Ilovani yuklab oling
Yuklab olish
Эмтрицитабин+Тенофовир ТАБЛЕТКА

Oson Apteka - Dorixonalar ma'lumotnomasi

Эмтрицитабин+Тенофовир ТАБЛЕТКА 200мг+300мг №30

650 000 so'mdan
(1985)
Dorixonalardagi narx
Xaritada topish
Tavsif
Эмтрицитабин+Тенофовир ТАБЛЕТКА 200мг+300мг №30
Xususiyatlari
Xalqaro nomi
Ishlab chiqaruvchi
Chiqarilish shakli
Farma. Guruh
Dori tafsilotlari
Dori shakli:
Tarkibi:
Taʼrifi:
Farmakoterapevtik guruhi: 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli:

 qobiq bilan qoplangan tabletkalar

 

Tarkibi:

Har bir qobiq bilan qoplangan tabletka quyidagilarni saqlaydi:

faol modda: emtritsitabin – 200 mg, tenofovir dizoproksil fumarati – 300 mg (Tenofovir dizoproksilga ekvivalent 245 mg);

yordamchi moddalar: laktoza monogidrati, mikrokristall sellyuloza, oldindan jelatinlangan kraxmal, natriy kroskarmelloza, kolloid kremniy dioksidi, magniy stearati, tozalangan suv, “Instacoat Universal Blue” qobigʻi (gipromelloza, laktoza monogidrati, triatsetin, titan dioksidi, “Lake Indigo Sarmine” boʻyovchisi).

 

Taʼrifi:

 kapsulasimon, ikki tomonlama qavariq, koʻk rangli qobiq bilan qoplangan, bir tomon bosma yozuv bilan va boshqa tomoni silliq tabletkalar.

 

Farmakoterapevtik guruhi: 

viruslarga qarshi vosita.

 

 

Farmakologik xususiyatlari

Farmakodinamikasi

Taʼsir mexanizmi va farmakodinamik samaralari. Emtritsitabin – bu sitidinning nukleozid analogidir. Tenofovir dizoproksil fumarati in vivo sharoitida tenofovirga, nukleozid monofosfati (nukleotit) adenozin monofasfat analogiga aylanadi. Emtritsitabin ham, tenofovir ham odam immun tanqisligi virusiga (OITV-1 va OITV-2) va V gepatiti virusiga spetsifik boʻlgan faollikni nomoyon qiladi.

Emtritsitabin va tenofovir xujayra fermentlari tomonidan muvofiq emtritsitabin  trifosfati va tenofovir difosfati hosil boʻlishi bilan fosforlanadi. In vitro sharoitidagi tadqiqotlar emtritsitabin xam, tenofovir xam birikkanda xujayralarda toʻliq fosforlanishlari mumkin. Emtritsitabin  trifosfati va tenofovir difosfati OITV-1 qaytar transkriptazani raqobatli ingibitsiya qiladi, bu DNK zanjirini uzilishiga olib keladi.

Emtritsitabin va tenofovir difosfati sut emizuvchilarning DNK polimerazasini kuchsiz ingibitorlari hisoblanadi, va ularni in vitro va in vivo sharoitlarda mitoxondrialarga toksik taʼsir koʻrsatishi yuzasidan dalillar yoʻq.

In vitro sharoitida viruslarga qarshi faollik. Emtritsitabin va tenofovir majmuasida in vitro sharoitda sinergik viruslarga qarshi faollik kuzatilgan. Proteaza ingibitorlari bilan va OITV qaytar transkreptazasining ingibitorlarini nukleozid va nonukleozid analoglari bilan majmuaviy tadqiqotlar vaqtida sinergik samarasiga qoʻshimcha taʼsir kuzatilgan.

Rezistentlik. Rezistentlik in vitro sharoitda ayrim OITV-1 infeksiyalangan patsiyentlarda, emtritsitabin taʼsirida M184V/I mutatsiyalar yoki tenofovir taʼsirida K65R mutatsiyalar rivojlanishi tufayli kuzatilgan. Emtritsitabinga yoki tenofovirga rezistentlikning boshqa yoʻllari topilmagan. M184V/I mutatsiyali emtritsitabin rezistent viruslar lamivudinga kross-rezistent boʻlganlar, lekin didanozinga, stavudinga, tenofovirga va zidovudinga sezuvchanlik saqlaganlar. K65R mutatsiya  shuningdek abakavir yoki didanozin taʼsirlarida rivojlanishi mumkin va bu ushbu vositalarga, shuningdek lamivudinga, emtritsitabinga va tenofovirga boʻlgan sezuvchanlikni pasayishiga olib keladi. K65R mutatsiyaga ega boʻlgan OITV-1 boʻlgan patsiyentlar, tenofovir dizoproksil fumaratini qoʻllashdan saqlanishlari kerak.

Timidinning analogi bilan bogʻliq boʻlgan uch yoki koʻproq mutatsiyalar namoyon boʻlgan OITV-1 li patsiyentlar (thymidine analogue associated mutations – TAMs), ularda M41L  yoki L219W qaytar transkreptaza mutatsiyasi ham boʻlgan, tenofovir dizoproksil fumaratiga past sezuvchanlik namoyon qilganlar.

In vivo sharoitida rezistentlik (ilgari antiretrovirusli preparatlar bilan davolanmagan patsiyentlar). Ochiq randomizatsiyalangan klinik tadqiqotlar (GS-01-934) davomida, ilgari antiretrovirus preparatlar bilan davolanmagan patsiyentlarda tekshirishni 48, 96 yoki 144 haftalarida barcha patsiyentlar qon plazmasidan olingan OITV-1 izolyatlarida OITV RNK >400 nusxa/ml shikastlanishi boʻlgan, yoki tekshirilayotgan preparatni yuborish muddatidan oldin toʻxtitilgan vaqtda genotiplash oʻtkazilgan.

144 haftadagi holat boʻyicha:

  • oʻtkazilgan tahlilga muvofiq, emtritsitabin/tenofovir dizoproksil fumarati/efavirens olgan guruh patsiyentlaridan olingan 19 izolyatlardan 2 tasida (10,5%), va lamivudin/zidovudin/efavirens olgan guruh patsiyentlarida tahlil qilingan 29 izolyatlardan 10 tasida (34,5%) M184V/I mutatsiya rivojlangan (r < 0,05, Fisherning aniq mezoni boʻyicha barcha guruh patsiyentlari orasida, unda emtritsitabin+tenofovir dizoproksil fumarati olganlar, lamivudin/zidovudin olgan barcha guruh patsiyentlari bilan solishtirganda);
  • tahlil qilingan viruslardan birontasi ham K65R mutatsiyasini saqlamagan;
  • efavirensga asosan K103N virusiga mutatsiya koʻrinishidagi genotipik rezistentlik, emtritsitabin/tenofovir dizoproksil fumarat/efavirens olgan patsiyentlar guruhining 19 dan 13 tasidan olingan virusda rivojlangan, qiyosiy guruhda bu koʻrsatkichlar 29 dan 21 (72%) patsiyentda qayd etilgan.

Farmakokinetikasi

Soʻrilishi. Preparatning bitta tabletkasining bioekvivalentligi, sogʻlom koʻngillilar tomonidan och qoringa bir martalik doza qoʻllanganidan keyin aniqlangan. Sogʻlom koʻngillilarda preparatni peroral qabul qilganlaridan keyin emtritsitabin va tenofovir dizoproksil fumarati tez soʻriladi, tenofovir dizoproksil fumarati esa tenofovirga aylanadi. Emtritsitabin va tenofovirning zardobdagi maksimal konsentratsiyasi ular och qoringa qabul qilinganlaridan keyin 0,5 soatdan 3 soatgacha diapazonda kuzatiladi. Preparatni yogʻli yoki yogʻsiz ovqat bilan qabul qilish, och qoringa qabul qilinganiga nisbatan, tenofovirning maksimal konsentratsiyaga erishishini taxminan bir soatning toʻrtdan uchiga kechikishiga va tenofovirning AUC va Cmax qiymatlarini muvofiq taxminan 35% va 15% ga oshishiga olib keladi. Tenofovirni soʻrilishini optimallashtirish uchun preparatni ovqat bilan qabul qilish tavsiya etiladi.

Taqsimlanishi. Vena ichiga yuborilgandan keyin emtritsitabin va tenofovirning taqsimlanish hajmi muvofiq taxminan 1,4 l/kg va 800 ml/kg ni tashkil qilgan. Emtritsitabin yoki tenofovir dizoproksil fumarati peroral yuborilgandan keyin emtritsitabin va tenofovir butun organizm boʻylab keng taqsimlanadi. In vitro sharoitida emtritsitabinning odam qon plazmasi oqsillari bilan bogʻlanishi <4% ni tashkil qilgan va 0,02 dan 200 mkg/ml diapazonida konsentratsiyaga bogʻliq boʻlmagan. Tenofovirni in vitro sharoitda bogʻlanishida, tenofovirning 0,01 dan 25 mkg/ml gacha konsentratsiyalar diapazonida plazma oqsili yoki qon zardobi oqsili bilan bogʻlanishi muvofiq 0,7 va 7,2% ni tashkil qilgan.

Biotransformatsiyasi. Emtritsitabinning biotransformatsiyasi cheklangan. Emtritsitabinning biotransformatsiyasi tiolli qismini 3ʻ-sulfoksid diastereomerlar (dozadan taxminan 9%) hosil boʻlishi bilan oksidlanishi va 2ʻ-O-glyukuronid (dozaning taxminan 4%) hosil boʻlishi bilan glyukuron kislotasi bilan bogʻlanishini oʻz ichiga oladi. In vitro sharoitida tadqiqotlar na tenofovir dizoproksil fumarati, na tenofovir CYP450 fermentlarining substratlari emasligini namoyon qildi. Na emtritsitabin, na tenofovir in vitro sharoitida odamda preparatning iotransformatsiyasida ishtirok etadigan CYP450 fermentining asosiy izoformalaridan irontasini ham metabolizmini ingibitsiya qilmaydi. Shuningdek emtritsitabin glyukuronidatsiyaga javobgar boʻlgan ferment – uridin-5ʻ-difosfoglyukuronil transferazani ingibitsiya qilmagan.

Chiqarilishi. Emtritsitabin asosan buyrak orqali siydikda (taxminan 86%) va ahlatda (taxminan 14%) chiqariladi. Emtritsitabinning dozasini 13% siydikda uch metaboliti sifatida aniqlangan. Emtritsitabinning tizimli klirensi oʻrtacha minutiga 307 ml ni tashkil qilgan. Peroral yuborilgandan keyin emtritsitabinning yarim chiqarilish davri taxminan 10 soatni tashkil qiladi.

Tenofovir asosan buyrak orqali filtratsiya yoʻli bilan ham, va faol tubulyar transport tizimi yordamida ham chiqariladi, bunda vena ichiga yuborilgandan keyin dozaning taxminan 70-80% oʻzgarmagan holda siydik bilan chiqariladi. Tenofovirning taxminiy klirensi oʻrtacha minutiga 307 ml ni tashkil qiladi. Buyrak klirensi minutiga taxminan 210 ml tashkil qilgan, bu glomerulyar filtratsiya tezligidan yuqoridir. Bu tubulyar sekretsiya tenofovirni chiqarilishini muhim qismi ekanligini koʻrsatadi. Peroral yuborilgandan keyin tenofovirning yarim chiqarilish davri taxminan 12-18 soatni tashkil qiladi.

Yosh, jins va etnik mansublik. Emtritsitabin va tenofovirning farmakokinetikasi erkak va ayol jinsi patsiyentlarida oʻxshash boʻlgan. Umuman olganda yangi tugʻilgan chaqaloqlar, kichik yoshli bolalar va oʻsmirlardagi emtritsitabinning farmakokinetikasi, kattalarda kuzatiladiganga oʻxshash. Bolalar va oʻsmirlarda tenofovirning farmakokinetikasining tadqiqotlari oʻtkazilmagan. Keksa yoshdagi patsiyentlarda (65 yoshdan oshgan) emtritsitabin yoki tenofovirning farmakokinetikasini tadqiqotlari oʻtkazilmagan.

Turli etnik guruh vakillarida emtritsitabinning farmakokinetikasida klinik ahamiyatli farqlar aniqlanmagan. Turli etnik guruh vakillarida tenofovirning farmakokinetikasining xususiyatlari oʻrganilmagan.

Buyrak tomonidan buzilishlari. Buyrak tomonidan buzilishlari boʻlgan patsiyentlarda alohida preparatlar yoki bitta preparat tarkibida bir vaqtda yuborilgandan keyin emtritsitabin va tenofovirning farmakokinetikasi boʻyicha cheklangan maʼlumotlar mavjud. Farmakokinetik koʻrsatkichlar turli darajali buyrak tomonidan buzilishlari boʻlgan OITV-infeksiyalanmagan patsiyentlarda, asosan emtritsitabinning 200 mg yoki tenofovirning 245 mg bir martalik dozalari yuborilgandan keyin aniqlangan. Buyrak tomonidan buzilishlarning darajasi kreatinin klirensining (CrCl) dastlabki qiymatlariga muvofiq aniqlangan (CrCl >80 ml/min dagi buyrakning normal funksiyasi; CrCl = 50-79 ml/min dagi axamiyatsiz buzilishlar; CrCl = 30-49 ml/min dagi oʻrtacha buzilishlar va CrCl = 10-29 ml/min dagi ogʻir buzilishlar).

Emtritsitabinning oʻrtacha ekspozitsiyasi (%SV) buyrak funksiyasi normal boʻlgan patsiyentlarda 12 (25%) mkg*soat/ml dan, buyrak funksiyasini ahamiyatsiz, oʻrtacha va ogʻir buzilishlari boʻlgan patsiyentlarda muvofiq 20 (6%) mkg*soat/ml, 25 (23%) mkg*soat/ml va 34 (6%) mkg*soat/ml gacha oshgan.

Tenofovirning oʻrtacha ekspozitsiyasi (%SV) buyrak funksiyasi normal boʻlgan patsiyentlarda 2185 (2%) mkg*soat/ml dan, buyrak funksiyasini ahamiyatsiz, oʻrtacha va ogʻir buzilishlari boʻlgan patsiyentlarda muvofiq 3064 (30%) mkg*soat/ml, 6009 (42%) mkg*soat/ml va
15985 (45%) mkg*soat/ml gacha oshgan.

Buyrak funksiyasini oʻrtacha buzilishlari boʻlgan patsiyentlarda preparatning dozasini intervalini oshirilishi, buyrak funksiyasi normal boʻlgan patsiyentlarga nisbatan, qon plazmasida katta choʻqqi konsentratsiyalarga va Smin ni pastroq darajalariga olib keladi. Buning klinik oqibatlari nomaʼlum.

Gemodializ zarur boʻlgan buyrak kasalliklarining terminal bosqichi (end-stage renal disease – ESRD) boʻlgan patsiyentlarda, preparatga ekspozitsiya 72 soat davomida emtritsitabinga 53 (19%) mkg*soat/ml gacha va 48 soat davomida tenofovirga 42 857 (29%) ng*soat/ml gacha ahamiyatli oshgan.

Kreatinin klirensi minutiga 30-49 ml boʻlgan patsiyentlar uchun preparatni yuborish orasidagi intervalni oʻzgartirish tavsiya etiladi. Preparat CrCl <30 ml/min boʻlgan yoki gemodializda boʻlgan patsiyentlar uchun toʻgʻri kelmaydi.

Buyrak tomonidan buzilishlar boʻlgan OITV-infeksiyali patsiyentlarda tenofovir dizoproksil fumaratining emtritsitabin bilan majmuadagi antiretrovirusli faolligining xavfsizligi va farmakokinetikasini baholash boʻyicha katta boʻlmagan klinik tadqiqotlar oʻtkazilgan. Dastlabki kreatinin klirensi minutiga 50-60 ml boʻlgan patsiyentlar kichik guruhida preparatni sutkada 1 marta qabul qilish tenofovirning ekspozitsiyasini 2-4 marta oshishiga va buyrak funksiyasini yomonlashishiga olib kelgan.

Jigar buzilishlari. Jigar funksiyasini buzilishlari boʻlgan patsiyentlarda preparatning farmakokinetikasi oʻrganilmagan. Lekin jigar tomonidan buzilishlar boʻlgan patsiyentlar uchun preparatning dozasiga tuzatish kiritish zaruratining ehtimoli kam.

Jigar yetishmovchiligining turli darajalari boʻlgan V tip gepatiti virusi (HBV) bilan infeksiyalanmagan patsiyentlarda emtritsitabinning farmakokinetikasi tekshirilmagan. Umuman HBV infeksiyalangan patsiyentlarda emtritsitabinning farmakokinetikasi sogʻlom shaxslar va OITV-infeksiyalangan patsiyentlardagi farmakokinetikasi bilan bir xil boʻlgan.

Tenofovir dizoproksilning 245 mg bir martalik dozasi jigar funksiyasini Child-Pugh-Turcotte (CPT) tasnifiga muvofiq aniqlangan turli darajali buzilishlari boʻlgan OITV-infeksiyalanmagan patsiyentlarda qoʻllangan. Jigar tomonidan buzilishlar boʻlgan patsiyentlarda tenofovirning farmakokinetik koʻrsatkichlari axamiyatli oʻzgarmagan, bu shu patsiyentlar uchun dozaga tuzatish kiritishning zarurati yoʻqligini koʻrsatadi. Tenofovirning Smax va AUC00-∞ oʻrtacha qiymatlari (%SD) jigar buzilishlari boʻlmagan shaxslardagi muvofiq 223 (34,8%) ng/ml va 2 050 (50,8%) ng*soat/ml bilan solishtirilganda, jigarni oʻrtacha buzilishlari boʻlgan patsiyentdarda 289 (46,0%) ng/ml va 2 310 (43,5%) ng*soat/ml va jigarni ogʻir buzilishlari boʻlgan patsiyentlarda 305 (24,8%) ng/ml va 2 740 (44,0%) ng*soat/ml ni tashkil qilgan.

 

Qoʻllanilishi
  • OITV infeksiyasi va V gepatitini davolash.
  • kattalarda OITV-1 infeksiyasini majmuaviy antiretrovirusli davolash uchun qoʻllaniladi.

 

Qoʻllash usuli va dozalari

Davolashni OITV-infeksiyasini davolash tajribasiga ega boʻlgan shifokor boshlashi kerak.

Kattalar: Preparatning tavsiya etilgan dozasi 1 tabletkani tashkil qiladi,  u peroral sutkada 1 marta ovqatlanish vaqtida qabul qilinadi. Tenofovirning soʻrilishini optimallashtirish uchun, preparatni ovqat bilan birga qabul qilish tavsiya etiladi. Xatto yengil ovqat ham tenofovirni majmuaviy tabletkadan soʻrilishini yaxshilaydi (Farmakokinetikasi boʻlimiga qarang).

Keksa yoshdagi patsiyentlar. 65 yoshdan oshgan patsiyentlar uchun dozalashga taalluqli tavsiyalarni asoslash mumkin boʻlgan maʼlumotlar yoʻq. Lekin buyrak yetishmovchiligining belgilari boʻlmaganida kattalar uchun tavsiya etilgan sutkalik dozaga tuzatish kiritish talab etilmaydi.

Buyrak tomonidan buzilishlar. Emtritsitabin va tenofovir organizmdan siydik bilan chiqariladi, shuning uchun buyrak disfunksiyasi boʻlgan patsiyentlar emtritsitabin va tenofovirning kuchli taʼsirini xis etadilar. Oʻrtacha va ogʻir darajada buyrak tomonidan buzilishlar (kreatinin klirensi <50 ml/min) boʻlgan patsiyentlarda preparatni qoʻllash xavfsizligi va samaradorligi toʻgʻrisidagi maʼlumotlar cheklangan. Buyrak tomonidan ahamiyatsiz buzilishlari (kreatinin klirensi minutiga 50-80 ml) ga nisbatan xavfsizlik koʻrsatkichlarini uzoq kelajakdagi holatini baholash oʻtkazilmagan. Shu sababli buyrak funksiyasini buzilishlari boʻlgan patsiyentlar preparatni faqat, agar davolashdan potensial foyda potensial xavfdan ustun deb hisoblanganda qoʻllash mumkin. Buyrak yetishmovchiligi boʻlgan patsiyentlarda, buyrak funksiyasini sinchkov kuzatish talab qilinishi mumkin (Maxsus koʻrsatmalar boʻlimiga qarang). Kreatinin klirensi <50 ml/min boʻlgan patsiyentlar uchun dozalash intervalini muvofiqlashtirish talab etiladi. Agar davolashdan potensial foyda, potensial xavfdan ustun deb hisoblansa, preparatni qoʻllash mumkin.

Buyrak tomonidan ahamiyatsiz buzilishlar (kreatinin klirensi minutiga 50-80 ml). 1 tabletkadan sutkada 1 marta qabul qilinadi (Maxsus koʻrsatmalar boʻlimiga qarang).

Buyrakni oʻrtacha buzilishlari (kreatinin klirensi minutiga 30-49 ml). Preparatni har 48 soatda qabul qilish tavsiya etiladi (Maxsus koʻrsatmalar boʻlimiga qarang).

Buyrakni ogʻir buzilishlari (kreatinin klirensi <30 ml/min) va gemodializda boʻlgan patsiyentlar. Buyrakni ogʻir buzilishlari boʻlgan patsiyentlar (kreatinin klirensi <30 ml/min) va gemodializ talab qilanadigan patsiyentlar uchun preparat tavsiya etilmaydi, chunki majmuaviy tabletka bilan dozani kerakli kamaytirishga erishish mumkin emas.

Jigar tomonidan buzilishlar. Dozaga tuzatish kiritish talab etilmaydi.

Qoʻllash usuli

Tabletkani yutish kerak. Agar patsiyentlarga yutish qiyin boʻlsa, unda preparat tabletkasini taxminan 100 ml suv, apelsin yoki uzum sharbatida eritilgandan keyin darhol qabul qilish mumkin.

Agar dozani qabul qilish oʻtkazib yuborilgan boʻlib, va dozani odatdagi qabul qilish vaqtidan 12 soatdan kamroq oʻtgan boʻlsa, unda patsiyent preparatni iloji boricha tezroq ovqat bilan birga qabul qilishi va preparatni odatdagi qabul qilish tartibiga oʻtishi kerak. Agar preparatning dozasini odatdagi qabul qilish vaqtidan 12 soatdan koʻproq oʻtgan boʻlsa, unda patsiyent oʻtkazib yuborilgan dozani qabul qilmasligi, lekin preparatni qabul qilishni odatdagi tartibiga oʻtishi kerak.

Agar preparatni qabul qilgandan keyin 1 soat davomida patsiyentda qusish paydo boʻlsa, yana bir tabletkani qabul qilish kerak. Agar preparatni qabul qilgandan keyin 1 soatdan koʻproq vaqt oʻtgach patsiyentda qusish paydo boʻlsa, unda navbatdagi tabletkani qabul qilmaslik kerak.

 

Nojoʻya taʼsirlari

Nojoʻya reaksiyalar tizimlar va aʼzolar sinfi va mutloq tez-tezligi boʻyicha berilgan. Tez-tezligi quyidagicha aniqlanadi: juda tez-tez (≥ 1/10), tez-tez (≥ 1/100 dan < 1/10 gacha), tez-tez emas (≥ 1/1000 dan < 1/100 gacha), yakka hollarda (≥ 1/10000 dan < 1/1000 gacha), kam hollarda (< 1/10000) yoki nomaʼlum (preparat bozorga chiqqanidan keyin xavfsizligini kuzatishlar natijasida aniqlangan, va bor boʻlgan maʼlumotlar boʻyicha ularning tez-tezligini aniqlash mumkin emas).

Qon va limfatik tizimi tomonidan buzilishlar.

Tez-tez: neytropeniya.

Tez-tez emas: anemiya.

Immun tizimi tomonidan buzilishlar.

Tez-tez: allergik reaksiyalar.

Ovqat hazm qilish va moddalar almashinuvini buzilishlari.

Juda tez-tez: gipofosfatemiya.

Tez-tez: giperglikemiya, gipertriglitseridemiya.

Tez-tez emas: gipokaliyemiya.

Yakka hollarda: laktatatsidoz.

Nukleozidlarning analoglari qoʻllanganida laktatatsidoz xaqida xabar berilgan, u odatda jigarning yogʻli degeneratsiyasi bilan bogʻliq (Maxsus koʻrsatmalar boʻlimiga qarang).

Ruxiy buzilishlar.

Tez-tez: uyqusizlik, anomal tush koʻrishlar.

Nerv tizimi tomonidan buzilishlar.

Juda tez-tez: bosh ogʻrigʻi, bosh aylanishi.

Nafas tizimi, koʻkrak qafasi va koʻks oraligʻi aʼzolari tomonidane.

Kam hollarda: nafasni qiyinlashishi.

Ovqat hazm qilish tizimi tomonidan.

Juda tez-tez: diareya, qusish, koʻngil aynishi.

Tez-tez: zardobda lipazani oshishi, amilazani oshishi, shu jumladan meʼda osti bezi amilazasini oshishi, qorinda ogʻriqlar, dispepsiya, meteorizm.

Tez-tez emas: pankreatit.

Gepatobiliar tizimi tomonidan buzilishlar.

Tez-tez: transamilazalarni oshishi, giperbilirubinemiya, zardobda aspartataminotransferaza (AST) va/yoki alanataminotransferaza (ALT) darajasini oshishi.

Yakka hollarda: jigarning yogʻli degeneratsiyasi, gepatit.

Teri va teri osti yogʻ kletchatkasi tomonidan.

Juda tez-tez: toshma.

Tez-tez: vezikulobullyoz toshma, pustulez toshma, makulopapulez toshma, qichishish, eshakemi, teri rangini oʻzgarishi (kuchli pigmentatsiya).

Tez-tez emas: angionevrotik shish.

Skelet-mushak tizimi va biriktiruvchi toʻqima tomonidan.

Juda tez-tez: kreatinkinazani oshishi.

Tez-tez emas: rabdomioliz, mushak kuchsizligi.

Yakka hollarda: osteomalyatsiya (suyaklarda ogʻriq sifatida namoyon boʻladi va baʼzida sinishlarning sabablaridan biri hisoblanadi), miopatiya.

Siydik chiqarish tizimi tomonidan buzilishlar.

Juda tez-tez: kreatininni oshishi, proteinuriya.

Yakka hollarda: buyrak yetishmovchiligi (oʻtkir va surunkali), oʻtkir tubulyar nekroz, proksimal buyrak tubulopatiyasi, shu jumladan Fankoni sindromi, nefrit (shu jumladan oʻtkir interstitsial nefrit), nefrogen qandli diabet.

Tizimli buzilishlar va yuborish joyidagi asoratlar.

Juda tez-tez: asteniya.

Tez-tez: ogʻriq.

Proksimal buyrak tubulopatiyasi oqibatida kuzatilishi mumkin boʻlgan noxush reaksiyalar: rabdomioliz, osteomalyatsiya (suyaklarda ogʻriq sifatida namoyon boʻladi va baʼzida sinishlarning sabablaridan biri hisoblanadi), gipokaliyemiya, mushak kuchsizligi, miopatiya va gipofosfatemiya. Proksimal buyrak tubulopatiyasi boʻlmaganda, bu koʻrinishlar tenofovir dizoproksil fumarati bilan davolash bilan bogʻliq deb hisoblanmaydi.

Bundan tashqari, agar emtritsitabin bolalarda qoʻllansa, koʻproq anemiya va juda koʻp hollarda teri rangini oʻzgarishi (kuchli pigmentatsiya) kuzatilgan.

Yondosh OITV/V yoki S tipidagi gepatit virusi bilan infeksiyalangan patsiyentlar.

GS-01-934 tadqiqotida ishtirok etgan patsiyentlar ishtirok etgan boʻlib, ulardan bir vaqtda cheklangan qismigina V gepatiti virusi (n=13) yoki S gepatiti virusi (n=26) bilan infeksiyalangan. Bir vaqtda OITV/V tur gepatiti virusi yoki S tip gepatiti virusi bilan infeksiyalangan patsiyentlarda, emtritsitabin va tenofovir dizoproksil fumaratining noxush reaksiyalar profili, yondosh infeksiyasiz OITV infeksiyalangan patsiyentlarda kuzatilganga oʻxshash boʻlgan. Shunga qaramay, kutilganidek, patsiyentlarning bu populyatsiyasida OITV infeksiyalanganlarning umumiy populyatsiyasiga qaraganda, aspartataminotransferaza (AST) va alanitaminotransferaza (ALT) ning yuqori darajasi koʻproq kuzatilgan.

Majmuaviy antiretrovirus terapiya gipertriglitseridemiya, giperxolesterinemiya, insulinga rezistentlik, giperglikemiya va giperlaktatemiya kabi normadan metabolik ogʻishlar bilan bogʻliq boʻlgan (Maxsus koʻrsatmalar boʻlimiga qarang).

Majmuaviy antiretrovirus terapiya OITV bilan infeksiyalangan patsiyentlarning organizmida yo-larni ыayta taыsimlanishi (lipodistrofiya) bilan bogʻliq, shu jumladan periferik va yuz terisi ostidagi yogʻni yoʻqolishi qorin hamda ichki aʼzolardagi yogʻning miqdorini kuchayishi, koʻkrak gipertrofiyasi va orqa boʻyin qismida yogʻni toʻplanishi (buqa bukirligi) kuzatiladi. (“Maxsus koʻrsatmalar” boʻlimiga qarang).

OITV-infeksiyalangan ogʻir immun yetishmovchiligi boʻlgan patsiyentlarda majmuaviy antiretrovirus preparatlar bilan davolashni (CART) oʻtkazish vaqtida asimptomatik yoki qoldiq opportunistik infeksiyalarga yalligʻlanish reaksiyasi paydo boʻlishi mumkin. (Maxsus koʻrsatmalar boʻlimiga qarang).

Osteonekroz holatlari xaqida, ayniqsa, OITV-kasalligini rivojlanishining umumiy qabul qilingan xavf omillari boʻlgan patsiyentlarda yoki majmuaviy antiretrovirus terapiya (CART)ning davomli taʼsirida osteonekroz holatlari xaqida xabar berilgan . Bunday hollarning tez-tezligi nomaʼlum (Maxsus koʻrsatmalar boʻlimiga qarang).

Nojoʻya reaksiyalar yuz berganida davolovchi shifokorga murojaat qilish kerak.

 

Qoʻllash mumkin boʻlmagan holatlar
  • Taʼsir etuvchi moddalarga yoki yordamchi moddalardan birontasiga yuqori sezuvchanlik.
  • Bolalarda qoʻllash mumkin emas.

 

Dorilarning oʻzaro taʼsiri

Oʻzaro taʼsir boʻyicha tadqiqotlari faqat kattalarda oʻtkazilgan.

Agar emtritsitabin va tenofovir dizoproksil fumarati birga qoʻllangan boʻlsa, har bir dori preparati alohida yuborilishi bilan solishtirganda, emtritsitabin va tenofovirning statsionar holatdagi farmakokinetikasi taʼsirga uchramagan.

In vitro va klinik farmakokinetik oʻzaro taʼsir boʻyicha tadqiqotlar, emtritsitabin va tenofovir dizoproksil fumaratini boshqa dori vositalari bilan ishtirokida CYP450 orqali oʻzaro taʼsirining imkoniyatini pastligini koʻrsatadi.

Emtritsitabinga taalluqli oʻzaro taʼsirlar.

In vitro emtritsitabin odamning quyidagi CYP450 izoformalaridan  birontasi  orqali metabolizmini ingibitsiya qilmagan: 1A2, 2A6, 2V6, 2S9, 2S19, 2D6 va 3A4. Emtritsitabin glyukuronidatsiyaga javobgar fermentni ingibitsiya qilmagan.

Agar emtritsitabin indinavin, zidovudin, stavudin yoki famsiklovir bilan bir vaqtda qoʻllansa, klinik ahamiyatli oʻzaro taʼsirlar yoʻq.

Emtritsitabin asosan glomerulyar filtratsiya va faol tubulyar sekretsiya yoʻli bilan chiqariladi. Famsiklovir va tenofovir dizoproksil fumaratidan tashqari, emtritsitabinni buyrak orqali chiqariladigan dori vositalari, yoki buyrak funksiyasiga taʼsir qiluvchi boshqa dori vositalari bilan bir vaqtda qoʻllashning taʼsiri baholanmagan. Preparatni faol tubulyar sekretsiya yoʻli bilan chiqariladigan dori vositalari bilan bir vaqtda qoʻllash, bu chiqarilish yoʻli uchun ular orasidagi raqobat tufayli, qon zardobida emtritsitabinning yoki u bilan bir vaqtda qoʻllanayotgan dori vositasining konsentratsiyasini oshishini chaqirishi mumkin.

Hozirgi vaqtda emtritsitabin va sitidin analoglarini bir vaqtda qoʻllashning klinik tajribasi mavjud emas. Shunday qilib, OITV-infeksiyasini davolash uchun preparatni lamivudin yoki zalsitabin bilan majmuada qabul qilish mumkin emas (Maxsus koʻrsatmalar boʻlimiga qarang).

Tenofovirga taalluqli oʻzaro taʼsirlar.

Tenofovir dizoproksil fumarati bilan birga bir vaqtda lamivudin, efavirens, nelfinavir yoki sakvinavirni (kuchaytirilgan ritonavir) yuborish klinik ahamiyatga ega boʻlgan qandaydir oʻzaro taʼsirga olib kelmagan.

Agar tenofovir dizoproksil fumarati lopinavir/ritonavir bilan qoʻllansa, lopinavir va ritonavirning farmakokinetikasining oʻzgarishlari kuzatilmagan. Agar tenofovir dizoproksil fumarati lopinavir/ritonavir bilan qoʻllansa, tenofovirning AUC qiymati taxminan 30% ga oshgan. Tenofovirning yuqoriroq konsentratsiyalari, tenofovir bilan bogʻliq boʻlgan noxush koʻrinishlarni, shu jumladan buyrakdagi buzilishlarni ham kuchaytirishi mumkin.

Agar didanozinning meʼdaga rezistent kapsulalari tenofovir dizoproksil fumarati bilan 2 soat oldin yoki bir vaqtda qabul qilinsa, didanozinning AUC qiymati muvofiq oʻrtacha 48% va 60% ga oshgan. Agar buferli tabletkalar tenofovirdan 1 soat oldin qabul qilingan boʻlsa, didanozinning AUC qiymatini oʻrtacha oshishi 44% ni tashkil qilgan. Ikkala hollarda xam tenofovirning farmakokinetikasini parametrlari, u yengil ovqat bilan qabul qilinganda, oʻzgarmasdan qolgan. Tenofovir dizoproksil fumarati va didanozinni bir vaqtda qoʻllash tavsiya etilmaydi (Maxsus koʻrsatmalar boʻlimiga qarang).

Agar tenofovir dizoproksil fumarati atanazavir bilan qoʻllansa, atanazavirning konsentratsiyasini kamayishi kuzatilgan (400 mg dozaga tanazavir bilan solishtirilganda AUC va Smin ni muvofiq 25% va 26% ga kamaygan). Agar ritonavir atazanavirga qoʻshilsa, tenofovirning atanazavirning Smin ga negativ taʼsiri ahamiyatli kam boʻlgan, shu vaqtning oʻzida AUC qiymatini kamayishi oʻzidagidek qolgan (atanazavir/ritonavir 300/100 mg bilan solishtirilganda AUC va Smin  muvofiq 25% va 26% ga kamaygan). Atanazavir/ritonavirni tenofovir bilan bir vaqtda yuborish, tenofovirning ekspozitsiyasini oshishiga olib kelgan. Tenofovirning yuqoriroq konsentratsiyalari, tenofovir bilan bogʻliq boʻlgan noxush koʻrinishlarni, shu jumladan buyrakdagi buzilishlarni ham  kuchaytirishi mumkin.

Tenofovir odam organik anionlarini tashuvchilari 1 (human organic anion transporter 1 – hOAT1) orqali xam filtratsiya, xam faol sekretsiya yoʻli bilan buyrakdan chiqariladi. Tenofovir dizoproksil fumaratini anion tashuvchilari orqali faol chiqariladigan boshqa dori preparatlari (masalan, sidofovir bilan) bilan bir vaqtda qoʻllash, tenofovirning yoki bir vaqtda qoʻllangan dori preparatining konsentratsiyasini oshishini chaqirishi mumkin.

Tenofovir dizoproksil fumaratini nefrotoksik dori vositalarini (masalan, aminoglikozidlar, amfoteritsin V, foskarmet, gansiklovir, pentamidin, fankomitsin, sidofovir yoki interleykin-2) olgan patsiyentlarda baxolanmagan. Tenofovir dizoproksil fumaratini nefrotoksik dori vositalarini bir vaqtda yoki yaqinda qoʻllashdan saqlanish kerak. Agar tenofovir dizoproksil fumarati va nefrotoksik preparatlarni bir vaqtda qoʻllashdan saqlanishning iloji boʻlmasa, buyrak funksiyasini kuzatuv xar haftada oʻtkazish kerak (Maxsus koʻrsatmalar boʻlimiga qarang).

Tenofovir dizoproksil fumaratini va metadon, ribavirin, rifampitsin, adefovir dipivoksil yoki gormonal kontratseptivlar norgestimat/etinilestradiolni bir vaqtda qoʻllash, qandaydir farmakokinetik oʻzaro taʼsirga olib kelmagan.

Preparatga taalluqli oʻzaro taʼsirlar.

Takrolimusni preparat bilan bir vaqtda qoʻllash qandaydir klinik axamiyatli oʻzaro taʼsirlarga olib kelmagan.

 

Maxsus koʻrsatmalar

Preparatni emtritsitabin, tenofovir dizoproksil fumarati yoki lamivudin va zalsitabin kabi sitidinning boshqa analoglarini saqlovchi dori preparatlari bilan bir vaqtda qoʻllash mumkin emas (Dorilarning oʻzaro taʼsiri boʻlimiga qarang). Preparatni adefovir dipivoksil bilan bir vaqtda qoʻllash mumkin emas.

Uch tomonlama nukleozidli davolash.

Agar tenofovir dizoproksil fumarati lamivudin va abakavir, shuningdek lamivudin va didanozin bilan sutkada 1 marta yuborish sxemasi boʻyicha birga buyurilsa, virusologik muvaffaqiyatsiz davolash koʻp uchrashi xaqida xabarlar tushgan. Lamivudin va emtritsitabin orasida tuzilishida yaqin oʻxshashlik boʻlib, shuningdek bu ikki vositaning farmakokinetik va farmakodinamik oʻxshashligi ham mavjud. Shuning uchun preparatni uchinchi nukleozidli analog bilan birga qoʻllanganda bunday muammo kuzatilishi mumkin.

Preparatni yoki har qanday boshqa antiretrovirus terapiyani qabul qilayotgan patsiyentlarda, opportunistik infeksiyalarni va OITV-infeksiyasining boshqa asoratlarini rivojlanishi davom etishi mumkin, shu boisdan, ular OITV bilan bogʻliq kasalliklari boʻlgan patsiyentlarni davolash tajribasiga ega boʻlgan shifokorlarning sinchkov klinik kuzatuvi ostida boʻlishlari kerak.

Patsiyentlarni, antiretrovirus terapiya va preparatni, OITV boshqa shaxslarga jinsiy aloqa yoʻli yoki qon orqali yuqishi xavfini oldini olishini isboti yoʻqligi xaqida xabardor qilish kerak. Muvofiq extiyotkorlik choralarini qoʻllashni davom ettirish kerak.

Buyrak buzilishlari.

Buyrak buzilishlari boʻlgan patsiyentlar uchun, buyrak funksiyasini sinchkov kuzatish zarur boʻlishi mumkin. Kreatinin klirensi minutiga 30-49 ml boʻlgan patsiyentlar uchun preparatni qabul qilishlar orasidagi intervalni muvofiqlashtirish tavsiya etiladi. Klinik tadqiqotlar davomida bunday muvofiqlashtirish tasdiqlangan emas, va bunday patsiyentlarning klinik reaksiyasini sinchiklab kuzatish kerak. Emtritsitabin va tenofovir asosan buyrak orqali glomerulyar filtratsiya va faol tubulyar sekretsiyasi majmuaviy yoʻli bilan chiqariladi. Klinik amaliyotda tenofovir dizoproksil fumarati qoʻllanganida buyrak yetishmovchiligi, buyrakda buzilishlar, kreatinin darajasini oshishi, gipofosfatemiya va proksimal tubulopatiya (shu jumladan Fankoni sindromi) haqida xabarlar tushgan (Nojoʻya taʼsirlari boʻlimiga qarang).

Preparat bilan davolashni boshlashgacha, barcha patsiyentlarda kreatinin klirensini hisoblashni oʻtkazish va davolashning birinchi yili davomida har 4 haftada, keyin esa har 3 oyda buyrak funksiyasini (kreatinin klirensi va zardobda fosfat darajasi) kuzatish tavsiya etiladi. Buyrak funksiyasini buzilish xavfi boʻlgan patsiyentlarda, ilgari adefovir lipivoksil qoʻllash vaqtida buyrak tomonidan buzilishlari boʻlgan patsiyentlarda ham, buyrak funksiyasini yanada tez-tez kuzatib turish kerak.

Buyrak buzilishlari (kreatinin klirensi <80 ml/min) boʻlgan patsiyentlar, shu jumladan gemodializda boʻlgan patsiyentlar.

Buyrak uchun preparatning xavfsizligi cheklangan klinik tadqiqotlarda buyrak funksiyasini buzilishlari (kreatinin klirensi <80 ml/min) boʻlgan patsiyentlarda tekshirilgan. Kreatinin klirensi minutiga 30-49 ml boʻlgan patsiyentlar uchun (Qoʻllash usuli va dozalari boʻlimiga qarang) qabul qilish orasidagi intervalni muvofiqlashtirish tavsiya etiladi. Cheklangan klinik tadqiqotlarning maʼlumotlari, qabul qilish orasidagi intervalni uzaytirish optimal emasligi va toksiklikni oshishiga va, ehtimol, nomuvofiq reaksiyaga olib kelishi mumkinligini koʻrsatadi. Bundan tashqari, klinik tadqiqotlar davomida tenofovir dizoproksil fumaratini emtritsitabin bilan majmuada xar 24 soatda qabul qilgan kichik guruh patsiyentlarda (kreatinin klirensi minutiga- 50-60 ml), tenofovirning taʼsiri 2-4 marta yuqori boʻlgan, patsiyentlarda esa buyrak funksiyasini yomonlashishi aniqlangan (Farmakokinetikasi boʻlimiga qarang). Shuning uchun kreatinin klirensi <60 ml/min boʻlgan patsiyentlarda preparat qoʻllanganda foyda-xavf nisbatini sinchiklab baxolash va buyrak funksiyasini sinchiklab kuzatish kerak. Bundan tashqari, preparatni qabul qilish orasidagi intervallarni uzaytirgan holda qabul qilayotgan patsiyentlarda davolashga boʻlgan klinik reaksiyani sinchiklab kuzatish kerak. Buyrakni ogʻir buzilishlari (kreatinin klirensi <30 ml/min) boʻlgan patsiyentlarda va gemodializ oʻtkazish zarurati boʻlgan patsiyentlarda Preparatni qoʻllash tavsiya etilmaydi, chunki majmuaviy tabletkaning dozasini kamaytirishga erishish mumkin emas (Qoʻllash usuli va dozalari, Farmakokinetikasi  boʻlimiga qarang).

Agar preparatni qabul qilayotgan xar qanday patsiyentda qon zardobida fosfatning darajasi <1,5 mg/dl (0,48 mmol/l) yoki kreatinin klirensi <50 ml/min gacha pasaygan boʻlsa, bir hafta davomida buyrak funksiyasini, shu jumladan qonda glyukoza, qonda kaliy darajasini va siydikda glyukoza konsentratsiyasini aniqlashni, qayta baxolash kerak. Shuningdek, kreatinin klirensi <50 ml/minutgacha pasaygan, yoki qon zardobida fosfatning darajasi <1 mg/dl gacha (0,32 mmol/l) pasaygan patsiyentlarda preparat bilan davolashni toʻxtatishni koʻrib chiqish kerak.

Preparatni nefrotoksik dori preparatlari bilan bir vaqtda yoki yaqinda qoʻllashdan saqlanish kerak (Dorilarning oʻzaro taʼsiri boʻlimiga qarang).

Antiretrovirus preparatlar bilan ilgari davolangan va OITV-1 shtammi K65R mutatsiyaga ega boʻlgan patsiyentlarda (Farmakokinetikasi boʻlimiga qarang), preparatni qoʻllashdan saqlanish kerak.

Suyaklarga taʼsiri.

144-haftalik nazoratli klinik tadqiqotlar davomida, unda tenofovir dizoproksil fumarati stavudin bilan majmuada lamivudin va efavirens bilan qiyoslangan patsiyentlarda, ular ilgari antiretrovirusli davolash olganlar, ikkala eksperimental guruhlarda son va umurtqa pogʻonasi suyagining mineral zichligini ahamiyatsiz kamayishi kuzatilgan. Umurtqa pogʻonasi suyaklarining mineral zichligini kamayishi va suyak toʻqimasining biomarkerlarini dastlabki qiymatlarga nisbatan oʻzgarishi, 144 haftagacha tenofovir dizoproksil fumaratini qabul qilgan patsiyentlar guruhida sezilarli katta boʻlgan. Son suyagining mineral zichligini kamayishi bu guruhda 96 haftagacha ahamiyatli darajada kattaroq boʻlgan. Lekin 144 haftadan keyin sinishlar yoki suyak toʻqimasining holatini normadan klinik ahamiyatli ogʻishlari xavfining oshishi xususidagi dalillar kuzatilmagan.

Suyaklar holatini buzilishlari (ular kam sinishlarning sabablaridan biri boʻlgan) buyrakning proksimal tubulopatiyasi bilan bogʻliq boʻlishi mumkin (Nojoʻya taʼsirlari boʻlimiga qarang). Agar suyakdagi anomaliyalarga gumon paydo boʻlsa, unda tegishli maslahatlarni olish kerak.

OITV va yondosh V yoki S turdagi gepatit viruslari bilan infeksiyalangan patsiyentlar.

Antiretrovirus davolash olayotgan surunkali V yoki S gepatiti boʻlgan patsiyentlar, jigar tomonidan ogʻir va potensial fatal noxush reaksiyalarning yuqori xavfiga duchor boʻladilar.

Shifokorlar yondosh V gepatiti virusi (HBV) bilan infeksiyalangan patsiyentlarda OITV-infeksiyasini optimal nazoratiga taaluqli OITVni davolash boʻyicha joriy tavsiyalarga murojaat qilishlari kerak. V yoki S gepatiti bilan bogʻliq boʻlgan yondosh antiretrovirus davolashda ham, muvofiq dori vositalarining yoʻriqnomalariga murojaat qilish kerak.

Preparatning xavfsizligi va samaradorligi surunkali HBV infeksiyalanishni davolash uchun qoʻllanganda aniqlanmagan. Farmakodinamik tadqiqotlar davomida emtritsitabin va tenofovir alohida va majmuada HBV ga qarshi faollikni namoyish qilgan (Farmakodinamikasi boʻlimiga qarang). Cheklangan klinik tajriba, emtritsitabin va tenofovir dezoproksil fumaratini OITV-infeksiyasini nazorat qilish uchun antiretrovirusli majmuaviy davolashda qoʻllaganda HBV ga qarshi faollik namoyish qilishini koʻrsatadi.

Yondosh OITV va HBV infeksiyalangan patsiyentlarni preparat bilan davolashni toʻxtatish gepatitni kechishini ogʻir oʻtkir yomonlashishi bilan bogʻliq boʻlishi mumkin. Yondosh OITV va HBV infeksiyalanishi boʻlgan va preparatni qabul qilishni toʻxtaayotigan patsiyentlarni, davolash toʻxtatilgandan keyin hech boʻlmaganda bir necha oy davomida xam klinik, xam keyingi laboratoriya tekshirishlar yoʻli bilan sinchiklab kuzatish kerak. Zarurati boʻlganda V gepatitini davolashni qayta tiklash toʻgʻri deb hisoblanishi mumkin. Jigarning rivojlangan kasalligi yoki sirrozi boʻlgan patsiyentlar uchun davolashni toʻxtatish tasiya etilmaydi, chunki davolashdan keyin gepatitni zoʻrayishi jigar yetishmovchiligigi olib kelishi mumkin.

Jigar kasalliklari.

Ilgari mavjud boʻlgan jigar funksiyasini axamiyatli buzilishlari boʻlgan patsiyentlar uchun preparatning xavfsizligi va samaradorligi aniqlanmagan. Jigar buzilishlari boʻlgan patsiyentlarda preparat va emtritsitabinning farmakokinetikasi tekshirilmagan. Tenofovirning farmakokinetikasi jigar buzilishlari boʻlgan patsiyentlarda oʻrganilgan, va bu patsiyentlarda dozaga tuzatish kiritishga zarurat yoʻq. Emtritsitabinning minimal jigar metabolizmi va buyrak orqali chiqarilishi tufayli, jigar buzilishlari boʻlgan patsiyentlarni preparatning dozasiga tuzatish kiritishga muxtoj boʻlishlarini ehtimoli kam (Farmakokinetikasi boʻlimiga qarang).

Ilgari jigar funksiyasini buzilishlari, shu jumladan surunkali faol gepatit, boʻlgan patsiyentlarda, majmuaviy antiretrovirus davolash vaqtida jigar funksiyasini buzilishlari ancha koʻproq uchraydi va ularni standart amaliyotga muvofiq kuzatish kerak. Agar jigar kasalligini kechishini yomonlashishiga dalillar boʻlsa, unda bunday patsiyentlarni davolashda tanaffus qilish yoki uni bekor qilishni koʻrib chiqish kerak.

Laktat-atsidoz.

Nukleozidlarning analoglari qoʻllanganida odatda jigarning yogʻli degeneratsiyasi bilan bogʻliq boʻlgan laktat-atsidoz haqida xabar berilgan. Ilk simptomlari (siptomatik giperlaktatemiya) ovqat hazm qilish tizimi tomonidan yaxshi sifatli simptomlarni (koʻngil aynishi, qusish va qorin ogʻrigʻi), nospetsifik lohaslik, ishtahani yoʻqolishi, tana vaznini yoʻqotilishi, respirator simptlmlar (tez-tez va/yoki chuqur nafas) yoki nevrologik simptomlarni (shu jumladan harakat kuchsizligi) oʻz ichiga oladi. Laktat-atsidoz yuqori letallikka ega va pankreatit, jigar yetishmovchiligi yoki buyrak yetishmovchiligi bilan kechishi mumkin. Odatda laktat-atsidoz bir necha oy davolashdan keyin kuzatiladi.

Nukleozidlarning analoglari bilan davolashni simptomatik giperlaktemiya va metabolik yoki laktat-atsidozda, asta-sekin oʻsib boruvchi gepatomegaliya yoki aminotransferazalar darajasini tez koʻtarilishi sharoitida toʻxtatish kerak.

Gepatomegaliyasi, gepatiti yoki jigar kasalliklari va jigarning yogʻli degeneratsiyasini boshqa maʼlum xavf omillari (shu jumladan ayrim dori vositalari va alkogol taʼsirida) boʻlgan xar qanday patsiyentlarda (ayniqsa semizligi boʻlgan ayollarda) nukleozid analoglarini qoʻllashda extiyotkorlikka rioya qilish kerak. Yondosh S gepatiti bilan infeksiyalangan va alfa-interferon va ribavirin bilan davolanayotgan patsiyentlarni davolash, alohida xavf tugʻdirishi mumkin.

Yuqori xavf guruhiga kiruvchi patsiyentlar, sinchikov kuzatuv ostida boʻlishlari kerak.

Lipodistrofiya

OITV-infeksiyasi boʻlgan patsiyentlarda majmuaviy antiretrovirus davolash organizmda yogʻni qayta taqsimlanishiga (lipodistrofiyaga) olib kelishi mumkin. Bu koʻrinishlarning kechki oqibatlari bugungi kunda nomaʼlum. Ushbu mexanizm haqidagi bilimlar toʻliq emas. Visseral lipomatoz va proteazalarning ingibitorlari, shuningdek lipoatrofiya va qaytar transkriptazaning nukleozidli ingibitorlari orasidagi bogʻliqlik haqidagi gipoteza bildirilgan. Lipodistrofiyaning yuqori xavfi keksalik yoshi kabi kechki omillar, va antiretrovirus davolashning uzoq davomiyligi va bu bilan bogʻliq boʻlgan metabolizmning buzilishlari kabi preparat bilan bogʻliq boʻlgan omillar bilan bogʻliq. Klinik tadqiqotlar  yogʻning qayta taqsimlanishini jismoniy belgilarini aniqlashni oʻz ichiga olishi kerak. Och qoringa zardobdagi lipidlarning koʻrsatgichlariga va qondagi glyukozaning darajasiga eʼtiborni qaratish kerak. Klinik zarurat tugʻilganida lipidlar metabolizmini nazorat qilish kerak (Nojoʻya taʼsirlari boʻlimiga qarang).

Tenofovir tuzilishi boʻyicha nukleozid analoglariga kiradi, demak, lipodistrofiya xavfini istisno qilish mumkin emas. Biroq OITV-infeksiyalangan, ilgari antiretrovirus vositalar bilan davolanmagan patsiyentlarda olingan 144 haftalik klinik maʼlumotlar, tenofovir dizoproksil fumarati qoʻllangan hollarda lipodistrofiya xavfi, agar u lamivudin va efavirens bilan birga qoʻllangan boʻlsa ham stavudin qabul qilingandagiga qaraganda, kam boʻlganligini koʻrsatadi.

Mitoxondrial faoliyatni buzilishi.

In vitro va in vivo nukleozidli va nukleotidli analoglarni turli darajali mitoxondrial shikastlanishga olib kelishlari koʻrsatilgan. Ilk yoshdagi OITV-negativ bolalarda mitoxondrial disfunksiya xaqida xabarlar tushgan, ular in utero va/yoki postnatal davrda nukleozid analoglarining taʼsiriga duchor boʻlganlar. Xabar berilgan asosiy noxush koʻrinishlar gematologik buzilishlar (anemiya, neytropeniya) va metabolik buzilishlar (giperlaktatemiya, giperlipazemiya) boʻlgan. Bu koʻrinishlar koʻpincha qisq muddatli boʻlgan. Ayrim nevrologik buzilishlar haqida ham xabarlar tushgan, ular kechroq boshlangan (gipertoniya, konvulsiyalar, anomal xulq). Bugungi kunda nevrologik buzilishlar vaqtinchalikmi yoki doimiymi, nomaʼlum. Nukleozid va nukleotid  analoglarining in utero duchor boʻlgan har qanday bola, xatto OITV-negativ bolalar xam, keyinchalik klinik va laborator tekshirishdan oʻtishlari va muvofiq belgilar va simptomlar boʻlgan hollarda mitoxondrial faoliyatni buzilishi mumkinligi yuzasidan toʻliq tekshirishdan oʻtishlari kerak. Bu natijalar OITV vertikal yuqishini oldini olish uchun xomilador ayollarni antiretrovirus davolashda mavjud boʻlgan milliy tavsiyalarni ishlatishga taʼsir qilmaydi.

Immun reaktivatsiya sindromi

OITV-infeksiyalangan ogʻir immun yetishmovchiligi boʻlgan patsiyentlarda majmuaviy antiretrovirus davolash vaqtida (combination antiretroviral therapy – SART) asimptomatik yoki qoldiq opportunistik patogenlarga yalligʻlanish reaksiyasi paydo boʻlishi mumkin, u jiddiy klinik holatlar yoki simptomlarni kuchayishini chaqirishi mumkin. Odatda bunday reaksiyalar GART boshlanganda birinchi bir necha haftalar yoki oylar davomida kuzatilgan. Muvofiq misollar sitomegalovirusli rinit, yoyilgan va/yoki oʻchoqli mikobakterial infeksiyalar va Pneumocystis jiroveci xisoblanadi. Har qanday yalligʻlanish simptomlarini baholash va zarurati boʻlganda davolashni boshlash kerak.

Osteonekroz.

Garchi etiologiyasi koʻp omilli hisoblansada (kortikosteroidlarni qoʻllash, alkogol isteʼmol qilish, immunitetni ogʻir susayishi, tana vazni indeksining yuqori qiymati), osteonekroz hollari toʻgʻrisida ayniqsa rivojlangan OITV-kasalligi boʻlgan va/yoki majmuaviy antiretrovirus davolashni (GART) davomli taʼsiriga uchragan patsiyentlarga nisbatan xabar berilgan. Patsiyentlarga, agar ular boʻgʻimlarda ogʻriq, boʻgʻimlarni egiluvchan emasligi yoki harakatda qiyinchiliklarni sezsalar, maslahat uchun shifokorga murojaat qilishlari kerakligini tavsiya etish lozim.

Tenofovir dizoproksil fumarati va didanozinni bir vaqtda yuborish.

Tavsiya etilmaydi. Tenofovir dizoproksil fumarati va didanozinni bir vaqtda yuborish, didanozinning tizimli ekspozitsiyasini 40-60% ga oshishiga olib keladi, bu didanozin bilan bogʻliq boʻlgan noxush koʻrinishlar xavfini oshirishi mumkin (Dorilarning oʻzaro taʼsiri boʻlimiga qarang). Pankreatit va laktoatsidozning kamdan-kam uchraydigan, baʼzida fatal hollari haqida xabar berilgan. Tenofovir dizoproksil fumarati va didanozinni bir vaqtda sutkada 400 mg dozada yuborish, CD4 xujayralar sonini ahamiyatli kamayishiga olib keladi, bu ehtimol, didanozinning fosforlanishini oshiruvchi (yaʼni faol) xujayra ichki oʻzaro taʼsiri bilan bogʻliq boʻlishi mumkin. U tenofovir dizoproksil fumarati bilan davolash bilan birga qoʻllanadigan Didanozinning dozasini 250 mg gacha kamaytirish,, bir necha tekshirilgan majmualardagi virusologik muvaffaqiyatsiz davolashni yuqori tez-tezligi haqidagi xabarlar bilan bogʻliq.

Preparat laktoza monogidratni saqlaydi. Shunday qilib, galaktozani oʻzlashtiraolmaslik, Lapp laktaza yetishmovchiligi yoki glyukoza-galaktozani soʻrilishini buzilishi kabi kam uchrayditgan nasliy muammolari boʻlgan patsiyentlar, bu dori preparatini qabul qilmasliklari kerak.

Homiladorlik va emizish davrida qoʻllanishi

Homiladorlik

Emtritsitabin va tenofovir dizoproksil fumaratining homiladorlikka taʼsiri boʻyicha maʼlumotlar yetarli emas.

Hayvonlarda oʻtkazilgan tadqiqotlar emtritsitabin va tenofovir dizoproksil fumaratining homiladorlikka, homilani rivojlanishiga yoki postnatal rivojlanishga bevosita yoki bilvosita taʼsirini koʻrsatmaydi.

Shunga qaramay, faqat agar davolashning boshqa varianti boʻlmasa, homiladorlik vaqtida preparatni qoʻllamaslik kerak.

Preparatni qoʻllash samarali kontratseptiv preparatlarni qoʻllash bilan birga kechishi kerak.

Emizish

Emtritsitabin va tenofovir koʻkrak sutiga oʻtadi.

OITV-infeksiyalangan ayollar, bolaga OITV yuqishidan saqlanish uchun har qanday vaziyatlarda ham bola emizmasliklari kerak.

Bolalar

18 yoshgacha boʻlgan patsiyentlarda preparatni qoʻllash tavsiya etilmaydi, chunki bu yosh guruhi uchun preparatni qoʻllash xavfi va samaradorligi aniqlanmagan.

Avtotransportni boshqarish yoki boshqa mexanizmlar bilan ishlashda reaksiya tezligiga taʼsir qilish qobiliyati

Avtomobilni boshqarish va mexanizmlardan foydalanish qobiliyatiga taʼsiriga taalluqli tadqiqotlar oʻtkazilmagan. Lekin patsiyentlar emtritsitabyuin bilan ham, tenofovir dizoproksil fumarati bilan ham davolanish vaqtida bosh aylanishi haqida xabar berilganligi haqida xabardor qilingan boʻlishlari kerak.

Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Doza oshirib yuborilgan hollarda patsiyentlarni toksiklik koʻrinishlariga nisbatan kuzatish kerak (Nojoʻya taʼsirlari boʻlimiga qarang) va, agar zarurati boʻlsa, erishilgan samarani standart tutib turuvchi davolashni oʻtkazish kerak. Emtritsitabinning 30% dozasi va tenofovirning taxminan 10% dozasi gemodializ yordamida chiqarilishi mumkin. Emtritsitabin yoki tenofovir peritoneal dializ yordamida chiqariladimi, yoki yoʻqmi, nomaʼlum.

 

Chiqarilish shakli

30 tabletka saqlovchi, muvofiq markirovka bilan taʼminlangan, namlik yutkichli flakon.

Flakon va qoʻllash boʻyicha yoʻriqnomasi joylangan karton quti.

 

Saqlash sharoiti

Quruq, yorugʻlikdan himoyalangan joyda, 30°S dan yuqori boʻlmagan haroratda saqlansin.

 

Yaroqlilik muddati

24 oy.

 

Dorixonalardan berish tartibi

Retsept boʻyicha.