Ilovani yuklab oling
Yuklab olish
Меропенем (Merianz)

Oson Apteka - Dorixonalar ma'lumotnomasi

Меропенем (Merianz) ПОРОШОК ДЛЯ ИНЪЕКЦИИ 1Г №1

55 000 so'mdan
(4090)
Dorixonalardagi narx
Xususiyatlari
Xalqaro nomi
Ishlab chiqaruvchi
ИНДИЯ
Chiqarilish shakli
ПОР Д/ИН
Farma. Guruh
Антибиотики
Dori tafsilotlari
Dori shakli:
Tarkibi:
Taʼrifi:
Farmakoterapevtik guruhi:
Farmakologik hususiyatlari
Farmakokinetikasi
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli:

Inyeksion eritma tayyorlash uchun kukun.

 

Tarkibi:

Har bir flakon quyidagilarni saqlaydi:

Faol modda: Meropenem – 500 mg yoki 1000 mg.

Yordamchi modda: natriy karbonati.

 

 

Taʼrifi:

 Oq yoki deyarli oq rangli kristall kukun.

 

Farmakoterapevtik guruhi:

 Antibiotik (karbapenemlar guruhi).

Farmakologik hususiyatlari

Parenteral qoʻllash uchun moʻljallangan karbapenemlar guruhiga mansub, odamning degidropeptidaza-1 (DGP-1) fermentiga chidamli, boʻlgan antibiotik boʻlib, DGP-1 ingibitorini qoʻshimcha yuborishni talab etmaydi. Meropenem bakteriyalarning hujayra devori sinteziga taʼsiri qilishi hisobiga bakteritsid taʼsir koʻrsatadi. Meropenemni aerob va anaerob bakteriyalarning keng taʼsir doirasiga qarshi kuchli bakteritsid taʼsiri bakteriyalarning hujayra devori orqali oʻtish hususiyatini yuqoriligi, koʻpchilik β-laktamazalarga barqarorlik darajasini yuqoriligi va penitsillinni bogʻlovchi oqsillar (PBO) ga ahamiyatli darajada affinligi (yaqinligi) bilan tushuntiriladi. Minimal bakteritsid konsentratsiyasi (MBK) odatda minimal ingibitsiya qiluvchi konsentratsiyasi (MIK) kabi boʻladi. Sinamalar oʻtkazilgan bakteriyalarning turlarini 76% uchun MBK/MIK nisbati 2 yoki undan kam boʻlgan. In vitro sharoitlarda aniqlangan meropenemning antibakterial faollik doirasiga deyarli barcha klinik ahamiyatli grammusbat va grammanfiy, aerob va anaerob mikroorganizmlar kiradi.

Grammusbat aerob bakteriyalar:

Bacillus spp., Corynebacterium diphtheriae, Enterococcus faecalis, Lactobacillus spp., Staphylococcus aureus (penitsillinazani ishlab chiqaradigan va ishlab chiqarmaydigan shtammlari), koagulaza-manfiy stafilokokklar, shu jumladan Staphylococcus epidermidis, Staphylococcus saprophyticus, Staphylococcus intermedius, Streptococcus pneumoniae (penitsillinga sezgir va chidamli shtammlari), Streptococcus agalactiae, Streptococcus pyogenes, Streptococcus bovis, Streptococcus viridansi.

Grammanfiy aerob bakteriyalar:

Acinetobacter baumannii, Campylobacter solli, Campylobacter jejuni, Citrobacter freundii, Citrobacter diversus, Enterobacter aerogenes, Escherichia solli, Haemophilus influenzae (shu jumladan, β-laktamazani ishlab chiqaradigan shtammlari va ampitsillinga rezistent shtammlari), Haemophilus parainfluenzae, Helicobacter pylori, Neisseria gonorrhoeae (shu jumladan, β-laktamazani ishlab chiqaradigan va penitsillin va spektinomitsinga chidamli shtammlari), Klebsiella pneumoniae, Klebsiella aerogenes, Moraxella catarrhalis, Morganella morganii, Proteus mirabilis, Proteus vulgaris, Pseudomonas aeruginosa, Salmonella spp., Vibrio cholerae.

Anaerob bakteriyalar:

Bacteroides fragilis, Bacteroides coagulans, Bacteroides uniformis, Clostridium perfringens, Clostridium sporogenes, Clostridium innocuum, Fusobacterium mortiferum, Fusobacterium varium, Peptostreptococcus anaerobius, Peptostreptococcus micros, Peptostreptococcus saccharolyticus, Propionibacterium acnes, Propionibacterium avidium.

Stenotrophomonas maltophilia, Enterococcus faecium va metitsillinga rezistent stafilokokklar preparatga chidamlidir.

 

Farmakokinetikasi

Sogʻlom koʻngillilarga meropenemning bir dozasini vena ichiga 30 minut davomida yuborish qon plazmasida 500 mg dozasi uchun 23 mkg/ml, 1 g dozasi uchun 49 mkg/ml ga teng choʻqqi konsentratsiyasiga olib keladi.

500 mg preparat vena ichiga yuborilganidan soʻng 6 soatdan keyin plazmada meropenemning darajasi 1 mkg/ml va undan kam qiymatgacha pasayadi. Buyrak faoliyati normal boʻlgan patsiyentlarga meropenem 8 soatlik interval bilan koʻp marta yuborilganida, preparatni toʻplanishi kuzatilmaydi. Buyrak faoliyati normal boʻlgan patsiyentlarda yarim chiqarilish davri taxminan 1 soatni tashkil etadi. Plazma oqsillari bilan bogʻlanishi taxminan 2% ni tashkil etadi. Meropenem organizmning koʻpchilik toʻqima va suyuqliklariga, shu jumladan bakterial meningiti boʻlgan bemorlarning serebrospinal suyuqligiga yaxshi oʻtadi, koʻpchilik bakteriyalarni bostirish uchun talab etilgan konsentratsiyadan yuqori boʻlgan konsentratsiyaga erishiladi. Bolalarda oʻtkazilgan tadqiqotlar, meropenemning farmakokinetikasi bolalarda va kattalarda oʻxshashligini koʻrsatdi. 3 oylikdan 2 yoshgacha boʻlgan bolalarda meropenemning yarim chiqarilish davri taxminan 1,5 soatni tashkil etadi, 10-40 mg/kg dozalar diapazonida toʻgʻri proporsional bogʻliqlik kuzatiladi.

Buyrak yetishmovchiligi boʻlgan patsiyentlarda meropenemning klirensi kreatinin klirensi bilan mos keladi. Bunday bemorlarda preparatning dozasiga tuzatish kiritish kerak. Keksa yoshdagi patsiyentlarda meropenemning klirensini pasayishi, kreatinin klirensini yoshga qarab pasayib borishi bilan mos keladi.

Jigar kasalliklari boʻlgan patsiyentlarda meropenemning farmakokinetikasini tekshirish, ushbu patologik oʻzgarishlarni meropenemning farmakokinetikasiga taʼsir qilmasligini koʻrsatdi.

 

Qoʻllanilishi

Meropenem bolalar va kattalarda meropenemga sezgir bir yoki bir necha qoʻzgʻatuvchilar chaqirgan quyidagi infeksiyalarni davolash uchun qoʻllaniladi:

  • sepsis;
  • qorin boʻshligʻi infeksiyalari (shu jumladan, asoratlangan appenditsit, peritonit, pelvioperitonit);
  • ginekologik infeksiyalar (shu jumladan, endometrit);
  • teri va yumshoq toʻqimalarning infeksiyalari (shu jumladan saramas, impetigo, ikkilamchi infeksiyalangan dermatozlar);
  • bakterial meningit;
  • quyi nafas yoʻllarining infeksiyalari (shu jumladan, pnevmoniya, shuningdek gospital pnevmoniya);
  • siydik chiqarish tizimining infeksiyalari (shu jumladan, piyelonefrit, piyelit);
  • febril neytropeniya simptomlari boʻlgan katta yoshdagi patsiyentlarda infeksiyaga gumon qilinganida empirik davolash (monoterapiya holida yoki viruslarga qarshi yoki zamburugʻlarga qarshi dori vositalari bilan majmuada davolash) uchun qoʻllanadi.

Meropenem polimikrob infeksiyalarni davolashda mikroblarga qarshi boshqa dori vositalari bilan majmuada yoki monoterapiya sifatida qoʻllanadi. Meropenem preparatini monoterapiya holida yoki boshqa antibakterial dori vositalari bilan majmuada vena ichiga yuborish mukovissidoz va quyi nafas yoʻllarining surunkali infeksiyalari boʻlgan patsiyentlarga samarali taʼsir qiladi.

 

 

Qoʻllash usuli va dozalari

Kattalar: Preparatning dozasi va davolash davomiyligi infeksiyaning turi va ogʻirligi hamda patsiyentning holatiga qarab belgilanadi. Tavsiya etilgan sutkalik dozalari quyidagilarni tashkil etadi:

Pnevmoniya, shu jumladan kasalxonadan tashqari pnevmoniyani davolashda – vena ichiga 500 mg dan har 8 soatda yuboriladi.

Septitsemiyasi boʻlgan patsiyentlarni davolashda – vena ichiga 500 mg dan har 8 soatda yuboriladi.

Endometrit kabi ginekologik infeksiyalarni davolashda – vena ichiga 500 mg dan har 8 soatda yuboriladi.

Teri va yumshoq toʻqimalarning infeksiyalarni davolashda – vena ichiga 500 mg dan har 8 soatda yuboriladi.

Siydik chiqarish yoʻllarining infeksiyalarini davolashda – vena ichiga 1 g dan har 8 soatda yuboriladi.

Neytropeniyasi boʻlgan patsiyentlarda gumon qilingan infeksiyani davolashda – vena ichiga 1 g dan har 8 soatda yuboriladi.

Kistozli fibrozda tavsiya etilgan dozasi – vena ichiga har 8 soatda 2 g ni tashkil etadi.

Buyrak faoliyatini yetishmovchiligi boʻlgan katta yoshli patsiyentlar uchun dozasi:

Kreatinin klirensi minutiga 51 ml dan kam boʻlgan patsiyentlarda dozani quyida keltirilgan sxema boʻyicha kamaytirish kerak:

Kreatinin klirensi

(ml/min)

Dozasi

(500 mg, 1 g, 2 g dozalar birligi asosida)

Yuborish tez-tezligi

26-50

dozaning bir birligi

har 12 soatda

10-25

dozaning 0,5 birligi

har 12 soatda

< 10

dozaning 0,5 birligi

har 24 soatda

Meropenem organizmdan gemodializ yordamida chiqariladi; agar meropenem bilan uzoq vaqt davolash talab etilsa, plazmada terapevtik samarali konsentratsiyani tiklash uchun doza birligini (infeksiyaning turi va ogʻirligiga qarab) gemodializ muolajasi tugashi bilan yuborish tavsiya etiladi.

Peritoneal dializga kiritilgan bemorlarda meropenemni qoʻllash tajribasi yoʻq.

Jigar faoliyati buzilgan katta yoshli patsiyentlar uchun dozasi: dozasiga tuzatish kiritish talab etilmaydi.

Keksa yoshli patsiyentlar:

Buyrak faoliyatini normal yoki kreatinin klirensi minutiga 50 ml dan koʻp boʻlgan keksa yoshli bemorlarda preparatning dozasiga tuzatish kiritish talab etilmaydi.

Bolalar:

3 oylikdan 12 yoshgacha boʻlgan bolalar uchun tavsiya etilgan dozasi infeksiyaning turi va ogʻirligiga, patogen mikroorganizmning sezgirligiga va patsiyentning holatiga qarab, har 8 soatda 1 kg tana vazniga 10-20 mg ni tashkil etadi. Tana vazni 50 kg dan ortiq boʻlgan bolalarga kattalar uchun moʻljallangan dozani qoʻllash kerak. Kistozli fibroz bilan xastalangan 4 yoshdan 18 yoshgacha boʻlgan bolalar uchun, shuningdek quyi nafas yoʻllarining surunkali infeksiyalarini zoʻrayishini davolash uchun har 8 soatda tana vazniga taxminan 25-40 mg/kg dozalar qoʻllanadi. Meningitda tavsiya etilgan dozasi har 8 soatda tana vazniga 40 mg/kg ni tashkil etadi. Buyrak yetishmovchiligi boʻlgan bolalarda meropenemni qoʻllash tajribasi yoʻq.

 

Nojoʻya taʼsirlari

Ogʻir darajadagi nojoʻya samaralar kam kuzatiladi. Klinik tadqiqotlar vaqtida quyidagi nojoʻya samaralar yuzasidan xabarlar berilgan:

Vena ichiga yuborilgan sohada mahalliy reaksiyalar: yalligʻlanish, tromboflebit, yuborilgan joyda ogʻriq.

Dermatologik reaksiyalar: qichishish, toshma, eshakemi. Kam hollarda koʻp shaklli (ekssudativ) eritema, Stivens-Djonson sindromi va toksik epidermal nekroliz.

Ovqat hazm qilish tizimi tomonidan: qorinda ogʻriq, koʻngil aynishi, qusish, diareya; ayrim hollarda – soxtamembranoz kolit.

 

Qoʻllash mumkin boʻlmagan holatlar

Meropenemga va boshqa beta-laktam antibiotiklariga yuqori sezuvchanlikda qoʻllash mumkin emas.

 

Dorilarning oʻzaro taʼsiri

Probenetsid buyrak naychalari orqali chiqarilishi boʻyicha meropenem bilan raqobatlashadi, shu bilan meropenemning yarim parchalanish davrini uzayishiga va plazmada uning konsentratsiyasini oshishiga olib keladigan buyrak sekretsiyasini susaytiradi. Probenetsidsiz yuborilgan meropenemning taʼsir davomiyligi va samaradorligi bir xil boʻlganligi sababli, probenetsidni meropenem bilan bir vaqtda yuborish tavsiya etilmaydi.

Meropenem boshqa dori vositalari (yuqorida keltirilgan probenetsiddan tashqari) bilan bir vaqtda bironta ham farmakologik noxush oʻzaro taʼsirsiz buyurilgan.

 

Maxsus koʻrsatmalar

Boshqa karbapenemlar va beta-laktam antibiotiklari, penitsillinlar va sefalosporinlar oʻrtasida kesishgan allergenlik mavjud. Meropenem bilan davolashni boshlashdan oldin beta-laktam antibiotiklarga nisbatan oʻta yuqori sezuvchanlik reaksiyalari kuzatilganligini sinchiklab surishtirish kerak.

Anamnezida shunday holatlar kuzatilgan patsiyentlarga meropenem ehtiyotkorlik bilan qoʻllanishi kerak. Meropenemga allergik reaksiya rivojlanganida preparatni qoʻllashni toʻxtatish va tegishli choralarni koʻrish tavsiya etiladi.

Pediatriyada ishlatilishi.

3 oylikkacha boʻlgan bolalarda preparatni qoʻllash samaradorligi va oʻzlashtirilishi baholanmagan, shuning uchun bu yoshdan kichik boʻlgan bolalarga preparatni qoʻllash tavsiya etilmaydi. Jigar va buyrak faoliyatini buzilishi boʻlgan bolalarda preparatni qoʻllash tajribasi yoʻq.

Homiladorlik va laktatsiya davrida qoʻllanishi

Homiladorlik vaqtida meropenemning havfsizligi aniqlanmagan. Hayvonlarda oʻtkazilgan eksperimental tadqiqotlar rivojlanayotgan homilaga biron-bir noxush taʼsir qilishini koʻrsatmadi. Yagona noxush samarasi boʻlib, urgʻochi maymunlarda 13 ta homila tashlash holati aniqlangan. Homiladorlik va laktatsiya davrida homila, goʻdak va ona uchun preparatni qoʻllashdan kutilgan potensial afzallik va boʻlishi mumkin boʻlgan havfni baholash kerak. Har bir holatda preparatni shifokorning bilvosita nazorati ostida qoʻllash kerak. Meropenem hayvonlarning sutida juda past konsentratsiyalarda aniqlanadi. Preparat bilan davolanish vaqtida emizishni toʻxtatish kerak.

Preparatni bolalar ololmaydigan joyda saqlash va uni yaroqlilik muddati oʻtgach ishlatilmaslik lozim.

 

Dozani oshirib yuborilishi

Davolash vaqtida, ayniqsa buyrak faoliyatini buzilishi boʻlgan patsiyentlarda, doza tasodifan oshirib yuborilishi mumkin.

Davolash: simptomatik davolash oʻtkaziladi. Normada preparatni buyraklar orqali tez chiqarilishi kuzatiladi. Buyrak faoliyatini buzilishi boʻlgan patsiyentlarda gemodializ meropenem va uning metabolitlarini organizmdan samarali ravishda ajratib chiqaradi.

 

Chiqarilish shakli

Inyeksion eritma tayyorlash uchun kukun.

 

Saqlash sharoiti

Quruq, yorugʻlikdan himoyalangan joyda, 25oS dan yuqori boʻlmagan haroratda saqlansin.

 

Yaroqlilik muddati

2 yil.

 

Dorixonalardan berish tartibi

Retsept boʻyicha.