Ilovani yuklab oling
Yuklab olish
МЕЛОКСИКАМ ТАБЛЕТКА

Oson Apteka - Dorixonalar ma'lumotnomasi

МЕЛОКСИКАМ ТАБЛЕТКА 15МГ №20

5 500 so'mdan
(4172)
Dorixonalardagi narx
Xususiyatlari
Xalqaro nomi
MELOXICAM
Ishlab chiqaruvchi
ОЗОН
Chiqarilish shakli
ТАБ
Farma. Guruh
Нестероидные противосполительные препараты
Dori tafsilotlari
Saqlash sharoiti
Yaroqlilik muddati
Dorixonalardan berish tartibi
Dori shakli: 
Tarkibi:
Taʼrifi: 
Farmakoterapevtik guruhi: 
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti

Yorugʻlikdan va namlikdan himoyalangan joyda, 25ºS yuqori  boʻlmagan haroratda.

 

Yaroqlilik muddati

 

2 yil.

 

 

Dorixonalardan berish tartibi

Retsept boʻyicha.

Dori shakli: 

tabletkalar

 

Tarkibi:

1 tabletka quyidagilarni saqlaydi:

faol modda: 7,5 mg yoki 15 mg meloksikam;

yordamchi moddalar: mikrokristall sellyuloza, laktoza monogidrati, natriy sitrati, suvsiz kolloid kremniy dioksidi, povidon, krospovidon, magniy stearati.

 

Taʼrifi: 

yassi silindrik, faskali, sariq rangli tabletkalar.

15 mg dozali tabletkalar bir tomonida riskasiga ega.

 

Farmakoterapevtik guruhi: 

nosteroid yalligʻlanishga qarshi preparat (NYAQP).

 

 

Qoʻllanilishi

Faollashgan artritlarni simptomatik qisqa muddatli davolash.

Revmatoid artritni (surunkali poliartrit) yoki ankilozlanuvchi spondiloartritni simptomatik uzoq muddatli davolashda qoʻllaniladi.

 

Qoʻllash usuli va dozalari

Ichga, kuniga bir marta ovqat qabul qilish vaqtida bir stakan suv yoki boshqa suyuqlik bilan qabul qilinadi.

Nojoʻya reaksiyalar paydo boʻlish ehtimoli Meloksikamning dozasini va qabul qilish davomiyligini oshirish oqibatida oshishi tufayli, preparatning eng kichik samarali sutkalik dozasini eng qisqa vaqt davomida buyurish tavsiya etiladi.

Maksimal sutkalik doza 15 mg dan oshmasligi kerak.

Faollashgan artrozlarda: sutkada 7,5 mg (7,5 mg li 1 tabletka yoki 15 mg li ½ tabletka) dan buyuriladi. Terapevtik samara boʻlmaganida dozani sutkada 15 mg gacha oshirish mumkin (7,5 mg li 2 tabletka yoki 15 mg li 1 tabletka).

Revmatoid artrit, ankilozlanuvchi spondiloartritda: sutkada 15 mg (7,5 mg li 2 tabletka yoki 15 mg li 1 tabletka) dan buyuriladi. Terapevtik samaraga qarab dozani sutkada 7,5 mg gacha kamaytirish mumkin.

Alohida guruh patsiyentlari

Keksa yoshdagi patsiyentlarga va nojoʻya reaksiyalarning yuqori xavfi boʻlgan patsiyentlarda revmatoid artrit yoki ankilozlanuvchi spondiloartritni uzoq muddat davolashda tavsiya qilinadigan doza kuniga 7,5 mg dan oshmasligi kerak.

Ogʻir buyrak yetishmovchiligi boʻlgan gemodilizdagi patsiyentlarda  kundalik doza 7,5 mg dan oshmasligi kerak.

Jigar funksiyasini yengil va oʻrtacha darajadagi cheklanishlari boʻlgan patsiyentlarda dozani kamaytirish talab qilinmaydi.

Bolalar va 16 yoshdan kichik oʻsmirlarda: meloksikamni qoʻllash mumkin emas.

 

Nojoʻya taʼsirlari

Yurak-qon tomir tizimi tomonidan: taxikardiya, arterial qon bosimini oshishi, “qizib  ketishlar” hissi.

Markaziy va periferik nerv tizimi tomonidan: bosh ogʻrigʻi, bosh aylanishi, quloqlarni shangʻillashi, dezoriyentatsiya, ongni chalkashishi, uyquni buzilishi, emotsional labillik.

Ovqat hazm qilish tizimi tomonidan: koʻngil aynishi, qusish, kekirish, qorinda ogʻriq, diareya, qabziyat, meteorizm, meʼda-ichak yoʻllari (MIY) ning eroziv-yarali shikastlanishi, meʼda yoki ichak perforatsiyasi, meʼda-ichakdan qon ketishi (yashirin yoki yaqqol), “jigar fermentlari” faolligini oshishi, giperbilirubinemiya, gepatit, kolit, stomatit, ogʻizni qurishi, ezofagit.

Nafas tizimi tomonidan: bronxial astma xurujlari, yoʻtal.

Siydik-jinsiy tizimi tomonidan: shishlar, interstitsial nefrit, buyrak medullyar nekrozi, proteinuriya, gematuriya, buyrak yetishmovchiligi, giperkreatinemiya va/yoki qon zardobida mochevinani oshishi.

Koʻz aʼzolari: konʼyunktivit, koʻrishni noaniqligi.

Allergik reaksiyalar: anafilaktoid reaksiyalar (shu jumladan anafilaktik shok), lablar va tilni shishi, allergik vaskulit.

Qon yaratish tizimi tomonidan: anemiya, leykopeniya, trombotsitopeniya.

Dermatologik reaksiyalar: qichishish, teri toshmasi, eshakemi, koʻp shaklli ekssudativ eritema (shu jumladan Stivens-Djonson sindromi), toksik epidermal nekroliz (Layell sindromi), yuqori fotosezuvchanlik.

Boshqalar: isitma.

 

Qoʻllash mumkin boʻlmagan holatlar
  • preparatning biron-bir komponentlariga oʻta yuqori sezuvchanlik;
  • atsetilsalitsil kislotasiga yoki boshqa NYAQP ga oʻta yuqori sezuvchanlik;
  • “aspirinli” bronxial astma;
  • yaqinda oʻtkazilgan shu jumladan nosteroid yalligʻlanishga qarshi vositalar bilan ilgari davolanish bilan bogʻliq zoʻrayish bosqichidagi meʼda va oʻn ikki barmoq ichak yara kasalligi/yarani perforatsiyasi,;
  • meʼda-ichakdan (oʻtkir va anamnezda), serebrovaskulyar yoki boshqa qon ketishlari;
  • ogʻir buyrak yetishmovchiligi (agar dializ oʻtkazilmasa);
  • ogʻir jigar yetishmovchiligi;
  • ogʻir yurak yetishmovchiligi;
  • bolalar va 16 yoshgacha boʻlgan oʻsmirlar;
  • homiladorlik va laktatsiya davrida qoʻllash mumkin emas.

 

Ehtiyotkorlik choralari

Anamnezida meʼda-ichak yoʻllarining kasalliklarida, surunkali yurak yetishmovchiligida, buyrak yetishmovchiligida, yurak ishemik kasalligida (YUIK), serebrovaskulyar kasalliklarda, dislipidemiya/giperlipidemiyada, qandli diabetda, periferik arteriyalarning kasalligida, keksa yoshdagi patsiyentlarda, NYAQP uzoq muddat qoʻllanganda, chekkanda, tez-tez alkogol isteʼmol qilinganda ehtiyotkorlik bilan qoʻllash kerak.

 

Dorilarning oʻzaro taʼsiri

Boshqa nosteroid yalligʻlanishga qarshi vositalari (shu jumladan salitsilatlar) va kortikosteroidlar bilan bir vaqtda qoʻllanganda meʼda-ichak yoʻllarida eroziv-yarali shikastlanishlar va qon ketishlarni paydo boʻlish xavfi oshadi.

Gipotenziv preparatlar (beta-blokatorlar, diuretiklar, AAF ingibitorlari) bilan bir vaqtda qoʻllanganda gipotenziv preparatlarning samaradorligi kamayishi mumkin.

Litiy preparatlari bilan bir vaqtda qoʻllanganda plazmada litiyning darajasi oshishi mumkin (qonda litiyni konsentratsiyasini nazorat qilish tavsiya qilinadi).

Metotreksat (haftada 15 mg dan yuqori dozada) bilan bir vaqtda qoʻllanganda metotreksatning gematotoksik taʼsiri kuchayadi (umumiy qon tahlilini vaqti-vaqti bilan nazorat qilish kerak).

Diuretiklar va siklosporin bilan bir vaqtda qoʻllanganda degidratatsiyasi boʻlgan patsiyentlarda oʻtkir buyrak yetishmovchiligini rivojlanishining potensial xavfi mavjud.

Bachadon ichki kontratseptiv vositalari bilan bir vaqtda qoʻllanganda bachadon ichki kontratseptiv vositalarining samarodorligini kamayishi mumkin.

Antikoagulyantlar (geparin, tilopidin, varfarin), shuningdek jumladan trombolitik preparatlar bilan bir vaqtda qoʻllanganda qon ketishlarni rivojlanish xavfi oshadi (qon ivish koʻrsatkichlarini  vaqti-vaqti bilan nazorat qilish kerak).

 

Maxsus koʻrsatmalar

Anamnezida meʼda va oʻn ikki barmoq ichak yara kasalligi boʻlgan patsiyentlarda, shuningdek antikoagulyatsion davo qabul qilayotgan patsiyentlarda meʼda-ichak yoʻllarining eroziv-yarali kasalliklarini paydo boʻlish xavfi yuqoridir. Yarali shikastlanishlar paydo boʻlganida dori vositasini qabul qilishni toʻxtatish lozim.

Keksa yoshdagi patsiyentlarda, qon aylanishini yetishmovchiligi bilan kechuvchi surunkali yurak yetishmovchiligi boʻlgan patsiyentlarda, diuretik vositalarni, angiotenzin aylanuvchi ferment (AAF) ingibitori va angiotenzin retseptorlari blokatorlarini qabul qilayotgan patsiyentlarda, jigar sirrozi boʻlgan patsiyentlarda, shuningdek jarrohlik aralashuvlarini natijasidagi gipovolemiya aniqlangan patsiyentlarda preparatni qoʻllanganda suyuqlikni yetarli miqdorda tushishini taʼminlash lozim va ehtiyotkorlikka rioya qilish va buyrak funksiyasi koʻrsatkichlarini nazorat qilish lozim.

Buyrak yetishmovchiligi boʻlgan patsiyentlarda agar kreatinin klirensi minutiga 25 ml dan yuqori boʻlsa, dozaga tuzatish kiritish talab qilinmaydi. Dializdagi patsiyentlar uchun doza sutkada 7,5 mg dan oshmasligi kerak.

Agar davolash jarayonida allergik reaksiyalar (qichishish, teri toshmasi, eshakemi, fotosensibilizatsiya) paydo boʻlgan boʻlsa, preparatni qabul qilishni toʻxtashish masalasi yuzasidan shifokorga murojaat qilish lozim.

Dori vositasi laktoza saqlaydi, shuning uchun kamdan-kam uchraydigan nasliy galaktozani oʻzlashtiraolmaslik, Lapp-laktaza tanqisligi yoki glyukoza/galaktozani soʻrilishini buzilishi boʻlgan patsiyentlar bu dori vositasini qabul qilmasliklari kerak.

Anamnezida gipertoniyasi yengildan dekompensatsiyalangan darajasigacha va/yoki yurak yetishmovchiligi boʻlgan patsiyentlarga muvofiq nazorat va shifokor maslahati talab qilinadi, chunki meloksikamni diuretiklar bilan birga qoʻllash natriy, kaliy va suvni ushlanib qolishiga olib kelishi, shuningdek siydik haydovchi vositalarni natriyuretik taʼsirini kamaytirishi mumkin. Buning natijasida bunga moyil patsiyentlarda yurak yetishmovchiligi yoki gipertenziya belgilari kuchayishi mumkin. Shuning uchun meloksikamni qabul qilishdan oldin arterial bosimni nazorat qilish kerak.

Meloksikam boshqa NYAQP kabi, oʻlimga olib kelishi mumkin boʻlgan jiddiy yurak-qon tomir trombozlari, miokard infarkti, stenokardiya xurujlarini rivojlanish xavfini oshirishi mumkin. Bunday xavf, yuqori dozalarni qoʻllaganda va uzoq vaqt davolanganda, shuningdek anamnezida yuqorida koʻrsatilgan kasalliklar boʻlgan va bunday kasalliklarga (giperlipidemiya, qandli diabet, cheqish) moyiligi boʻlgan patsiyentlarda oshadi.

Tekshirilmagan yuqori arterial qon bosimi, yurak yetishmovchiligi, mavjud YUIK, periferik arterial kasalligi va/yoki serebrovaskulyar kasalligi boʻlgan patsiyentlarda foyda/xavf nisbatini sinchkov baholangandan keyin meloksikamni buyurish haqida qaror qabul qilish lozim.

Homilador boʻlishni hohlagan ayollarga meloksikamni qoʻllash tavsiya qilinmaydi chunki preparat fertillikka taʼsir qilishi mumkin. Ayollarda urugʻlanish qobiliyatini buzilishida yoki bepushtlik yuzasidan tekshiruvlar oʻtkazilganda meloksikamni bekor qilish toʻgʻrisidagi masalani koʻrib chiqish lozim.

Homiladorlik va emizish davrida qoʻllanishi.   

Meloksikamni homiladorlik va laktatsiya (emizish) davrida qoʻllash mumkin emas.

Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Siptomlari: taʼriflangan nojoʻya samaralar kuchayishi mumkin.

Davolash: spetsifik antidot yoʻq. Meʼdani yuvish, faollashtirilgan koʻmirni qabul qilish (yaqin soatlar ichida), simptomatik davolashni oʻtqazish lozim. Xolestiramin preparatni organizmdan chiqarilishini tezlashtiradi.

 

Chiqarilish shakli

10 tabletkadan kontur uyali oʻramda, oʻramda №10x2, №10x3.