Ilovani yuklab oling
Yuklab olish
Лизиноприл ТАБЛЕТКА

Oson Apteka - Dorixonalar ma'lumotnomasi

Лизиноприл ТАБЛЕТКА 5мг №30

9 000 so'mdan
(4758)
Dorixonalardagi narx
Xususiyatlari
Xalqaro nomi
Lisinopril
Ishlab chiqaruvchi
АЛСИ ФАРМА
Chiqarilish shakli
ТАБ
Farma. Guruh
Pharm Group Name
Dori tafsilotlari
Dori shakli:
Taʼrifi: 
Farmakoterapevtik guruhi: 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya reaksiyalari
Qoʻllash mumkin boʻlmagan holatlar
Dorilarning oʻzaro taʼsiri
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan byerish tartibi
Dori shakli:

 Tabletkalar

Bir tabletka quyidagilarni saqlaydi:

faol modda: 5 mg, 10 mg yoki 20 mg lizinoprilga qayta hisoblaganda lizinopril digidrati;

yordamchi moddalar: kalsiy gidrofosfati, mannit, makkajoʻxori kraxmali, magniy stearati, suvsiz korloid kremniy dioksidi .

 

Taʼrifi: 

oq rangli, yassitsilindrik shaklli, chetlari oʻyilgan va bir tomonida riskali tabletkalar.

 

Farmakoterapevtik guruhi: 

antigipertenziv vosita (AAF ingibitori).

 

 

Farmakologik xususiyatlari

Farmakodinamikasi.

Lizinopril – AAF ingibitoridir. Preparatning taʼsir mexanizmi angiotenzin I dan angiotenzin II ni hosil boʻlishini susaytirishdan iborat. AAF ni susayishi angiotenzin II ning qon plazmasidagi konsentratsiyasini pasayishiga olib keladi, bu vazopressorlar faolligini va aldosteron sekretsiyasini pasayishiga, shuningdek kaliyni qon zardobidagi konsentratsiyasini oshishiga olib kelishi mumkin.

Gipertenziyada taʼsir mexanizmi renin-angiotenzin-aldosteron tizimini susayishi orqali amalga oshishi tufayli, lizinopril hatto renin darajasi past boʻlgan gipertenziyali patsiyentlarda ham gipotenziv taʼsir koʻrsatadi. AAF, bradikininni parchalaydigan kinaza II fermentiga oʻxshaydi. Lizinopril bilan davolanganda, bradikininning oshgan darajasining ahamiyati (u yaqqol qon tomir kengaytiruvchi xususiyatga ega) toʻliq aniqlanmagan va u keyingi oʻrganishlarni talab qiladi.

Farmakokinetikasi.

Soʻrilishi.

Lizinopril peroral qabul qilinganidan keyin ovqat hazm qilish yoʻllarida sekin va toʻliq soʻrilmaydi. Qabul qilinganidan keyin preparatni soʻrilishi (660 %) individlar orasidagi farqi bilan taxminan 25 % ni tashkil etadi. Bir vaqtda ovqat qabul qilish preparatni soʻrilishiga taʼsir qilmaydi. Qon plazmasidagi maksimal konsentratsiyasiga taxminan 6-8 soatdan keyin erishiladi.

Taqsimlanishi

Qon zardobida muvozanat konsentratsiyalarga preparat qabul qilinganidan keyin 2-3 kun davomida erishiladi. AAFdan tashqari qon zardobi oqsillari bilan bogʻlanmaydi.

Metabolizmi va chiqarilishi.

Metabolizmga uchramaydi, oʻzgarmagan koʻrinishda siydik bilan chiqariladi.

Gemodializda chiqariladi.

Alohida guruh patsiyentlairda farmakokinetikasi.

Buyrak faoliyatini buzilishida lizinoprilning chiqarilishi funksional buzilishlarning darajasiga proporsional ravishda kamayadi (bunday kamayish kalavalar filtratsiyasi minutiga 30 ml kam boʻlganda klinik ahamiyatga ega).

Yurak yetishmovchiligida lizinoprilning buyrak klirensi pasayadi.

Keksa yoshdagi patsiyentlarda, kon plazmadagi lizinopril konsentratsiyasi va “konsentratsiya-vaqt” egri chizigʻi ostidagi koʻrsatkichi yosh patsiyentlarga nisbatan yuqoriroq (taxminan 60% yuqoriroq) boʻlishi xarakterli.

 

 

Qoʻllanilishi

– arterial gipertenziya;

– surunkali yurak yetishmovchiligi;

– gemodinamikasi koʻrsatkichlari barqaror boʻlgan (arterial bosim 100 mm sim. ust. dan yuqori) patsiyentlarda miokard infarkti;

– qandli diabetdagi diabetik nefropatiya (insulinga qaram II tipdagi qandli diabetli bemorlar) da qoʻllanadi.

 

Qoʻllash usuli va dozalari

Lizinopril-Astrafarmning tabletkalarini sutkada 1 marta, ovqat qabul qilishdan qatʼiy nazar, bir xil vaqtda qabul qilgan afzal. Sutkalik doza patsiyentning reaksiyasiga va qon bosimiga qarab shaxsiy ravishda belgilanadi.

Arterial gipertenziya.

Preparat monoterapiya sifatida yoki boshqa sinfdagi antigipertenziv vositalari bilan majmuada qoʻllanadi.

Boshlangʻich doza

Arterial gipertenziyada tavsiya etiladigan boshlangʻich dozasi sutkada 10 mg ni tashkil etadi. Boshlangʻich dozadan keyin, renin-angiotenzin-aldosteron tizimi faolligi yuqori boʻlgan (xususan renovaskulyar gipertenziyada, organizmdan natriy xloridini ortiqcha chiqarilishida va/yoki degidratatsiyada, yurak dekompensatsiyasi yoki kuchli yaqqollikdagi arterial gipertenziyada) patsiyentlarda arterial bosimi haddan tashqari pasayib ketishi mumkin. Ushbu patsiyentlar uchun tavsiya etilgan boshlangʻich dozasi sutkada 2,5-5 mg ni tashkil etadi va davolanishning boshlanishi shifokor kuzatuvi ostida boʻlishi kerak.

Samarani bir maromda saqlab turuvchi doza

Odatdagi samarani bir maromda saqlab turuvchi samarali doza sutkada 20 mg ni tashkil etadi. Agar preparat koʻrsatilgan dozada 2-4 hafta davomida yetarli terapevtik samara koʻrsatmasa, keyinchalik dozani oshirish mumkin. Maksimal sutkalik doza 80 mg ni tashkil etadi.

Diuretiklarni qabul qilayotgan patsiyentlar

Agar patsiyent avval diuretiklar bilan davolangan boʻlsa, u holda Lizinopril-Astrafarm preparatini qoʻllashni boshlashdan 2-3 kun oldin ularni qabul qilishni toʻxtatish kerak. Agar diuretiklarni bekor qilish mumkin boʻlmasa, u holda preparatning boshlangʻich dozasi sutkada 5 mg dan oshmasligi kerak. Bunday hollarda birinchi doza qabul qilinganidan keyin bir necha soat davomida  shifokor nazorati tavsiya qilinadi, (maksimal taʼsirga taxminan 6 soatdan keyin erishiladi) chunki AB ni yaqqol pasayishi rivojlanishi mumkin.

Buyrak yetishmovchiligi boʻlgan patsiyentlar

Buyrak yetishmovchiligi boʻlgan patsiyentlarda dozani jadvalda koʻrsatilgandek, kreatinin klirensi qiymatiga qarab aniqlanadi.

Kreatinin klirensi (ml/minut)

Boshlangʻich doza (mg/sutka)

<10 (shu jumladan, gemodializdagi bemorlar)

2,5*

10-30

2,5-5

31-80

5-10

*Doza va/yoki dozalash tartibi arterial bosimi qiymatiga qarab belgilanadi. Dozani arterial bosimi nazorati ostida sutkada 40 mg gacha oshirish mumkin.

Surunkali yurak yetishmovchiligi.

Simptomatik surunkali yurak yetishmovchiligi boʻlgan patsiyentlar uchun Lizinopril-Astrafarmni diuretiklar, digitalis preparatlari yoki β-blokatorlari bilan davolashga qoʻshimcha sifatida qoʻllanishi mumkin. Arterial bosimiga birlamchi taʼsirini aniqlash maqsadida Lizinopril-Astrafarm shifokor nazoratida sutkada boshlangʻich 2,5 mg dozada buyuriladi. Preparatning dozasi sutkada 35 mg maksimal dozagacha kamida 2 xaftalik interval bilan 10 mg gacha oshirilishi lozim.

Dozani aniqlanishi har bir patsiyentning klinik kuzatuviga asoslanishi kerak. Simptomatik arterial gipotenziya rivojlanishi xavfi yuqori boʻlgan patsiyentlarda (organizmdan natriy xloridini ortiqcha chiqarilishida) giponatriyemiyali yoki giponatriyemiyasiz, gipovolemiya, shuningdek diuretiklarni yuqori dozalarda qabul qilgan patsiyentlarda, davolanishni boshlashdan oldin yuqorida aytib oʻtilgan holatlar kompensatsiya qilinishi lozim.

Oʻtkir miokard infarkti

Patsiyentlar Lizinopril bilan bir vaqtda trombolitik dori vositalari, atsetilsalitsil kislotasi va β-blokatorlarlar bilan odatdagi standart davolanishlari kerak. Lizinopril vena ichiga yoki transdermal yuborilgan nitroglitsirin bilan mutanosibdir.

Boshlangʻich dozasi (infarktdan keyingi birinchi 3 kun)

Lizinopril bilan davolashni kasallikning simptomlari namoyon boʻlgandan  birinchi 24 soatda boshlash kerak. Agar sistolik arterial bosim 100 mm sim. ust. dan past boʻlsa, davolanishni boshlash mumkin emas. Lizinopril-Astrafarmning birinchi dozasi 5 mg ni tashkil etadi, 24 soatdan soʻng 5 mg dozasi takroran buyuriladi, undan keyin sutkada 10 mg dozasi buyuriladi va keyinchalik samarani bir maromda saqlab turuvchi dozasi sutkada 10 mg ni tashkil qiladi.

Sistolik arterial bosimi past (≤120 mm sim. ust.) boʻlgan bemorlarda miokard infarktidan keyingi birinchi 3 sutka davomida preparat 2,5 mg dozada buyurilishi kerak.

Samarani bir maromda saqlab turuvchi dozasi

Samarani bir maromda saqlab turuvchi dozasi sutkada 10 mg ni tashkil etadi. Arterial gipotenziya paydo boʻlganda (sistolik AB≤100 mm sim. ust.) 5 mg samarani bir maromda saqlab turuvchi dozani vaqtincha 2,5 mg gacha kamaytiriladi. Davomli arterial gipotenziya paydo boʻlganda (sistolik AB<90 mm sim. ust. 1 soatdan koʻproq) davolashni toʻxtatish kerak.

Davolash 6 hafta davom etishi, undan keyin patsiyentning holatini takroran baholash kerak. Yurak yetishmovchiligining simptomlari paydo boʻlgan patsiyentlar lizinopril bilan davolanishni davom ettirishlari lozim.

Diabetik nefropatiya.

II tip qandli diabeti va boshlangʻich nefropatiyasi boʻlgan bemorlarda arterial gipertenziyani davolash uchun Lizinopril-Astrafarmning dozasi sutkada 10 mg ni tashkil qiladi. Zarurati boʻlganida oʻtirgan holatda diastolik arterial bosimini 90 mm sim. ust. past qiymatiga erishish maqsadida dozani sutkada 20 mg gacha oshirish mumkin.

Keksa yoshdagi patsiyentlar

Klinik tadqiqotlarda preparatning samaradorligi va xavfsizligining koʻrsatkichlari yoshga qarab oʻzgarishi aniqlanmagan. Buyrak faoliyatini susayishi boʻlgan keksa yoshdagi shaxslarga buyurilgan boshlangʻich dozasiga yuqorida keltirilgan jadval boʻyicha tuzatish kiritish kerak. Keyinchalik doza patsiyentning reaksiya va arterial bosimiga qarab belgilanadi.

 

Nojoʻya reaksiyalari

Nojoʻya reaksiyalari quyidagi namoyon boʻlish tez-tezligida keltirilgan: juda tez-tez (> 1/10), tez-tez (≥ 1/100, < 1/10), baʼzida (≥ 1/1000, < 1/100), kam hollarda (≥ 1/10 000, < 1/1000), juda kam hollarda (< 1/10 000), nomaʼlum (mavjud maʼlumotlar asosida baholab boʻlmaydi).

Qon yaratish va limfatik tizim tomonidan: kam hollarda – gematokrit va gemoglobin darajasini pasayishi; juda kam hollarda – suyak koʻmigi faoliyatini susayishi, anemiya, trombotsitopeniya, leykopeniya, neytropeniya, agranulotsitoz, gemolitik anemiya, limfoadenopatiyalar, autoimmun kasallik.

Moddalar almashinuvi tomonidan: juda kam hollarda – gipoglikemiya.

Markaziy nerv tizimi tomonidan: tez-tez – bosh aylanishi, bosh ogʻrigʻi; baʼzida – kayfiyatni oʻzgarishi, paresteziyalar, taʼm sezish hissini oʻzgarishi, uyquni buzilishi, muvozanatni buzilishi, dezoriyentatsiya; kam hollarda – ongni chalkashishi, hid bilishni buzilishi; nomaʼlum – depressiya simptomlari, xushdan ketish.

Yurak-qon tomir tizimi tomonidan: tez-tez – ortostatik samaralar (shu jumladan arterial gipotenziya); baʼzida – miokard infarkti yoki serebrovaskulyar insulti, palpitatsiya, taxikardiya, Reyno fenomeni.

Nafas tizimi tomonidan: tez-tez – yoʻtal, bronxit; baʼzida – rinit, hansirash; kam hollarda – dispnoe, angionevrotik shish; juda kam hollarda – bronxospazm, glossit, sinusit, allergik alveolit/eozinofil pnevmoniya.

Ovqat-hazm qilish tizimi tomonidan: tez-tez – diareya, qusish; baʼzida – koʻngil aynishi, qorinda ogʻriq va dispepsiya; kam hollarda – ogʻizni qurishi, ishtahani pasayishi, taʼmni oʻzgarishi; juda kam hollarda – pankreatit, intestinal angionevrotik shish, qabziyat, gepatit (gepatotsellyulyar yoki xolestatik), sariqlik va jigar yetishmovchiligi.

Teri tomonidan: baʼzida – toshma, qichishish, oʻta yuqori sezuvchanlik, yuzni, qoʻl-oyoqlarni, labni, tilni, tovush yorigʻi va/yoki hiqildoqni angionevrotik shishi,  qizish hissi, teri giperemiyasi; kam hollarda – eshakemi, alopetsiya, psoriaz; juda kam hollarda – koʻp terlash, pemfigus, toksik epidermal nekroliz, Stivens-Djonson sindromi, koʻp shaklli eritema, teri limfotsitomasi.

Bir yoki bir necha quyidagi simptomlarni: isitma, vaskulit, mialgiya, artralgiya/artrit, musbat antinuklear antitelalarni (ANA) paydo boʻlishi, eritrotsitlarni choʻkish tezligini (ECHT) oshishi, eozinofiliya va leykotsitoz, toshmalar, fotosensibilizatsiya yoki va terining boshqa qoʻrinishlarini oʻz ichiga olluvchi sindrom haqida xabarlar bor.

Buyrak va siydik chiqarish tizimi tomonidan: tez-tez – buyrak disfunksiyasi; kam hollarda – uremiya, oʻtkir buyrak yetishmovchiligi; juda kam hollarda – oliguriya/anuriya.

Endokrin tizimi tomonidan:  nomaʼlum – antidiuretik garmonini noadekvat sekretsiyasi.

Reproduktiv tizimi va sut bezlari tomonidan:baʼzida – impotensiya; kam hollarda – ginekomastiya.

Organizm tomonidan: baʼzida – toliqish, holsizlik.

Laboratoriya koʻrsatkichlari: baʼzida – qonda mochevina darajasini oshishi, qon zardobida kreatininning oshishi, jigar fermentlari faolligini oshishi, giperkaliyemiya; kam hollarda – qon zardobidagi bilirubin darajasi oshishi, giponatriyemiya, proteinuriya.

 

Qoʻllash mumkin boʻlmagan holatlar

Lizinoprilga, preparatning boshqa komponentlariga yoki boshqa AAF ingibitorlariga yuqori sezuvchanlik;

Anamnezidagi angionevrotik shish (shu jumladan AAF ingibitorlari qoʻllanganidan keyin, idiopatik va nasliy shish).

Aortal yoki mitral stenoz yoki gipertrofik kardiomiopatiya.

Buyrak arteriyaning bilateral stenozi yoki yakka buyrak arteriyasining stenozi; gemodinimikasi barqaror boʻlmagan oʻtkir miokard infarkti; kardiogen shok; zardobdagi kreatininning darajasi ≥ 220 mkmol/l boʻlgan patsiyentlar.

Homiladorlik va laktatsiya davri.

Bolalar va 18 yoshgacha boʻlgan oʻsmirlarda qoʻllash mumkin emas.

 

Dorilarning oʻzaro taʼsiri

Diuretiklar

Diuretiklar bilan bir vaqtda qoʻllanganda antigipertenziv samarasini qoʻshilishi aniqlanadi. Diuretiklarni, ayniqsa yaqinda buyurilib qabul qilayotgan patsiyentlarda lizinoprilni qabul qilish, baʼzida arterial bosimini haddan ziyod pasayishini chaqirishi mumkin. Agar lizinopril bilan davolash oldidan diuretikni qabul qilish bekor qilinsa, simptomatik arterial gipotenziyani rivojlanish xavfi kamayadi.

Kaliy tejovchi diuretiklar, kaliy saqlovchi ovqat qoʻshimchalari yoki tuz oʻrnini bosuvchilar.

AAF ingibitorlari klinik tadqiqotlarida qon zardobidagi kaliy darajasi norma chegarasida qolsada, baʼzi patsiyentlarda giperkaliyemiya rivojlangan. Giperkaliyemiya xavfini buyrak yetishmovchiligi, qandli diabet, kaliy tejovchi diuretiklarni (masalan spironolakton, triamteren yoki amilorid) va kaliy saqlovchi ovqat qoʻshimchalari yoki tuz oʻrnini bosuvchilarni bir vaqtda qabul qilish kabi omillar bilan bogʻliq.

Kaliy saqlovchi ovqat qoʻshimchalar, kaliyni tejovchi diuretiklarlar yoki kaliy saqlovchi tuz oʻrnini bosuvchilarni qoʻllash, kaliyning qon zardobidagi darajasini, ayniqsa buyrak faoliyatini buzilishlari boʻlgan patsiyentlarda ahamiyatli darajada oshishiga olib kelishi mumkin. Lizinoprilni kaliyni chiqaruvchi diuretiklar fonida qoʻllanganda, ularni qabul qilish oqibatidagi gipoglikemiya susayishi mumkin.

Litiy.

AAF ingibitorlari litiy bilan birga qoʻllanganida, litiyning qon zardobidagi darajasi qaytuvchan oshadi va toksik samaralar rivojlanadi. Tiazid duretiklarini qoʻllash litiy intoksikatsiyasi xavfini, agar u AAF ingibitorlarini bir vaqtda qabul qilish oqibatida yuz bergan boʻlsa uni oshirishi va uni kuchaytirishi mumkin. Lizinoprilni litiy bilan bir vaqtda qoʻllash tavsiya qilinmaydi, ammo agar bunday birga qoʻllash zarurati tugʻilsa, litiyni qon zardobidagi darajasini sinchkovlik bilan nazoratini taʼminlash kerak.

Nosteroid yalligʻlanishga qarshi vositalar (NYAQV), shu jumladan sutkada ≥ 3 g dozadagi atsetilsalitsil kislotasi.

NYAQV uzoq vaqt qabul qilinishi AAF ingibitorlarni gipotenziv samarasini susaytirishi mumkin. NYAQV va AAF ingibitorlarining kaliyni qon zardobidagi darajasini oshishiga nisbatan samarasi qoʻshiladi, bu buyrak faoliyatini buzilishiga olib kelishi mumkin. Odatda bu samaralar kaytuvchandir. Alohida xolatlarda oʻtkir buyrak yetishmovchiligi, ayniqsa buyrak faoliyatini buzilishida, masalan, keksa yoshdagi patsiyentlarda yoki organizmi suvsizlangan patsiyentlarda kuzatilishi mumkin.

Oltin.

Koʻpincha AAF ingibitorlari bilan davolangan patsiyentlarda oltin preparatlari bilan inyeksiya kilingandan keyin (masalan, natriy aurotiomalati) nitritoid reaksiyalar (qizish hissi, koʻngil aynishi, bosh aylanishi, arterial gipertenziyani oʻz ichiga oluvchi vazodilatatsiya simptomlari kuzatiladi, ular juda ogʻir boʻlishi mumkin) aniqlangan.

Boshqa antigipertenziv vositalar

Lizinoprilni boshqa antigipertenziv vositalar bilan bir vaqtda qoʻllanganda gipotenziv samarasini kuchayishi kuzatilishi mumkin. Nitroglitserinni va boshqa organik nitratlarni yoki vazodilatatorlarni bir vaqtda qoʻllash, lizinoprilning gipotenziv samarasini kuchaytirishi mumkin.

Tritsiklik antidepressantlar, anestetiklar va antipsixotik vositalar

Baʼzi bir anestetiklarni, tritsiklik antidepressantlarni va antipsixotik vositalarni AAF ingibitorlari fonida qabul qilinishi arterial gipotenziyani kuchaytirishi mumkin.

Simpatomimetiklar.

AAF ingibitorlarining gipotenziv samarasini pasaytirishi mumkin.

Gipoglikemik vositalar.

Epidemiologik tadqiqotlar, AAF ingibitorlarni va gipoglikemik vositalarni (insulinlar va ichga qabul qilish uchun gipoglikemik vositalar) bir vaqtda qoʻllash gipoglikemik vositalarning taʼsirini gipoglikemiya rivojlanishigacha quchaytirishi mumkin. Bunday holatlarni paydo boʻlish ehtimoli, ayniqsa bir vaqtda davolashning birinchi haftasi davomida, shuningdek buyrak faoliyatini buzilishida yuqori boʻlishini koʻrsatdi.

Asetilsalitsil kislotasi, trombolitiklar, β-adrenoblokatorlar va nitratlar

Lizinoprilni atsetilsalitsil kislotasi (kardiologiyada qoʻllanadigan dozalarda), trombolitik vositalar, β-adrenoblokatorlar va nitratlar bilan bir vaqtda buyurish mumkin.

 

Maxsus koʻrsatmalar

Simptomatik arterial gipotenziya

Simptomatik arterial gipotenziya kam hollarda namoyon boʻladi. Lizinopril qabul qilayotgan gipertenziyasi boʻlgan patsiyentlarda aylanib yuruvchi qon hajmi pasayganda (masalan, diuretiklar bilan davolanganda, ovqatda tuzni isteʼmol qilishni cheklashda, dializda, diareyada yoki qusishda) shuningdek reninga bogʻliq arterial gipertenziyaning ogʻir shakllarida arterial gipotenziya rivojlanishi ehtimoli oshadi.

Bir vaqtda buyrak yetishmovchiligi bilan yoki usiz surunkali yurak yetishmovchiligi boʻlgan patsiyentlarda simptomatik arterial gipotenziya xolatlari kuzatilgan. U koʻpincha yurak yetishmovchiligining ogʻir shakllari, halqali diuretiklarni yuqori dozalarda qabul qilishlari kerak boʻlgan va giponatriyemiya yoki funksional buyrak yetishmovchiligi kuzatilgan patsiyentlarda aniqlangan. Arterial gipotenziyaning xavfi yuqori boʻlgan patsiyentlar, preparatning dozasini tanlashda va davolashning boshlangʻich davrida sinchkov nazoratda boʻlishlariga muhtoj. Bu arterial bosimni xaddan ziyod pasayishi miokard infarktiga yoki insultga olib kelishi mumkin boʻlgan, yurak ishemik kasalligi yoki bosh miya qon tomirlari kasalliklari boʻlgan patsiyentlar uchun ham tegishli.

Arterial gipotenziya rivojlangan hollarda patsiyentni chalqancha yotqizib va zarurati boʻlsa natriy xloridi eritmasini vena ichiga yuborish kerak. Oʻtkinchi arterial gipotenziya, keyinchalik preparatni qabul qilishga qarshi qoʻrsatma hisoblanmaydi. Samarali qon hajmi tiklanganda va oʻtkinchi gipotenziv reaksiyasi yoʻqolgandan soʻng, lizinopril bilan davolanishni davom etish mumkin.

Arterial bosimi normal yoki pasaygan yurak yetishmovchiligi boʻlgan ayrim patsiyentlarda, lizinopril qabul qilinganda tizimli arterial bosimini qoʻshimcha pasayishi mumkin. Bu kutiladigan samara hisoblanadi va odatda davolashni toʻxtatish uchun sabab boʻlmaydi. Simptomatik gipotenziya paydo boʻlganida, lizinoprilning dozasini kamaytirish yoki qoʻllashni toʻxtatish zaruriyati paydo boʻlishi mumkin.

Oʻtkir miokard infarktida arterial gipotenziya

Oʻtkir miokard infarktda, agar avvalgi qon tomirlarni kengaytiruvchi vositalar bilan davolanganligi sababidan jiddiy gemodinamik koʻrsatkichlarni buzilishlar mavjud boʻlsa, lizinopril bilan davolashni boshlash mumkin emas. Bu sistolik arterial bosimi ≤100 mm sim ust. boʻlgan yoki kardiogen shok xolatidagi patsiyentlarga taalluqlidir. Agar sistolik arterial bosim ≤120 mm. sim. ust. boʻlsa, infarktdan keyingi birinchi 3 kun davomida preparatning dozasini kamaytirish lozim. Agar sistolik arterial bosim ≤ 100 mm sim. ust. boʻlsa, u xolda preparatni samarani bir marromda ushlab turuvchi dozasini 5 mg gacha yoki vaqtincha 2,5 mg gacha pasaytirish kerak. Barqaror gipotenziyada (sistolik arterial bosim 1 soat dan koʻp ≤ 90 mm sim. ust.) lizinoprilni qoʻllashni toʻxtatish lozim.

Aortal va mitral stenozi/gipertrofik kardiomiopatiya

Lizinoprilni AAF ning boshqa ingibitorlari kabi, mitral stenozi yoki chap qorinchadan qon oqib chiqishi yuli obstruksiyasi boʻlgan (masalan, aortal stenozda yoki gipertrofik kardiomiopatiyada) patsiyentlarga ehtiyotkorlik bilan buyurish lozim.

Buyrak faoliyatini buzilishlari

Buyrak yetishmovchiligi (kreatinin klirensi <80 ml/min) boʻlgan patsiyentlarga lizinoprilning boshlangʻich dozasini kreatinin klirensining darajasiga muvofiq tanlash lozim (jadvalga qarang), keyinchalik esa – patsiyentning davolanishiga boʻlgan reaksiyasiga bogʻliq ravishda. Bunday patsiyentlarda kaliy va kretinin darajasini vaqti-vaqti bilan nazorat qilish normal tibbiy amaliyot qismi hisoblanadi.

Yurak yetishmovchiligi boʻlgan patsiyentlarda AAF ingibitorlari bilan davolanishning boshida, buyrak faoliyatini yomonlashishi kuzatilishi mumkin. Buyrak arteriyalarini ikki tomonlama torayishi yoki yakka buyrakning arteriyasini stenozi boʻlgan baʼzi patsiyentlarda, AAF ingibitorlari qon zardobida mochevina va qonda kreatinin darajasini oshiradi; bu oʻzgarishlar odatda preparatning qoʻllanishi toʻxtagandan soʻng yoʻqoladi. Ayniqsa buyrak yetishmovchiligida buning ehtimoli yuqori.

Renovaskulyar gipertenziyada ogʻir arterial gipotenziyani va buyrak yetishmovchiligini rivojlanish havfi yuqori. Bunday patsiyentlarda davolashni juda aniq tanlangan va kichik dozalarda, sinchkovlik bilan tibbiy kuzatuv ostida boshlash lozim. Diuretiklar yuqorida taʼriflangan klinik dinamikasiga oʻz hissalarini qoʻshish mumkinligi sababli, lizinopril bilan davolashning birinchi xaftasida ularni qoʻllashni toʻxtatish kerak, buyrak faoliyati esa sinchkovlik bilan nazorat kilinish lozim.

Buyrak qon tomirlari shikastlanishlarini aniq belgilarisiz arterial gipertenziyasi boʻlgan baʼzi patsiyentlarda, ayniqsa lizinopril diuretiklar bilan bir vaqtda kabul kilinganda, qonda mochevinani va qon zardobida kreatininni darajasi oshishi kuzatiladi; bu oʻzgarishlar odatda vaqtinchalik  va ahamiyatsiz boʻladi. Bu koʻproq buyrak faoliyatini buzilishi boʻlgan patsiyentlarda uchraydi. Bunday holatda, diuretikni va lizinoprilni dozalarini pasaytirishni yoki qoʻllashni toʻxtatish zaruriyati paydo boʻlishi mumkin.

Buyrak disfunksiyasi belgilari boʻlgan patsiyentlarda, kreatininning qon zardobidagi darajasi 177 mkmol/l ga oshishi va/yoki proteinuriya sutkada 500 mg boʻlishi kuzatilsa, oʻtkir miokard infarktini lizinopril bilan davolash mumkin emas. Lizinopril bilan davolash vaqtida buyrak faoliyatini buzilishlari rivojlanganda (zardobdagi kreatininning konsentratsiyasi 265 mkmol/l dan oshsa yoki bu koʻrsatkich davolashdan oldingidan ikki marta oshsa) preparatni qabul qilishni toʻxtatish kerak.

Yuqori sezuvchanlik/angionevrotik shish

Yuz, qoʻl-oyoqlar, lab, til, tovush bogʻlamlari va xiqildoqni angionevrotik shishi AAF ingibitorlari, shu jumladan lizinopril bilan davolangan patsiyentlarda kam hollarda rivojlanadi. Davolanish davrida angionevrotik shish har qanday vaqtda rivojlanishi mumkin. Bunday xollarda lizinoprilni qoʻllashni darhol toʻxtatish kerak, muvofiq davolashni oʻtkazish va simptomlar toʻliq yoʻqolgunicha patsiyentni kuzatish lozim; shishning barcha simptomlari yoʻqolganiga ishonch hosil qilgach, patsiyentga javob berish mumkin.

Hatto shish faqat til bilan cheklangan va nafasni buzilish belgilari boʻlmagan holatlarda ham patsiyentlar uzoq kuzatuvga muhtoj boʻlishlari mumkin, chunki antigistamin preparatlar va glyukokortikosteroidlar (GKS) bilan davolash yetarli boʻlmasligi mumkin.

Alohida xollarda hiqildok yoki tilning angionevrotik shishi oqibatida oʻlim holatlari kayd etilgan. Agar shish tilga, tovush boylamlariga yoki hiqildoqqa tarqalsa, u xolda, ayniqsa ilgari nafas aʼzolarida jarrohlik aralashuvlarini oʻtkazgan patsiyentlarda, nafas yoʻllari toʻsilishi mumkin. Bunday holatlarda shoshilinch davolash choralarni qoʻllash kerak (adrenalinni yuborish va/yoki nafas yoʻllarini oʻtuvchanligini tutib turish).

Simptomatikasi toʻliq va barqaror yoʻqolgunicha patsiyent sinchkov tibbiy kuzatuvi ostida boʻlishi kerak.

Anamnezida AAF ingibitorlari bilan davolash bilan bogʻliq boʻlmagan angionevrotik shishi boʻlgan patsiyentlarda, AAF ingibitorlari qoʻllanganiga javoban angionevrotik shish rivojlanish xavfi oshishi mumkin.

Gemodializ

Poliakrilvinil membranali dializ sharoitida preparat qoʻllanganida anafilaktik reaksiyalar rivojlanishi mumkin.  Arterial gipertenziyasi boʻlgan patsiyentlarni davolash uchun boshqa guruhdagi vositalarni yoki dializni oʻtkazish uchun membranani boshqa turini ishlatish tavsiya kilinadi.

PZLP aferezida anafilaktoid reaksiyalar

Dekstran sulfati bilan PZLP aferezida AAF ingibitorlarni qoʻllanishi xayot uchun xavfli anafilaktoid reaksiyalari rivojlanishi mumkin boʻlganligi tufayli, har bir aferezdan oldin AAF ingibitorlari vaqtinchalik bekor qilinishi lozim.

Desensibilizatsiya

AAF ingibitorlarini qabul qilayotgan patsiyentlarda desensibilizatsiyalovchi davolash fonida (masalan, parda qanotlilarning zahariga qarshi), uzoq muddatli anafilaktoid reaksiyalar rivojlanadi. Agar bunday patsiyentlar desensibilizatsiya vaqtida AAF ingibitorlarini qabul qilishdan voz kechgan boʻlsalar, reaksiyalar kuzatilmagan, ammo AAF ingibitorlarini tasodifan yuborilganda anafilaktoid reaksiyalarni keltirib chikargan.

Jigar yetishmovchiligi

AAF ingibitorlarini qoʻllanishini xolestatik sariqlik yoki gepatit bilan boshlanuvchi va jigarni shiddatli nekroziga oʻtib ketadigan, baʼzida oʻlim bilan yakunlanuvchi kam hollarda uchraydigan sindrom bilan bogʻlaydilar. Bu sindromni paydo boʻlish mexanizmi nomaʼlum. Agar lizinoprilni qabul qiladigan patsiyentlarda sariqlik rivojlansa yoki jigar fermentlarining faolligi ahamiyatli darajada oshsa, preparatni bekor qilish va simptomlar yoʻqolgunicha patsiyentni shifokorning kuzatuvi ostida qoldirish kerak.

Giperkaliyemiya

Ayrim patsiyentlarda AAF ingibitorlarini, shu jumladan lizinoprilni qabul qilinganda, qon zardobida kaliyning darajasi oshishi kuzatilgan. Giperkaliyemiyani rivojlanish xavf guruhiga, buyrak yetishmovchiligi yoki qandli diabeti boʻlgan, kaliyni tejovchi diuretiklarni yoki kaliyli tuz oʻrnini bosuvchilarni, shunindek qon zardobida kaliy darajasini oshiradigan boshqa preparatlarni (masalan, geparin) qabul qiladigan patsiyentlar kiradi.

Agar yukorida sanab oʻtilgan preparatlarni AAF ingibitorlari bilan davolash fonida qoʻllash zarur deb hisoblansa, kon zardobida kaliy darajasini muntazam nazorat kilish tavsiya qilinadi.

Qandli diabeti boʻlgan patsiyentlar.

Gipoglikemik vositalarni yoki insulinni qabul qilayotgan, kandli diabeti boʻlgan patsiyentlarda, AAF ingibitorlari bilan davolashning birinchi oyida, qonda glyukozani darajasini sinchkovlik bilan nazorat qilish zarur.

Litiy

Odatda litiy va lizinoprilni birga qoʻllash tavsiya qilinmaydi.

Neytropeniya/agranulotsitoz

AAF ingibitorlarini qabul qilayotgan patsiyentlarda neytropeniya/ agranulotsitoz, trombotsitopeniya va anemiya rivojlanishi mumkin. Buyrak faoliyati normal boʻlganida va asoratlar boʻlmaganida neytropeniya kam hollarda rivojlanadi. Neytropeniya va agranulotsitoz qaytuvchan va AAF ingibitorlarini qabul qilish toʻxtatilgandan soʻng oʻtib ketadi.

Qon tomir koʻrinishlari bilan kechuvchi biriktiruvchi toʻqimaning kasalliklari boʻlgan patsiyentlarni, antidepressantlar, allopurinol yoki prokainamid bilan davolash oʻtkazilganda, shuningdek bu omillar birga qoʻshilganda ayniqsa buyrak faoliyatini buzilishi fonida, lizinoprilni juda extiyotkorlik bilan buyurish lozim.

Ayrim bunday patsiyentlarda, baʼzida antibiotiklar bilan jadal davolanishga javob bermaydigan, ogʻir infeksiyalar rivojlanadi. Agar bunday patsiyentlarni davolashda lizinopril qoʻllanilsa, leykotsitlar miqdorini vaqti-vaqti bilan tekshirib turish, shuningdek infeksiyaning har kanday belgilari toʻgʻrisida xabar berish lozimligi haqida patsiyentni ogohlantirish kerak.

Irq

AAF ingibitorlar boshqa irqga mansub patsiyentlarga nisbatan koʻprok negroid irqiga mansub patsiyentlarida angionevrotik shish rivojlanishiga sababchidir. AAF ning boshqa ingibitorlar kabi, lizinopril, negroid irqiga mansub patsiyentlarda, boshqa irqiga mansub patsiyentlarga nisbatan arterial bosimini pasaytirishda kamroq taʼsir koʻrsatishi mumkin, bu renin darajasi past, arterial gipertenziyasi boʻlgan qora tanli patsiyentlar aholini ichida sodir boʻlishi sababi yuqori boʻlganligi uchun boʻlishi mumkin.

Yoʻtal

AAF ingibitorlari qoʻllanilganda, balgʻamsiz, uzoq muddatli yoʻtal paydo boʻlishi mumkin. Bunday, AAF ingibitorlari qoʻllanishi chaqirgan yutalni, yoʻtalni differensial diagnozida hisobga olish kerak.

Jarrohlik aralashuvlari/anesteziya

Lizinopril jarrohlik aralashuvlarida yoki arterial bosimini tushuruvchi preparatlar qoʻllangan anesteziyada reninni kompensator ajralib chiqarilishi oqibatida angiotenzin II ni hosil boʻlishini bloklashi mumkin. Agar shu mexanizm bilan tushuntirish mumkin boʻlgan arterial gipotenziya rivojlansa, u holda uni aylanib yuruvchi qon xajmini oshirish yoʻli bilan muvofiqlashtirish mumkin.

 

Dozani oshirib yuborilishi

Simptomlari: arterial gipotenziya, sirkulyator shok, elektrolit buzilishlar, buyrak yetishmovchiligi, giperventilyatsiya, taxikardiya, yurak urishini his qilish, bradikardiya, bosh aylanishi, xavotirlik va yoʻtal.

Davolash: vena ichiga tuzli eritmalarni yuborish. Arterial gipotenziyada patsiyentni chalqanchasiga, oyoqlarni tepaga koʻtarib yotqizish lozim. Mumkin boʻlsa, katexolaminlarni vena ichiga yuboriladi va/yoki angiotenzin II infuziyasi buyuriladi. Agar preparat yaqinda qabul qilingan boʻlsa, meʼdani yuvish, absorbentlarni va natriy sulfatini qabul qilish tavsiya qilinadi. Lizinopril gemodializda qondan chiqariladi. Turgʻun bradikardiyani davolash uchun kardiostimulyatorni qoʻllash koʻrsatilgan.

Hayotiy faoliyatlarni va laboratoriya koʻrsatkichlarini (qon zardobida kreatinin va elektrolitlar darajasini aniqlash) muntazam nazorat qilish tavsiya etiladi.

Homiladorlik va emizish davrida qoʻllanishi

Preparatni homiladorlik va emizish davrida qoʻllash mumkin emas.

Bolalar

Lizinopril bolalarda qoʻllanishi xavfsizligi va samaradorligi aniqlanmagan, shuning uchun patsiyentlarning bu yosh toifasiga Lizinopril-Astrafarmni buyurmaslik kerak.

Avtotransportni boshqarishda yoki boshqa mexanizmlar bilan ishlashda reaksiya tezligiga taʼsir qilish qobiliyati

Avtotransportni boshqarishda yoki boshqa mexanizmlar bilan ishlaganda, bosh aylanishi va kuchli toliqish paydo boʻlishi mumkinligini eʼtiborga olish lozim.

Preparat bolalar ololmaydigan joyda saqlansin va yaroqlilik muddati oʻtgach ishlatilmasin.

 

Chiqarilish shakli

10 tabletkadan  PVX\alyumin folgali kontur uyali oʻramda.

Kontur uyali oʻramlar qoʻllash boʻyicha yuriqnomasi bilan birga karton qutiga joylanadi.

 

Saqlash sharoiti

Quruq, yorugʻlikdan himoyalangan joyda, 25°S dan yuqori boʻlmagan haroratda saqlansin.

 

Yaroqlilik muddati

3 yil.

 

Dorixonalardan byerish tartibi

Retsept boʻyicha.