Ilovani yuklab oling
Yuklab olish
КО-ДИОВАН ТАБЛЕТКА

Oson Apteka - Dorixonalar ma'lumotnomasi

КО-ДИОВАН ТАБЛЕТКА 80МГ/12,5МГ №28

299 000 so'mdan
(3086)
Dorixonalardagi narx
Xaritada topish
Xususiyatlari
Xalqaro nomi
Valsartan,hydrochlorothiazide
Ishlab chiqaruvchi
НОВАРТИС
Chiqarilish shakli
ТАБ
Farma. Guruh
Препараты влияющие на ангиотензивную систему
Dori tafsilotlari
Taʼrifi:
Farmakoterapevtik guruhi: 
Farmakologik xususiyatlari
Qoʻllanilishi
Qoʻllash usuli va dozalari.
Nojoʻya taʼsirlari
Dori shakli: 
Tarkibi:
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti. 
Yaroqlilik muddati 
Dorixonalardan berish tartibi
Taʼrifi:

Ko-Diovan® 80/12,5 mg: och-toʻq sariq oval, biroz qavariq, bir tomonida “NGN” va boshqa tomonida – “CG” yozuvlari boʻlgan tabletkalar.

Ko-Diovan® 160/12,5 mg: toʻq-qizil, oval, biroz qabariq, bir tomonida “NNN” va boshqa tomonida – “CG” yozuvlari boʻlgan tabletkalar.

Ko-Diovan® 160/25 mg: jigarrang-toʻq sariq oval, biroz qavariq, bir tomonida “NXN” va boshqa tomonida – “NVR” yozuvlari boʻlgan tabletkalar.

 

Farmakoterapevtik guruhi: 

angiotenzin II retseptorlari antagonisti va diuretiklar

 

 

Farmakologik xususiyatlari

Farmakodinamikasi 

Renin-angiotenzin-aldosteron tizimining (RAAT) faol gormoni, angiotenzin I dan angiotenzinga aylantiruvchi ferment (AAF) ishtirokida hosil boʻladigan angiotenzin II hisoblanadi. Angiotenzin II turli toʻqimalarning xujayralari membranalarida joylashgan spetsifik retseptorlari bilan bogʻlanadi. U birinchi navbatda ham bevosita, ham bilvosita qon bosimini boshqarilishida ishtirok etuvchilarni oʻz ichiga olgan keng doirali fiziologik samaraga ega. Tomirlarni toraytiruvchi kuchli modda sifatida, angiotenzin II toʻgʻridan toʻgʻri vazopressor taʼsir koʻrsatadi. Bundan tashqari, u natriyni tutilishiga yordam beradi va aldosteron sekretsiyasini ragʻbarlantiradi.

Valsartan – ichga qabul qilish uchun moʻljallangan angiotenzin II retseptorlarining faol va spetsifik antagonisti. U angiotenzin II ning samaralari uchun masʼul boʻlgan AT1 kichik tur retseptorlariga tanlab taʼsir qiladi. Valsartan tomonidan AT1-retseptorlarini blokadasi natijasida angiotenzin II ning darajalarini oshishi erkin AT2–retseptorlarini ragʻbatlantirishi mumkin, bu AT1–retseptorlarining samarasini muvofiqlashtiradi. Valsartan AT1–retseptorlari agonisti sifatida biron-bir qisman faollikka ega emas va AT2–retseptorlariga nisbatan AT1-retseptorlariga ancha yuqori (taxminan 20000 marta) yaqinlikka ega.

Valsartan, shuningdek kininaza II sifatida maʼlum boʻlgan AAF ni susaytirmaydi, u angiotenzin I ni angiotenzin II ga aylantiradi va bradikininni parchalaydi. Bradikinin bilan bogʻliq boʻlgan hech qanday nojoʻya samaralar kuzatilmaydi. Valsartanni AAF ingibitori bilan solishtirilgan klinik tadqiqotlarda, quruq yoʻtalning rivojlanish tez-tezligi, Valsartan qabul qilgan bemorlarda AAF ingibitorini qabul qilgan bemorlarga nisbatan sezilarli past (R<0,05) (muvofiq 7,9% ga qarshi 2,6%) boʻlgan. Ilgari AAF ingibitorlari bilan davolangan bemorlarda quruq yoʻtal rivojlangan, bemorlarni oʻz ichiga olgan klinik tadqiqotlarda, valsartan bilan davolashda bu asorat 19.5%, tiazid diuretik bilan davolashda esa – 19% hollarda kuzatilgan, ayni vaqtda AAF ingibitorlari bilan davolangan bemorlar guruhida esa yoʻtal 68.5% hollarda (R<0,05) kuzatilgan. Valsartan oʻzaro taʼsirga kirishmaydi va boshqa gormonlarning retseptorlari yoki yurak-tomir tizimini boshqarish uchun muhim boʻlgan ion kanallarini bloklamaydi. 

Preparatni gipertenziyasi boʻlgan bemorlarga buyurilishi arterial bosimning pasayishiga olib keladi, bunda puls tez-tezligiga taʼsir qilmaydi.

Preparatning bir martalik dozasi ichga qabul qilinganidan keyin koʻpchilik bemorlarda antigipertenziv taʼsirning boshlanishi taxminan 2 soat chegaralarida kuzatiladi, arterial bosimning maksimal pasayishiga esa 4-6 soat chegaralarida erishiladi. Bir martalik doza qabul qilinganidan keyin antigipertenziv samarasi 24 soatdan ortiq saqlanadi. Preparatni muntazam qoʻllash sharoitida maksimal terapevtik samaraga odatda 2-4 hafta davomida erishiladi va uzoq muddatli davolashda erishilgan darajada saqlanib qoladi. Gidroxlortiazid bilan majmuasi arterial bosimni samarali pasaytiradi.

Tiazid diuretiklarning taʼsir qilish nuqtasi buyrak distal naylarining poʻstloq boʻlimi boʻlib, u yerda diuretiklar taʼsiriga yuqori sezgir retseptorlar joylashgan, va u yerda Na va Cl ionlarining tashilishini susayishi yuz beradi. Tiazidlarning taʼsir mexanizmi Na+Cl– nasosini susayishi bilan bogʻliq, bu ehtimol Cl-tashilish joyi uchun raqobat oqibatida yuz beradi. Buning oqibatida natriy va xlor ionlarining chiqarilishi taxminan bir xil oshadi. Diuretik taʼsiri natijasida aylanayotgan plazma hajmini kamayishi kuzatiladi, buning oqibatida reninning faolligi, aldosteronning sekretsiyasi, kaliyning siydik bilan chiqarilishi oshadi va demak kaliyning zardobdagi konsentratsiyasi pasayadi. Renin va aldosteron orasidagi oʻzaro taʼsir angiotenzin II orqali boʻladi, shuning uchun angiotenzin II retseptorlari antagonistini buyurish, tiazid diuretikni qoʻllash bilan bogʻliq boʻlgan kaliyning yoʻqotilishini kamaytiradi.

Farmakokinetikasi 

Valsartan. Valsartanning plazmadagi maksimal konsentratsiyasiga preparatni och qoringa ichga qabul qilgandan 2-4 soatdan keyin erishiladi. Preparatning biokiraolishining oʻrtacha qiymati 23% ni tashkil qiladi.

Valsartan ovqat bilan birga buyurilganida “konsentratsiya-vaqt” egri chizigʻi ostidagi maydon (AUC) 48% ga kamayadi, garchi, preparat qabul qilinganidan keyin taxminan 8-chi soatdan boshlab valsartanning plazmadagi konsentratsiyasi, uni och qoringa qabul qilgan, ham ovqat bilan qabul qilgan holdagida ham bir xil boʻladi. Biroq “konsentratsiya-vaqt” egri chizigʻi ostidagi maydonni kamayishi, terapevtik samaraning klinik ahamiyatli pasayishi bilan kechmaydi.

Preparatni kuniga bir marta qabul qilganda toʻplanishi ahamiyatsiz darajada boʻladi. Qon plazmasidagi konsentratsiyasi ayollar va erkaklarda bir xil. Valsartan qonning plazma oqsillari bilan ahamiyatli darajada, aynan albumin bilan bogʻlanadi (94-97%). Muvozanat holatdagi davrda taqsimlanish xajmi past (taxminan 17 l). Vena ichiga yuborgandan keyin, valsartanning plazmali klirensi taxminan 1 soatda 2 l ni tashkil qiladi va uning buyrak klirensi 1 soatda 0,62 l ni tashkil qiladi (umumiy klirensning taxminan 30%). Yarim parchalanish davri 6 soatni tashkil qiladi. Axlat bilan chiqarilayotgan valsartanning miqdori 83% ni tashkil qiladi (ichga qabul qilingan dozaning choʻqqisiga qarab), taxminan 13% asosan oʻzgarmagan holatda siydik bilan chiqariladi.

Gidroxlortiazid. Ichga qabul qilinganidan keyin gidroxlortiazidning soʻrilishi tez (tmax – taxminan 2 soat) yuz beradi. Preparatning taqsimlanish va chiqarilish fazasidagi farmakokinetikasi umuman olganda, bioeksponensial pastga yoʻnalgan egri chiziq bilan ifodalanadi; yakuniy bosqichining yarim chiqarilish davri 6-15 soatni tashkil qiladi.

Terapevtik dozalar diapazonida “konsentratsiya-vaqt” egri chizigʻi ostidagi maydon (AUC) ning oʻrtacha kattaligi dozani oshishiga toʻgʻri proporsional ortadi. Takror buyurishlarda gidroxlortiazidning farmakokinetikasi oʻzgarmaydi; sutkada bir marta buyurilganida toʻplanishi ahamiyatsiz.

Ichga qabul qilinganida gidroxlortiazidning mutloq biokiraolishligi 60-80% tashkil qiladi. Chiqarilishi siydik bilan yuz beradi: dozaning 95% dan ortigʻi oʻzgarmagan holda va taxminan 4% – 2 amino-4 xloro-m-benzenedisulfonamid gidrolizati koʻrinishida chiqariladi.

Gidroxlortiazid ovqat bilan birga qoʻllanganida, och qoringa qabul qilingandagi muvofiq koʻrsatkichlarga nisbatan, uning tizimli biokiraolishligini ham oshishi, ham kamayishi aniqlangan. Bu oʻzgarishlarning diapazoni ahamiyatsiz va klinik ahamiyatga ega emas.

Valsartan/gidroxlortiazid. Valsartan bilan bir vaqtda qoʻllanganida gidroxlortiazidning biokiraolishligi taxminan 30% ga kamayadi. Gidroxlortiazidni bir vaqtda buyurilishi, oʻz tomonidan valsartanning kinetikasiga ahamiyatli taʼsir koʻrsatmaydi. Biroq, bu oʻzaro taʼsir, valsartan va gidroxlortiazidning majmuaviy qoʻllash samaradorligiga taʼsir koʻrsatmaydi. Nazoratli klinik tadqiqotlarda ushbu majmuaning yaqqol antigipertenziv samarasi aniqlangan, u alohida har bir komponentning samarasidan, shuningdek platseboning samarasidan yuqori boʻlgan.

Alohida guruh patsiyentlaridagi farmakokinetikasi

Keksa yoshli patsiyentlar. Keksa yoshli ayrim patsiyentlarda valsartanning tizimli taʼsiri yosh patsiyentlarga qaraganda biroz koʻproq namoyon boʻlgan, biroq u klinik ahamiyatli boʻlmagan.

Cheklangan maʼlumotlar sogʻlomlarda boʻlgani kabi, keksa yoshli patsiyentlarda ham, arterial gipertenziyasi boʻlgan patsiyentlarda ham, gidroxlortiazidning tizimli klirensi yosh sogʻlom koʻngillilarga nisbatan pastroq boʻlishiga yoʻl qoʻyilishiga imkon beriladi.

Buyrak faoliyatini buzilishi boʻlgan patsiyentlar. Kreatinin klirensi minutiga 30-70 ml boʻlgan patsiyentlarda dozaga tuzatish kiritish talab etilmaydi.

Ko-Diovanni buyraklar faoliyatini yaqqol buzilishlari (kreatinin klirensi
<30 ml/min) boʻlgan patsiyentlarda va gemodializdagi patsiyentlarda qoʻllanishi toʻgʻrisida maʼlumotlar yoʻq. 

Valsartan plazma oqsillari bilan yuqori bogʻlanish darajasiga ega va gemodializda chiqarilmaydi; gidroxlortiazid esa, aksincha, organizmdan gemodializda chiqariladi. 

Gidroxlortiazidni buyraklar orqali chiqarilishi passiv filtratsiya va buyrak naychalariga faol sekretsiya yoʻli bilan yuz beradi. Buyrak faoliyatining holati gidroxlortiazidning farmakokinetikasida katta rol oʻynaydi, chunki bu preparat faqat buyraklar orqali chiqariladi.

Jigar faoliyatini buzilishi. Jigar faoliyatining kuchsiz namoyon boʻlgan va oʻrtacha namoyon boʻlgan buzilishlari boʻlgan patsiyentlarda valsartanning tizimli taʼsiri, sogʻlom koʻngillilardagiga nisbatan 2 marta yuqori boʻlgan. Valsartanni jigar faoliyatini ogʻir buzilishlari boʻlgan patsiyentlarda qoʻllanishi yuzasidan maʼlumotlar yoʻq.

Jigar kasalliklari gidroxlortiazidning farmakokinetikasiga sezilarli taʼsir qilmaydi va shuning uchun uning dozasini pasaytirish talab qilinmaydi.

 

 

Qoʻllanilishi

Arterial gipertenziya.

Qon bosimini monoterapiya yordamida nazorat qilib boʻlmaydigan patsiyentlarda arterial gipertenziyani davolashda Ko-Diovan qoʻllaniladi.

 

 

Qoʻllash usuli va dozalari.

Tavsiya etilgan dozasi – kuniga 1 tabletkani tashkil etadi. Klinik koʻrsatmalarga qarab,
80 mg valsartan va 12,5 mg gidroxlortiazid yoki 160 mg valsartan va 12,5 mg gidroxlortiazid dozalari buyurilishi mumkin. Zarurati boʻlganida 160 mg valsartan va 25 mg gidroxlortiazid yoki 320 mg valsartan va 25 mg gidroxlortiazid buyurilishi mumkin.

Gipotenziyani va boshqa nojoʻya samaralarni xavfini kamaytirish maqsadida, shu jumladan dozani oshirish uchun alohida komponentlar bilan, titrlash tavsiya etiladi. Klinik zarurati boʻlgan hollarda qon bosimi valsartan yoki gidroxlortiazid bilan monoterapiya yordamida nazorat qilib boʻlmaydigan patsiyentlarda, alohida komponentlar uchun dozani titrlash yoʻli bilan majmuaviy davolashga oʻtish mumkin.

Davolashni 1-2 haftalaridan keyin arterial bosimini nazorati zaruriyati boʻyicha kuniga 1 marta 320 mg valsartan va 25 mg gidroxlortiazidi tashkil etuvchi maksimal dozaga oshirish mumkin.

Maksimal sutkalik doza 320 mg valsartan va 25 mg gidroxlortiazidni tashkil qiladi. Koʻpgina patsiyentlarda maksimal antigipertenziv samaraga 2-4 hafta davomida erishiladi. Biroq, ayrim patsiyentlar uchun 4-8 hafta davolanish talab etilishi mumkin. Bu dozani titrlashda hisobga olinishi lozim. 

Ko-diovanni aylanuvchi qon xajmini tanqisligi boʻlgan patsiyentlarda, boshlangʻich terapiya sifatida tavsiya etilmaydi.

Ko-diovanni ovqatga bogʻliq boʻlmagan holatda qabul qilish mumkin. Tabletkani koʻp boʻlmagan miqdordagi suv bilan qabul qilish lozim.

Buyrak faoliyatining ahamiyatsiz va oʻrtacha buzilishlari (kreatinin klirensi minutiga ≥30 ml) boʻlgan patsiyentlar uchun dozaga tuzatish kiritish talab etilmaydi. Preparatni ogʻir buyrak yetishmovchiligi boʻlgan patsiyentlarda qoʻllash mumkin emas.

Xolestazsiz yengil va oʻrtacha jigar yetishmovchiligi boʻlgan patsiyentlarda valsartanning dozasi 80 mg dan oshmasligi lozim. Ogʻir jigar yetishmovchiligi boʻlgan patsiyentlarda preparatni qoʻllash mumkin emas.

 

Nojoʻya taʼsirlari

Quyida keltirilgan nojoʻya reaksiyalar aʼzolar, tizimlar va paydo boʻlish tez-tezligi boʻyicha tasniflanadi. Nojoʻya reaksiyalarning paydo boʻlishi tez-tezligi boʻyicha tasnifi: juda tez-tez (≥1/10), tez-tez (>1/100 ≤1/10), tez-tez emas (>1/1000 ≤1/100), kam hollarda (>1/10000 ≤1/1000), juda kam hollarda (<1/100000), shu jumladan yakka xabarlar, nomaʼlum tez-tezlikdagi maʼlumotlar (mavjud boʻlgan maʼlumotlar asosida tez-tezligini baholab boʻlmaydi). Nojoʻya reaksiyalar guruhida har bir tez-tezligi uchun, jiddiylikni kamaytirish tartibida joylangan.

Moddalar almashinuvining buzilishi

Tez-tez emas

Degidratatsiya

Nerv tizimi tomonidan buzilishlar

Tez-tez emas

Juda kam hollarda 

Tez-tezligi nomaʼlum

Paresteziya

Bosh aylanishi

Xushdan ketish

Koʻrish aʼzolari tomonidan buzilishlar

Tez-tez emas

Koʻrishni xiralashishi

Eshitish aʼzolari tomonidan buzilishlar

Tez-tez emas

Quloqlarda shovqin

Yurak-qon tomir tizimi tomonidan buzilishlar

Tez-tez emas

Gipotenziya 

Nafas tizimi tomonidan buzilishlar

Tez-tez emas

Tez-tezligi nomaʼlum

Yoʻtal

Kardiogen boʻlmagan oʻpka shishi

Gastrointestinal buzilishlar

Juda kam hollarda

Diareya 

Suyak-mushak tizimi tomonidan buzilishlar

Tez-tez emas

Juda kam xollarda

Mialgiya 

Artralgiya

Buyrak va siydik chiqarish tizimi tomonidan buzilishlar

Tez-tezligi nomaʼlum

Buyrak faoliyatini yomonlashishi

Umumiy buzilishlar

Tez-tez emas

Toliqish 

Laborator koʻrsatkichlariga taʼsiri 

Tez-tezligi nomaʼlum

Zardobda siydik kislotasi, kreatinin, bilurubin darajasining oshishi, gipokaliyemiya, giponatriyemiya, qondagi mochevinada azot miqdorini oshishi, neytropeniya.

 

Quyidagi nojoʻya koʻrinishlar tekshirilayotgan preparat bilan sabab-oqibat bogʻliqligiga bogʻliq boʻlmagan, gipertenziyasi boʻlgan patsiyentlarda klinik tadqiqotlarda aniqlangan: abdominal ogʻriq, qorinning yuqori qismida ogʻriq, havotirlik hissi, artrit, asteniya, belda ogʻriq, bronxit, oʻtkir bronxit, koʻkrakda ogʻriq, postural bosh aylanishi, dispepsiya, xansirash, ogʻizni qurishi, burundan qon ketishi, erektil disfunksiya, gastroenterit, bosh ogʻrigʻi, koʻp terlash, gipoesteziya, gripp, uyqusizlik, mushaklarni tirishishlari, paylarni choʻzilishi, mushaklarni choʻzilishi, burunni bitishi rinofaringit, koʻngil aynishi, boʻyinda ogʻriq, shish, periferik shish, oʻrta otit, oyoq va qoʻlda ogʻriq, yurak urishini tezlashishi, faringolaringial ogʻriq, pollakiuriya, tana haroratini oshishi, burun oldi boʻshliqlarida dimlanish holatlari, sinusit, uyquchanlik, taxikardiya, yuqori nafas yoʻllari infeksiyalari, siydik chiqarish yoʻllarini infeksiyalari, vertigo, virusli infeksiyalar, koʻrishni xiralashishi.

Komponentlarga taaluqli boʻlgan qoʻshimcha maʼlumot.

Ko-diovan avval alohida komponentlaridan biri uchun aniqlangan, hattoki agar klinik tadqiqotlarda va postmarketing tadqiqotlar davrida kuzatilmagan nojoʻya reaksiyalarni chaqirishi mumkin.

Valsartan 

Postmarketing va laborator tadqiqotlar natijasida olingan, tez-tezligi boʻyicha tasniflanib boʻlmaydigan nojoʻya samaralar: gemoglobinni pasayishi, gematokritni pasayishi, trombotsitopeniya, oʻta yuqori sezuvchanlik, shu jumladan zardob kasalligi, qon zardobida kaliy konsentratsiyasini oshishi, giponatriyemiya, vaskulit, jigar faoliyati darajasining oshishi, angionevrotik shish, toshma, bullyoz dermatit, qichishish, buyrak faoliyatini yomonlashuvi.

Tez-tez emas: vertigo, abdominal ogʻriq.

Quyidagi qoʻshimcha nojoʻya koʻrinishlar tekshirilayotgan preparat bilan sabab-oqibat bogʻliqligiga bogʻliq boʻlmagan, gipertenziyasi boʻlgan patsiyentlardagi klinik tadqiqotlarda aniqlangan: artralgiya, asteniya, belda ogʻriq, diareya, bosh aylanishi, bosh ogʻrigʻi, uyqusizlik, libidonni pasayishi, koʻngil aynishi, shish, faringit, rinit, sinusit, yuqori nafas yoʻllari infeksiyalari, virusli infeksiyalar.

Gidroxlortiazid.

Juda tez-tez: qonda lipidlar miqdorini oshishi (odatda yuqori dozalarda qabul qilganda).

Tez-tez: gipomagniyemiya, giperurikemiya, eshakemi va toshmaning boshqa shakllari, ishtaxani pasayishi koʻngil aynishi, qusish alkogolni isteʼmol qilganda, narkoz uchun vositalarni yoki sedativ vositalarni qoʻllaganda yaqqolligi ortadigan ortostatik gipotenziya.

Kam hollarda: giperkalsiyemiya, giperglikemiya, diabeti boʻlgan bemorlar glyukozuriya va holatining yomonlashuvi, fotosezuvchanlik reaksiyalari, MIY sohasida diskomfort, qabziyat va diareya, xolestaz yoki sariqlik, aritmiya, bosh ogʻrigʻi, bosh aylanishi, uyquni buzilishi, depressiya, paresteziya, koʻrishni buzilishi (asosan davolashning birinchi haftalarida), trombotsitopeniya, baʼzida purpura bilan.

Juda kam hollarda: gipoxloremik alkaloz, nekrotik vaskulit va toksik epidermal nekroz, tizimli qizil yugirikni eslatuvchi teri reaksiyalari, tizimli qizil yugirikning teri koʻrinishlarini zoʻrayishi, pankreatit, leykopeniya, agranulotsitoz, suyak koʻmigida qon yaratilishini susayishi, gemolitik anemiya, oʻta yuqori sezuvchanlik reaksiyalari-nafas tizimi tomonidan buzilishlar, shu jumladan pnevmoniya va oʻpka shishi.

Tez-tezligi nomaʼlum: koʻp shaklli eritema, oʻtkir yopiq burchakli glaukoma, aplastik anemiya,

oʻtkir buyrak yetishmovchiligi, buyrak faoliyatini buzilishi, tana haroratini oshishi, asteniya, mushak spazmlari.

 

Dori shakli: 

qobiq bilan qoplangan tabletkalar

 

Tarkibi:

1 tabletka quyidagilarni saqlaydi:

Faol moddalar: 80 mg valsartan va 12,5 mg gidroxlortiazid yoki 160 mg valsartan va 12,5 mg gidroxlortiazid yoki 160 mg valsartan va 25 mg gidroxlortiazid;

yordamchi moddalar:

Ko-Diovan 80/12,5 mg: suvsiz kolloid kremniy dioksidi, krospovidon, gidroksipropilmetilsellyuloza, magniy stearati, mikrokristallik sellyuloza, polietilenglikol, talk, titan dioksidi (Ye 171), temir (III) oksidi (Ye172), temir (II) oksidi (Ye172);

Ko-Diovan 160/12,5 mg: suvsiz kolloid kremniy dioksidi, krospovidon, gidroksipropilmetilsellyuloza, magniy stearati, mikrokristallik sellyuloza, polietilenglikol, talk, titan dioksidi (Ye 171), temir (III) oksidi (Ye172);

Ko-Diovan 160/25 mg: suvsiz kolloid kremniy dioksidi, krospovidon, gidroksipropilmetilsellyuloza, magniy stearati, mikrokristallik sellyuloza, polietilenglikol, talk, titan dioksidi (Ye 171), temir (III) oksidi (Ye172), temir (II) oksidi (Ye172), temir (II va III) oksidi (Ye172).

 

Qoʻllash mumkin boʻlmagan holatlar
  • Preparatning har qanday komponentiga yuqori sezuvchanlik.
  • Homiladorlik, laktatsiya.
  • Jigar faoliyatini ogʻir buzilishlari, jigar sirrozi va xolestaz.
  • Anuriya, buyrak faoliyatini ogʻir buzilishlari (kreatinin klirensi <30 ml/min).
  • Refrakter gipokaliyemiya, giponatriyemiya, gipokalsiyemiya, simptomatik giperurikemiya.
  • Angiotenzin retseptorlarini antagonistlarini, shu jumladan valsartanni yoki II tip qandli diabeti boʻlgan patsiyentlarda angiotenzinga-aylantiruvchi ferment (AAF) ingibitorlarini aliskiren bilan bir vaqtda qoʻllash mumkin emas.

 

Dorilarning oʻzaro taʼsiri

Litiyni AAF ingibitorlari, angiotenzin II retseptorlari antagonistlari yoki tiazidlar bilan birga qoʻllanganida, litiyni zardobdagi konsentratsiyasini qaytuvchan oshishi yoki toksiklikni namoyon boʻlishi haqida xabar berilgan. Tiazidlarni qoʻllaganda litiyning buyrak klirensi kamayishi tufayli, Ko-Diovan preparatini qoʻllaganda litiyning toksikligini namoyon boʻlishi xavfi ehtimol oshishi mumkin.

Shunday qilib, Ko-Diovan va litiy preparatlarini birga qoʻllanganida litiyning zardobdagi konsentratsiyasini sinchkov monitoringini oʻtkazish tavsiya etiladi. 

Preparatning antigipertenziv samarasi boshqa antigipertenziv preparatlar bilan bir vaqtda qoʻllanganida kuchayishi mumkin. 

Ushbu preparatni kaliy tuzlari, kaliy tejovchi diuretiklar, kaliy saqlovchi tuz oʻrnini bosuvchilar yoki qon zardobida kaliyning darajasini oshirishi mumkin boʻlgan  boshqa dori preparatlar (geparin va boshq.) bilan birga qoʻllanganida, ehtiyotkorlikka rioya qilish va qon zardobidagi kaliyning konsentratsiyasi tez-tez aniqlash kerak.

Angiotenzin retseptorlari antagonistlari, AAF ingibitorlari yoki aliskiren bilan renin-angiotenzin-tizimli (RAT) ni ikki tomonlama blokadasi: angiotenzin retseptorlari antagonistlari, shu jumladan valsartanni RAT ga taʼsir etuvchi boshqa vositalar bilan bir vaqtda qoʻllanganida gipotenziya, giperkaliyemiya holatlari sonini va monoterapiya bilan solishtirilganda buyrak faoliyatining buzilishlarining oshishi bilan bogʻliq.

Ko-Diovan va RAT ga taʼsir etuvchi boshqa moddalarni qabul qilayotgan bemorlarda arterial bosimni, buyrak faoliyati va elektrolitlar darajasini nazorat qilish tavsiya etiladi. Ogʻir buyrak yetishmovchiligi boʻlgan patsiyentlarda (kreatinin klirensi <30 ml/min) BRA ni, shu jumladan valsartanni yoki AAF ingibitorlarini aliskiren bilan bir vaqtda qoʻllashdan saqlanish lozim.

NYAQV va angiotenzin II antagonistlarini bir vaqtda buyurilganda, antigipertenziv samara susayishi mumkin. Bundan tashqari, keksa yoshli, ozgʻin (shu jumladan diuretiklar bilan davolanishda boʻlgan) yoki buyrak faoliyati buzilgan patsiyentlarda angiotenzin II antagonistlari va NYAQV ni bir vaqtda qabul qilish, buyrak faoliyatini yomonlashishining yuqori xavfiga olib kelishi mumkin. Shunday qilib, NYAQV ni bir vaqtda qabul qiladigan patsiyentlarda valsartan bilan davolashni boshlashda yoki oʻzgartirishlar kiritishda buyrak faoliyatini nazorat qilish tavsiya etiladi.

Koʻchirib oʻtkazishning ingibitori (rifampin, siklosporin) yoki efflyuks transporter (ritonavir) ni bir vaqtda qabul qilish valsartanni taʼsirini kuchaytirishi mumkin.

Quyidagi preparatlarni qabul qilish fonida valsartan bilan monoterapiyani oʻtkazishda klinik ahamiyatli oʻzaro taʼsirlar aniqlanmagan: simetidin, varfarin, furosemid, digoksin, atenolol, indometatsin, gidroxlortiazid, amlodipin, gliben klamid.

Preparatni tarkibiga kiruvchi tiazidli komponentlar tufayli, quyidagi dorilarning oʻzaro taʼsirlari boʻlishi mumkin: tiazidlar kurare hosilalari taʼsirini kuchaytiradi.

Nosteroid yalligʻlanishga qarshi preparatlar (masalan, salitsil kislotasi hosilasi, indometatsin) ni qoʻllash, preparat tarkibiga kiruvchi tiazid diuretiklarni diuretik va antigipertenziv faolligini susaytirish mumkin. Yondosh gipovolemiya oʻtkir buyrak yetishmovchiligini rivojlanishiga olib kelishi mumkin.

Diuretiklarning gipokaliyemik samarasini kaliyuretik diuretiklar, kortikosteroidlar, AKTG, amfoteritsin, karbenoksolon, penitsillin G, salitsil kislotasining hosilalari oshirishi mumkin. Angishvonagul va tiazidli diuretik preparatlarini birgalikda qabul qilishda, aritmiyani rivojlanish ehtimoli oshadi, chunki tiazidli diuretiklar gipokaliyemiya va gipomagniyemiyani chaqirishi mumkin.

Gipokaliyemiyani rivojlanish xavfi tufayli Torsades de Poites turi aritmiyalarini chaqiruvchi preparatlar: I a sinf aritmiyaga qarshi preparatlar (masalan, xinidin, gidroxinidin, dizopiramid), III sinf aritmiyaga qarshi preparatlar (masalan, aminodiron, sotalol), ayrim antipsixotik preparatlar (masalan, tioridazin, xlorpromazin, levomepromazin, trifluoperazin, sulpirid, tiaprid, pimozid, galoperidol, droperidol), boshqa vositalar (masalan bepridil, sizaprid, vena ichiga eritromitsin, galofantrin, ketanserin, mizolastin, pentamidin, sparfloksatsin, terfenadin, vinkamin vena ichiga) bilan gidroxlortiazidni ehtiyotkorlik bilan qoʻllash lozim.

Insulin yoki diabetga qarshi peroral vositalarni dozasiga tuzatish kiritish zarurati tugʻilishi mumkin.

Tiazid diuretiklarini bir vaqtda qoʻllash allopurinolga yuqori sezuvchanlik reaksiyalarining tez-tezligini oshirishi, amantadin tomonidan chaqirilgan nojoʻya reaksiyalarning rivojlanishi xavfini oshirishi; diazoksidning giperglikemik taʼsirini kuchaytirishi, shuningdek buyraklar orqali sitotoksik dori vositalarining (masalan, siklofosfamid, metotreksat) chiqarilishini kamaytirishi va ularning miyelosupressiv samarasini kuchaytirishi mumkin.

Tiazid diuretiklarning biokiraolishligini antixolinergik vositalar (masalan, atropin, biperidin), ehtimol meʼda va ichak peristaltikasini va meʼdaning boʻshalish tezligini pasayishi natijasida oshirishi mumkin.

Gidroxlortiazid va metildopa bir vaqtda qoʻllanganida gemolitik anemiyaning hollari toʻgʻrisida xabarlar bor.

Kolesteramin tiazid diuretiklarni soʻrilishini kamaytiradi. 

Tiazid diuretiklar va D vitamini yoki kalsiy tuzlarini bir vaqtda qoʻllash oqibatida qon zardobida kalsiyning konsentratsiyasini oshirishi mumkin.

Siklosporinlar bilan bir vaqtda qoʻllanganida giperurikemiya va podagra kabi asoratlarni paydo boʻlish xavfi oshadi.

Tiazidli diuretiklarni alkogol, barbituratlar yoki narkotiklar bilan bir vaqtda qabul qilish ortostatik gipotenziyani rivojlanishiga olib kelishi mumkin.

 

Maxsus koʻrsatmalar

Elektrolitlar muvozanatini oʻzgarishi. Ko-Diovan va kaliy tuzlari, kaliyni tejovchi diuretiklar, kaliy saqlovchi tuz oʻrnini bosuvchilar yoki kaliyning darajasini oshirishi mumkin boʻlgan boshqa dori vositalari (masalan, geparin) bir vaqtda qoʻllanganida ehtiyotkorlikka rioya qilish kerak. Tiazid diuretiklari bilan davolanish vaqtida gipokaliyemiya hollari toʻgʻrisida xabar berilgan. Qon zardobida kaliyning miqdorini nazorat qilish tavsiya qilinadi.

Tiazid diuretiklari bilan davolash koʻpincha giponatriyemiya va gipoxloremik alkalozni paydo boʻlishi bilan bogʻliq. Tiazidlar siydik bilan magniyni chiqarilishini kuchaytiradi, natijada bu gipomagniyemiyaga olib kelishi mumkin.

Organizmda natriy va/yoki aylanayotgan qon hajmining (AQH) tanqisligi boʻlgan patsiyentlar. Organizmda natriy va/yoki AQH ning ogʻir darajali tanqisligi boʻlgan patsiyentlarda, masalan, diuretiklarni yuqori dozalarda qabul qilayotganlarda, ayrim hollarda Ko-Diovan bilan davolashning boshida simptomatik gipotenziya kuzatilishi mumkin. Shuning uchun ushbu preparat bilan davolashni boshlashdan oldin organizmda natriyning miqdoriga va/yoki AQH ga tuzatish kiritish lozim.

Gipotenziyada patsiyentni gorizontal holatga yotqizish va agar zarurati boʻlsa tuzli eritmani vena ichiga infuziyasini oʻtkazish kerak. Davolashni arterial bosim barqarorlashganidan keyinoq darhol davom ettirish mumkin.

Buyrak arteriyasining stenozi. Buyrak arteriyasining bir tomonlama yoki ikki tomonlama stenozi boʻlgan yoki yakka buyrak arteriyasining stenozi boʻlgan patsiyentlarda Ko-Diovanni qoʻllash mumkin emas, chunki ushbu patsiyentlarda qonda mochevina darajasi va zardobda kretinin darajasi oshishi mumkin. 

Buyrak faoliyatini buzilishi. Yengil va oʻrtacha darajadagi buyrak yetishmovchiligi boʻlgan patsiyentlarda (kreatinin klirensi ≥ 30 ml/min) dozaga tuzatish kiritish talab etilmaydi. 

Preparat tarkibida gidroxlortiazid mavjudligi sababli Ko-Diovanni ogʻir buyrak yetishmovchiligi boʻlgan patsiyentlarga ehtiyotkorlik bilan qoʻllash lozim (kreatinin klirensi >30 ml/min), Tiazidin diuretiklar buyraklarning surunkali kasalliklari boʻlgan patsiyentlarda azotemiyani tezlashtirish mumkin. Ular ogʻir buyrak yetishmovchiligida monoterapiya sifatida samarasizdir, biroq xalqali diuretiklar bilan birgalikda yetarli darajada ehtiyotkorlikda, hattoki kreatinin klirensi <30 ml/min boʻlgan patsiyentlarda ham foydali boʻlishi mumkin.

Ogʻir buyrak yetishmovchiligi boʻlgan patsiyentlarda (kreatinin klirensi <30 ml/min) angiotenzin retseptorlari antagonistlari, shu jumladan valsartanni yoki AAF ingibitorlarini aliskiren bilan bir vaqtda qoʻllanilishidan saqlanish lozim.

Ko-Diovan preparatini buyraklar transplantatsiyasi oʻtkazilgan patsiyentlarda qoʻllash haqida maʼlumotlar yoʻq.

Jigar faoliyatini buzilishi. Xolestazsiz yengil yoki oʻrtacha jigar yetishmovchiligi boʻlgan patsiyentlarda, valsartanning dozasi 80 mg dan oshmasligi lozim. Bunday patsiyentlarda maksimal doza bir tabletka 80 mg/12,5 mg (80 mg valsartan va 12,5 mg gidroxlortiazid) ni tashkil qiladi.

Ko-Diovanni biliar obstruksiyasi boʻlgan patsiyentlarga va ogʻir jigar yetishmovchiligi boʻlgan patsiyentlarga ehtiyotkorlik bilan qoʻllash lozim.

Angionevrotik shish.

Valsartan qabul qilgan patsiyentlarda angionevrotik shish, shu jumladan hiqildoq va tovush yorigʻini shishi haqida habarlar berilgan, bu nafas yoʻllarining obstruksiyasiga va/yoki yuz, lablar, hiqildoq va/yoki tilni shishiga olib keladi; ushbu patsiyentlarning ayrimlarida boshqa dori preparatlarini, shu jumladan AAF ingibitorlarini qabul qilganda avval Kvinke shishi rivojlangan.

Angionevrotik shish rivojlangan patsiyentlarda preparatni qabul qilishni darhol toʻxtatish lozim va preparat qayta buyurilmasligi kerak.

Tizimli qizil yugirik. Tiazid diuretiklarning tizimli qizil yugirikning koʻrinishlarini kuchaytirishi yoki faollashtirishi xaqida xabar berilgan.

Boshqa metabolik buzilishlar. Tiazid diuretiklari glyukozaga tolerantlikni oʻzgartirishi va zardobda xolesterin, triglitsidlar va siydik kislotasining darajasini oshirishi mumkin.

Umumiy buzilishlar

Allergiyasi yoki astmasi boʻlgan patsiyentlarda gidroxlortiazidga oʻta yuqori sezuvchanlik reaksiyalar kengroq tarqalgan.

Oʻtkir yopiq burchakli glaukoma

Gidroxlortiazidni qabul qilish natijasida vaqtinchalik koʻrishni oʻtkir yoʻqolishi va oʻtkir yopiq burchakli glaukoma kelib chiqishi mumkin. Oʻtkir yopiq burchakli glaukomani rivojlanish xavf omili boʻlib, sulfanilamidlar yoki penitsillinlarga boʻlgan allergiya hisoblanadi.

Yurak yetishmovchiligi/infarktdan keyingi holat. Renin-angiotenzin-aldosteron tizimini (RAAT) susayishi oqibatida, yuqori sezuvchanlikka ega boʻlgan shaxslarda buyrak faoliyatini buzilishi kuzatilishi mumkin. Buyrak faoliyati renin-angiotenzin aldosteron tizimi faolligiga bogʻliq boʻlgan ogʻir yurak yetishmovchiligi boʻlgan patsiyentlarda AAF ingibitorlari yoki angiotenzin retseptorlari antagonistlari bilan davolash oligouriya va/yoki avj olib boruvchi azotemiya oʻtkir buyrak yetishmovchiligi (kam hollarda) va/yoki letal holatga sabab boʻlishi mumkin. Yurak yetishmovchiligi yoki infarktdan keyingi holatda boʻlgan patsiyentlar holatini baholash, buyrak faoliyatini monitoringini oʻz ichiga olish lozim.

Aortal va mitral klapanlar stenozi, gipertrofik kardiomiopatiya.

Aortal va mitral stenozi, shuningdek gipertrofik kardiomiopatiyasi boʻlgan patsiyentlarda, boshqa vazodilatatorlarni qoʻllashdagi kabi alohida ehtiyotkorlikka rioya qilish lozim.

Renin-angiotenzin tizimi (RAT) ning ikki tomonlama blokadasi.

Angiotenzin retseptorlarini antagonistlarini, shu jumladan valsartan, AAF ingibitorlari yoki aliskiren kabi RAT ni bloklovchi boshqa vositalar bilan birga qoʻllash vaqtida ehtiyotkorlikka rioya qilish zarur.

Homiladorlik va emizish davrida qoʻllanilishi.

Angiotenzin II retseptorlari antagonistlarini homiladorlikning birinchi uch oyligi davomida qabul qilish tavsiya etilmaydi va homiladorlikning ikkinchi va uchinchi uch oyligida qoʻllash mumkin emas. Epidemiologik maʼlumotlar homiladorlikning birinchi uch oyligida AAF ingibitorlarini qoʻllashda teratogen taʼsirining yuqori xavfini koʻrsatdi. Shuningdek bunday xavf angiotenzin II retseptorlari antagonistlarini qabul qilishda ham mavjud boʻlishi mumkin. Homiladorlikni rejalashtirayotgan patsiyentlarda, zarurati boʻlsa, homiladorlik vaqtida qoʻllash uchun xavfsizlik profili aniqlangan muqobil antigipertenziv davolashni buyurish lozim. Homiladorlik aniqlansa, angiotenzin II retseptorlari antagonistlari bilan davolashni darhol toʻxtatish lozim, zarurati boʻlsa muqobil davolash buyurilishi mumkin.

Angiotenzin II retseptorlari antagonistlarini homiladorlikning ikkinchi va uchinchi uch oyligida fetotoksiklik (buyrak faoliyatini pasayishi homila atrofidagi suvni kam oshishi kalla suyagining suyaklanishini kechikishi) va neonatal toksiklik (buyrak yetishmovchiligi, arterial gipotenziya, giperkaliyemiya) ni koʻrsatishi maʼlum.

Agar ayol homiladorlikning ikkinchi uch oyligida angiotenzin II retseptorlari antagonistlarini qabul qilgan boʻlsa, buyrak faoliyati va homilaning kalla suyagini UTT nazoratini oʻtkazish lozim. Onalari angiotenzin II retseptorlari antagonistini qabul qilgan yangi tugʻilgan chaqaloqlar, arterial gipotenziyani xavfi tufayli, diqqat bilan kuzatuvda boʻlishlari lozim

Preparat koʻkrak sutiga oʻtishi nomaʼlum. Gidroxlortiazid yoʻldosh orqali oʻtadi, shuningdek koʻkrak suti bilan chiqariladi. Shuning uchun, emizayotgan onalarga Ko-Diovanni qoʻllash tavsiya qilinmaydi.

Bolalar.

Bolalarda Ko-Diovanni qoʻllashning xavfsizligi va samaradorligi aniqlanmagan.

Avtotransportni boshqarish va mexanizmlar bilan ishlash qobiliyatiga taʼsiri

Ko-Diovan preparatini avtomobilni boshqarish va mexanizmlar bilan ishlash qobiliyatiga taʼsirini baholash boʻyicha tekshiruvlar oʻtkazilmagan. Transport vositalarini boshqarish yoki mexanizmlar bilan ishlashda, bosh aylanishi yoki holsizlik kelib chiqishini hisobga olish zarur. Boshqa antigipertenziv vositalarni buyurishdagi kabi, avtomobilni boshqarish va harakatlanuvchi mexanizmlar bilan ishlashda ehtiyotkorlikka rioya qilish lozim.

Preparat bolalar olaolmaydigan joyda saqlansin va yaroqlilik muddati oʻtgach qoʻllanilmasin. 

 

Dozani oshirib yuborilishi

Valsartanning dozasini oshirib yuborilishi yaqqol gipotenziyaga olib kelishi mumkin, u oʻz navbatida ongni chalkashishi yurak yetishmovchiligi va/yoki gipovolemik shok rivojlanishiga olib kelishi mumkin.

Gidroxlortiazid dozasini oshirib yuborilishida quyidagi belgilar va simptomlar paydo boʻlishi mumkin. Koʻngil aynishi, uyquchanlik, gipovolemiya, elektrolitlar muvozanatining buzilishi oqibatida aritmiya va mushak spazmlari kelib chiqishi mumkin.

Terapevtik chora tadbirlar oshirib yuborilgan dozani qabul qilingan vaqtiga, shuningdek simptomlarning turi va ogʻirligiga bogʻliq, bunda birinchi navbatdagi chora-tadbir gemodinamikani meʼyorlashtirish hisoblanadi. Dozani oshirib yuborilishida preparatni qabul qilgandan keyin oʻtgan vaqtga qarab, qoʻllaniladigan choralar qusishni chaqirish, meʼdani yuvish va/yoki faollashtirilgan koʻmir qabul qilishni oʻz ichiga oladi.

Gipotenziyada patsiyentni gorizontal holatga yotqizish va izotonik tuzli eritmani yuborish yoʻli bilan suv-tuz muvozanatini shoshilinch tiklanishini taʼminlash lozim.

Valsartanni plazma oqsillari bilan bogʻlanishi tufayli, gemodializ yordamida organizmdan chiqarish mumkin emas, biroq gidroxlortiazidni organizmdan chiqarish uchun gemodializ samarali hisoblanadi.

 

Chiqarilish shakli

14 tabletkadan blisterda. 1 yoki 2 blister qoʻllash boʻyicha yoʻriqnomasi bilan birga karton qutiga joylanadi. 

 

Saqlash sharoiti. 

30oS dan yuqori boʻlmagan haroratda saqlansin, namlikning taʼsiridan himoya qilinsin.

 

Yaroqlilik muddati 

3 yil.

 

 

Dorixonalardan berish tartibi

Retsept boʻyicha.