Ilovani yuklab oling
Yuklab olish
КЕТОПРОФЕН АМПУЛЫ

Oson Apteka - Dorixonalar ma'lumotnomasi

КЕТОПРОФЕН АМПУЛЫ 100МГ/2МЛ №10

12 000 so'mdan
(4894)
Dorixonalardagi narx
Xususiyatlari
Xalqaro nomi
KETOPROFEN
Ishlab chiqaruvchi
БИОХИМИК
Chiqarilish shakli
АМП
Farma. Guruh
Pharm Group Name
Dori tafsilotlari
Dozani oshirib yuborilishi
Dori shakli: 
Tarkibi:
Farmakoterapevtik guruxi:
Farmakologik xususiyatlari
Qoʻllanilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi

Preparatning parenterial shakllarining dozasini oshirib yuborilishi toʻgʻrisida maʼlumotlar kam.

Quyidagi simptomlar boʻlishi mumkin: koʻngil aynishi, qusish, epigastriyda ogʻriq, qonli qusish, axlatning qorayishi, ongning chalkashishi, nafasni qiyinlashishi, tirishishlar, buyrak faoliyatining buzilishi va buyrak yetishmovchiligi.

Davolash: maxsus antidoti mavjud emas. Simptomatik davolash oʻtkaziladi: N-gistamin retseptorlarining blokatorlari, proton nasosi ingibitorlari, prostaglandinlar qoʻllanadi.

 

Dori shakli: 

inyeksiya uchun eritma

 

Tarkibi:

faol modda: ketoprofen –

yordamchi moddalar:

 

Farmakoterapevtik guruxi:

 Nosteroid yalligʻlanishga qarshi vosita.

 

 

Farmakologik xususiyatlari

Nosteroid yallihlanishga qarshi vosita, propion kislotasining hosilasi. Yalligʻlanishga qarshi, ogʻriqsizlantiruvchi va isitmani tushiruvchi taʼsirga ega. Preparatning taʼsir mexanizmi prostaglandinlarning biosintezini siklooksiginaza darajasida ingibitsiya qilish bilan bogʻliq.

Bundan tashqari, ketoprofen lipooksigenazani ingibitsiya qiladi, bradikininga qarshi faollikka ega, lizosomal membranalarni barqarorlashtiradi, revmatoid artritli bemorlarda neytrofillarning faolligini axamiyatli tormozlashini chaqiradi. Ketoprofenning yaqqol ogʻriqni qoldiruvchi taʼsiri ikki mexanizmlar bilan bogʻliq: periferik (bilvosita, prostaglandinlarning sintezini bostirishi orqali) va markaziy (prostaglandinlarning sintezini markaziy va periferik nerv tizimida ingibitsiya qilinishi bilan bogʻliq boʻlgan).

Preparatni endogen interferonning hosil boʻlishiga va uni immunomodullyatsiya qiluvchi taʼsir koʻrsatish qobiliyatiga va organizmning nospetsifik registentlik koʻrsatkichini yaxshilanishiga ragʻbatlantiruvchi taʼsir toʻgʻrisida maʼlumotlar bor.

 

Farmakokinetikasi

Ketoprofenni vena ichiga (v/i) infuziyasi boshlanganidan keyin 5 minut oʻtgach va yuborish tugaganidan 4 minutdan keyin qon plazmasidagi oʻrtacha konsentratsiyasi 26,4±5,4 mkg/ml ni tashkil qiladi. Mushak ichiga (m/i) yuborilganidan keyin maksimal konsentratsiyasiga (Smax) 2 soat davomida erishiladi va u 1,3 mkg/ml ni tashkil qiladi. Biokirishaolishligi 90% tashkil qiladi.

Qon plazmasi oqsillari bilan bogʻlanishi (asosan albuminlar bilan) 99% tashkil qiladi. Taqsimlanish hajmi (Vd) 0,1-0,2 l/kg tashkil qiladi. Ketoprofen sinoval suyuqligi yaxshi kiradi.

Preparat mushak ichiga (m/i) 100 mg dozda yuborilganidan keyin 3 soat oʻtgach uning plazmasidagi konsentratsiyasi 3 mkg/ml, sinoval suyuqlikda -1,5 mkg/ml ni tashkil qiladi. 4 soatdan keyin qon plazmasidagi konsentratsiyasi 0,3 mkg/ml, sinoval suyuqlikda-0,8 mkg/ml, sinoval suyuqlikdagi konsentratsiyasining axamiyatli darajasiga ketoprofen 100 mkg dozada 1 marta v/i yuborilganidan keyin 15 minut oʻtgach erishiladi.

Ketoprofen asosan jigarda konʼgatlarni hosil boʻlishi bilan boʻlgan mikrosomal oksidlanish reaksiyalari orqali metabolizmga uchraydi. Ketoprofenning yarim chiqarilishi davri (T1/2) -2 soat. Ketoprofenning yuborilgan dozasini 80% gachasi siydik bilan asosan (90% koʻproq) glyukoronid koʻrinishida, taxminan 10% axlat bilan chiqariladi.

 

Qoʻllanilishi

Turli genezli ogʻriqli yalligʻlnish jarayonlarini simptomatik davolash: revmatoid artrit, ankilozlovchi spondilit; psoriatik artrit, reaktiv artrit; podagra, soxtapodagra, osteoartroz, boʻgʻimdan tashqari revmatizm (tendinit, bursit, yelka kapsuliti).

Ogʻriq sindromi (shu jumladan operatsiyadan keyingi va shikastlanishdan keyingi ogʻriqlar, algodismenoreya, oʻsmalarning metastazidagi ogʻrniqlar) da qoʻllanadi.

 

Chiqarilish shakli

Inyeksiya uchun eritma, 100 mg/2 ml ampulalarda.

 

Saqlash sharoiti

Yorugʻlikdan himoyalangan joyda, 25° S dan yuqori boʻlmagan haroratida saqlansin.

 

Yaroqlilik muddati

3 yil.

 

Dorixonalardan berish tartibi

Retsept boʻyicha.

Qoʻllash usuli va dozalari

Ogʻriqni qoldirish uchun preparat m/i 2 ml (100 mg) dan sutkada 1-2 marta yuboriladi. Parentaral davolash davomiyligi bir-necha kunni tashkil qiladi. Kerakli samaraga erishilgandan keyin preparatni kapsulalar, tabletkalar, yoki suppozitorilar shaklida buyuriladi.

Preparatni infuzion yuborish faqat statsionarda amalga oshiriladi. Eritma 0,5-1 soat davomida yuboriladi, v/i infuzning umumiy davomiyligi – 48 soatdan koʻp emas.

Uzlukli v/i infuziya uchun 100-200 mg ketoprofen 100 ml natriy xloridining inyeksiya uchun izotonik eritmada (0,9%) suyultiriladi va 0,5-1 soat davomida yuboriladi; 8 soat oʻtgach takrorlanadi. Maksimal sutkalik doza 300 mg ni tashkil qiladi.

Uzluksiz v/i infuziya uchun 100-200 mg ketoprofenni 500 ml infuzion eritmada (0,9% li natriy xloridining inyeksiya uchun eritmasi Ringer eritmasi laktat bilan, dekstroza (glyukoza) eritmasi suyultiriladi va 8 soat davomida yuboriladi, 8 soatdan keyin yuborish takrorlanadi.

Ketoprofenni markaziy taʼsirga ega analgetiklar bilan birga majmuada qoʻllash mumkin, uni morfin bilan bir flakonda aralashtirish mumkin (10-20 mg morfin va 100-200 mg ketoprofen aralashmasi 500 ml infuzion eritmada (0,9% li natriy xloridining inyeksiya uchun eritmasi yoki Ringer eritmasi bilan laktat suyultiriladi) 8 soatdan keyin infuziyani takrorlash mumkin.

Ketoprofenning eritmasini tramadol bilan bir flakonda aralashtirish mumkin emas, chunki choʻkma hosil boʻlishi mumkin.

Ketoprofen saqlovchi infeksion eritmali flakonni qora qogʻozga yoki alyumin folgaga oʻrash kerak, chunki ketoprofen yorugʻlikda parchalanadi.

 

Nojoʻya taʼsirlari

Ovqat hazm qilish tizimi tomonidan: 11%-dispepsiya, 3-9%-koʻngil aynishi, meteorizm, qorinda ogʻriq, diareya, qabziyat, 1-3% anoreksiya, qusish, stomatit. Kolitni rivojlanishi, ichakni teshilishi (devertikulitning asorati sifatida), yarali kolitning zoʻrayishi va Kron kasalligining rivojlanishi toʻgʻrisida alohida xabarlar bor. 0,1% dan kamroq – teshilish bilan birga kechuvchi enteropatiya, bitishmalar, ichakning yarali shikastlanishlari, enteropatiyada qon ketish rivojlanishi mumkin; 1% patsiyentlarda 3-6 oy davomida davolanishdan keyin va 2-4% bemorlarda 12 oydan soʻng meʼda-ichak yoʻllarining yarali shikastlanishlari: qon ketishlar, ingichka ichakning teshilishi aniqlangan. Gepatitning jigar faoliyatining sariqlik bilan kechuvchi yaqqol buzilishlarini rivojlanishi xaqida bir necha xabarlar bor. 15% patsiyentlarda jigar testlarining funksional buzilishlari (1% kamroq patsiyentlarda) aniqlangan: baʼzida ALT va AST ning axamiyatli oshishi aniqlanadi.

Markaziy nerv tizimi tomonidan: 1-3% depressiya, asabiylik, qoʻrqinchli tushlar koʻrish, uyquchanlik; 0,1% dezoriyentatsiya, koʻrish va eshitish gallyutsinatsiyalar bilan kechuvchi deleriy, nutqni buzilishi: 3-9% asteniya, holsizlik, bosh aylanishi, bosh ogʻrigʻi. Bosh miyada soxta oʻsmalarning rivojlanishi toʻgʻrisida habarlar bor.

Sezgi aʼzolari tomonidan: 1-3% koʻrishning buzilishi, kanyuktivit, (preparat ichga qabul qilingandan soʻng), quloqlarda shovqin.

Nafas tizimi tomonidan: kam hollarda – qon tuflashdispnoe, rinit, bronxospazm, bronxial astma xurujlarining kuchayishi.

Yurak qon tomir tizimi tomonidan: shishlar (2%); baʼzida (1%)-dimlangan yurak yetishmovchiligi, arterial gipotenziya.

Qon yaratish tizimi tomonidan: 1% dan kamroq – agranulotsitoz, anemiya, gemoliz, purpura, trombotsitopeniya. Preparat yuqori dozalarda qoʻllanganida trombotsit agregatsiyasini ingibitsiya qilish, qon ketishi vaqtini uzayishi, qontalashlar, qon quyilishlari.

Dermatologik reaksiyalar: 1-3% – teri toshmasi, 1% dan kamroq – alapetsiya, ekzema, eksfoliativ dermatit, koʻp shaklli eritema, lixenoid dermatit, fotosezuvchanlik reaksiyalari. Stiven-Djonson va toksik epidermal nikroliz sindromi toʻgʻrisida habarlar bor.

Siydik chiqarish tizimi tomonidan: oʻtkir buyrak yetishmovchiligi, interstetsial nefrit, nefrotik sindrom, oʻtkir piyelonefrit.

Allergik reaksiyalar: kam xollarda eshakemi, angionevrotik shish.

Mahalliy reaksiyalar: inyeksiya joyida achishish koʻrinishidagi reaksiyalar va/yoki ogʻriqlar.

 

Qoʻllash mumkin boʻlmagan holatlar
  • meʼda-ichak yoʻllarining eroziv yarali shikastlanishlarining zoʻrayish bosqichi;
  • ogʻir yurak yetishmovchiligi;
  • jigar faoliyatining yaqqol buzilishlari;
  • buyrak faoliyatining yaqqol buzilishlari;
  • qon ketishiga moyillik;
  • anamnezdagi surunkali dispepsiya;
  • bronxial astma, rinit;
  • homiladorlik, laktatsiya (emizish) davri;
  • 15 yoshgacha boʻlgan bolalar;
  • Ketoprofenga, atsetilsalitsil kislota yoki boshqa NYAQV yuqori sezuvchanlikda qoʻllash mumkin emas.

 

Dorilarning oʻzaro taʼsiri

Bir vaqtda qoʻllanganida ketoprofen diuretiklar va angiotenziv preparatlarning samarasini kamaytirishi mumkin. Ketoprofen va diuretiklar yoki AAF ingibitorlari bir vaqtda qoʻllanganida buyrak faoliyatining buzilishini xavfi oshadi. Ketoprofen va yurak glikozidlari, litiy preparatlari, siklosporin va metotreksat bir vaqtda qoʻllanganida, chiqarilishini pasayishini oqibatida ularning toksikligi oshadi. Ketoprofen mifepristonning samarasini kamaytirishi mumkin, shuning uchun mifepriston bilan davolash kursi va ketoprofen bilan davolashni boshlash orasida kamida 8-12 sutka oʻtishi kerak. Asetilsalitsil kislotasi ketoprofenni qon plazmasi oqsillari bilan bogʻlanish darajasini pasaytiradi. Ketoprofenni boshqa salitsilatlar bilan birga qoʻllashdan saqlanish kerak.

 

Maxsus koʻrsatmalar

Anamnezida meʼda-ichak yoʻllarining kasalliklari boʻlgan patsiyentlarda, meʼda-ichak qon ketishlari yoki meʼda-ichak yoʻllarining teshilishi rivojlanishining xavfi tufayli, preparatni extiyotkorlik bilan buyurish lozim.

Qon ivishining buzilishi, gemofiliya, Villebrand kasalligi, yaqqol trombotsitopeniya, buyraklar va jigar yetishmovchiligi boʻlgan patsiyentlarga buyurishda extiyotkorlikka rioya qilish kerak.

Ketoprofen infeksion kasalliklarining belgilarini niqoblashi mumkin. Ketoprofenni organizmda suyuqlik tutilishi xarakterli boʻlgan arterial gipertenziyasi va yurak qon tomir kasalliklari boʻlgan patsiyentlarga buyurishda extiyotkorlikka rioya qilish kerak. Arterial bosimni muntazam nazorat qilish kerak (ayniqsa yurak-qon tomir kasalliklari boʻlgan patsiyentlarda).

Ketoprofen bilan uzoq muddat davolanishda ayniqsa keksa yoshdagi patsiyentlarda qon formulasini, shuningdek jigar va buyrak faoliyatini muntazam nazorat qilish kerak. Kreatinin klirensi sekundiga 0,33 ml (minutiga 20 ml) dan kam boʻlganida ketoprofenning dozasiga tuzatish kiritish kerak. Jarroxlik aralashuvi oldidan ketoprofen qabul qilishni toʻxtatish kerak. Inyeksiya uchun eritma 12,3 xajm % etanol saqlaydi. Xar bir ampulada (2 ml) 200 mg etanol saqlanadi. Buni alkogolni suiisteʼmol qiladigan patsiyentlarga, bosh miya jaroxati yoki kasalliklari boʻlgan patsiyentlarga buyurilganda xisobga olish kerak.

Ketoprofen bilan davolanish vaqtida alkogolni qabul qilishdan saqlanish kerak. Preparatni faoliyati tezkor psixomotor reaksiyalarini talab qiladigan (avtomobilni xaydash, mexanizmlar bilan ishlash) shaxslarda qoʻllashda extiyotkorlikka rioya qilish kerak, chunki preparat uyquchanlik yoki bosh aylanishini chaqirishi mumkin.

Preparat bolalar ololmaydigan joyda saqlansin va yaroqlilik muddati oʻtganidan keyin qoʻllanilmasin.