Ilovani yuklab oling
Yuklab olish
Квантавир ТАБЛЕТКА

Oson Apteka - Dorixonalar ma'lumotnomasi

Квантавир ТАБЛЕТКА 1МГ №30

450 000 so'mdan
(1645)
Dorixonalardagi narx
Xususiyatlari
Xalqaro nomi
Entecavir
Ishlab chiqaruvchi
Abdi Ibrahim Ilac San.
Chiqarilish shakli
ТАБ
Farma. Guruh
Противовирусные препараты
Dori tafsilotlari
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dorilarning oʻzaro taʼsiri 
Maxsus koʻrsatmalar
Dori shakli: 
Tarkibi: 
Taʼrifi:
Farmaakoterapevtik guruhi:
Farmakologik xususiyatlari
Qoʻllanilishi 
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dozani oshirib yuborilishi

Patsiyentlarda preparatning dozasini oshirib yuborilish xolatlari yuzasidan cheklangan maʼlumotlar bor. Preparatni 20 mg gacha boʻlgan dozada 14 kun davomida yoki 40 mg gacha boʻlgan bir martalik dozalarni qabul qilgan sogʻlom koʻngillilarda, kutilmagan nojoʻya koʻrinishlar boʻlmagan. Preparatning dozasi oshirib yuborilganida patsiyent sinchkov tibbiy kuzatuvda boʻlishi va zarurati boʻlganida standart tutib turuvchi davolash oʻtkazilishi kerak.

 

Chiqarilish shakli

30 yoki 90 tabletkadan alyumin blisterda.

 

 

Saqlash sharoiti

15-25oS haroratda saqlansin.

 

Yaroqlilik muddati

2 yil.

 

 

Dorixonalardan berish tartibi

Retsept boʻyicha beriladi.

Dorilarning oʻzaro taʼsiri 

Entekavir asosan buyrak orqali chiqarilishi tufayli, entekavir va buyrak faoliyatini pasaytiruvchi yoki naychalar sekretsiyasi darajasida raqobat qiluvchi dori vositalari bir vaqtda qoʻllanganida, zardobda entekavir yoki shu dorilarning konsentratsiyasi oshishi mumkin. Entekavir lamivudin, adefovir yoki tenofovir bilan bir vaqtda buyurilganida, dorilarning axamiyatli oʻzaro taʼsiri aniqlanmagan.

Entekavirni buyrak orqali chiqariladigan yoki buyraklarning faoliyatiga taʼsir qiladigan boshqa preparatlar bilan oʻaro taʼsiri oʻrganilmagan. Entekavir shunday preparatlar bilan bir vaqtda buyurilganida, patsiyentlar sinchkov tibbiy kuzatuv ostida boʻlishlari kerak. 

 

Maxsus koʻrsatmalar

Nukleozid analoglari, shu jumladan entekavir bilan monoterapiya holida va antiretrovirus preparatlari bilan majmuada davolanganda, baʼzida patsiyentning oʻlimiga olib keluvchi laktoatsidoz va steatoz bilan kechuvchi yaqqol gepatomegaliya hollari taʼriflangan.

Laktoatsidozni rivojlanishiga ishora qilishi mumkin boʻlgan simptomlar: umumiy toliqish, koʻngil aynishi, qusish, qorin boʻshligʻida ogʻriq, tana vaznini toʻsatdan pasayishi, xansirash, nafas faoliyatini tezlashishi, mushaklarni boʻshligidan iborat. Xavf omillari boʻlib ayollar, semizlik, nukleozid analoglarini uzoq muddat qoʻllash, gepatomegaliya xisoblanadi. Koʻrsatilgan simptomlar paydo boʻlganida yoki laborator jihatdan tasdiqlangan laktoatsidozda, preparat bilan davolashni toʻxtatish kerak.

Viruslarga qarshi davolash, shu jumladan entekavir bilan davolash, bekor qilinganidan soʻng gepatitni zoʻrayish xollari taʼriflangan. Bunday xollarning koʻpchiligi davolashsiz oʻtib ketgan. Biroq ogʻir asoratlar, shu jumladan fatal holatlar, rivojlanishi xam mumkin.

Bu asoratlarni davolashni bekor qilish bilan bogʻliqligi nomaʼlum. Davolash toʻxtatilganidan soʻng vaqti-vaqti bilan jigar faoliyatini nazorat qilish kerak. Zarurati boʻlganida viruslarga qarshi davolashni qayta boshlash mumkin.

V gepatiti/OITV-infeksiyasi bilan xastalangan patsiyentlar

Antiretrovirus davolash olmayotgan, OITV infeksiyasi va V gepatiti bilan xastalangan patsiyentlarga entekavir buyurilganida, OITV ning chidamli shtammlari rivojlanish xavfi boʻlishi mumkinligini xisobga olish kerak. Entekavir OITV infeksiyasini davolash uchun oʻrganilgan emas va bunday holatda qoʻllash uchun tavsiya etilmaydi.

V gepatiti/S gepatiti/D gepatiti bilan xastalangan patsiyentlar

V gepatiti/S gepatiti/D gepatiti bilan xastalangan patsiyentlarda entekavirning samaradorligi yuzasidan maʼlumotlar yoʻq. 

Jigarning dekompensatsiyalangan shikastlanishi boʻlgan patsiyentlar 

Jigar tomonidan jiddiy nojoʻya samaralarni rivojlanish xavfi yuqoriligi aniqlangan, xususan Chayld-Pyu tasnifi boʻyicha jigarning dekompensatsiyalangan shikastlanishini S sinfi boʻlgan patsiyentlarda kuzatilgan. 

Shuningdek bu patsiyentlar laktoatsidoz va gepatorenal sindrom kabi buyraklar tomonidan spetsifik nojoʻya samaralar rivojlanish xavfiga koʻproq moyil boʻladilar. Shuning sababli laktoatsidozning klinik belgilari va buyrak faoliyatini buzilishini aniqlash maqsadida patsiyentlarni sinchiklab kuzatish, shuningdek ushbu patsiyentlar guruxida muvofiq laboratoriya tekshirishlar (“jigar” fermentlarining faolligi, qonda siydik kislotasini konsentratsiyasi, qon zardobida kreatinin konsentratsiyasi) ni oʻtkazish kerak.

Lamivudinga rezistent patsiyentlar

V gepatiti virusida lamivudinga chidamli mutatsiyalarni mavjudligi, entekavirga rezistentlik rivojlanish xavfini oshiradi. Shu sababli lamivudinga rezistent patsiyentlarda viruslar titrini tez-tez monitoring oʻtkazish va zarurati boʻlganida chidamlilik mutatsiyalarini aniqlash maqsadida muvofiq tekshirishlar oʻtkazish talab etiladi.

Buyrak faoliyatini buzilishi boʻlgan patsiyentlar

Buyrak faoliyatini buzilishlari boʻlgan patsiyentlar uchun dozalash tartibiga tuzatish kiritish tavsiya etiladi.

Jigar transplantatsiyasini oʻtkazgan patsiyentlar

Jigar transplantatsiyasini oʻtkazgan patsiyentlarda entekavirning xavfsizligi va samaradorligi nomaʼlum. Jigar transplantatsiyasini oʻtkazgan, va siklosporin yoki takrolimus kabi buyrak faoliyatiga taʼsir qilishi mumkin boʻlgan  immunodepressantlarni olayotgan patsiyentlarni, entekavir bilan davolashdan oldin va davolash vaqtida buyrak faoliyatini sinchiklab nazorat qilish kerak.

Patsiyentlar uchun umumiy maʼlumot

Entekavir bilan davolanish, V gepatitini yuqish xavfini kamaytirmasligi va, shuning uchun muvofiq ehtiyotkorlik choralari koʻrilishi lozimligi xaqida patsiyentlarni ogohlantirish kerak.

Preparatning xar bir tabletkasi 120,5 mg (0,5 mg tabletkalar) yoki 241 mg (1 mg tabletkalar) laktoza saqlaydi. Shu sababli, laktozani kam uchraydigan nasliy oʻzlashtirolmaslik, laktaza tanqisligi yoki glyukoza-galaktoza malabsorbsiyasi boʻlgan patsiyentlarga preparatni qoʻllash tavsiya etilmaydi.

 

Homiladorlik va emizish

Homilador ayollarda adekvat va yaxshi nazoratli tadqiqotlar oʻtkazilmagan.

Kvantavir xomiladorlik vaqtida, preparatni qoʻllashdan kutiladigan potensial foyda xomila uchun potensial xavfdan ustun boʻlgan holatdagina qoʻllanishi kerak.

Entekavirni ayollar sutiga oʻtishi haqida maʼlumotlar yoʻq. Preparat qoʻllash vaqtida emizish tavsiya etilmaydi.

Preparat bolalar ololmaydigan joyda saqlansin va yaroqlilik muddati tugaganidan soʻng ishlatilmasin. 

 

Dori shakli: 

plyonka qobiq bilan qoplangan tabletkalar.

 

Tarkibi: 

Plyonka qobiq bilan qoplangan har bir tabletka quyidagilarni saqlaydi: 

faol modda: 0,5 mg yoki 1,0 mg entekavir;

yordamchi moddalar: povidon (K-30), laktoza monogidrati, mikrokristall sellyuloza (101 turi), mikrokristall sellyuloza (102 turi), krospovidon (XL), magniy stearati, tozalangan suv, pushti Opadray 03V240005 (1,0 mg)/oq Opadray 03B28796 (0,5 mg).

 

Taʼrifi:

Plyonka qobiq bilan qoplangan tabletkalar 0,5 mg: oq yoki deyarli oq rangli qobiq bilan qoplangan uchburchak tabletkalar.

Plyonka qobiq bilan qoplangan tabletkalar 1,0 mg: pushti rangli qobiq bilan qoplangan uchburchak tabletkalar.

 

Farmaakoterapevtik guruhi:

 viruslarga qarshi vosita.

 

 

Farmakologik xususiyatlari

Farmakodinamikasi

Entekavir HBV polimerazaga nisbatan kuchli va selektiv faollikka ega boʻlgan guanozin nukleozidining analogi xisoblanadi. Entekavir fosfor guruhini biriktirib, xujayra ichidan T1/2 15 soatga teng boʻlgan faol trifosfatni (TF) hosil qiladi. TF ning xujayra ichidagi konsentratsiyasi entekavirning xujayradan tashqaridagi darajasi bilan bevosita bogʻliq, bunda “plato”ni boshlangʻich darajasidan keyin preparatni ahamiyatli darajada toʻplanishi kuzatilmaydi. Tabiiy substrat deoksiguanazin-TF bilan raqobatlashib, entekavir-TF virusli polimerazaning barcha 3 funksional faolligini: (1) prayming HBV polimeraza, (2) pregenom iRNK negativ zanjirining teskari transkriptazasi va (3) HBV DNK pozitiv zanjirining sintezini ingibitsiya qiladi. Entekavir-TF ingibirlash konstantasi (Ki) 18-40 mkM boʻlgan xujayra DNK ά-, β-, δ-polimerazalarning kuchsiz ingibitori xisoblanadi. Bundan tashqari, entekavir-TF va entekavirning yuqori konsentratsiyalarida γ-polimeraza va HepG2 xujayralarning mitoxondriyalarida DNK sinteziga nisbatan nojoʻya samaralari aniqlanmagan. 

Farmakokinetikasi

Soʻrilishi

Sogʻlom odamlarda entekavir tez soʻriladi, va plazmada maksimal konsentratsiyasi 0,5-1,5 soatdan keyin aniqlanadi. Entekavir 0,1 dan 1 mg gacha boʻlgan dozalarda takroriy qabul qilinganda maksimal konsentratsiyasini (Cmax) va “konsentratsiya-vaqt” egri chizigʻi ostidagi maydonini (AUC) dozaga proporsional ravishda oshishi aniqlanadi. Ichga kuniga bir marta qabul qilinganida 6-10 kundan keyin muvozanat holatiga erishiladi, bunda plazmadagi konsentratsiyasi taxminan 2 marta oshadi. Muvozanat holatida plazmada maksimal (Cmax) va minimal (Cmin) konsentratsiyalari, 0,5 mg dozada qabul qilinganida muvofiq 4,2 va 0,3 ng/ml, 1 mg dozada qabul qilinganida muvofiq 8,2 va 0,5 ng/ml ni tashkil etgan. 0,5 mg entekavir ichga yogʻliq, va yogʻsiz ovqat bilan qabul qilinganida, minimal darajada soʻrilishi (ovqat bilan qabul qilinganida 1-1,5 soatga va och qoringa qabul qilinganida 0,75 soatga sekinlashishi), Cmax ni 44-46% ga pasayishi va AUC ni 18-20% ga pasayishi kuzatilgan.

Taqsimlanishi

Entekavirning baholanadigan taqsimlanish hajmi organizmdagi suvning umumiy hajmidan yuqori boʻlgan, bu preparatni toʻqimalarga yaxshi kirishidan dalolat beradi. in vitro sharoitlarida entekavir odam zardobidagi oqsillar bilan taxminan 13% ga bogʻlanadi.

Metabolizmi va chiqarilishi

Entekavir CYP450 fermentlar tizimining substrati, ingibitori yoki induktori hisoblanmaydi. Odamlar va kalamushlarga nishonlangan 14S-entekavir yuborilganidan keyin oksidlangan yoki atsetillangan metabolitlari aniqlanmagan, II faza metabolitlari (glyukuronidlar va sulfatlar) esa katta boʻlmagan miqdorda aniqlangan. Maksimal darajaga erishilganidan soʻng entekavirning plazmadagi konsentratsiyasi bioeksponensial ravishda pasaygan, bunda yarim chiqarilish davri 128-149 soatni tashkil etgan. Kuniga bir marta qabul qilinganida preparatning konsentratsiyasini 2 marta oshishi (kumulyatsiyasi) yuz bergan, yaʼni samarali yarim chiqarilish davri taxminan 24 soatni tashkil etgan.

Entekavir asosan buyraklar orqali chiqariladi, bunda muvozanat xolatida dozaning 62%-73% siydikda oʻzgarmagan holda aniqlanadi. Buyrak klirensi dozaga bogʻliq emas va minutiga 360 dan 471 ml gacha boʻlgan chegarada oʻzgarib turadi, bu preparatni glomerulyar filtratsiya va naychalar sekretsiyasi orqali chiqarilishidan dalolat beradi.

 

Qoʻllanilishi 

Kattalarda surunkali V gepatiti:

  • jigarni kompensatsiyalangan shikastlanishi va virusli replikatsiya boʻlganida, zardob transaminazalari (alaninaminotranferaza, ALT; yoki aspartataminotransferaza, AST) ning faolligini va jigarda yalligʻlanish jarayonlari va/yoki fibrozning gistologik belgilari oshishi boʻlganida; 
  • jigarning dekompensatsiyalangan shikastlanishi boʻlganida qoʻllanadi. 

 

Qoʻllash usuli va dozalari

Entekavirni ichga, och qoringa (yaʼni ovqatdan keyin kamida 2 soat oʻtgach va navbatdagi ovqatlanishdan kamida 2 soat oldin) qabul qilish kerak. 

Jigarning kompensatsiyalangan shikastlanishi boʻlgan patsiyentlar uchun entekavirning tavsiya etiladigan dozasi kuniga bir marta 0,5 mg ni tashkil etadi.

Lamivudinga rezistentligi boʻlgan patsiyentlarga (yaʼni anamnezida lamivudin bilan davolash fonida V gepatiti virusi bilan viremiya boʻlgan patsiyentlar, yoki lamivudinga rezistentligi tasdiqlangan patsiyentlarga) 1 mg entekavirni kuniga bir marta buyurish tavsiya etiladi. 

Jigarning dekompensatsiyalangan shikastlanishi boʻlgan patsiyentlarga 1 mg entekavirni kuniga bir marta buyurish tavsiya etiladi.

Buyrak yetishmovchiligi boʻlgan patsiyentlar

Kreatinin klirensi pasayganida entekavirning klirensi kamayadi. Kreatinin klirensi < 50 ml/min boʻlgan, shu jumladan gemodializda va davomli ambulator peritoneal dializda boʻlgan patsiyentlarda entekavirning dozasiga, 1-jadvalga muvofiq, tuzatish kiritish tavsiya etiladi. 

 

1-jadval. Buyrak yetishmovchiligi boʻlgan patsiyentlarga entekavirning tavsiya etiladigan dozalari.

Kreatinin klirensi

(ml/min)

Ilgari nukleozidli preparatlarni qabul qilmagan patsiyentlar

Lamivudinga rezistent patsiyentlar va jigarning dekompensatsiyalangan shikastlanishi boʻlgan patsiyentlar

≥ 50

0,5 mg kuniga bir marta

1 mg kuniga bir marta

30 – < 50

0,5 mg har 48 soatda

1 mg har 48 soatda

10 – < 30

0,5 mg har 72 soatda

1 mg har 72 soatda

< 10

Gemodializ* yoki davomli ambulator peritoneal dializ

0,5 mg har 5-7 kunda

1 mg har 5-7 kunda

* Entekavirni gemodializ seansidan keyin qabul qilish kerak.

Jigar yetishmovchiligi boʻlgan patsiyentlarda entekavirning dozasiga tuzatish kiritish talab etilmaydi.

Keksa patsiyentlarda entekavirning dozasiga tuzatish kiritish talab etilmaydi.

 

Nojoʻya taʼsirlari

Ovqat hazm qilish tizimi tomonidan: kam hollarda (≥1/1000, < 1/100): diareya, dispepsiya, koʻngil aynishi, qusish.

Markaziy nerv tizimi tomonidan: tez-tez (≥1/100, < 1/10): bosh ogʻrigʻi, toliqish; kam hollarda (≥ 1/1000, < 1/100): uyqusizlik, bosh aylanishi, uyquchanlik.

Postmarketing maʼlumotlar (uchrash tezligini aniqlash mumkin emas):

Immun tizimi tomonidan: anafilaktoid reaksiya.

Teri va teri osti qavati tomonidan: alopetsiya, toshma.

Jigar tomonidan: transaminazalarning faolligini oshishi.

Moddalar almashinuvi tomonidan: laktoatsidoz (umumiy toliqish, koʻngil aynishi, qusish, qorin boʻshligʻida ogʻriq, tana vaznini toʻsatdan pasayishi, xansirash, nafas faoliyatini tezlashishi, mushaklarni boʻshligi), ayniqsa jigarning dekompensatsiyalangan shikastlanishi boʻlgan patsiyentlarda kuzatilishi mumkin.

Bundan tashqari, jigarning dekompensatsiyalangan shikastlanishi boʻlgan patsiyentlarda qoʻshimcha quyidagi nojoʻya samaralari aniqlangan:

Tez-tez: qonda bikarbonat konsentratsiyasini pasayishi, ALT faolligi va bilirubinning konsentratsiyasini normaning yuqori chegarasiga nisbatan 2 martadan koʻproq qiymatga oshishi, albuminning konsentratsiyasi 2,5 g/dl dan kam, lipazaning faolligini normaga nisbatan 3 martadan koʻproq qiymatga oshishi, trombotsitlarning konsentratsiyasi 50000/mm3 dan past; kam hollarda: buyrak yetishmovchiligi.

 

Qoʻllash mumkin boʻlmagan holatlar
  • entekavirga yoki preparatning xar qanday boshqa komponentiga yuqori sezuvchanlik.
  • 18 yoshgacha boʻlgan bolalar.
  • laktozani kam uchraydigan nasliy oʻzlashtiraolmaslik, laktaza tanqisligi yoki glyukoza-galaktozani malabsorbsiyasida qoʻllash mumkin emas.