Ilovani yuklab oling
Yuklab olish
Герпевир ПОР

Oson Apteka - Dorixonalar ma'lumotnomasi

Герпевир ПОР Д/ИН 250МГ ФЛ №10

391 600 so'mdan
(5471)
Dorixonalardagi narx
Tavsif
Герпевир ПОР Д/ИН 250МГ ФЛ №10
Xususiyatlari
Xalqaro nomlanishi
Aciclovir
Ishlab chiqaruvchi
(Артериум , Украина)
Chiqarilish shakli
порошок для инфузий
Farma. Guruh
Противовирусные средства
Dori tafsilotlari
Chiqarilish shakli
Farmakodinamikasi
Farmakokinetikasi
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan xolatlar
Dorilarning oʻzaro taʼsiri
Nomutanosibligi
Maxsus koʻrsatmalar
Dozani oshirib yuborilishi
Saqlash sharoiti
Yaroqlilik muddati
Dorixonalardan berish tartibi
Chiqarilish shakli

250 mg dan flakonlarda 10 flakondan oʻramda.

Farmakodinamikasi

Asiklovir in vitro va in vivo sharoitlarda gerpes viruslari, shu jumladan, I va II turidagi Herpes simplex, Varicella zoster virusi, Epshteyn-Barr (EBV) virusi va sitomegalovirus (SMV) ga qarshi yuqori faollikka ega boʻlgan purinli nukleozidning sintetik analogi hisoblanadi.

Asiklovirning I va II tip gerpes oddiy virusi, Varicella zoster virusi va Epshteyn-Barr viruslariga ingibitsiya qiluvchi faolligi yuqori selektivdir. Infeksiyalanmagan normal hujayrada timidinkinaza fermenti atsiklovir uchun subtrat hisoblanmaydi, shuning uchun u odam hujayralariga nisbatan juda ham past zaharlilikka ega. Biroz, yuqorida koʻrsatilgan viruslarda kodlangan timidinaza atsiklovirni nukleozid analogi atsiklovir monofosfatga, soʻngra difosfatga va undan keyin – trifosfatga aylanadi. Asiklovir trifosfati virus DNK-polimerazasi bilan oʻzaro taʼsirlashadi va virus DNKsi replikatsiyasini tormozlaydi.

Immuniteti susaygan ogʻir bemorlarni uzoq vaqt davomida va takroriy kurslarda davolaganda virusning ayrim shtammlarining atsiklovirga nisbatan sezgirligi pasayishi mumkin. Sezmaslikning koʻpchilik klinik hollari virus timidinkinazasi tanqisligi bilan bogʻliq, lekin, timidinkinaza va DNK-polimeraza shikastlanishi toʻgʻrisida xabarlar bor. In vitro sharoitlarda oddiy gerpesi baʼzi viruslarining atsiklovir bilan oʻzaro taʼsiri sezgirligi kam boʻlgan shtammlarni shakllanishiga olib kelishi mumkin.

In vitro baʼzi bir oddiy gerpes viruslarining sezgirligi va atsiklovir bilan klinik davolash natijalari orasidagi oʻzaro bogʻliqlik oxirigacha aniqlanmagan.

Farmakokinetikasi

Buyrak funksiyasi normal boʻlgan kattalarda vena ichiga yuborilgandan keyin yarim chiqarilish davri 2,9 soatni tashkil etadi.

Preparatning koʻp qismi buyrak orqali oʻzgarmagan holda chiqarib yuboriladi. Asiklovirning buyrak klirensi kreatinin klirensidan ancha darajada yuqori boʻlib, bu, atsiklovirni nafaqat buyrak kalavalari filtratsiyasi orqali, balki yana buyrak kanalchalari sekretsiyasi orqali chiqarilishidan dalolat beradi. Asiklovirning asosiy metaboliti 9-karboksilmetoksimetilguanin hisoblanadi va siydikda u, yuborilgan preparatning dozasini 10-15% ni tashkil etadi. Asiklovir 1 g probenetsiddan soʻng 1 soat oʻtgach buyurilganda atsiklovirning T1/2 va AUC koʻrsatkichlari tegishli ravishda 18% va 40% ga ortadi.

2,5 mg/kg, 5 mg/kg, 10 mg/kg va 15 mg/g dozada infuziya qilinganda kattalarda atsiklovirning oʻrtacha Sssmax koʻrsatkichi tegishli ravishda 22,7 mkmol (5,1 mkg/ml),
43,6 mkmol (9,8 mkg/ml), 92 mkmol (20,7 mkg/ml) va 105 mkmol (23,6 mkg/ml) ni tashkil etadi.

Infuziya qilingandan keyin 7 soat oʻtgach preparatning Sssmax qon plazmada tegishli ravishda 2,2 mkmol (0,5 mkg/ml), 3,1 mkmol (0,7 mkg/ml), 10,2 mkmol (2,3 mkg/ml) va
8,8 mkmol (2 mkg/ml) ni tashkil etadi.

1 yoshdan katta bolalarda atsiklovirni 250 mg/m2 va 500 mg/mdozalarda yuborilganda Sssmax va Sssmax koʻrsatkichlari kattalardagi 5 mg/kg va 10 mg/kg dozalardagi koʻrsatkichlarga toʻgʻri keladi. Chaqaloqlar (0 dan 3 oylikkacha) atsiklovir 10 mg/kg dozada infuziya koʻrinishida 1 soat davomida har 8 soatda yuborilganda Sssmax 61,2 mkmol (13,8 mkg/ml) ni, Sssmax 10,1 mkmol (2,3 mkg/ml) ni tashkil etgan, T1/2 – 3,8 soat. Keksa yoshdagilarda atsiklovirning klirensi yosh oʻtgani sayin, kreatinin klirensini kamayishiga parallel ravishda pasayib boradi, lekin atsiklovirning T1/2 si ahamiyatli darajada oʻzgarmaydi. Surunkali buyrak yetishmovchiligi boʻlgan patsiyentlarda atsiklovirning T1/2 oʻrtacha 19,5 soatni tashkil etadi, gemodializ oʻtkazilganda esa – 5,7 soatni tashkil etadi, atsiklovirning qon plazmasidagi konsentratsiyasi taxminan 60% ga kamayadi.

Asiklovirning  orqa miya suyuqligidagi konsentratsiyasi plazmadagi konsentratsiyasining taxminan 50% ni tashkil etadi. Asiklovir qon oqsillari bilan ozgina darajada bogʻlanadi (9-33%).

Qoʻllanilishi
  • Immuntanqisligi boʻlgan bemorlarda oddiy gerpes virusi tomonidan chaqirilgan infeksiyalarini, immuntanqisligi boʻlmagan bemorlarda ogʻir genital gerpesni davolash.
  • Immuntanqisligi boʻlgan bemorlarda oddiy gerpes virusi tomonidan chaqirilgan infeksiyalarni oldini olish.
  • Varicella zoster virusi tomonidan chaqirilgan infeksiyalarini davolash.
  • Gerpetik ensefalitni davolash.
  • Chaqaloqlarda oddiy gerpes virusi tomonidan chaqirilgan infeksiyalarni davolash uchun qoʻllaniladi.
Qoʻllash usuli va dozalari

Asta-sekin vena ichiga infuziya qilish yoʻli bilan kamida 1 soat davomida yuboriladi. Vena ichiga yuboriladigan Gerpevir bilan davolash kursi odatda 5 kun davom etadi, lekin patsiyentning holati va davolashga boʻlgan reaksiyasiga qarab, davomiylik oʻzgarishi mumkin. Gerpetik ensefalitni davolash odatda 10 kun davom etadi. Chaqaloqlardagi oddiy gerpes virusi tomonidan chaqirilgan infeksiyalarni davolash teri va shilliq qavatlar shikastlanganda odatda 14 kun davom etadi va disseminatsiyada va markaziy nerv tizimi shikastlanganda – 21 kun davom etadi.

Vena ichiga yuboriladigan Gerpevirni profilaktika qoʻllash davomiyligi infeksiyalanish xavfi davomiyligi bilan belgilanadi.

Oddiy gerpes virusi (gerpetik ensefalitdan tashqari) yoki Varicella zoster virusi tomonidan chaqirilgan infeksiyalarni davolash uchun vena ichiga yuboriladigan Gerpevir buyrak funksiyasi normal boʻlgan sharoitda tana vazniga 5 mg/kg dozada xar 8 soatda buyuriladi.

Immuntanqisligi yoki gerpetik ensefalitik boʻlgan bemorlarda Varicella zoster virusi tomonidan chaqirilgan infeksiyalarni davolash uchun vena ichiga yuboriladigan Gerpevirni buyrak funksiyasi normal boʻlgan sharoitda 10 mg/kg dozada har 8 soatda buyurish kerak.

Semizlik kasalligi boʻlgan patsiyentlarga real tana vazniga qarab emas, balki ideal tana vazniga hisoblangan dozada buyurish kerak.

Bolalar. 3 oylikdan 12 yoshgacha boʻlgan bolalarga dozalar tana yuzasi birligiga qarab hisoblanadi.

Oddiy gerpes virusi (gerpetik ensefaolitdan tashqari) yoki Varicella zoster virusi tomonidan chaqirilgan infeksiyalarni davolash uchun vena ichiga yuboriladigan kiritiladigan Gerpevirni buyrak funksiyasi normal boʻlgan, tana yuzasiga nisbatan
250 mg/m2 dozada har 8 soatda buyurish kerak.

Immuntanqisligi yoki gerpetik ensefaliti boʻlgan bolalarda Varicella zoster virusi tomonidan chaqirilgan infeksiyalarni davolash uchun vena ichiga yuboriladigan Gerpevirni buyrak funksiyasi normal boʻlgan sharoitda, tana yuzasiga nisbatan 500 mg/m2 dozada har 8 soatda buyurish kerak.

Yangi tugʻilgan chaqaloqlar va 3 oylikkacha boʻlgan goʻdaklarga vena ichiga yuboriladigan Gerpevirning dozalari bolaning tana vazniga qarab hisoblanadi.

Goʻdaklar uchun oddiy gerpes virusi chaqirgan infeksiyani davolash uchun tavsiya qilingan davolash tartibi, disseminatsiyalangan shaklda va markaziy nerv tizimi shikastlanganda tana vazniga nisbatan 20 mg/kg dozada xar 8 soatda 21 kun yoki teri va shilliq qavatlar bilan chegaralangan kasallikda esa – 14 kunni tashkil etadi.

Buyrak funksiyasini buzilishi boʻlgan bolalar va goʻdaklarda, aʼzoning funksiyasini buzilishi darajasiga qarab, dozani modifikatsiya qilish kerak (“Buyrak yetishmovchiligiga boʻlgan bemorlar” boʻlimiga qarang).

Keksa yoshdagi bemorlar. Keksa yoshdagi bemorlarda buyrak faoliyatini buzilishi mumkinligini hisobga olish kerak. Bunday holatlarda preparatning dozasini tegishli ravishda oʻzgartirish kerak (“Buyrak yetishmovchiligi boʻlgan bemorlar” boʻlimiga qarang). Organizmning adekvat darajadagi gidratatsiyasini taʼminlab turish kerak.

Buyrak yetishmovchiligi boʻlgan bemorlar. Buyrak yetishmovchiligi boʻlgan bemorlarni davolash uchun Gerpevirni vena ichiga extiyotkorlik bilan qoʻllash kerak. Organizmning adekvat darajadagi gidratatsiyasini taʼminlab turish kerak.

Quyida kreatinin klirensi koʻrsatkichlariga qarab, dozalashdagi oʻzgarishlar koʻrsatilgan.

Kattalar:

Kreatinin klirensi Tavsiya etilgan dozalash
minutiga 25-50 ml Tana vazniga 5-10 mg/kg har 12 soatda
minutiga 10-50 ml Tana vazniga 5-10 mg/kg har 24 soatda
0 (anuriya) – minutiga 10 ml Uzoq muddatli ambulator peritoneal dializda yoki gemodializda boʻlgan bemorlar uchun
2,5-5 mg/kg har 24 soatda

Bolalar:

Kreatinin klirensi Tavsiya etilgan dozalash
minutiga 25-50 ml Tana vazniga 5-10 mg/kg har 12 soatda
minutiga 10-50 ml Tana vazniga 5-10 mg/kg har 24 soatda
0 (anuriya) – minutiga 10 ml Uzoq muddatli ambulator peritoneal dializda yoki gemodializda boʻlgan bemorlar uchun
2,5-5 mg/kg har 24 soatda

Yuborish usuli. Gerpevirning kerakli dozasini, yuboriladigan dozadan qatʼiy nazar, kamida 1 soat davomida vena ichiga asta-sekin infuziya qilinadi.

Avval vena ichiga yuboriladigan Gerpevirning flakonidagi moddani muvofiq xajmdagi inyeksiya uchun suv yoki inyeksiya uchun natriy xloridning 0,9% li eritmasida eritiladi. 1 ml da 25 mg atsiklovir saqlaydigan eritmani tayyorlash uchun 250 mg preparatni 10 ml suvda eritish kerak. Suyuqlik yuboriladigan keyin flakonni, undagi modda toʻliq erib ketgunicha biroz chayqatish kerak.

Vena ichiga yuboriladigan eritmani olish uchun, yuqoridagi usul bilan tayyorlangan eritmani koʻpi bilan 5 mg/ml (0,5%) konsentratsiyasini olish uchun yana suyultirish kerak: 250 mg atsiklovirni 10 ml inyeksiya uchun suv (yoki natriy xloridning 0,9% li eritmasi) bilan eritilgandan keyin hosil boʻlgan eritmani quyida koʻrsatilgandek, tanlab olingan infuziya uchun eritmaga qoʻshish kerak.

Bolalar va goʻdaklar uchun, yuboriladigan suyuqlikning hajmini minimumga yetkazish uchun 4 ml suyultirilgan eritma (100 mg atsiklovir) ni 20 ml infuziya uchun suyuqlikka qoʻshish tavsiya etiladi.

Kattalar uchun, xatto atsiklovirning konsentratsiyasi 0,5% dan kam boʻlsa ham, infuziya uchun suyuqlikning tavsiya eilgan hajmi 100 ml dan kam boʻlmasligi kerak. Shuning uchun 100 ml infuziya uchun suyuqlikni, 250 mg va 500 mg (10 yoki 20 ml suyultirilgan eritma) dozalardagi Gerpevirni yuborish uchun ishlatish kerak. Preparatning katta dozalarini (500-1000 mg atsiklovir) qoʻllash zarurati tugʻilganda, infuziya uchun suyuqlik hajmini 200 ml gacha oshirish kerak.

Yuqorida tavsiya etilgandek eritilgandan keyin vena ichiga yuboriladigan Gerpevir, quyida keltirilgan infuzion eritmalarni tayyorlash uchun suyuqliklar bilan mutanosib va xona harorati (15-25oS) da 12 soat davomida barqarorligini saqlab qoladi:

  • natriy xloridning 0,45% yoki 0,9% li eritmasi;
  • natriy xloridning 0,18% li eritmasi va glyukozaning 4% li eritmasi;
  • natriy xloridning 0,45% li eritmasi va glyukozaning 2,5% li eritmasi;
  • Xartman eritmasi.

Vena ichiga infuziya uchun eritmalarni tayyorlanganda, yuqorida koʻrsatilganidek, 0,5% dan oshmagan atsiklovir konsentratsiyasi hosil boʻladi.

Vena ichiga yuboriladigan Gerpevir® mikroblarga qarshi konservantlarni saqlamaganligi tufayli, preparatni eritish va suyultirishni bevosita qoʻllashdan oldin aseptik sharoitlarda oʻtkazish kerak.

Agar eritmani xiralashishi yoki kristallanishi paydo boʻlsa, bunday preparat qoʻllash uchun yaroqsiz va uni yoʻq qilish kerak.

Nojoʻya taʼsirlari

Nojoʻya taʼsirlar aʼzolar va tizimlar boʻyicha tasniflangan.

Qon va limfatik tizim: gematologik koʻrsatkichlarni pasayishi (anemiya, trombotsitopeniya, leykopeniya).

Immun tizimi: anafilaksiya.

Ruhiy buzilishlar va nerv tizimi tomonidan buzilishlar: bosh ogʻrigʻi, bosh aylanishi, qoʻzgʻalish, ongni chalkashishi, tremor, ataksiya, dizartriya, gallyutsinatsiyalar, psixotik simptomlar, tirishishlar, uyquchanlik, ensefalopatiya, koma.

Yuqorida keltirilgan nevrologik reaksiyalar qaytuvchandir, va odatda buyrak yetishmovchiligi va boshqa xavf omillari boʻlgan bemorlarni davolaganda kuzatiladi (“Maxsus koʻrsatmalar” boʻlimiga qarang).

Yurak-qon tomir tizimi: flebit.

Respirator tizimi va koʻkrak qafasi aʼzolari: xansirash.

Gastroeneterologiya tizimi: koʻngil aynishi, qusish, diareya, qorinda ogʻriq.

Gepatobiliar tizim: jigar fermentlari darajasini qaytuvchan oshishi, bilirubin darajasini qaytuvchan oshishi, sariqlik, gepatit.

Teri va teri osti toʻqimalari: qichishish, eshakemi, toshmalar (shu jumladan yorugʻlikka sezgirlik), sochlarni tezkor diffuz toʻkilishi. Soch toʻkilishi koʻpchilik kasalliklar va dori vositalarining nojoʻya taʼsirlari bilan bogʻliq boʻlgani tufayli, uni atsiklovir bilan aniq bogʻliqligi aniqlanmagan. Angionevrotik shish.

Buyraklar va siydik chiqarish tizimi: qonda siydikchil va kreatinin darajasini oshishi. Bu suv-elektrolit almashinuvining buzilishi bilan bogʻliq boʻlishi mumkin. Bunday samaraga yoʻl qoʻymaslik uchun, preparatni vena ichiga bolyus koʻrinishida emas, kamida 1 soat davomidagi vena ichiga sekin infuziya koʻrinishida yuborish orqali amalga oshirish kerak. Buyrak funksiyasini buzilishi, oʻtkir buyrak yetishmovchiligi, buyrakda ogʻriq. Bunday bemorlarda adekvat gidratatsiyani taʼminlab turish kerak. Buyrak funksiyasini  buzilishi odatda regidratatsion davolash va/ki dozani kamaytirish yoki butunlay bekor qilgandan keyin tezda oʻtib ketadi. Lekin, juda kam holatlarda oʻtkir buyrak yetishmovchiligi kuzatilishi mumkin.

Buyrakdagi ogʻriq buyrak yetishmovchiligi va kristalluriya bilan assotsiyalangan boʻlishi mumkin.

Umumiy buzilishlar: toliqish, isitma, mahalliy yalligʻlanish reaksiyalari.

Ogʻir mahalliy yalligʻlanish reaksiyalari, Gerpevirni yuborish paytda, ehtiyotsizlik natijasida, u qon tomir atrofidagi toʻqimalarga tushganda kuzatiladi.

Qoʻllash mumkin boʻlmagan xolatlar

Anamnezida atsiklovir va/yoki valatsiklovirga yuqori sezuvchanlikda qoʻllash mumkin emas.

Dorilarning oʻzaro taʼsiri

Asiklovirni boshqa dori vositalari bilan klinik ahamiyatli oʻzaro taʼsirlari aniqlanmagan.

Asiklovir asosan oʻzgarmagan koʻrinishida buyrak orqali kanalchalar sekretsiyasi yordamida chiqariladi, shuning uchun, shunga oʻxshash chiqarilishi mexanizmiga ega boʻlgan har qanday dorilar atsiklovirning qon plazmasidagi konsentratsiyasini oshirishi mumkin.

Probenetsid va simetidin atsiklovirning yarim chiqarilish davrini uzaytiradi va “konsentratsiya/vaqt” egri chiziq ostidagi maydonini oshiradi, lekin atsiklovirning keng davolovchi indeksini hisobga olib, dozaga tuzatish kiritish kerak emas.

Vena ichiga yuboriladigan atsiklovirni va xuddi shunday chiqarilish mexanizmiga ega boʻlgan boshqa preparatlarni bir vaqtda qabul qilayotgan patsiyentlarda bir yoki ikkala preparatning yoki ularning metabolitlarini qon plazmasidagi konsentratsiyasi potensial ravishda oshishi mumkin.

Bemorlarni aʼzolar transplantatsiyasidan keyin davolashda immunosupressantlar bilan bir vaqtda qoʻllanilganda ham, qon plazmasida atsiklovirning va immunosupressiv preparatning faol boʻlmagan metabolitini darajasi oshadi.

Vena ichiga yuboriladigan Gerpevirni buyrak funksiyasiga taʼsir etuvchi preparatlar (masalan, siklosporin, takrolimus) bilan buyurilganda ham ehtiyotkorlik (buyrak funksiyasini nazorati qilish) talab qilinadi.

Nomutanosibligi

Preparatni boshqa dori vositalari bilan aralashtirish mumkin emas.

Faqat tavsiya qilingan erituvchilardan ishlatilsin!

Maxsus koʻrsatmalar

Asiklovir asosan buyrak klirensi orqali organizmdan chiqarib yuboriladi, shuning uchun, buyrak yetishmovchiligi boʻlgan bemorlarda dozani kamaytirish kerak (“Qoʻllash usuli va dozalari” ga qarang). Keksa yoshdagi bemorlarda ham buyrak funksiyasini buzilishi ehtimoli katta, shuning uchun ham bu guruh patsiyentlar uchun dozani kamaytirish mumkin.

Buyrak yetishmovchiligi boʻlgan patsiyentlar va keksa yoshdagi patsiyentlarda nevrologik nojoʻya taʼsirlarni kelib chiqish xavfi mavjud va shuning uchun, ular sinchikov nazorat ostida boʻlishlari kerak. Bunday reaksiyalar, umuman olganda, preparat bilan davolash toʻxtatilganda odatda qaytuvchandir (“Nojoʻya taʼsirlari” boʻlimiga qarang).

Yuqori dozalarni masalan gerpetik ensefalitni davolash uchun vena ichiga qabul qilayotgan bemorlarda, ayniqsa degidratatsiya holatlarida yoki buyrak yetishmovchiligi boʻlganda, buyrak funksiyasi koʻrsatkichlarini kuzatib turish kerak.

Vena ichiga infuziyalar uchun suyultirilgan preparatni peroral qabul qilish uchun buyurish mumkin emas.

Homiladorlik yoki emizish davrida qoʻllanilishi. Asiklovirning har xil farmatsevtik shakllari homiladorlar tomonidan qoʻllanilganda, bolalarda tugʻma nuqsonlar sonining ortishi aniqlanmagan. Lekin infuziya uchun atsiklovirni, faqat preparatni qoʻllashdan ona uchun kutilayotgan potensial foyda, homila uchun boʻlishi mumkin boʻlgan xavfdan ustun boʻlgandagina qoʻllash mumkin.

Emizayotgan ayollarga atsiklovirni bola uchun xavf/foyda nisbatini hisobga olgan holda buyurish lozim.

Bolalar. Tugʻilgan vaqtidan boshlab qoʻllaniladi.

Avtotransportni yoki boshqa mexanizmlarni boshqarishda reaksiya tezligiga taʼsir etish xususiyati. Vena ichiga yuboriladigan Gerpevir®, asosan shifoxonada davolanayotgan bemorlarni davolash uchun qoʻllaniladi, shuning uchun odatda avtomobilni yoki boshqa mexanizmlarni boshqarish qobiliyatiga taʼsiri toʻgʻrisidagi maʼlumotlar zarur emas. Preparatning avtomobilni va boshqa mexanizmlarni boshqarish qobiliyatiga taʼsirini oʻrganish boʻyicha tadqiqotlar oʻtkazilmagan.

Preparat bolalar ololmaydigan joyda saqlansin va yaroqlilik muddati tugaganidan keyin qoʻllanilmasin.

Dozani oshirib yuborilishi

Simptomlari: zardobda kreatinin, qonda mochevina azoti darajasini oshishi, buyrak yetishmovchiligi. Nevrologik simptomlar – ongni chalkashishi, gallyutsinatsiyalar, qoʻzgʻalish, tirishishlar va koma holatini oʻz ichiga oladi.

Davolash: simptomatik davolash oʻtkaziladi. Gemodializni oʻtkazish koʻrsatilgan.

Saqlash sharoiti

Original oʻramda, 25oS dan yuqori boʻlmagan haroratda.

Yaroqlilik muddati

5 yil.

Dorixonalardan berish tartibi

Retsept boʻyicha