Ilovani yuklab oling
Yuklab olish
Лордес СИРОП

Oson Apteka - Dorixonalar ma'lumotnomasi

Лордес СИРОП 2.5мг/5мл 100мл №1

20 000 so'mdan
(2346)
Dorixonalardagi narx
Xususiyatlari
Xalqaro nomi
Ishlab chiqaruvchi
НОБЕЛЬ
Chiqarilish shakli
СИРОП
Farma. Guruh
Pharm Group Name
Dori tafsilotlari
Фармакокинетикаси
Қўлланилиши
Қўллаш усули ва дозалари
Ножўя таъсирлари
Қўллаш мумкин бўлмаган ҳолатлар
Дориларнинг ўзаро таъсири
Дори шакли
Фармакологик хусусиятлари
Махсус кўрсатмалар
Дозани ошириб юборилиши
Сақлаш шароити
Фармакокинетикаси

Дезлоратадин плазмада препарат кабул қилингандан кейин 30 минутдан сўнг аниқланади. Организмда яхши сўрилади, максимал концентрациясига (Сmax) тахминан 3 соат ўтгач эришилади. Тўпланиш даражаси ярим чиқарилиш даври (Т1/2) ва кунига бир марта қабул қилиниши билан мувофиқ келади. Дезлоратадиннинг биокираолишлиги 5 мг дан 20 мг гача бўлган диапазондаги дозага пропорционалдир.

Плазмада протеинлари билан ўрта даражада (83%-87%) боғланади. Препаратни 5 мг дан 20 мг гача бўлган дозаларда кунига бир марта 14 кун давомида қабул қилинганда, унинг организмда клиник аҳамиятли тўпланиши кузатилмаган.

Дезлоратадин организмда экстенсив равишда метаболизмга учрайди; ичга қабул қилинган дозанинг жуда оз қисмигина (<2%) сийдик билан ва ахлат билан (<7%) чиқарилади. Дезлоратадиннинг метаболизмини асосий йўли – глюкурон кислотаси билан боғланиб, 3-ОН-дезлоратадинни ҳосил бўлиши билан 3 позицияда гидроксилланиши ҳисобланади. Препарат кейин глюкуронидли бирикма кўринишида организмдан чиқарилади. Т1/2 20 дан 30 соатгачани (ўртача 27 соат) ташкил қилади. 

Қўлланилиши

Аллергик ринитлар билан боғлиқ симптомларни (аксириш, бурунни оқиши, ажралмалар, бурунни битиши, қичишиш, кўзни қизариши ва ёшланиши, танглайни қичишини) енгиллаштириш, сурункали идиопатик эшакеми бўлган пациентларда қичишишни симптоматик даволаш, тошмалар ўлчами ва миқдорини камайтириш учун қўлланади. 

Қўллаш усули ва дозалари

Сироп: сиропни 6 дан 11 ойликкача бўлган болаларга 2 мл (1,0 мг) дозада кунига бир марта буюрилади.

1 ёшдан 5 ёшгача  бўлган болаларга: 2,5 мл (1,25 мг) кунига бир марта буюрилади.

6 ёшдан 11 ёшгача  бўлган болалар: 5 мл (2,5 мг) кунига бир марта қабул қилиш тавсия қилинади.

Катталар ва ўсмирлар (12 ёш ва ундан катта): сиропни 10 мл дан (5 мг) кунига бир марта қабул қиладилар. 

Ножўя таъсирлари

Сироп: 6 дан 23 ойликкача бўлган чақалоқларда энг кўп учрайдиган ножўя ҳолатлар диарея (3,7%), иситма (2,3%) ва уйқусизлик (2,3%), толиқиш (1,2%), оғиз қуриши (0,8%) ва бош оғриғи (0,6%) ҳисобланади. 

Қўллаш мумкин бўлмаган ҳолатлар

Сироп: препаратга юқори сезувчанлик, 6 ойликкача бўлган болаларда қўллаш мумкин эмас.  

Дориларнинг ўзаро таъсири

Клиник тадқиқотларда препаратни эритромицин ёки кетоконазол билан бирга қабул қилинганда дори препаратлари билан клиник аҳамиятли ўзаро таъсирлари аниқланмаган 

Дори шакли

сироп. 

Фармакологик хусусиятлари

Сироп шаклидаги препаратнинг хавфсизлиги учта педиатрик тадқиқотларда тасдиқланган. 1 ёшдан 11 ёшгача бўлган болалар препаратни кунига 1,25 мг (1 дан – 5 ёшгача бўлганлар) ёки 2,5 мг (6 дан – 11 ёшгача бўлганлар) қабул қилишган. Дезлоратадинни тавсия қилинган дозаларда қабул қилинганда педиатрик пациентларнинг плазмасидаги препаратнинг концентрациялари катта ёшдагиларнинг параметрлари билан бир ҳил бўлган. Шунинг учун, катталарда ва педиатрик пациентларда аллергик ринитлар/сурункали идиопатик эшакемини кечиши ва дезлоратадиннинг хусусиятлари ўхшашлигини ҳисобга олиб, катта пациентлардаги препаратнинг самарадорлиги бўйича маълумотларни педиатрик популяцияга тадбиқ қилиш мумкин.

Марказий нерв тизимига қийинчилик билан ўтади.

Аллергик ринити бўлган катталарда ва ўсмир пациентларда препарат (сироп ва таблетка шаклида): аксириш, бурун оқиши, кўзларни қичишиши, оғриши, кўзни ёшланиши ва қизариши, шунингдек танглайни қичишиши каби симптомларни енгиллаштиришда самарадорлигини кўрсатди.

Симптомларни 24 соат давомида самарали сусайтиради, мавсумий аллергик ринитларни кечишини, сурункали идиопатик эшакемининг нафақат симптомларини, балки бу касалликнинг бошқа шаклларини кечиш оғирлигини енгиллаштиради.

Узоқ муддатли  клиник тадқиқотда 20 мг гача бўлган таблетка шаклидаги препарат 14 кун мобайнида қўлланилганда юрак-томир тизимига нисбатан статистик ёки клиник ахамиятли самара кузатилмаган. 

Махсус кўрсатмалар

Буйрак ва жигар фаолиятини бузилиши бўлган пациентлар учун тегишли дозани танлаш тавсия қилинади.

Сироп шаклидаги препарат Sunset Yellow (Е110) бўёвчисини сақлайди, у аллергик реакцияларни чақириши мумкин.

Кекса ёшдаги пациентлар учун таблетка шаклидаги дорининг дозасини танлашда жигар, буйрак ва юрак фаолиятини сусайиши кўпроқ юз бериши мумкинлиги туфайли, йўлдош шунингдек, касалликларни ва бошқа дори воситалари билан даволашни ҳисобга олган холда эҳтиёткорликни намоён қилиш керак.

Ҳомиладорликда қўллаш зарурати туғилганда препаратни фақат ҳаётий кўрсатмалар бўйича фойда ва хавф нисбатини ҳисобга олган ҳолда қўллаш керак.

Препарат болалар олаолмайдиган жойда сақлансин ва яроқлилик муддати ўтганидан сўнг қўлланилмасин. 

Дозани ошириб юборилиши

Симптомлари: ножўя таъсирлари белгиларини кучайиши.

Даволаш: организмдан сўрилмаган таъсир этувчи моддаларнинг чиқариб ташлаш бўйича стандарт усуллар симптоматик ва тутиб турувчи даволаш.

Ўтказилган клиник тадқиқотларида 45 мг гача бўлган кўп марталик дозаларда (клиник дозадан 9 марта катта) клиник аҳамиятли таъсир кузатилмаган.

Гемодиализда организмдан чиқарилмайди. 

Сақлаш шароити

Қуруқ, ёруғликдан ҳимояланган жойда, 25°С дан юқори бўлмаган ҳароратда сақлансин.