Ilovani yuklab oling
Yuklab olish
Моксифлоксацин РАСТВОР

Oson Apteka - Dorixonalar ma'lumotnomasi

Моксифлоксацин РАСТВОР ДЛЯ ИНФУЗИИ 200мл №1

7 500 so'mdan
(1986)
Dorixonalardagi narx
Xaritada topish
Tavsif
Моксифлоксацин РАСТВОР ДЛЯ ИНФУЗИИ 200мл №1
Xususiyatlari
Xalqaro nomi
Ishlab chiqaruvchi
Chiqarilish shakli
Farma. Guruh
Dori tafsilotlari
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli: 
Tarkibi:
Taʼrifi: 
Farmakoterapevtik guruhi: 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi

Simptomlari: nojoʻya samaralarni kuchayishi.

Davolash: simptomatik davolash.

 

Chiqarilish shakli

Infuziya uchun eritma 100 ml, 150 ml, 200 ml, 250 ml, 400 ml yoki 500 ml dan butilkalarda (flakonlarda).

 

Saqlash sharoiti

Quruq, yorugʻlikdan himoyalangan joyda, +25°S dan yuqori boʻlmagan haroratda saqlansin. Muzlatishga yoʻl qoʻyilmasin.

 

Yaroqlilik muddati

2 yil.

 

Dorixonalardan berish tartibi

Retsept boʻyicha.

Dori shakli: 

infuziya uchun eritma

 

Tarkibi:

100 ml eritma quyidagilarni saqlaydi:

faol modda: moksifloksatsin (moksifloksatsin gidroxloridi shaklida) – 0,16 g;

yordamchi moddalar: natriy xloridi, natriy gidroksidi, xlorid kislotasi, inyeksiya uchun suv.

 

Taʼrifi: 

sariq rangli yashil tusli tiniq suyuqlik.

 

Farmakoterapevtik guruhi: 

Antibakterial sintetik vositalar (ftorxinolonlar guruhi).

 

 

Farmakologik xususiyatlari

Ftorxinolonlar hosilalari guruhiga mansub keng taʼsir doirasiga ega bakteritsid antibakterial preparat. Bakteritsid taʼsiri bakterial II va IV topoizomerazlarni ingibirlanishi bilan bogʻliq boʻlib, ular mikrob hujayrasining DNK biosintezini buzilishiga va buning oqibati oʻlaroq mikrob hujayralarining nobud boʻlishiga olib keladi. Preparatning minimal bakteritsid konsentratsiyalari umuman uning minimal bakteriyalar faolligini bostiruvchi konsentratsiyasi bilan mos tushadi. Penitsillinlarga, sefalosporinlarga, makrolid aminoglikozidlarga va tetratsiklinlarga nisbatan chidamlilikka olib keluvchi mexanizmlari moksifloksatsinning antibakterial faolligini buzmaydi. Antibakterial preparatlarning bu guruhi va moksifloksatsin orasida qarama-qarshi chidamlilik aniqlanmaydi.

Moksifloksatsinga chidamlilik koʻp sonli mutatsiyalar orqali sekin rivojlanadi. Moksifloksatsin in vitro grammanfiy va grammusbat mikroorganizmlarning keng doirasiga, anaeroblarga, kislotaga chidamli bakteriyalarga va Mycoplasma spp., Chlamydia spp., Legionella spp. kabi atipik shakllarga nisbatan faol.

Moksifloksatsin beta-laktam va makrolid antibiotiklarga chidamli bakteriyalarga nisbatan samarali. Moksifloksatsinning antibakterial faollik doirasi grammusbat mikroorganizmlar: Streptococcus pneumoniae (shu jumladan penitsillinlarga va makrolidlarga sezgir shtammlari), Streptococcus pyogenes (A guruhi), Streptococcus milleri, Streptococcus mitis, Streptococcus agalactiae, Streptococcus dysgalactiae, Staphylococcus aureus (shu jumladan metitsillinga chidamli shtammlari), Staphylococcus cohnii, Staphylococcus epidermidis (metitsillinga chidamli shtammlarni qoʻshganda), Staphylococcus haemolyticus, Staphylococcus hominis, Staphylococcus saprophyticus, Staphylococcus simulans, Corynebacterium diphtheria; grammanfiy mikroorganizmlar: Haemophillus parainfluenzae, Klebsiella pneumoniae, Moraxella catarrhalis (shu jumladan beta-laktamazalarni ishlab chiqaradigan shtammlari), Escherichia coli, Enterobacter cloacae, Bordetella pertussis, Klebsiella oxytoca, Enterobacter aerogenes, Enterobacter agglomerans, Enterobacter intermedius, Enterobacter sakazaki, Proteus mirabilis, Proteus vulgaris, Morganella morganii, Providencia rettgeri, Providencia stuartii; anaerobы: Bacteroides distasonis, Bacteroides eggerthii, Bacteroides fragilis, Bacteroides ovatum, Bacteroides thetaiotaomicron, Bacteroides uniformis, Fusobacterium spp., Porphyromonas spp., Porphyromonas anaerobius, Porphyromonas asaccharolyticus, Porphyromonas magnus, Prevotella spp., Propionibacterium spp., Clostridium perfringens, Clostridium ramosum; boshqa mikroorganizmlari: Chlamydia pneumoniae, Mycoplasma pneumoniae, Legionella pneumophila, Coxiella burnetti ni oʻz ichiga oladi.

Moksifloksatsin Pseudomonas aeruginosa, Pseudomonia fluorescens, Burkholderia cepacia, Stenotrophomonas maltophilia ga nisbatan kamroq faollikka ega.

 

Farmakokinetikasi

Moksifloksatsin 400 mg dozada vena ichiga (v/i) infuziyadan keyin 1 soat davomida infuziyani yakunida maksimal konsentratsiyasiga (Cmax) erishiladi. Mutloq biokiraolishligi 91% ni tashkil qiladi. Moksifloksatsin toʻqima va aʼzolarda tez taqsimlanadi va qon oqsillari bilan (asosan albuminlar bilan) taxminan 45% bogʻlanadi. Taqsimlanish hajmi (Vd) taxminan 2 l/kg ni tashkil qiladi. Preparatni yuqori konsentratsiyalari plazmadagiga qaraganda oʻpka toʻqimalarida (shu jumladan alveolar makrofaglarda), bronxlarning shilliq qavatlarida, burun boʻshliqlarida, yumshoq toʻqimalarda, terida va teri osti tuzilmalarida, yalligʻlanish oʻchoqlarida hosil boʻladi. Interstitsial suyuqlikda va soʻlakda preparat erkin, oqsillar bilan bogʻlanmagan holda, plazmadagiga qaraganda yuqoriroq konsentratsiyada aniqlanadi. Nofaol sulfobirikmalar va glyukouronidlarni hosil boʻlishi bilan biotransformatsiyaga uchraydi. Moksifloksatsinni biotransformatsiyasi jigarning, sitoxrom R450 tizimi mikrosomal fermentlari ishtirokisiz kechadi. Siydik bilan ham oʻzgarmagan holda, ham nofaol metabolitlari koʻrinishida ham chiqariladi. Bir martalik dozaning (400 mg) taxminan 19% siydik bilan taxminan 25% – axlat bilan oʻzgarmagan holda chiqariladi. Yarimchiqarilish davri (T1/2) taxminan 12 soatni tashkil qiladi.

Alohida klinik holatlardagi farmakokinetikasi

Moksifloksatsinni yoshga, jinsga va irqqa farmakokinetik parametrlarida nisbatan farqlanishi aniqlanmagan.

Bolalarda moksifloksatsinning farmakokinetikasining tekshirishlari oʻtkazilmagan.

Buyrak faoliyatini buzilishi boʻlgan (shu jumladan KK<30 ml/min – 1.73 m2) va uzluksiz gemodializda va uzoq ambulator peritoneal dializda boʻlgan patsiyentlarda moksifloksatsining farmakokinetikasini ahamiyatli oʻzgarishlari aniqlanmagan.

Jigar faoliyatining biroz va oʻrtacha buzilishlari boʻlgan (Chayld Pyu shkalasi boʻyicha A yoki V sinfi) patsiyentlarda moksifloksatsinning farmakokinetikasi oʻzgarmaydi.

 

Qoʻllanilishi

Kattalardagi preparatga sezgir mikroorganizmlar chaqirgan quyidagi infeksion yalligʻlanish kasalliklari:

– oʻtkir sinusit;

– kasalxonadan tashqari pnevmoniya;

– surunkali bronxitni zoʻrayishi;

– teri va yumshoq toʻqimalarning infeksiyalari;

– siydik – tanosil yoʻllarining infeksiyalari (piyelonefrit, sistit, uretrit va boshq..).

 

Qoʻllash usuli va dozalari

Moksifloksatsinni infuziya uchun tavsiya qilingan dozasi (400 mg/250 ml) hamma koʻrsatkichlari boʻyicha qoʻllanishi har kuni bir martalik dozasi 400 mg tashkil qiladi.

Qoʻllash usuli:

Infuzion eritma vena ichiga 60 minut davomida yuboriladi. U suyultirilmasdan yoki toʻgʻri keladigan infuziya uchun eritmalar bilan birga bevosita yuborilishi mumkin.

Preparat quyidagi eritmalar bilan mutanosib: inyeksiya uchun suv, 0,9% natriy xlorid eritmasi, 1molyar natriy xlorid, 5% glyukoza, 10% glyukoza eritmasi, 20 % glyukoza eritmasi, 40 % glyukoza eritmasi, Ringer eritmasi, Ringer-laktat eritmasi.

Preparat quyidagi eritmalar bilan nomutanosib: 10% va 20% natriy xlorid eritmasi (kristallizatsiya, choʻkma hosil boʻladi), natriya bikarbonat 4,2% va 8,4 (rN siljishini chaqiradi, karbon suv gazini paydo boʻlishi).

Agarda Moksifloksatsin infuziyasi boshqa dori vositasi bilan buyurilgan boʻlsa, unda har bir preparatni alohida yuborish kerak.

Faqat tiniq eritma qoʻllash kerak. Xiralashgan eritmani qoʻllash mumkin emas.

Davolashning davomiyligi

Davolashning davomiyligi koʻrsatkichlarga va klinik koʻrinishlarga bogʻliq. Umumiy hollarda infeksiya simptomlari aniqlangandan keyin antibiotiklar bilan davolash 3-4 kun davomida davom etadi.

Yuqori va quyi nafas yoʻllari infeksiyalarini umumiy davolash davomiyligi:

Surunkali bronxitni zoʻrayishi – 5 kun

Kasalxonadan tashqari pnevmoniya – 7 kun

Oʻtkir sinusit – 7 kun

Teri va yumshoq toʻqimalar infeksiyasini tavsiya etiluvchi davolashning davomiyligi – 7 kun.

Vena ichiga davolashning tavsiya etiluvchi davomiyligi 14 kungacha. Davolash vena ichiga yuborish bilan boshlanadi, keyinchalik klinik koʻrsatkichlar movjud boʻlsa ichga tabletkalarni qoʻllash bilan davom etadi. Bundan tashqari, moksifloksatsin hamma davolash kursi davomida qoʻllanishi mumkin.

Aholini ayrim shaxslari uchun qoʻllash xavfi.

Keksa yoshdagilar:

Keksa yoshdagilar uchun dozani toʻgʻrilash talab qilinmaydi.

Bolalar:

Bolalar va oʻspirinlarda oʻsish bosqichida moksifloksatsinni qoʻllash mumkin emas.

Jigar yetishmovchiligi:

Jigar faoliyati yengil buzilishlari boʻlgan bemorlarga dozani toʻgʻrilash talab qilinmaydi (Chayld-Pyu A shkalasi boʻyicha).

Jigar faoliyatini oʻrtacha va ogʻir buzilishlari boʻlgan patsiyentlarda farmakokinetik maʼlumotlar yoʻq (V va S Chayld-Pyu shkalasi boʻyicha), shuning uchun Moksifloksatsin infuziyasi (400 mg/250 ml) oʻrtacha va ogʻir jigar yetishmovchiligi boʻlgan patsiyentlar uchun tavsiya qilinmaydi.

Buyrak yetishmovchiligi:

Buyrak yetishmovchiligi har qanday darajali buyrak yetishmovchiligi bilan boʻlgan bemorlarga dozani toʻgʻrilash talab qilinmaydi (shu jumladan klirens kreatinini <30 ml/min/l, 73m2).

Dializdagi yoki buyrak yetishmovchiligi kuchayib borayotgan dializ oʻtmaydigan patsiyentlardagi farmakokinetik maʼlumotlar yoʻq. Shu tufayli, Moksifloksatsin infuziyasi (400 mg/ 250 ml) bunday patsiyenlar uchun mumkin emas.

 

Nojoʻya taʼsirlari

Preparat koʻpchilik bemorlarda yaxshi oʻzlashtiraolinadiKlinik sinovlar oʻtkazilganda koʻpchilik nojoʻya samaralar yengil va oʻrtacha ogʻirlikda kechadi. (90%).

Nerv tizimi va sezgi aʼzolari tomonidan: yuz berish – tezligi- <1%- bosh ogʻrigʻi,  uyqusizlik, taʼmni buzilishi, bosh aylanishi, asabiylashish, uyquchanlik, xavotirlik hissi, qaltirash, paresteziyalar, ongning chalkashishi, depressiya, asteniya, umumiy diskomfort xissi, ambliopiya.

Yurak-tomir tizimi va qon (qon yaratish, gemostaz) tomonidan: <1% – taxikardiya, arterial bosim (AB) ni oshishi, yurak urishi, leykopeniya, protrombin vaqtini oshishi, eozinofiliya, trombotsitopeniya, anemiya.

Ovqat hazm qilish tizimi tomonidan: <10%- qorinda ogʻriqlar, koʻngil aynishi, diareya, qusish, dispepsik holatlar, jigar sinamalari koʻrsatkichlarini oʻzgarishi; <1%   ogʻiz qurishi, meteorizm, qabziyat, ogʻiz boʻshligʻi kandidozi, ishtahani yoʻqolishi yoʻqligi, stomatit, glossit.

Siydik-tanosil tizimi tomonidan: <1%  – vaginal kandidoz, vaginit.

Tayanch-xarakat apparati tomonidan: <1%  – belda ogʻriq, artralgiya, mialgiya.

Allergik reaksiyalar: <1%  – toshma, qichish, eshakemi.

Boshqalar: <1% – oyoqlarda ogʻriq, qonda amilaza darajasini oshishi, ter ajralishi oshishi.

 

Qoʻllash mumkin boʻlmagan holatlar

– homiladorlik;

– laktatsiya (emizish);

– bolalar va 18 yoshgacha boʻlgan oʻsmirlar;

– moksifloksatsinga  yoki preparatning boshqa komponentlariga yuqori sezuvchanlik.

Markaziy nerv tizimi (MNT) ning kasalliklarida (shu jumladan, MNT ni oʻzgarishi qoʻshilishiga  shubha qilingan kasalliklarda) tirishish hurujlarini paydo boʻlishiga olib keluvchi va tirishishga tayyorgarlik boʻsagʻasini pasaytiruvchi kasalliklarda, QT oraligʻini uzayishida, gipokaliyemiyada, bradikardiyada, miokardning oʻtkir ishemiyasida, QT oraligʻini uzaytiradigan preparatlar va I-A va III sinfi antiaritmik vositalar bir vaqtda qoʻllanganda, ogʻir jigar yetishmovchiligida ehtiyotkorlik bilan qoʻllash kerak.

 

Dorilarning oʻzaro taʼsiri

Preparatni va antatsidlarni, minerallarni va vitamin-mineralli komplekslarini ichga birga qoʻllash moksifloksatsinni soʻrilishini, bu preparatlarda saqlanadigan polivalent kationlar bilan xelat komplekslarni hosil boʻlishi tufayli moksifloksatsinni, moksifloksatsinning soʻrilishini buzilishi mumkin va oqibatda qon plazmasidagi konsentratsiyasini kamaytirishi mumkin.

Shu boisdan antatsid, antiretrovirus va kalsiy, magniy, alyuminiy, temir saqlovchi boshqa preparatlarni, preparatni peroral qoʻllashdan oldin kamida 4 soat yoki qoʻllangandan keyin 2 soat oʻtgach qoʻllash lozim.

Ranitidin bir vaqtda qoʻllanganda moksifloksatsinni soʻrilishini biroz oʻzgartiradi.

Kalsiyni yuqori dozalarda saqlovchi preparatlar bilan birga qoʻllanganda moksifloksatsinni soʻrilish tezligini biroz kamayishidan tashqari klinik ahamiyatli taʼsiri aniqlanmagan.

Preparatni I-A sinfi (xinidin, prokainamid) yoki III-sinfi (amiodaron, sotalol), antiaritmik preparatlari, shuningdek QT oraligʻini uzaytiruvchi preparatlar (sizaprid, eritromitsin, antipsixotik preparatlar, tritsiklik antidepresantlar) bilan qoʻllanganda QT oraligʻini uzayishiga nisbatan additiv taʼsiri boʻlishi mumkin. Moksifloksatsin teofillinni  farmakokinetikasiga hech qanday taʼsir koʻrsatmaydi (va aksincha), bu moksifloksatsin CYP1A2 izofermenti bilan oʻzaro taʼsir kirmasligidan dalolat beradi. Preparatni varfarin bilan birga qoʻllanganda protrombin vaqti va qon ivishining boshqa parametlari oʻzgarmaydi.

Antikoagulyantlarni antibiotiklar, jumladan, moksifloksatsin bilan birga olayotgan patsiyentlarda qon ivishiga qarshi preparatlarning antikoagulyant faolligini oshish hollari aniqlangan.

Moksifloksatsin va peroral kontratseptivlar orasida oʻzaro taʼsirlari aniqlanmagan.

Moksifloksatsin bilan birga qoʻllanganda glibenklamid va moksifloksatsin oʻrtasida klinik ahamiyatli oʻzaro taʼsirlar aniqlanmagan.

Moksifloksatsin bilan birga qoʻllanganida intrakonazolning “konsentratsiya-vaqt” (AUC) egri chiziq osti maydoni juda oz oʻzgargan. Moksifloksatsin va digoksin bir-birini farmakokinetik parametrlariga sezilarli taʼsir koʻrsatmaydi.

Atenololning farmakokinetikasi preparatning taʼsir ostida biroz oʻzgaradi.

Probenetsid moksifloksatsinning umumiy klirensi va buyrak klirensiga taʼsir qilmaydi.

Faollashtirilgan koʻmir va preparat ichga 400 mg dozada bir vaqtda qoʻllanganida, preparatning tizimli biokiraolishligi, uni soʻrilishini sekinlashi natijasida 80% dan ziyod koʻproqqa pasayadi.

 

Maxsus koʻrsatmalar

Preparatni buyurilganda tirishish xurujlarini paydo boʻlish xavfi oshishini xisobga olish karak, shuning uchun preparat markaziy nerv tizimi kasalliklari boʻlgan patsiyentlarga extiyotkorlik bilan buyuriladi. Jigar faoliyatining ogʻir buzilishlari boʻlgan (Chayld-Pyu shkalasi boʻyicha S sinfi) patsiyentlarda moksifloksatsinni qoʻllash boʻyicha yetarli miqdordagi klinik maʼlumotlarning yoʻqligi sababli tavsiya qilinmaydi. Preparat qoʻllanganida ayrim patsiyentlarda QT oraligʻini uzayishi aniqlangan. Shu sababli preparatni QT oraligʻini uzayishi, gipokaliyemiyasi boʻlgan patsiyentlarga, shuningdek I-A (xinidin, prokainamid) yoki III- sinfi (amiodaron, sotalol) antiaritmik preparatlari bilan davolash fonida preparatni buyurishdan saqlanish lozim. Preparatni QT oraligʻini oʻzaytiradigan preparatlar (sizaprid, eritromitsin, antipsixotik preparatlar, tritsiklik antidepressantlar) bilan birga, shuningdek bradikardiya, miokardni oʻtkir ishemiyasi kabi aritmiya xolatlariga moyilligi boʻlgan patsiyentlarga ehtiyotkorlik bilan buyurish lozim. QT oraligʻini uzayish darajasi preparatning konsentratsiyasini oshishi bilan oshadi, shuning uchun tavsiya etilgan dozani oshirmaslik kerak. Ftorxinolonlar bilan davolanish fonida, shu jumladan moksifloksatsin bilan, ayniqsa keksa va glyukokortikosteroidlar olayotgan patsiyentlarda tendinit va paylarning uzilishi rivojlanishi mumkin. Antibiotiklarni qoʻllash soxtamembranoz kolitning rivojlanishiga olib kelishi mumkin. Buni preparat bilan davolanish fonida ogʻir diareya paydo boʻlganida nazarda tutish kerak. Preparat birinchi marta qoʻllanganida oʻta yuqori sezuvchanlik reaksiyalarni va anafilaktik reaksiyalarni rivojlanishi xavfi mavjud, bunday hollarda shifokorni darhol xabardor qilish kerak. Xinolonlarni qoʻllanganida fotosensibilizatsiya reaksiyalari aniqlangan. Ammo preparat klinik amaliyotida qoʻllanganida fotosensibilizatsiya reaksiyalari aniqlanmagan. Shunga qaramasdan patsiyentlar preparatni qabul qilish davrida quyosh nurlaridan va ultrabinafsha nurlanishdan saqlanishlari kerak. Bolalar va oʻsmirlarda qoʻllashning samaradorligi va havfsizligi aniqlanmagan. Bunga qaramasdan moksifloksatsin markaziy nerv tizimi tomonidan  nojoʻya reaksiyalarini kam chaqiradi. Avtomobil va xarakatlanuvchi mexanizmlarini boshqarish imkoniyati xaqidagi masala patsiyentning preparatni qabul qilishga boʻlgan reaksiyasi baholanganidan keyin shaxsiy ravishda hal qilinadi.

Preparat bolalar ololmaydigan joyda saqlansin va uni yaroqlilik muddati oʻtganidan keyin ishlatilmasin.