Ilovani yuklab oling
Yuklab olish
ЮНОРМ Р-Р

Oson Apteka - Dorixonalar ma'lumotnomasi

ЮНОРМ Р-Р ДЛЯ ИНЪЕКЦИЙ 2МГ/МЛ 4 МЛ №5 ШТУКА №1

80 000 so'mdan
(4383)
Dorixonalardagi narx
Xaritada topish
Xususiyatlari
Xalqaro nomi
Ishlab chiqaruvchi
ЮРИЯ ФАРМ
Chiqarilish shakli
ШТ
Farma. Guruh
Pharm Group Name
Dori tafsilotlari
Dori shakli: 
Tarkibi:
Taʼrifi:
Farmakoterapevtik guruhi. 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli: 

inyeksiya uchun eritma

 

Tarkibi:

1 ml eritma quyidagilarni saqlaydi:

faol modda: ondansetronga qayta hisoblanganda 2 mg ondansetron digidrati;

yordamchi moddalarnatriy xloridi, limon kislotasi monogidrati, natriy sitrati, inyeksiya uchun suv.

 

Taʼrifi:

 tiniq, rangsiz yoki biroz sargʻish rangli suyuqlik.

 

Farmakoterapevtik guruhi. 

Qusishga qarshi vositalari va koʻngil aynishini bartaraf qiluvchi preparatlar. Serotoninni (5NT) retseptorlari antagonistlari.

 

 

Farmakologik xususiyatlari

Farmakodinamikasi

Ondansetron – 5NT(serotonin) – retseptorlarini kuchli taʼsir etuvchi yuqori selektiv antagonistidir. Preparat sitotoksik ximioterapiya va/yoki nur davosi chaqirgan koʻngil aynishini va qusishni, shuningdek operatsiyadan keyingi koʻngil aynishi va qusishni oldini oladi yoki bartaraf qiladi. Ondansetronni taʼsir mexanizmi oxirigacha aniqlanmagan. Preparat qusish refleksini paydo boʻlishini bloklaydi, 5NT3- retseptorlariga nisbatan antagonistik taʼsir namoyon qiladi, ular periferik va markaziy nerv tizimini neyronlarida joylashgan. Preparat patsiyentni psixomotor faolligini pasaytirmaydi va sedativ samara koʻrsatmaydi.

Farmakokinetikasi

Mushak ichiga yuborilganida ondansetronning qondagi maksimal konsentratsiyasi inyeksiya qilingandan soʻng 10 minut oʻtgach erishiladi. Kattalarda parenteral yuborilgandan keyin taqsimlanish hajmi 140 l ni tashkil qiladi. Yuborilgan dozaning asosiy qismi jigarda metabolizmga uchraydi. Siydik bilan preparatni 5% dan kamrogʻi oʻzgarmagan koʻrinishda chiqariladi. Yarim chiqarilish davri – taxminan 3 soat (keksa yoshdagi bemorlarda – 5 soat). Qon plazmasi oqsillari bilan bogʻlanishi – 70-76%.

Oʻrtacha darajali buyrak yetishmovchiligi boʻlgan patsiyentlarda (kreatinin klirensi minutiga 15-60 ml) ondansetronni tizimli klirensi ham, taqsimlanish hajmi ham kamayadi, preparatni yarim chiqarilish davrini biroz va klinik ahamiyatsiz oshishi buni natijasi boʻlib hisoblanadi. Surunkali gemodializdagi (tekshirishlar gemodializ seanslari oʻrtasidagi tanaffuslarda oʻtkazilgan) ogʻir darajali buyrak yetishmovchiligi boʻlgan patsiyentlarda ondansetronni farmakokinetikasi oʻzgarmaydi. Surunkali ogʻir darajali jigar yetishmovchiligi boʻlgan patsiyentlarda ondansetronni tizimli klirensi yarim chiqarilish davrini (15-32 soat) oshishi bilan sezilarli kamayadi.

 

Qoʻllanilishi

Sitotoksik ximioterapiya va nur bilan davolash chaqirgan koʻngil aynishi va qusish.

Operatsiyadan keyingi koʻngil aynishi va qusishni oldini olish va davolashda qoʻllanadi.

 

Qoʻllash usuli va dozalari

Ximioterapiya va nur bilan davolashni chaqirgan koʻngil aynishi va qusish

Rakni davolashni emetogen potensiali dozaga va ximioterapiya va nur bilan davolashni majmuaviy tartiblariga koʻra oʻzgaradi. Dozalash tartibi emetogen taʼsirni ogʻirligiga bogʻliq.

Kattalar

Emetogen ximioterapiya va nur bilan davolash

Yunorm® ni tavsiya qilinadigan vena ichiga yoki mushak ichiga dozasi – 8 mg sekin inyeksiyasi koʻrinishida, kamida 30 sekund davomida bevosita davolashdan oldin.

Kechiktirilgan yoki uzoq vaqt qusishni oldini olish uchun birinchi 24 soatdan keyin preparatni peroral yoki rektal qoʻllash tasiya qilinadi.

Yuqori emetogen ximioterapiya (masalan, sisplatinni yuqori dozalari).

Yunorm® bir martalik 8 mg dozada vena ichiga yoki mushak ichiga koʻrinishida bevosita ximioterapiyadan oldin. 8 mg dan yuqori dozalarni (16 mg) faqat vena ichiga infuziyasi koʻrinishida 50-100 ml ni 0,9% li natriy xloridi eritmasida yoki boshqa toʻgʻri keladigan erituvchida (quyida “Qoʻllash boʻyicha koʻrsatma” ga qarang) buyurish mumkin. Infuziya kamida 15 minut davom etish kerak. 16 mg dan oshadigan bir martalik dozani qoʻllash mumkin emas (“Maxsus koʻrsatmalar” boʻlimiga qarang).

Yuqori emetogen ximioterapiyasi Yunorm® ni 8 mg yoki undan kam dozasini suyultirish kerak emas va sekin vena ichiga yoki mushak ichiga inyeksiyasi (kamida 30 sekund) yoʻli bilan bevosita ximioterapiyadan oldin yuborish mumkin, keyin 8 mg li ikki marta vena ichiga yoki mushak ichiga 2 va 4 soatdan keyin yoki doimiy infuziya soatiga 1 mg dan 24 soat davomida yuboriladi.

Yuqori emetogen ximioterapiyada Yunorm® ni samaradorligini ximioterapiyadan oldin qoʻshimcha bir marta 20 mg dozada deksametazon natriy fosfati vena ichiga yuborib oshirish mumkin. Kechiktirilgan yoki uzoq vaqt qusishni oldini olish uchun birinchi 24 soatdan keyin preparatni peroral yoki rektal qoʻllash tavsiya qilinadi.

Bolalar va oʻsmirlar (6 oylikdan 17 yoshgacha).

Pediatriya amaliyotida Yunorm® ni vena ichiga infuziya yoʻli bilan 25-50 ml 0,9% li natriy xloridi yoki boshqa muvofiq erituvchidagi eritmani (quyida “Qoʻllash boʻyicha koʻrsatma” ga qarang) kamida 15 minut davomida yuborish lozim. Preparat dozasini bola tanasi yuzasini maydoni yoki tana vazni boʻyicha hisoblash mumkin.

Bola tanasi yuzasining maydoniga muvofiq dozani hisoblash

Yunorm® ni bevosita ximioterapiyadan oldin bir martalik vena ichiga inyeksiyasi yoʻli bilan 5 mg/m2 dozada yuborish lozim, vena ichiga doza 8 mg dan oshmasligi kerak. 12 soatdan keyin preparatni peroral qoʻllashni boshlash mumkin, u yana 5 kun davom etish mumkin. Kattalar uchun dozadan oshirmaslik kerak.

Bola tana vazniga muvofiq dozani hisoblash

Yunorm® ni bevosita ximioterapiyadan oldin bir martalik vena ichiga inyeksiyasi yoʻli bilan 0,15 mg/kg dozada yuborish lozim. Vena ichiga doza 8 mg dan oshmasligi kerak. Birinchi kuni yana 2 vena ichiga dozalarni 4 soatlik interval bilan yuborish mumkin. 12 soatdan keyin preparatni peroral qoʻllashni boshlash mumkin, u yana 5 kun davom etish mumkin. Kattalar uchun dozadan oshirmaslik kerak.

Keksa yoshdagi bemorlar

65 yoshdan oshgan katta patsiyentlarga vena ichiga inyeksiyalarni hamma dozalarini suyultirish va 15 minut davomida yuborish lozim, takroran qoʻllanganda inyeksiyalar oʻrtasidagi interval kamida 4 soat boʻlishi kerak.

65 yoshdan 74 yoshgacha boʻlgan patsiyentlar uchun ondasetronni boshlangʻich dozasi 8 mg yoki
16 mg ni tashkil qiladi uni vena ichiga infuziya yoʻli bilan 15 minut davomida yuboriladi, uni 8 mg dan 2 dozani 15 minut davomida yuborish mumkin, infuziyalar oʻrtasidagi interval kamida 4 soat boʻlishi kerak.

75 yoshdan katta patsiyentlar uchun ondansetronni boshlangʻich vena ichiga inyeksiyasi 8 mg infuziyani kamida 15 minutdan davomidan oshmasligi kerak. 8 mg boshlangʻich dozadan keyin 8 mg dan 2 dozani yuborib davom ettirish mumkin, uni infuziya yoʻli bilan 15 minut davomida yuboriladi, infuziyalar oʻrtasidagi interval kamida 4 soat.

Buyrak yetishmovchiligi boʻlgan patsiyentlar

Buyrak faoliyatini buzilishi boʻlgan patsiyentlarga preparatni dozalash tartibini yoki qoʻllash usulini oʻzgartirishga zarurat yoʻq.

Jigar yetishmovchiligi boʻlgan patsiyentlar

Jigar faoliyatini oʻrtacha va ogʻir buzilishlari boʻlgan paitsentlarda Yunorm® klirensi kamayadi, qon zardobidan yarim chiqarilish davri esa oshadi. Bunday bemorlar uchun preparatni maksimal sutkalik dozasi 8 mg dan oshmasligi kerak.

Spartein/debrisokvinni metabolizmi buzilishi boʻlgan patsiyentlar

Spartein va debrisokvinni metabolizmini buzilishi boʻlgan patsiyentlarda ondansetronni yarim chiqarilish davri oʻzgarmaydi. Bunday patsiyentlarda takroran yuborish preparatni metabolizmi buzilmagan bemorlardagi kabi konsentratsiyasiga olib keladi. Shuning uchun dozasi yoki yuborishlar sonini oʻzgartirish kerak emas.

Operatsiyadan keyingi koʻngil aynishi va qusish

Kattalar

Operatsiyadan keyingi koʻngil aynishi va qusishni oldini olish uchun Yunorm® ni tavsiya qilinadigan dozasi narkozni yuborish vaqtida mushak ichiga yoki sekin vena ichiga inyeksiyasi koʻrinishida 4 mg dan bir martani tashkil qiladi.

Operatsiyadan keyingi koʻngil aynishi va qusishni davolash uchun tavsiya qilinadigan Yunorm® ni bir martalik dozasi mushak ichiga tashkil qiladi.

Bolalar va oʻsmirlar (1 oylikdan 17 yoshgacha boʻlgan yoshda)

Umumiy anesteziya ostida operatsiya qilinadigan bolalarda operatsiyadan keyingi koʻngil aynishi va qusishni oldini olish va davolash uchun Yunorm® ni 1 kg tana vazniga 0,1 mg dozada yuborish mumkin (maksimal – 4 mg gacha) narkozdan oldin, undan keyin yoki operatsiyadan keyin 1 kg tana vazniga (kamida 30 sekund) yuborish mumkin.

Keksa yoshdagi bemorlar

Keksa yoshdagi patsiyentlarda operatsiyadan keyingi koʻngil aynishi va qusishni oldini olish va davolash uchun Yunorm® ni qoʻllash tajribasi cheklangan, ammo ximioterapiya olayotgan 65 yoshdan katta patsiyentlar Yunorm® ni yaxshi oʻzlashtiradilar.

Buyrak yetishmovchiligi boʻlgan patsiyentlar

Buyrak faoliyatini buzilishi boʻlgan patsiyentlarga preparatni dozalash tartibiga yoki qoʻllash yoʻliga oʻzgartirishga zarurat yoʻq.

Jigar yetishmovchiligi boʻlgan patsiyentlar

Jigar faoliyatini oʻrtacha yoki ogʻir buzilishlari boʻlgan patsiyentlarda Yunorm® ni klirensi sezilarli kamayadi. Qon zardobidan yarim chiqarilish davri esa-oshadi. Bunday bemorlar uchun preparatni maksimal sutkalik dozasi 8 mg dan oshmasligi kerak.

Spartein/debrisokvinni metabolizmini buzilishi boʻlgan patsiyentlar

Spartein va debrisokvinni metabolizmini buzilishi boʻlgan patsiyentlarda ondansetronni yarim chiqarilish davri oʻzgarmaydi. Bunday patsiyentlarda takroran yuborish metabolizmi buzilmagan bemorlardagi preparatni konsentratsiyaga olib keladi. Shuning uchun dozani yoki yuborishlar sonini oʻzgartirish kerak emas.

 

Qoʻllash boʻyicha koʻrsatma

Yunorm® ni ampulalari konservantlarni saqlamaydi va ularni ochilgandan keyin darhol ishlatish kerak; qolgan eritmani yoʻqotish kerak.

Yunorm® ampulalarini avtoklavda sterelizatsiya qilish mumkin emas.

Boshqa vena ichiga inyeksiyalari uchun suyuqliklar bilan mutanosibligi

Vena ichiga quyishlar uchun eritmalarni bevosita infuziyadan oldin tayyorlash kerak. Ammo, ondansetron eritmasi turgʻunligini 7 kun davomida, xona xaroratida (25oS gacha), kunduzgi yorugʻlikda yoki sovutkichda, quyidagi muhitda eritilganda 0,9% li natriy xloridi eritmasida 5% li glyukoza eritmasida, 10% li mannitol eritmasida, Ringer eritmasida 0,3% li kaliy xloridi eritmasida va 0,9% li natriy xloridi eritmasida, 0,3% li kaliy xloridi va 5% li glyukoza eritmasida saqlaydi. Ondansetron shuningdek turgʻunligini polietilen va shisha flakonlar ishlatilganda ham saqlashi aniqlangan. 0,9% l natriy xloridi yoki 5% li glyukoza eritmasida suyultirilgan ondansetronni polipropilin shprislarda turgʻunligini saqlashi koʻrsatilgan. Shuningdek ondansetronni boshqa tavsiya etilgan eritmalar bilan suyultirilganda uni polipropilen shprislarda turgʻunligini saqlanishi isbotlangan. Preparatni uzoq saqlash zarur boʻlgan hollarda eritishni aseptik sharoitda oʻtkazish lozim.

Boshqa preparatlar bilan mutanosibligi

Yunorm® vena ichiga infuziyasi koʻrinishida soatiga 1 mg tezlikda buyurish mumkin. Y-simon inyektor orqali Yunorm® bilan birga ondansetronni 16 dan 160 mkg/ml gacha boʻlgan konsentratsiyada (yaʼni 8 mg/500 ml yoki 8 mg/50 ml ga muvofiq) quyidagilar bilan yuborish mumkin:

  • sisplatin 0,48 mg/ml gacha boʻlgan konsentratsiyasi 8 soat davomida;
  • 5 ftoruratsil 0,8 mg/ml gacha boʻlgan konsentratsiyasida (masalan, 2,4 g 3 g da yoki 400 mg ni 500 ml da) soatiga 20 ml dan koʻp boʻlmagan tezlikda. 5-ftoruratsilni yanada yuqori konsentratsiyasi ondansetronni pretsipitatsiyasini chaqirishi mumkin. 5-ftoruratsilni infuziya uchun eritmasi mutanosib boʻlgan boshqa toʻldiruvchilarga qoʻshimcha 0,045% gacha magniy xloridi saqlaydi;
  • karboplatin 0,18 mg/ml dan 9,9 mg/ml gacha boʻlgan konsentratsiyalarda (masalan, 90 mg 500 ml dan 990 mg ni 100 ml gacha boʻlgan) 10-60 minut davomida;
  • etopozid 0,14 mg/ml dan 0,25 mg/ml gacha (masalan, 72 mg 500 ml dan 250 mg 1 l gacha) 30-60 minut davomida;
  • seftazidim inyeksiya uchun suvda eritilgan 250 mg dan 2 g gacha dozada (masalan, 2,5 ml ni 250 mg da yoki 10 ml ni 2 g seftozidimda) vena ichiga oqim bilan inyeksiyasi koʻrinishida 5 minut davomida;
  • siklofosfamid inyeksiya uchun suvda eritilgan 100 mg dan 1 g gacha dozada (5 ml 100 mg siklofosfamidda) 250 mg dan 2 g gacha dozada vena ichiga oqim bilan inyeksiyasi koʻrinishida 5 minut davomida;
  • doksorubitsin inyeksiya uchun suvda eritilgan 10 mg dan 100 mg gacha dozada (5 ml 10 mg doksorubitsinda 10 dan 100 mg gacha dozada vena ichiga oqim bilan inyeksiyasi koʻrinishida 5 minut davomida;
  • deksametazon 20 mg dozada sekin vena ichiga inyeksiyasi koʻrinishida 2-5 minut davomida (bir vaqtda 50-100 ml inyeksion eritmada suyultirilgan 8 mg yoki 16 mg ondansetronni yuborilganda), taxminan 15 minut davomida, chunki preparatni koʻrsatkichlari mutanosib, ularni bitta tomchilagich orqali yuborish mumkin, bunda eritmada deksametazon fosfati konsentratsiyalari (natriy tuzi koʻrinishida), 32 mkg 2,5 mg 1 ml gacha, ondansetron esa-8 mkg dan 1 mg 1 ml gachani tashkil qiladi.

Bolalar.

Bolalarga 6 oylikdan (ximioterapiyasida) va 1 oylikkacha boʻlgan yoshda (operatsiyadan keyingi koʻngil aynishi va qusishni oldini olish va davolash uchun) qoʻllaniladi.

 

Nojoʻya taʼsirlari

Nojoʻya taʼsiri, quyida berilgan maʼlumotlar aʼzo va tizimlar boʻyicha va ularni paydo boʻlish tez-tezligi boʻyicha tasniflangan. Paydo boʻlish tez-tezligi boʻyicha quyidagi toifalarga boʻlingan: juda tez-tez (≥1/10), tez-tez (≥1/100 va <1/10), tez-tez emas (≥1/1000 va <1/100), kam hollarda (≥1/10000 va <1/1000), juda kam hollarda (<1/10000).

Immun tizimi tomonidan: kam hollarda: darhol turdagi oʻta yuqori sezuvchanlik reaksiyalari, baʼzida ogʻir anafilaksiyaga qadar reaksiyalar.

Nerv tizimi tomonidan: juda tezbosh ogʻrigʻi; tez-tez: tirishishlar, harakat buzilishlari (okulogir kriz, distonik reaksiyalar va turgʻun klinik oqibatsiz boʻlgan diskineziya kabi ekstrapiramid reaksiyalar); kam hollarda: preparatni vena ichiga tez yuborish vaqtida bosh aylanishi.

Koʻrish aʼzolari tomonidan: kam hollarda: asosan vena ichiga yuborish vaqtida oʻtuvchan koʻrishni buzilishlari (koʻzlarda xiralashish); juda kam hollarda: asosan vena ichiga qoʻllash vaqtida oʻtuvchan koʻrlik. Koʻpchilik holatlarda koʻrlik 20 minut davomida oʻtib ketadi.

Yurak tomonidan: tez-tez emas: aritmiya, koʻkrak sohasida ogʻriq (ST segmentini depressiyasi va usiz), bradikardiya; kam hollarda: QT intervalini uzayishi (shu jumladan qorinchalarni titrashi/lipillashi (Torsade de Pointes).

Qon tomirlari tizimi tomonidan: tez-tez: qizish va yuzga qon oqib kelishini his qilish; tez-tez emas: gipotenziya.

Nafas tizimi va koʻkrak boʻshligʻi aʼzolari tomonidan: tez-tez emas: hiqichoq.

Ovqat hazm qilish yoʻllari: tez-tez: qabziyat.

Gepatobiliar tizimi: tez-tez emas: jigar faoliyati koʻrsatkichlarini simptomsiz oshishi.

Bu holatlar asosan sisplatin saqlagan ximioterapiya preparatlari bilan davolanadigan patsiyentlarda kuzatiladi.

Teri va teri osti kletchatkasi tomonidan: juda kam hollarda: toksik toshmalar, shu jumladan toksik epidermal nekroliz.

Umumiy buzilishlar: tez-tez: vena ichiga yuborish joyida mahalliy reaksiyalar.

Postregistratsion kuzatuv maʼlumotlari boʻyicha quyida keltirilgan nojoʻya reaksiyalar toʻgʻrisida xabar qilingan.

Yurak-qon tomir tizimi tomonidan: koʻkrakda ogʻriq va diskomfort, ekstrasistoliya, taxikardiya, shu jumladan qorinchalar va qorinchalar usti taxikardiyasi, boʻlmachalarni fibrillyatsiyasi, yurak urishi, sinkope, EKG oʻzgarishi.

Oʻta yuqori sezuvchanlik reaksiyalari: anafilaktik reaksiyalar, angionevrotik shish, bronxospazm, anafilaktik shok, qichishish, teri toshmalari, eshakemi.

Nerv tizimi tomonidan: qadam tashlashni buzilishi, xoreya, mioklonus, tinch turaolmaslik, achishish hissi, tilni protruziyasi.

Umumiy buzilishlar va mahalliy reaksiyalar: tana haroratini oshishi, ogʻriq, qizarish, yuborish joyida achishish.

Boshqalar: gipokaliyemiya.

 

Qoʻllash mumkin boʻlmagan holatlar

Preparatning har qanday komponentiga oʻta yuqori sezuvchanlikda qilish mumkin emas.

Ondansetronni opomorfin gidroxlorid bilan birga qoʻllanmaydi, chunki birga qoʻllash vaqtida kuchli arterial gipotenziya va hushdan ketish holatlari kuzatilgan.

 

Dorilarning oʻzaro taʼsiri

Ondansetron bir vaqtda qoʻllanganda boshqa preparatlarni metabolizmini tezlashtirmaydi va tormozlamaydi. Maxsus tekshirishlar ondansetronni alkogol, temazepam, furosemid, alfentanil, tramadol, morfin, lignokain, tiopental yoki propofol bilan oʻzaro taʼsirlashmasligini koʻrsatdi.

Ondansetron jigar sitoxrom R450 turli fermentlari ishtirokida SYR3A4, SYR2D6 va SYR1A2 metabolizmga uchraydi. Ondansetronni metabolizmida ishtirok etadigan fermentlarni turli tumanligi tufayli ulardan bittasini faolligini tormozlanish yoki kamayishi ( masalan, SYR2D2 genetik tanqisligiga) odatdagi sharoitda boshqa foliyatlar bilan kompensatsiya qilinadi va kreatininni umumiy klirensiga taʼsir qilmaydi yoki taʼsiri ahamiyatsiz boʻladi. Ondansetronni QT intervalini uzaytiruvchi va/yoki elektrolit muzozanatini buzilishini chaqiruvchi dori vositalari bilan ehtiyotkorlik bilan (“Maxsus koʻrsatmalar” boʻlimiga qarang) qoʻllash lozim.

Apomorfin

Ondansetronni apomorfin gidroxloridi bilan qoʻllanmaydi, chunki birga qoʻllangan vaqtda kuchli gipotenziya va hushdan ketish hollari kuzatilgan.

Fenitoin, karbamazepin va rifampitsin

SUR3A4 potensiali ingibitorlari bilan davolanayotgan (masalan, fenitoin, karbamazepin va rifampitsin) patsiyentlarda ondansetronni klirensi oshadi va uning qondagi konsentratsiyasi kamayadi.

Serotoninergetik vositalar (masalan, SQQSN va SNQQSI).

Serotonin sindromi (shu jumladan ruhiy holatni oʻzgarishi vegetativ beqarorlik va nerv mushak buzilishlari) ondatsetronni va boshqa serotoninergik preparatlarni, shu jumladan serotoninni qayta qamrab olinishini serotonin va noradrenalinni qayta qamrab olinishi selektiv ingibitorlari (SNQQSI) bir vaqtda qoʻllangandan keyin taʼriflangan (“Maxsus koʻrsatmalar” boʻlimiga qarang).

Tramadol

Klinik tadqiqotlarni maʼlumotlari koʻra ondansetron tramadolni ogʻriq qoldiruvchi samarasini kamaytirishi mumkin.

Yunorm® ni QT intervalini uzaytiruvchi boshqa dori vositalari bilan qoʻllash QT intervalini qoʻshimcha uzayishiga sababchi boʻlishi mumkin. Ondansetronni kardiotonik dori vositalari (masalan, antratsiklinlar bilan) bilan birga qoʻllash aritmiyani paydo boʻlish xavfini oshirishi mumkin (“Maxsus koʻrsatmalar” boʻlimiga qarang).

Nomutanosiblik

Yunorm®ni boshqa dori vositalari bilan bir shprisda yoki bir infuzion eritmada qoʻllash mumkin emas. Yunorm®ni inyeksiya shaklini faqat infuziya uchun tavsiya qilingan eritmalar bilan birga qoʻllash mumkin. (“Qoʻllash usuli va dozalari” boʻlimiga qarang).

 

 

Maxsus koʻrsatmalar

 

5NT3-retseptorlarining selektiv antagonistlariga oʻta yuqori sezuvchanlik belgilari boʻlgan patsiyentlarni davolashda oʻta yuqori sezuvchanlik reaksiyalari kuzatilgan. Ondansetron dozaga qaram shaklida QT intervalini uzaytiradi. (“Farmakologik xususiyatlari “ boʻlimiga qarang). Postmarketing tekshirishlariga qoʻshimcha maʼlumotlar ondansetronni bir vaqtda qoʻllanganda qorinchalarni titrashi/lipillash holatlari toʻgʻrisida xabar qilingan (Torsade de Pointes). Ondasetronlarni tugʻma QT ni uzayishi sindromi boʻlgan patsiyentlarda qoʻllashdan saqlanish lozim. Ondansetronni QT intervalini uzayishi boʻlgan yoki rivojlangan patsiyentlarni, shu jumladan elektrolit muvozanatini buzilishi, dimlangan yurak yetishmovchiligi, bradiaritmiyalari boʻlgan patsiyentlarni yoki QT intervalini uzayishini yoki elektrolit muvozanatini buzilishini chaqiruvchi boshqa preparatlar bilan davolanayotgan patsiyentlarni davolashda ehtiyotkorlik bilan qoʻllash lozim. Ondansetronni qoʻllashni boshlashdan avval gipokaliyemiyani muvofiqlashtirish lozim.

Ondansetron va boshqa serotoninergik preparatlarni bir vaqtda qoʻllangandan keyin serotonin sindromi kuzatilganligi taʼriflangan (“Dorilarning oʻzaro taʼsiri” boʻlimiga qarang). Agar ondasetron va boshqa serotoninergik preparatlar bilan bir vaqtda davolash klinik oqlangan boʻlsa, patsiyentlarni muvofiq kuzatuvi tavsiya qilinadi.

Chunki ondansetron ichak peristaltikasini susaytirganligi tufayli Yunorm® ni qoʻllash vaqtida nimoʻtkir ichak tutilishini belgilari boʻlgan patsiyentlar sinchkov kuzatuvi zarur.

Adenotonzilyar sohada jarrohlik aralashuvlari oʻtkaziladigan patsiyentlarda ondansetronni koʻngil aynishi va qusishni oldini olish uchun qoʻllash qon ketishini niqoblashi mumkin. Shuning uchun patsiyentlarni ondansetron qoʻllangandan keyin sinchkov kuzatuvi kerak.

Homiladorlik yoki emizish vaqtida qoʻllanilishi

Yunorm® ni homiladorlik davrida odam uchun qoʻllash xavfsizligi aniqlanmagan. Hayvonlarda eksperimental tadqiqotlar vaqtida ondansetron embrionni yoki homilani rivojlanishini izdan chiqarmagan va homiladorlikni kechishiga peri –va postanal rivojlanishiga taʼsir qilmagan. Ammo hayvonlardagi tadqiqotlar hamma vaqt odam uchun prognostik hisoblanmasligi tufayli, Yunorm® ni homiladorlik davrida qoʻllash tavsiya qilinmaydi.

Eksperimental tadqiqotlar hayvonlarni koʻkrak sutiga kirishini koʻrsatdi. Preparatni qoʻllash zarur boʻlganda emizishni toʻxtatish lozim.

Avtotransportni yoki mexanizmlarni boshqarishda reaksiya tezligiga taʼsir qilish qobiliyati

Psixomotor testlar ondansetronni mexanizmlarni boshqarish qobiliyatiga taʼsir qilmasligini va sedativ taʼsir koʻrsatmasligini koʻrsatdi, ammo avtotransportni boshqarish yoki boshqa mexanizmlar bilan ishlash qobiliyati toʻgʻrisidagi masalani hal qilishda, preparatni nojoʻya taʼsirlari profilini hisobga olish lozim.

Preparat bolalar ololmaydigan joyda saqlansin va yaroqlilik muddati oʻtgach ishlatilmasin.

 

Dozani oshirib yuborilishi

Yunorm® ni dozasini oshirib yuborilishi toʻgʻrisida maʼlumotlar yetarli emas. Qoʻpchilik holatlarda simptomlar tavsiya etilgan dozalar yuborilgan patsiyentlarda taʼriflangandagiga oʻxshash (“Nojoʻya taʼsirlari” boʻlimiga qarang).

Yunorm® QT intervalini dozaga qaram shaklida oshiradi. Dozani oshirib yuborishda EKG –monitoringi oʻtkazish tavsiya qilinadi.

Dozani oshirib yuborish belgilari ichida koʻrishni buzilishlari, ogʻir darajadagi qabziyat, gipotenziya, II-darajali tranzitor AV-blokadasi boʻlgan vazovagal belgilari toʻgʻrisida xabar qilingan. Hamma hollarda bu holat toʻliq oʻtib ketadi.

Maxsus antidioti mavjud emas, shuning uchun dozani oshirib yuborilishi hollarida simptomatik davolashni va tutib turuvchi davolashni qoʻllash kerak.

Ondansetronni dozasini oshirib yuborilishini davolash uchun ipekakuanani qoʻllash tavsiya qilinmaydi, chunki uning taʼsiri Yunorm® ni antiemetik taʼsiri orqali namoyon boʻlmasligi mumkin.

 

Chiqarilish shakli

2 ml yoki 4 ml dan ampulalarda №5.

 

Saqlash sharoiti

30ºS dan yuqori boʻlmagan haroratda, yorugʻlikdan himoyalangan joyda saqlansin. Muzlatilmasin.

 

Yaroqlilik muddati

2 yil.

 

 

Dorixonalardan berish tartibi

Retsept boʻyicha.