 4-6 soat davom etadi.

 

Qo‘llanilishi

O‘tkir rinit, burunning yondosh bo‘shliqlarning yallig‘lanish kasalliklari, yevstaxiit, o‘rta quloqni yallig‘lanishi.

Diagnostik va davolash muolajalarida shishni kamaytirish uchun qo‘llanadi.

 

 

Qo‘llash usuli va dozalari

Naftizin® har bir burun yo‘liga, boshni biroz orqaga tashlab va chap burun yo‘liga tomizishda uni o‘ngga og‘dirib va o‘ng burun yo‘liga tomizishda – chapga og‘dirib tomiziladi.

Davolash maqsadida. Kattalar va 15 yoshdan katta bolalarga – har bir burun yo‘liga          1-3 tomchidan 0,05% – 0,1% li eritma.

3 yoshdan 6 yoshgacha bo‘lgan bolalarga 0,05% li eritma qo‘llanadi – 1 tomchidan, 6 yoshdan 15 yoshgacha bo‘lgan bolalarga – har bir burun yo‘liga 1-2 tomchidan.

Naftizin® kuniga 3 marta qo‘llanadi, lekin ko‘pincha har 4 soatdan ko‘p emas.

Naftizin®ni kattalarda 1 haftadan ortiq va bolalarda 3 sutkadan ortiq qo‘llash mumkin emas.

Takroran Naftizin®ni faqat bir necha sutka o‘tgach qo‘llash mumkin.

Qon ketishi hollarda preparatning 0,05% li eritmasi bilan namlangan tamponlar ishlatiladi.

Diagnostika maqsadida. Burun bo‘shlig‘i tozalanganidan keyin har bir burun yo‘liga 3-4 tomchi 0,05%-0,1% li eritma tomiziladi yoki 0,05%-0,1% li eritmada namlangan tampon 1-2 minutga kiritiladi.

Ovoz boylamlari shishi xollarida 1-2 ml preparatni xiqildoq uchun shprislar yordamida purkaladi.

Bolalar.

Naftizin 0,05% ni 3 yoshdan 15 yoshgacha bo‘lgan bolalarda qo‘llash mumkin.

Naftizin 0,1% ni 15 yoshdan katta bo‘lgan bolalarda qo‘llash mumkin.

 

Nojo‘ya ta‘sirlari

Tavsiya qilingan dozalarga rioya qilinganida Naftizin® odatda yaxshi o‘zlashtiriladi. Kam hollarda nojo‘ya ko‘rinishlari paydo bo‘ladi.

Immun tizimi tomonidan: allergik reaksiyalar, shu jumladan Kvinke shishi.

Nafas tizimi, ko‘krak qafasi va ko‘ks oralig‘i a‘zolari tomonidan: achishish va burun shilliq qavatini qurishi. Preparatning ta‘siri tugagandan keyin burunni kuchli bitish xissi paydo bo‘lishi mumkin. Simpatik nervlar qo‘zg‘aluvchanligi bilan qo‘zg‘atuvchi va asosan preparatni dozasini oshirib yuborilganda paydo bo‘luvchi tizimli nojo‘ya samaralar kuzatiladi:

nerv tizimi tomonidan: asabiylik, bosh og‘rig‘i, tremor;

yurak-qon tomir tizimi tomonidan: taxikardiya, yurak urishini xis etish, arterial gipertenziya;

teri va teri osti kletchatkasi tomonidan: ko‘p terlash.

Kattalarda bir xaftadan ko‘p  va bolalarda 3 kundan ko‘p yoki juda tez-tez qo‘llanganda preparatga o‘rganib qolishni chaqirishi mumkin, bu u qo‘llangandan keyin burun shilliq qavatini shishi bilan kechadi.

Uzoq qo‘llanganda siliar faollikni kuchsizlanishiga va burun shilliq qavatini qaytmas shikastlanishiga , burun shilliq qavatini quruq yallig‘lanishiga olib kelishi mumkin.

 

Qo‘llash mumkin bo‘lmagan holatlar

Preparatning komponentlariga yuqori sezuvchanlik; burun shilliq qavatining quruq yallig‘lanishida qo‘llash mumkin emas.

 

 

Dorilarning o‘zaro ta‘siri

Naftizin®ni MAO ingibitorlari, trisiklik antidepressantlar va maprotilin bilan bir vaqtda qo‘llanganda yoki ular bekor qilingandan bir necha kundan keyin arterial bosimni oshishini chaqirishi mumkin.

 

 

Maxsus ko‘rsatmalar

Preparatni yurak-qon tomir tizimining og‘ir kasalliklarida (arterial gipertenziyada, yurak ishemik kasalligida), qandli diabetda, gipertireozda, feoxromositomada, bronxial astmada juda ehtiyotkorlik bilan qo‘llash kerak. Arterial bosimni potensial oshirishi mumkin bo‘lgan MAO ingibitorlari va boshqa preparatlarni bir vaqtda qo‘llaganda; miokardni simpatomimetiklarga sezuvchanligini oshiruvchi anestiklarni (masalan galotan) qo‘llanganda, shuningdek preparat homiladorlik yoki emizish davrida qo‘llanganda ehtiyotkorlik zarur.

Kattalar va bolalarda uzoq vaqt qo‘llashdan saqlanish kerak. Preparatni uzoq vaqt qo‘llash burunni surunkali bitishiga va shilliq qavatini atrofiyasiga olib kelishi mumkin.

Homiladorlik yoki emizish davrida qo‘llanishi.

Preparatni shifokor ko‘rsatmasiga ko‘ra, ona uchun foyda/homila (bola) uchun xavf nisbatini hisobga olib qo‘llash mumkin. Nafazolin nitrati yo‘ldosh to‘sig‘i orqali yoki ko‘krak sutiga o‘tishi xaqida ma‘lumot yo‘q.

Avtotransportni boshqarish va boshqa mexanizmlar bilan ishlashda reaksiya tezligiga ta‘sir qilish qobiliyati.

Terapevtik dozalarda qo‘llanganida transport vositalarini boshqarish va mexanizmlar bilan ishlash qobiliyatiga ta‘sir qilmaydi.

Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

 

Dozani oshirib yuborilishi

Preparatni dozasini oshirib yuborilishi yoki bexosdan yutib yuborish preparatni tizimli ta‘sir simptomlari bilan namoyon bo‘lishi mumkin: asabiylik, ko‘p terlash, bosh og‘rig‘i, tremor, yurak urishini his etish, taxikardiya, gipertenziya. Terini oqarib ketishi, sianoz, isitma, ko‘ngil aynishi, spazmlar, yurak xurujlari, yurak to‘xtashi, o‘pka shishi, nafasni buzilishi, ruxiy buzilishlar. Markaziy nerv tiziminiga susaytiruvchi ta‘siri quyidagi simptomlar bilan namoyon bo‘ladi: tana haroratini pasayishi, ko‘p terlash, uyquchanlik, shok xolati, apnoe, koma.

Tasodifan dozani oshirib yuborilish xollarida preparatni qo‘llashni bekor qilish va shifokorga murojaat qilish kerak. Simptomatik davolash.

Kattalarga nisbatan salbiy ta‘sirlarga sezuvchan bolalarda dozani oshirib yuborilish xavfi oshadi.

 

Saqlash sharoiti

Original o‘ramida, 25oS gacha bo‘lgan haroratda saqlansin.

 

Yaroqlilik muddati

3 yil.

Flakon ochilganidan keyin preparatning yaroqlilik muddati – 28 sutka.

 

 

Dorixonalardan berish tartibi

Reseptsiz.