Ilovani yuklab oling
Yuklab olish
МИНИРИН МЕЛТ

Oson Apteka - Dorixonalar ma'lumotnomasi

МИНИРИН МЕЛТ ТАБЛЕТКА 120мкг №30

328 000 so'mdan
(1631)
Dorixonalardagi narx
Xususiyatlari
Xalqaro nomi
Ishlab chiqaruvchi
ФЕРРИНГ
Chiqarilish shakli
ТАБ
Farma. Guruh
Препараты при заболеваниях почек и мочевыводящих путей
Dori tafsilotlari
Dori shakli:
Tarkibi:
Taʼrifi:
Farmakoterapevtik guruhi:
Saqlash sharoiti
Yaroqlilik muddati
Dorixonalardan berish tartibi
Farmakologik xususiyatlari
Qoʻllanilishi
Qoʻllash usuli va dozalari
Nojoʻya reaksiyalari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Dori shakli:

 dozalangan nazal sprey.

 

Tarkibi:

10 ml (10 doza) sprey quyidagilarni saqlaydi:

faol modda: 0,1 mg desmopressin atsetati, bu 0,089 mg desmopressin asosiga ekvivalent;

yordamchi moddalar: natriy xloridi, limon kislotasi monogidrati, natriy gidrofosfat digidrati, benzalkoniy xloridi, tozalangan suv.

 

Taʼrifi:

 tiniq, rangsiz eritma.

 

Farmakoterapevtik guruhi:

 Tizimli qoʻllash uchun gormon preparatlari. Vazopressin va uning analoglari.

 

Saqlash sharoiti

25°S dan yuqori boʻlmagan haroratda saqlansin.

Preparatni birinchi marta qoʻllagandan keyin vertikal holatda saqlansin.

 

Yaroqlilik muddati

3 yil. Preparatni birinchi marta qoʻllagandan keyin 25°S dan yuqori boʻlmagan haroratda 2 oy davomida saqlansin.

 

Dorixonalardan berish tartibi

Retsept boʻyicha.

Farmakologik xususiyatlari

Farmakodinamikasi

Desmopressin – tabiiy odam gormoni L-arginin-vazopressinning sintetik analogidir, undan birinchi holatda sisteinning aminoguruhini yoʻqotilishi, L-arginin esa D-arginin stereozomeriga almashinishi bilan farq qiladi. Bu oʻzgarishlar vazopressiv  molekulasining taʼsiri sezilarli darajada susayishi, ayni vaqtda antidiuretik taʼsiri koʻp marta kuchayishiga  va davomiyligini oshishiga olib keladi.

Desmopressin buyrakning egri-bugri kanalchalari va toʻgʻri kanalchalarining distal sohalaridagi epiteliyning suv oʻtkazuvchanligini va muvofiq ravishda birlamchi xosil boʻlgan siydikdan suvni qayta soʻrilishini oshiradi. Desmopressin intranazal yuborilganda qandsiz diabetni davolash uchun zarur boʻlgan doza ahamiyatli darajada inter va intraindividual farq qiladi. Intranazal yuborilganda 20 mkg desmopressin taʼsirining oʻrtacha samaradorligi 10 soatdan koʻproq saqlanadi.

Intranazal yuborilgandan keyin desmopressinning biokiraolishligi taxminan 10% ni tashkil qiladi.

Farmakokinetikasi

Soʻrilishi. Biokiraolishligi taxminan 3-5% ni tashkil qiladi. Qon plazmasidagi maksimal konsentratsiyasiga taxminan 1 soatdan keyin erishiladi.

Taqsimlanishi. Desmopressinni taqsimlanishi chiqarilish fazasida 0,3-0,5 l/kg taqsimlanish xajmi bilan ikki fazali modelda yaxshiroq taʼriflangan.

Biotransformatsiyasi. Desmopressin metabolizmining in vivo sharoitdagi tadqiqotlari oʻtkazilmagan. In vitro sharoitda oʻtkazilgan odam jigar xujayralarining mikrosomal metabolizm tadqiqotlari sitoxrom R450 tizimi tomonidan metabolizmga uchragan desmopressinning biron-bir ahamiyatli miqdori borligini aniqlamagan. Shunday qilib, in vivo sharoitda desmopressinning jigardagi metabolizmga uchrashining ehtimoli kam. Desmopressinning boshqa dori vositalarining farmakokinetikasiga taʼsiri, ehtimol sitoxrom R450 tizimiga taʼsirini yoʻqligi tufayli minimal.

Chiqarilishi. Desmopressinning buyrak klirensi soatiga 7,6 l ni, yakuniy yarim chiqarilish davri esa – 2,8 soatni tashkil qiladi. Sogʻlom odamlarda oʻzgarmagan koʻrinishda ajratib chiqarilgan ulushi 52% (44-60%) ni tashkil qiladi.

 

 

Qoʻllanilishi

Antidiuretik vosita sifatida:

  • markaziy genezli qandsiz diabetni davolash;
  • gipofizektomiya, gipofiz sohasidagi operatsiya yoki bosh miya jarohatidan keyin antidiuretik gormonni tranzitor yetishmovchiligi yoki yoʻqligi boʻlganida jarohatdan keyingi poliuriya va polidipsiyada.

Diagnostik vosita sifatida:

  • buyrakning konsentratsion qobiliyatini aniqlash uchun ekspress-test sifatida;
  • qandsiz diabetning differensial diagnostikasi uchun qoʻllanadi.

 

Qoʻllash usuli va dozalari

Preparat intranazal qoʻllanadi.

Qoʻllashdan oldin burunni tozalash kerak. Nazal applikatorni burun teshigiga kiritish va 1 marta bosish kerak. 1 marta purkashda 10 mkg dozani chiqishi taʼminlanadi.

Agar yuqoriroq dozani yuborish talab etilsa, preparatni burunning boshqa teshigiga yuborish kerak. Purkaganda burun orqali erkin nafas olish kerak. Qoʻllagandan keyin applikatorga himoya qalpoqchasini kiydirish kerak.

Qandsiz diabet va posttravmatik poliuriya va markaziy genezli polidipsiya

Dozani individual ravishda tanlash kerak. Bolalar uchun oʻrtacha sutkalik dozasi 10 mkg, kattalar uchun – 10-20 mkg ni tashkil qiladi. Minirin nazal spreyning 10 mkg dan past dozalarini qoʻllash mumkin emas.

Agar suyuqlikni tutilish va/yoki giponatriyemiya belgilari kuzatilsa, davolashni vaqtincha toʻxtatish va dozaga tuzatish kiritish kerak.

Intranazal yuborish (sutkalik dozani 1-2 bir martalik dozaga boʻlish kerak)

 

Sutkalik doza (mkg)

Yordamida yuborish

Kattalar

10-20 mkg

1-2 purkash

1 yoshdan oshgan bolalar

10 mkg

1 purkash

Dovolashni boshlashdan oldin shifokor preparatning dozasini optimal darajada titrlash uchun siydik miqdori va siydikning osmolyalligini aniqlashi kerak. Davolash samarasizligida dozani oshirish kerak. Davolash ikkita parametrga: uyquni adekvat davomiyligi va adekvat suv muvozanatiga qaratilgan boʻlishi kerak.

Buyrakning konsentratsion qobiliyatini aniqlash uchun va qandsiz diabetning differensial diagnostikasi uchun ekspress-test

Intranazal yuborish

 

Sutkalik doza (mkg)

Yordamida yuborish

Kattalar

1x40 mkg

4 purkash

1 yoshdan oshgan bolalar

1x20 mkg

2 purkash

1 yoshgacha boʻlgan bolalar

1x10 mkg

1 purkash

Ekspress-test qandsiz diabet va boshqa genezli poliurik sindrom oʻrtasida differensial diagnostika uchun, shuningdek siydik chiqarish yoʻllarining infeksiyasi (sistit, piyelonefrit) bilan bogʻliq buyrakning konsentratsion qobiliyatini pasayishini aniqlash uchun qoʻllanadi. U shuningdek tubulointerstitsial shikastlanishni, masalan litiy preparatlari, analgetiklar, ximioterapevtik preparatlar va immunosupressorlar chaqirgan shikastlanishlarni erta diagnostikasi uchun qoʻllanadi.

Testni boshlashdan oldin siydikning osmolyalligini aniqlash kerak. Desmopressin yuborilgandan keyin siydikning 2 sinamasi olinadi (2 va 4 soatdan keyin olgan afzal). Birinchi soat davomida olingan siydikni alohida toʻplash va toʻkib yuborish kerak. Siydikning ikkala sinamasida osmolyallikni aniqlash kerak. Buyrakning konsentratsion qobiliyatini aniqlash uchun osmolyallikning erishilgan eng yuqori koʻrsatkichi tekshiruvdan oldingi koʻrsatkich yoki patsiyentning yoshiga mos referent koʻrsatkich (kattalar uchun 800-1000 mOsm/kg) bilan solishtiriladi. Siydikning osmolyalligining past koʻrsatkichi, uni oshmasligi yoki biroz oshishi buyrakning konsentratsion qobiliyatini buzilishidan dalolat beradi. Agar siydikning osmolyalligi sezilardi darajada oshsa, siydikning xajmi esa sezilarli darajada kamaysa, bu poliuriya markaziy genezli qandsiz diabet bilan bogʻliqligini koʻrsatadi.

Bolalar.

Bolalarda preparatning dozasini nazorat qilish maqsadida kattalar kuzatuvi ostida qoʻllanadi.

1 yoshgacha boʻlgan bolalarda buyrakning konsentratsion qobiliyatini aniqlash uchun test faqat keyinchalik kuzatuv bilan statsionar sharoitda oʻtkaziladi.

 

Nojoʻya reaksiyalari

Desmopressinni qoʻllash bilan bogʻliq eng jiddiy nojoʻya reaksiya boʻlib giponatriyemiya hisoblanadi, bu bosh ogʻrigʻi, koʻngil aynishi, qusish, qon zardobida natriyning konsentratsiyasini pasayishi, tana vaznini oshishi, umumiy lohaslik, qorinda ogʻriq, mushak tirishishlari, bosh aylanishi, ongni chalkashishi, ongni pasayishi va ogʻir hollarda – tirishishlar va komaga olib kelishi mumkin.

Koʻpgina boshqa holatlar jiddiy emas sifatida tasniflangan.

Davolash vaqtida eng koʻp qayd etilgan nojoʻya reaksiyalar boʻlib burunni bitishi (27%), yuqori tana harorati (15%) va rinit (12%) hisoblanadi. Boshqa tarqalgan nojoʻya reaksiyalar boʻlib bosh ogʻrigʻi (9%), yuqori nafas yoʻllari infeksiyalari (7%), qorinda ogʻriq (5%) hisoblanadi. Klinik tadqiqotlar jarayonida anafilaktik reaksiyalar kuzatilmagan, lekin yakka xabarlar olingan.

Minirin nazal spreyni markaziy genezli qandsiz diabet (MGQD), birlamchi tungi enurezni davolash va buyrakning konsentratsion qobiliyatini tekshirish uchun qabul qilgan bolalar va kattalar ishtirok etgan koʻrsatilgan preparatning klinik tadqiqotlari jarayonida qayd etilgan nojoʻya reaksiyalar yuzaga kelish tez-tezligi boʻyicha koʻrsatilgan. Shuningdek barcha koʻrsatmalarda qayd etilgandan keyingi davrda xabar berilgan reaksiyalar ham keltirilgan. Faqat qayd etilgandan keyingi davrda yoki desmopressinning boshqa dori shaklini qoʻllaganda kuzatilgan reaksiyalar “Tez-tezligi nomaʼlum” sifatida koʻrsatilgan.

Nojoʻya reaksiyalar tez-tezligi boʻyicha quyidagicha taqsimlangan:

Juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1000 dan <1/100 gacha), yakka hollarda (≥1/10000 dan <1/1000 gacha), kam hollarda (<1/10000), tez-tezligi nomaʼlum.

Immun tizimi tomonidan: tez-tezligi nomaʼlum – allergik reaksiya.

Moddalar almashinuvi va oziqlanish tomonidan: tez-tez emas – giponatriyemiya; tez-tezligi nomaʼlum – suvsizlanish***.

Ruhiyat tomonidan: tez-tez – uyqusizlik, affektiv labillik**, tungi dahshatlar**, asabiylik**, tajavuzkoroik**; tez-tezligi nomaʼlum – ongni chalkashish holatlari*.

Nerv tizimi tomonidan: tez-tez – bosh ogʻrigʻi; yakka holatlarda – bosh miya shishi, giponatriyemik tirishishlar; tez-tezligi nomaʼlum – tirishishlar*, koma*, bosh aylpnishi*, uyquchanlik.

Yurak-qon tomir tizimi tomonidan: tez-tezligi nomaʼlum – arterial gipertenziya.

Nafas, koʻkrak qafasi va koʻks oraligʻi aʼzolari tomonidan: juda tez-tez – burunni bitishi, rinit; tez-tez – burundan qon ketishi, yuqori nafas yoʻllari infeksiyalari**; tez-tezligi nomaʼlum – hansirash.

Meʼda-ichak yoʻllari tomonidan: tez-tez – gastroenterit, koʻngil aynishi, qusish, qorinda ogʻriq; tez-tezligi nomaʼlum – diareya.

Teri va teri osti toʻqimalari tomonidan: kam hollarda – allergik reaksiyalar, oʻta yuqori sezuvchanlik reaksiyalari (qichishish, ekzantema, isitma, bronxospazm, anafilaksiya); tez-tezligi nomaʼlum – toshma, eshakemi.

Suyak-mushak va biriktiruvchi toʻqima tomonidan: tez-tezligi nomaʼlum – mushak spazmlari*.

Umumiy buzilishlar va yuborish joyidagi buzilishlar: kam hollarda – allergik reaksiyalar, oʻta yuqori sezuvchanlik reaksiyalari (qichishish, ekzantema, isitma, bronxospazm, anafilaksiya); tez-tezligi nomaʼlum – yuqori toliqish*, periferik shish*, koʻkrak qafasida ogʻriq, qaltirash.

Tekshiruv: juda tez-tez – yuqori tana harorati**; tez-tezligi nomaʼlum – tana vaznini oshishi*.

*Giponatriyemiya tufayli qayd etilgan

**Asosan bolalar va oʻsmirlarda qayd etilgan

***MGQD ni davolash uchun qoʻllanilganda qayd etilgan.

Ayrim nojoʻya reaksiyalarning taʼrifi

Desmopressinni qoʻllaganda kuzatiladigan eng jiddiy nojoʻya reaksiya boʻlib giponatriyemiya hisoblanadi, “tez-tez emas” tez-tezligida qayd etilgan.

Yurak-qon tomir tomonidan buzilishlar

Suyuqlikni qayta soʻrilishini oshishi tufayli arterial bosim oshishi mumkin, ayrim hollarda esa arterial gipertenziya rivojlanishi mumkin. Yurak ishemik kasalligi boʻlgan patsiyentlarda stenokardiya xurujlari paydo boʻlishi mumkin.

Yuqorida sanab oʻtilgan nojoʻya samaralardan allergik reaksiyalardan tashqari saqlanish yoki bartaraf etilishiga dozani kamaytirish yoʻli bilan erishish mumkin.

Bolalar.

Giponatriyemiya qaytuvchan holat hisoblanadi, bolalarda u koʻpincha suvni isteʼmol qilish va/yoki terlashga taʼsir koʻrsatuvchi kun tartibini oʻzgarishi tufayli kuzatiladi.

Patsiyentlarning boshqa alohida guruhlari.

Bolalarda, keksa yoshdagi patsiyentlarda va zardobdagi natriyning konsentratsiyasi normaning pastki chegarasida boʻlgan patsiyentlarda giponatriyemiyaning yuqori xavfi kuzatilishi mumkin.

 

Qoʻllash mumkin boʻlmagan holatlar
  • desmopressin yoki preparatning har qanday komponentiga yuqori sezuvchanlik;
  • birlamchi yoki psixogen polidipsiya (siydik ishlab chiqarilishiga olib keladi, bu 40 ml/kg/24 soatdan oshadi), alkogolizmi boʻlgan bemorlardagi polidipsiya;
  • Villebrand klassik kasalligining ogʻir shakllari (IIb tip), VIII omil faolligini 5% gacha pasayishi va VIII omilga antitelalarni mavjudligi;
  • yurak yetishmovchiligi va diuretiklarni buyurishni talab etuvchi boshqa holatlar;
  • giponatriyemiya;
  • oʻrtacha yoki ogʻir buyrak yetishmovchiligi (kreatinin klirensi minutiga 50 ml dan kam);
  • antidiuretik gormon sekretsiyasini buzilishi sindromida qoʻllash mumkin emas.

 

Dorilarning oʻzaro taʼsiri

Antidiuretik gormonni noadekvat sekretsiyasi sindromini (AGNSS) chaqirishi mumkin boʻlgan preparatlar, masalan tritsiklik antidepressantlar, serotoninni qayta qamrab olinishining selektiv ingibitorlari, xlorpromazin va karbamazepin, shuningdek sulfonilmochevina sinfiga mansub ayrim diabetga qarshi preparatlar (xususan xlorpropamid) antidiuretik samarani kuchaytirishi va suyuqlikni tutilishi yoki giponatriyemiya xavfini oshirishi mumkin.

Nosteroid yalligʻlanishga qarshi dori vositalari suyuqlikni tutilishi yoki giponatriyemiyaga olib kelishi mumkin.

Oksitotsinni bir vaqtda qoʻllaganda antidiuretik samarani kuchayishi va bachadon perfuziyasini pasayishini eʼtiborga olish kerak.

Klofibrat va indometatsin desmopressinning antidiuretik samarasini kuchaytirishi mumkin, ayni vaqtda glibenklamid va litiy tuzlarini uni susaytirishi mumkin.

Agar yuqorida koʻrsatilgan dori vositalari bir vaqtda qoʻllanilsa, arterial bosim, qon plazmasida natriyning konsentratsiyasi va siydik chiqarilishini nazorat qilish kerak.

Desmopressinni jigarda metabolizmga taʼsir koʻrsatuvchi preparatlar bilan oʻzaro taʼsirining ehtimoli kam, chunki in vitro sharoitda odam jigar xujayralarining mikrosomal metabolizmini  desmopressinning ahamiyatli darajada metabolizmlanishini koʻrsatmagan. Lekin in vivo sharoitda rasmiy tadqiqotlar oʻtkazilmagan.

 

 

Maxsus koʻrsatmalar

Minirin nazal spreyni faqat desmopressinni peroral qoʻllash mumkin boʻlmagan holatlardagina qoʻllash kerak. Davolashni eng past dozalardan boshlash, dozani asta-sekin oshirish, ehtiyotkorlikka rioya qilish kerak.

 Desmopressin bilan davolash suyuqlikni isteʼmol qilishni cheklash bilan olib borilmasa maʼlum belgilar va simptomlar bilan yoki ularsiz (bosh ogʻrigʻi, koʻngil aynishi/qusish, tana vaznini oshishi va shishlar) suyuqlikni tutilishi va/yoki giponatriyemiyaga olib kelishi mumkin. Ogʻir holatlarda bosh miya shishi, tirishishlar va koma rivojlanishi mumkin.

Barcha patsiyentlarni, ota-onalarni (agar patsiyent bola boʻlsa) va tibbiyot hodimlarni suyuqlik bilan yuklamalani oshirishdan (shu jumladan suvda suzganda ham) saqlanish zarurligi haqida ogohlantirish kerak. Qusish yoki diareya yuzaga kelgan hollarda, suyuqlik muvozanati tiklanmaguncha desmopressinni qoʻllashni toʻxtatish kerak.

Tavsiya etilgan boshlangʻich dozani qabul qilishga  rioya qilinishi va vazopressin sekretsiyasini oshiruvchi preparatlarni yondosh qoʻllashni inkor etilishi orqali giponatriyemik tirishishlar xavfi minimumga yetkazilishi mumkin.

Preparatni diagnostik maqsadda qoʻllanilganda preparatni yuborishdan 1 soat oldin va yuborilgandan keyin kamida 8 soat davomida suyuqlikni  1 soatda 0,5 l dan oshmaslik tartibiga rioya qilish kerak.

Markaziy genezli qandsiz diabetni davolaganda ogʻir giponatriyemiya Minirin nazal spreyni qoʻllash bilan bogʻliq boʻlishi mumkin.

Burun shilliq qavatini shikastlanishlari (masalan chandiq, shish) boʻlganda intranazal yuborish preparatni soʻrilishini buzilishiga olib kelishi mumkin. Bunday hollarda desmopressinni qoʻllash mumkin emas.

Tana vaznini oshishi dozani oshirib yuborilishi yoki koʻpincha gipergidratatsiya bilan bogʻliq boʻlishi mumkin.

Suyuqlikni tutilishini patsiyentning tana vaznini monitoringi, shuningdek qon plazmasida natriyning konsentratsiyasini yoki plazmaning osmolyalligini aniqlash orqali nazorat qilish kerak.

Davolashni boshlashdan oldin qovuqning ogʻir darajadagi disfunksiyasi va qovuqning chiqish teshigini obstruksiyasi yoʻqligiga ishonch hosil qilish kerak.

Bolalarda, keksa yoshdagi patsiyentlarda va qon zardobida natriyning konsentratsiyasi past boʻlgan patsiyentlarda giponatriyemiya xavfi yuqori boʻladi. Tizimli infeksiyalar, isitma, gastroenterit kabi suyuqlik va/yoki elektrolit disbalansiga olib kelishi mumkin boʻlgan oʻtkir interkurrent kasalliklar rivojlangan hollarda desmopressin bilan davolashni toʻxtatish yoki uning dozasiga tuzatish kiritish kerak.

Minirin nazal spreyni quyidagi holatlarda ehtiyotkorlik bilan qoʻllash kerak:

  • bosh miya ichki bosimini oshishi xavfi boʻlgan patsiyentlarda;
  • suyuqlik va/yoki elektrolit disbalansi bilan xarakterlanadigan holatlarda;
  • trombozlar rivojlanishi xavfi boʻlgan patsiyentlarda.

Quyidagi holatlarda giponatriyemiyani oldini olishga qaratilgan choralar koʻrish, shu jumladan suyuqlikni isteʼmol qilishni cheklash va qon zardobida natriyning konsentratsiyasini muntazam aniqlash kerak:

  • Antidiuretik gormonni noadekvat sekretsiyasi sindromi (AGNSS) chaqirishi mumkin boʻlgan preparatlar, masalan tritsiklik antidepressantlar, serotoninni qayta qamrab olinishining selektiv ingibitorlari, xlorpromazin, karbamazepin va sulfonilmochevina sinfiga mansub diabetga qarshi ayrim preparatlarni bir vaqtda qoʻllaganda;
  • nosteroid yalligʻlanishga qarshi dori vositalari bilan bir vaqtda davolaganda.

Qayd etilgan keyingi davrda markaziy genezli qandsiz diabetni davolash uchun qoʻllanilgan nazal sprey tarkibida desmopressin mavjudligi bilan bogʻliq ogʻir giponatriyemiya rivojlanishi haqida bir necha xabarlar boʻlgan.

Mukovissidozi boʻlgan bemorlarda Minirin nazal spreyni ehtiyotkorlik bilan qoʻllash kerak.

Gipergidratatsiyani oldini olish uchun suv muvozanatini tutib turish kerak.

Preparat tarkibida mavjud boʻlgan benzalkoniy xloridi konservanti, ayniqsa uzoq vaqt qoʻllanilganda burun shilliq qavatining shishini chaqirishi mumkin. Agar bunday reaksiyaga (surunkali tumov) gumon boʻlganda, patsiyentni preparatning konservantsiz nazal shakliga oʻtkazish kerak. Agar bunday preparatlar mavjud boʻlmasa, preparatni boshqa dori shaklida qoʻllash imkonini koʻrib chiqish kerak.

Homiladorlik yoki emizish davrida qoʻllanishi

Desmopressinning nazal shaklini homiladorlik yoki emizish davrida qoʻllanishining klinik tadqiqotlari ona yoki bola uchun biron bir salbiy oqibatlarini aniqlamagan. Minirin nazal spreyni homiladorlik vaqtida antidiuretik gormon tanqisligini oʻrinbosar davolash uchun qoʻllash mumkin.

Qandsiz diabeti boʻlgan homilador ayollar (n=53) va gemorragik asoratlari boʻlgan homilador ayollar (n=216) ishtirokida oʻtkazilgan tadqiqotning chop etilgan maʼlumotlari desmopressinning homiladorlikka va homila yoki yangi tugʻilgan chaqaloqning sogʻligiga nojoʻya taʼsirini aniqlamagan. Hozirgi vaqtda boshqa tegishli epidemiologik maʼlumotlar mavjud emas. Hayvonlarda oʻtkazilgan tadqiqotlar homiladorlik, homilani embrional/fetal rivojlanishi, tugʻruq yoki tugʻruqdan keyingi rivojlanishga bevosita yoki bilvosita noxush taʼsirini aniqlamagan.

Homilador ayollarga desmopressinni ehtiyotkorlik bilan buyurish kerak.

Reproduktiv funksiya yuzasidan hayvonlarda oʻtkazilgan tadqiqotlar hayvonlarga va ularning avlodiga klinik relevant taʼsir aniqlamagan. In vitro sharoitda odam yoʻldoshi kotiledoni modelining tahlili, desmopressinni tavsiya etilgan dozaga muvofiq terapevtik konsentratsiyalarda qoʻllanilganda desmopressinni yoʻldosh orqali oʻtkazilishi kuzatilmasligini namoyish qilgan.

Desmopressinning yuqori dozalarini (300 mkg intranazal) qabul qilgan onalarning koʻkrak sutining tahlil natijalari chaqaloqqa oʻtishi mumkin boʻlgan desmopressinning miqdori diurezga taʼsir koʻrsatishi uchun zarur boʻlgan miqdorda sezilarli darajada kamligidan dalolat beradi.

Faqat Minirin nazal spreyning juda kam miqdori koʻkrak sutiga oʻtadi.

Avtotransportni yoki boshqa mexanizmlarni boshqarganda reaksiya tezligiga taʼsir koʻrsatish qobiliyati

Minirin nazal sprey avtotransport yoki boshqa mexanizmlarni boshqarish qobiliyatiga taʼsir qilmaydi yoki juda ahamiyatsiz darajada taʼsir koʻrsatadi.

Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Minirin nazal spreyining dozasini oshirib yuborilishi suyuqlikni tutilishi va giponatriyemiya xavfini oshishi bilan kechuvchi taʼsir davomiyligini oshishiga olib keladi.

Dozani oshirib yuborilishi simptomlari quyidagi holatlarda yuzaga kelishi mumkin:

  • haddan tashqari yuqori doza qoʻllanilganda;
  • desmopressinni qoʻllash vaqtida yoki qoʻllagandan keyin yaqin orada haddan tashqari koʻr suyuqlik isteʼmol qilganda;
  • intranazal yuborilganda soʻrilishi uchun alohida sharoitlarni mavjudligida.

Dozani oshirib yuborilishi tana vaznini oshishi (suyuqlikni tutilishi), bosh ogʻrigʻi, koʻngil aynishi, oʻrtacha gipertenziya, taxikardiya, qizib ketish hissi, ogʻir hollarda – gipergidratatsiya va tirishishlar kabi simptomlar bilan namoyon boʻladi.

Bolalarda dozani oshirib yuborilishi dozani yetarli darajada sinchkovlik bilan tanlamaslik oqibatida yuzaga kelishi mumkin.

Doza oshirib yuborilganda ogʻirlik darajasiga qarab dozani kamaytirish, alohida qabul qilishlar orasidagi intervalni oshirish yoki preparatni qoʻllashni toʻxtatish kerak. Bosh miyani shishini mavjudligi patsiyentni darhol reanimatsiya boʻlimiga gospitalizatsiyasini talab etadi. Bolalardagi tirishishlar ham darhol jadal davolashni talab etadi. Desmopressinga spetsifik antidot yoʻq. Agar diuretik davolash uchun koʻrsatmalar boʻlsa, saluretiklarni, masalan furosemidni qoʻllash mumkin.

 

Chiqarilish shakli

5 ml dan toʻq shisha flakonda (dozalovchi moslama, nazal applikator va himoya qalpoqchali); 1 flakondan karton qutida.