Ilovani yuklab oling
Yuklab olish
ЛАМИТОР-АРТЕМИС ТАБЛЕТКА

Oson Apteka - Dorixonalar ma'lumotnomasi

ЛАМИТОР-АРТЕМИС ТАБЛЕТКА 100мг №30

101 000 so'mdan
(3305)
Dorixonalardagi narx
Xaritada topish
Xususiyatlari
Xalqaro nomi
Lamotrigine
Ishlab chiqaruvchi
GLAXOSMITHKLINE
Chiqarilish shakli
ТАБ
Farma. Guruh
Противоэпилептический препарат
Dori tafsilotlari
Dori shakli:
Tarkibi:
Taʼrifi:
Farmakoterapevtik guruhi: 
Farmakologik taʼsiri
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli:

 plyonka qobiq bilan qoplangan tabletkalar

 

Tarkibi:

Bir tabletka quyidagilarni saqlaydi:

faol modda: lamotridjin – 100 mg

yordamchi moddalar: mannitol, P.V.P.K, mikrokristall sellyuloza, izopropil spirti, magniy stearati, talk, natriy kraxmal glikolyati, natriy kroskarmelloza, kiron T-314, kolloid kremniy oksidi, gidroksipropilmetilsellyuloza, laktoza monogidrati, titan dioksidi, etilsellyuloza, polietilenglikol 6000, dixlormetan.

 

Taʼrifi:

 dumaloq shaklli, ikki yoqlama qavariq, ikki tomoni silliq, oqdan deyarli oq rangli plyonka qobiq bilan qoplangan tabletkalar.

 

Farmakoterapevtik guruhi: 

tirishishga qarshi vosita.

 

Farmakologik taʼsiri

Tirishishga qarshi vositadir. Taʼsir mexanizmi presinaptik membrananing potensialga bogʻliq natriy kanallariga taʼsiri bilan bogʻliq. Bu mediatorlarni, birinchi navbatda aminokislotalarni qoʻzgʻatuvchi, bosh miyada epileptik toʻlqinlarni shakllanishida muhim rol oʻynovchi glutamatni sinaptik yoriqqa ajralib chiqishini kamayishiga olib keladi.

Farmakokinetikasi

Lamotridjin ichga qabul qilingandan keyin meʼda-ichak yoʻllaridan tez va toʻliq soʻriladi. Plazmadagi Smax ga taxminan 2,5 soatdan keyin erishiladi. Plazma oqsillari bilan bogʻlanishi 55% ni tashkil qiladi. Asosiy metaboliti N-glyukuronid hosil boʻlishi bilan jadal metabolizmga uchraydi.

Kattalarda T1/2 oʻrtacha 29 soatni tashkil qiladi. Asosan metaboliti koʻrinishida buyrak orqali chiqariladi; faol moddaning taxminan 8% oʻzgarmagan koʻrinishda chiqariladi.

T1/2 kattalarga nisbatan bolalarda pastroq.

 

Qoʻllanilishi

Parsial va tarqalgan toniko-klonik tirishish xurujlarida (koʻpincha tirishishga qarshi boshqa vositalar bilan davolashga rezistent holatlarda) qoʻllanadi.

 

Qoʻllash usuli va dozalari

Kattalar va 12 yoshdan oshgan bolalar uchun ichga qabul qilganda boshlangʻich bir martalik doza 25-50 mg, samarani bir maromda ushlab turuvchi doza sutkada 100-200 mg ni tashkil qiladi. Kam hollarda sutkada 500-700 mg dozalar talab etilishi mumkin.

2 yoshdan 12 yoshgacha boʻlgan bolalar uchun boshlangʻich doza sutkada 0,2-2 mg/kg, samarani bir maromda ushlab turuvchi doza sutkada 1-15 mg/kg ni tashkil qiladi.

2 yoshdan 12 yoshgacha boʻlgan bolalar uchun minimal sutkalik doza qoʻllanilayotgan davolash sxemasiga qarab 200-400 mg ni tashkil qiladi.

Qabul qilish tez-tezligi, qabul qilish orasidagi interval doza oshirilganda qoʻllanilayotgan davolash sxemasi, oʻtkazilayotgan davolashga patsiyentning reaksiyasiga bogʻliq.

 

Nojoʻya taʼsirlari

Teri tomonidan: teri toshmalari, Stivens-Djonson sindromi, toksik epidermal nekroliz.

Qon yaratish tizimi tomonidan: neytropeniya, leykopeniya, anemiya, trombotsitopeniya, pansitopeniya, aplastik anemiya, agranulotsitoz, limfadenopatiya.

Immun tizimi tomonidan: oʻta yuqori sezuvchanlik sindromi, shu jumladan isitma, limfadenopatiya, yuzni shishi, qon tomonidan va jigar funksiyasini buzilishi, DVS-sindrom, koʻp aʼzolar tomonidan buzilishlar.

Ruhiyat tomonidan: taʼsirchanlik, tajavuzkorlik, tiklar, gallyutsinatsiyalar, ongni chalkashishi.

Markaziy nerv tizimi tomonidan: bosh ogʻrigʻi, uyquchanlik, uyqusizlik, bosh aylanishi, tremor, ataksiya, nistagm.

Sezgi aʼzolari tomonidan: diplopiya, koʻrishni noaniqligi, konʼyunktivit.

Meʼda-ichak yoʻllari tomonidan: koʻngil aynishi, qusish, diareya.

Jigar va oʻt chiqarish yoʻllari tomonidan: “jigar” fermentlari faolligini oshishi, jigar funksiyasini buzilishi, jigar yetishmovchiligi.

Mushak va biriktiruvchi toʻqima tomonidan: yuguriksimon sindrom.

Nerv tizimi tomonidan: bosh ogʻrigʻi, ajitatsiya, uyquchanlik, bosh aylanishi.

Umumiy reaksiyalar: ogʻriq, belda ogʻriq.

 

Qoʻllash mumkin boʻlmagan holatlar
  • lamotridjin yoki preparatning har qanday komponentiga yuqori sezuvchanlik;
  • 2 yoshgacha boʻlgan bolalarda qoʻllash mumkin emas.

Ehtiyotkorlik bilan: homiladorlik va laktatsiya davri.

 

Dorilarning oʻzaro taʼsiri

Tirishishga qarshi vositalar – jigarda metabolizm induktorlari (shu jumladan fenitoin, karbamazepin, fenobarbital, primidon) bilan bir vaqtda qoʻllanilganda lamotridjinning metabolizmi tezlashadi. Lamotridjin va karbamazepin yoki fenitoinni bir vaqtda qoʻllaganda lamotrodjinning T1/2 kamayishi kuzatiladi. Lamotridjin bilan davolash boshlanganidan keyin karbamazepin qabul qilayotgan patsiyentlarda bosh aylanishi, ataksiya, diplopiya, koʻrishni noaniqligi va koʻngil aynishi haqida xabarlar mavjud.

Valtroat natriy taʼsiri ostida jigarning mikrosomal fermentlarini ingibitsiyasi oqibatida, bir vaqtda qoʻllanilganda lamotridjinning metabolizmi sekinlashadi, lamotrodjinning T1/2 oshadi.

 

Maxsus koʻrsatmalar

Buyrak yetishmovchiligi boʻlgan patsiyentlarda ehtiyotkorlik bilan qoʻllanadi.

Keksa yoshdagi patsiyentlarda lamotridjinni qoʻllash mumkin emas.

Yaqqol teri allergik reaksiyalari paydo boʻlganda lamotridjinni qoʻllashni toʻxtatish kerak.

Lamotridjinni toʻsatdan bekor qilganda tutqanoq koʻrinishlari kuchayishi mumkin, shuning uchun dozani 2 xafta davomida kamaytirib, davolashni asta-sekin bekor qilish kerak.

Karbamazepin bilan bir vaqtda qoʻllanilganda bosh aylanishi, diplopiya, ataksiya, koʻrishni buzilishi, koʻngil aynishi kuzatilishi mumkin. Bu koʻrinishlar odatda karbamazepinning dozasi kamaytirilganda oʻtib ketadi.

2 yoshgacha boʻlgan bolalarda lamotridjinni qoʻllash mumkin emas.

Homiladorlik va laktatsiya davri

Lamotridjinni homiladorlik va laktatsiya davrida qoʻllashning xavfsizligi yuzasidan klinik maʼlumotlar yetarli emas.

Homiladorlikda qoʻllash zaruratini hal qilganda ona uchun davolashdan foyda va homila uchun potensial xavfini solishtirish kerak.

Dastlabki maʼlumotlar lamotridjin plazmadagi konsentratsiyasining 40-45% ni tashkil qiluvchi konsentratsiyalarda koʻkrak sutiga kirishini namoyish qilgan. Onalari lamotridjin qabul qilgan koʻpgina emizikli bolalarda nojoʻya taʼsirlar kuzatilmagan.

Avtotransportni haydash va mexanizmlarni boshqarish qobiliyatiga taʼsiri

Davolash davrida psixomotor reaksiyalarning tezligini pasayishi kuzatiladi. Buni diqqatni yuqori jamlash va psixomotor reaksiyalarning tezligini talab etuvchi faoliyat turlari bilan shugʻullanuvchi shaxslarda eʼtiborga olish kerak.

Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Simptomlari: nistagm, ataksiya, ongini chalkashishi,va koma.

Davolash: gospitalizatsiya va klinik manzara yoki milliy toksikologik markaz tavsiyalariga muvofiq  tutib turuvchi davolashni oʻtkazish tavsiya etilagn.

 

Chiqarilish shakli

10 tabletkadan alyumin folgali yoki alyumin folga va PVX plyonkali blisterda. 3, 10 blisterdan qoʻllash boʻyicha yoʻriqnomasi bilan karton qutiga joylanadi.

 

Saqlash sharoiti

Quruq, yorugʻlikdan himoyalangan joyda, 25°S dan yuqori boʻlmagan haroratda saqlansin.

 

Yaroqlilik muddati

3 yil.

 

Dorixonalardan berish tartibi

Retsept boʻyicha.