Ilovani yuklab oling
Yuklab olish
ЭНДОКСАН ПОРОШОК

Oson Apteka - Dorixonalar ma'lumotnomasi

ЭНДОКСАН ПОРОШОК ДЛЯ ИНЪЕКЦИИ 1000МГ №1

40 000 so'mdan
(1390)
Dorixonalardagi narx
Xususiyatlari
Xalqaro nomi
Ishlab chiqaruvchi
БАКСТЕР
Chiqarilish shakli
ПОР Д/ИН
Farma. Guruh
Pharm Group Name
Dori tafsilotlari
Dori shakli:
Tarkibi:
Taʼrifi: 
Farmakoterapevtik guruhi:
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Saqlash sharoiti
Chiqarilish shakli
Yaroqlilik muddati
Dorixonalardan berish tartibi
Dori shakli:

 vena ichiga yuborish uchun eritma tayyorlash uchun kukun

 

Tarkibi:

Endoksan 200 mg bir flakonida quyidagilar saqlanadi:

faol ingrediyent sifatida 213,8 mg siklofosfamid monogidrati (bu 200 mg suvsiz siklofosfamidga ekvivalent).

 

Taʼrifi: 

oq rangli kristall kukun.

 

Farmakoterapevtik guruhi:

 oʻsmalarga qarshi vosita

 

Farmakologik xususiyatlari

Siklofosfamid oksazafosforinlar guruhiga mansub boʻlgan va kimyoviy jihatdan azotli iprit bilan bogʻlangan sitostatik preparat hisoblanadi. Siklofosfamid in vitro sharoitida faol emas va jigarda mikrosomal fermentlari tomonidan oʻzining aldofosfamid tautomeri bilan muvozanatda boʻladigan 4-gidroksitsiklofosfamidga faollashadi. Siklofosfamidning sitotoksik taʼsiri, uning alkil guruhi bilan birikadigan metabolitlari va DNK oʻrtasidagi oʻzaro taʼsirga asoslangan. Bu alkil guruhini birikishi DNK zanjirini uzilishiga hamda bogʻlanishiga va DNK-oqsil kesishgan birikmalarni hosil boʻlishiga olib keladi. Hujayra siklida, G2 fazasi orqali oʻtishi sekinlashadi.

Sitotoksik taʼsiri hujayra sikli fazasi uchun spetsifik hisoblanadi, ammo hujayra siklini oʻzi uchun spetsifik hisoblanmaydi.

Kesishgan rezistentlikni, ayniqsa ifosfamid kabi, tuzilishi jihatdan yaqin boʻlgan sitostatiklarda, shuningdek boshqa alkil guruhini biriktiruvchi agentlarda, istisno qilish mumkin emas.

Farmakokinetikasi

Siklofosfamid meʼda-ichak yoʻllaridan deyarli toʻliq soʻriladi. Odamda, nishonlangan siklofosfamidni vena ichiga bir marta yuborish, plazmada siklofosfamid va uning metabolitlari konsentratsiyasini butunlay pasayishi bilan 24 soat davomida amalga oshadi, garchi uning sezilarli darajasi plazmada 72 soat davomida saqlanib turishi mumkin. Siklofosfamid in vitro sharoitlarda faol emas va tirik organizmda faollashadi.

Siklofosfamidni qon zardobidan oʻrtacha yarim chiqarilish davri kattalar uchun 7 soat va bolalar uchun 4 soatni tashkil etadi.

Siklofosfamid va uning metabolitlari asosan buyraklar orqali chiqariladi.

Siklofosfamidning dozalari vena ichiga va peroral qoʻllanganidan soʻng qondagi koʻrsatkichlari bioekvivalentdir.

 

Qoʻllanilishi

Endoksan sxema boʻyicha, kimyoterapiya bilan majmuada yoki monoterapiya sifatida quyidagi holatlarda qoʻllanadi:

Leykemiyalarda: oʻtkir yoki surunkali limfotsitar va miyeloid leykemiyalar.

Xavfli limfomalarda: Xodjkin kasalligi, noxodjkin limfomasi, plazmotsitoma.

Metastazlangan va metastazlanmagan xavfli qattiq oʻsmalar: tuxumdonlar raki, urugʻdonlar raki, sut bezi raki, oʻpkani mayda hujayrali raki, neyroblastoma, Yuing sarkomasi.

Zoʻrayib boruvchi “autoimmun kasallik”: masalan, revmatoid artrit, psoriatik artrit, tizimli qizil yugurik, sklerodermiya, tizimli vaskulitlar (masalan, neyrotik sindrom bilan birga kechuvchi), glomerulonefritning maʼlum bir turlari (masalan, nefrotik sindrom bilan kechuvchi), gravis miasteniyasi, autoimmun gemolitik anemiya, sovuq agglyutinin (Agglutinin) kasalligi.

Aʼzolar koʻchirib oʻtkazilganida immunosupressiv davolash.

 

Qoʻllash usuli va dozalari

Endoksan faqat tajribali onkologlar tomonidan yuborilishi kerak.

Preparatning dozasi har bir patsiyent uchun individual ravishda moslashtirilishi kerak.

Agar boshqa dozalash tartibi koʻrib chiqilmagan boʻlsa, u holda quyidagicha dozalash tavsiya etiladi:

  • kattalar va bolalarni uzluksiz ravishda davolash uchun – kuniga tana vazniga 3 mg/kg dan 6 mg/kg gacha boʻlgan dozada (bu 1 m2 tana yuzasiga 120 dan 240 mg/m2 gacha boʻlgan dozaga toʻgʻri keladi) yuboriladi.
  • tanaffus bilan davolash uchun – tana vazniga 10 mg/kg dan 15 mg/kg gacha boʻlgan doza (bu 1 m2 tana yuzasiga 400 dan 600 mg/m2 gacha boʻlgan dozaga ekvivalent) 2 kundan 5 kungacha boʻlgan intervallar bilan yuboriladi.
  • preparatning yuqori dozalari, masalan, tana vazniga 20 mg/kg dan 40 mg/kg gacha boʻlgan doza (bu 1 m2 tana yuzasiga 800 dan 1600 mg/m2 gacha boʻlgan dozaga ekvivalent) va yanada yuqori dozalarda (masalan, suyak koʻmigi transplantatsiyasidan oldin konditsiyaga keltirish uchun) tanaffus bilan davolash uchun 21 kundan 28 kungacha boʻlgan interval bilan yuboriladi.

Eritmani tayyorlanishi

Inyeksiya uchun eritmani tayyorlash uchun, fiziologik eritmaning muvofiq hajmi quruq moddaga qoʻshiladi:

Endoksan, flakon

200 mg

Quruq moddaga ekvivalent

213,8 mg

Suvsiz siklofosfamid

200 mg

Fiziologik eritma

10 ml

Erituvchi qoʻshilganidan soʻng flakon yaxshilab chayqatilganida ichidagi modda oson eriydi. Agar modda darhol va butunlay erimay qolsa, flakonni bir necha minut davomida turgani afzal.

Eritma vena ichiga yuborish uchun moʻljallangan, uni asosan infuziya yoʻli bilan yuborish kerak. Vena ichiga qisqa vaqt davomida yuborish uchun endoksanning tayyorlangan eritmasi umumiy hajmi masalan, 500 ml gacha boʻlgan Ringer eritmasi, tuzli eritma yoki dekstroza eritmasiga qoʻshiladi.

Infuziyaning davomiyligi eritmani hajmiga qarab, 30 minutdan 2 soatgacha davom etishi mumkin.

Preparatning dozasi boʻyicha tavsiyalar siklofosfamid bilan monoterapiya sifatida davolanganda asosan qoʻllash uchun beriladi. Toksikligi oʻxshash boshqa sitostatiklar bilan birga qoʻllanganida dozani pasaytirish yoki davolash intervalini uzaytirish kerak boʻlishi mumkin.

Qon hosil boʻlishini susayishi boʻlgan patsiyentlarda preparatning dozasini pasaytirish boʻyicha tavsiyalar

Leykotsitlarni miqdori (ml)

Trombotsitlarni miqdori (ml)

Dozasi

>4000

> 100000

Rejalashtirilgan dozaning 100%

4000-2500

100000-50000

Rejalashtirilgan dozaning 50%

<2500

< 50000

Qiymatlar normallashmagunicha yoki boshqa qaror qabul qilinmagunicha, dozani nazorat qilish

Jigar va buyrak yetishmovchiligi boʻlgan patsiyentlarda preparatning dozasiga tuzatish kiritish boʻyicha tavsiyalar

Ogʻir darajadagi jigar yoki buyrak yetishmovchiligida dozani pasaytirish talab etiladi. 100 ml qon zardobida bilirubinning miqdori 3,1 dan 5 mg gacha boʻlganida dozani 25% ga pasaytirish va kalavalar filtratsiyasi tezligi minutiga 10 ml dan kam boʻlganida dozani 50% ga pasaytirish tavsiya etiladi. Siklofosfamid dializ hususiyatiga ega.

Davolash davomiyligi va davolashlar oʻrtasidagi intervallar koʻrsatmalarga, qoʻllanadigan majmuaviy kimyoterapiya jadvaliga, patsiyentning umumiy holatiga, laborator koʻrsatkichlarga va qon hujayralari miqdorini tiklanish koʻrsatkichlariga bogʻliq.

Gidratatsiyaning adekvatligiga, shuningdek UROMITEXAN uroprotektorini qoʻllashga eʼtibor berish kerak.

Preparatni qoʻllash va foydalanish boʻyicha yoʻriqnoma

Endoksan preparatini tayyorlash va yuboriladigan sohaga ishlov berish hamisha sitotoksik vositalarni qoʻllashdagi havfsizlik qoidalariga muvofiq ravishda oʻtkazilishi kerak.

 

Nojoʻya taʼsirlari

Endoksan bilan davolanadigan patsiyentlar, koʻpchilik hollarda qaytuvchan boʻlgan, quyidagi dozaga bogʻliq boʻlgan nojoʻya samaralarni boshdan kechirishlari mumkin:

Qon va suyak koʻmigi

Qabul qilingan dozaga qarab, turli darajadagi miyelosupressiya, shu jumladan leykopeniya, trombotsitopeniya va anemiya kuzatilishi mumkin. Odatda isitma bilan yoki isitmasiz kechuvchi va ikkilamchi infeksiyani rivojlanish xavfi (baʼzida hayotga xavf tugʻdiruvchi) bilan kechuvchi leykopeniya, va qon ketishini yuqori xavfi bilan bogʻliq boʻlgan trombotsitopeniyani kutish mumkin. Leykotsitlar va trombotsitlarning miqdorini pasayishi, odatda davolashning 1- va 2-haftasida kuzatiladi. Tiklanishi odatda davolash boshlanganidan soʻng 3-haftadan 4-haftagacha boʻlgan vaqt davomida amalga oshadi. Anemiya odatda bir necha davolash sikli oʻtmagunicha, davolanish vaqtida rivojlanmaydi. Yanada ogʻirroq darajadagi miyelosupressiyani rivojlanishini oldindan kimyoterapiya va/yoki radioterapiya kursini oʻtkazgan patsiyentlarda va buyrak yetishmovchiligi boʻlgan patsiyentlarda kutish kerak.

Boshqa miyelosupressiv vositalar bilan majmuaviy davolash preparatning dozasiga tuzatish kiritishni talab etishi mumkin. Iltimos, sitostatik vositalarning dozalarini pasaytirish uchun, davolash siklini boshida qon tahlili natijalarini hisobga olgan holda sitostatiklarning dozalariga tuzatish kiritish boʻyicha muvofiq jadvallarga murojaat qiling.

Meʼda-ichak yoʻllari

Meʼda-ichak yoʻllari tomonidan kuzatiladigan, koʻngil aynishi va qusish kabi nojoʻya samaralar dozaga bogʻliq nojoʻya reaksiyalar hisoblanadi. Oʻrtacha darajadagi, hatto ogʻir darajagacha boʻlgan shakllari taxminan 50% bemorlarda kuzatiladi. Anoreksiya, diareya, qabziyat va shilliq qavatlarni yalligʻlanish holatlari (mukozit), stomatitdan yaralar hosil boʻlgunigacha boʻlgan asoratlar kamroq darajada rivojlanadi. Gemorragik kolit rivojlanganligi yuzasidan ayrim xabarlar boʻlgan.

Buyrak va siydik chiqarish yoʻllari kasalliklari

Siydik bilan chiqarilgandan soʻng, siklofosfamidning metabolitlari efferent siydik chiqarish yoʻllarida va ayniqsa qovuqda oʻzgarishlarni chaqiradi. Gemorragik sistit, gematuriya va makrogematuriya endoksanning dozasiga bogʻliq boʻlgan eng keng tarqalgan asoratlar hisoblanadi va davolashni toʻxtatish talab etiladi. Oldindan mavjud boʻlgan nobakterial sistit ikkilamchi bakterial infeksiyaga oʻtishi mumkin. Oʻlimga olib kelgan gemorragik sistit yuzasidan ayrim xabarlar berilgan. Shuningdek, qovuq devorini shishi, suburetral qon ketishi, qovuq devorini fibrozi bilan kechuvchi interstitsial yalligʻlanishlar va sklerozni rivojlanish ehtimoli kuzatilgan.

Katta dozalari qoʻllanganidan soʻng, buyraklarni shikastlanishi (xususan, anamnezida buyraklar faoliyati buzilgan boʻlsa) kam kuzatiladigan nojoʻya samara hisoblanadi.

 

Eslatma:

UROMITEXAN bilan davolash yoki kuchli gidratatsiya ushbu urotoksik nojoʻya samaralarning rivojlanish chastotasi va ogʻirligini sezilarli darajada pasaytirishi mumkin.

Jinsiy yoʻllari

Oʻzining alkil guruhini biriktiruvchi taʼsir mexanizmi tufayli, siklofosfamid, taxminlarga koʻra, spermatogenezni, azoospermiya yoki turgʻun oligospermiyaga olib keluvchi qisman qaytmas buzilishlarini chaqirishi mumkin. Ovulyatsiyani, baʼzida qaytmas xarakterga ega boʻlgan hamda amenoreyaga va ayollar jinsiy gormonlarining darajasini pasayishiga olib keluvchi buzilishlari kam kuzatiladi.

Jigar

Jigar faoliyatini buzilish hollari haqida kam xabarlar berilgan, ular muvofiq laborator sinamalarning natijalarini (SGOT, SGPT, gamma-GT, ishqoriy fosfataza va bilirubin) oshishi bilan namoyon boʻlgan.

Venalarni obliteratsiyalovchi engdoarteriiti (VOE) siklofosfamidning yuqori dozalarini busulfan bilan majmuada yoki suyak koʻmigini allogen transplantatsiyasi davomida umumiy nurlanish bilan majmuada olgan patsiyentlarning taxminan 15-50% da kuzatiladi. Boshqa tomondan, VOE kam hollarda faqat siklofosfamidning yuqori dozalarini (boshqa preparatlar bilan majmuada emas) qabul qilayotgan, aplastik anemiya bilan xastalangan bemorlarda kuzatiladi. Sindrom odatda transplantatsiyadan keyin 1-3 hafta davomida rivojlanadi va tana vaznini keskin oshishi, gepatomegaliya, assit va giperbilirubinemiya bilan xarakterlanadi. Shuningdek jigar ensefalopatiyasi ham rivojlanishi mumkin.

Jigar faoliyatini oldindan mavjud boʻlgan buzilishlari, kimyoterapiyaning yuqori dozalari bilan bir vaqtda dori vositalari bilan gepatotoksik davolash, va ayniqsa alkil guruhini biriktiruvchi vosita busulfan davolashga sabab boʻluvchi eyelement hisoblanganida, VOE rivojlanishiga olib keladigan maʼlum havf omillari hisoblanadi.

Yurak-qon tomir va nafas tizimlari

Ayrim hollarda pnevmoniya, surunkali interstitsial oʻpka fibroziga olib keluvchi interstitsial pnevmoniya rivojlanishi mumkin.

Sitostatik vositalar tomonidan chaqirilgan va ayniqsa siklofosfamidning yuqori dozalari (tana vazniga 120-240 mg/kg) yuborilganidan soʻng aritmiya, EKG dagi oʻzgarishlar va yurakning chap qorinchasini zarb hajmini (CHQZH) oʻzgarishlari bilan namoyon boʻluvchi ikkilamchi kardiomiopatiyani rivojlanganligi haqida xabarlar berilgan. Bundan tashqari, siklofosfamidning kardiotoksik taʼsiri, yurak sohasi oldindan nur bilan davolangan patsiyentlarda va antratsiklik yoki pentostatin preparatlari bilan davolangan patsiyentlarda oshishi mumkinligi yuzasidan dalillar bor. Bunda elektrolitlarni muntazam nazorat qilish kerakligini inobatga oling va yurak kasalligi allaqachon mavjud boʻlgan patsiyentlarga alohida ehtiyotkorlik tavsiya etiladi.

Ikkilamchi oʻsmalar

Butun sitotoksik davolash kabi, siklofosfamid bilan davolash ham oʻzini ketidan qoldiq koʻrinishlari sifatida ikkilamchi oʻsmalar va ularning oʻtmishdoshlarini rivojlanish xavfiga olib keladi. Siydik yoʻllari raki, shuningdek oʻtkir leykozga qisman olib keluvchi miyelodisplastik oʻzgarishlarni rivojlanish xavfi oshadi. Hayvonlarda oʻtkazilgan tadqiqotlar, UROMITEXAN preparatini muvofiq ravishda qoʻllash orqali qovuq rakini rivojlanish xavfini sezilarli darajada kamaytirish mumkinligidan dalolat beradi.

Boshqa nojoʻya samaralar

Sochlarni toʻkilishi tez-tez kuzatiladigan, umuman olganda qaytuvchan nojoʻya samara hisoblanadi. Shuningdek kaftlar, tirnoqlar va tovonlarni pigmentli oʻzgarish hollari haqida xabarlar berilgan:

  • Giponatriyemiya va suvni tutilishi bilan kechuvchi AGNSS (antidiuretik gormonni noadekvat sekretsiyasi sindromi, Shvars-Bartter sindromi);
  • Teri va shilliq qavatlarni yalligʻlanishi;
  • Isitma bilan kechuvchi, ayrim hollarda shokka olib keluvchi oʻta yuqori sezuvchanlik reaksiyalari;
  • Koʻrishni vaqtinchalik xiralashishi va bosh aylanishi hurujlari;
  • Ayrim hollarda oʻtkir pankreatit rivojlanishi mumkin;
  • Juda kam hollarda (< 0,01%) ogʻir darajadagi reaksiyalar, masalan, Stivens-Djonson sindromi va toksik epidermal nekroliz xaqida xabarlar berilgan.

Izoh:

Tromboemboliya, qonni qon-tomirlar ichida disseminatsiyalangan ivishi (DVS-sindrom) yoki gemolitik uremik sindrom (GUS) kabi maʼlum bir asoratlar mavjud, ular shuningdek yashirin kasalliklar tomonidan ham chaqirilishi mumkin, ammo baʼzida endoksandan iborat boʻlgan kimyoterapiyada yuqori chastota bilan rivojlanishi mumkin.

Qusishga qarshi vositalar oʻz vaqtida qoʻllash va ogʻiz boʻshligʻini sinchkov gigiyenasiga eʼtibor berish kerak.

Davolanish vaqtida muntazam qon tahlili koʻrsatilgan: boshlangʻich davolashda 5-7 kunlik interval bilan, leykotsitlarning miqdori < 3000/mm3 gacha pasayganida 2 kunlik interval bilan tahlil qilish koʻrsatilgan, har kuni tahlil qilish ham mumkin. Uzoq muddat davolanganda odatda tekshirishni har ikki haftada oʻtkazish yetarlidir. Siydik choʻkmasida eritrotsitlarni borligiga muntazam ravishda tekshirish kerak.

Qoʻllash mumkin boʻlmagan holatlar

Quyidagi kasalliklari boʻlgan patsiyentlarda Endoksanni qoʻllash mumkin emas:

  • siklofosfamidga maʼlum boʻlgan oʻta yuqori sezuvchanlik;
  • suyak koʻmigi faoliyatini ogʻir darajadagi buzilishlari (ayniqsa, sitostatik vositalar bilan va/yoki nur bilan oldindan davolangan patsiyentlarda).
  • qovuqni yalligʻlanishi (sistit);
  • siydikni oqib chiqishida toʻsiqlar boʻlganida;
  • faol infeksiyalarda qoʻllash mumkin emas.
  • homiladorlik va laktatsiya davrida qoʻllash uchun alohida tavsiyalarga qarang.

 

Dorilarning oʻzaro taʼsiri

Sulfonilmochevina taʼsirida qonda glyukozaning miqdori pasayishi mumkin, shuningdek allopurinol yoki gidroxlortiazid bilan bir vaqtda qoʻllanganida miyelosupressiv taʼsiri ham pasayishi mumkin.

Fenobarbital, fenitoin, benzodiazepinlar yoki xloralgidrat bilan oldindan yoki bir vaqtda davolash jigarning mikrosomal fermentlarini induksiya boʻlishi ehtimoli mavjud.

Siklofosfamid immunosupressiv taʼsir koʻrsatishi sababli, patsiyentni har qanday vaksinalarga javob reaksiyasini pasayishini kutish mumkin; faollashtirilgan vaksinalarni inyeksiya qilish vaksina keltirib chiqargan infeksiyalar bilan kechishi mumkin.

Agar bir vaqtning oʻzida qutbsizlantiruvchi miorelaksantlar (masalan, suksinilxolin galogenid) qoʻllanayotgan boʻlsa, uzoq muddatli apnoe psevdoxolinesterazaning konsentratsiyasini pasayishi natijasi boʻlishi mumkin.

Xloramfenikolni bir vaqtda qoʻllash siklofosfamidning yarim parchalanish davrini uzayishiga va metabolizmini sekinlashishiga olib keladi.

Antratsiklin va pentostatin bilan davolash siklofosfamidning potensial kardiotoksikligini kuchaytirishi mumkin. Kardiotoksik samarasini kuchayishi yurak sohasi radioterapiyasidan keyin ham yuz berishi mumkin.

Indometatsinni bir vaqtda yuborishni juda ehtiyotkorlik bilan bajarilishi kerak, chunki oʻtkir suvli intoksikatsiya holati yuzasidan xabar berilgan.

Umuman olganda, siklofosfamid bilan davolanayotgan patsiyentlar alkogolli ichimliklarni isteʼmol qilishdan saqlanishlari kerak.

Greypfrut mevasi tarkibida siklofosfamidning faolligini va shu bilan uning samaradorligini izdan chiqarishi mumkin boʻlgan birikma saqlaganligi sababli, patsiyent greypfrutlarni isteʼmol qilishi yoki sharbatini ichishi mumkin emas.

 

Nomutanosibligi

Eritmalarning tarkibida benzil spirti siklofosfamidning barqarorligini kamaytirishi mumkin.

 

Maxsus koʻrsatmalar

Davolashni boshlashdan oldin efferent siydik chiqarish yoʻllaridagi har qanday toʻsiqlarni, sistit, infeksiyalar va elektrolitlar disbalansini bartaraf qilish yoki toʻgʻrilash kerak.

Umuman olganda, endoksan va barcha boshqa sitostatiklarni kuchsizlangan va keksa yoshdagi bemorlarda, shuningdek ilgari nur bilan davolangan patsiyentlarda ehtiyotkorlik bilan qoʻllash kerak.

Immun tizimi sust boʻlgan patsiyentlar, masalan, qandli diabet, surunkali jigar yoki buyrak kasalliklari boʻlgan patsiyentlarni ham sinchiklab kuzatish talab etiladi.

Agar endoksan bilan davolanish vaqtida mikro- yoki makrogematuriya bilan bogʻliq boʻlgan sistit rivojlansa, endoksan-terapiya ular normallashgunicha toʻxtatilishi kerak.

Davolanish vaqtida leykotsitlar nazoratini muntazam ravishda oʻtkazish kerak: davolash boshlanganida 5-7 kunlik interval bilan, va agar koʻrsatkich 3000/mm3 dan kamaysa, har 2 kunda oʻtkazilishi kerak. Maʼlum bir holatlarda har kuni nazorat oʻtkazish kerak boʻlishi mumkin. Agar uzoq muddatli davolash kursini oʻtsa, har ikki haftada nazorat oʻtkazish odatda yetarli hisoblanadi. Agar miyelosupressiyaning belgilari aniq namoyon boʻlsa, eritrotsitlar va trombotsitlarning miqdorini tekshirish tavsiya etiladi. Shuningdek siydikdagi choʻkma eritrotsitlarni borligiga muntazam ravishda tekshirilishi kerak.

Homiladorlik va laktatsiya davrida qoʻllanishi

Siklofosfamid bilan davolanish erkaklar va ayollarda genotip anomaliyalarini chaqirishi mumkin.

Vital koʻrsatmalarda homiladorlikni birinchi uch oyligi vaqtida homilani olib tashlashga nisbatan tibbiy maslahatlar juda muhimdir.

Homiladorlikni birinchi uch oyligidan soʻng, agar davolashni toʻxtatish mumkin boʻlmasa, patsiyent ayol homiladorlikni davom etishini hohlasa, kimyoterapiya patsiyentga ahamiyatsiz, ammo kuzatilishi mumkin boʻlgan teratogen asoratlarni rivojlanish xavfi yuzasidan axbarot berilgandan soʻng amalga oshirilishi kerak.

Davolanish vaqtida ayol homilador boʻlishi mumkin emas. Agar davolanish vaqtida u homilador boʻlib qolsa, u mediko-genetik maslahat olishi kerak.

Siklofosfamid ona sutiga oʻtganligi sababli, onalar davolanish vaqtida bolani emizishlari mumkin emas.

Erkaklar endoksan bilan davolanishdan oldin spermani saqlanishi yuzasidan axborot olgan boʻlishlari kerak.

Kimyoterapiya tugaganidan soʻng erkaklar va ayollarda kontratsepsiyani davomiyligi asosiy kasallikning prognoziga va ota-onani homilador boʻlish hohishining intensivligiga bogʻliq.

Transport vositalarini boshqarish va mashinadan foydalanish qobiliyatiga taʼsiri

Siklofosfamidni yuborishda, qon aylanishini yetishmovchiligiga olib kelishi mumkin boʻlgan koʻngil aynishi, qusish kabi nojoʻya samaralarni rivojlanishi mumkinligi sababli, shifokor patsiyentni yoʻl harakatida ishtirok etishi yoki mashinalarni boshqarish qobiliyati yuzasidan oʻzi individual ravishda qaror qabul qilishi kerak.

Preparat bolalar ololmaydigan joyda saqlansin va oʻramida koʻrsatilgan yaroqlilik muddati tugaganidan soʻng ishlatilmasin.

 

Dozani oshirib yuborilishi

Siklofosfamidga qarshi aniq antidotni borligi maʼlum emasligi tufayli, har safar uni qoʻllaganda ehtiyotkorilkka rioya qilish kerak. Siklofosfamid dializ yordamida organizmda chiqarilishi mumkin. Shuning uchun zudlik bilan gemodializ oʻtkazish oʻz joniga qasd qilish yoki bexosdan dozasi oshirib yuborilgan hollarda koʻrsatilgan. Minutiga 78 ml qonni tozalaydigan dializ dializatda metabolizmga uchramagan siklofosfamidning konsentratsiyasi boʻyicha hisoblangan (normal buyrak orqali tozalanish minutiga taxminan 5-11 ml ni tashkil etadi). Ikkinchi ishchi guruhi minutiga 194 ml koʻrsatkich yuzasidan xabar bergan. 6 soatlik dializdan soʻng, siklofosfamidning yuborilgan dozasini 72% dializatda aniqlangan. Dozasi oshirib yuborilganida barcha nojoʻya reaksiyalar ichida miyelosupressiyani, asosan leykopeniyani kutish mumkin. Miyelosupressiyaning ogʻirligi va davomiyligi dozani oshirib yuborilish darajasiga bogʻliq. Qonni tez-tez tahlil qilish va patsiyentni kuzatish muhim hisoblanadi. Agar neytropeniya rivojlansa, infeksiyani oldini olish uchun eʼtibor berish kerak, va infeksiyalar antibiotiklar yoramida davolanishi kerak. Agar trombotsitopeniya rivojlansa, zarurat boʻlganida trombotsitlar oʻzgartirilishi kerak.

Biron-bir urotoksik taʼsirlardan saqlanish uchun, UROMITEXAN (mesna) yordamida sistitni oldini olish juda muhimdir.

Izoh:

Agar siklofosfamid inyeksiya qilinganida bexosdan paravenoz yuborilsa, u holda odatda toʻqimalarni sitotoksik shikastlanish xavfi yoʻq, chunki jigarda siklofosfamidni biofaollashuvi amalga oshmagunicha shikastlanish xavfi kutilmaydi.

Shunday boʻlsa ham, paravazatsiya rivojlanganida yuborishni zudlik bilan toʻxtatish va kanyula yordamida paravazatsiyani toʻxtatish, va ushbu sohani fiziologik eritma bilan hoʻllash va tizimning turgʻunligini taʼminlash kerak.

 

Saqlash sharoiti

25oS dan yuqori boʻlmagan haroratda.

 

 

Chiqarilish shakli

Oq kristall kukun kulrang tiqin, qopqoqcha bilan berkitilgan sigʻimi 20 ml li rangsiz tiniq shisha flakonlarda (I tipi yoki III tipi, YEF); quyisi – alyuminiy, yuqorisi – koʻk. 1 flakondan qoʻllash boʻyicha yoʻriqnomasi bilan birga karton qutida.

 

Yaroqlilik muddati

3 yil.

 

Dorixonalardan berish tartibi

Retsept boʻyicha.