Ilovani yuklab oling
Yuklab olish
Инфен™-25 (Декскетопрофен)

Oson Apteka - Dorixonalar ma'lumotnomasi

Инфен™-25 (Декскетопрофен) ТАБЛЕТКА 25мг №10

15 000 so'mdan
(1985)
Dorixonalardagi narx
Xaritada topish
Tavsif
Инфен™-25 (Декскетопрофен) ТАБЛЕТКА 25мг №10
Xususiyatlari
Xalqaro nomi
Ishlab chiqaruvchi
Chiqarilish shakli
Farma. Guruh
Dori tafsilotlari
Nojoʻya taʼsirlari
Dori shakli:
Tarkibi:
Taʼrifi:
Farmakoterapevtik guruhi: 
Farmakologik hususiyatlari
Qoʻllanilishi
Qoʻllash usuli va dozalari
Qoʻllash mumkin boʻlmagan holatlar
Dorilarning oʻzaro taʼsiri
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Nojoʻya taʼsirlari

MNT va periferik nerv tizimi tomonidan: tez-tez emas – bosh ogʻrigʻi, bosh aylanishi, uyqusizlik, uyquchanlik; kam hollarda – paresteziyalar.

Yurak-qon tomir tizimi tomonidan: kam hollarda – ekstrasistoliya, arterial bosimni oshishi; juda kam hollarda – taxikardiya, arterial bosimni pasayishi;

Qon yaratish aʼzolari tomonidan: juda kam hollarda – neytropeniya, trombotsitopeniya.

Nafas tizimi tomonidan: kam hollarda – bradipnoe; juda kam hollarda – bronxospazm, hansirash.

Sezgi aʼzolari tomonidan: kam hollarda – quloqlarni shangʻillashi, juda kam hollarda – koʻrishni noaniqligi.

Ovqat hazm qilish tizimi tomonidan: tez-tez – koʻngil aynishi, qusish, qorinda ogʻriq, dispepsiya; kam hollarda – meʼda-ichak yoʻllarini eroziv-yarali shikastlanishlari, anoreksiya.

Siydik chiqarish tizimi tomonidan: kam hollarda – poliuriya; juda kam hollarda – nefrit yoki nefrotik sindrom.

Moddalar almashinuvi tomonidan: kam hollarda – giperglikemiya, gipoglikemiya, gipertriglitseridemiya.

Dermatologik reaksiyalar: kam hollarda – eshakemi, husnbuzar toshmasi, koʻp terlash; juda kam hollarda – ogʻir darajadagi teri reaksiyalari (Stivens-Djonson sindromi, Layell sindromi), angionevrotik shish, allergik dermatit, yorugʻlikka sezuvchanlik.

Umumiy buzilishlar: tez-tez emas – isitma, toliqish, asosan tizimli qizil yugurik yoki biriktiruvchi toʻqimalarni aralash kasalliklari boʻlgan patsiyentlarda rivojlanadigan aseptik meningit, gematologik buzilishlar; kam hollarda – anafilaktik shok kuzatilishi mumkin.

 

Dori shakli:

 plyonka qobiq bilan qoplangan tabletkalar

 

Tarkibi:

Har bir tabletka quyidagilarni saqlaydi:

faol modda: 25 mg deksketoprofenga ekvivalent boʻlgan 36,91 mg deksketoprofen trometamol;

yordamchi moddalar: oʻta jelatinlangan kraxmal, mikrokristall sellyuloza (Avitsel rN 101), makkajoʻxori kraxmali, povidon (PVPK-30), natriy kraxmal glikolyati, mikrokristall sellyuloza (Avitsel rN 102), kolloid kremniy dioksidi, magniy stearati, tozalangan suv*.

qobigʻining tarkibi: Opadri II oq 06G 28430, 2-propanol, dixlormetan.

 

Taʼrifi:

 dumaloq, ikki yoqlama qavariq, bir tomoni riskali va boshqa tomoni silliq, oq rangli plyonka qobiq bilan qoplangan tabletkalar.

 

Farmakoterapevtik guruhi: 

nosteroid yalligʻlanishga qarshi vositalar.

 

 

Farmakologik hususiyatlari

Deksketoprofen propion kislotasining hosilasi boʻlib, yalligʻlanishga qarshi, ogʻriq qoldiruvchi va isitmani tushiruvchi taʼsir koʻrsatadi. Preparatning taʼsir mexanizmi siklooksigenaza-1 va siklooksigenaza-2 larni susaytirishi oqibatida, ogʻriq va yalligʻlanishning patogenezida asosiy rol oʻynaydigan prostaglandinlarning sintezini susayishiga asoslangan. Ogʻriq qoldiruvchi taʼsiri preparatni qabul qilgandan soʻng 30 minutdan keyin kuzatiladi, uning davomiyligi 4-6 soatni tashkil etadi.

Farmakokinetikasi

Preparat ichga qabul qilinganidan soʻng plazmada deksketoprofenning maksimal konsentratsiyasiga oʻrtacha 30 minutdan keyin erishiladi. Ovqat bilan bir vaqtda qabul qilish preparatni soʻrilishini sekinlashtiradi.

Deksketoprofen uchun plazma oqsillari bilan yuqori bogʻlanish darajasi xosdir – 99%. Taqsimlanish hajmi oʻrtacha 0,25 l/kg ni tashkil etadi.

Yarim chiqarilish davri 1,65 soatni tashkil etadi. Preparatning asosiy qismi siydik bilan metabolitlar koʻrinishida (glyukuron kislotasi bilan bogʻlangandan soʻng) chiqariladi. Keksa yoshdagi shaxslarda yarim chiqarilish davrini oʻrtacha 48% gacha uzayishi va preparatning umumiy klirensini pasayishi kuzatiladi.

 

Qoʻllanilishi
  • tayanch harakat apparatini oʻtkir va surunkali yalligʻlanish va yalligʻlanish degenerativ kasalliklarini simptomatik davolash (shu jumladan revmatoid artrit, spondiloartrit, artroz, osteoxondroz);
  • turli genezli ogʻriq sindromini bartaraf qilish (shu jumladan jarohatlar yoki jarrohlik aralashuvlaridan keyingi ogʻriq, suyaklarda metastazlar kuzatilgandagi ogʻriq, buyrak sanchigʻidagi ogʻriq, radikulit, nevralgiya, dismenoreya, tish ogʻrigʻi) uchun qoʻllanadi.

 

Qoʻllash usuli va dozalari

Infen-25 ovqat vaqtida yetarli miqdordagi suyuqlik bilan ichga qabul qilinadi.

Dozalash tartibi ogʻriqni turi va jadalligiga qarab shaxsiy ravishda belgilanadi. Tavsiya etilgan oʻrtacha bir martalik dozasi 12,5 mg (1/2 tabletka) dan sutkada 1 martadan 6 martagacha qabul qilishlar oʻrtasidagi oraliq zaruratga qarab 4-6 soatni yoki 25 mg (1 tabletka) dan sutkada 1 martadan 3 martagacha qabul qilishlar oʻrtasidagi oraliq 8 soatni tashkil etadi.

Maksimal sutkalik dozasi 75 mg (3 tabletka) ni tashkil etadi.

Jigar yoki buyrak faoliyatini buzilishlari boʻlgan patsiyentlarda, keksa yoshdagi shaxslarda Infen-25 preparatini qabul qilishni eng kichik dozalari bilan boshlash kerak – sutkada 50 mg dan oshmasin.

Preparat uzoq muddat qoʻllash uchun moʻljallanmagan: qabul qilish davomiyligi 7 kundan oshmasligi kerak.

Qoʻllash mumkin boʻlmagan holatlar
  • deksketoprofen yoki boshqa NYAQV yoki preparatning tarkibiga kiruvchi yordamchi moddalardan birontasiga biriga yuqori sezuvchanlik;
  • anamnezida oʻxshash taʼsir mexanizmiga ega boʻlgan moddalarni (atsetilsalitsil kislotasi va boshqa NYAQV) qoʻllash oqibatida rivojlangan astma hurujlari, bronxospazm, oʻtkir rinit, urtikariyalar yoki angionevrotik shish boʻlganida;
  • patsiyentlarda meʼda va oʻn ikki barmoqli ichak yara kasalligi faol bosqichida yoki yara kasalligini takrorlanuvchi hurujlari (ikki va undan ortiq hurujlar) boʻlganida;
  • meʼda-ichakdan qon ketishlar (shu jumladan ilgari NYAQV ni qabul qilish bilan bogʻliq boʻlgan), boshqa faol qon ketishlar boʻlganida;
  • Kron kasalligi, nospetsifik yara kasalligi;
  • jigar faoliyatini ogʻir darajadagi buzilishlari (Chayld-Pyu shkalasi boʻyicha 10-15 ball);
  • buyrak faoliyatini ogʻir darajadagi buzilishlari (kreatinin klirensi<50 ml/minut);
  • bronxial astma (shu jumladan anamnezida);
  • ogʻir darajadagi yurak yetishmovchiligi;
  • gemorragik diatez yoki boshqa koagulopatiyalar;
  • homiladorlikning uchinchi uch oyligi va laktatsiya davri;
  • bolalar va 18 yoshgacha boʻlgan oʻsmirlarda qoʻllash mumkin emas.

 

Dorilarning oʻzaro taʼsiri

Tavsiya etilmagan majmualar

Deksketoprofenni boshqa NYAQV, shu jumladan salitsilatlar bilan bir vaqtda qoʻllash meʼda-ichakdan qon ketishini rivojlanish xavfini oshiradi.

Peroral antikoagulyantlar, geparin bilan bir vaqtda qoʻllanganida qon ketishini rivojlanish havfi oshadi.

NYAQV qonda litiyning konsentratsiyasini oshiradi, NYAQV qoʻllanganida, dozasi oʻzgartirilganida va bekor qilinganidan soʻng ushbu koʻrsatkichni nazorat qilish kerak.

NYAQV va metotreksatni yuqori dozalarda (haftada 15 mg dan ortiq) bir vaqtda qoʻllash metotreksatning gematologik toksikligini oshiradi.

Gidantoinlar va sulfonamidlar bilan birga qoʻllanganida bu moddalarning toksik hususiyatlari kuchayishi mumkin.

Qoʻllashda ehtiyotkorlikni talab etadigan majmualar

Deksketoprofen diuretiklar, angiotenzinga aylantiruvchi ferment ingibitorlarining antigipertenziv taʼsirini susaytiradi.

Metotreksatning kichik dozalari (bir haftada 15 mg dan kam) bilan bir vaqtda qoʻllash NYAQV qoʻllash fonida metotreksatning buyrak klirensi pasayishi tufayli uning gematologik toksikligini oshishiga olib keladi.

Serotoninni qayta qamrab olinishini ingibitorlari, peroral glyukokortikoidlar bilan bir vaqtda qoʻllash meʼda-ichak yoʻllaridan qon ketishini rivojlanish havfini oshiradi.

NYAQV sulfonilmochevinani plazma oqsillari bilan bogʻlangan joyidan siqib chiqarishi oqibatida uning gipoglikemik taʼsirini kuchaytiradilar.

Pentoksifillin bilan majmuada qoʻllanganida qon ketishini rivojlanish havfi oshadi.

Zidovudin bilan bir vaqtda qoʻllanganida retikulotsitlarga taʼsir qilishi oqibatida eritrotsitlarga toksik taʼsir oshish havfi mavjud boʻlib, NYAQV buyurilganidan soʻng 1-2 haftadan keyin ogʻir darajadagi anemiya rivojlanadi.

Alohida eʼtiborni talab etadigan majmualar

NYAQV beta-adrenoblokatorlarning gipotenziv samarasini kamaytirishi mumkin, bu prostaglandinlarning sintezini ingibitsiya qilishi bilan ifodalanadi.

Siklosporin va takrolimus bilan bir vaqtda qoʻllanganida neyrotoksiklikni kuchaytirishi mumkin, bu buyrak prostaglandinlarining taʼsiri bilan bogʻliq. Majmuaviy davolashni oʻtkazish vaqtida buyrak faoliyatini nazorat qilish kerak.

Trombolitiklar bilan bir vaqtda buyurilganida qon ketishini rivojlanish xavfi oshadi.

Probenetsid bilan bir vaqtda qoʻllanganida plazmada NYAQV konsentratsiyasi oshishi mumkin, bu buyraklar sekretsiyasini ingibirlanishi va/yoki glyukuron kislotasi bilan konʼyugatsiyasi bilan bogʻliq boʻlishi mumkin. Bu NYAQV ning dozasiga tuzatish kiritish talab etadi.

NYAQV qon plazmasida yurak glikozidlarining konsentratsiyasini oshishini chaqirishi mumkin.

Prostaglandinlar sintezining ingibitsiya qilinishi taʼsiri ostida mifepristonning samaradorligini nazariy jihatdan oʻzgarish havfi borligi sababli, NYAQV ni mifepriston bekor qilinganidan soʻng kamida 8-12 soatdan keyin buyurish kerak.

Maxsus koʻrsatmalar

Preparat keksa yoshdagi patsiyentlar (65 yoshdan oshgan), allergik reaksiyalari,

biriktiruvchi toʻqimalarning tizimli kasalliklari va qon yaratilishini buzilishi boʻlgan patsiyentlarga buyurilganida ehtiyotkorlikka rioya qilish kerak.

Meʼda-ichak yoʻllari tomonidan buzilishlari yoki anamnezida meʼda-ichak kasalliklari boʻlgan patsiyentlarni sinchiklab kuzatish kerak. Meʼda-ichakdan qon ketishi yoki yara kuzatilganida, preparat bilan davolashni bekor qilish kerak.

Boshqa NYAQV kabi, Infen-25 plazmada kreatinin va azotning konsentratsiyasini oshishiga olib kelishi mumkin. Deksketoprofen bilan davolanish fonida baʼzi jigar sinamalari koʻrsatkichlarini qaytuvchan oshishi, shuningdek AST va ALT ning darajasini yaqqol oshishi kuzatilishi mumkin.

Keksa yoshdagi shaxslarda jigar va buyrak faoliyatini vaqti-vaqti bilan monitoring oʻtkazish kerak.

Infen-25 qon ivishiga taʼsir etuvchi preparatlar bilan bir vaqtda qoʻllanganida, qon ivish tizimini nazorat qilish kerak.

Deksketoprofen infeksion kasalliklarning simptomlarini yashirishi mumkin.

Nojoʻya samaralar paydo boʻlganida, shuningdek 3-5 kun davomida davolashdan soʻng klinik samara kuzatilmaganida, davolovchi shifokorga xabar berishi kerakligi toʻgʻrisida patsiyentlarni ogohlantirish kerak.

Homiladorlik va laktatsiyada qoʻllanishi

Infen-25 preparatini homiladorlikning uchinchi uch oyligida va laktatsiya davrida qoʻllash mumkin emas. Birinchi va ikkinchi uch oyliklarda Infen-25 preparatini juda zarurat boʻlganida, shifokorning tavsiyasiga koʻra, minimal dozalarda va juda qisqa vaqt davomida qoʻllash mumkin.

Pediatriyada qoʻllanishi

Bolalar va 18 yoshgacha boʻlgan oʻsmirlarga preparatni qoʻllash mumkin emas.

Avtotransportni haydash va mexanizmlarni boshqarish qobiliyatiga taʼsiri

Davolanish vaqtida avtotransportni boshqarishda va diqqatni yuqori jamlash va psixomotor reaksiyalar tezligini talab etuvchi boshqa potensial havfli faoliyat turlarini bajarishda ehtiyotkorlikka rioya qilish kerak.

Preparatni bolalar ololmaydigan joyda saqlash kerak va yaroqlilik muddati tugaganidan soʻng ishlatilmasin.

 

Dozani oshirib yuborilishi

Simptomlari: koʻngil aynishi, anoreksiya, abdominal ogʻriq, bosh ogʻrigʻi, bosh aylanishi, dezoriyentatsiya, uyqusizlik.

Davolash: meʼdani yuvish, gemodializ, simptomatik davolash.

 

Chiqarilish shakli

10 tabletkadan polivinilxlorid plyonka va alyumin folgali kontur uyali oʻramga joylanadi.

1 kontur uyali oʻram davlat va rus tillaridagi tibbiyotda qoʻllash boʻyicha yoʻriqnomasi bilan birga karton qutiga joylanadi.

 

Saqlash sharoiti

25oS dan yuqori boʻlmagan haroratda, quruq, yorugʻlikdan himoyalangan joyda saqlansin.

 

Yaroqlilik muddati

2 yil.

 

Dorixonalardan berish tartibi

Retsept boʻyicha