Ilovani yuklab oling
Yuklab olish
ГОФЕН КАПСУЛА

Oson Apteka - Dorixonalar ma'lumotnomasi

ГОФЕН КАПСУЛА 400МГ №10

9 000 so'mdan
(4257)
Dorixonalardagi narx
Xususiyatlari
Xalqaro nomi
Ishlab chiqaruvchi
МЕГА ЛАЙФСАЙНСИЗ ЛТД
Chiqarilish shakli
КАПС
Farma. Guruh
Pharm Group Name
Dori tafsilotlari
Dori shakli:
Tarkibi:
Taʼrifi: 
Farmakoterapevtik guruhi: 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli:

 kapsulalar

 

Tarkibi:

Bir kapsula quyidagilarni saqlaydi:

faol modda: 200 mg yoki 400 mg ibuprofen;

yordamchi moddalar: polietilenglikol 600, kaliy gidroksidi, tozalangan suv, kapsula qobigʻi (jelatin, 70% li sorbitol eritmasi, tozalangan suv).

 

Taʼrifi: 

uzunchoq shaklli, tabiiy rangli, tiniq, rangsiz, moysimon suyuqlik bilan toʻldirilgan yumshoq jelatin kapsulalar.

 

Farmakoterapevtik guruhi: 

nosteroid yalligʻlanishga qarshi preparat (NYAQP)

 

 

Farmakologik xususiyatlari

Farmakodinamikasi

Nosteroid yalligʻlanishga qarshi preparatlar (NYAQP) guruhiga mansub boʻlgan, propion kislotasining hosilasi ibuprofenning taʼsir mexanizmi ogʻriq, yalligʻlanish va gipertermik reaksiyaning mediatorlari – prostaglandinlar sintezini ingibitsiya qilishiga bogʻliqdir. Siklooksigenaza 1 (SOG-1) va siklooksigenaza 2 (SOG-2) tanlamay bloklaydi, buning oqibatida prostaglandinlar sintezini tormozlaydi. Ogʻriqqa qarshi tez yoʻnaltirilgan (ogʻriq qoldiruvchi), isitmani tushiruvchi va yalligʻlanishga qarshi taʼsir koʻrsatadi. Bundan tashqari, ibuprofen trombotsitlar agregatsiyasini qaytuvchan ingibitsiya qiladi.

Farmakokinetikasi

Soʻrilishi – yuqori, meʼda-ichak yoʻllari (MIY) dan tez va deyarli toʻliq soʻriladi. Preparatning 2 kapsulasi och qoringa qabul qilingandan soʻng ibuprofen qon plazmasida 15 minutdan soʻng aniqlanadi, ibuprofenning qon plazmasidagi maksimal konsentratsiyasi (Smax) ga 30-40 minutdan keyin erishiladi, bu, 200 mg qobiq bilan qoplangan tabletka dori shaklidagi Gofen preparatining ekvivalent dozasi qabul qilinganidan soʻng kuzatiladigan koʻrsatkichdan ikki marta tezroq.

Preparatni ovqat bilan birga qabul qilish maksimal konsentratsiyaga erishish vaqtini (TSmax) oshirishi mumkin. qon plazmasi oqsillari bilan bogʻlanishi 90% dan yuqori, yarim chiqarilish davri (T1/2) – 2 soat. Boʻgʻimlar boʻshligʻiga sekin kiradi, plazmadagiga nisbatan yuqoriroq konsentratsiyani hosil qilib, sinovial toʻqimada tutib qolinadi. Soʻrilganidan soʻng farmakologik faol boʻlmagan R-shaklining taxminan 60% faol S-shakliga asta-sekin aylanadi. Jigarda metabolizmga uchraydi. Buyrak orqali (oʻzgarmagan holda koʻpi bilan 1%) va kamroq darajada safro bilan chiqariladi.

Keksa odamlarda yoshroq insonlarga nisbatan preparatning farmakokinetik profilida ahamiyatli farqlar aniqlanmagan.

Cheklangan tadqiqotlarda ibuprofen koʻkrak sutida juda past konsentratsiyalarda aniqlangan.

 

Qoʻllanilishi

Gofen bosh ogʻrigʻi, migren, tish ogʻrigʻi, ogʻriqli hayz koʻrish, nevralgiya, beldagi ogʻriq, mushak va revmatik ogʻriqlarda; gripp va shamollash kasalliklaridagi isitmalash holatlarida qoʻllanadi.

 

Qoʻllash usuli va dozalari

Preparatni qabul qilishdan oldin yoʻriqnomani diqqat bilan oʻqib chiqing.

Ichga qabul qilish uchun. Faqat qisqa muddat qoʻllash uchun.

Kattalar va 12 yoshdan oshgan bolalar: ichga 1 kapsula (200 mg) dan, chaynamasdan, sutkada 3-4 martagacha. Kapsulani suv bilan ichish lozim. Preparatni qabul qilish orasidagi interval 6-8 soatni tashkil qilishi kerak. Tezroq terapevtik samaraga erishish uchun kattalarda bir martalik dozani sutkada 3 marta 400 mg gacha oshirish mumkin.

Maksimal sutkalik doza 1200 mg ni tashkil qiladi. 12-17 yoshgacha boʻlgan bolalar uchun maksimal sutkalik doza 1000 mg ni tashkil qiladi.

Agar preparat qabul qilinganidan keyin 2-3 kun davomida simptomlar saqlansa yoki kuchaysa, davolashni toʻxtatish va shifokorga murojaat qilish zarur.

 

Nojoʻya taʼsirlari

Nojoʻya reaksiyalarni yuz berish tez-tezligini baholash quyidagi mezonlarga asosan amalga oshirilgan: juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1000 dan <1/100 gacha), kam hollarda (≥1/10 000 dan <1/1000 gacha), juda kam hollarda (<1/10 000), tez-tezligi nomaʼlum (tez-tezligini baholash boʻyicha maʼlumotlar yoʻq).

Qon va limfatik tizimi tomonidan buzilishlar

Juda kam hollarda: anemiya, leykopeniya, aplastik anemiya, gemolitik anemiya, trombotsitopeniya, pansitopeniya, agranulotsitoz.

Immun tizimi tomonidan buzilishlar

Tez-tez emas: bronxial astma, shu jumladan uni zoʻrayishi, bronxospazm, hansirash, dispnoe, qichishish, eshakemi, purpura, Kvinke shishi, eksfoliativ va bullez dermatozlar, shu jumladan toksik epidermal nekroliz (Layell sindromi), Stivens-Djonson sindromi, koʻp shaklli eritema, allergik rinit, eozinofiliya.

Meʼda-ichak yoʻllari tomonidan buzilishlar

Tez-tez emas: qorinda ogʻriq, koʻngil aynishi, dispepsiya (shu jumladan jigʻildon qaynashi, qorinni dam boʻlishi).

Kam hollarda: diareya, meteorizm, qabziyat, qusish.

Juda kam hollarda: peptik yaralar, meʼda-ichakdan qon ketishi yoki teshilishi, yarali stomatit, gastrit.

Tez-tezligi nomaʼlum: kolitni zoʻrayishi va Kron kasalligi

Jigar va oʻt chiqarish yoʻllari tomonidan buzilishlar

Juda kam hollarda: gepatit va sariqlik ayniqsa uzoq muddat qoʻllanganida.

Buyrak va siydik chiqarish yoʻllari tomonidan buzilishlar

Juda kam hollarda: oʻtkir buyrak yetishmovchiligi, ayniqsa uzoq muddat qoʻllanganda qon plazmasida mochevina konsentratsiyasini oshishi va shishlarni paydo boʻlishi mumkin.

Nerv tizimi tomonidan buzilishlar

Tez-tez emas: bosh ogʻrigʻi.

Yurak-qon tomir tizimi tomonidan buzilishlar

Tez-tezligi nomaʼlum: yurak yetishmovchiligi, periferik shish.

Nafas tizimi va koʻks oraligʻi aʼzolari tomonidan buzilishlar

Tez-tezlishi nomaʼlum: bronxial astma, bronxospazm, hansirash.

Nojoʻya samaralar paydo boʻlganida preparatni qabul qilishni toʻxtatish va shifokorga murojaat qilish lozim.

 

 

Qoʻllash mumkin boʻlmagan holatlar
  • Preparatning tarkibiga kiruvchi ibuprofenga yoki har qanday komponentga yuqori sezuvchanlik.
  • Bronxial astma, burun yoki burun oldi boʻshliqlarining qaytalanuvchi polipozi va atsetilsalitsil kislotasi yoki boshqa nosteroid yalligʻlanishga qarshi preparatlarni oʻzlashtirolmaslikni toʻliq yoki notoʻliq qoʻshilib kelishi (shu jumladan anamnezdagi).
  • Meʼda-ichak yoʻllari aʼzolarining eroziv-yarali kasalliklari (shu jumladan meʼda va oʻn ikki barmoq ichak yara kasalligi, Kron kasalligi, yarali kolit) yoki faol bosqichida yoki anamnezida yaradan qon ketishi (yara kasalliklari yoki yaradan qon ketishining ikki yoki undan ortiq shikastlangan epizodlari).
  • NYAQP ni qabul qilinishi oqibatida qoʻzgʻalgan anamnezdagi meʼda-ichak yoʻllaridagi yaradan qon ketishi yoki perforatsiya.
  • Ogʻir jigar yetishmovchiligi yoki faol fazadagi jigar kasalligi.
  • Ogʻir darajadagi buyrak yetishmovchiligi (kreatinin klirensi <30 ml/min), tasdiqlangan giperkaliyemiya.
  • Dekompensatsiyalangan yurak yetishmovchiligi, aortokoronar shuntlash oʻtkazilgandan keyingi davr.
  • Serebrovaskulyar yoki boshqa qon ketishlari.
  • Gemofiliya qon ivishining boshqa buzilishlari (shu jumladan gipokoagulyatsiya), gemorragik diatezlar.
  • Fruktozani oʻzlashtirolmaslik
  • Homiladorlik (III uch oylik).
  • 12 yoshgacha boʻlgan bolalarda qoʻllash mumkin emas.

 

Dorilarning oʻzaro taʼsiri

 

Ibuprofenni quyidagi dori vositalari bilan bir vaqtda qoʻllashga yoʻl qoʻymaslik kerak:

Asetilsalitsil kislotasi: shifokor tomonidan buyurilgan atsetilsalitsil kislotasining past dozalari (koʻpi bilan sutkada 75 mg) dan tashqari, chunki birga qoʻllash nojoʻya samaralarni yuz berish xavfini oshirishi mumkin. Bir vaqtda qoʻllanganda ibuprofen atsetilsalitsil kislotasining yalligʻlanishga qarshi va antiagregant taʼsirini pasaytiradi.

Boshqa NYAQP, shu jumladan SOG-2 ning selektiv ingibitorlari: NYAQP guruhidan ikki va undan ortiq preparatlarni bir vaqtda qoʻllashdan, nojoʻya samaralarni yuz berish xavfi oshishi mumkinligi tufayli bir vaqtda qoʻllashdan saqlanish kerak.

Quyidagi dori vositalari bilan bir vaqtda ehtiyotkorlik bilan qoʻllash kerak:

Antikoagulyantlar va trombolitik preparatlar: NYAQP antikoagulyantlarning, xususan, varfarinning va trombolitik preparatlarning samarasini kuchaytirishi mumkin.

Antigipertenziv vositalar (AAF ingibitorlari va angiotenzia II antagonistlari) va diuretiklar: NYAQP bu guruh preparatlarning samaradorligini pasaytirishi mumkin. Diuretiklar va AAF ingibitorlari NYAQP ning nefrotoksikligini oshirishi mumkin.

Glyukokortikosteroidlar: MIY da yaralarni hosil boʻlish va meʼda-ichak yoʻllaridan qon ketishlari xavfi oshadi.

Antiagregantlar va serotoninni qayta qamrab olinishining selektiv ingibitorlari: meʼda-ichak yoʻllaridan qon ketishlarini yuz berish xavfi oshadi.

Xinolon qatori antibiotiklari: NYAQP va xinolon qatori antibiotiklarini birga qabul qilayotgan patsiyentlarda tirishishlarni yuz berish xavfi oshishi mumkin.

Buyrak naychaoari sekretsiyasini bloklovchi dori vositalari: ibuprofenni chiqarilishini pasayishi va uning plazmadagi konsentratsiyasini oshishi yuz beradi.

Peroral gipoglikemik dori vositalari va insulin, sulfonilmochevina hosilalari: samarasi kuchayadi.

Antatsidlar va kolestiramin: soʻrilishi susayadi.

Kofein: ogʻriq qoldiruvchi samarasi kuchayadi.

 

Maxsus koʻrsatmalar

Preparatni maksimal ravishda iloji boricha qisqa kurslarda va simptomlarni bartaraf etish uchun zarur boʻlgan minimal samarali dozada qabul qilish tavsiya etiladi.

Uzoq muddatli davolanish vaqtida periferik qon manzarasini va jigar hamda buyrakning funksional holatini nazorat qilish kerak. Gastropatiya belgilari paydo boʻlganida ezofagogastroduodenoskopiya, qon umumiy tahlilini (gemoglobin miqdorini aniqlash), ahlatda yashirin qon borligi yuzasidan tahlilini oʻz ichiga oluvchi sinchkov nazorat koʻrsatilgan. 17-ketosteroidlarni aniqlash zarurati tugʻilganida, tekshirishdan 48 soat oldin preparatni bekor qilish kerak. Davolanish davrida etanolni qabul qilish tavsiya etilmaydi.

Buyrak yetishmovchiligi boʻlgan patsiyentlar preparatni qoʻllashdan oldin shifokor bilan maslahatlashishlari lozim, chunki buyrakning funksional holatini yomonlashish xavfi mavjud boʻladi.

Homiladorlikda va emizish davrida qoʻllanilishi

Preparatni homiladorlikning III uch oyligida qoʻllash mumkin emas. Preparatni homiladorlikning I-II uch oyliklarida qoʻllashdan saqlanish kerak, preparatni qabul qilish zarurati tugʻilganida shifokor bilan maslahatlashish lozim. Ibuprofen juda oz miqdorlarda koʻkrak sutiga oʻtishi mumkinligi toʻgʻrisida maʼlumotlar mavjud. Preparatni uzoq muddat qoʻllash zarurati tugʻilganida, preparatni qoʻllash davrida emizishni toʻxtatish masalasini xal etish uchun shifokorga murojaat qilish lozim.

Transport vositalari, mexanizmlarni boshqarish qobiliyatiga taʼsiri.

Ibuprofenni qabul qilganda bosh aylanishi, uyquchanlik, tormozlanish yoki koʻrishni buzilishini his etuvchi patsiyentlar avtotransportni haydash yoki mexanizmlarni boshqarishdan saqlanishlari lozim.

Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Bolalarda dozani oshirib yuborish simptomlari tana vazniga 400 mg/kg dan ortiq dozani qabul qilgandan keyin yuz berishi mumkin. Kattalarda dozani oshirib yuborish simptomlarini dozaga bogʻliqligi kamroq namoyon boʻladi. Doza oshirib yuboilganda preparatni yarim chiqarilish davri 1,5-3 soatni tashkil etadi.

Simptomlari: koʻngil aynishi, qusish, epigastral sohada ogʻriq, kamroq hollarda – diareya, quloqni shangʻillashi, bosh ogʻrigʻi, meʼda-ichakdan qon ketishi. Ogʻirroq hollarda markaziy nerv tizimi tomonidan koʻrinishlar: uyquchanlik, kam hollarda – qoʻzgʻalish, tirishishlar, dezoriyentatsiya, koma kuzatiladi.

Davolash: simptomatik. Follashtirilgan koʻmirni peroral qoʻllash yoki ibuprofenning potensial toksik dozasi qabuol qilingandan keyin 1 soatdan soʻng meʼdani yuvish tavsiya etiladi. Agar ibuprofen soʻrilib boʻlgan boʻlsa, ibuprofenning kislotali hosilasini buyrak orqali chiqarish maqsadida ishqoriy suyuqliklarni ichish, jadallashtirilgan diurez buyurilishi mumkin. Tez-tez kuzatiladigan yoki davomli tirishishlarni diazepam yoki lorazepamni vena ichiga yuborib bartaraf etish kerak. Bronxial astmani kechishi yomonlashganda bronxodilatatorlarni qoʻllash tavsiya etiladi.

 

Chiqarilish shakli

6 kapsuladan PVX va alyumin folgali blisterda. 10 blister qoʻllash boʻyicha yoʻriqnomasi bilan karton qutiga joylanadi.

 

 

 

Saqlash sharoiti

Quruq, yorugʻlikdan himoyalangan joyda, 25oS dan yuqori boʻlmagan haroratda saqlansin.

 

Yaroqlilik muddati

2 yil.

 

Dorixonalardan berish tartibi

Retseptsiz.