Ilovani yuklab oling
Yuklab olish
Хлоропирамин АМПУЛЫ

Oson Apteka - Dorixonalar ma'lumotnomasi

Хлоропирамин АМПУЛЫ 20МГ/МЛ 1МЛ №10

7 000 so'mdan
(2391)
Dorixonalardagi narx
Xususiyatlari
Xalqaro nomi
Ishlab chiqaruvchi
АВВА РУС
Chiqarilish shakli
АМП
Farma. Guruh
Pharm Group Name
Dori tafsilotlari
Suprastin® inyeksiya uchun eritma preparatini qoʻllashni boshlashdan oldin nimalarni bilish kerak
Suprastin® inyeksiya uchun eritma preparatini qanday qoʻllash kerak
Boʻlishi mumkin boʻlgan nojoʻya reaksiyalar
Suprastin® inyeksiya uchun eritma preparati qanday saqlash kerak
Yaroqlilik muddati
Dorixonalardan berish tartibi
Suprastin® inyeksiya uchun eritma preparatini qoʻllashni boshlashdan oldin nimalarni bilish kerak

Suprastin® inyeksiya uchun eritma preparatini quyidagi hollarda buyurish mumkin emas:

  • agar Sizda faol modda xloropiramin gidroxloridiga yoki 8 boʻlimda keltirilgan yordamchi moddalardan birontasiga allergiya boʻlsa,
  • astmaning oʻtkir xurujida,
  • chala tugʻilgan chaqaloqlar va yangi tugʻilgan chaqaloqlarda,
  • homiladorlik va emizishda.

 

Tibbiy qoʻllashdagi ehtiyotkorlik choralari

Suprastin® inyeksiya uchun eritma preparatini qoʻllashni boshlashdan oldin davolovchi shifokoringiz yoki farmatsevt bilan maslahatlashing.

  • Suprastin® inyeksiya uchun eritma preparatini keksa va xolsizlangan patsiyentlarga ehtiyotkorlik bilan buyuriladi, chunki ular boʻlishi mumkin boʻlgan nojoʻya samaralarga (uyquchanlik, toliqish, bosh aylanishi, arterial bosimni pasayishi kabi) beriluvchandirlar
  • Kam hollarda bolalarda yaqqol xavotirlik rivojlanishi mumkin, chunki ular boʻlishi mumkin boʻlgan nojoʻya samaralarga sezuvchandir
  • Jigar faoliyatini buzilishida dozani kamaytirish zarurati tugʻilishi mumkin
  • Buyrak faoliyatini buzilishida dozani kamaytirish zarurati tugʻilishi mumkin
  • Yopiq burchakli glaukoma (Suprastin® inyeksiya uchun eritma preparatini qoʻllash glaukoma xurujini chaqirishi mumkin), yurak-qon tomir buzilishlari, tutqanoq, mushak kasalliklari, siydikni tutilishi, prostata bezi gipertrofiyasi va surunkali qabziyat kabi kasalliklarda Suprastin® ni alohida ehtiyotkorlik bilan qoʻllash lozim.
  • Agar Sizda ilgari antiallergik preparatlarni qoʻllaganda bosh aylanishi rivojlangan, allergik simptomlar yomonlashgan yoki boshqa nojoʻya reaksiyalar rivojlangan boʻlsa, ehtiyotkorlikka rioya qilish lozim.

Suprastin® preparatini qoʻllash fotosezuvchanlikni chaqirishi mumkin, shuning uchun davolash vaqtida quyosh ostida boʻlish mumkin emas.

Boshqa dori preparatlari va Suprastin® inyeksiya uchun eritma preparati

Siz qabul qilayotgan, yaqinda qabul qilgan yoki keyinchalik qabul qilishni rejalashtirgan har qanday dori vositalari, shu jumladan retseptsiz beriladigan dori vositalari haqida davolovchi shifokoringiz yoki farmatsevtga xabar bering.

Ayrim MAO ingibitorlari (moklobenid, selegin kabi) Suprastin® preparatining antixolinergik samaralarini (ogʻizni qurishi, qorachiqlarni kengayishi, koʻrish akkomodatsiyasini buzilishi, qabziyatlar, siydikni ajralishini buzilishi) kuchaytiradi va uzaytiradi. Shunday qilib, Suprastin® preparatini MAO ingibitorlari bilan birga qoʻllashdan saqlanish lozim.

Suprastin® preparatini atropin, sedativ analgetiklar, sedativ vositalar, uxlatuvchi vositalar, nerv tizimining holatiga taʼsir qiluvchi boshqa preparatlar, glaukomani davolash uchun koʻz tomchilari bilan bir vaqtda qoʻllanilganida alohida ehtiyotkorlikka rioya qilish lozim. Suprastin® va ushbu preparatdan har biri bir-birining samarasini kuchaytirishi mumkin.

Ototoksik preparatlar (masalan baʼzi antibiotiklar) bilan birga qoʻllanilganida Suprastin® ototoksiklikning erta belgilarini niqoblashi mumkin.

Antigistamin preparatlari teri allergik sinamalarida teri reaksiyalarini niqoblashi mumkin, shunga koʻra, bunday sinamani oʻtkazishdan bir necha kun oldin Suprastin® ni bekor qilish lozim.

Suprastin® inyeksiya uchun eritma preparatini ovqat va alkogol bilan qoʻllanishi

Alkogol antigistamin preparatlarining markaziy nerv tizimiga sedativ samarasini (uyquchanlik, toliqish, bosh aylanishi) kuchaytirishi mumkin, shuning uchun Suprastin® preparati bilan davolash vaqtida alkogolli ichimliklarni isteʼmol qilishdan saqlanish lozim.

Fertillik, homiladorlik va emizish

Agar Siz homilador boʻlsangiz, bola emizsangiz, homiladorman deb taxmin qilsangiz yoki homilador boʻlishni rejalashtirsangiz, bu xaqida davolovchi shifokoringizga xabar bering.

Homiladorlik

Homilador ayollarda preparatni qoʻllash boʻyicha tegishli nazoratli, adekvat tadqiqotlar oʻtkazilmagan. Ammo homiladorlikning soʻngi oylarida antigistamin preparatlarini qabul qilgan onalarning yangi tugʻilgan chaqaloqlarida koʻz gavhari orqasida biriktiruvchi toʻqima rivojlanishi taʼriflangan. Shuning uchun Suprastin® preparatini homiladorlarda qoʻllash mumkin emas.

Emizish

Emizish vaqtida Suprastin® preparatini qoʻllash boʻyicha tegishli nazoratli, adekvat tadqiqotlar oʻtkazilmaganligi tufayli, uni emizikli onalarda qoʻllash mumkin emas.

Agar Siz homilador boʻlsangiz yoki emizsangiz, har qanday dori vositasini qabul qilishdan oldin shifokor yoki farmatsevt bilan maslahatashing.

Transport vositalarini boshqarish va mexanizmlar bilan ishlash qobiliyatiga taʼsiri

Preparat ayniqsa davolashning boshida uyquchanlik va psixomotor faoliyatni buzilishini chaqirishi mumkin. Shuning uchun, davomiyligi shaxsiy ravishda aniqlanadigan boshlangʻich davrda transport vositalarini boshqarish yoki baxtsiz hodisalarning yuqori xavfi bilan bogʻliq ishlarni bajarish taqiqlanadi. Shundan soʻng transportni boshqarish va mexanizmlar bilan ishlashni cheklash darajasi yoki taqiqlashni shifokor har bir patsiyent uchun shaxsiy ravishda aniqlashi lozim.

Suprastin® inyeksiya uchun eritma preparatini qanday qoʻllash kerak

Suprastin® inyeksiya uchun eritma preparatining dozasi va davolash davomiyligi shifokor tomonidan belgilanadi.

Dozalash tartibi

Kattalarga: tavsiya etiladigan sutkalik doza – 1-2 ampula mushak ichiga

Bolalar va oʻsmirlarga:

Tavsiya etiladigan boshlangʻich dozalar:

1 oylikdan 12 oylikkacha boʻlgan bolalar: ¼ ampula m/i;

1 yoshdan 6 yoshgacha boʻlgan bolalarga: ½ ampula m/i;

6 yoshdan 14 yoshgacha boʻlgan bolalarga: ½ -1 ampula m/i.

Patsiyentning reaksiyasi va kuzatilayotgan nojoʻya samaralarga qarab dozani ehtiyotkorlik bilan oshirish mumkin, ammo doza hech qachon tana vazniga 2 mg/kg dan oshmasligi kerak.

Anafilaktik shokda yoki ogʻir darajali oʻtkir allergik reaksiyada davolashni Suprastin® ni vena ichiga sekin inyeksiyasidan ehtiyotkorlik bilan boshlash lozim, undan soʻng davolashni mushak ichiga inyeksiyalar yoki preparatni ichga qabul qilish bilan davom ettiriladi.

Patsiyentlarning alohida guruhlari:

Keksa, xolsizlangan bemorlar:

Suprastin® preparatini qoʻllash alohida ehtiyotkorlikni talab etadi, chunki bu bemorlar antigistamin preparatlarining nojoʻya samaralariga (bosh aylanishi, uyquchanlik, arterial bosimni pasayishi) koʻproq sezuvchandirlar.

Jigar faoliyatini buzilishi

Jigar kasalliklarida preparatning faol komponentining metabolizmi pasayishi bilan bogʻliq dozani kamaytirish talab etilishi mumkin.

Buyrak faoliyatini buzilishi

Faol komponent asosan buyrak orqali chiqarilganligi bilan bogʻliq preparatni qabul qilish tartibini oʻzgartirish va dozasini kamaytirish talab etilishi mumkin.

Agar Sizga Suprastin® inyeksiyasi buyurilganidan koʻproq yuborilsa:

Antigistamin preparatlarining dozasini ataylab yoki bexosdan oshirib yuborilganda, ayniqsa yangi tugʻilgan chaqaloqlar va bolalarda patsiyentning oʻlimiga olib kelishi mumkin.

Suprastin® preparatining dozasi oshirib yuborilganda atropin bilan zaharlanishga xarakterli boʻlgan simptomlar va belgilar: gallyutsinatsiyalar, bezovtalik, ataksiya (harakat koordinatsiyasini buzilishi), atetoz, tirishishlar rivojlanadi. Kichik yoshdagi bolalarda qoʻzgʻalish kuzatiladi. Baʼzida ogʻizni qurishi, fiksatsiyalangan qorachiqni kengayishi, yuzni qizarishi, sinusli taxikardiya, siydikni tutilishi, isitma paydo boʻladi. Kattalarda isitma va yuzni qizarishi doimo kuzatiladi, qoʻzgʻalish davridan keyin esa tirishish va keyinchalik depressiya keladi. Nihoyat, 2-18 soat davomida patsiyentning oʻlimiga olib kelishi mumkin boʻlgan koma va yurak-oʻpka yetishmovchiligi rivojlanadi.

Yurak-qon tomir tizimi va nafas tizimining koʻrsatkichlarini monitorlash, shuningdek simptomatik davolash tavsiya etiladi. Maxsus antidoti nomaʼlum.

Dozani oshirib yuborilishini davolash:

Yurak-oʻpka tizimining koʻrsatkichlarini monitorlash, shuningdek simptomatik davolash tavsiya etiladi. Maxsus antidoti nomaʼlum.

 

Agar Siz Suprastin® inyeksiya uchun eritma preparati bilan davolashni muddatidan oldin toʻxtatgan boʻlsangiz

Agar Siz Suprastin® inyeksiya uchun eritmasi bilan davolashni rejalashtirilgandan oldinroq toʻxtatgan boʻlsangiz, bu noxush oqibatlarga olib kelmaydi, faqat Sizning kasalligingiz simptomlari qaytalanishi va shikoyatlar kuchayishi mumkin.

Agar Sizda ushbu preparatni qoʻllash boʻyicha qoʻshimcha savollar tugʻilsa, shifokor yoki farmatsevtga murojaat eting.

Boʻlishi mumkin boʻlgan nojoʻya reaksiyalar

Barcha dori vositalari kabi, ushbu preparat ham nojoʻya reaksiyalar chaqirishi mumkin, lekin ular hammada patsiyentlarda paydo boʻlavermaydi.

Suprastin® preparati bilan davolash vaqtida quyidagi nojoʻya samaralar paydo boʻlishi mumkin:

Boʻlishi mumkin boʻlgan nojoʻya samaralaring tez-tezligi (paydo boʻlishi ehtimoli) quyidagicha tasniflangan:

Juda tez-tez: 10 patsiyentdan 1 tadan koʻproq uchraydi.

Tez-tez: 100 patsiyentdan 1-10 tada uchraydi.

Tez-tez emas: 1000 patsiyentdan 1-10 tada uchraydi.

Kam hollarda: 10000 patsiyentdan 1-10 tada uchraydi.

Juda kam xollarda: 10000 patsiyentdan 1tadan kamroq uchraydi.

Tez-tezligi nomaʼlum: mavjud boʻlgan maʼlumotlar asosida baholab boʻlmaydi.

Qon va limfatik tizimi tomonidan buzilishlar:

Juda kam hollarda: oq qon tanachalari sonini kamayishi, qizil qon tanachalari sonini kamayishi, qon tizimining boshqa buzilishlari.

Immun tizimi tomonidan:

Juda kam hollarda: allergik reaksiyalar

Nerv tizimi tomonidan buzilishlar:

Juda kam hollarda: sedativ samara, toliqish, bosh aylanishi, harakat koordinatsiyasini buzilishi, nerv qoʻzgʻaluvchanlik, titroq, tirishish, bosh ogʻrigʻi, kayfiyatni noadekvat koʻtarilishi (eyforiya)

Koʻrish aʼzosi tomonidan buzilishlar:

Juda kam hollarda: koʻz ichki bosimini oshishi, glaukoma xurujlari, koʻrishni noaniqligi

Yurak tomonidan buzilishlar:

Juda kam hollarda: yurak qisqarishlarini tezlashishi (taxikardiya), yurak qisqarishlarini muntazam boʻlmasligi (aritmiya).

Qon-tomirlar tomonidan buzilishlar:

Juda kam hollarda: arterial bosimni pasayishi (gipotenziya)

Meʼda-ichak yoʻllari tomonidan buzilishlar:

Juda kam hollarda: epigastriyda yoki qorinda noxush hissiyotlar, ogʻriq, ogʻizni qurishi, koʻngil aynishi, qusish, ich ketishi, qabziyat, ishtahani yoʻqolishi yoki oshishi, qorinda ogʻriq.

Teri va teri osti toʻqimalari tomonidan buzilishlar:

Juda kam hollarda: yorugʻlikka sezuvchanlik

Skelet-mushak va biriktiruvchi toʻqima tomonidan buzilishlar:

Juda kam hollarda: mushakda ogʻriq yoki kuchsizlik

Buyrak va siydik chiqarish yoʻllari tomonidan buzilishlar:

Juda kam hollarda: siyishni qiyinlashishi, siydikni tutilishi.

Antigistamin vositalarni uzoq muddat qoʻllaganda juda kam hollarda qon yaratilishini buzilishi rivojlanishi mumkin. Agar preparatni surunkali qoʻllaganda boshqa sabablar bilan tushuntirib boʻlmaydigan isitma, hiqildoqni yalligʻlanishi (laringit), ogʻiz boʻshligʻi shilliq qavatini yaralanishi, oqarish, sariqlik, gematomalar, odatdagi boʻlmagan, qiyinchilik bilan toʻxtatiladigan qon ketishlar rivojlansa, bunday hollarda shaklli elementlarga nisbatan qon tahlilini oʻtkazish lozim. Agar tahlil natijalari qon yaratilishini buzilishini koʻrsatsa, Suprastin® preparati bilan davolashni bekor qilish kerak.

Ushbu yoʻriqnomada koʻrsatilmagan har qanday nojoʻya samaralar aniqlanganida, iltimos, shifokor yoki farmatsevtga murojaat eting.

Nojoʻya samaralar haqida xabar berib, Siz bu preparatning xavfsizligi xaqida qoʻshimcha maʼlumot olishingiz mumkin.

 

Suprastin® inyeksiya uchun eritma preparati qanday saqlash kerak

15-25oS haroratda saqlansin. Preparat bolalar olaolmaydigan joyda saqlansin!

Dori vositalarini maishiy chiqindilar yoki oqava suvlarga tashlash mumkin emas. Agar kerak boʻlmagan preparatni chiqindilarga tashlash kerak boʻlsa, farmatsevt bilan maslahatlashing. Bu choralar atrof-muhitni ifloslanishini oldin olishga yordam beradi.

Yaroqlilik muddati

Yaroqlilik muddati oʻramida koʻrsatilgan.

Oʻramida koʻrsatilgan yaroqlilik muddati oʻtganidan keyin preparat ishlatilmasin! Yaroqlilik muddatining oʻtish sanasi koʻrsatilgan oyning oxirgi kuni hisoblanadi.

 

Dorixonalardan berish tartibi

Shifokor retsepti boʻyicha beriladi.