Ilovani yuklab oling
Yuklab olish
Конвулекс КАПСУЛА

Oson Apteka - Dorixonalar ma'lumotnomasi

Конвулекс КАПСУЛА 500мг №50

145 000 so'mdan
(4224)
Dorixonalardagi narx
Xaritada topish
Xususiyatlari
Xalqaro nomi
Ishlab chiqaruvchi
ГЕРОТ
Chiqarilish shakli
КАПС
Farma. Guruh
Pharm Group Name
Dori tafsilotlari
Dorixonalardan berish tartibi
Dori shakli:
Tarkibi:
Taʼrifi
Farmakoterapevtik guruhi: 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi

Retsept boʻyicha.

Dori shakli:

 kapsulalar 150 mg, 300 mg, 500 mg

 

Tarkibi:

Bir kapsula quyidagilarni saqlaydi

faol modda – valproat kislotasi 150 mg, 300 mg yoki 500 mg,

kapsula qobigʻining tarkibi: gidrogenlangan gidrolizlangan kraxmal (Karion 83), glitserin (glitserol) 85%, jelatin, titan dioksidi (Ye 171), temir III oksidi (Ye172), xlorid kislotasi 25%,

ichakda eruvchan qoplama: metakrilat kislotasi-etakrilat sopolimeri (1:1) 30% li dispersiyasi (Eudragit L30D)1, trietilsitrat, makrogol 6000, glitserol monostearati 44-55 II tipi.

130% li suvli suspenziya koʻrinishida ishlatiladi, 0,70% natriy laurilsulfati (YEF*) saqlaydi, bu 0,12 mg/kaps ga va 2,30% polisorbat 80 (YEF*) saqlaydi, bu 0,40 mg/kaps ga mos keladi (150 mg doza uchun)

30% li suvli suspenziya koʻrinishida ishlatiladi, 0,70% natriy laurilsulfati (YEF*) saqlaydi, bu 0,20 mg/kaps ga va 2,30% polisorbat 80 (YEF*) saqlaydi, bu 0,66 mg/kaps ga mos keladi (300 mg doza uchun)

30% li suvli suspenziya koʻrinishida ishlatiladi, 0,70% natriy laurilsulfati (YEF*) saqlaydi, bu 0,33 mg/kaps ga va 2,30% polisorbat 80 (YEF*) saqlaydi, bu 1,10 mg/kaps ga mos keladi (500 mg doza uchun)

 

Taʼrifi

Pushti rangli, oʻlchami 3, uzunligi taxminan 9,8 mm va diametri taxminan 7,3 mm boʻlgan, oval shaklli yumshoq jelatin kapsulalar (150 mg doza uchun).

Pushti rangli, oʻlchami 6, uzunligi taxminan 13,5 mm va diametri taxminan 8,1 mm boʻlgan, oval shaklli yumshoq jelatin kapsulalar (300 mg doza uchun).

Pushti rangli, oʻlchami 9,5, uzunligi taxminan 21,1 mm va diametri taxminan 7,8 mm boʻlgan, uzunchoq shaklli yumshoq jelatin kapsulalar (500 mg doza uchun).

Kapsula ichidagi modda – rangsizdan to biroz sargʻish rangligacha boʻlgan kuchsiz oʻziga xos hidli suyuqlik.

 

Farmakoterapevtik guruhi: 

Tutqanoqqa qarshi preparatlar. Yogʻ kislotalarining hosilalari. Valproat kislotasi.

 

Farmakologik xususiyatlari

Farmakodinamikasi

Konvuleks – tutqanoqqa qarshi vosita, shuningdek markaziy miorelaksatsiyalovchi va sedativ taʼsir koʻrsatadi. Taʼsir mexanizmi asosan GAMK-transferaza fermentini ingibitsiya qilinishi va markaziy nerv tizimida (MNT) gamma-aminomoy kislotasi (GAMK) ning miqdorini oshishi bilan bogʻliq. GAMK pre- va postsinaptik razryadlarga toʻsqinlik qiladi va shu yoʻl bilan markaziy nerv tizimi (MNT) da tirishish faolligini tarqalishini oldini oladi. Bundan tashqari, preparatning taʼsir mexanizmida valproat kislotasining GAMK retseptorlariga taʼsiri, shuningdek voltajga bogʻliq Na-kanallariga taʼsiri ahamiyatli rol oʻynaydi. Preparat retseptorlarning postsinaptik soxalariga taʼsir qilib, GAMK ning tormozlovchi samarasini imitatsiya qiladi yoki kuchaytiradi. Membranalar faolligiga boʻlishi mumkin boʻlgan bevosita taʼsiri, kaliyni oʻtkazuvchanligidagi oʻzgarishlar bilan bogʻliq. Bemorlarning ruxiy holatini va kayfiyatini yaxshilaydi, antiaritmik faollikka ega.

Farmakokinetikasi

Ichakda eruvchan qobiqdagi kapsulalar faqat ingichka ichakda, yaʼni oʻzi soʻriladigan joyda faol moddani ajratib chiqaradi. Valproat kislotasi meʼda-ichak yoʻllari (MIY) da tez va deyarli toʻliq soʻriladi, ichga qabul qilinganida biokiraolishligi 100% ni tashkil qiladi. Ovqat qabul qilish soʻrilish tezligini pasaytirmaydi. Plazmadagi konsentratsiyasining maksimal darajasi 2-3 soatdan soʻng aniqlanadi. Muvozanat konsentratsiyasiga dozalash intervaliga qarab, davolashning 2-4 kunlari erishiladi. Preparatning qon plazmasidagi terapevtik konsentratsiyasi 40-100 mg/l chegaralarida oʻzgarib turadi. Valproat kislotasi plazma oqsillari bilan qon plazmasidagi 50 mg/l gacha konsentratsiyalarda 90-95% ga va 50-100 mg/l konsentratsiyada 80-85% ga bogʻlangan, uremiyada, gipoproteinemiyada va jigar sirrozida oqsillar bilan bogʻlanishi pasaygan. Orqa miya suyuqligidagi konsentratsiyasining darajalari preparatning oqsillar bilan bogʻlanmagan fraksiyasining kattaligi bilan mos keladi. Valproat kislotasi yoʻldosh toʻsigʻi orqali oʻtadi, koʻkrak suti bilan chiqariladi. Koʻkrak sutidagi konsentratsiyasi ona qoni plazmasidagi konsentratsiyasining 1-10% ni tashkil qiladi. Preparat jigarda glyukuronlanish va oksidlanishga uchraydi, metabolitlari va oʻzgarmagan valproat kislotasi (dozaning 1-3%) buyrak orqali chiqariladi, katta boʻlmagan miqdori axlat va chiqarilayotgan nafas bilan chiqariladi. Preparatning yarim chiqarilish davri sogʻlom sinalayotganlarda va monoterapiyada 10 soatdan 15 soatgachani tashkil qiladi, bolalarda u qisqaroq – 6-8 soat, jigar faoliyatini buzilishi boʻlgan bemorlarda va keksa bemorlarda sezilarli darajada uzoqroq boʻlishi mumkin.

 

Qoʻllanilishi
  • tutqanoq xurujlari (shu jumladan yoyilgan va parsial, shuningdek miyaning organik kasalliklari fonidagi)
  • migren xurujlarini oldini olish
  • litiyni qoʻllash mumkin boʻlmagan yoki patsiyent oʻzlashtiraolmagan hollarda bipolyar kechuvchi maniakal-depressiv sindromda qoʻllaniladi.

 

Qoʻllash usuli va dozalari

Preparat ichga, chaynamay, kuniga 1-2 marta, ovqatlanish vaqtida yoki undan keyin, oz miqdordagi suyuqlik bilan qabul qilinadi. Qoʻllash davomiyligi shifokor tomonidan belgilanadi.

Kattalar

Monoterapiyada boshlangʻich doza – sutkada 5-15 mg/kg, majmuaviy davolashda – sutkada 10-30 mg/kg ni tashkil qiladi, soʻngra bu doza asta-sekin haftada 5-10 mg/kg ga oshiriladi.

Oʻrtacha sutkalik doza -tana vazniga 20-30 mg/kg ni tashkil qiladi.

Qon plazmasida preparatning konsentratsiyasini nazorat qilish imkoni boʻlganida, sutkalik doza 60 mg/kg gacha oshirilishi mumkin.

6 yoshgacha boʻlgan bolalarda qoʻllash uchun Konvuleks preparatining quyidagi shakllari tavsiya qilinadi: ichga qabul qilish uchun tomchilar va bolalar uchun sirop.

6 yoshli va undan katta bolalarda doza asta-sekin sutkada 20-35 mg/kg gacha oshirish bilan 10-20 mg/kg ni tashkil qiladi. Sutkada 40 mg/kg dan yuqori doza talab qilinuvchi bolalarda biokimyoviy va gematologik parametrlar kuzatilishi kerak.

Keksalar

Garchi keksalik yoshida valproatlarning farmakokinetikasi oʻziga xos xususiyatlarga ega boʻlsada, bu cheklangan klinik ahamiyatga egadir, shuning uchun dozani klinik samara boʻyicha aniqlash kerak. Zardob albumini bilan bogʻlanishini kamayishi oqibatida, plazmada bogʻlanmagan preparatning ulushi oshadi. Bu keksalarda preparatning kichikroq dozalarini qoʻllash imkoni bilan birga, preparatning dozasini sinchiklab tanlash maqsadga muvofiqligini belgilaydi.

Buyrak yetishmovchiligi boʻlgan patsiyentlar. Preparatning dozasini pasaytirish zarurati tugʻilishi mumkin. Dozani klinik holatning monitoringi boʻyicha tanlash kerak, chunki plazmadagi konsentratsiyaning koʻrsatkichlari yetarli darajada informativ boʻlmasligi mumkin.

Oʻrtacha sutkalik dozalar:

Yosh

Tana vazni (kg da)

Oʻrtacha doza (mg/sutkada)

6 yosh

15-20 kg

450-600

7-11 yosh

20-40 kg

600-1200

12-17 yosh

40-60 kg

1000-1500

Kattalar va keksalar

60 kg dan ortiq

1200-2100

 

Nojoʻya taʼsirlari

Konvuleks bemorlar tomonidan yaxshi oʻzlashtiriladi. Nojoʻya samaralari asosan preparatning plazmadagi darajasi 100 mg/l dan yuqori boʻlganida yoki majmuaviy davolashda kuzatilishi mumkin.

Tez-tez (≥1/100 dan <1/10 holatgacha)

  • koʻngil aynishi, qusish, anoreksiya yoki ishtahani oshishi, diareya, gastralgiyalar, gepatit
  • tremor
  • diplopiya, koʻz oldida “mayda pashshalar”ni lip-lip oʻtishi
  • anemiya, trombotsitopeniya, qon ketish vaqtini uzayishi, petexial qon quyilishlar, qontalashlar, gematomalar, qon oquvchanlik bilan kechuvchi fibrinogenning miqdorini, trombotsitlar agregatsiyasini va qon ivishini pasayishi, agranulotsitoz, limfotsitoz.
  • tana vaznini pasayishi yoki oshishi
  • giperkreatininemiya, giperammoniyemiya, giperbilirubinemiya, “jigar” transaminazavlari, laktatdegirogenaza (LDG) ni (dozaga bogʻliq) faolligini ahamiyatsiz oshishi
  • dismenoreya, ikkilamchi amenoreya, sut bezlarini kattalashishi, galaktoreya
  • periferik shishlar, soch toʻkilishi (odatda, preparat bekor qilinganidan keyin tiklanadi)
  • vaskulit
  • eshitishni yomonlashishi, paresteziya
  • tuxumdonlar polikistozi
  • bolalarda enurez

Kam hollarda (≥1/10 000 dan <1/1 000 holatgacha)

  • qabziyatlar
  • xulq, kayfiyat yoki ruhiy holatni oʻzgarishi (depressiya, charchoqlik xissi, gallyutsinatsiyalar, tajovuzkorlik, oʻta faol holat, psixozlar, odatdagi boʻlmagan qoʻzgʻalish, xarakat bezovtaligi yoki taʼsirchanlik), ataksiya, bosh aylanishi, uyquchanlik, bosh ogʻrigʻi, ensefalopatiya, dizartriya, stupor, ongni buzilishi, koma
  • leykopeniya, pansitopeniya, limfotsitoz, eritrotsitar gipoplaziya
  • jigar faoliyatini buzilishi
  • tizimli qizil yugurik
  • letargiya, ongni chalkashishi
  • bosh ogʻrigʻi, nistagm
  • teri toshmasi, eshakemi, angionevrotik shish, fotosensibilizatsiya

Juda kam hollarda (<1/10 000 holat)

  • ensefalopatiya, koma
  • xatto oʻlim bilan yakunlanuvchi ogʻir shikastlanishlargacha boʻlgan pankreatit (davolashning birinchi 6 oyida, koʻproq 2-12 xaftalarda)
  • toksik epidermal nekroliz, Stivens-Djonson sindromi, koʻp shaklli eritema
  • qaytuvchan Fankoni sindromi
  • suyak koʻmigini aplaziyasi
  • giponatriyemiya
  • buyrak faoliyatini buzilishi

 

Qoʻllash mumkin boʻlmagan holatlar
  • valproatga yoki toʻldiruvchilardan birontasiga yuqori sezuvchanlik
  • jigar va/yoki meʼda osti bezi faoliyatini yaqqol buzilishlari
  • jigar porfiriyasi
  • oʻtkir va surunkali gepatitlar
  • patsiyentning shaxsiy yoki oilaviy anamnezidagi ogʻir gepatit holati, shu jumladan, dorilarni qabul qilish oqibatidagi gepatit.
  • trombotsitopeniya
  • gemorragik diatez
  • karbapenemlar bilan birga qabul qilish
  • dalachoy bilan birga qabul qilish
  • mefloxin bilan birga qabul qilish
  • homiladorlik va laktatsiya davri
  • 6 yoshgacha boʻlgan bolalar
  • bipolyar kechuvchi maniakal-depressiv sindromi boʻlgan 18 yoshgacha boʻlgan bolalarda qoʻllash mumkin emas.

 

Dorilarning oʻzaro taʼsiri

Valproat kislotasini etanol va markaziy nerv tizimi (MNT) ni susaytiruvchi preparatlar (tritsiklik antidepressantlar, monoaminooksidaza ingibitorlari (MAO) va neyroleptiklar) bilan bir vaqtda qoʻllanganida, MNT depressiyasi kuchayishi mumkin. Etanol va boshqa gepatotoksik vositalar jigarni shikastlanish extimolini oshiradi. Tritsiklik antidepressantlar, MAO ingibitorlari, neyroleptiklar va tirishish faolligi boʻsagʻasini pasaytiruvchi boshqa preparatlar, valproat kislotasining samaradorligini kamaytiradi.

Konvuleks, plazmadagi konsentratsiyasiga qarab, tireoid gormonlarni qon plazmasi oqsillari bilan ularni bogʻlanish joyidan siqib chiqarishi va ularning metabolizmini chaqirishi mumkin, u gipotireozga ishora qiluvchi soxta tashhisga olib kelishi mumkin.

Konvuleks boshqa tutqanoqqa qarshi preparatlar (fenitoin, lamotridjin), antidepressantlar, neyroleptiklar, trankvilizatorlar, barbituratlar, MAO ingibitorlari, timoleptiklar, etanolning samaralarini, shu jumladan nojoʻya samaralarini kuchaytiradi. Valproatni klonazepamga qoʻshish yakka xollarda absans statusini yaqqol kuchayishiga olib kelishi mumkin.

Valproat kislotasi barbaturatlar yoki primidon bilan bir vaqtda qoʻllanganida, qon plazmasida ularning konsentratsiyasini oshishi aniqlanadi. Lamotridjinning yarim chiqarilish davrini (T1/2) oshiradi (jigar fermentlarini ingibitsiya qiladi, lamotridjinning metabolizmini sekinlashishini chaqiradi, buning oqibatida kattalarda uning T1/2 70 soatgacha va bolalarda –  45-55 soatgacha choʻziladi). Zidovudinning klirensini 38% ga pasaytiradi, bunda uning T1/2  oʻzgarmaydi. Konvuleks zidovudinning toksik taʼsirini oshiradi.

Salitsilatlar bilan birga qoʻllanganda valproat kislotasining samaralarini kuchayishi (plazma oqsillari bilan bogʻidan siqib chiqarilishi tufayli) kuzatiladi. Bir vaqtda qoʻllashdan, ayniqsa 12 yoshgacha boʻlgan bolalarda saqlanish kerak. Konvuleks antiagregantlar (atsetilsalitsil kislotasi) va bilvosita antikoagulyantlarning samarasini kuchaytiradi.

Fenobarbital, fenitoin, karbamazepin, mefloxin bilan birga qoʻllanganda, qon zardobida valproat kislotasining miqdori pasayadi (metabolizmi tezlashadi).

Felbamat plazmada valproat kislotasining konsentratsiyasini 35-50% ga oshiradi (dozaga tuzatish kiritish kerak).

Xolesteramin valproat kislotasining soʻrilishini pasaytirishi mumkin.

Rifampitsin qonda valproat kislotasining darajasini pasaytirishi mumkin, bu davolovchi samarani yoʻqolishiga olib kelishi mumkin. Shuning uchun rifampitsin bilan bir vaqtda qoʻllanganda Konvuleksning dozasiga tuzatish kiritish talab etilishi mumkin.

Valproat kislotasi jigar fermentlarining induksiyasini chaqirmaydi va peroral kontratseptivlarning samaradorligini pasaytirmaydi.

 

Maxsus koʻrsatmalar

Konvuleks quyidagi bemorlar toifasiga buyurilganida aloxida ehtiyotkorlik talab etiladi:

  • jigar va meʼda osti bezi kasalliklari, shuningdek suyak koʻmigini shikastlanishi haqidagi anamnestik maʼlumotlar boʻlgan bemorlar
  • buyrak faoliyatini buzilishlari boʻlgan bemorlar
  • tugʻma enzimopatiyalari boʻlgan bemorlar
  • aqliy zaif bolalarda
  • gipoproteinemiyada.

Konvuleksning sirop va tomchilar kabi dori shakllari borligini hisobga olib, kapsula shakli 6 yoshdan kichik bolalarda qabul qilish uchun tavsiya etilmaydi.

Jigar tomonidan buzilishlarda

Davolashni boshlash oldidan va davolashning birinchi olti oylari davomida vaqti-vaqti bilan, ayniqsa xavf guruhiga kiruvchi patsiyentlar orasida va anamnezida jigar kalalliklari aniqlanganlarda, jigar faoliyatining parametrlarini doimiy nazorati amalga oshirishishi kerak. Bunday patsiyentlar sinchkov shifokor kuzatuvi ostida boʻlishlari kerak. Jigar faoliyatini tekshirishlari protrombin vaqtini, aminotransferazalar va/yoki bilirubin va/yoki fibrinogenni parchalanishini chaqiruvchi mahsulotlarning darajalarini aniqlashni oʻz ichiga oladi. Birinchi bosqichda aminotransferazalar darajasini oshishi aniqlanishi mumkin; bu odatda vaqtinchalik koʻrinish boʻlib, u dozani pasaytirilishi uchun javob beradi. Biokimyoviy tahlillarida oʻzgarishlari boʻlgan patsiyentlar klinik va jigar faoliyatini takroriy baholashdan (shu jumladan protrombin vaqtini baholashdan) oʻtishlari kerak, ular normallashmagunicha nazoratda boʻlishlari kerak. Shunga qaramay, protrombin vaqtini haddan ziyod choʻzilishi, ayniqsa, agar bu boshqa revelent tekshirishlarning normal boʻlmagan koʻrsatkichlari bilan bogʻliq boʻlsa, davolashni toʻxtatishni talab etadi.

Jigar disfunksiyasi, shu jumladan oʻlimga olib keluvchi jigar yetishmovchiligi, valproat kislotasi bilan davolangan patsiyentlarda aniqlanadi. Koʻproq xavf guruhiga kiruvchi patsiyentlar – bu bolalar, ayniqsa 3 yoshdan kichik bolalar va nasliy metabolik yoki degenerativ buzilishlari, cheklangan miya disfunksiyalari yoki aqliy rivojlanishini kechikishi bilan bogʻliq boʻlgan jiddiy tutqanoq xurujlari boʻlgan patsiyentlar hisoblanadi. Bu koʻrinishlarning koʻpchiligi davolashning birinchi olti oylari vaqtida, koʻproq 2-12 haftalarda aniqlanadi va, odatda bir necha preparatlardan iborat tutqanoqqa qarshi davolashni oʻz ichiga oladi. Bunday guruh patsiyentlar uchun monoterapiya avzaldir.

Jigar yetishmovchiligining erta bosqichlarida klinik simptomlar laboratoriya tekshirishlariga qaraganda, tashxisni muvofiqlashtirishda katta yordam koʻrsatishi mumkin. Ogʻirlik darajasi jiddiy yoki oʻlim bilan yakunlanuvchi jigar kasalliklari oldidan tutqanoq xurujlari ustidan nazoratni yoʻqolishi, diskomfort, kuchsizlik, letargiya, shish, ishtahani yoʻqolishi, qusish, qorin ogʻrigʻi, uyquchanlik va sariqlik kabi odatda toʻsatdan paydo boʻluvchi xarakterli boʻlmagan simptomlar paydo boʻlishi mumkin. Ular dori preparatini qoʻllashni zudlik bilan toʻxtatish uchun koʻrsatma hisoblanadi. Patsiyentlar muvofiq tekshiruvni oʻtkazish uchun har qanday bunday belgilar haqida darhol davolovchi shifokorga xabar berishlari kerakligi haqida ogohlantirilgan boʻlishlari kerak. Qanday tekshiruvlar aniq prognoz berishi mumkinligi toʻgʻrisida xali xam aniq maʼlumotlar yoʻq, shunga qaramay, oqsil sintezini aks ettiruvchi tekshiruvlar, masalan, protrombin vaqti, haligacha eng relevant boʻlib hisoblanadi.

Jigar disfunksiyasi boʻlgan patsiyentlarda salitsil kislotasining tuzlarini bir vaqtda qoʻllashni toʻxtatish kerak, chunki u xam xuddi shunday metabolik yoʻlni oʻtishi mumkin va shu bilan, jigar yetishmovchiligi paydo boʻlishi xavfini oshirishi mumkin.

Gematologik buzilishlarda

Davolash boshlanishidan oldin, shuningdek xirurgik aralashuvi oldidan, qon ketishi kabi asoratlarni paydo boʻlishining yuqori xavfi borligini aniqlashtirish maqsadida tegishli qon tahlillari (eritrotsitlar darajasini, qon ketishi vaqtini aniqlash va koagulyatsion sinamani oʻtkazish) qilinishi lozim. Kasallik tarixida suyak koʻmigini shikastlanishi aniqlangan patsiyentlar ham sinchkov nazorat ostida boʻlishlari kerak.

Meʼda osti bezi tomonidan buzilishlar

Juda kam hollarda ogʻirligi jiddiy darajali pankreatit haqida xabar berilgan, u oʻlimga olib kelishi mumkin. Oʻlim bilan yakunlanish xavfi hammadan koʻproq kichik yoshli bolalarda aniqlanadi va yosh oshishi bilan pasayadi. Majmuaviy tutqanoqqa qarshi davolash qoʻllanganida ogʻirligi jiddiy darajali tutqanoq xurujlari yoki nevrologik xarakterli buzilishlar, jiddiy pankreatit paydo boʻlishini xavf omili boʻlishi mumkin. Agar buyrak yetishmovchiligi pankreatit bilan birga paydo boʻlsa, oʻlim xavfi oshadi. Patsiyentlar agar ularda pankreatitga ishora qiluvchi simptomlar (masalan, qorinda ogʻriq, koʻngil aynishi, qusish) paydo boʻlsa, ular darhol shifokorga murojaat qilishlari kerakligi haqida xabardor qilingan boʻlishlari kerak. Bunday patsiyentga nisbatan sinchkov tibbiy baholashni (shu jumladan zardobda amilaza darajasini oʻlchash) oʻtkazilishi kerak; pankreatit tashxislanganida natriy valproatini qabul qilish toʻxtatilishi kerak. Anamnezida pankreatiti aniqlangan patsiyentlar, sinchkov klinik nazorat ostida boʻlishlari kerak.

Tana vaznini oshishi

Valproat juda koʻp hollarda tana vaznini oshishini chaqiradi, u sezilarli boʻlishi va avj olib borishi mumkin. Davolashni boshida patsiyentlarga bunday xavf haqida, shuningdek vaznni oshishini minimallashtirish yuzasidan tegishli tadbirlar toʻgʻrisida xabar berilishi kerak.

Tizimli qizil yugurik

Konvuleks, garchi kam hollarda boʻlsa xam, tizimli qizil yugurikni paydo boʻlishini chaqirishi yoki mavjud tizimli qizil yugurikni zoʻrayishini chaqirishi mumkin.

Giperammoniyemiya

Agar mochevinini hosil boʻlish siklining fermentativ yetishmovchiligiga gumon boʻlsa, davolashni boshlash oldidan metabolik tekshirishlar oʻtkazilishi kerak, chunki valproat qoʻllanganida giperammoniyemiya paydo boʻlishini xavfi bor. Apatiya, uyquchanlik, qusish, gipotenziya yoki tutqanoq xurujlarining tez-tezligini oshishi kabi simptomlar paydo boʻlgan patsiyentlarda zardobda ammiak va valproat darajalarini nazorat qilish lozim.

Suitsid/suitsidal fikrlash

Suitsidal fikrlash va xulq ayrim koʻrsatmalar boʻyicha tutqanoqqa qarish moddalarni olgan patsiyentlar orasida aniqlangan. Tutqanoqqa qarshi preparatlarning randomizatsiyalangan platsebo-nazoratli tadqiqotlarning meta-tahlili xam suitsidal fikrlash va xulqni paydo boʻlish xavfini biroz oshishini koʻrsatdi. Bunday xavfni paydo boʻlish mexanizmi nomaʼlum boʻlib qolmoqda, va bor boʻlgan maʼlumotlar valproat kislotasini qabul qilish tufayli, xavfni oshish ehtimolini istisno qilmaydi.

Shu boisdan patsiyentlar suitsidal fikrlash va xulq belgilari paydo boʻlishi yuzasidan sinchkov kuzatuv ostida boʻlishlari va muvofiq davolashni boshlash masalasi koʻrib chiqilishi kerak. Patsiyentlarga (va patsiyentlarga qarovchi shaxslarga), suitsidal fikrlash va xulq paydo boʻlgan hollarda, ular darhol shifokorga murojaat qilishlari kerakligi haqida xabar berilgan boʻlishi kerak.

Diabet

Valproatni asosan buyrak orqali chiqarilishini nazarda tutib, bu holat qandli diabetni boʻlishi mumkinligi yuzasidan siydik tahlilining soxta musbat natijalarini olinishiga olib kelishi mumkin.

Tutqanoq

Valproatni qabul qilishni keskin toʻxtatish tutqanoq xurujlarini tezlashishiga olib kelishi mumkin.

Uzoq muddatli davolash

Boshqa tutqanoqqa qarshi preparatlar, shu jumladan difenin bilan majmuada oʻtkaziladigan uzoq muddatli davolash vaqtida miyani shikastlanishi simptomlari va belgilari (ensefalopatiya) (tutqanoq xurujlarini paydo boʻlish tezligini oshishi, qiziqishni yoʻqolishi, stupor, mushak kuchsizligi, motor faoliyatlarni buzilishi (parkinsonizm, distoniya, xoreyeform diskineziya), EEG da jiddiy oʻzgarishlar) paydo boʻlishi mumkin.

Homiladorlik

Homiladorlik davrida Konvuleks bilan davolashni boshlash tavsiya qilinmaydi.  Agar homilador ayol preparatni qabul qilayotgan boʻlsa, unda xurujlarni tezlashish xavfi tufayli davolashni toʻxtatish kerak. Preparatni boshqa tirishishga qarshi vositalar bilan birga qoʻllashga yoʻl qoʻymasdan, va plazmada preparatning darajasini iloji boricha muntazam nazorat qilib, juda kichik samarali dozalarda qoʻllash lozim. Homilador boʻlishi mumkin boʻlgan ayollar homilaga teratogen samarasi xavfi borligini nazarda tutib, mutaxassisdan tegishli maslahatni olishlari lozim.

– Tutqanoq va tutqanoqqa qarshi preparatlar bilan bogʻliq xavf

Tutqanogʻi boʻlgan, tutqanoqqa qarshi preparatlarni qabul qilayotgan onalardan tugʻilgan bolalarda tugʻma nuqsonlarning umumiy koʻrsatkichi, umumiy populyatsiyada aniqlangan koʻrsatkichdan 2-3 marta (taxminan 3%) yuqori boʻlgan. Majmuaviy davolash oʻtkazilganda tugʻma nuqsonlari boʻlgan koʻp sonli bolalar toʻgʻrisida xabar berilganligiga qaramay, tugʻma nuqsonlarni paydo boʻlishini kuchayishida davolash va kasallikning tegishli roli aniqlanmagan.

Koʻpchilik hollarda kuzatilgan tugʻma nuqsonlar lablarni ajralishi va yurak-qon tomir tizimining anomaliyalari boʻlgan.

Epidemiologik tadqiqotlar valproat kislotasining ona qornida taʼsiri va rivojlanishni kechikish xavfi orasida bogʻliqlik borligini koʻrsatdi. Koʻp omillar, shu jumladan onada tutqanoqni boʻlishi ushbu xavfga oʻz ulushini qoʻshadi, bunda bunday relyativ ulushlarning ulushi va onaning tutqanoqqa qarshi davolanishini miqdoriy baholashni oʻtkazish qiyin. Eslatib oʻtilgan potensial xavflarga qaramay, tutqanoqqa qarshi davolashni keskin toʻxtatishdan saqlanish kerak, chunki bu xam homila, xam ona uchun xavfli boʻlishi mumkin boʻlgan tutqanoq xurujlarini chaqirishi mumkin.

– Bipolyar buzilishlardagi maniakal epizodlar va valproat bilan bogʻliq xavflar

Ushbu dori preparatini homiladorlik vaqtida va reproduktiv potensiali boʻlgan ayollarga, agar bunga oʻtkir zarurat boʻlmasa (masalan, boshqa davolash turlari samarasiz yoki patsiyentlar tomonidan oʻzlashtira olinmaydigan vaziyatlarda), buyurish mumkin emas. Davolanish vaqtida reproduktiv potensiali boʻlgan ayollar samarali kontratseptiv vositalarni qabul qilishlari lozim.

– Valproatni qabul qilish bilan bogʻliq xavflar

Tutqanogʻi boʻlgan, valproat qabul qilgan onalardan tugʻilgan bolalar orasida rivojlanish nuqsonlarining (shu jumladan yuz dizmorfizmi, anaspadiya va koʻp sonli tugʻma nuqsonlarning, ayniqasa qoʻl-oyoqlardagi nuqsonlarning) yuqori xavfi aniqlanadi.

Valproatni qoʻllanilishi orqa miya va miya pardalari churrasi va umurtqa pogʻonasi yorigʻi kabi nerv nayining nuqsonlari bilan bogʻliq boʻlgan. Bunday turdagi nojoʻya samaralarning kuzatilishi 1% dan 2% gachani tashkil qiladi. Ona qornida valproatning taʼsiriga duchor boʻlgan bolalar orasida, shuningdek autistik doiradagi buzilishlar toʻgʻrisida xabar berilgan.

Transport vositalari yoki potensial xavfli mexanizmlarni boshqarish qobiliyatiga dori vositasning taʼsirini oʻziga xosligi

Yuqori diqqatni va psixomotor reaksiyalarning yuqori tezligini talab etuvchi faoliyat turlari (avtotransportni haydash va mexanizmlarni boshqarish) bilan shugʻullanish tavsiya qilinmaydi.

Preparat bolalar olaolmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Simptomlari: koʻngil aynishi, qusish, bosh aylanishi, diareya, nafas faoliyatini buzilishi, mushak gipotoniyasi, giporefleksiya, mioz.

Davolash: meʼdani yuvish (kechi bilan 10-12 soat ichida), faollashtirilgan koʻmir, nalokson vena ichiga, gemodializ, gemoperfuziya, jadallashtirilgan diurez, nafas va yurak-qon tomir tizimining faoliyatini tutib turish.

 

Chiqarilish shakli

10 yoki 20 kapsuladan PVX yoki PVX/PVDX plyonka va alyumin folga kontur uyali oʻramlarga joylangan.

5 yoki 10 kontur oʻramdan davlat va rus tillaridagi tibbiyotda qoʻllash boʻyicha yoʻriqnomasi bilan birga karton qutiga joylanadi.

 

Saqlash sharoiti

25oS dan yuqori boʻlmagan haroratda, quruq, yorugʻlikdan himoyalangan joyda saqlansin.

 

Yaroqlilik muddati

5 yil.