Ilovani yuklab oling
Yuklab olish
Изитрофен Форте

Oson Apteka - Dorixonalar ma'lumotnomasi

Изитрофен Форте РАСТВОР ДЛЯ ИНФУЗИИ 0.5мг/мл 100мл №1

24 500 so'mdan
(2752)
Dorixonalardagi narx
Xaritada topish
Xususiyatlari
Xalqaro nomi
Pentoxifylline
Ishlab chiqaruvchi
REMEDY GROUP
Chiqarilish shakli
Р-Р Д/ИНФ
Farma. Guruh
Препарат, улучшающий микроциркуляцию. Ангиопротектор.
Dori tafsilotlari
Dori shakli: 
Tarkibi:
Taʼrifi: 
Farmakoterapevtik guruxi: 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Koʻllash mumkin boʻlmagan xolatlar
Dorilarning oʻzaro taʼsiri
Maxsus koʻrsatmalar
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli: 

inyeksiya uchun eritma.

 

Tarkibi:

1 ampula saklaydi:

faol modda: pentoksifillin -100 mg;

yordamchi moddalar: natriy xloridi, inyeksiya uchun suv.

 

Taʼrifi: 

tiniq, rangsiz yoki sargʻish rangli suyuqlik.

 

Farmakoterapevtik guruxi: 

Periferik qon aylanishi buzilishlarini davolash uchun vositalar.

 

 

Farmakologik xususiyatlari

Farmakodinamikasi

Pentoksifillin metilksantinning hosilasidir. Pentoksifillinning taʼsir mexanizmini fosfodiesterazani susayishi va qon tomirlarining silliq mushak xujayralarida, qon xujayralarida, shuningdek boshqa toʻqima va aʼzolarida sAMF ni toʻplanishi bilan bogʻlaydilar. Pentoksifillin trombotsitlar va eritrotsitlarning agregatsiyasini tormozlaydi, ularning egiluvchanligini oshiradi, qon plazmasida fibrinogenning oshgan konsetratsiyasini kamaytiradi va fibrinolizni kuchaytiradi, bu qonning qovushqoqligini kamaytiradi va uning reologik xususiyatlarini yaxshilaydi. Bundan tashqari, pentoksifillin kuchsiz miotrop  qon tomirlarini kengaytiruvchi taʼsirni chaqiradi, tomirlarning umumiy periferik qarshiligini biroz kamaytiradi, musbat inotrop taʼsirga ega. Pentoksifillinni qoʻllash natijasida eng yuqori darajada qoʻl-oyoqlarda, markaziy nerv tizimida, oʻrtacha darajada – buyraklarda mikrotsirkulyatsiya va toʻqimalarni kislorod bilan taʼminlanishi yaxshilanadi. Preparat koronar tomirlarni biroz kengaytiradi.

Farmakokinetikasi

Asosiy farmakologik faol metaboliti 1-(5-gidroksigeksil)-3,7-dimetilksantin (metabolit I) qon plazmasida oʻzgarmagan moddaning konsentratsiyasidan 2 marta ortiq konsentratsiyada aniqlanadi va u bilan qaytar biokimeviy muvozanat holatida boʻladi. Shuning uchun pentoksifillin va uning metabolitini faol bir butun modda sifatida qaralishi mumkin.

Pentoksifillinning yarim chiqarilish davri (T1/2) 1,6 soatni tashkil qiladi. Pentoksifillin toʻliq metabolizmga uchraydi, 90% dan ortigʻi konʼyugatsiyalanmagan suvda eruvchan qutblangan metabolitlari koʻrinishida buyraklar orqali chiqariladi. Dozaning 4% dan kamrogʻi axlat bilan chiqariladi. Buyraklar faoliyatini ogʻir buzilishlari boʻlgan bemorlarda metabolitlarni chiqarilishi sekinlashgan. Jigar faoliyatini buzilishi boʻlgan bemorlarda pentoksifillinning yarim chiqarilish davrini T1/2  uzayishi aniqlangan.

 

Qoʻllanilishi

Aterosklerotik ensefalopatiya, ishemik serebral insult; dissirkulyator ensefalopatiya, periferik qon aylanishini ateroskleroz, qandli diabet (shu jumladan diabetik angiopatiya), yalligʻlanish oqibatidagi buzilishlari; venalarni shikastlanishi yoki mikrotsirkulyatsiyani buzilishi (posttromboflebotik sindrom, trofik yaralar, gangrena, muzlash) bilan bogʻliq toʻqimalarda trofik buzilishlar, obliteratsiyalovchi endoarteriit, angioneyropatiya (Reyno kasalligi), koʻzda qon aylanishini buzilishi (koʻzning toʻr pardasi va tomirli pardalarida qon aylanishini oʻtkir, nim oʻtkir surunkali yetishmovchiligi); eshitishni pasayishi bilan kechuvchi ichki quloqning faoliyatini tomir genezli buzilishi.

 

Qoʻllash usuli va dozalari

Vena ichiga infuziyalar preparatni parenteral yuborishning eng samarali shaklidir, ular yaxshi oʻzlashtiriladi. Dozalash tartibi shifokor tomonidan belgilanadi va qon aylanishining buzilishlarini ogʻirlik darajasi, tana vazni va davolashni oʻzlashtirilishiga bogʻliq. Infuziyani, faqat agarda eritma tiniq boʻlsagina oʻtkazish mumkin. Kattalarga quyidagi davolash sxemalari tavsiya qilinadi:

  1. Vena ichiga infuziya 100-600 mg pentoksifillinni Ringer eritmasi, 0,9% natriy xloridi eritmasi yoki 5% glyukoza eritmasining 100-500 ml da sutkada 1-2 marta oʻtkaziladi. Vena ichiga tomchilab yuboriladigan infuziyaning davomiyligi 60-360 minutni tashkil qiladi, yaʼni 100 mg pentoksifillinni yuborilishi kamida 60 minut davom etishi kerak. Infuziya, maksimal sutkalik doza (infuzion va peroral) 1200 mg ni tashkil kilishni hisobga olib, pentoksifillinni – (400 mg), peroral qabul qilish bilan toʻldirilishi mumkin.
  2. Bemorning ahvoli ogʻir boʻlganida (ayniqsa doimiy ogʻriqda, gangrenada yoki trofik yaralarda) preparatning infuziyasini 24 soat davomida oʻtkazish mumkin, bunday yuborish sxemasida dozani 0,6 mg/kg/soat xisobidan belgilanadi. Tana vazni 70 kg boʻlgan bemor uchun bunday yoʻl bilan hisoblangan sutkalik doza 1000 mg ni, tana vazni 80 kg boʻlgan bemor uchun 1150 mg ni tashkil kiladi.

Bemorning tana vaznidan qatʼiy nazar maksimal sutkalik doza 1200 mg ni tashkil kiladi.

Infuzion eritmaning hajmi yoʻldosh kasalliklarni, bemorning holatini xisobga olib shaxsiy ravishda belgilanadi va sutkada oʻrtacha 1-1,5 l ni tashkil qiladi.

  1. Ayrim hollarda preparat 5 ml (100 mg) dan vena ichiga inyeksiya yoʻli bilan qoʻllanadi. Inyeksiyani asta-sekin, 5 minut davomida, bemor – yotgan holatida boʻlganida bajariladi.

Keksa yoshdagi bemorlar. Keksa yoshdagi bemor uchun dozani toʻgʻrilashning zarurati yoʻq. Parenteral davolash kursining davomiyligi davolash oʻtkazayotgan shifokor tomonidan belgilanadi.

Bemorning holati yaxshilanganidan keyin, preparatning tabletka shaklini qoʻllab, davolashni davom ettirish tavsiya qilingan.

 

Nojoʻya taʼsirlari

Organizmning ayrim tizimlari boʻyicha nojoʻya reaksiyalarni paydo boʻlish tez-tezligi quyidagicha:

Yurak-tomir tizimi tomonidan: kam hollarda – taxikardiya; tez-tez emas – periferik shishlar, yuzni qizarishi yoki qizib ketish xissi (quyilishlar), juda kam hollarda – kukrakda gʻayri – tabiiy ogʻrik, arterial gipotenziya, hansirash, aritmiya, yurak urishi.

Qon va limfatik tizim tomonidan: yakka holatlarda – trombotsitopeniya va trombotsitopenik purpura, leykopeniya, pansitopeniya (u oʻlim bilan yakunlanishi mumkin) protrombin vaqtini uzayishi, gipofibrinogenemiya, anemiya, aplastik anemiya, qon ketishlari (masalan, teri, shilliq qavatlar, meʼda, ichak, burun qon tomirlaridan qon ketishlari).

Nerv tizimi tomonidan: kam hollarda – bosh ogʻrigʻi, bosh aylanishi, aseptik meningit (yuqori dozalarda qoʻllanganda); yakka holatlarda – qoʻllarni qaltirashi, uyqusizlik, qoʻzgʻalish, xavotirlik, qoʻrquv hissi, xushni yoʻqotish, uyquni buzilishi, gallyutsinatsiyalar, koʻz oldini korongʻilashishi, qoʻl-oyoqlarni uvishishi, gipergidroz, tirishishlar, paresteziyalar kuzatiladi.

Sezgi aʼzolari tomonidan: koʻrishni buzilishi, skotoma, koʻz yoshini oqishi, konʼyunktivitlar, quloqparda ogʻrik, migren, koʻzning toʻr pardasiga qon quyilishi, toʻr pardani koʻchishi.

Meʼda-ichak yullari tomonidan: tez-tez – meʼda-ichak buzilishlari, meʼdada bosim xissi, uni toʻlib ketish xissi, diareya; tez-tez emas – koʻngil aynishi, qusish (shu jumladan bir necha marta), meteorizm, epigastral ogʻriqlar, anoreksiya, ichak atoniyasi, qabziyatlar, tomoqni qurishi, chanqoqlik.

Metabolizm tomonidan: juda kam hollarda – gipoglikemiya, gipokaliyemiya.

Immun tizimi tomonidan: yakka hollarda – allergik reaksiyalar (shokkacha rivojlanuvchi anafilaktik/anafilaktoid reaksiyalar, angionevrotik shish, bronxospazm, terini qizarishi, qichishish, toshmalar, eshakemi), toksik epidermal nekroliz (Layell sindromi), Stivens-Djonson sindromi.

Gepatobiliar tizim tomonidan: juda kam hollarda – jigar ichki xolestazi, jigar fermentlari faolligini oshishi, xoletsistitni zoʻrayishi, xolestatik gepatit.

Teri va teri osti kletchatkasi tomonidan: juda kam hollarda – kuchli terlash, yuz va koʻkrak qafasining yuqori qismini qizarishi, shishlar, makulopapulyoz toshma, tirnoqlarni yuqori sinuvchanligi.

Yuborish joyidagi oʻzgarishlar: yuborish joyida ogʻrik, giperemiya, shish, toshma.

Boshqalar: taʼmni buzilishi, soʻlakni kuchli ajralishi, lanjlik, tomoqda/boʻyinda ogʻrik, laringit, burunni bitishi, tana vaznini oshishi/kamayishi, etni uvishishi, qizish xissi, isitma, gipertermik sindrom.

Laboratoriya koʻrsatkichlari: jigartransaminazalari (ALT, ACT, LDG) va ishqoriy fosfatazaning faolligini oshishi.

Nojoʻya reaksiyalarining koʻpchiligi doza bilan bogʻliq. Ularni, dozani kamaytirish, bilan minimumga yetkazish yoki umuman bartaraf etish mumkin.

Agarda ogʻir nojoʻya reaksiyalar kuzatilsa, davolashni toʻxtatish kerak.

 

Koʻllash mumkin boʻlmagan xolatlar

– Pentoksifillinga, preparatning boshqa komponentlariga yoki teofillin, kofein, xolin teofillinati, aminofillin yoki teobromin kabi metilksantin guruhining boshqa preparatlariga yuqori sezuvchanlik;

– massiv qon ketishlari (qon ketishini kuchayish xavfi);

– koʻzning toʻr pardasiga, miyaga qon quyilishlar; agarda pentoksifillin bilan davolanish vaqtida koʻzning toʻr pardasiga, miyaga qon quyilishi yuz bersa, dori vositasini qoʻllashni darhol toʻxtatish kerak;

– gemorragik diatez;

– oʻtkir miokard infarkti;

– jigar yoki buyrak yetishmovchiligi;

– meʼda yarasi va/yoki ichak yaralari;

– porfiriya;

– homiladorlik va emizish davri;

– 18 yoshgacha boʻlgan bolalar.

 

Dorilarning oʻzaro taʼsiri

Pentoksifillin va antigipertenziv preparatlarni (xususan, angiotenzinga aylantiruvchi ferment ingibitorlarini) bir vaqtda qoʻllash, oxirgilarning taʼsirini kuchaytiradi, shuning uchun gipotenziv preparatlarning dozasini muvofik ravishda toʻgʻrilash talab qilinadi.

Antikoagulyantlar, qon koagulyatsiyasini susaytiruvchi preparatlar. Pentoksifillin va qon koagulyatsiyasini kamaytiruvchi preparatlarni bir vaqtda qabul qilish qon ketishi extimolini oshiradi, shuning uchun protrombin vaqtini tez-tez nazorat qilib turish kerak. Pentoksifillin buyurilganida yoki dozalash oʻzgartirilganida, bu bemorlarda antikoagulyant faollikni nazoratini oʻtkazish tavsiya qilinadi.

Simetidin. Simetidinni bir vaqtda yuborilganda qon zardobida pentoksifillinning konsentratsiyasini ancha oshishi yuz beradi. Pentoksifillinning dozasini oshirib yuborilishi belgilarini paydo boʻlishini diqqat bilan kuzatish kerak.

N2-retseptorlarining boshqa antagonistlari (famotidin, ranitidin va nizatidin) pentoksifillinning metabolizmiga ancha kam taʼsir qiladi.

Teofillin. Pentoksifillin va teofillinni bir vaqtda yuborilishi qon zardobida teofillinning konsentratsiyasini oshishiga olib kelishi mumkin. Shuning uchun qon zardobida teofillinning konsentratsiyasini kuzatib turish, zarurati boʻlganida esa, uning dozasini kamaytirish kerak.

Ketorolak, meloksikam. Pentoksifillin va ketorolakni bir vaqtda qoʻllanishi protrombin vaqtini oshishiga olib kelishi va qon ketish xavfini oshirishi mumkin. Qon ketish xavfi, shuningdek pentoksifillin va meloksikam bir vaqtda qoʻllanganida oshishi mumkin. Shuning uchun bu preparatlar bilan bir vaqtda davolanish tavsiya qilinmaydi.

Siprofloksatsin. Siprofloksatsin jigarda pentoksifillinning metabolizmini tormozlaydi, shuning uchun pentoksifillin va siprofloksatsinni bir vaqtda qoʻllash qon zardobida pentoksifillinning konsentratsiyasini oshishiga olib kelishi mumkin. Pentoksifillin va siprofloksatsin bilan bir vaqtda davolash zarurati tugʻilganida pentoksifillinning dozasini ikki martaga kamaytirish tavsiya qilinadi.

Insulin va peroral diabetga qarshi preparatlar. Pentoksifillinning vena ichiga yuboriladigan katta dozalari insulin va peroral diabetga qarshi preparatlarning gipoglikemik samaralarini kuchaytirishi mumkin, shuning uchun insulin yoki gipoglikemik preparatning dozasini muvofiq toʻgʻrilash kerak.

Nitratlar. Pentoksifillin nitratlarning taʼsirini kuchaytiradi.

Eritromitsin. Pentoksifillin va eritromitsinning oʻzaro taʼsiri boʻlishi mumkinligi  toʻgʻrisida maʼlumotlar  yoʻq. Biroq pentoksifillin va eritromitsin birga qoʻllanganida eritromitsinning plazmadagi darajasini oshishi zaxarli reaksiyalarni namoyon boʻlishi bilan qayd etiladi.

 

Maxsus koʻrsatmalar

Pentoksifilinni homiladorlik yoki emizish davrida qoʻllash mumkin emas. Preparatni            18 yoshgacha boʻlgan bolalarda qoʻllash tajribasi yoʻq.

Anafilaktik/anafilaktoid reaksiyalarni rivojlanishining birinchi belgilarida preparat bilan davolashni toʻxtatish va yordam uchun shifokorga murojaat qilish kerak. Preparatni surunkali yurak yetishmovchiligi boʻlgan bemorlarda qoʻllanganida, avval qon aylanishini kompensatsiya bosqichiga erishish kerak. Diabeti boʻlgan va insulin yoki peroral antidiabetik vositalar bilan davolanayotgan bemorlarda, preparatning yuqori dozalari qoʻllanganida, qondagi qandning darajasiga bu preparatlarning taʼsiri kuchayishi mumkin. Bunday hollarda insulinning yoki peroral diabetga qarshi vositalarning dozasini kamaytirish va ayniksa bemorni sinchkov kuzatish kerak. Tizimli qizil yugirik (TQYU) yoki biriktiruvchi toʻqimaning boshka kasalliklari boʻlgan bemorlarga pentoksifillinni faqat boʻlishi mumkin boʻlgan xavf va foyda batafsil tahlil qilinganidan keyin buyurish mumkin. Pentoksifillin bilan davolanish vaqtida aplastik anemiyani rivojlanish xavfi mavjudligi tufayli. umumiy qon taxlilini muntazam nazorat qilish kerak.

Buyrak yetishmovchiligi (kreatinin klirensi 30 ml/min dan kam) boʻlgan yoki jigar faoliyatining ogʻir buzilishlari boʻlgan bemorlarda pentoksifillinning chiqarilishi sekinlashgan bulishi mumkin, tegishli monitoring kerak.

Keksa yoshdagi bemorlarda faol moddaning biokiraolishligini oshishi va chiqarilish tezligini pasayishi tufayli, oʻrtacha terapevtik dozani kamaytirishga zarurat tugʻilishi mumkin. Chekish preparatning terapevtik samaradorligini pasaytirishi mumkin.

Ayniqsa diqqat bilan kuzatish quyidagilar uchun zarur:

– ogʻir yurak aritmiyalari boʻlgan bemorlar;

– miokard infarkta boʻlgan bemorlar;

– arterial gipotenziyasi boʻlgan bemorlar;

– serebral va koronar arteriyalarining yaqqol aterosklerozi boʻlgan bemorlarda, ayniqsa yoʻldosh arterial gipertenziyada va yurak ritmini buzilishlarida. Bunday bemorlarda preparat qabul qilganida stenokardiya xurujlari, aritmiyalar va arterial gipertenziya yuz berishi mumkin;

– buyrak yetishmovchiligi (kreatinin klirensi minutiga 30 ml dan kam) boʻlgan bemorlar;

– ogʻir jigar yetishmovchiligi boʻlgan bemorlar;

kon ketishlariga, masalan antikoagulyantlar bilan davolanish yoki kon ivishining buzilishlari bilan bogʻlik yukori moyillikka ega boʻlgan bemorlar. Qon ketishlari yuzasidan – “Qoʻllash mumkin boʻlmagan holatlar” bulimiga karang;

– anamnezida meʼda va un ikki barmok ichakning yarasi boʻlgan bemorlar, yakinda operatav davolash oʻtkazgan bemorlar (qon ketishini paydo boʻlishini yuqori xavfi, shu tufayli gemoglobin va gematokrit darajasini muntazam nazorat qilish talab etiladi);

– arterial bosimni pasayishi yuqori xavf boʻlishi mumkin boʻlgan bemorlar (masalan, ogʻir yurak ishemik kasalligi yoki miyaga qonni yetkazib beruvchi tomirlarning stenozi boʻlgan bemorlar);

– pentoksifillin va K vitamini antivitaminlari bilan bir vaqtda davolanayotgan bemorlar; pentoksifillin va diabetga qarshi vositalar bilan bir vaqtda davolanayotgan bemorlar.

Shuningdek markaziy nerv tizimi tomonidan nojoʻya reaksiyalarni paydo bulish ehtimolini xam xisobga olish kerak.

Preparatni bir idishda “Qoʻllash usuli va dozalari” boʻlimida koʻrsatilgan eritmalardan tashqari, boshqa dori vositalari bilan aralashtirish mumkin emas.

Preparat bolalar ololmaydigan joyda saqlansin va uni yaroqlilik muddati oʻtganidan keyin ishlatilmasin.

 

Chiqarilish shakli

Inyeksiya uchun eritma 100 mg /5 ml, 5 ml dan ampulalarda.

 

Saqlash sharoiti

Quruq joyda, yorugʻlikdan himoyalangan, 25°S dan yuqori boʻlmagan xaroratda saqlansin.

 

Yaroqlilik muddati

2 yil.

 

 

Dorixonalardan berish tartibi

Retsept buyicha.