Ilovani yuklab oling
Yuklab olish
Индометацин свечи

Oson Apteka - Dorixonalar ma'lumotnomasi

Индометацин свечи 100мг №10

5 310 so'mdan
(5471)
Dorixonalardagi narx
Tavsif
Индометацин свечи 100мг №10
Xususiyatlari
Xalqaro nomlanishi
Ishlab chiqaruvchi
(ФАРМАПРИМ , Молдова)
Chiqarilish shakli
Farma. Guruh
Dori tafsilotlari
Қўллаш мумкин бўлмаган ҳолатлар
Дориларнинг ўзаро таъсири
Махсус кўрсатмалар
Чиқарилиш шакли
Дозани ошириб юборилиши
Таркиби
Сақлаш шароити
Фармакологик хусусиятлари
Яроқлилик муддати
Фармакокинетикаси
Дорихоналардан бериш тартиби
Қўлланилиши
Қўллаш усули ва дозалари
Ножўя таъсирлари
Қўллаш мумкин бўлмаган ҳолатлар

 Препаратга ва бошқа ностероид яллиғланишга қарши воситаларга (НЯҚВ) юқори сезувчанлик, меъда ва ўникки бармоқ ичакнинг яра касаллиги, проктит ва келиб чиқиши турли ректал қон кетишлар, юракнинг туғма нуқсонлари (Фалло тетрадаси, ўпка артериясининг атрезияси), тромбоцитопения, ҳомиладорлик ва эмизиш даври; 14 ёшгача бўлган болалар.

 

Дориларнинг ўзаро таъсири

Урикозурик препаратлар, гипотензив ва сийдик ҳайдовчи воситаларнинг (салуретиклар) самарадорлигини пасайтиради; билвосита антикоагулянтлар, антиагрегантлар, фибринолитикларнинг таъсирини, минералокортикоидлар, эстрогенлар, бошқа НЯҚВнинг ножўя таъсирини кучайтиради; сульфонилмочевина ҳосилаларининг гипогликемик самарасини кучайтиради.

Парацетамол, циклоспорин, олтин препаратлари билан бирга қўллаш нефротоксик самараларнинг ривожланиши хавфини оширади. Этанол, колхицин, глюкокортикостероидлар қон кетиши билан кечувчи гастроинтестинал асоратларнинг ривожланиши хавфини оширади.

 

Махсус кўрсатмалар

Циклоспорин билан бир вақтда қўлланганида буйракларнинг фаолиятини назорат қилиш керак.

Индометацинни қабул қилиш иложи борича алкоголли ичимликларни истемол қилишдан сақланиш лозим.

Препарат автомобилни бошқариш ва техника билан ишлаш қобилиятига таъсир қилмайди.

Препаратни болалар ололмайдиган жойда сақлаш ва ўрамида кўрсатилган яроқлилик муддати ўтгач ишлатмаслик лозим.

 

Чиқарилиш шакли

Ректал шамчалар 100 мг дан контур уяли ўрамларда.

 

Дозани ошириб юборилиши

Индометацин ректал қўлланганида дозани ошириб юборилиши жуда кам учрайди.

Симптомлари: кўнгил айниши, қусиш, кучли бош оғриғи, бош айланиши, хотирани бузилиши ва дезориентация. Оғир ҳолларда парестезиялар, оёқ-қўлларнинг увишиши, тиришишлар.

Даволаш: симптоматик даволаш, гемодиализ самарасиз.

 

Таркиби

Ректал шамчалар

1 ректал шамчани таркиби:

фаол модда: индометацин 100 мг

ёрдамчи модда: витепсол – 2,0 г массали суппозиторий олиш учун етарли миқдорда.



Сақлаш шароити

Ёруғликдан ҳимояланган жойда, 20°С дан юқори бўлмаган ҳароратда сақлансин.

 

Фармакологик хусусиятлари

Индолсирка кислотасининг ҳосиласи. Яллиғланишга қарши, иситмани туширувчи ва оғриқни қолдирувчи таъсир кўрсатади. Таъсир механизми простагландинларнинг (ПГ) (яллиғланиш, оғриқ ва иситманинг патогенезида муҳим ахамиятга эга бўлган), шунингдек бошқа яллиғланиш омилларининг синтезини сусайиши билан боғлиқ. Келиб чиқиши ревматик ва норевматик бўлган оғриқ синдромининг сусайишини ёки йўқолишини, тонгги танглик ва бўғимларнинг шишининг камайишини чақиради, ҳаракатлар ҳажмини ошишига ёрдам беради. Операциялар ва жароҳатлардан кейин пайдо бўлувчи яллиғланиш жараёнларида, жароҳат ўрнидаги яллиғланиш шишини камайтиради. Бирламчи альгодисменореяда препарат оғриқни пасайтиради ва қон кетишини камайтиради. Тромбоцитлар агрегациясини бостиради. Узоқ муддат қўлланганида десенсибилизацияловчи таъсир кўрсатади.

 

Яроқлилик муддати

2 йил.

 

Фармакокинетикаси

Индометацин тўғри ичакдан тез ва тўлиқ сўрилади. Асосан жигарда метаболизмга учрайди, юборилган дозанинг 70% метаболитлар кўринишида буйраклар орқали, 30% – меъда-ичак йўллари орқали чиқарилади. Диализда чиқарилмайди. Кўкрак сутига ўтади.

 

Дорихоналардан бериш тартиби

Рецепт бўйича.

 

Қўлланилиши

Бўғим синдроми (ревматоид артрит, остеоартрит, анкилозловчи спондилит, подагра), умуртқа поғонасидаги оғриқ, невралгиялар, миалгиялар, юмшоқ тўқималар ва бўғимларнинг травматик яллиғланиши, бириктирувчи тўқиманинг диффуз касалликлари, дисменорея. ЛОР-аъзоларининг инфекцион яллиғланиш касалликларида, аднекситда, простатитда, циститда ёрдамчи восита сифатида қўлланади.

 

Қўллаш усули ва дозалари

Ректал буюрилади. Катталарга суткада 2-3 марта 1 шамчадан (50 ёки 100 мг) буюрилади. Максимал суткалик доза 200 мг ни ташкил қилади, узоқ муддат қўлланганида 75 мг дан ошмаслиги керак. 14 ёшдан ошган болаларга тана вазнига 1,5-2,5 мг/кг дан буюрилади.

 

 

Ножўя таъсирлари

Меъда-ичак йўлларининг эрозив-ярали шикастланишлари, меъда-ичакдан қон кетишлар, токсик гепатит, қабзиятлар; артериал гипертензия, юрак ритмининг бузилишлари, суяк кўмигининг гипоплазмияси, апластик анемия, аутоиммун гемолитик анемия, агранулоцитоз, тромбоцитопения, тромбоцитларнинг фаолиятини бузилиши, суюқликнинг тутилиши, гипергликемия, гиперкалиемия, глюкозурия.

Маҳаллий реакциялар: жиғилдон қайнаши, қичишиш, аноректал соҳада оғирлик ҳисси, геморройнинг зўрайиши.