Ilovani yuklab oling
Yuklab olish
ЛОПИГРОЛ ТАБЛЕТКА

Oson Apteka - Dorixonalar ma'lumotnomasi

ЛОПИГРОЛ ТАБЛЕТКА 75мг №28

104 500 so'mdan
(3471)
Dorixonalardagi narx
Xususiyatlari
Xalqaro nomi
Ishlab chiqaruvchi
РОТАФАРМ
Chiqarilish shakli
ТАБ
Farma. Guruh
Препараты влияющие на агрегацию тромбоцитов и свертыванию крови
Dori tafsilotlari
Dori shakli: 
Tarkibi:
Taʼrifi: 
Farmakoterapevtik guruhi: 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli: 

plyonka qobiq bilan qoplangan tabletkalar

 

Tarkibi:

Plyonka qobiq bilan qoplangan har bir tabletka quyidagilarni saqlaydi:

faol modda: 75 mg klopidogrel (klopidogrel bisulfati koʻrinishida);

yordamchi moddalar: gidroksipropilsellyuloza, mannit 400, mikrokristall sellyuloza, makrogol 6000, gidrogenlangan kanakunjut moyi;

qobigʻining tarkibi: pushti Opadri® II 85F240091 (qisman gidrolizlangan polivinil spirti, titan dioksidi, polietilenglikol, talk, temir (III) oksidi).

 

Taʼrifi: 

dumaloq, ikki tomonlama qavariq, och pushti rangli qobiq bilan qoplangan tabletkalar.

 

Farmakoterapevtik guruhi: 

Antiagregantlar. Trombotsitlar agregatsiyasi ingibitori.

 

 

Farmakologik xususiyatlari

Farmakodinamikasi

Lopigrol – antiagregant vosita boʻlib, koronar qon tomirlarini kengaytiruvchi taʼsir koʻrsatadi. Adenozintrifosfatini (ADF) trombotsitlarning retseptorlari bilan bogʻlanishini selektiv va qaytmas bloklaydi, ularning faollashuvini bostiradi, faoliyat koʻrsatadigan ADF-retseptorlarning miqdorini (shikastlamasdan) kamaytiradi, fibrinogenni soʻrilishiga toʻsqinlik qiladi va trombotsitlar agregatsiyasini ingibitsiya qiladi. Fosfodiesteraza (FDE) ning faolligiga taʼsir qilmasdan, ADF tomonidan ozod etilgan trombotsitlarning faolligini oshishini blokada qilish orqali boshqa agonistlar chaqirgan trombotsitlar agregatsiyasini kamaytiradi.

Trombotsitlar agregatsiyasini tormozlanishi preparatning bir martalik dozasi ichga qabul qilinganidan soʻng 2 soatdan keyin kuzatiladi (40% ingibitsiya boʻladi). Preparat qayta qoʻllanganida samarasi kuchayadi va 3-7 kun davomida davolangandan keyin barqaror holatga (60% gacha qismi ingibitsiya boʻladi) erishiladi. Trombotsitlar agregatsiyasi va qon ketish vaqti dastlabki darajasiga trombotsitlar yangilanishi davomida, yaʼni Lopigrol preparatini qabul qilish toʻxtatilganidan soʻng 5-7 kundan keyin qaytadi.

Qon tomirni aterosklerotik shikastlanishi boʻlganida, tomirli jarayonni joylashgan joyidan (serebrovaskulyar, kardiovaskulyar yoki periferik shikastlanishlar) qatʼiy nazar, aterotrombozni rivojlanishiga qarshilik qiladi.

Farmakokinetikasi

Ichga qabul qilinganida tez soʻriladi, yuqori biokiraolishligi bilan xarakterlanadi. Maksimal konsentratsiyasiga erishish vaqti taxminan 1 soatni tashkil etadi.

Klopidogrel faol moddaning oʻtmishdoshi hisoblanadi, jigarda biotransformatsiyaga uchrab, faol metaboliti – tiol hosilasini hosil qiladi, bu metabolit klopidogrelni 2-okso-klopidogrelga oksidlanishi va keyinchalik gidrolizlanishi orqali hosil boʻladi. Faol metaboliti plazmada aniqlanmaydi.

Qonda aylanib yuruvchi asosiy metabolitining yarim chiqarilish davri bir marta va takroran qabul qilinganidan soʻng 8 soatni tashkil etadi. Organizmdan siydik bilan (taxminan 50%) va axlat bilan (taxminan 46%) chiqariladi.

 

Qoʻllanilishi

Yaqqol aterosklerozi boʻlgan bemorlarda ishemik buzilishlarni oldini olish, shuningdek quyidagi kasalliklarda:

  • miokard infarkti, ishemik insultni oʻtkazgandan soʻng yoki periferik arteriyalarning yaqinda tashxis qoʻyilgan kasalligidan soʻng;
  • ST segmentini koʻtarilishi boʻlmagan oʻtkir koronar sindromda (patologik Q tishi boʻlmagan miokard infarkti yoki nostabil stenokardiya) atsetilsalitsil kislotasi bilan majmuada;
  • ST segmentini koʻtarilishi boʻlgan oʻtkir koronar sindromda (oʻtkir miokard infarkti) medikamentoz davolash, shu jumladan trombolitik davolash olayotgan bemorlarda atsetilsalitsil kislotasi bilan majmuada;
  • mikrotsirkulyatsiyani har qayday turdagi buzilishlarini majmuaviy davolash tarkibida qoʻllanadi.

 

Qoʻllash usuli va dozalari

Miokard infarkti, ishemik insultni oʻtkazgan va periferik arteriyalarning kasalliklariga tashxis qoʻyilgan bemorlarda ishemik buzilishlarni oldini olish uchun kattalarga (shu jumladan keksa yoshdagi patsiyentlarga) ovqatlanishdan qatʼiy nazar ichga 75 mg dan sutkada 1 marta buyuriladi. Davolashni patologik Q tishini hosil boʻlishi bilan kechuvchi miokard infarktini oʻtkazgandan soʻng bir necha kundan 35 kungacha muddat ichida va ishemik insultdan soʻng – 7 kundan 6 oygacha muddat ichida boshlash kerak.

ST segmentini koʻtarilishi boʻlmagan oʻtkir koronar sindromda (patologik Q tishi boʻlmagan miokard infarkti yoki nostabil stenokardiya) davolashni 300 mg bir martalik yuklama dozasini buyurish bilan boshlash, soʻngra esa preparatni 75 mg dozada sutkada 1 marta (bir vaqtning oʻzida atsetilsalitsil kislotasini sutkada 75-325 mg dozada buyurish bilan birga) qoʻllashni davom ettirish kerak. Asetilsalitsil kislotasini katta dozalarda qoʻllash qon ketish xavfini yuqori boʻlishi bilan bogʻliqligi sababli, tavsiya etilgan dozasi 100 mg dan oshmasligi kerak. Davolash kursi – 1 yilgacha davom etadi.

ST segmentini koʻtarilishi boʻlgan oʻtkir koronar sindromda (oʻtkir miokard infarkti) preparat 75 mg dozada sutkada 1 marta boshlangʻich yuklama dozasi atsetilsalitsil kislotasi bilan majmuada trombolitiklar bilan birga yoki trombolitiklarsiz buyuriladi. 75 yoshdan oshgan patsiyentlarni klopidogrel bilan davolash yuklama dozani qoʻllamasdan amalga oshirilishi kerak. Majmuaviy davolash kasallikning simptomlari paydo boʻlganidan soʻng imkon boricha ertaroq boshlanadi va kamida 4 hafta davom ettiriladi. Maksimal samarasi preparat 3 oy davomida qabul qilingandan soʻng kuzatiladi.

 

Nojoʻya taʼsirlari

Qon ivish tizimi tomonidan: meʼda-ichakdan qon ketishlar, gemorragik insult.

Qon yaratish tizimi tomonidan: neytropeniya, trombotsitopeniya.

Ovqat hazm qilish tizimi tomonidan: qorinda ogʻriq, dispepsiya, gastrit, qabziyat, meʼda va oʻn ikki barmoq ichak yaralari, diareya.

Dermatologik reaksiyalar: teri toshmalari, qichishish.

Markaziy va periferik nerv tizimi: bosh ogʻrigʻi, bosh aylanishi.

 

Qoʻllash mumkin boʻlmagan holatlar
  • ogʻir darajadagi jigar yetishmovchiligi;
  • oʻtkir qon ketishi (masalan, peptik yarada yoki bosh miyaga qon quyilishida);
  • preparatning komponentlariga yuqori sezuvchanlikda;
  • bolalar va 18 yoshgacha boʻlgan oʻsmirlarga qoʻllash mumkin emas.

 

Dorilarning oʻzaro taʼsiri

Klopidogrel va geparin, varfarin yoki boshqa trombolitik preparatlarni bir vaqtda buyurish qon ketish havfini oshiradi.

Lopigrol kollagen tomonidan indutsiyalangan trombotsitlar agregatsiyasiga atsetilsalitsil kislotasining taʼsirini kuchaytiradi, NYAQP qabul qilish fonida meʼda-ichakdan qon ketishini rivojlanish havfini oshiradi.

Klopidogrelni omeprazol va esomeprazol bilan bir vaqtda qoʻllashdan saqlanish kerak, chunki antiagregant faolligini kamayishi yuz beradi. N2 blokatorlari va antatsidlar kabi meʼdada kislotalikni pasaytiruvchi boshqa dori vositalarni klopidogrelning antitrombotsitar faolligiga taʼsir qilishini tasdiqlovchi dalillar yoʻq.

Lopigrolni atenolol, nifedipin bilan birga, shuningdek atenolol va nifedipin bilan majmuada qoʻllanganida klinik jihatdan ahamiyatli farmakodinamik oʻzaro taʼsirlar kuzatilmagan. Bundan tashqari, fenobarbital, simetidin va estrogenni bir vaqtda qoʻllashni Lopigrolning farmakodinamikasiga ahamiyatli darajada taʼsiri aniqlanmagan.

Lopigrol bilan bir vaqtda qoʻllanganida digoksin va teofillinning farmakokinetikasi oʻzgarmagan. Antatsidlar Lopigrolning soʻrilish koʻrsatkichlarini oʻzgartirmagan. Odam jigaridagi mikrosomalarni tekshirish jarayonida, Lopigrol sitoxrom R450 (CYP) fermentlar tizimidagi fermentlardan birining (CYP2C9) faolligini ingibitsiya qilishi mumkinligi namoyish etilgan. Buning natijasida, masalan fenitoin va tolbutamid kabi baʼzi dori vositalarning plazmadagi darajasi oshishi mumkin, chunki ular CYP2C9 yordamida metabolizmga uchraydilar.

Diuretiklar, β-adrenoretseptorlarning blokatorlari, AAF ingibitorlari, kalsiy kanallarining antagonistlari, gipoxolesterinemik vositalar, koronar vazodilatatorlar, antidiabetik vositalar, tutqanoqqa qarshi vositalar, gormonlarni oʻrnini bosuvchi vositalar kabi turli preparatlarni bir vaqtda qoʻllash natijasida nojoʻya taʼsirlarning biron-bir belgilari aniqlanmagan.

 

Maxsus koʻrsatmalar

Lopigrol preparati atsetilsalitsil kislotasi, nosteroid yalligʻlanishga qarshi vositalar (NYAQV), geparin, glikoprotein IIb/IIIa ingibitorlari yoki fibrinolitiklar bilan majmuada qoʻllanganida, shuningdek qon ketishini havfi yuqori boʻlgan jarohatlar, jarrohlik aralashuvlari yoki boshqa patologik holatlar bilan bogʻliq boʻlgan bemorlarda Lopigrol qoʻllanganida davolashning birinchi haftasi davomida qon tahlili oʻtkazilishi kerak.

Jarrohlik aralashuvini oʻtkazish rejalashtirilganida Lopigrol bilan davolash kursini operatsiyadan 7 kun oldin toʻxtatish kerak.

Klopidogrelni ishemik insultning oʻtkir davrida (birinchi 7 kun davomida) buyurish mumkin emas.

Buyrak faoliyatini buzilishi boʻlgan bemorlarga, qon ketishini havfi yuqori boʻlgan (ayniqsa, meʼda-ichakdan va koʻz olmasi ichiga) bemorlarga, shuningdek jigar faoliyatini, gemorragik diatezni rivojlanishi mumkin boʻlgan, oʻrtacha darajadagi buzilishlari boʻlgan bemorlarga preparatni ehtiyotkorlik bilan buyurish kerak.

Homiladorlik va laktatsiya davrida qoʻllanishi

Homiladorlik davrida Lopigrol preparati faqat qatʼiy tibbiy koʻrsatmalarga qarab buyuriladi.

Laktatsiya davrida preparatni buyurish zarurati boʻlganida emizishni toʻxtatish kerak.

Pediatriyada qoʻllanishi

Bolalar va 18 yoshgacha boʻlgan oʻsmirlarga preparatni qoʻllash mumkin emas.

Avtotransportni haydash va mexanizmlarni boshqarish qobiliyatiga taʼsiri

Lopigrol qabul qilinganidan soʻng avtomobilni boshqarish qobiliyatini yomonlashish belgilari yoki ruhiy ish qobiliyatini pasayish belgilari aniqlanmagan.

Preparat bolalar ololmaydigan joyda saqlansin va yaroqlilik muddati tugaganidan soʻng ishlatilmasin.

 

Dozani oshirib yuborilishi

Simptomlari: qon ketish vaqtini uzayishi va buning oqibatida kelib chiqadigan asoratlar boʻlishi mumkin.

Davolash: trombotsitar massa quyish kerak. Spetsifik antidoti yoʻq.

 

Chiqarilish shakli

Plyonka qobiq bilan qoplangan tabletkalar. 14 tabletka blisterda. 1 yoki 2 blister qoʻllash boʻyicha yoʻriqnomasi bilan birga karton qutiga joylangan.

 

Saqlash sharoiti

25oS dan yuqori boʻlmagan haroratda saqlansin.

 

Yaroqlilik muddati

3 yil.

 

Dorixonalardan berish tartibi

Retsept boʻyicha beriladi.