Ilovani yuklab oling
Yuklab olish
Кортел Трио

Oson Apteka - Dorixonalar ma'lumotnomasi

Кортел Трио ТАБЛЕТКА 40.0мг+12.5мг+5.0мг №30

44 600 so'mdan
(3453)
Dorixonalardagi narx
Xususiyatlari
Xalqaro nomi
Telmisartan, Hydrochlorothiazidi, Amlodipine
Ishlab chiqaruvchi
CORONA REM
Chiqarilish shakli
ТАБ
Farma. Guruh
Pharm Group Name
Dori tafsilotlari
Qoʻllash usuli va dozalari
Tarkibi:
Farmakoterapevtik guruhi:
Farmakologik xususiyatlari
Qoʻllanilishi
Dori shakli: 
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Qoʻllash usuli va dozalari

Ovqatlanishdan qatʼiy nazar ichga qabul qilinadi.

Kattalar uchun telmisartanning tavsiya etilgan dozasi 40 mg ni tashkil etadi sutkada 1 marta qabul qilinadi. Baʼzi patsiyentlarda gipotenziv samarasiga preparat sutkada 20 mg dozada buyurilganida erishilishi mumkin. AB optimal darajada pasayishiga erishilmagan hollarda telmisartanning dozasinit sutkada 80 mg gacha oshirish mumkin. Telmisartanning dozasini oshirish kerakligini koʻrib chiqishda, maksimal gipotenziv samaraga odatda davolash boshlangandan soʻng 4-8 haftadan keyin erishish mumkinligini yodda tutish kerak.

Keksa yoshdagi patsiyentlarga dozalash tartibiga tuzatish kiritish talab etilmaydi.

Buyrak faoliyatini yengil buzilishlarida dozani oʻzgartirish talab etilmaydi.

Jigar faoliyatini yengil va oʻrtacha darajada buzilishlari boʻlgan patsiyentlar uchun telmisartanning maksimal sutkalik dozasi 40 mg ni tashkil etadi.

 

Tarkibi:

Plyonka qobiq bilan qoplangan har bir tabletka quyidagilarni saqlaydi:

faol modda: telmisartan – 40 mg;

yordamchi moddalar: mikrokristall sellyuloza, makkajoʻxori kraxmali, ogʻir magniy oksidi, meglumin, natriy gidroksidi granulalari, povidon, Doshion P-544 (D), magniy stearati, kolloid suvsiz kremniy, suvsiz natriy karbonati, pushti Instacoat IC-MS-573.

Taʼrifi: pushti, dumaloq, ikki tomonlama qavariq, har ikki tomoni silliq, plyonka qobiq bilan qoplangan tabletkalar.

 

Farmakoterapevtik guruhi:

 antigipertenziv vosita (angiotenzin II retseptorlarini antagonisti)

 

 

Farmakologik xususiyatlari

Antigipertenziv vositadir. Angiotenzin II retseptorlarini spetsifik antagonisti (AT1 kichik turi). Retseptorning ushbu kichik turiga nisbatan juda yuqori yaqinlikka ega boʻlib, telmisartan AT1 retseptorlari bilan bogʻlangan bogʻidan angiotenzin II ni siqib chiqaradi. AT1 retseptorlari agonistining biron-bir hususiyatlarini namoyon qilmaydi. Telmisartan AT1 retseptorlari bilan tanlab bogʻlanadi. Retseptorlar bilan bogʻlanishi davomli jarayon hisoblanadi. Retseptorlarning boshqa kichik turlarini funksional ahamiyati va angiotenzin II ning yuqori darajasini (telmisartanni taʼsirida) ularga taʼsiri maʼlum emas. Telmisartan qon plazmasida aldosteronning darajasini pasaytiradi. Odamning plazmasidagi reninni ingibitsiya qilmaydi va ion kanallarini bloklamaydi. Bradikininni parchalaydigan AAF (kinaza II) ni ingibitsiya qilmaydi. Shuning uchun bradikinin bilan bogʻliq boʻlgan nojoʻya samaralar kuzatilmaydi.

Telmisartan 80 mg dozada qoʻllanganida odamda angiotenzin II ning gipertenziv taʼsirini deyarli butunlay bostiradi. Telmisartanning taʼsiri 24 soatdan ortiq davom etadi va 48 soatgacha aniqlanadi. Preparatning taʼsiri ichga birinchi dozasi (40 mg yoki 80 mg) qabul qilinganidan soʻng 3 soat davomida rivojlanadi. AB ni maksimal darajada pasayishiga davolash boshlanganidan soʻng 4-8 haftadan keyin erishiladi va uzoq vaqt davolash davomida bir maromda tutib turiladi.

Gipotenziv samarasi preparat qabul qilingandan soʻng 24 soatdan ortiq vaqt davomida, shuningdek preparatning navbatdagi dozasini qabul qilishdan 4 soat oldin doimiy ravishda saqlanib turadi. Bu holat AB ni ambulator oʻlchash yoʻli tasdiqlangan.

Arterial gipertenziyada telmisartan ham sistolik, ham diastolik bosimni pasaytiradi, puls tezligini oʻzgartirmaydi.

Farmakokinetikasi

Soʻrilishi

Telmisartan tez soʻriladi, soʻrilgan miqdori oʻzgarib turadi. Telmisartanning biokiraolishligi taxminan 50% ni tashkil etadi.

Telmisartan ovqat bilan bir vaqtda qabul qilinganida AUC 6% dan (40 mg dozada qabul qilinganida) 19% gacha (160 mg dozada qabul qilinganida) tebranadi. Qabul qilingandan soʻng 3 soatdan keyin qon plazmasidagi konsentratsiyasi ovqatlanishdan qatʼiy nazar tenglashadi. AUC biroz pasayishi terapevtik samarasini kamayishiga olib kelmaydi. Qon plazmasida Smax va kamroq darajada AUC dozaga noproporsional ravishda oshadi.

Taqsimlanishi

Plazma oqsillari bilan bogʻlanishi 99,5% dan koʻp, asosan albumin bilan va α-1-glikoprotein bilan bogʻlanadi. Vd taxminan 500 l ni tashkil etadi. Telmisartanni organizmda klinik ahamiyatli toʻplanishi aniqlanmagan.

Metabolizmi

Telmisartan glyukuronid bilan konʼyugatsiya boʻlishi orqali metabolizmga uchraydi. Konʼyugatini farmakologik faolligi aniqlanmagan.

Chiqarilishi

Telmisartan yakuniy T1/2 20 soatdan ortiq boʻlgan biekspotensial parchalanish farmakokinetikasi bilan xarakterlanadi.

Peroral qabul qilingandan soʻng telmisartan ichak orqali oʻzgamagan holda deyarli butunlay chiqariladi. Siydik bilan umumiy ekskretsiyasi dozasining 1% kamroq qismini tashkil etadi. Umumiy plazma klirensi (minutiga taxminan 1000 ml) jigardagi qon oqimiga nisbatan (minutiga taxminan 1500 ml) yuqori.

 

Qoʻllanilishi

Arterial gipertenziyada qoʻllanadi.

 

Dori shakli: 

plyonka qobiq bilan qoplangan tabletkalar

 

Nojoʻya taʼsirlari

Nojoʻya samaralari odatda kam ifodalangan, oʻtib ketuvchi xarakterga ega va juda kam hollarda preparatni bekor qilish uchun asos boʻladi.

Ovqat hazm qilish tizimi tomonidan: diareya, dispepsiya, qorinda ogʻriq boʻlishi mumkin.

Nerv tizimi va sezgi aʼzolari tomonidan: bosh ogʻrigʻi, bosh aylanishi.

Siydik chiqarish tizimi tomonidan: siydik chiqarish yoʻllarining infeksiyalari boʻlishi mumkin.

Nafas tizimi tomonidan: yoʻtal, faringit, grippni belgilariga oʻxshash simptomlar, yuqori nafas yoʻllarining infeksiyalariga tolerantlikni pasayishi.

Allergik reaksiyalar: bir patsiyentda – angionevrotik shish kuzatilgan.

Qon yaratish tizimi tomonidan: kam hollarda – gemoglobinning darajasini pasayishiga tendensiya bor.

Moddalar almashinuvi tomonidan: kam hollarda – qonda siydik kislotasining darajasini oshishiga tendensiya bor.

Boshqalar: belda ogʻriq, grippni belgilariga oʻxshash simptomlar, mialgiya boʻlishi mumkin.

 

Qoʻllash mumkin boʻlmagan holatlar

Oʻt chiqarish yoʻllarining obstruksiyasi; jigar faoliyatini ogʻir darajadagi buzilishlari; buyrak faoliyatini ogʻir darajadagi buzilishlari; homiladorlik; emizish davri; preparatning komponentlariga yuqori sezuvchanlikda qoʻllash mumkin emas.

Preparatni qoʻllashga cheklanishlar: bolalar va oʻsmirlar (bolalar va oʻsmirlarda preparatning xavfsizligi va samaradorligi aniqlanmagan).

 

 

Dorilarning oʻzaro taʼsiri

Telmisartan boshqa antigipertenziv preparatlarning gipotenziv samarasini kuchaytirishi mumkin.

Gidroxlortiazid telmisartanning gipotenziv samarasini (oʻzaro) kuchaytiradi.

Telmisartan va digoksin bir vaqtda qoʻllanganida telmisartanning oʻrtacha konsentratsiya darajasini 20% ga oshishi kuzatiladi, shuning uchun qon plazmasida digoksinning darajasini monitoring oʻtkazish tavsiya etiladi.

Litiy preparatlari (litiy karbonati) va AAF ingibitorlari bir vaqtda qoʻllanganida qon zardobida litiyning darajasini va preparatning toksikligini oʻz-oʻzidan oʻtib ketuvchi oshishi kuzatiladi. Bu samarasi telmisartan qoʻllanganida kuzatilmagan, ammo uni rivojlanish ehtimolini istisno qilib boʻlmaydi.

AAF ingibitorlari, kaliyni tejovchi diuretiklar va plazmada kaliyning darajasini oshirishi mumkin boʻlgan boshqa dori vositalari bir vaqtda buyurilganida, ayniqsa buyrak yetishovchiligi boʻlgan bemorlarda giperkaliyemiyani rivojlanish havfi oshadi.

 

Maxsus koʻrsatmalar

Telmisartan buyrak arteriyasini ikki tomonlama stenozi boʻlgan patsiyentlarga buyurilganida ogʻir darajadagi arterial gipotenziyani rivojlanish havfi oshadi. Simptomatik renovaskulyar gipertenziyasi boʻlgan bemorlarga ehtiyotkorlik bilan buyuriladi. Buyrak faoliyatini oʻrtacha darajada buzilishi boʻlgan patsiyentlarda plazmada kreatinin va elektrolitlar (kaliy) ning darajasini muntazam ravishda nazorat qilish kerak.

Preparat qon tomirlarda aylanib yuruvchi qon hajmi past boʻlgan va/yoki natriyni tanqisligi (diuretiklar bilan davolanganda, organizmga tuzni kirishi cheklangan, diareya, qusish) boʻlgan bemorlarga, aorta va mitral klapan stenozi, obstruktiv gipertrofik kardiomiopatiya, jigar faoliyatini oʻrtacha darajada buzilishi, ogʻir darajadagi yurak yetishmovchiligi (qon zardobidagi kaliy va kreatininning darajasini doimo nazorat qilish kerak) boʻlgan bemorlarga, YUIK da (oʻtkir koronar sindromi va miokard infarkti rivojlanishi mumkin), meʼda va oʻn ikki barmoq ichak yara kasalligini zoʻrayish bosqichi yoki MIY aʼzolarining boshqa kasalliklari boʻlgan bemrlarga (meʼda-ichak yoʻllaridan qon ketishi mumkin) buyurilganida ehtiyotkorlikka rioya qilish kerak.

Transport vositalarining haydovchilari va kasbi diqqatni yuqori jamlash bilan bogʻliq boʻlgan odamlarga buyurilganida ehtiyotkorlikka rioya qilish kerak.

Preparat bolalar ololmaydigan joyda saqlansin va yaroqlilik muddati tugaganidan soʻng ishlatilmasin.

 

Dozani oshirib yuborilishi

Simptomlari: arterial gipotenziya va taxikardiya, bradikardiya rivojlanishi mumkin, bosh aylanishi, qonda kreatinin konsentratsiyasini oshishi, ogʻir darajadagi buyrak yetishmovchiligi boʻlishi mumkin.

Davolash: qondagi elektrolitlar va kreatininning konsentratsiyasini monitoringgi bilan birga simptomatik davolash oʻtkaziladi. Gemodializ samarasiz.

 

Chiqarilish shakli

Plyonka qobiq bilan qoplangan tabletkalar; 14 tabletkadan alyumin blisterda; 2 alyumin blisterdan tibbiyotda qoʻllash boʻyicha yoʻriqnomasi bilan birga karton qutiga joylangan.

 

Saqlash sharoiti

30oS dan yuqori boʻlmagan haroratda, yorugʻlik va namlikdan himoyalangan joyda saqlansin.

 

Yaroqlilik muddati

2 yil.

 

Dorixonalardan berish tartibi

Shifokor retsepti boʻyicha.