Ilovani yuklab oling
Yuklab olish
Левокарнитин -ЕТ

Oson Apteka - Dorixonalar ma'lumotnomasi

Левокарнитин -ЕТ РАСТВОР ДЛЯ ИНЕКЦИИ 100мг/мл 5мл №5

15 000 so'mdan
(3980)
Dorixonalardagi narx
Xususiyatlari
Xalqaro nomi
Ishlab chiqaruvchi
Shandong Qidu Pharmaceutical
Chiqarilish shakli
Р-Р Д/ИН
Farma. Guruh
Стимуляторы метаболических процессов
Dori tafsilotlari
Dori shakli: 
Tarkibi:
Taʼrifi: 
Farmakoterapevtik guruhi: 
Farmakologik taʼsiri
Farmakokinetikasi
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi:
Dori shakli: 

inyeksiya uchun eritma

 

Tarkibi:

1 ampula quyidagilarni saqlaydi:

faol modda: levokarnitin – 100 mg, 200 mg;

yordamchi moddalar: xlorid kislotasi, inyeksiya uchun suv.

 

Taʼrifi: 

tiniq, rangsizdan to biroz sargʻish rangligacha boʻlgan, oʻziga xos hidli suyuqlik.

 

Farmakoterapevtik guruhi: 

Metabolik vosita.

 

 

Farmakologik taʼsiri

Levokarnitin – V guruhi vitaminlariga yaqin boʻlgan tabiiy moddadir. Sitoplazmadan mitoxondriyalarga hujayra membranalari orqali yogʻ kislotalarning tashuvchisi sifatida moddalar almashinuvi jarayonlarida ishtirok etadi, u yerda bu kislotalar katta miqdorda metabolik energiya (ATF shaklida) hosil qilib, beta oksidlanishga uchraydi.

Oqsil va yogʻ almashinuvini normallashtiradi, qonning ishqoriy zahirasini tiklaydi, ketokislotalar hosil boʻlishini va anaerob glikolizni susaytiradi, laktatsidozning darajasini kamaytiradi, shuningdek harakat faolligini oshiradi va jismoniy yuklamalarga chidamlilikni oshiradi, ayni paytda glikogenni tejalib sarflanishiga va uni jigardagi zahiralarini oshishiga yordam beradi. Anabolik taʼsir koʻrsatadi, tiroksinning qisman antagonisti boʻlib, gipertireozda oshgan asosiy modda almashinuvni normallashtiradi, meʼda shirasining sekretsiyasini ragʻbatlantiradi, oqsil va uglevodlar molekulalarini parchalanishini sekinlashtiradi. Ortiqcha tana vaznini kamaytiradi va mushaklarda yogʻ miqdorini kamaytiradi. Neyrotrofik taʼsir koʻrsatadi, apoptozni rivojlanishini tormozlaydi, shikastlanish sohasini cheklaydi va nerv toʻqimasini strukturasini tiklaydi.

 

Farmakokinetikasi

Taqsimlanishi

Parenteral yuborilganida barcha toʻqimalarga yaxshi kiradi, yuqori konsentratsiyalari skelet mushaklarida va miokardda hosil boʻladi.

Chiqarilishi

Asosan atsil efirlari koʻrinishida buyrak orqali chiqariladi, erkin karnitin qayta soʻriladi.

 

Qoʻllanilishi
  • Pediatriya amaliyotida (shifokor nazorati ostida 3 yoshgacha boʻlgan bolalarni davolash):
  • chala tugʻilgan goʻdaklar, yangi tugʻilgan chaqaloqlar, tugʻruq travmasi yoki asfiksiya oʻtkazganlarni parvarish qilishda;
  • soʻrish refleksi sust va tana vaznini oshishi past boʻlgan bolalarda; mushaklar tonusi pasaygan bolalarda, harakat va ruhiy faoliyatlarni rivojlanishi yetarli boʻlmaganda, shuningdek “xavf guruhi” bolalarda bu buzilishlarni oldini olish maqsadida;
  • yangi tugʻilgan chaqaloqlarda respirator distress sindromida qoʻllaniladi.
  • Endokrinologiya: 16 yoshgacha boʻlgan bolalarda oʻsishdan orqada qolish, tireotoksikozning yengil shakllari, diabetik polinevropatiya, ekzogen konstitutsional semirishda qoʻllaniladi.
  • Kardiologiya: kardiomiopatiya, miokardit, yurak ishemik kasalligi (oʻtkir miokard infarkti, infarktdan keyingi holatlar).
  • Bosh miyaning qon tomir patologiyasi oqibatidagi, toksik va travmatik shikastlanishlaridagi nevrologik koʻrinishlar.
  • Gastroenterologiya: sekretor funksiyasi past boʻlgan surunkali gastrit, tashqi sekretor funksiyasi past boʻlgan surunkali pankreatit, jigar kasalliklari.
  • Ishtahani pasayishi, tana vaznini kamayishi va ozib ketish bilan kechuvchi holatlar va kasalliklar.
  • Oʻtkazilgan kasalliklar va jarrohlik muolajalaridan keyingi tiklanish davrida.
  • Muntazam jismoniy yuklama, sport mashgʻulotlari (ish qobiliyati va chidamlilikni oshirish, toliqishni kamaytirish uchun).
  • Karnitin yetishmovchiligi yoki uni yoʻqotilishini oshishi bilan kechuvchi kasalliklar (miopatiyalar, mitoxondriyalarni yetishmovchiligi boʻlgan nasliy kasalliklar) − uning tanqisligini toʻldirish uchun majmuaviy davolash tarkibida.
  • Karnitin ikkilamchi yetishmovchiligi uzoq vaqt gemodializda boʻlgan bemorlarda kuzatiladi.
    • Dermatologiya: psoriaz, seboreyali ekzema, sklerodermiya, diskoid qizil yugurikda qoʻllaniladi.

Imkoniyati boʻlganida qonda karnitinning darajasini aniqlash lozim.

 

Qoʻllash usuli va dozalari

Vena ichiga va mushak ichiga yuboriladi. Vena ichiga tomchilab sekin yoki oqim bilan (2-3 min) yoki mushak ichiga yuboriladi. Vena ichiga yuborishdan oldin ampulaning ichidagisi 100-200 ml erituvchida (0,9% natriy xloridi eritmasi yoki 5% dekstroza (glyukoza) eritmasi) eritiladi.

Dozalari va davolash davomiyligi koʻrsatmalarga qarab, individual ravishda belgilanadi.

Kattalar va 12 yoshdan oshgan bolalar

Sutkalik doza odatda 1-3 g ni tashkil qiladi, 3-4 marta yuborishga boʻlinadi. Boshlangʻich doza sutkada 1 g ni tashkil qiladi, patsiyent tekshirilganidan keyin esa, holatiga qarab, dozani sutkada 3 g gacha oshirish mumkin.

Karnitinning birlamchi va ikkilamchi tanqisligidagi oʻtkir dekompensatsiya holatda preparat sutkada 50-100 mg/kg dozada 3-4 marta yuborishda buyuriladi. Zarurati boʻlganida preparatni kattaroq dozada qoʻllash mumkin.

Gemodializ olayotgan, surunkali buyrak yetishmovchiligining terminal bosqichida boʻlgan patsiyentlardagi karnitinning ikkilamchi tanqisligida, preparat sutkada
20 mg/kg dozada gemodializning har bir muolajasi tugashi bilan (haftada gemodializning uchta muolajasi oʻtkazilganida) buyuriladi.

12 yoshgacha boʻlgan bolalar

Karnitinning birlamchi yoki ikkilamchi tanqisligidagi oʻtkir dekompensatsiya holatda preparat sutkada 50-100 mg/kg dozada 3-4 marta yuborishda buyuriladi.

Gemodializ olayotgan surunkali buyrak yetishmovchiligining terminal bosqichida boʻlgan patsiyentlardagi karnitinning ikkilamchi tanqisligida, preparat sutkada
10-20 mg/kg dozada gemodializning har bir muolajasi tugashi bilan (haftada gemodializning uchta muolajasi oʻtkazilganida) buyuriladi.

Vena ichiga yuborilganida preparat bilan davolash davomiyligi uzogʻi bilan 3 oyni tashkil qiladi. Odatda takroriy davolash kursi buyuriladi.

Miyada qon aylanishining oʻtkir buzilishlarida sutkada 1 g 3 kun davomida, soʻngra esa sutkada 0,5 g 7 kun davomida buyuriladi. 10-12 kundan keyin takroriy davolash kursi 3-5 kun davomida boʻlishi mumkin.

Dissirkulyator ensefalopatiya va bosh miyaning turli shikastlanishlarida preparat oʻtkir osti va tiklanish davrida buyurilganida, karnitin tanqisligida bemorlarga eritma sutkada 0,5-1 g hisobida vena ichiga (tomchilab, oqim bilan) yoki mushak ichiga (kuniga 2-3 marta) suyultirmasdan 3-7 kun davomida yuboriladi. Zarurati boʻlganida 12-14 kundan keyin takroriy kurs buyuriladi.

Vena ichiga sekin (2-3 marta) karnitinni ikkilamchi tanqisligida gemodializda buyuriladi − 2 g bir marta (muolajadan soʻng); oʻtkir miokard infarktida, oʻtkir yurak yetishmovchiligida − sutkada 3-5 g, birinchi 2-3 sutkada 2-3 marta qabul qilishga boʻlinadi, keyinchalik doza 2 martaga pasaytiriladi; kardiogen shokda − sutkada 3-5 g, patsiyent shokdan oʻziga kelgunicha 2-3 marta qabul qilishga boʻlib yuboriladi.

Genetik kasalliklardagi karnitinning birlamchi va ikkilamchi tanqisligida preparat ichga buyuriladi. Dozasi preparatning yoshi va tana vazniga qarab hisoblanadi.

0-2 yoshdagi patsiyentlarda preparatning sutkalik dozasi tana vazniga 150 mg/kg, 2-6 yoshda tana vazniga 100 mg/kg, 6-12 yoshda tana vazniga 75 mg/kg, 12 yoshdan katta bolalar va kattalar uchun 2-4 g buyuriladi.

Gemodializdagi ikkilamchi tanqislikda preparat gemodializ seansidan soʻng sutkada 2 g dozada vena ichiga yoki sutkada 2-4 g dozada ichga buyuriladi.

Stenokardiyada va infarktdan keyingi holatda sutkada 2-6 g sutkalik dozada ichga buyuriladi. Ichga qabul qilish uchun eritmaning bir martalik dozali flakon ichidagisini qabul qilishdan oldin bir stakan suvda eritish va ovqat qabul qilishdan qatʼiy nazar ichga qabul qilish lozim.

Oʻtkir miokard infarktida sutkalik doza tana vazniga 100-200 mg/kg ni tashkil qiladi, vena ichiga 4 marta sekin inyeksiya koʻrinishida yoki keyinchalik patsiyent kardiologiya boʻlimida boʻlgan oxirgi kungacha 2 marta kamaytirish bilan 48 soat davomida vena ichiga uzluksiz yuborishni tashkil qiladi. Kardiogen shokda vena ichiga yuborishni ushbu holatdan chiqgunicha davom ettirish lozim.

Vena ichiga preparatni sekin 2-3 minut davomida yuborish lozim.

Metabolizmning tugʻma buzilishlarida:

Dozalash metabolizmning oʻziga xos tugʻma buzilishiga va davolash vaqtida uning klinik yaqqolligiga bogʻliq.

Ayni vaqtda, asosiy prinsip sifatida oʻtkir dekompensatsiyada sutkalik doza kuniga
100 mg/kg tavsiya qilinadi, 3-4 marta yuborishga boʻlinadi.

Gemodializdagi bemorlardagi karnitinning ikkilamchi yetishmovchiligida:

Karnitinning ikkilamchi yetishmovchiligi atsil/erkin karnitin nisbatining koʻrsatkichi 0,4 dan katta boʻlganida va/yoki erkin karnitinning konsentratsiyasi 20 mkrmol/l dan past boʻlganida aniqlanadi. Har bir dializ jarayonining oxirida (bir haftada 3 dializ jarayoni moʻljallanadi) vena ichiga 20 mg/kg buyurish lozim.

Parenteral davolashning davomiyligi kamida 3 oy boʻlishi kerak, chunki bu mushaklarda erkin karnitinning normal darajaga tiklanish davri hisoblanadi. Natijalarning samaradorligi plazmada atsillangan va erkin karnitinning darajalarini koʻrsatkichlari va klinik simptomlar dinamikasini monitoringi bilan baholanishi kerak. Takroriy davolash kursining zarurati plazmada karnitinning darajasini muntazam baholash va klinik simptomlarni monitoring qilish fonida aniqlanadi.

 

Nojoʻya taʼsirlari

L-karnitinning katta (sutkada 15 grammgacha) dozalarni uzoq vaqt davomida qabul qilinishi hech qanday nojoʻya samaralarni chaqirmagan. Yuqori darajada energiya ajralib chiqishi tufayli, karnitinni qabul qilish vaqtida, garchi bu juda kam kuzatilsa-da, uyqusizlik rivojlanishi mumkin. Buni oldini olish uchun L-karnitinni kunning birinchi yarmida qabul qilish kerak, shu bilan birga, bu vaqtda u samaraliroq xamdir. Kazuistik jihatdan koʻngil aynishi, bosh ogʻrigʻi, ahlatni buzilishi bilan namoyon boʻluvchi karnitinni individual oʻzlashtirolmaslik paydo boʻladi.

 

Qoʻllash mumkin boʻlmagan holatlar

Preparatning komponentlariga yuqori sezuvchanlikda qoʻllash mumkin emas.

 

Dorilarning oʻzaro taʼsiri

L-karnitin boshqa dori vositalari bilan oʻzaro taʼsirga kirishmaydi, shuning uchun uni boshqa preparatlar va yogʻni kamaytiruvchilar bilan qoʻshish sogʻliqqa zarar yetkazmaydi.

 

 

Maxsus koʻrsatmalar

Glyukozaning utilizatsiyasi oshganida insulinni qabul qilish va peroral gipoglikemik davolash fonida diabetik bemorlarga levokarnitinni buyurish gipoglikemiyani kuchaytirishi mumkin.

Agar talab qilinsa, gipoglikemik davolashni darhol yoʻliga olish uchun plazmada glyukozaning darajasini muntazam aniqlash lozim.

Levokarnitinning peroral shakli bilan davolashning xavfsizligini va samaradorligini buyrak yetishmovchiligi boʻlgan bemorlarda baholash mumkin emas. Buyrak funksiyasining turli buzilishlari boʻlgan bemorlarga yoki gemodializda buyrak kasalliklarining oxirgi bosqichida levokarnitinning yuqori dozalarini peroral uzoq vaqtga buyurish toksik metabolitlari, trimetilamin va trimetilamin-n-oksidni toʻplanishiga olib kelishi mumkin, chunki bu metabolitlari siydik bilan chiqariladi. Bunday vaziyat levokarnitin v/i yoki m/i buyurilganida kuzatilmaydi.

Homiladorlik va laktatsiya

Reproduksiyani oʻrganishi yuzasidan eksperimental tadqiqotlari biron bir teratogen samarasi yoʻqligini koʻrsatdi. Karnitinning birlamchi yetishmovchiligi fonida homiladorlarda preparatni qoʻllash boʻyicha maʼlumotlar yoʻq. Preparat bilan davolash bekor qilinganida homila uchun nazariy xavfdan, ona uchun xavfni ustun kelishini hisobga olish lozim. Levokarnitin ona sutining normal komponenti hisoblanadi. Emizikli ayollarda levokarnitinni ishlatilishi oʻrganilmagan.

Transport vositalarini va  mexanizmlarni boshqarish qobiliyatiga taʼsiri

Preparat avtotransportni boshqarish va boshqa potensial xavfli faoliyatlar turlarini bajarish qobiliyatiga taʼsir qilmaydi.

Preparat bolalar ololmaydigan joyda saqlansin va yaroqlilik muddati oʻtgach ishlatilmasin.

 

Dozani oshirib yuborilishi

Dozani oshirib yuborilishida levokarnitinning toksikligi haqida maʼlumotlar yoʻq. Doza oshirib yuborilgan holatda, umumiy qabul qilingan chora-tadbirlar oʻtkaziladi.

 

Chiqarilish shakli

Birlamchi oʻrami:  2 ml, 5 ml, 10 ml dan preparat toʻq rangli shisha ampulalarda.

Ikkilamchi oʻrami: 5, 10 ampulalar PVX plyonkali blisterda, qoʻllash boʻyicha yoʻriqnomasi bilan birga karton qutiga joylangan.

 

Saqlash sharoiti

Original oʻramlarda, yorugʻlikdan himoyalangan joyda, 25oS dan yuqori boʻlmagan haroratda saqlansin.

 

Yaroqlilik muddati

2 yil.

 

 

Dorixonalardan berish tartibi:

Retsept  boʻyicha.