Ilovani yuklab oling
Yuklab olish
ЛЕВОМАК ТАБЛЕТКА

Oson Apteka - Dorixonalar ma'lumotnomasi

ЛЕВОМАК ТАБЛЕТКА 500МГ №5

6 500 so'mdan
(2389)
Dorixonalardagi narx
Xususiyatlari
Xalqaro nomi
LEVOFLOXACIN
Ishlab chiqaruvchi
МЕРРИМЕД
Chiqarilish shakli
ТАБ
Farma. Guruh
Pharm Group Name
Dori tafsilotlari
Taʼrifi: 
Farmakoterapevtik guruhi:
Farmakologik xususiyatlari
Saqlash sharoiti
Yaroqlilik muddati
Dorixonalardan berish tartibi
Dori shakli:
Tarkibi:
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Taʼrifi: 

dumaloq (250 mg) yoki kapsulasimon (500 mg), ikki yoqlama qavariq, jigarrangroq-qizil rangli qobiq bilan qoplangan, ikki tomoni silliq tabletkalar.

 

Farmakoterapevtik guruhi:

 antibakterial vosita (ftorxinolonlar guruhi).

 

 

Farmakologik xususiyatlari

Levofloksatsin – ftorxinolon, keng taʼsir doirasiga ega bakteritsid vosita. Taʼsir mexanizmi bakterial DNK replikatsiyasi, transkripsiyasi, tiklanishi va rekombinatsiyasi uchun zarur boʻlgan fermentlar – bakterial topoizomeraza IV va DNK-girazani (topoizomeraza II) ingibitsiya qilinishi bilan bogʻliq.

Mikroblarga qarshi faolligi:

In vitro sharoitida levofloksatsin grammusbat va grammanfiy mikroorganizmlarga nisbatan keng mikroblarga qarshi faollikni namoyish qiladi.

Levofloksatsin va boshqa ftorxinolonlar orasida kesishgan rezistentlik aniqlanadi, lekin boshqa ftorxinolonlarga rezistent mikroorganizmlar, levofloksatsinga sezgir.

Levofloksatsin ham in vivo, ham in vitro sharoitlarida mikroorganizmlarning koʻpchilik shtammlariga nisbatan faol.

In vitro sharoitlarda:

Sezgir mikroorganizmlar (MIK ≤2 mg/l, ingibitsiya qilish zonasi ≥17 mm) bunga ham

  • Aerob grammusbat mikroorganizmlar: Corynobacterium diphtheriae, Corynobacterium striatum, Enterococcus faecalis, Enterococcus spp., Listeria monocytogenes, Staphylococcus coagulase-negative methi-S(1) [metitsillinga sezgir/oʻrtacha sezgir], Staphylococcus aureus methi-S, Staphylococcus epidermidis methi-S, Staphylococcus spp., Streptococci C va G guruhlari, Streptococcus agalactiae, Streptococcus pneumoniae peni I/S/R (penitsillinga sezgir/oʻrtacha sezgir/rezistent), Streptococcus pyogenes, Viridans streptococci peni-S/R.
  • Aerob grammanfiy mikroorganizmlar: Acinetobacter baumannii, Acinetobacter spp., Acinetobacillus actinomycetemcomitans, Citrobacter freundi, Eikenella corrodens, Enterobacter aerogenes, Enterobacter aggiomerans, Enterobacter cloacae, Enterobacter spp., Escherichia coli, Gardnerella vaginalis, Haemophilus ducreyi, Haemophilus influenzae ampi-S/R (ampitsillinga sezgir/rezistent), Haemophilus parainfluenzae, Helicobacter pylori, Klebsiella oxytoca, Klebsiella pneumoniae, Klebsiella spp., Moraxella catarrhalis β+/β-, Morganell morganii, Neisseria gomorrhoeae, Neisseria meningitis, Pasteurella canis, Pasteurella dagmatis, Pasteurella multocida, Pasteurella spp., Proteus mirabilis, Proteus vulgaris, Providencia rettgeri, Providencia stuartii, Providencia spp., Pseudomonas aeruginosa (Pseudomonas aeruginosa chaqirgan gospital infeksiyalar majmuaviy davolashni talab qilishi mumkin), Pseudomonas spp., Salmonella spp., Serratia marcescens, Serratia spp.
  • Anaerob mikroorganizmlar: Bacteroides fragilis, Bifidibacterium spp., Clostridium perfringens, Fusobacterium spp., Peptostreptococcus, Propionibacterium spp., Veilonella spp.
  • Boshqa mikroorganizmlar: Bartonella spp., Chlamydia pneumoniae, Chlamydia psittaci, Chlamydia trachomatis, Legionella pneumophila, Legionella spp., Mycobacterium spp., Mycobacterium leprae, Mycobacterium tuberculosis, Mycoplasma hominis, Mycoplasma pneumoniae, Ricketsia spp., Ureaplasma urealyticum.

Oʻrtacha sezgir mikroorganizmlar (MPK= 4 mg/l, ingibitsiya qilish zonasi 16-14 mm).

  • Aerob grammusbat mikroorganizmlar: Corynebacterium urealyticum, Corynebacterium xerosis, Enterococcus faecium, Staphylococcus epidermidis methi-R (metitsillinga-rezistent), Staphylococcus haemolyticus methi-R.
  • Aerob grammanfiy mikroorganizmlar: Burkholderia cepacia, Campylodacter jejuni/coli.
  • Anaerob mikroorganizmlar: Bacteroides thetaiotaomicron, Bacteroides vulgarus, Bacteroides ovatus, Provotella spp., Porphyromonas spp.

Levofloksatsinga chidamli mikroorganizmlar (MPK >8 mg/l, ingibitsiya qilish zonasi
<13 mm)

  • Aerob grammusbat mikroorganizmlar: Corynobacterium jeikeium, Staphylococcus aureus methi-R, Staphylococcus coagulase-negative methi-R.
  • Anaerob grammanfiy mikroorganizmlar: Alcaligenes xylosoxidans.
  • Anaerob mikroorganizmlar: Bacteroides thetaiotaomicron.
  • Boshqa mikroorganizmlar: Mycobacterium avium.

Klinik samaradorlik (quyida sanab oʻtilgan mikroorganizmlar chaqirgan infeksiyalarni davolashdagi klinik tadqiqotlardagi samaradorlik).

  • Aerob grammusbat mikroorganizmlar: Enterococcus faecalis, Staphylococcus aureus, Streptococcus pneumoniae, Streptococcus pyogenes.
  • Aerob grammanfiy mikroorganizmlar: Citrobacter freundii, Enterobacter cloacae, Escherichia coli, Haemophilus influenzae, Haemophilus parainfluenzae, Klebsiella pneumoniae, Moraxella (Branhamella) catarrhalis, Morganella morganii, Proteus morabilis, Serratia marcescens.
  • Boshqa mikroorganizmlar: Chlamydia pneumoniae, Legionella pneumophila, Mycoplasma pneumoniae.

Levofloksatsinning taʼsir mexanizmini xususiyatlari tufayli, odatda levofloksatsin va boshqa mikroblarga qarshi vositalar orasida kesishgan rezistentlik kuzatilmaydi.

Farmakokinetikasi

Ichga qabul qilinganida levofloksatsin tez va deyarli toʻliq soʻriladi.

Plazmadagi maksimal konsentratsiyasiga ichga qabul qilinganidan keyin 1-2 soat oʻtgach erishiladi va 5,2±1,2 mkg/ml ni tashkil qiladi. Levofloksatsinning biokiraolishligi – taxminan 99%. Preparatni ovqat qabul qilishdan qatʼiy nazar qabul qilish mumkin. Organizmning toʻqimalari va suyuqliklariga yaxshi kiradi. Levofloksatsinning oʻpka toʻqimasidagi konsentratsiyasi (maksimal konsentratsiyasi taxminan 11,3 mkg/ml ni tashkil qiladi va 4-5 soatdan keyin erishiladi) qon plazmasidagiga qaraganda 2-5 marta yuqori.

24-38% preparat plazma oqsillari bilan bogʻlanadi. Preparat organizmda qisman metabolizmga uchraydi. Asosan oʻzgarmagan holda buyraklar orqali (taxminan 87%) va 5% – metabolitlari koʻrinishida 48 soat davomida chiqariladi. 4% dan kamrogʻi 72 soat davomida ichak orqali chiqariladi. Yarim chiqarilish davri 6 soatdan 8 soatgacha oʻzgaradi.

Alohida guruh bemorlari

Buyrak yetishmovchiligi. Buyrak funksiyasini buzilishi boʻlgan bemorlarda levofloksatsinning plazmadan yarim chiqarilish davri uzayadi, bu holat preparatni toʻplanishidan saqlanish uchun dozaga tuzatish kiritishni talab qiladi. Levofloksatsin organizmdan gemodializ yoki davomli ambulator peritoneal dializ yoʻli bilan chiqarilmaydi.

Jigar yetishmovchiligi. Jigar funksiyasini buzilishi levofloksatsinning metabolizmiga ahamiyatli taʼsir koʻrsatmaydi.

 

Saqlash sharoiti

Quruq, yorugʻlikdan himoyalangan joyda, 25ºS dan yuqori boʻlmagan haroratda saqlansin.

 

Yaroqlilik muddati

36 oy.

 

 

Dorixonalardan berish tartibi

Retsept boʻyicha.

Dori shakli:

 qobiq bilan qoplangan tabletkalar

 

Tarkibi:

1 tabletkada quyidagilar saqlanadi:

faol modda: levofloksatsin (levofloksatsin gemigidrati koʻrinishida) 250.0 yoki 500.0 mg;

yordamchi moddalar: mikrokristall sellyuloza, oldindan jelatinlangan kraxmal, krospovidon, gipromelloza, magniy stearati, propilenglikol, polisorbat 80, tozalangan talk, kolloid kremniy angidridi, titan dioksidi, dietilftalat, temir (III) oksidi boʻyovchisi, temir (II) oksidi boʻyovchisi.

 

Qoʻllanilishi

Levofloksatsinga sezgir mikroorganizmlar chaqirgan quyidagi infeksion-yalligʻlanish kasalliklarda qoʻllanadi:

  • LOR-aʼzolarining infeksiyalari (shu jumladan oʻtkir sinusit);
  • quyi nafas yoʻllarining infeksiyalari (shu jumladan surunkali bronxitni zoʻrayishi, kasalxonadan tashqari pnevmoniya);
  • siydik chiqarish yoʻllari va buyraklarning infeksiyalari (shu jumladan oʻtkir piyelonefrit);
  • jinsiy aʼzolarning infeksiyalari (shu jumladan surunkali bakterial prostatit);
  • teri va yumshoq toʻqimalarning infeksiyalari (yiringlagan ateromalar, abssess, furunkulyoz);
  • intraabdominal infeksiya.
  • tuberkulyoz (dorilarga chidamli shakllarini majmuaviy davolash);
  • septitsemiya/bakteriyemiya (yuqorida koʻrsatilgan kasalliklar bilan bogʻliq boʻlgan) da qoʻllanadi.

 

Qoʻllash usuli va dozalari

Ichga, ovqatdan oldin yoki ovqat qabul qilish orasidagi tanaffuslarda, chaynamasdan, yetarli miqdordagi suyuqlik bilan qabul qilinadi.

Buyrak funksiyasi normal boʻlgan bemorlarda (kreatinin klirensi ≥50 ml/min) turli koʻrsatmalarda preparatning quyidagi dozalari qoʻllanadi:

 

Koʻrsatma

Doza

Davomiyligi (kunlar)

1

Teri va yumshoq toʻqimalarning infeksion kasalliklari

250-500 mg sutkada 2 marta

7-14 kun

2

Kasalxonadan tashqari pnevmoniya

500 mg sutkada 1-2 marta

7-14 kun

3

Surunkali bronxitni zoʻrayishi

250-500 mg sutkada 1 marta

7-10 kun

4

Oʻtkir yuqori jagʻ sinusiti

500 mg sutkada 1 marta

10-14 kun

5

Siydik chiqarish yoʻllarining asoratlangan infeksiyalari (shu jumladan oʻtkir piyelonefrit)

250 mg sutkada 1 marta

7-10 kun

6

Siydik chiqarish yoʻllarining asoratmanmagan infeksiyalari

250 mg sutkada 1 marta

3 kun

7

Intraabdominal infeksiya

500 mg sutkada 1 marta

7-14 kun (anaerob floraga taʼsir qiluvchi antibakterial preparatlar bilan majmuada)

8

Surunkali bakterial prostatit

500 mg sutkada 1 marta

28 kun

9

Yuqorida koʻrsatilganlar bilan bogʻliq boʻlgan septitsemiya/bakteriyemiya

500 mg sutkada 1-2 marta

10-14 kun

10

Tuberkulyozning dorilarga chidamli shakllarini majmuaviy davolash

500 mg sutkada 1-2 marta

3 oygacha

Levofloksatsin asosan buyrak orqali chiqariladi, shuning uchun buyrak funksiyasi buzilishi boʻlgan patsiyentlarda preparatning dozasini pasaytirish talab qilinadi (quyidagi jadvalga qarang).

Kreatinin klirensi

Levofloksatsinni dozalash tartibi

>50 ml/min

Tavsiya qilinadigan doza: 250 mg/24 soat

Tavsiya qilinadigan doza: 500 mg/24 soat

Tavsiya qilinadigan doza: 500 mg/12 soat

50-20 ml/min

Birinchi doza: 250 mg; soʻngra 125 mg/24 soat

Birinchi doza: 500 mg; soʻngra 250 mg/24 soat

Birinchi doza: 500 mg; soʻngra 250 mg/12 soat

19-10 ml/min

Birinchi doza: 250 mg; soʻngra 125 mg/48 soat

Birinchi doza: 500 mg; soʻngra 125 mg/24 soat

Birinchi doza: 500 mg; soʻngra 125 mg/12 soat

<10 ml/min (shu jumladan gemo-dializ va DAPD1)

Birinchi doza: 250 mg; soʻngra 125 mg/48 soat

Birinchi doza: 500 mg; soʻngra 125 mg/24 soat

Birinchi doza: 500 mg; soʻngra 125 mg/24 soat

1 Gemodializ yoki doimiy ambulator peritoneal dializdan (DAPD) keyin qoʻshimcha dozalarni yuborish talab qilinmaydi.

Jigar funksiyasini buzilishida dozani maxsus tanlash talab qilinmaydi, chunki levofloksatsin jigarda faqat ahamiyatsiz darajada metabolizmga uchraydi. Keksa yoshdagi patsiyentlar uchun kreatinin klirensining past hollaridan tashqari (minutiga 50 ml gacha va past), dozalash tartibini oʻzgartirish talab qilanmaydi.

Preparat bilan davolashni tana harorati normallashganidan keyin yoki qoʻzgʻatuvchi ishonchli yoʻqotilganidan keyin yana kamida 48-72 soat davom ettirish tavsiya etiladi.

Dozalash tartibi infeksiyaning xarakteri va ogʻirligi, shuningdek taxmin qilingan qoʻzgʻatuvchining sezgirligiga qarab aniqlanadi. Davollash davomiyligi kasallikning turiga bogʻliq.

 

Nojoʻya taʼsirlari

Nojoʻya reaksiyalar tez-tezligini aniqlash (bemorlarning sonini holatlarning umumiy soniga nisbati): tez-tez (>1/100 va <1/10), tez-tez emas (>1/1000 va <1/100), kam hollarda (>1/10000 va <1/1000), juda kam hollarda (<1/1000).

Ovqat hazm qilish tizimi tomonidan: tez-tez – koʻngil aynishi, diareya, “jigar” transaminazalari faolligini oshishi; tez-tez emas – ishtahani yoʻqolishi, qusish, anoreksiya, qorin ogʻriqlari, ovqat hazm boʻlishini buzilishi; kam hollarda – qonli diareya, soxtamembranoz kolit, giperbilirubinemiya; juda kam hollarda – jigar reaksiyalari (masalan, jigarni yalligʻlanishi yoki gepatit).

Yurak-qon tomir tizimi tomonidan: kam hollarda – arterial bosimni pasayishi, taxikardiya; juda kam hollarda – tomirli kollaps; alohida hollarda – QT intervalini choʻzilishi; juda kam hollarda – hilpillovchi aritmiya.

Moddalar almashinuvi tomonidan: juda kam hollarda – gipokaliyemiya (ishtahani oshishi, koʻp terlash, asabiylik, qaltirash).

Nerv tizimi tomonidan: tez-tez emas – bosh ogʻrigʻi, bosh aylanishi va/yoki qotib qolish, kuchsizlik, uyquchanlik, uyqusizlik; kam hollarda – depressiya, xavotirlik, qoʻrquv, gallyutsinatsiyalar, ongni chalkashishi, harakat buzilishlari, tirishishlar, paresteziyalar, tremor; juda kam hollarda – koʻrish va eshitishni buzilishi, taʼm va xid sezishni buzilishi, taktil sezuvchanlikni buzilishi, periferik sensor va sensor-motor neyropatiya, quloqlarda jaranglash, ajitatsiya (qoʻzgʻalish), “dahshatli” tushlar koʻrish, oʻziga zarar yetkazishli xulqni buzilishlari bilan ruhiyatni buzilishi, suitsidal fikrlar, suitsidal urinishlar, ekstrapiramid buzilishlar.

Tayanch-harakat apparati tomonidan: kam hollarda – paylarni shikastlanishi (shu jumladan tendinit), boʻgʻim va mushak ogʻriqlari; juda kam hollarda – mushak kuchsizligi, paylarni uzilishi (masalan, axillov payini), bu nojoʻya samara davolash boshlanganidan keyin 48 soat davomida kuzatilishi mumkin va ikki tomonli xarakterga ega boʻlishi mumkin; alohida hollarda – rabdomioliz.

Siydik chiqarish tizimi tomonidan: kam hollarda – giperkreatininemiya; juda kam hollarda – interstitsial nefrit, oʻtkir buyrak yetishmovchiligi.

Qon yaratish aʼzolari tomonidan: tez-tez emas – eozinofiliya, leykopeniya; kam hollarda – neytropeniya, trombotsitopeniya; juda kam hollarda – agranulotsitoz va ogʻir infeksiyalarni rivojlanishi; alohida hollarda – pansitopeniya, gemolitik anemiya.

Allergik reaksiyalar: tez-tez emas – qichishish, teri giperemiyasi; kam hollarda –  eshakemi, bronxospazm va mumkin boʻlgan ogʻir boʻgʻilish kabi oʻta yuqori sezuvchanlikning umumiy reaksiyalari (anafilaktik va anafilaktoid); juda kam hollarda – teri va shilliq qavatlarning shishi, arterial bosimni keskin pasayishi va shok, fotosensibilizatsiya (quyosh va UB-nurlariga yuqori sezuvchanlik), allergik pnevmonit, vaskulit; alohida hollarda – xavfli ekssudativ eritema (Stivens-Djonson sindromi), toksik epidermal nekroliz (Layell sindromi).

Boshqalar: tez-tez emas – umumiy kuchsizlik; juda kam hollarda – turgʻun isitma, superinfeksiyani rivojlanishi; alohida hollarda – porfiriyani zoʻrayishi.

 

Qoʻllash mumkin boʻlmagan holatlar

Levofloksatsinga, boshqa xinolonlarga yoki dori vositasining ayrim komponentlariga individual oʻta yuqori sezuvchanlik.

Markaziy nerv tizimining buzilishlari (tutqanoq, serebral aterosklerozning ogʻir shakli).

Xinolonlar bilan ilgari oʻtkazilgan davolashda paylarni  shikastlanishi.

Homiladorlik va laktatsiya davri.

Bolalar va 18 yoshgacha boʻlgan oʻsmirlarda.

Buyrak funksiyasini buzilishida (kreatinin klirensi minutiga 20 ml dan kam) qoʻllash mumkin emas.

Ehtiyotkorlik bilan

Tirishish reaksiyalariga moyillik (bosh miya tomirlarining aterosklerozi, bosh miyada qon aylanishini buzilishlari (anamnezdagi), markaziy nerv tizimining organik kasalliklari), keksalar, glyukoza-6-fosfatdegidrogenaza tanqisligi, buyrak yetishmovchiligi, Q-T intervalini tugʻma uzayish sindromi, yurak kasalliklari (yurak yetishmovchiligi, miokard infarkti, bradikardiya), elektrolitlar disbalansi (masalan, gipokaliyemiyadagi, gipomagniyemiyadagi), qandli diabet, miasteniya gravis, psixozlar va anamnezdagi boshqa ruhiy buzilishlar, jigar porfiriyasi, Q-T intervalini uzaytiruvchi (IA va III sinflari antiaritmik vositalar, tritsiklik va tetratsiklik antidepressantlar, neyroleptiklar, makrolidlar, zamburugʻlarga qarshi vositalar, imidazol hosilalari, ayrim antigistaminlar, shu jumladan astemizol, terfinadin, ebastin) va bosh miyaning tirishishga tayyorlik boʻsagʻasini pasaytiruvchi (fenbufen, teofillin) dori vositalarini bir vaqtda qoʻllashda ehtiyotkorlikka rioya etish kerak.

 

Dorilarning oʻzaro taʼsiri

Levofloksatsin siklosporinning yarim chiqarilish davrini oshiradi.

Ichak motorikasini susaytiruvchi preparatlar, sukralfat, magniy- va alyuminiy saqlovchi antatsid vositalar, temir ionlari, multivitaminlar tarkibidagi rux levofloksatsinning samarasini pasaytiradi (bu preparatlar va levofloksatsinni qabul qilish kamida 2 soatlik tanaffus boʻlishi kerak).

Levofloksatsinni chiqarilishi simetidin, probenitsid va naychalar sekretsiyasini bloklovchi dori vositalarining taʼsiri ostida sekinlashadi.

Nosteroid yalligʻlanishga qarshi preparatlar va teofillin: levofloksatsin bilan qoʻllanganida tirishishga tayyorlikni oshiradi.

Glyukokortikosteroidlar: paylarni uzilish xavfini oshiradi.

Antidiabetik preparatlar: qondagi glyukoza darajasini qatʼiy nazorat qilish kerak, chunki ular levofloksatsin bilan bir vaqtda ishlatilganida giper- va gipoglikemiyaning ehtimoli bor.

Kumarin hosilalari bilvosita antikoagulyantlar bilan bir vaqtda qoʻllanganida, xalqaro normallashtirilgan nisbatni nazorat qilish kerak. Q-T intervalini uzaytiruvchi preparatlar (IA va III sinfi antiaritmik vositalar, tritsiklik va tetratsiklik antidepressantlar, neyroleptiklar, makrolidlar, zamburugʻlarga qarshi vositalar, imidazol hosilalari, ayrim antigistaminlar, shu jumladan astemizol, terfenadin, ebastin) bir vaqtda qoʻllanganida Q-T intervalini uzayishi mumkin.

 

Maxsus koʻrsatmalar

Pseudomobos aeruginosa chaqirgan gospital infeksiyalar, majmuaviy davolashni talab qilishi mumkin. Levofloksatsin asosan buyrak orqali chiqarilishi tufayli, buyrak funksiyasi buzilgan bemorlarda, buyrak funksiyasini nazorat qilish, shuningdek dozalash tartibiga tuzatish kiritish talab qilinadi. Ftorxinolonlarni, shu jumladan levofloksatsinni qabul qilayotgan patsiyentlarda Q-T intervali uzayishi mumkin. Ftorxinolonlar, shu jumladan levofloksatsin qoʻllanganida, Q-T intervalining uzayishini xavf omillari boʻlgan ayrim patsiyentlarda ehtiyotkorlikka rioya qilish kerak: keksalar; elektrolit muvozanatini buzilishi (gipokaliyemiya, gipomagniyemiya); Q-T intervalini tugʻma uzayishi sindromi; yurak kasalliklari (yurak yetishmovchiligi, miokard infarkti, bradikardiya); Q-T intervalini uzaytirish xususiyatiga ega boʻlgan dori vositalarini bir vaqtda qabul qilish. Peroral gipoglikemik preparatlar (masalan, glibenklamid) yoki insulin qabul qilayotgan qandli diabeti boʻlgan patsiyentlarda, levofloksatsin qoʻllanganida gipoglikemiyani rivojlanish xavfi oshadi. Bunday patsiyentlarda qondagi glyukozaning konsentratsiyasini monitoringi talab qilinadi. Ftorxinolonlar, shu jumladan levofloksatsin qilayotgan patsiyentlarda, sensor va    sensor-motor periferik neyropatiya aniqlangan, uning boshlanishi tez boʻlishi mumkin. Patsiyentlarda neyropatiya simptomlari paydo boʻlganida, levofloksatsinni qoʻllashni toʻxtatish kerak (mumkin boʻlgan qaytmas oʻzgarishlar rivojlanishi xavfini minimallashtiradi).

Preparatni birinchi qabul qilishda yoki u bekor qilinganida oʻziga xos taʼsirlar koʻrsatmaydi.

Boshlangan davolash kursini mustaqil ravishda muddatidan oldin toʻxtatish yoki vaqtincha tanaffus qilish, shuningdek preparatni nomuntazam qabul qilish mumkin emas.

Bir dozani qabul qilish oʻtkazib yuborilganida, preparatning navbatdagi dozasini iloji boricha tezroq qabul qilish, keyinchalik preparatni shifokor belgilagan tartib boʻyicha qabul qilishni davom ettirish kerak. Preparatni ikki barobar katta dozasini qabul qilish mumkin emas.

Homiladorlik va laktatsiya

Homiladorlikda preparatni qoʻllash mumkin emas. Davolanish vaqtida emizishni toʻxtatish kerak.

Transport vositalari va mexanizmlarni boshqarish qobiliyatiga taʼsiri

Davolanish vaqtida diqqatni yuqori jamlashni va psixomotor reaksiyalar tezligini talab qiluvchi potensial xavfli faoliyat turlari bilan shugʻullanishdan saqlanish kerak.

Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Simptomlari: ongni chalkashishi, bosh aylanishi, tirishishlar, meʼda-ichak buzilishlari (masalan, koʻngil aynishi) va shilliq qavatlarning eroziv shikastlanishi, QT intervalini uzayishi.

Davolash: simptomatik, dializ samarasiz.

 

Chiqarilish shakli

5 tabletkadan tegishli markirovkaga ega alyumin blisterda. Blister va qoʻllash boʻyicha yoʻriqnomasi joylangan karton quti.