Ilovani yuklab oling
Yuklab olish
Летрозол ТАБЛЕТКА

Oson Apteka - Dorixonalar ma'lumotnomasi

Летрозол ТАБЛЕТКА 2.5мг №30

135 000 so'mdan
(2973)
Dorixonalardagi narx
Xaritada topish
Xususiyatlari
Xalqaro nomi
Letrozole
Ishlab chiqaruvchi
KERN PHARMA
Chiqarilish shakli
ТАБ
Farma. Guruh
Противоопухлевые препараты
Dori tafsilotlari
Dori shakli:
Tarkibi:
Taʼrifi:
Farmakoterapevtik guruhi: 
Farmakologik xususiyatlari
Yaroqlilik muddati
Dorixonalardan berish tartibi
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Dori shakli:

 plyonka qobiq bilan qoplangan tabletkalar

 

Tarkibi:

Bir tabletka quyidagilarni saqlaydi:

faol modda: letrozol – 2,5 mg;

yordamchi moddalar: natriy karboksimetilkraxmal, oʻta jelatinlangan kraxmal, kolloid kremniy dioksidi, laktoza monogidrati 200 (sut qandi), magniy stearati, mikrokristall sellyuloza 101 turi,

plyonka qobigʻi: Advantiya Praym 144900VA01 (gipromelloza, titan dioksidi, makrogol, temir (II) oksidi boʻyovchisi).

 

Taʼrifi:

 dumaloq, ikki tomonlama qavariq, krem tusli och sariq rangli, plyonka qobiq bilan qoplangan tabletkalar, koʻndalang kesimida yupqa plyonka qobigʻi va oq yoki deyarli oq rangli yadrosi koʻrinadi.

 

Farmakoterapevtik guruhi: 

oʻsmalarga qarshi vosita, estrogenlar sintezini ingibitori.

 

Farmakologik xususiyatlari

Farmakodinamikasi

Letrozol antiestrogen taʼsir koʻrsatadi, estrogenlar sintezini fermenti boʻlgan aromatazani, ushbu fermentning subbirligi – sitoxrom R450 gemi bilan yuqori spetsifik raqobatli bogʻlanishi hisobiga, selektiv ingibitsiya qiladi. Estrogenlar sintezini ham periferik, ham oʻsma toʻqimalarida bloklaydi.

Ayollarda postmenopauza davrida estrogenlar asosan buyrak usti bezlarida sintezlanadigan androgenlarni (birinchi navbatda, androstendion va testosteron) estron va estradiolga aylantiradigan aromataza fermenti ishtirokida hosil boʻladi. Letrozol preparatini 0,1-5 mg dozada har kuni qabul qilish, qon plazmasida estradiol, estron va estron sulfatning konsentratsiyasini dastlabki miqdoridan 75-95% ga pasayishiga olib keladi. Estrogenlar sintezining supressiyasi butun davolash davri davomida saqlanib turadi.

Letrozol 0,1 mg dan 5 mg gacha dozalarda qoʻllanganida buyrak usti bezlaridagi steroid gormonlar sintezini buzilishi kuzatilmaydi, adrenokortikotrop gormon (AKTG) bilan oʻtkazilgan sinama aldosteron yoki kortizol sintezini buzilishini aniqlamaydi. Glyukokortikosteroidlar va mineralokortikosteroidlarni qoʻshimcha ravishda buyurish tavsiya etilmaydi. Estrogenlar sintezini bloklanishi estrogenlarning oʻtmishdoshi boʻlgan androgenlarni toʻplanishiga olib kelmaydi. Letrozolni qabul qilish fonida qon plazmasida lyuteinlovchi va follikulalarni ragʻbatlantiruvchi gormonlarning konsentratsiyasini oʻzgarishlari, qalqonsimon bez faoliyatini oʻzgarishlari, lipidlar profilini oʻzgarishi, miokard infarkti va insultni rivojlanish tez-tezligini oshishi kuzatilmagan.

Farmakokinetikasi

Letrozol meʼda-ichak yoʻllari (MIY) dan tez va toʻliq soʻriladi, biokiraolishligi – taxminan 99% ni tashkil etadi. Ovqatlanish soʻrilish tezligini biroz pasaytiradi. Qonda letrozolning maksimal konsentratsiyasiga erishish vaqti (TCmax) – letrozolni och qoringa qabul qilinganida taxminan 1 soatni va ovqat bilan birga qabul qilinganida taxminan 2 soatni tashkil etadi. Muvozanatli konsentratsiyasiga 2,5 mg sutkalik dozada har kuni qabul qilinganida 2-6 haftadan keyin erishiladi. Plazma oqsillari (asosan albuminlar) bilan bogʻlanishi – taxminan 60% ni tashkil etadi. Eritrotsitlarda letrozolning konsentratsiyasi plazmadagi konsentratsiyasining taxminan 80% ni tashkil etadi. Muvozanatli holatda taxminiy taqsimlanish hajmi – oʻrtacha 1,5-2 l/kg ni tashkil etadi.

Preparat uzoq muddat qoʻllanganida organizmda toʻplanishi kuzatilmaydi.

CYP3A4 va CYP2A6 izofermentlari taʼsirida ahamiyatli darajada metabolizmga uchrab, farmakologik jihatdan nofaol karbinol birikmasini hosil qiladi.

Asosan buyraklar orqali metabolitlar holida, kamroq darajada esa ichak orqali chiqariladi. Yarim chiqarilish davri (T1/2) taxminan 48 soatni tashkil etadi.

Oʻrtacha darajadagi jigar yetishmovchiligida (Chayld-Pyu tasnifi boʻyicha V sinfi) “konsentratsiya-vaqt” egri chizigʻi ostidagi maydon (AUC) ni 37% ga oshishi kuzatilgan, biroq bunday koʻtarilish jigar faoliyatini buzilishi boʻlmagan shaxslarda kuzatiladigan qiymatlar diapazonida qoladi. Jigar sirrozi boʻlgan bemorlarda va ogʻir darajadagi jigar yetishmovchiligida (Chayld-Pyu tasnifi boʻyicha S sinf) AUC 95% ga va T1/2 187% ga oshadi.

 

Yaroqlilik muddati

2 yil.

 

Dorixonalardan berish tartibi

Retsept boʻyicha.

Qoʻllanilishi
  • Ayollarda postmenopauza davrida sut bezining musbat gormonal retseptorlari boʻlgan rakini erta bosqichlarida, adʼyuvant terapiya sifatida.
  • Ayollarda postmenopauza davrida sut bezi rakining erta bosqichlarida tamoksifen bilan standart adʼyuvant terapiya tugaganidan soʻng davomli adʼyuvant davolash sifatida.
  • Ayollarda postmenopauza davrida sut bezining gormonga bogʻliq tarqoq rakini birinchi qator dori vositasi sifatida davolash.
  • Ayollarda postmenopauza davrida sut bezining, antiestrogenlar bilan davolash fonida avj olib boruvchi tarqoq rakini davolashda qoʻllaniladi.

 

Qoʻllash usuli va dozalari

Ovqatlanishdan qatʼiy nazar ichga qabul qilinadi.

Tavsiya etilgan dozasi 2,5 mg ni tashkil etadi, har kuni sutkada 1 marta qabul qilinadi. Davolash uzoq vaqt davom etadi. Uzaytirilgan adʼyuvant terapiya sifatida, davolash 5 yil (ammo 5 yildan koʻp emas) mobaynida davom etishi kerak.

Kasallikni avj olib borish belgilari paydo boʻlganida preparatni qabul qilishni toʻxtatish kerak.

Keksa yoshdagi patsiyentlarda preparatning dozasiga tuzatish kiritish talab etilmaydi.

Jigar yoki buyrak faoliyatini buzilishlarida (kreatinin klirensi minutiga ≥10 ml) preparatning dozasiga tuzatish kiritish talab etilmaydi, shunday boʻlsa ham, ogʻir darajadagi jigar yetishmovchiligi (Chayld-Pyu tasnifi boʻyicha S sinf) va ogʻir darajadagi buyrak yetishmovchiligi boʻlgan patsiyent ayollar doimiy kuzatuvda boʻlishlari kerak.

 

Nojoʻya taʼsirlari

Nojoʻya reaksiyalar, ular qayd etilgan tez-tezligiga qarab, quyidagi gradatsiyalarga muvofiq sanab oʻtilgan: juda tez-tez (> 10%); tez-tez (> 1% va < 10%); tez-tez emas (≥ 0,1% va < 1%); kam hollarda (> 0,01% va < 0,1%); juda kam hollarda (< 0,01%), shu jumladan ayrim xabarlar.

Ovqat hazm qilish tizimi tomonidan: tez-tez – koʻngil aynishi, qusish, dispepsiya, qabziyat, diareya, anoreksiya; tez-tez emas – qorinda ogʻriq, stomatit, ogʻizni qurishi, “jigar” fermentlari faolligini oshishi; juda kam hollarda – gepatit.

Nerv tizimi tomonidan: tez-tez – bosh ogʻrigʻi, bosh aylanishi, depressiya; tez-tez emas – xavotirlik hissi, asabiylik, taʼsirchanlik, uyquchanlik, uyqusizlik, xotirani yomonlashishi, dizesteziya, paresteziya, gipesteziya, taʼm bilishni buzilishi, bosh miyada qon aylanishini buzilish hurujlari.

Qon yaratish aʼzolari tomonidan: tez-tez emas – leykopeniya.

Yurak qon-tomir tizimi tomonidan: tez-tez emas – yurak urishini his etish, taxikardiya, yuza va chuqur venalar trombozi, arterial bosimni oshishi, yurak-qon tomir tizimining ishemik buzilishlari (stenokardiya, miokard infarkti, yurak yetishmovchiligi); kam hollarda – tromboemboliya, oʻpka arteriyalari emboliyasi, arteriyalar trombozi, insult.

Nafas tizimi tomonidan: tez-tez emas – hansirash, yoʻtal.

Teri va teri osti yogʻ kletchatkasi tomonidan: tez-tez – alopetsiya, kuchli terlash, teri toshmasi (shu jumladan, eritematoz, makulopapulyoz, vezikulyar toshma, psoriazsimon toshma); tez-tez emas – terini qichishishi, terini qurishi, eshakemi; juda kam hollarda – angionevrotik shish, anafilaktik reaksiyalar, Layell sindromi (toksik epidermal nekroliz), Stivens-Djonson sindromi (havfli ekssudativ eritema).

Suyak-mushak tizimi tomonidan: juda tez-tez – artralgiya; tez-tez – mialgiya, ossalgiya, osteoporoz, suyaklarni sinishi; tez-tez emas – artrit.

Sezgi aʼzolari tomonidan: tez-tez emas – katarakta, koʻzlarni taʼsirlanishi, koʻrishni noaniqligi, taʼm bilish hissini buzilishi.

Siydik tanosil tizimi tomonidan: tez-tez emas – tez-tez siyish, siydik chiqarish yoʻllarining infeksiyalari, vaginal qon ketishlar, qindan ajralmalarni ajralishi, qin shilliq qavatini qurishi, sut bezida ogʻriq.

Boshqalar: juda tez-tez – “qizib ketish” hissi; tez-tez – kuchli toliqish, asteniya, lohaslik, periferik shishlar, tana vaznini oshishi, ishtahani oshishi; tez-tez emas – tana vaznini kamayishi, giperxolesterinemiya, chanqoqlik, gipertermiya, shilliq qavatlarni qurishi, tarqoq shishlar, oʻsmalar joylashgan oʻchoqlarda ogʻriq.

 

Qoʻllash mumkin boʻlmagan holatlar
  • Letrozolga yoki preparatning har qanday boshqa komponentiga yuqori sezuvchanlik;
  • Reproduktiv davr uchun xos boʻlgan endokrin status.
  • Homiladorlik, emizish davri.
  • 18 yoshgacha boʻlgan bolalar va oʻsmirlar.

Ehtiyotkorlik bilan

Kreatinin klirensi minutiga 10 ml kam boʻlgan surunkali buyrak yetishmovchiligida ehtiyotkorlik bilan qoʻllanadi.

 

Dorilarning oʻzaro taʼsiri

Hozirgi vaqtda letrozolni oʻsmalarga qarshi boshqa vositalar bilan majmuada qoʻllash boʻyicha klinik tajribalar mavjud emas. Letrozol va tamoksifen sutkada 20 mg dozada bir vaqtda qoʻllanganida letrozolning plazmadagi konsentratsiyasini 38% ga kamayishi kuzatilgan.

Letrozolni varfarin va simetidin bilan klinik ahamiyatli oʻzaro taʼsiri kuzatilmagan.

Letrozol CYP2A6 va CYP2C19 izofermentlarining faolligini susaytiradi. Garchi CYP2A6 izofermenti dori preparatlarining metabolizmida ahamiyatli rol oʻynamasligi tufayli, metabolizmida CYP2A6 izofermenti ishtirok etuvchi dori preparatlar bilan klinik ahamiyatli oʻzaro taʼsir kutilmaydi. In vitro sharoitlarda oʻtkazilgan tadqiqotlar, letrozol, muvozanatli konsentratsiyalardan 100 marta yuqori konsentratsiyalarda qoʻllanganida, diazepamning (CYP2C19 izofermentining substrati) metabolizmini ahamiyatli susaytirmasligini koʻrsatdi. Shunday qilib, metabolizmida CYP2C19 izofermenti ishtirok etadigan dori preparatlari bilan klinik jihatdan ahamiyatli oʻzaro taʼsir qilish ehtimoli kam. Shunga qaramay, letrozol va asosan yuqorida nomi keltirilgan izofermentlar ishtirokida metabolizmga uchraydigan va tor terapevtik diapazoniga ega boʻlgan preparatlar birga qoʻllanganida ehtiyotkorlikka rioya qilish kerak.

 

Maxsus koʻrsatmalar

Ogʻir darajadagi jigar yetishmovchiligi boʻlgan patsiyent ayollar preparat bilan davolanish vaqtida doimiy kuzatuvda boʻlishlari kerak.

Perimenopauza va erta postmenopauza davrlarida homiladorlik kuzatilishi mumkinligini inobatga olib, preparat bilan davolanish vaqtida ayollar barqaror postmenopauzal gormonal daraja aniqlangunicha ishonchli kontratsepsiya usullaridan foydalanishlari kerak.

Preparatning, umumiy holsizlik va bosh aylanishi kabi baʼzi nojoʻya samaralari avtotransportni haydash va diqqatni jamlash hamda psixomotor reaksiyalar tezligini talab etuvchi potensial havfli faoliyat turlarini bajarish qobiliyatiga taʼsir qilishi mumkin. Shu sababli transport vositalarini boshqarish va mexanizmlar bilan ishlashda ehtiyotkorlikka rioya qilish kerak.

Preparat bolalar olaolmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Letrozolning dozasini oshirib yuborilishi yuzasidan ayrim xabarlar mavjud. Bunda dozani oshirib yuborilishining spetsifik simptomlari mavjud emas. Dozani oshirib yuborilishini spetsifik davolash usullari maʼlumotlar cheklanganligi sababli nomaʼlum. Dozasi oshirib yuborilganida qusishni chaqirish va simptomatik hamda tutib turuvchi davolashni oʻtkazish tavsiya etiladi. Letrozol plazmadan gemodializ yordamida chiqariladi.

 

Chiqarilish shakli

Plyonka qobiq bilan qoplangan tabletkalar 2,5 mg.

30 tabletka dori vositalari uchun moʻljallangan polimer bankalarda.

Bankadagi boʻshliq gigroskopik tibbiy paxta bilan toʻldiriladi.

Har bir banka davlat va rus tillaridagi qoʻllash boʻyicha yoʻriqnomalari bilan birga karton qutiga joylanadi.

 

Saqlash sharoiti

Quruq, yorugʻlikdan himoyalangan joyda 25oS dan yuqori boʻlmagan haroratda.