Ilovani yuklab oling
Yuklab olish
ИБУПРОФЕН СИРОП

Oson Apteka - Dorixonalar ma'lumotnomasi

ИБУПРОФЕН СИРОП 100МГ/5МЛ 100МЛ №1

5 000 so'mdan
(2187)
Dorixonalardagi narx
Xususiyatlari
Xalqaro nomi
IBUPROFEN
Ishlab chiqaruvchi
ДЕНТАФИЛ
Chiqarilish shakli
СИРОП
Farma. Guruh
Pharm Group Name
Dori tafsilotlari
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Qoʻllanilishi
Dori shakli: 
Tarkibi:
Taʼrifi: 
Farmakoterapevtik guruhi: 
Farmakologik xususiyatlari
Farmakokinetikasi
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan byerish tartibi
Qoʻllash usuli va dozalari

Preparat ichga, ovqatdan keyin qabul qilinadi.

Ishlatishdan oldin bir xil suspenziya hosil boʻlgunicha chayqating. Doza bolaning yoshi va tana vazniga qarab belgilanadi. Oʻrtacha bir martalik doza – sutkada 3-4 marta bolaning tana vazniga 5-10 mg/kg ni tashkil qiladi. Suspenziyaning maksimal sutkalik dozasi tana vazniga 20-30 mg/kg ni tashkil qiladi.

Yoshi (tana vazni)

 

Bir martalik doza

Qabul qilishlar soni

Maksimal sutkalik doza

6-12 oylik (7-9 kg)

2,5 ml (50 mg)

3 marta

7,5 ml (150 mg)

1-3 yosh (10-15 kg)

2,5 ml (50 mg)

3-4 marta

7,5-10 ml (150-200 mg)

3-6 yosh (16-20 kg)

5 ml (100 mg)

3 marta

15 ml (300 mg)

6-9 yosh (21-30 kg)

5 ml (100 mg)

4 marta

20 ml (400 mg)

9-12 yosh (31-41 kg)

10 ml (200 mg)

3 marta

30 ml (600 mg)

12 yoshdan katta (41 kg dan ortiq)

10 ml (200 mg)

4 marta

40 ml (800 mg)

Dozani har 6-8 soatda takrorlash mumkin.

Maksimal sutkalik dozadan oshirilmasin.

Ibuprofenning isitmani tushiruvchi samarasi qabul qilingandan keyin 30 minutdan soʻng rivojlanadi va 6-8 soat davomida davom etadi. 2 kun davomida isitmani tushiruvchi samarasi va 3 kun davomida ogʻriqni qoldiruvchi samarasi boʻlmaganida shifokorga murojaat qilish zarur. 6 oylikdan 1 yoshgacha boʻlgan bolalarga preparat shifokorning tavsiyasi boʻyicha buyuriladi.

 

Nojoʻya taʼsirlari

Ovqat hazm qilish tizimi tomonidan: koʻngil aynishi, qusish, ishtahani pasayishi, jigʻildon qaynashi, qorin sohasida ogʻriqlar, ich ketishi, qabziyat, meteorizm, jigar faoliyatini buzilishi, peptik yaralar, meʼda–ichak yoʻllaridan qon quyilishlari.

Allergik reaksiyalar: qichishish, toshma, bronxospastik sindrom, allergik rinit, Kvinke shishi, Stivens-Djonson sindromi, Layell sindromi.

Markaziy nerv tizimi tomonidan: bosh ogʻrigʻi, bosh aylanishi, uyquni buzilishi, xavotirlik, uyquchanlik, depressiya, qoʻzgʻalish, koʻrishni buzilishi (qaytuvchan toksik ambliopiya, noaniq koʻrish yoki ikkita koʻrish).

Siydik-chiqarish tizimi tomonidan: oʻtkir buyrak yetishmovchiligi, allergik nefrit, nefrotik sindrom (shishlar), poliuriya, sistit.

Qon yaratish aʼzolari tomonidan: anemiya, trombotsitopeniya, agranulotsitoz, leykopeniya.

Yurak-qon tomir tizimi tomonidan: yurak yetishmovchiligi, taxikardiya, arterial bosimni oshishi.

Ibuprofen qand saqlagani tufayli, uni qandli diabeti boʻlgan patsiyentlarda ehtiyotkorlik bilan qoʻllash zarur.

Yuqorida sanab oʻtilgan nojoʻya samaralardan birontasi paydo boʻlgan hollarda preparatni qabul qilishni toʻxtatish va shifokor bilan maslaxatlashish lozim.

 

Qoʻllash mumkin boʻlmagan holatlar

Ibuprofenga yoki boshqa NYAQV, shuningdek preparatning komponentlariga shaxsiy yuqori sezuvchanlik, atsetilsalitsil kislotasi yoki boshqa NYAQV qoʻllanganidan keyingi bronxospastik reaksiyalar (“aspirin astmasi”), meʼda va oʻn ikki barmoq ichakning yara kasalligi, jigar, buyrak, yurak-qon tomir faoliyatining yaqqol yetishmovchiligi, arterial gipertenziya, gemofiliya, gipokoagulyatsiya, gemorragik diatezlar, glyukozo-6-fosfatdegidrogenaza tanqisligi, Kvinke shishi, burun poliplari, eshitishni pasayishi, 6 oylikgacha boʻlgan (tana vazni 7 kg dan kam) bolalarda qoʻllash mumkin emas.

 

Qoʻllanilishi

Preparat 1 yoshdan 12 yoshgacha boʻlgan bolalarga tana xaroratini tushirish va ogʻriqni yengillashtirish uchun isitma tushiruvchi vosita sifatida: shamollash kasalliklarida, oʻtkir respirator virusli infeksiyalarda (OʻRVI), grippda, anginada (faringitda), bolalar infeksiyalarida, vaksinalardan keyingi reaksiyalarda va ogʻriqni qoldiruvchi vosita sifatida, tish ogʻrigʻida, tishlarni ogʻriqli chiqishida, bosh ogʻrigʻida, migrenda, nevralgiyalarda, mushak va boʻgʻimlardagi ogʻriqlarda, jarohatlar va kuyishlarda qoʻllanadi.

 

Dori shakli: 

Suspenziya

 

Tarkibi:

5 ml preparat quyidagilarni saqlaydi:

Faol modda: Ibuprofen – 100 mg.

Yordamchi moddalar: propilenglikol, glitserin, nipagin, nipazol, qand, polisorbat 80, aerosil, natriy karboksimetilsellyuloza, hushboʻy ozuqa essensiyasi, ozuqa boʻyovchisi, tozalangan suv.

 

Taʼrifi: 

Oʻziga xos meva hidli, toʻq-sariq rangli suspenziya.

 

 

Farmakoterapevtik guruhi: 

Nosteriod yalligʻlanishga qarshi vosita.

Farmakologik xususiyatlari

Preparat isitmani tushiruvchi, ogʻriqni qoldiruvchi, yalligʻlanishga qarshi taʼsir koʻrsatadi. Isitmani tushiruvchi taʼsiri markaziy nerv tizimida araxidon kislotasining kaskadida siklooksigenaza 1 va 2 (SOG 1 va 2) ni bloklanishi bilan bogʻliq boʻlib, ular prostaglandinlarni (PG) sintezini kamayishiga, orqa miya suyuqligida ularning konsentratsiyasini va termoregulyatsiya markazini qoʻzgʻalishini kamayishiga olib keladi va buning oqibatida tana xaroratini meʼyorlashuvi yuz beradi. Isitmalashda xaroratni pasaytirish samarasi qabul qilingandan keyin 30 minutdan soʻng boshlanadi, uning maksimal taʼsiri 3 soatdan keyin namoyon boʻladi.

Asosiy ogʻriq qoldiruvchi mexanizmi boʻlib, PG ning E, F va I sinflarini, biogen aminlarini ishlab chiqarilishini pasayishi hisoblanadi, bu notsiseptorlarning sezuvchanligini oʻzgarishi darajasida giperalgeziyani rivojlanishini oldini olishga olib keladi. Ogʻriqni qoldiruvchi taʼsiri yalligʻlanish xarakteriga ega ogʻriqlarda juda yaqqol namoyon boʻladi.

Yalligʻlanishga qarshi samarasi toʻqimalardagi SOG 1 va 2 faolligini susayishi bilan bogʻliq. Buning natijasida yaligʻlanish oʻchogʻlarida PG ni sintezi susayadi. Bu yalligʻlanish mediatorlarini sekretsiyasini kamayishiga va yalligʻlanish jarayonining eksudativ va proliferativ bosqichlarini faolligini pasayishiga olib keladi.

Barcha nosteroid yalligʻlanishga qarshi vositalar (NYAQV) kabi ibuprofen antiagregant faollikni namoyon qiladi.

Isitma tushiruvchi va ogʻriq qoldiruvchi taʼsiri yalligʻlanishga qarshi taʼsiriga qaraganda ertaroq va kichik dozalarda namoyon boʻladi (u davolanishning 5-7 kunlari boshlanadi).

 

Farmakokinetikasi

Peroral qoʻllangandan keyin ibuprofenning 80% dan ortigʻi ovqat-hazm qilish yoʻllaridan soʻriladi, qon plazmasidagi maksimal konsentratsiyasiga (Smax) 1 soatdan keyin erishiladi. Preparatning 90% qon plazmasi oqsillari bilan (asosan albuminlar bilan) bogʻlanadi. Ibuprofen boʻgʻim boʻshliqlariga sekin kiradi.

Qon plazmasidagi maksimal konsentratsiyaga erishish vaqti (TSmax) och qoringa qabul qilinganda – 45 minut, ovqatdan keyin qabul qilinganda – 1,5-2,5 soat, sinovial suyuqlikda 2-3 soat, u yerda qon plazmasidagiga qaraganda yuqoriroq konsentratsiyalarni hosil qiladi.

Organizmda toʻplanmaydi.

Ibuprofen yarim chiqarilish davri (T1/2) 2-2,5 soat boʻlgan eliminatsiyaning ikki bosqichli kinetikasiga ega. Asosan jigarda metabolizmga uchraydi. Tizim oldi va tizimdan keyingi metabolizmga uchraydi. Soʻrilgandan keyin ibuprofenning farmakologik nofaol-R-shaklining taxminan 60%, sekin faol-S shakliga aylanadi. Preparatning 60-90% buyrak orqali metabolitlar shaklida va ularning glyukuron kislotasi bilan birikmalarining maxsulotlari shaklida, kam darajada safro bilan va koʻpi bilan 1% oʻzgarmagan holda chiqariladi. Bir martalik dozani qabul qilingandan keyin preparat 24 soat davomida toʻliq chiqariladi.

 

Dorilarning oʻzaro taʼsiri

Preparatni boshqa NYAQV bilan bir vaqtda qoʻllash mumkin emas (masalan, atsetilsalitsil kislotasi ibuprofenning yalligʻlanishga qarshi taʼsirini kamaytiradi va nojoʻya taʼsirini kuchaytiradi).

Ibuprofen va diuretiklarni bir vaqtda buyurilishi diuretik samarani pasayishiga va buyrak yetishmovchiligini rivojlanishiga olib keladi. Ibuprofen gipotenziv vositalarning (β-adrenobloklovchi vositalar, tiazidlarning) taʼsirini susaytiradi. Angiotenzinga aylantiruvchi ferment (AAF) ingibitorlarining gipotenziv samaralarini, ularni buyrak orqali chiqarilishini pasaytirib tormozlaydi. Ibuprofen peroral gipoglekemik vositalarning (ayniqsa sulfonilmochevina hosilalarining) va insulinning samarasini kuchaytiradi. Mikrosomal oksidlanish induktorlari – fenitoin, etanol, barbituratlar, ziksorin, rifampitsin, fenilbutazin, tritsiklik antidepressantlar gidroksil guruhi qoʻshilgan faol metabolitlarni hosil boʻlishini kuchaytirib, ogʻir gepatotoksik reaksiyalarni rivojlanish xavfini oshiradi. Mikrosomal oksidlanish ingibitorlari – gepatotoksik taʼsir xavfini pasaytiradi. Bilvosita antikoagulyantlar, antiagregantlar, fibrinolitiklarning taʼsirini kuchaytiradi (gemorragik asoratlarni paydo boʻlish xavfini oshishi). Qonda digoksinning konsentratsiyasini oshiradi. Metotreksat va litiy preparatlarining toksik taʼsirini kuchaytiradi. Kofein ogʻriq qoldiruvchi samarani kuchaytiradi.

 

Maxsus koʻrsatmalar

NYAQV uzoq vaqt qoʻllanganda meʼda shilliq qavatini shikastlanishini, peptik yaralarni va ovqat hazm qilish yoʻllaridan qon ketishlarini rivojlanishini chaqirishi mumkin.

Preparatni: portal gipertenziyali jigar sirrozida, jigar va/yoki buyrak yetishmovchiligida, yurak yetishmovchiligida, nefrotik sindromida, giperbilirubenemiyada, meʼda va oʻn ikki barmoq ichak yara kasalligida (anamnezdagi), gastritda, enteritda, kolitda, noaniq etiologiyali qon kasalliklarida (leykopeniya va anemiya), homiladorlikda (II –III uch oyligi) va laktatsiyada ehtiyotkorlik bilan qabul qilish lozim.

Bronxial astmasi boʻlgan yoki bronxospazm bilan kechuvchi boshqa kasalliklari boʻlgan bemorlarda ibuprofen bronxospazmni paydo boʻlish xavfini oshiradi. Preparatni bunday patsiyentlarda qoʻllanishiga faqat katta ehtiyotkorlikka rioya qilingan sharoitdagina ruxsat beriladi, nafas qiyinlashgan hollarda esa, darhol shifokorga murojaat qilish lozim.

NYAQV bilan uzoq davolanish vaqtida periferik qon manzarasini va jigar va buyrakning funksional holatini nazorat qilish lozim. Gastropatiya belgilari paydo boʻlganida ezofagogastroduodenoskopiyani oʻtkazishni, gemoglobinni, gematokritni aniqlashni kiritilgan qon tahlilini, axlatda yashirin qon tahlilini oʻz ichiga oluvchi sinchkov nazorat koʻrsatilgan.

Preparat bolalar olaolmaydigan joyda saqlansin va yaroqlilik muddati oʻtgach ishlatilmasin.

 

Dozani oshirib yuborilishi

Simptomlari: qorinda ogʻriqlar, koʻngil aynishi, qusish, tormozlanish, bosh ogʻrigʻi, quloqlarda shovqin, depressiya, uyquchanlik, metabolik atsidoz, koma, gemorragik diatez, arterial bosimni pasayishi, tirishishlar, apnoe, oʻtkir buyrak yetishmovchiligi, jigar faoliyatini buzilishi, taxikardiya, bradikardiya, boʻlmachalar fibrillyatsiyasi. 5 yoshgacha boʻlgan, bolalarda ayniqsa apnoe, koma va tirishishlarga moyildirlar. Preparatni toksik taʼsiri bilan bogʻliq jiddiy oqibatlar odatda tana vazniga 400 mg/kg dan ortiq dozani qabul qilingandan keyin namoyon boʻladi.

Davolash: meʼdani yuvish, faollashtirilgan koʻmirni buyurish, ishqoriy suyuqlik ichish va simptomatik davolash.

 

Chiqarilish shakli

Ichga qabul qilish uchun 100 mg/5 ml suspenziya, 50, 90 va 100 ml sigʻimli flakonlarda. Har bir flakon qoʻllash boʻyicha yoʻriqnomasi bilan birga karton qutiga joylangan.

 

Saqlash sharoiti

Yorugʻlikdan himoyalangan joyda, 25ºS dan yuqori boʻlmagan haroratda saqlansin.

 

Yaroqlilik muddati

3 yil.

 

Dorixonalardan byerish tartibi

Retseptsiz.