Ilovani yuklab oling
Yuklab olish
Гекодез р-р

Oson Apteka - Dorixonalar ma'lumotnomasi

Гекодез р-р д/инф. 6% 200мл №1

36 500 so'mdan
(5471)
Dorixonalardagi narx
Tavsif
Гекодез р-р д/инф. 6% 200мл №1
Xususiyatlari
Xalqaro nomlanishi
Hydroxyethylstarch
Ishlab chiqaruvchi
(Юрия-Фарм , Украина)
Chiqarilish shakli
раствор для инфузии
Farma. Guruh
Плазмозаменители
Dori tafsilotlari
Dori shakli
Tarkibi
Farmakologik xususiyatlari
Farmakodinamikasi
Farmakokinetikasi
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Nomutanosiblik
Maxsus koʻrsatmalar
Dozani oshirib yuborilishi
Saqlash sharoiti
Yaroqlilik muddati
Dorixonalardan berish tartibi
Dori shakli

infuziya uchun eritma
 

Tarkibi

1 ml eritma quyidagilarni saqlaydi:

faol modda: 200 000 oʻrtacha molekulyar massali gidroksietilkraxmal va oʻrtacha molekulyar almashingan (MA) 0,5 (gidroksietilkraxmal (200/0,5)) – 60 mg;

yordamchi moddalar: natriy xloridi; inyeksiya uchun suv.

Taʼrifi: biroz tovlanuvchi, rangsiz yoki och sariq rangli suyuqlik. 

Farmakologik xususiyatlari

Gidroksietilkraxmal (GEK) amilopektindan olinadi va molekulyar massasi va almashinish darajasi boʻyicha tavsiflanadi. Gekodez® uchun GEK oʻrtacha molekulyar massasi 200 000 Da, molyar almashinish darajasi esa deyarli 0,5 ni tashkil qiladi. Tuzilishi boʻyicha GEK glikogenga oʻxshash, bu uning yuqori tolerantligi va anafilaktik reaksiyalar paydo boʻlishini xavfi pastligini tushuntiradi.

Gekodez® izoonkotik eritma hisoblanadi, yaʼni uni infuziyasida plazmaning tomir ichki hajmi yuborilgan hajmga ekvivalent ravishda oshadi. 

Farmakodinamikasi

Volemik samaraning davomiyligi birinchi navbatda molyar almashinish darajasiga, shuningdek kamroq darajada oʻrtacha molekulyar massasiga bogʻliq.

Gidroksietilkraxmal (GEK) uzoq muddatli gidrolizga uchraydi, bu buyraklar orqali chiqariladigan turli molekulyar massali onkotik faol oligo- va polisaxaridlar hosil boʻlishiga olib keladi.

Gekodez®  qon plazmasi qovushqoqligini, xususan gematokrit koʻrsatkichlarini pasaytirishi mumkin.

Gekodez®  izovolemik yuborilishi natijasida volemik samara kamida 6 soat davom etadi. 

Farmakokinetikasi

GEK turli darajadagi molyar almashinish va molekulyar massali molekulalar aralashmasidir, bu ikki koʻrsatkich chiqarilish tezligiga taʼsir koʻrsatadi. Uncha katta boʻlmagan molekulalar kalavalar filtratsiyasi yordamida chiqariladi, yiriklari esa α-amilaza tomonidan fermentativ gidrolizga uchraydi va keyinchalik buyraklar orqali chiqariladi. Molekula almashinishini darajasi qancha yuqori boʻlsa, gidroliz tezligi shuncha kam boʻladi. 24 soat davomida taxminan 50% siydik bilan chiqariladi.

1000 ml Gekodez® bir marta yuborilganidan soʻng plazma klirensi minutiga 19 ml ni, dori vositasining umumiy soʻrilishi soatiga 58 mg/ml ni tashkil qiladi. Zardobdan yarim chiqarilish davri 12 soat. 

Qoʻllanilishi

Faqat kristalloidlarni qoʻllash yetarli hisoblanmagan hollarda, Oʻtkir qon yoʻqotish bilan yuzaga kelgan gipovolemiyada qoʻllanadi. 

Qoʻllash usuli va dozalari

GEK ni kichik samarali dozalarda qisqa muddatli vaqt davomida qoʻllash mumkin.

Davolash gemodinamikani uzluksiz kuzatuvi ostida olib borilishi va gemodinamikaning kerakli koʻrsatkichlariga erishilgan zahoti toʻxtatilishi zarur. Preparat vena ichiga yuborish uchun moʻljallangan.  Sutkalik dozasi va yuborish tezligi qon yoʻqotish hajmi va gemodinamika koʻrsatkichlariga bogʻliq.

Anafilaktiod reaksiya kuzatilishi mumkinligi sababli, boshlangʻich 10-20 ml Gekodez® ni soatiga 500 ml dan oshirmasdan (minutiga 0,1 ml/kg toʻgʻri keladi), doimo vrach nazorati ostida, sekin yuborish kerak.

Gekodez® ning maksimal sutkalik dozasi 1 kg tana vazniga 50 ml/kg dan oshib ketmasligi kerak, bu sutkada 3 g GEK/kg toʻgʻri keladi (70 kg vaznli bemorga sutkada 3500 ml/sutkaga yaqin).

Yuborishning maksimal tezligi klinik vaziyatga bogʻliq. Shok davrida tavsiya etilgan yuborish tezligi 1 kg tana vazniga soatiga 20 ml/kg, bu 1 kg tana vazniga minutiga 0,33 ml/kg toʻgʻri keladi (1 kg tana vazniga soatiga 1,2 g GEK). Kritik vaziyatlarda 500 ml eritmani tez yuborish mumkin (bosim ostida). Preparat bosim ostida yuborilganida plastik konteynerlardagi Gekodez® ishlatilgan holda emboliya rivojlanishini oldini olish uchun oldindan konteynerdan va yuboriladigan sistemadan hamma havo chiqarib yuborilishi kerak. Davolash davomiyligi, gipovelemiyaning davomiyligi va yaqqolligi, davolashning gemodinamik samarasi va gemodilyutsiyaga bogʻliq. 

Nojoʻya taʼsirlari

Eng koʻp uchraydigan nojoʻya taʼsirlari GEK eritmalarining asosiy taʼsiri va preparatning dozasiga toʻgʻridan toʻgʻri bogʻliq. Har xil ogʻirlik darajasidagi yuqori sezuvchanlik reaksiyalari, xususan anafilaktoid reaksiyalar (grippsimon simptomlar (bosh ogʻrigʻi, mushak ogʻrigʻi, bel ogʻrigʻi), bradikardiya, taxikardiya, bronxospazm, oʻpkalarning nokardial shishi), eshakemi, gipotenziya, koʻngil aynishi, qusish kuzatilishi mumkin. Tana haroratini koʻtarilishi, qaltirash, oyoqlarning shishi, soʻlak bezlarini kattalashishi, anafilaktik shok. Parallel qon komponentlarini yuborishsiz GEK eritmalarini yuborish natijasida gemodilyutsiya oqibatida koagulyatsiya omillarining susayishi kuzatilishi mumkin.

Allergik reaksiyalar kam hollarda kuzatiladi va preparatning yuborilgan dozasiga bogʻliq boʻlmaydi. Uzoq muddat yuqori dozada yuborilganida gidroksietilkraxmalning maʼlum boʻlgan nojoʻya samarasi terining qichishi hisoblanadi.

Qon va limfatik tizimga taʼsiri.

Koʻpincha gemodilyutsiya natijasida gematokritni pasayishi va qon plazmasida oqsillarning konsentratsiyasini kamayishi kuzatiladi. GEK eritmalari yuborilgan dozaga qarab koagulyatsiya omillarining konsentratsiyasini kamayishini chaqirishi va shunday qilib qon ivish tizimiga taʼsir qilishi mumkin. Qon ketish va FPTV indeksi (Faollashtirilgan parsial tromboplastin vaqti) oshishi mumkin, FVIII va WFF (Villebrand VIII omili) faolligi esa kamayishi mumkin.

Biokimyoviy koʻrsatkichlarga taʼsiri.

GEK eritmalarini yuborish plazmada α-amilaza miqdorini oshishiga olib kelishi mumkin, bu α-amilazani kraxmal bilan kompleksini shakllanishi bilan bogʻliq, u asta-sekin buyrak va buyrakdan tashqari yoʻllar bilan chiqariladi, bu oʻz navbatida pankreatitning biokimyoviy xuruji sifatida notoʻgʻri baholanishi mumkin.

Anafilaktik reaksiyalar.

GEK eritmalari yuborilganida turli ogʻirlikdagi anafilaktik reaksiyalar kuzatilishi mumkin. Shuning uchun GEK eritmalari yuborilayotgan hamma bemorlar doimo tibbiyot xodimlari nazoratida boʻlishlari kerak. Har qanday anafilaktik reaksiyalarning boshlangʻich belgilari paydo boʻlganida, darhol infuziyani toʻxtatish va shoshilinch yordam koʻrsatishni boshlash kerak.

 Kortikosteroidlarni profilaktik qoʻllashning samaradorligi tasdiqlanmagan.

Bir necha kun davomida takroriy infuziyalar terining qichishini paydo boʻlishiga olib kelishi mumkin. 

Qoʻllash mumkin boʻlmagan holatlar

Preparatning tarkibiy qismlariga oʻta yuqori sezuvchanlik, gipergidratatsiya, gipervolemiya, yaqqol gipernatriyemiya, surunkali yurak yetishmovchiligi, qon ivish tizimini ogʻir buzilishlari, ogʻir giperxloremiya, bosh miya ichki yoki serebral qon quyilishi, yaqqol jigar yetshmovchiligi, suv-elektrolit muvozanatini muvofiqlashtirishni talab etadigane degidratatsiya holati, GEKga yuqori sensibilizatsiya aniqlanganida, buyrak yetishmovchiligi yoki buyrak oʻrinbosar davolashlari, ogʻir koagulopatiyalar. Oʻpkani shishishi. Preparat sepsis, kuyish, aʼzolari koʻchirib oʻtkazilgan va kritik ogʻir patsiyentlarga buyrakning shikastlanish xavfi va oʻlim bilan yakunlanish xavfi boʻlgani sababli qoʻllash mumkin emas. 

Dorilarning oʻzaro taʼsiri

Nomutanosiblikni oldini olish uchun, Gekodez® ni boshqa preparatlar bilan aralashtirish tavsiya etilmaydi. Preparat aminoglikozid antibiotiklarining nefrotoksikligini oshiradi.

Gidroksietilkraxmalni yuborish zardob amilazasining darajasini oshishiga olib kelishi mumkin. Bu samarasi meʼda osti bezi faoliyatini buzilishi emas, balki gidroksietilkraxmalning amilaza bilan bogʻlanishi, natijada uning buyraklar va buyrakdan tashqari yoʻllar bilan chiqarilishining kechikishi deb qaralishi kerak. 

Nomutanosiblik

Boshqa dori vositalarining eritmalari bilan farmatsevtik nomutanosib. 

Maxsus koʻrsatmalar

Hozirgi vaqtda GEK ni jarrohlik aralashuvlardan soʻng va travmali patsiyentlarda uzoq muddat qoʻllashning xavfsizligi haqida ishonarli maʼlumotlar yoʻq. GEK ni bunday bemorlarda qoʻllashdan oldin kutilayotgan foyda va nisbiy uzoq muddatli xavfsizligini  noaniqligini hisobga olish kerak, shuningdek davolashning muqobil imkoniyatlarini koʻrib chiqish zarur.

Gekodez® qon ivishining buzilishlarida, ayniqsa gemofiliyada va aniqlangan yoki shubha qilingan Villebrand kasalligida alhida ehtiyotkorlik bilan qoʻllanadi.

Buyrak shikastlanishining birinchi belgilari paydo boʻlgandayoq, GEK ni qoʻllashni darxol toʻxtatish zarur. Buyrak oʻrin bosar kasalligini davolash oʻtkazish GEK infuziyasidan keyin 90 kun davomida oʻtkazish zarurligi haqida maʼlumot berilgan. Shuning uchun GEK ni qoʻllagandan soʻng bemorlarni buyrak faoliyatini qatʼiy nazorat qilish zarur. Koagulopatiyaning birinchi belgilari paydo boʻlgandayoq GEK yuborishni darxol toʻxtatish zarur. Takror qoʻllanilganda qon ivish tizimi koʻrsatkichlarini qatʼiy nazorat qilish talab etiladi.

Gekodez® ning dozasi oshirib yuborilganida paydo boʻlishi mumkin boʻlgan hajmli yuklamani oldini olish kerak, u ayniqsa keksa yoshdagi bemorlar, buyrak yetishmovchiligi, yondosh yurak yetishmovchiligi boʻlgan bemorlar uchun xavfli.

Qon zardobida elektorlitlarni, suv muvozanatini, buyraklar faoliyatini nazorat qilish kerak. Suvni adekvat yuborilishini taʼminlash kerak (adekvat gidratatsiya).

Yaqqol degidratatsiya holida birinchi navbatda suv-elektrolit muvozanatini tiklash kerak.

 Qonda Gekodez® ning mavjudligi, bemor qon guruhini aniqlashda adashishga olib kelishi mumkin. Qon guruhini toʻgʻri aniqlash uchun sinama Gekodez® ni yuborishdan oldin olinishi kerak.

Anafilaktoid reaksiyalar rivojlanish xavfini maksimal erta aniqlash uchun, birinchi 10-20 ml Gekodez® ni sekin, tibbiy xodim doimiy nazorati ostida yuborish kerak.

Allergik (anafilaktoid) reaksiyalar xavfi sababli bemor holatini qatʼiy nazorat qilish, infuziyanikichik tezlikda yuborish zarur.

Har doim dozani oshirib yuborish yoki tez yuborishdan yuzaga keladigan hajmli yuklamani oshirib yuborishdan saqlanish kerak. Dozaga sinchkovlik bilan tuzatish kiritish kerak, ayniqsa oʻpka kasalliklari bor bemorlar uchun. Sunʼiy ekstrakorporal qon aylanishi bilan birgalikda yurakda ochiq oʻtkazilayotgan jarrohlik amaliyotlarida GEK preparatlarini koʻp qon ketish xavfi boʻlganligi sababli tavsiya etilmaydi.

Preparat quyidagi klinik va biokimyoviy taxlillar natijasiga taʼsir qilishi mumkin, qonda glyukoza miqdori, qonda oqsil miqdori, ECHT, biuret sinama, qonda xolesterin va sorbit-degidrogenaza, yogʻ kislotalari darajasi, siydikning nisbiy zichligi kabi.

 Agar eritma xira boʻlsa yoki koʻrinadigan zarrachalar saqlasa, agar butilka yoki konteyner shikastlangan yoki oldindan ochilgan boʻlsa preparatni qoʻllash mumkin emas.

Davomli har kunli oʻrtacha (sutkada 500 ml) yoki yuqori (sutkada 1 000 ml) dozalarda qoʻllashda davolash qiyin boʻlgan terining qichishishi paydo boʻlishi mumkin. Qichish davolash tugatganidan keyin bir necha hafta oʻtgach boshlanishi va oylab davom etishi mumkin.

Homiladorlik va emizish davrida qoʻllanishi.

Homiladorlik davrida Gekodez® ni qoʻllash boʻyicha klinik maʼlumotlar yoʻq.

Hayvonlarda olib borilgan tadqiqotlarda homiladorlikning kechishiga embrion/homilani rivojlanishiga, tugʻruq va postnatal rivojlanishiga bevosita yoki bilvosita noxush taʼsiri aniqlanmagan. Teratogenlik belgilari ham aniqlanmagan.

Homiladorlikda Gekodez® ni davolashdan kutilayotgan foyda homila uchun mumkin boʻlgan xavfidan yuqori boʻlsagina qoʻllash mumkin.

Emizish davrida Gekodez®ni qoʻllash boʻyicha klinik maʼlumotlar yoʻq.

Bolalar

Bolalarda Gekodez® ni qoʻllashni samaradorligi va xavfsizligini tekshirish oʻtqazilmagan, shuning uchun uni bolalarda qoʻllashga ehtiyot boʻlish kerak va faqat uni qoʻllashdan kutilayotgan foyda yuzaga kelishi mumkin boʻlgan xavfdan ustun boʻlsagina qoʻllash mumkin.

Avtotransportni boshqarish yoki boshqa mexanizmlar bilan ishlashda reaksiya tezligiga taʼsir qilish qobiliyati

Maʼlumotlar yoʻq.

Preparat bolalar ololmaydigan joyda saqlansin va yaroqlilik muddati oʻtgach ishlatilmasin. 

Dozani oshirib yuborilishi

Dozani oshirib yuborilishi yoki preparatni juda tez yuborish hajmli yuklanishga yoki gipernatriyemiyaga olib kelishi mumkin, u periferik, interstitsial yoki oʻpka shishi va oʻtkir yurak yetishmovchiligi bilan birga kechadiXloridni oshiqcha yuborish giperxloremik metabolik atsidozga olib kelishi mumkin. Anafilaktik reaksiyalarning boshlangʻich belgilari yoki gipervolemik yuklanish belgilari paydo boʻlganida Gekodez® yuborishni toʻxtatish, zarurati boʻlganida diuretiklarni buyurish kerak. 

Saqlash sharoiti

250S dan yuqori bulmagan haroratda, haqiqiy oʻramida saqlansin. Muzlatilmasin.

Ichki yuzasining hoʻllanmasligi qoʻllash uchun qarshi koʻrsatma hisoblanmaydi. 

Yaroqlilik muddati

2 yil. 

Dorixonalardan berish tartibi

Retsept boʻyicha.