Ilovani yuklab oling
Yuklab olish
КЕТОНАЛ РАСТВОР

Oson Apteka - Dorixonalar ma'lumotnomasi

КЕТОНАЛ РАСТВОР 100мг/2мл №5

22 500 so'mdan
(3711)
Dorixonalardagi narx
Xususiyatlari
Xalqaro nomi
Ishlab chiqaruvchi
LEK DD
Chiqarilish shakli
Р-Р
Farma. Guruh
Pharm Group Name
Dori tafsilotlari
Dori shakli:
Tarkibi:
Taʼrifi: 
Farmakoterapevtik guruhi:
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli:

 inyeksiya uchun eritma

 

Tarkibi:

Har 2 ml inyeksiya uchun eritma (1 ampula) quyidagilarni saqlaydi:

Faol modda: 100 mg ketoprofen.

Yordamchi moddalar: propilenglikol, etanol (12,3 x%), benzil spirti, natriy gidroksidi (rN ni muvofiqlashtirish uchun), inyeksiya uchun suv.

 

Taʼrifi: 

rangsizdan to yengil sargʻish rangli, deyarli koʻrinarli kiritmalarsiz, tiniq eritma.

 

Farmakoterapevtik guruhi:

 nosteroid yalligʻlanishga qarshi va revmatizmga qarshi vositalar.

 

 

Farmakologik xususiyatlari

Farmakodinamikasi

Ketoprofen – preparatning taʼsir etuvchi moddasi – araxidon kislotasining metabolizmida prostaglandinlar sintezini kataliz qiluvchi siklooksigenaza (siklooksigenaza-1 (SOG-1) va siklooksigenaza-2 (SOG-2)) fermentini bloklab, prostaglandinlar va leykotriyenlar sintezini susaytiradi. Ketoprofen in vitro va in vivo sharoitlarda liposomal membranalarni barqarorlashtiradi, yuqori konsentratsiyalarda in vitro sharoitda leykotriyenlar sinteziga susaytiruvchi taʼsir koʻrsatadi va in vivo sharoitlarda antibradikinin faollikka ega. Ketoprofenning isitmani tushiruvchi taʼsir mexanizmi nomaʼlum. Ehtimol, ketoprofen markaziy nerv tizimida (aniqrogʻi – gipotalamusda) prostaglandinlar sintezini susaytirsa kerak.

Ayrim ayollarda birlamchi dismenoreya simptomlarini, ketoprofen, ehtimol prostaglandinlarning sintezini va/yoki samaradorligini susaytirishi hisobiga kamaytirsa kerak.

Farmakokinetikasi

100 mg ketoprofenni vena ichiga infuziyasi boshlangandan 5 minutdan keyin va yuborish toʻxtatilganidan 4 minutdan keyin oʻlchangan plazmadagi oʻrtacha darajasi 26,4±5,4 mkg/ml ni tashkil etadi. Biokiraolishligi – 90% ni tashkil etadi.

Mushak ichiga yuborilganda koʻpchilik patsiyentlarda qonda ketoprofen 15 minutdan keyin aniqlangan, plazmadagi choʻqqi konsentratsiyasiga esa yuborilgandan keyin 2 soat oʻtgach erishilgan. Inyeksion yuborilganda ketoprofenning biokiraolishligi preparatning dozasini oshirish bilan toʻgʻri chiziqli oshib boradi.

Ketoprofenning 99% plazma oqsillari, asosan albumin bilan bogʻlanadi. Toʻqimalardagi taqsimlanish xajmi 0,1-0,2 l/kg ni tashkil etadi. Ketoprofen plazmadagi konsentratsiyasini pasayishini davom etishi fonida sinovial suyuqlikka sekin oʻtadi va shuningdek undan sekin chiqariladi. Ketoprofenning muvozanat konsentratsiyasiga buyurilgandan keyin 24 soat oʻtgach erishiladi. Keksa patsiyentlarda muvozanat konsentratsiyasiga 8,7 soatdan keyin erishilgan va 6,3 mkg/ml ni tashkil etgan.

Ketoprofen jigar mikrosomal fermentlari tomonidan jadal metabolizmga uchraydi. U glyukuron kislotasi bilan bogʻlanadi va shu koʻrinishda organizmdan chiqariladi. Ichga qabul qilinganidan keyin uning plazmadagi klirensi minutiga 1,16 ml/kg ni tashkil etadi. Biologik yarim chiqarilish davri – bor yoʻgʻi 2 soatni tashkil etadi. Jigar yetishmovchiligi yarim chiqarilish davrini uzaytirishi mumkin, bunday holatlarda u toʻplanishi mumkin.

Ketoprofenning 80% gacha qismi siydik bilan va taxminan 10% axlat bilan chiqariladi. Buyrak yetishmovchiligi boʻlgan patsiyentlarda ketoprofen sekinroq chiqariladi, biologik yarim chiqarilish davri bir soatga uzayishi mumkin.

Keksa odamlarda ketoprofenning metabolizmi va chiqarilishi sekinlashadi. Bu faqat buyrak faoliyati pasaygan patsiyentlarga klinik jihatdan ahamiyatga ega.

 

Qoʻllanilishi

Ketonal yalligʻlanishga qarshi, ogʻriqni qoldiruvchi va isitmani tushiruvchi taʼsirga ega nosteroid revmatizmga qarshi preparat hisoblanadi.

Ogʻriq:

  • operatsiyadan keyingi;
  • ogʻriqli hayz koʻrishlar;
  • oʻsmalari boʻlgan patsiyentlarda suyak metastazlari oqibatidagi ogʻriq.
  • posttravmatik

Revmatik kasalliklar:

  • revmatoid artrit;
  • spondiloartrit (ankilozlovchi spondilit, psoriatik artrit, reaktiv artrit);
  • podagra, soxta podagra;
  • osteoartrit;
  • boʻgʻimdan tashqari revmatizm (tendinit, bursit, yelka boʻgʻimi kapsuliti).

 

Qoʻllash usuli va dozalari

Simptomlarni bartaraf etish uchun zarur eng past samarali dozada maksimal qisqa vaqt davomida qabul qilib, noxush samaralarni minimumga yetkazish mumkin (“Maxsus koʻrsatmalar”ga qarang).

Ketoprofenning maksimal sutkalik dozasi 200 mg ni tashkil etadi. Kuniga 200 mg dozada ketoprofen bilan davolashni boshida foyda va xavfni sinchkovlik bilan baholash kerak. Yuqoriroq dozalarni qoʻllash tavsiya etilmaydi (shuningdek “Maxsus koʻrsatmalar”ga qarang).

Parenteral qoʻllash uchun buyuriladi.

Tavsiya etiladigan doza

Kattalar va 15 yoshdan oshgan bolalar:

Maksimal sutkada 200 mg. Inyeksiyalarni 3 kundan ortiq buyurish tavsiya etilmaydi. Qoniqarli javobga erishilganida Ketonalni ichga qabul qilish uchun shaklida buyuriladi.

Mushak ichiga yuborish

Mushak ichiga bir ampuladan (100 mg) sutkada bir yoki ikki marta yuboriladi.

Zarurati boʻlganida ichga qabul qilish uchun, rektal yoki transdermal qoʻllash uchun ketoprofen bilan birga qoʻllash mumkin.

Vena ichiga yuborish

Ketonal infuziyasi faqat statsionar sharoitda oʻtkazilishi kerak. Infuziya 0,5-1 soat davom etadi, davolash kursi – koʻpi bilan ikki kunni tashkil etadi.

Qisqa muddatli vena ichiga infuziya

0,9% li natriy xloridining 100 ml da suyultirilgan 100 mg dan 200 mg gacha ketoprofen 0,5-1 soat davomida yuboriladi.

Uzoq muddatli vena ichiga infuziya

Infuziya uchun eritma (0,9% li natriy xloridi, Ringer laktat, glyukoza eritmalari) ning 500 ml da suyultirilgan 100 mg dan 200 mg gacha ketoprofen 8 soat davomida yuboriladi.

Ketonalni markaziy taʼsirga ega analgetiklar bilan birga qoʻllash mumkin. Uni morfin bilan bir flakonda aralashtirish mumkin: 10-20 mg morfin va 100 (200 gacha) mg ketoprofen inyeksiya uchun natriy xloridi (0,9%) yoki Ringer laktat eritmasida suyultiriladi.

Keksa patsiyentlar

Keksa odamlarda noxush samaralar koʻpincha ogʻir oqibatlarga olib kelishi mumkin. Agar keksa odamlarni davolashni mavjud boʻlgan eng kichik samarali dozalardan boshlash tavsiya etiladi.

Buyrak faoliyatini buzilishi boʻlgan patsiyentlar

Buyrak faoliyatini ogʻir boʻlmagan buzilishi (kreatinin klirensi sekundiga 0,33 ml (minutiga 20 ml) kam) boʻlgan patsiyentlarda doza kamaytiriladi.

Buyrak faoliyatini ogʻir buzilishi boʻlgan patsiyentlarda Ketonalni qoʻllash mumkin emas.

Jigar faoliyatini buzilishi boʻlgan patsiyentlar

Zardobda albumin miqdorini kamayishi bilan jigarning surunkali kasalligi boʻlgan patsiyentlarda doza kamaytiriladi.

Jigar faoliyatini ogʻir buzilishi boʻlgan patsiyentlarda Ketonalni qoʻllash mumkin emas.

Bolalar. Preparatni 15 yoshdan kichik bolalarda qoʻllash mumkin emas.

 

Ehtiyotkorliklar

Choʻkma hosil boʻlishi mumkinligi sababli, tramadol va Ketonalni bir infuzion suyuqlikda (bir flakonda) aralashtirilmasin. Infuzion flakonlar qora qogʻoz yoki alyumin folgaga oʻralishi kerak, chunki ketoprofen yorugʻlikka sezgir.

 

Nojoʻya taʼsirlari

Koʻrinishlarning taxmin qilinayotgan tez-tezligi tasnifi (tez-tezlik koʻrsatkichlari faqat peroral qoʻllash usuliga taalluqli): juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kam hollarda (≥1/10000, <1/1000), juda kam hollarda (<1/10000); tez-tezligi aniqlanmagan (mavjud maʼlumotlar asosida tez-tezligini aniqlab boʻlmaydi).

Ketoprofen qoʻllanilganida kattalarda quyidagi noxush samaralar haqida xabar berilgan.

Qon va limfatik tizim tomonidan buzilishlar

Kam hollarda: postgemorragik anemiya, leykopeniya;

tez-tezligi aniqlanmagan: agranulotsitoz, trombotsitopeniya.

Immun tizimi tomonidan buzilishlar

Tez-tezligi nomaʼlum: anafilaktik reaksiyalar (shu jumladan, shok).

Ruhiyatni buzilishi

Tez-tezligi aniqlanmagan: kayfiyatni oʻzgaruvchanligi.

Nerv tizimi tomonidan buzilishlar

Tez-tez emas: bosh ogʻrigʻi, bosh aylanishi, uyquchanlik;

tez-tezligi aniqlanmagan: tirishishlar.

Koʻrish aʼzosi tomonidan buzilishlar

Kam hollarda: koʻrishni noaniqligi (“Maxsus koʻrsatmalar”ga qarang).

Eshitish aʼzosi tomonidan buzilishlar va labirint buzilishlari

Kam hollarda: quloqlarni jaranglashi (tinnitus).

Yurak tomonidan buzilishlar

Tez-tezligi aniqlanmagan: yurak yetishmovchiligi.

Qon-tomirlar tomonidan buzilishlar

Tez-tezligi aniqlanmagan: arterial gipertenziya.

Nafas tizimi, koʻkrak qafasi va koʻks oraligʻi aʼzolari tomonidan buzilishlar

Kam hollarda: bronxial astma;

tez-tezligi aniqlanmagan: bronxospazm (ayniqsa atsetilsalitsil kislotasi yoki boshqa NYAQP larga oʻta yuqori sezuvchanligi maʼlum patsiyentlarda), rinit.

Meʼda-ichak yoʻllari tomonidan buzilishlar

Tez-tez: koʻngil aynishi, qusish;

tez-tez emas: qabziyat, diareya, gastrit;

kam hollarda: stomatit, peptik yara;

tez-tezligi aniqlanmagan: meʼda-ichak yoʻllaridan qon ketishi va perforatsiya, meʼda-ichak yoʻllarida diskomfort, meʼdada ogʻriq va kolitning kam misollari.

Jigar va oʻt chiqarish yoʻllari tomonidan buzilishlar

Kam hollarda: gepatit, transaminazalar darajasini oshishi, gepatit tufayli zardobda bilirubin darajasini oshishi.

Teri va teri osti toʻqimalari tomonidan buzilishlar

Tez-tez emas: toshma, qichishish

tez-tezligi aniqlanmagan: fotosensibilizatsiya reaksiyalari, alopetsiya, eshakemi, surunkali eshakemini zoʻrayishi, angionevrotik shish, bullyoz teri reaksiyalari, shu jumladan Stivens-Djonson sindromi va toksik epidermal nekroliz.

Buyrak va siydik chiqarish yoʻllari tomonidan buzilishlar

Tez-tezligi aniqlanmagan: oʻtkir buyrak yetishmovchiligi, tubulointerstitsial nefrit, nefritik sindrom, shish rivojlanishi ehtimoli bilan suv/natriyni tutlishi, giperkaliyemiya (“Maxsus koʻrsatmalar” va “Dorilarning oʻzaro taʼsiri”ga qarang), oʻtkir buyrak yetishmovchiligini chaqirishi mumkin boʻlgan buyrakni shikastlanishi: oʻtkir kanalchalar nekrozi va soʻrgʻichlar nekrozini yakka holatlari xaqida xabarlar kelib tushgan.

Umumiy buzilishlar va yuborish joyidagi buzilishlar

Tez-tez emas: shish;

Inyeksiya joyida ogʻriq va achishishning bir necha xolatlari haqida xabar berilgan.

Bir qator NYAQP larni qoʻllash (ayniqsa yuqori dozada va uzoq vaqt davomida) arterial tromboz (masalan, miokard infarkti yoki insult) ning yuqori xavfi bilan bogʻliq boʻlishi mumkin (“Maxsus koʻrsatmalar”ga qarang).

 

Qoʻllash mumkin boʻlmagan holatlar

Preparatni quyidagi holatlarda qoʻllash mumkin emas:

  • anamnezida ketoprofen, atsetilsalitsil kislotasi yoki boshqa NYAQP qabul qilinganidan keyin bronxospazm, astma xurujlari, rinit yoki boshqa allergik reaksiyalar koʻrinishidagi oʻta yuqori sezuvchanlik reaksiyalari;
  • preparatning har qanday yordamchi moddasiga yuqori sezuvchanlik;
  • homiladorlikning uchinchi uch oyligi;
  • ogʻir yurak yetishmovchiligi;
  • faol bosqichdagi peptik yara, shuningdek anamnezida meʼda-ichakdan qon ketishi, yara paydo boʻlishi yoki perforatsiya;
  • gemorragik diatez;
  • ogʻir jigar yetishmovchiligi;
  • ogʻir buyrak yetishmovchiligi;
  • serebrovaskulyar yoki boshqa faol qon ketishlarda.

(faqat mushak ichiga yuborish usuli uchun)

Preparatni gemostazni buzilishi boʻlgan yoki antikoagulyantlar bilan davolanayotgan patsiyentlarda qoʻllash mumkin emas.

 

Dorilarning oʻzaro taʼsiri

Preparatlarning tavsiya etilmaydigan majmualari

Yuqori dozalarda boshqa NYAQP lar (shu jumladan siklooksigenaza-2 selektiv ingibitorlari) va salitsilatlar: meʼda-ichak yoʻllarida yara rivojlanishi va qon ketishlari xavfi oshadi.

Antikoagulyantlar (geparin va varfarin) va trombotsitlar agregatsiyasi ingibitorlari (masalan, tiklopidin, klopidogrel): qon ketishini yuqori xavfi oshadi (“Maxsus koʻrsatmalar”ga qarang). Birga qoʻllash zarurati boʻlganida diqqat bilan tibbiy kuzatuv talab etiladi.

Litiy: litiyni buyrak tomonidan chiqarilishini kamayishi tufayli, baʼzida toksik darajaga yetishi mumkin boʻlgan plazmada litiy darajasini oshishi xavfi. Zarurati boʻlganida, NYAQP lar bilan davolash vaqtida va undan keyin plazmada litiy konsentratsiyasini sinchkovlik bilan nazorat qilish va litiyning dozasini muvofiqlashtirish lozim.

Xaftasiga 15 mg dan yuqori dozalarda metotreksat: metotreksatning gematotoksikligi xavfi oshadi, ayniqsa agar u yuqori dozalarda (>15 mg/xafta) qoʻllanilgan boʻlsa, bu ehtimol metotreksatni oqsillar bilan bogʻidan siqib chiqarilishi va uning buyrak klirensini pasayishi bilan bogʻliqdir. Ketoprofen davolashni toʻxtatish yoki boshlash va metotreksat bilan davolash orasida kamida 12 soat oʻtishi kerak.

Ehtiyotkorlikni talab etuvchi majmualar

Diuretiklar: diuretiklarni qabul qilayotgan patsiyentlarda, ayniqsa degidratatsiyasi boʻlgan patsiyentlarda prostaglandinlarning sintezini susayishi oqibatida buyrakda qon aylanishini kamayishi tufayli buyrak yetishmovchiligini rivojlanish xavfi mavjud. Bunday patsiyentlarda bunday preparatlarni birga qoʻllashni boshlashdan oldin suyuqlik tanqisligini adekvat oʻrnini toʻldirish, davolashni boshida esa buyrak faoliyatini esa nazorat qilish kerak (“Maxsus koʻrsatmalar”ga qarang).

Angiotenzinga aylantiruvchi ferment (AAF) ingibitorlari va angiotenzin II retseptorlari antagonistlari. Buyrak faoliyatini buzilishi boʻlgan patsiyentlarda (masalan, degidratatsiyasi boʻlgan patsiyentlarda yoki keksa odamlarda) AAF ingibitorlari yoki angiotenzin II retseptorlari antagonistlari va siklooksigenazani susaytiruvchi preparatlarni birga qoʻllash buyrak faoliyatini qoʻshimcha yomonlashishini, shu jumladan oʻtkir buyrak yetishmovchiligini chaqirishi mumkin.

Xaftasiga 15 mg dan past dozalarda metotreksat: majmuaviy davolashning birinchi xaftasida qon manzarasini bir xaftada bir marta nazorat qilish lozim. Buyrak faoliyatini biron-bir buzilishida va keksa patsiyentlarda nazorat koʻproq amalga oshirilishi lozim.

Eʼtiborga olish lozim boʻlgan majmualar

Antigipertenziv preparatlar (beta-blokatorlar, AAF ingibitorlari, diuretiklar): antigipertenziv vositalarning taʼsirini pasayishi xavfi (NYAQP lar qon tomirlarni kengaytiruvchi prostaglandinlarni susaytiradi).

Trombolitiklar: qon ketishi xavfi oshadi.

Serotoninni qayta qamrab olinishining selektiv ingibitorlari: meʼda-ichakdan qon ketishini yuqori xavfi mavjud (“Maxsus koʻrsatmalar”ga qarang).

Giperkaliyemiya bilan bogʻliq xavf

Bir qator preparatlar va preparatlarning butun terapevtik sinflari giperkaliyemiya rivojlanishiga olib kelishi mumkin, masalan, kaliy tuzlari, kaliy tejovchi diuretiklar, angiotenzinga-aylantiruvchi ferment ingibitorlari, angiotenzin II retseptorlari blokatorlari, NYAQP, geparin (quyimolekulyar yoki fraksiyalanmagan), siklosporin, takrolimus va trimetoprim. Giperkaliyemiyani rivojlanishi qoʻshimcha omillarni borligiga bogʻliq boʻlishi mumkin. Yuqorida koʻrsatilgan preparatlar bir vaqtda qoʻllanilganida xavf oshadi.

Antiagregant taʼsiri bilan bogʻliq xavf

Trombotsitlar agregatsiyasini oldini oluvchi preparatlar: tirofiban, eptifibarid, absiksimab va iloprosta bir vaqtda qoʻllanilganida oʻzaro taʼsirlar kuzatilishi mumkin. Bir nechta antikoagulyantlarni bir vaqtda qoʻllash qon ketishi xavfini oshiradi.

Maʼlumot uchun qabul qilish lozim boʻlgan majmualar

Siklosporin, takrolimus: nefrotoksiklikning additiv samarasi rivojlanish xavfi mavjud, ayniqsa keksa patsiyentlarda.

 

 

Maxsus koʻrsatmalar

Agar simptomlarni bartaraf etish uchun zarur eng past samarali dozada maksimal qisqa

vaqt davomida qabul qilinsa, noxush samaralarni minimumga yetkazish mumkin.

Meʼda-ichak yarasini paydo boʻlishi yoki qon ketishi xavfini oshirishi mumkin boʻlgan preparatlar, masalan ichga qabul qilinadigan kortikosteroidlar, antikoagulyantlar (masalan, varfarin), serotoninni qayta qamrab olinishini selektiv ingibirtorlari yoki atsetilsalitsil kislotasi kabi antiagregantlar bilan bir vaqtda buyurilganda oʻziga xos ehtiyotkorlikka rioya qilish kerak (“Dorilarning oʻzaro taʼsiri”ga qarang).

Preparatni boshqa NYAQP, shu jumladan siklooksigenaza-2 ning selektiv ingibitorlari bilan bir vaqtda qoʻllashdan saqlanish kerak.

Meʼda-ichakdan qon ketishi, yara paydo boʻlishi va perforatsiya.

Oʻlim bilan yakunlanishi mumkin boʻlgan meʼda-ichakdan qon ketishi, yara paydo boʻlishi yoki perforatsiya barcha NYAQP uchun taʼriflangan va davolashning istalgan vaqtida darakchi simptomlar yoki anamnezida meʼda-ichak yoʻllarining ogʻir kasalliklarini mavjudligida yoki yoʻqligida rivojlanishi mumkin.

Ketoprofen baʼzi boshqa NYAQP ga xarakterli boʻlgan, ayniqsa yuqori dozalarda qabul qilinganda, ogʻir meʼda-ichak toksikligi xavfini oshishi bilan bogʻliq boʻlishi mumkin (“Qoʻllash mumkin boʻlmagan holatlar”ga ham qarang).

Anamnezida yarasi boʻlgan, ayniqsa qon ketishi yoki perforatsiya bilan asoratlangan patsiyentlarda (“Qoʻllash mumkin boʻlmagan holatlar”ga qarang), shuningdek keksa yoshdagi shaxslarda NYAQP dozasi oshirilganda meʼda-ichak qon ketishi, yara paydo boʻlishi yoki perforatsiya xavfi oshadi. Bu patsiyentlarni davolashni, iloji boricha mumkin boʻlgan eng past dozadan boshlash kerak. Bu patsiyentlar uchun, shuningdek atsetilsalitsil kislotasining past dozalarini yoki meʼda-ichakdan qon ketishi xavfini oshiruvchi boshqa preparatlarni qabul qilayotgan patsiyentlarga himoya dori vositalari (masalan, mizoprostol yoki proton pompasi blokatorlari) bilan majmuaviy davolashni buyurishni koʻrib chiqish kerak (“Dorilarning oʻzaro taʼsiri”ga qarang).

Anamnezida meʼda-ichak toksikligining koʻrinishlari boʻlgan patsiyentlar, ayniqsa keksa odamlar meʼda-ichak yoʻllari tomonidan har qanday oʻzgacha koʻrinishlar (ayniqsa meʼda-ichakdan qon ketishi) haqida, ayniqsa davolashni boshida xabar berishlari kerak.

Keksa odamlarda koʻpincha NYAQP larga noxush reaksiyalar, ayniqsa meʼda-ichak yoʻllaridan qon ketishi va perforatsiya kabi noxush reaksiyalar paydo boʻlishi mumkin, ular oʻlim bilan yakunlanishi mumkin.

Agar Ketonal bilan davolash fonida patsiyentlarda meʼda-ichakdan qon ketishi yoki yara paydo boʻlishi kuzatilsa, preparatni qabul qilish toʻxtatilishi kerak.

NYAQP larni qoʻllash bilan bogʻliq eksfoliativ dermatit, Stivens-Djonson sindromi va toksik epidermal nekroliz kabi ogʻir teri reaksiyalari (ularning baʼzilari oʻlim bilan yakunlangan) juda kam taʼriflangan (“Nojoʻya taʼsirlari”ga qarang). Bu reaksiyalarning eng yuqori xavfi davolashning boshida oʻrin tutadi; koʻpchilik xollarda reaksiyalarni yuz berishi davolashning birinchi oyida aniqlanadi. Teri toshmasi, shilliq qavatlarda oʻzgarish yoki oʻta yuqori sezuvchanlikning birinchi belgilari paydo boʻlganida Ketonal bekor qilinishi kerak.

Klinik tadqiqotlar va epidemiologik maʼlumotlari baʼzi NYAQP larni qoʻllash (ayniqsa yuqori dozalarda va uzoq muddat davomida davolanishda) arterial trombozni (masalan, miokard infarkti yoki insult) yuqori xavfi bilan bogʻliq boʻlishi mumkinligini koʻrsatadi. Ketoprofen uchun bunday xavfni inkor etish uchun yetarli maʼlumotlar yoʻq.

Ehtiyotkorlik choralari

NYAQP larni anamnezida meʼda-ichak yoʻllari kasalliklari (yarali kolit, Kron kasalligi) boʻlgan patsiyentlarga ehtiyotkorlik bilan buyurish kerak, chunki ushbu kasalliklarni zoʻrayishi kuzatilishi mumkin (“Nojoʻya taʼsirlari”ga qarang).

Anamnezida yurak yetishmovchiligi, sirrozi va nefrotoksik sindromi boʻlgan patsiyentlarda, shuningdek diuretiklarni qabul qilayotgan patsiyentlarda va surunkali buyrak yetishmovchiligi boʻlgan patsiyentlarda, ayniqsa keksa patsiyentlarda davolashni boshida buyrakning funksional holatini sinchkovlik bilan nazorat qilish kerak. Bunday patsiyentlarga ketoprofenni buyurish prostaglandinlar sintezini susayishi natijasida buyrakda qon aylanishini pasayishini chaqirishi va buyrak faoliyatini dekompensatsiyasiga olib kelishi mumkin.

Anamnezida arterial gipertenziya va/yoki kuchsiz yoki oʻrtacha ogʻirlik darajasidagi dimlangan yurak yetishmovchiligi boʻlgan patsiyentlarda tegishli kuzatuv va maslahat berish talab etiladi, chunki NYAQP qoʻllanganda suyuqlikni tutilishi yoki shishlar toʻgʻrisida xabar berilgan.

Barcha boshqa NYAQP lar kabi, Ketonal oʻzining yalligʻlanishga qarshi, ogʻriqni qoldiruvchi yoki isitmani tushiruvchi taʼsirlari tufayli, tana haroratini oshishi kabi infeksion kasalliklar rivojlanishi belgilarini niqoblashi mumkin.

Jigar funksional holatining testlari koʻrsatkichlarini normadan farq qilgan yoki anamnezida jigar kasalligi boʻlgan patsiyentlarda, ayniqsa uzoq muddatli davolash davomida qondagi transaminazalar darajasini vaqti-vaqti bilan nazorat qilish kerak.

NYAQP lar ayollarda fertillikni pasaytirishi mumkin. Shuning uchun NYAQP larni homiladorlikni rejalashtirayotgan ayollarga tavsiya etilmaydi. Homilador boʻla olmayotgan yoki bepushtlik boʻyicha tekshiruvdan oʻtayotgan ayollarda Ketonal forteni bekor qilishni koʻrib chiqish kerak.

Boshqa patsiyentlarga nisbatan surunkali rinit, surunkali sinusit va/yoki burun polipozi bilan kechuvchi bronxial astmasi boʻlgan patsiyentlarda atsetilsalitsil kislotasi va/yoki nosteroid yalligʻlanishga qarshi preparatlarni qabul qilgandan keyin allergik reaksiyalar paydo boʻlishi ehtimoli yuqori. Ketonal forteni buyurish, ayniqsa atsetilsalitsil kislotasi yoki NYAQP larga allergiyasi boʻlgan patsiyentlarga buyurilganida bronxial astma yoki bronxospazm xurujini chaqirishi mumkin (“Qoʻllash mumkin boʻlmagan holatlar”ga qarang).

Meʼda-ichak yoʻllaridan qon ketishi rivojlanish xavfi: tana vazni past boʻlgan patsiyentlarda nisbiy xavfi oshadi. Agar meʼda-ichak yoʻllaridan qon ketishi yoki yara paydo boʻlsa, preparat bilan davolashni darhol toʻxtatish kerak.

Uzoq muddatli davolashda qonning shaklli elementlarini soni, shuningdek jigar va buyrak faoliyatini nazorat qilish kerak.

Giperkaliyemiya: qandli diabet yoki kaliy tejovchi preparatlar bilan birga davolash fonida rivojlanadi (“Dorilarning oʻzaro taʼsiri”ga qarang). Bunday hollarda kaliyning darajasini muntazam tekshirish kerak.

(faqat vena ichiga yuborish yoʻli uchun)

Kuchli ogʻriqlarda ketoprofen morfin xosilalari bilan majmuada ishlatish mumkin.

Preparatning yordamchi moddalari haqida maʼlumot

Preparat 12,3% (xajm jihatdan) etanol (96%) saqlaydi. Har 2 ml eritma 200 mg etanol saqlaydi. Alkogolga qaramligi boʻlgan shaxslar uchun zararli. Homiladorlar emizikli ayollar, bolalar va xavf guruhidagi patsiyentlar, masalan jigar kasalliklari yoki tutqanogʻi boʻlgan patsiyentlarda qoʻllanilganida preparat etanol (spirt) saqlanishini eʼtiborga olish kerak.

Preparat 1 ampulada 1 mmol (23 mg) dan kam miqdorda natriy saqlaydi va shuning uchun natriy saqlovchi hisoblanadi.

Homiladorlik va emizish

Homiladorlikning birinchi va ikkinchi uch oyligida preparatni oʻta zarur holatlardan tashqari buyurish mumkin emas. Agar Ketonalni homilador boʻlmoqchi boʻlgan yoki homiladorlikning birinchi yoki ikkinchi uch oyligi boʻlgan ayol qoʻllayotgan boʻlsa, doza iloji boricha pastroq, davolash davomiyligi esa – iloji boricha qisqa boʻlishi kerak, chunki prostaglandinlar sintezining susayishi homiladorlik va/yoki embrion/homilani rivojlanishiga salbiy taʼsir qiladi.

Homiladorlikning uchinchi uch oyligida Ketonalni qoʻllash mumkin emas (homilada kardiopulmonal toksiklik va nefrotoksiklik xavfi, homila va onada qon ketish vaqtini uzayishi, bachadonni qisqarishini susayishi).

Preparatni koʻkrak sutiga oʻtishi haqida maʼlumotlar yoʻq. Emizikli onalarga Ketonalni buyurish tavsiya etilmaydi.

Transport vositalarini boshqarish va mexanizmlar bilan ishlash qobiliyatiga taʼsiri

Ushbu preparat uyquchanlik, bosh aylanishi yoki tirishishlar kabi nojoʻya samaralarni chaqirishi mumkin. Bunday simptomlar paydo boʻlganida transport vositalarini boshqarmang yoki mexanizmlar bilan ishlamang.

Preparat bolalar olaolmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Ogohlantirishlar

Kattalarda dozani oshirib yuborilishining asosiy belgilari boʻlib bosh ogʻrigʻi, bosh aylanishi, uyquchanlik, koʻngil aynishi, qusish, diareya va qorinda ogʻriq hisoblanadi.

Ogʻir intoksikatsiyada gipotenziya, nafasni susayishi va meʼda-ichak yoʻllaridan qon ketishi kuzatiladi. Patsiyent darhol gospitalizatsiya qilinadi va simptomatik davolash oʻtkaziladi. Spetsifik antidoti nomaʼlum.

 

Chiqarilish shakli

2 ml dan uzunchoq, toʻq shisha ampulalarda.

Oʻram oʻlchami: 10 yoki 50 ampula.

 

Saqlash sharoiti

25oS dan yuqori boʻlmagan haroratda saqlansin.

Original oʻramida saqlansin.

 

Yaroqlilik muddati

3 yil.

 

Dorixonalardan berish tartibi

Retsept boʻyicha beriladi.