Ilovani yuklab oling
Yuklab olish
Доцетаксел КОНЦЕНТРАЦИЯ

Oson Apteka - Dorixonalar ma'lumotnomasi

Доцетаксел КОНЦЕНТРАЦИЯ ДЛЯ ИНФУЗИИ 80мг/8мл №1

1 650 000 so'mdan
(1259)
Dorixonalardagi narx
Xususiyatlari
Xalqaro nomi
Docetaxel
Ishlab chiqaruvchi
САНДОЗ
Chiqarilish shakli
КОНЦ Д/ИНФ
Farma. Guruh
Противоопухлевые препараты
Dori tafsilotlari
Dori shakli: 
Tarkibi:
Taʼrifi:
Farmakoterapevtik guruhi: 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli: 

infuziya uchun eritma tayyorlash uchun konsentrat.

 

Tarkibi:

 

Har bir hajmdagi flakon quyidagilarni saqlaydi:

1 ml

2 ml

4 ml

faol modda:

dotsetaksel, mg

20,0

40,0

80,0

yordamchi moddalar:

suvsiz limon kislotasi, mg

farmakopeyaga oid suvsiz etanol, ml

polisorbat 80, ml

 

4,0

0,5

1,0 gacha

8,0

1,0

2,0 gacha

16,0

2,0

4,0 gacha

 

 

 

Taʼrifi:

 tiniq, biroz sariq rangli eritma.

 

Farmakoterapevtik guruhi: 

oʻsmalarga qarshi vosita, alkaloid.

Farmakologik xususiyatlari

Farmakodinamikasi

Dotsetaksel oʻsimliklardan olingan (toksoidlar guruhi) oʻsmalarga qarshi preparat hisoblanadi. Tubulinni barqaror mikronaychalarga birlashtirib va ularning parchalanishini susaytirish qobiliyatiga ega, preparat oʻsma xujayralarida mitoz fazasini va fazalar orasidagi jarayonni izdan chiqaradi.

Dotsetaksel hujayralarda uzoq vaqt saqlanganida, xujayra ichida yuqori konentratsiyasiga erishadi. Bundan tashqari, dotsetaksel r-glikoproteinni yuqori darajada ekspressiyalovchi, dorili polirezistentlik geni bilan boshqariladigan, alohida (barchasi emas) xujayralar qatorlariga nisbatan faollika ega. In vivo sharoitida dotsetaksel mayda kemiruvchilarning oʻsmalariga va odamni koʻchirib oʻtkazilgan oʻsmalariga nisbatan keng faollik doirasiga ega.

Farmakokinetikasi

Dotsetakselning kinetikasi dozaga bogʻliq va terminal yarim chiqarilish davri 11,1-18,5 soat boʻlgan uch fazali farmakokinetika modeliga muvofiq keladi. Plazma oqsillari bilan bogʻlanishi 95% ni tashkil qiladi.

Dotsetakselning klirensi tana yuzasining maydoniga, jigar funksiyasiga va plazma oqsillarining konsentratsiyasiga bogʻliq. Dotsetaksel jigarda metabolizmga uchraydi, 75% metabolit safro bilan chiqariladi, 10% dan kamrogʻi siydik bilan chiqariladi. Buyrak yetishmovchiligida dotsetakselni klirensi taxminan 30% ga kamayadi.

Poliximioterapiya vaqtida preparatlarni yuborish ketma-ketligi dotsetakselning klirensini oʻzgartirishi mumkin.

 

Qoʻllanilishi
  • Sut bezining raki (SBR)

Operatsiya qilish mumkin boʻlgan SBR (doksorubitsin va siklofosfamid bilan majmuada adʼyuvant ximioterapiya):

  • mahalliy limfa tugunlarini shikastlanishi bilan kechuvchi;
  • SBR ning erta bosqichlarida birlamchi ximioterapiya uchun oʻrnatilgan xalqaro mezonlarga muvofiq ximioterapiyani oʻtkazish koʻrsatilgan, mahalliy limfa tugunlari shikastlanmagan patsiyentlar (qaytalanish rivojlanishi yuqori xavfini bir yoki undan ortiq omillari mavjud boʻlganda: oʻsmaning oʻlchami 2 sm dan ortiq boʻlsa, estrogen va progesteron retseptorlarining statusi manfiy, xavfli oʻsmaning yuqori gistologik darajasi (2-3 bosqichi), 35 yoshdan kichik bemorlar).

Metastatik va/yoki mahalliy–tarqalgan SBR:

  • mahalliy-tarqalgan yoki metastatik SBR (doksorubitsin bilan 1-qator davolash);
  • HER 2 oʻsma giperekspressiyasi yuqori boʻlgan metastatik SBR (trastuzumab bilan majmuada birinchi qator davolash);
  • antratsiklinlar yoki alkillovchi vositalarni (monoterapiyada) oʻz ichiga olgan oldingi sitotoksik ximiyaterapiya samarali boʻlmagan yoki antratsiklinlarni (kapetsitabin bilan majmuada) oʻz ichiga olgan avvalgi ximioterapiya samarasiz boʻlgan (kapetsitabin bilan majmuada) mahalliy-tarqalgan yoki metastatik SBR.
  • Oʻpkaning mayda hujayrali boʻlmagan raki

Operatsiya qilib boʻlmaydigan, mahalliy-tarqalgan yoki metastatik mayda hujayrali boʻlmagan oʻpka raki (sisplatin yoki karboplatin bilan majmuada) boʻlgan bemorlarni, 1-qator davolash sifatida yoki 2-qator monoterapiya sifatida.

  • Tuxumdonlarning metastatik raki

2-qator davolash.

  • Bosh va boʻyin raki

Bosh va boʻyinning mahalliy-tarqalgan yassi hujayrali raki (sisplatin va 5-ftoruratsil bilan majmuaviy induksion davolash).

  • Prostata bezining raki

Gormonal davolashga refrakter boʻlgan prostata bezining metastatik raki (prednizon yoki prednizolon bilan majmuada).

  • Meʼda raki

Meʼdaning metastatik raki, shu jumladan qiziloʻngach-meʼda oʻtish sohasidagi rakida (sisplatin va 5-ftoruratsil bilan majmuada birinchi qator davolash) qoʻllaniladi.

 

Qoʻllash usuli va dozalari

Dotsetaksel sitotoksik ximioterapiyaga ixtisoslashtirilgan boʻlimlarda, faqat rakka qarshi ximioterapiyani qoʻllashda tajribasiga ega boʻlgan terapevtning nazorati ostida qoʻllanishi lozim.

Infuzion eritmani tayyorlash

Dotsetaksel, infuziya uchun eritma tayyorlash uchun konsentrat 20 mg/1ml, 40 mg/2 ml yoki
80 mg/4 ml erituvchi yordamida taxminiy suyultirishni talab etmaydi, chunki u infuzion eritmaga qoʻshish uchun tayyor.

Agar flakonlar sovutgichda saqlansa, u holda uni ishlatishdan avval hona haroratida 5 minut davomida ushlab turiladi.

Bir patsiyent uchun dotsetakselning infuziya uchun eritma tayyorlash uchun konsentratining bir nechta flakonlari kerak boʻlishi mumkin. Bunday hollarda, aseptika qoidalariga rioya qilib, kolibrovka shpritsi yordamida zarur boʻlgan miqdorni tortib olinadi.

20 mg/1 ml li flakonda dotsetakselning konsentratsiyasi 20 mg/ml ni tashkil qiladi.

40 mg/2 ml li flakonda dotsetakselning konsentratsiyasi 20 mg/ml ni tashkil qiladi.

80 mg/4 ml li flakonda dotsetakselning konsentratsiyasi 20 mg/ml ni tashkil qiladi.

Talab etiladigan dozaga muvofiq konsentratning zarur boʻlgan xajmi 250 ml li 5% li glyukoza eritmasi yoki 0,9% li natriy xloridining eritmasida suyultiriladi (infuziya uchun flakon yoki infuzion qopcha). Agar dotsetakselning talab etilgan dozasi 200 mg dan oshsa, u holda infuziya uchun suyuqlikning shunday hajmini olingki, dotsetakselning konsentratsiyasi 0.74 mg/ml dan oshmasin.

Olingan eritmani ehtiyotkorlik bilan aralashtirilsin va hona haroratida va yorugʻlikning oddiy sharoitlarida 4 soat davomida ishlatilishi lozim, shu jumladan bemorga infuziyani 1 soat davomida yuborishni ham hisobga olish lozim.

Infuziya uchun dotsetaksel eritmasini parenteral qoʻllaniladigan boshqa preparatlar kabi, yuborishdan oldin yaxshilab tekshirish lozim, agar choʻkma mavjud boʻlsa, eritmani tashlab yuborish lozim. Preparatning qoldiqlarini va uni suyultirish va yuborish uchun ishlatilgan barcha jihozlarni standart mahalliy talablarga muvofiq utilizatsiya qilish lozim.

Dotsetaksel bir soatlik vena ichi infuziyasi yoʻli bilan yuboriladi.

Har bir flakon bir marta qoʻllash uchun moʻljallangan va tez ishlatish lozim.

Yuqori sezuvchanlik reaksiyalarini oldini olish uchun, hamda suyuqlikni tutilishini kamaytirish maqsadida dotsetaksel preparatini yuborishdan oldin barcha bemorlarga (premedikatsiya boʻyicha tavsiyalar quyida keltirilgan, prostata bezining raki boʻlgan patsiyentlardan tashqari), qoʻllashga qarshi koʻrsatmalar boʻlmasa, glyukokortikosteroidlar bilan, masalan deksametazonni ichga sutkada 16 mg dozadan (8 mg dan kuniga 2 marta), 3 kun davomida, dotsetakselni yuborishni boshlashdan 1 kun oldin premedikatsiya oʻtkazish zarur.

Prednizon yoki prednizolon bilan yondosh davolanishni qabul qilayotgan, prostata bezi raki boʻlgan bemorlarda dotsetakselni yuborishdan 12 soat, 3 soat va 1 soat oldin 8 mg dozadagi deksametazon bilan premedikatsiya oʻtkaziladi.

Gematologik asoratlarning rivojlanishi xavfini kamaytirish uchun, granulotsitar koloniyestimullovchi omilni (G-KSO) profilaktika maqsadida yuborish tavsiya etiladi.

Sut bezining raki (SBR)

Monoterapiyada (2- qator) – 100 mg/m2 har 3 haftada.

Mahalliy limfa tugunlarini shikastlanishi bilan kechuvchi operatsiya qilish mumkin boʻlgan sut bezi rakini adʼyuvant davolashda va mahalliy limfa tugunlari shikastlanmagan operatsiya qilish mumkin boʻlgan sut bezi rakida, doksorubitsin
(50 mg/m2) va siklofosfamid (500 mg/m2) yuborilganidan keyin 1 soat oʻtgach, dotsetakselni 75 mg/m2 dozada, har 3 haftalik davriylik (TAS sxemasi) bilan yuborish tavsiya etiladi. Jami 6 sikl oʻtkaziladi.

Sut bezining mahalliy-tarqalgan yoki sut bezining metastatik rakida birinchi qator davolash sifatida dotsetaksel (75 mg/m2) doksorubitsin (50 mg/m2) bilan majmuada yuboriladi.

Trastuzumab bilan majmuada dotsetakselning tavsiya etilgan dozasi 100 mg/m2 ni tashkil qiladi, har 3 haftada, trastuzumabni esa har haftada yuborish tavsiya etiladi. Trastuzumabning birinchi dozasi yuborilganidan keyingi kuni dotsetakselning birinchi infuziyasi oʻtkaziladi. Dotsetakselning keyingi dozalari trastuzumabni infuziyasini tugaganidan soʻng darhol yuboriladi (trastuzumabning dozasini yaxshi oʻzlashtirilgan holatda). Trastuzumabning dozalari va yuborish usuli boʻyicha maʼlumotlarni olish uchun trastuzumabning tibbiyotda qoʻllash boʻyicha yoʻriqnomasiga qaralsin.

Kapetsitabin bilan majmuada Dotsetakselning tavsiya etilgan dozasi 75 mg/m2 ni tashkil qiladi, har 3 haftada, kapetsitabinni esa – 1250 mg/m2 dan sutkada ikki marta (ovqat qabul qilgandan keyin 30 minut davomida) keyinchalik bir haftalik tanaffus bilan ikki hafta davomida yuborish tavsiya etiladi. Patsiyentni tana yuzasining maydoniga kapetsitabinning dozalarini xisoblash uchun, kapetsitabinning qoʻllash boʻyicha yoʻriqnomasiga qaralsin.

Oʻpkaning mayda hujayrali boʻlmagan raki

Monoterapiyada – 75 mg/mva platina preparatlari bilan majmuada 75 mg/m2 har 3 haftada yuboriladi.

Tuxumdonlarning metastatik raki

Dotsetaksel 100 mg/mdozada har 3 xaftada yuboriladi.

Prostata bezining raki

Dotsetaksel75 mg/m2 dozada prednizon yoki prednizolon bilan majmuada (5 mg dan sutkada 2 marta davomli qoʻllash) har 3 xaftada yuboriladi.

Meʼda raki

Dotsetaksel 75 mg/m2 dozada bir soatli infuziya holida, keyinchalik sisplatin 75 mg/m2 dozada 1-3 soat davomida yuboriladi (ikki preparat faqat har bir ximioterapiya kursining birinchi kuni yuboriladi). Sisplatinni yuborish tugaganidan soʻng, 5-ftoruratsil sutkada 750 mg/m2 dozada 5 sutka davomida yuboriladi. Davolash har 3 haftada takrorlanadi. Patsiyentlar qusishga qarshi preparatlar bilan premedikatsiya qabul qilishlari va sisplatinni yuborish uchun muvofiq gidratatsiyani olishlari lozim. Gematologik asoratlarni rivojlanishi xavfini kamaytirish uchun G-KSO ni profilaktika maqsadida yuborish tavsiya etiladi.

Bosh va boʻyin raki

Mahalliy-tarqalgan operatsiya qilib boʻlmaydigan bosh va boʻyin rakini induksion davolash uchun dotsetakselni dozasi bir soat davomidagi infuziya holida, 75 mg/m2 ni tashkil qiladi, keyinchalik sisplatin 75 mg/m2 dozada 1 soat davomida yuboriladi (ikkala preparat faqat har bir ximioterapiya kursining birinchi kuni yuboriladi). Bundan soʻng 5-ftoruratsil sutkada 750 mg/m2 dozada uzluksiz, 5 sutka davomida yuboriladi. Ushbu sxema har 3 haftada, 4 sikl davomida takrorlanadi. Ximioterapiyadan soʻng patsiyentlar nur bilan davolanishlari olishlari lozim.

Bosh va boʻyinning mahalliy tarqalgan (texnik jihatdan rezeksiya qilib boʻlmaydigan, jarrohlik yoʻli bilan sogʻayish ehtimoli kam yoki aʼzoni saqlab qolish hal qilinganda) yassi hujayrali raki boʻlgan bemorlarni induksion davolash uchun dotsetakselning tavsiya qilingan dozasi 75 mg/m2 ni tashkil qiladi, birinchi kuni bir soat davomida vena ichiga infuziya qilinadi, soʻngra sisplatin 100 mg/m2 dozada 0,5- 3 soatli infuziya qilinadi (ikkala preparat faqat har bir ximioterapiya kursining birinchi kuni yuboriladi) va soʻngra ftoruratsil sutkada 1000 mg/m2 dozada birinchi kundan toʻrtinchi kungacha uzluksiz infuziya qilinadi. Bu sxema har 3 haftada takrorlanadi, umumiy 3 sikl. Ximioterapiyadan soʻng patsiyentlar ximionur terapiyasini olishlari lozim.

Sisplatin va ftoruratsilning dozalariga toʻgʻrilash kiritish haqidagi maʼlumotlarni ushbu preparatlarning qoʻllash boʻyicha yoʻriqnomalariga qaralsin.

Patsiyentlar qusishga qarshi preparatlar bilan premedikatsiya qabul qilishlari lozim, ularga muvofiq gidratatsiyani oʻtkazilishi kerak (sisplatinni yuborishdan oldin va keyin). Neytropenik infeksiyalarning rivojlanishiga qarshi profilaktika oʻtkazish lozim.

Davolash vaqtida dozalarga tuzatish kiritish

Umumiy tavsiyalar

Dotsetakselni neytrofillarning soni ≥1500/mkl boʻlganida yuboriladi.

Dotsetaksel bilan davolash vaqtida neytrofillar sonining bir haftadan ortiq <500/mkl gacha kamayganida, yoki febril neytropeniya rivojlanganda, yoki yaqqol teri reaksiyalari yoki yaqqol periferik neyropatiya rivojlanganda, navbatdagi yuborishlar uchun preparatning dozasini 100 mg/m2 dan 75 mg/m2 gacha va/yoki tana yuzasiga 75 mg/m2 dan
60 mg/m2 gacha pasaytiriladi. Agar dotsetakselni 60 mg/m2 dozada yuborilganda ham, quyidagi asoratlar kuzatilsa, davolashni toʻxtatish lozim.

Sut bezi rakini adʼyuvant davolash

Dotsetaksel preparatini doksorubitsin va siklofosfamid bilan majmuada adʼyuvant davolashni qabul qilayotgan sut bezi raki boʻlgan bemorlarga, birlamchi profilaktika maqsadida G-KSO ni buyurish tavsiya etiladi. Febril neytropeniya yoki neytropenik infeksiyani oʻtkazgan patsiyentlarga, navbatdagi barcha sikllarda dotsetakselning dozasini 60 mg/m2 gacha pasaytirish lozim. 3 yoki 4- darajali stomatit rivojlangan patsiyentlarda, dotsetakselning dozasini 60 mg/m2 gacha pasaytirish lozim.

Kapetsitabin bilan majmuaviy davolash

Dotsetaksel va kapetsitabinni majmuaviy qoʻllashda, navbatdagi davolash siklini boshlangunigacha saqlanuvchi 2-chi darajali toksik samaralar rivojlanishini birinchi paydo boʻlishida, toksiklikni kamaygunigacha (0-1 darajagacha), davolash kechiktirilishi lozim, bunda navbatdagi davolanish sikli vaqtida dotsetakselning boshlangʻich 100% dozasi yuboriladi.

Davolashning har qanday bosqichida 2 -darajali toksiklikni qayta rivojlanishi yoki 3 darajali toksiklikning birinchi rivojlanishi boʻlgan patsiyentlarda toksiklik 0-1 darajagacha pasaymagunicha davolash kechiktiriladi, soʻngra Dotsetaksel bilan davolashni 55 mg/m2 dozada takroran yuboriladi.

Toksik samaralarning keyingi har qanday koʻrinishlarida yoki 4 darajali toksiklikning har qanday koʻrinishlarida Dotsetakselni yuborishni toʻxtatilishi lozim.

Kapetsitabinning dozasi uning qoʻllash boʻyicha yoʻriqnomasiga muvofiq tarzda kamaytiriladi.

Dotsetaksel sisplatin bilan majmuada

Dotsetakselni 75 mg/m2 boshlangʻich dozada sisplatin bilan majmuada qabul qilgan va avvalgi davolash siklida trombotsitlarning soni <25000/mkl gacha kamaygan yoki febril neytropeniya rivojlangan patsiyentlarda yoki jiddiy nogematologik toksik samaralar rivojlangan patsiyentlarda, Dotsetakselning dozasini navbatdagi davolash siklida
65 mg/m2 gacha pasaytirilishi lozim. Sisplatinning dozalariga tuzatish kiritish preparatni qoʻllash boʻyicha yoʻriqnomasiga muvofiq amalga oshiriladi.

Dotsetakselni sisplatin va ftoruratsil bilan majmuada

Dotsetakselni sisplatin va ftoruratsil bilan majmuada umumqabul qilingan tavsiyalarga muvofiq qabul qilayotgan patsiyentlar qusishga qarshi preparatlar va yetarli gidratatsiyani qabul qilishlari lozim. Asoratli neytropeniyani rivojlanish xavfini kamaytirish uchun G-KSO ni qoʻllash lozim. Agar G-KFO ni qabul qilishga qaramasdan, patsiyentda febril neytropeniya koʻrinishlari, davomli neytropeniya yoki neytropenik infeksiyalar paydo boʻlsa, Dotsetakselning dozasini 75 mg/m2 dan 60 mg/m2 gacha pasaytirish lozim.

 Asoratlangan neytropeniyaning takroriy epizodlari rivojlanganda dotsetaksel preparatining dozasini 60 mg/m2 dan 45 mg/m2 gacha pasaytirish tavsiya etiladi. 4 darajali trombotsitopeniya rivojlanganda dotsetakselning dozasi 75 mg/m2 dan 60 mg/m2 gacha pasaytiriladi. Dotsetakselni qoʻllashni navbatdagi siklini neytrofillarning soni <1500/mkl va trombotsitlarning soni esa> 100000/mkl boʻlganida qoʻllash mumkin. Ushbu toksik holatlar saqlanganida, davolashni toʻxtatish lozim.

Dotsetakselni sisplatin va ftoruratsil (FU) bilan majmuaviy davolash olayotgan patsiyentlarda, toksiklik rivojlanganida dozaga tavsiya etilgan tuzatishlarni kiritish

Toksiklik

Dozalarga tuzatish kiritish

3 darajali diareya

Birinchi epizod: FU dozasini 20% ga pasaytirish

Takroriy epizod: dotsetaksel dozasini 20% ga pasaytirish

4 darajali diareya

Birinchi epizod: dotsetaksel va FU dozalarini 20% ga pasaytirish

Takroriy epizod: davolashni toʻxtatish

3 darajali

stomatit/mukozit

Birinchi epizod: FU dozasini 20% ga pasaytirish

Takroriy epizod: barcha keyingi davolash kurslarida faqat FU ni qabul qilishni toʻxtatish

4 darajali

stomatit/mukozit

Birinchi epizod: barcha keyingi davolash kurslarida faqat FU ni qabul qilishni toʻxtatish

Takroriy epizod: dotsetaksel dozasini 20% ga pasaytirish lozim

Bosh va boʻyinning yassi hujayrali boʻlmagan raki boʻlgan patsiyentlarda asoratlangan neytropeniya (xususan, davomli neytropeniya, febril neytropeniya yoki infeksiyalar) rivojlanganida, davolashning keyingi barcha kurslarida (masalan, 1-nchidan 15-nchi kunigacha) oldini olish maqsadida G-KSO ni buyurish tavsiya etiladi.

Bemorlarning alohida toifalari:

Jigar funksiyasini buzilishlari boʻlgan bemorlar. Qon plazmasida transaminazalarning (ALT va/yoki AST) darajasi normaning yuqori chegarasidan (NYUCh) 1,5 martadan koʻproqqa va/yoki ishqoriy fosfatazaning darajasi NYUCh 2,5 martadan koʻproqqa oshgan bemorlarda, dotsetakselning tavsiya etilgan dozasi 75 mg/m2 ni tashkil qiladi. Bilirubinning darajasi oshgan va/yoki ALT va AST yuqori faolligida ( >3,5 NYUCh) va bir vaqtda ishqoriy fosfatazaning darajasi NYUChdan 6 martadan koʻproqqa oshgan bemorlarda, dotsetakselni buyurish tavsiya qilinmaydi.

ALT va/yoki AST darajalari > NYUCh dan 1,5 martadan yuqori boʻlsa va bir vaqtda ishqoriy fosfotazaning darajasi > NYUCh dan 2,5 martadan yuqoriroq va bilirubinning darajasi >NYUCh dan 1 martadan yuqori boʻlgan patsiyentlarda sisplatin va ftoruratsilni majmuaviy qoʻllanganida, dotsetakselni buyurish taviya etilmaydi.

Dotsetakselni bolalarda qoʻllash tavsiya etilmaydi.

Bolalar va oʻsmirlar. Xavfisizligi va samarasi boʻyicha yetarli maʼlumotlarni yoʻqligi sababli, dotsetakselni bolalarda qoʻllash tavsiya etilmaydi.

Keksa patsiyentlar. Populyatsion farmakokinetik taxlildan kelib chiqib, keksa patsiyentlarda dotsetakselni qoʻllash boʻyicha hech-qanday maxsus tavsiyalar yoʻq. 60 yosh va undan oshgan bemorlarda kapetsitabin bilan majmuaviy buyurish holatida kapetsitabinning boshlangʻich dozasini 75% gacha pasaytirish tavsiya etiladi (dozaga tuzatish kiritish uchun kapetsitabinni qoʻllash boʻyicha yoʻriqnomasiga qaralsin).

Hozirgi vaqtda jigar funksiyasini buzilishi boʻlgan bemorlarda boshqa koʻrsatmalar boʻyicha boshqa preparatlar bilan dotsetakselni majmuaviy qoʻllash boʻyicha maʼlumotlar yoʻq.

Buyrak funksiyasini buzilishlari boʻlgan patsiyentlar. Qoʻllash boʻyicha maʼlumotlar yoʻq.

 

Nojoʻya taʼsirlari

Nojoʻya samaralarning tez-tezligi mezonlari quyidagi tarzda aniqlangan: juda tez-tez (≥1/10), tez-tez (>1/100, <1/10), baʼzi xollarda (>1/1000, <1/100), kam hollarda (>1/10000, <1/1000) va juda kam hollarda (<1/10000). Har bir guruhning ichida nojoʻya reaksiyalarning aniq tez-tezlik mezonlari ularning ogʻirlik darajasini kamayishi tartibida keltirilgan.

Qon yaratish aʼzolari tomonidan:

Koʻproq uchraydigan nojoʻya samaralar boʻlib, qaytuvchan neytropeniya hisoblanadi, koʻpgina hollarda u isitma bilan kechadi. Neytrofillar soni oʻrtacha 7-nchi kunida minimumgacha pasayadi (avval ximioterapiyani qabul qilgan patsiyentlarda ushbu davr qisqa boʻlishi mumkin), yaqqol neytropeniyaning (<500/mkl) oʻrtacha davomiyligi ham 7 kunni tashkil qiladi. Trombotsitopeniya va anemiya rivojlanishi mumkin.

Yuqori sezuvchanlik reaksiyalari:

Odatda infuziya boshlangandan keyin bir necha minut davomida kelib chiqadi va yengil yoki kuchsiz boʻladi (qon oqib kelishlar, qichishish bilan kechuvchi toshma, koʻkrak qafasini siqilishi, belda ogʻriq, xansirash va dorili isitma yoki qaltirash). Juda kam hollarda – bullyoz toshmalar (Layell yoki Stivens-Djonson sindromi). Arterial bosimini pasayishi va/yoki bronxospazm yoki tarqalgan toshmalar/eritema bilan xarakterlanadigan ogʻir reaksiyalar, odatda infuziya tugaganidan soʻng va adekvat davolash buyurilgandan soʻng oʻtib ketadi.

Teri va teri osti toʻqimalari tomonidan:

Alopetsiyalar, yengil yoki kuchsiz ifodalangan teri reaksiyalari. Kam hollarda qichishish bilan kechuvchi toshma yoki yoki qoʻl-oyoqlarning (kaftlar va tovon) shishi va keyinchalik deskvamatsiya bilan birga terisining cheklangan eritemasi kabi yaqqol reaksiyalar uchrashi mumkin. Kam hollarda – tirnoqlarning gipo-yoki giperpigmentatsiyasi, tirnoqlarning ogʻir shikastlanishlari kuzatiladi (onixolizis).

Suyuqlikni tutilishi:

Periferik shishlar va kam hollarda plevra boʻshligʻiga va perikardial boʻshliqqa suyuqlik toʻplanishi, assit va tana vaznini oshishi holatlari qayd etilgan. Periferik shishlar odatda, oyoqlardan boshlanadi, soʻngra tana vaznining 3 kg va undan ortiq oshishi bilan tarqoq shaklga oʻtishi mumkin. Preparatni takroriy yuborilganida suyuqlik tutilishining tez-tezligi va yaqqolligi koʻpayadi; suyuqlik tutilishi kuzatilganida, dotsetakselning oʻrtacha yigʻindi dozasi premedikatsiya oʻtkazilganida 818,9 mg/m2, premedikatsiya oʻtkazilmaganida – 489,9 mg/mni tashkil qiladi, baʼzi holatlarda suyuqlikni tutilishi davolashning birinchi kurslari vaqtida rivojlanishi mumkin.

Suyuqlikni tutilishi oʻtkir oligouriya yoki arterial bosimini pasayishi epizodlari bilan birga kechmaydi. Juda kam hollarda degidratatsiya va oʻpka shishi rivojlanishi xaqida xabar berilgan.

 

Meʼda-ichak yoʻllari tomonidan:

Koʻngil aynishi, qusish, diareya, anoreksiya, qabziyat, stomatit, taʼm sezishni buzilishi, ezofagit, meʼda sohasida ogʻriqlar; kam hollarda – meʼda-ichakdan qon ketishi, juda kam hollarda – ichak oʻtkazuvchanligini buzilishi kuzatiladi.

Nerv tizimi tomonidan:

Yengil yoki kuchsiz ifodalangan paresteziyalar, gipersteziyalar, dizesteziyalar yoki ogʻriqlar, shu jumladan achishish koʻrinishidagi periferik neyropatiya. Xarakatni buzilishlari holsizlik bilan xarakterlanadi. Ushbu buzilishlar odatda 3 oy davomida mustaqil oʻtib ketadi. Juda kam hollarda – tirishishlar va oʻtib ketuvchi xushdan ketishlar.

Yurak–qon tomir tizimi tomonidan

Yurak ritmini buzilishi (sinusli taxikardiya, xilpillovchi aritmiya), nostabil stenokardiya, yurak yetishmovchiligi, arterial bosimini oshishi yoki pasayishi. Juda kam hollarda – venoz tromboemboliya va miokard infarkti holatlari kuzatiladi.

Miokard infarktining kam hollari haqida xabar berilgan.

Jigar va oʻt chiqarish yoʻllari tomonidan:

AST, ALT zardobli faolligini, ishqoriy fosfataza va qon zardobida bilurubin konsentratsiyasini oshishi.

Boshqalar:

Asteniya, artralgiya, mialgiya, mushak kuchsizligi, xansirash, tarqalgan yoki mahalliy ogʻriqlar, shu jumladan yurak va oʻpka kasalliklariga bogʻliq boʻlmagan koʻkrak qafasida ogʻriqlar, sepsis. Kam hollarda konʼyunktivit bilan birga (yoki u siz), koʻz yoshi oqishi, juda kam hollarda – (asosan oʻsmaga qarshi boshqa preparatlarni bir vaqtda qabul qilayotgan patsiyentlarda) koʻz yoshi kanalining okklyuziyasi, bu koʻz yoshini xaddan ziyod koʻp oqishiga olib keladi.

Kam hollarda oʻtib ketuvchi vizual buzilishlar (koʻzlarda yorugʻlik hissi), odatda preparatni yuborish vaqtida kelib chiqadi va infuziyani tugaganidan soʻng yoʻqolib ketadigan oʻta yuqori sezuvchanlik reaksiyalarning rivojlanishi bilan birga kechadi.

Yuborish joyida reaksiyalar – kuchsiz ifodalangan va giperpigmentatsiya, yalligʻlanish, qizarish yoki terini qurishi, flebitlar, qon quyilishi yoki vena shishi holida namoyon boʻladi.

Juda kam hollarda – oʻtkir respirator distress- sindromi va interstitsial pnevmoniya, oʻpka fibrozi va nurga reaksiyalarni kuchayishi.

Dotsetakselni kapetsitabin bilan majmuada qoʻllanganida meʼda–ichak yoʻllari tomonidan nohush holatlari, kaft-tovon sindromi (qoʻl-oyoq barmoqlari (kaft-tovon) terisining giperemiyasi, keyinchalik deskvamatsiya va shish bilan), degidratatsiya, koʻz yoshini oqishi, artralgiyalar, ogʻir trombotsitopeniya va anemiya, giperbilirubenimiya, biroq yanada kamroq ogʻir neytropeniya, alopetsiyalar, tirnoqlar tomonidan buzilishlar, astniyalar, mialgiya, oyoq-qoʻllarning shishini rivojlanishi kuzatilgan.

Dotsetaksel va kapetsitabin bilan majmuaviy davolashni qabul qilayotgan, 60 yoshdan oshgan patsiyentlarda, yoshroq patsiyentlarga nisbatan 3-4 darajali toksiklikni rivojlanishi koʻproq aniqlanadi.

 

Qoʻllash mumkin boʻlmagan holatlar
  • preparatning taʼsir etuvchi moddasi yoki preparatning yordamchi moddalaridan birontasiga yuqori sezuvchanlik;
  • neytrofillarning dastlabki darajasi < 1500/mkl;
  • homiladorlik va emizish davri;
  • ogʻir jigar yetishmovchiligida qoʻllash mumkin emas.

Dotsetaksel bilan boshqa dori preparatlarini majmuada buyurish holatida ularni qoʻllash mumkin boʻlmagan holatlarini hisobga olish lozim.

 

Dorilarning oʻzaro taʼsiri

Sitoxrom R450-3A tizimi orqali induksiya yoki ingibitsiya qiluvchi, shuningdek ularning ishtirokida metabolizmga uchraydigan Siklosporin, terfenadin, ketokonazol, eritromitsin va troleandomitsin kabi moddalar bilan bir vaqtda qoʻllanganida dotsetakselning biotranformatsiyasi oʻzgarishi mumkin. Shu sababli, shunga oʻxshash preparatlarni bir vaqtda qoʻllanganda, ahamiyatli oʻzaro taʼsir boʻlishi mumkinligini hisobga olib, ehtiyotkorlikka rioya qilish lozim.

in vitro sharoitida eritromitsin, difengidramin, propranolol, propafenon, fenitoin, salitsilatlar, sulfametoksazol va natriy valproati kabi oqsillar bilan mustahkam bogʻlanuvchi dori vositalari dotsetakselni oqsillar bilan bogʻlanishiga taʼsir qilmaydi. Deksametazon ham dotsetakselni oqsillar bilan bogʻlanishiga taʼsir qilmaydi. Dotsetaksel digitoksinni oqsillar bilan bogʻlanishiga taʼsir qilmaydi.

Dotsetaksel, doksorubitsin va siklofosfamidning farmakokinetikasi, ushbu preparatlar bir vaqtda buyurilganida oʻzgarmaydi. Dotsetaksel va karboplatin orasida oʻzaro taʼsir mavjud. Dotsetaksel bilan majmuaviy buyurishda karboplatinning klirensi, karboplatin bilan monoterapiyadagi avval olingan koʻrsatgichlarga qaraganda 50% ga yuqori.

Prednizonni dotsetakselning farmakokinetikasiga statistik ahamiyatli taʼsiri aniqlanmagan.

Ketokonazol bilan birga davolash sifatida patsiyentlarga qoʻllanganida, ehtiyotkorlikka rioya qilish lozim, chunki ahamiyatli oʻzaro taʼsiri boʻlishi mumkin.

Sitoxrom R450-3A ingibitorlari va substratlari hisoblangan proteaza ingibitorlarini (masalan, ritonavir), bir vaqtda qabul qilayotgan patsiyentlarga Dotsetakselni ehtiyotkorlik bilan buyurish lozim.

 

Maxsus koʻrsatmalar

Davolash faqat ixtisoslashtirilgan boʻlimlarda, oʻsmalarga qarshi davolashni oʻtkazish tajribasiga ega boʻlgan mutaxassisning nazorati ostida oʻtkaziladi.

Gematologiya

Dotsetakselni qoʻllashda neytropeniya eng koʻp kuzatiladigan nojoʻya reaksiya hisoblanadi. Neytrofillarning soni oʻrtacha 7 – kunga kelib eng past darajaga yetadi, oldindan muntazam davolangan patsiyentlarda esa – hatto erta boʻlishi mumkin. Dotsetaksel qabul qilayotgan barcha bemorlarda qonning toʻliq manzarasini tez-tez nazorat qilish lozim. Neytrofillarning soni > 1500 hujayra/mm3 darajagacha tiklanganida, dotsetaksel bilan davolashni yana boshlash lozim.

Dotsetaksel bilan davolash kursi vaqtida yaqqol neytropeniya rivojlanganida (7 va undan ortiq kun davomida < 500/mkl), navbatdagi davolash kurslarida dozani pasaytirish yoki tegishli simptomatik davolash oʻtkazish lozim.

Dotsetakselni sisplatin va 5-ftoruratsil bilan majmuada davolashni qabul qilayotgan patsiyentlarda, agar profilaktika maqsadida G-KSO buyurilsa, febril neytropeniya va neytropenik infeksiyalar kamroq rivojlanadi. Yuqorida keltirilgan davolashni qabul qilayotgan patsiyentlarga asoratlangan neytropeniyani (febril neytropeniya, davomli neytropeniya yoki neytropenik infeksiya) rivojlanishi xavfini kamaytirish uchun G-KSO bilan profilaktika oʻtkazish lozim. Patsiyentlarda jiddiy monitoring oʻtkazish lozim.

Yuqori sezuvchanlik reaksiyalari

Yuqori sezuvchanlik reaksiyalarini aniqlash uchun ayniqsa birinchi va ikkinchi infuziya vaqtida bemorlarni yaxshilab kuzatish lozim. Yuqori sezuvchanlikning yengil koʻrinishlari (terini qizarishi yoki mahalliy teri reaksiyalari) preparatni yuborishni bekor qilishni talab etmaydi. Oʻta yuqori sezuvchanlikni ogʻir koʻrinishlari (arterial bosimini pasayishi, bronxospazm yoki tarqalgan toshma/eritema), preparatni yuborishni darhol bekor qilishni va ushbu asoratlarni bartaraf etish uchun muvofiq davolash chora tadbirlarni qoʻllashni talab etadi. Ushbu patsiyentlarda dotsetakselni takroran qoʻllash mumkin emas.

Qoʻl va oyoqlarda (qoʻllar kafti va oyoq kafti) joylashgan, shish va keyinchalik deskvamatsiya boʻladigan teri eritemasi kuzatishni talab etadi.

Suyuqlikni tutilishi

Suyuqlikni tutilishini ehtimoli tufayli, plevra boʻshligʻiga, perikardial boʻshliqqa suyuqlik toʻplanishi yoki assiti boʻlgan patsiyentlarni jiddiy kuzatish zarur. Shishlar paydo boʻlganida tuzni qabul qilishni toʻxtatish va diuretiklarni qoʻllash lozim.

Jigar yetishmovchiligi

Qon plazmasida transaminazalarning (ALT va/yoki AST) darajasi normaning yuqori chegarasidan (NYUCh) 1,5 martadan koʻproqqa va/yoki ishqoriy fosfatazaning darajasi NYUCh 2,5 martadan koʻproqqa oshgan patsiyentlarda, toksiklik natijasidagi oʻlim, oʻlim bilan tugashi mumkin boʻlgan sepsis va gastrointestinal qon ketishlar, febril neytropeniya, infeksiyalar, trombotsitopeniya, stomatit va asteniya kabi ogʻir nojoʻya reaksiyalarni rivojlanish xavfi yuqori boʻladi. Bunday patsiyentlarda dotsetakselni tavsiya qilingan dozasi 75 mg/m2 ni tashkil qiladi. Dotsetaksel bilan davolanishni oʻtkazishni boshlashdan oldin va har bir navbatdagi sikl oldidan jigarning funksional koʻrsatkichlarini aniqlanishi lozim.

Bilirubinning darajasi oshgan va/yoki ALT va AST yuqori faolligida ( >3,5 NYUCh) va bir vaqtda ishqoriy fosfatazaning darajasi NYUCh 6 martadan koʻproqqa oshgan boʻlsa, dotsetakselni buyurish tavsiya qilinmaydi.

ALT va/yoki AST darajalari > NYUCh dan 1,5 martadan yuqoriroq va bir vaqtda ishqoriy fosfotazaning darajasi > NYUCh dan 2,5 martadan yuqoriroq va bilirubinning darajasi >NYUCh dan 1 martadan yuqori boʻlgan patsiyentlarda sisplatin va ftoruratsil bilan majmuasi holatida, dotsetakselni buyurish taviya qilinmaydi.

Meʼda-ichak yoʻllari tomonidan reaksiyalar

Qorindagi erta ogʻriqlar va qorinni bosganda ogʻriqni his qilish, yuqori harorat, ich ketishi, shu jumladan neytropeniyasiz kabi simptomlar – meʼda-ichakning ogʻir toksikligining erta koʻrinishlari boʻlishi mumkin, ular tekshiruvlarni va shoshilinch davolash oʻtkazishni talab etadi.

Buyrak yetishmovchiligi

Buyrak funksiyasini ogʻir buzilishlari boʻlgan patsiyentlarda Dotsetaksel bilan davolashni oʻtkazish boʻyicha maʼlumotlar yoʻq.

Nerv tizimi

Ogʻir periferik neyrotoksiklik rivojlanganida, “Qoʻllash usuli va dozalari” boʻlimida keltirilganidek, dozani pasaytirish lozim.

Yurakka toksikligi

Dotsetakselni trastuzumab bilan majmuada qabul qilayotgan, ayniqsa, antratsiklin (doksorubitsin yoki epirubitsin) saqlovchi ximioterapiya olgandan soʻng, bemorlarda yurak yetishmovchiligining kelib chiqishi kuzatilgan. Yurak yetishmovchiligi oʻrtacha yoki ogʻir darajali boʻlishi va oʻlimga olib kelishi mumkin.

Dotsetakselni trastuzumab bilan majmuada davolash rejalashtirilayotganida yurak funksiyasining dastlabki holatini baholash lozim. Keyinchalik davolash vaqtida, yurak funksiyasi buzilishi boʻlgan bemorlarni aniqlash maqsadida, yurak funksiyasi nazorat qilish lozim (masalan, har 3 oyda). Tafsilotlar uchun trastuzumabni tibbiyotda qoʻllash boʻyicha yoʻriqnomasiga qaralsipn.

Leykemiya

Dotsetaksel, doksorubitsin va siklofosfamid bilan davolangan olgan patsiyentlarda, sekinlashgan miyelodisplaziya yoki miyeloid leykemiyani rivojlanish xavfi borligi sababli, davolashdan keyingi davrda gematologik koʻrsatkichlarni nazorat qilish lozim.

Keksa yoshdagi patsiyentlar

60 yoshdan kichik patsiyentlarga nisbatan, dotsetaksel+kapetsitabin bilan majmuaviy ximioterapiya qabul qilayotgan 60 yosh va undan oshgan patsiyentlarda, davolash bilan bogʻliq boʻlgan 3 va 4 darajali noxush holatlarning oshishi, davolash bilan bogʻliq boʻlgan jiddiy nohush nojoʻya reaksiyalar (NNR) va NNR rivojlanishi natijasida davolashni erta bekor qilish kuzatilgan.

70 yoshdan oshgan patsiyentlarda Dotsetakselni doksorubitsin va siklofosfamid bilan majmuada qoʻllash haqida maʼlumotlar cheklangan.

Prostata bezi rakini davolashda dotsetakselni har 3 haftada qabul qilayotgan 65 yosh va oshgan patsiyentlar tirnoqlarning oʻzgarishi tez-tezligi yoshroq patsiyentlarga nisbatan

 ≥ 10% yuqori boʻlgan, 75 yosh va undan oshgan patsiyentlarda isitma, diareya, anoreksiya va periferik shishlarning kelib chiqishi tez-tezligi yoshroq patsiyentlarga nisbatan ≥ 10% yuqori boʻlgan.

Dotsetakselni sisplatin va ftoruratsil bilan majmuada qoʻllanilganida quyidagi nojoʻya reaksiyalari (barcha ogʻirlik darajasi): letargiya (uyquchanlik, tormozlanish), stomatit, neytropenik infeksiya yoshroq patsiyentlarga nisbatan 65 yoshdan oshgan patsiyentlarda
≥ 10% yuqori boʻlgan. Shuning uchun ushbu majmuani qabul qilayotgan 65 yoshdan oshgan patsiyentlar sinchkov nazoratga muxtojdirlar.

Etanol tarkibi

Dotsetaksel preparatida 50 % xajm konsentratsiyada etanol saqlanadi (yaʼni 20 mg/1 ml flakonda 0,5 ml gacha suvsiz etanol, 40 mg/2 ml flakonda 1 ml gacha suvsiz etanol,
80 mg/4 ml flakonda 2 mlgacha suvsiz etanol). Alkogolizmi boʻlgan patsiyentlarda va xavf guruhi patsiyentlarida (jigar kasalliklari va tutqanogʻi boʻlgan patsiyentlar) preparatni qoʻllashda, buni eʼtiborga olish lozim.

Kontratsepsiya

Davolanish vaqtida va davolash tugaganidan soʻng eng kamida 3 oy davomida patsiyentlar kontratsepsiyaning ishonchli usullaridan foydalanishlari lozim.

Preparat bilan ishlashda ehtiyotkorlik choralari

Dotsetaksel oʻsmalarga qarshi preparat hisoblanadi; boshqa potensial toksik moddalar kabi, uni qoʻllashda va eritmalarni tayyorlashda ehtiyotkorlikka rioya qilish lozim. Qoʻlqopcha bilan ishlash tavsiya etiladi. Preparatni teriga yoki shilliq qavatlarga tushishida, darhol terini sovunli suv bilan, shilliq qavatlarni esa – suv bilan yaxshilab yuvish lozim.

Homiladorlik va laktatsiya

Homilador ayollarga dotsetakselni qoʻllash boʻyicha maʼlumotlar yoʻq. Dotsetakselning quyonlar va kalamushlarga embriotoksik va fetotoksik taʼsir koʻrsatishi va kalamushlarda fertillikni pasaytirishi isbotlangan. Boshqa sitotoksik dori preparatlari kabi, dotsetaksel homilador ayollarga buyurilsa, homilaga zarar yetkazishi mumkin, shuning uchun dotsetakselni homiladorlik vaqtida buyurish mumkin emas.

Dotsetaksel qabul qilayotgan tugʻruq yoshidagi ayollar, homiladorlikdan saqlanishi, homilador boʻlgan holda esa darhol davolovchi shifokorga maʼlum qilishi lozim.

Dotsetaksel lipofil modda hisoblanadi, ammo koʻkrak sutiga chiqarilishini ehtimoli xaqidagi maʼlumotlar yoʻq. Demak, emizikli bolalarda noxush reaksiyalar rivojlanishi mumkinligi tufayli, Dotsetaksel bilan davolanish vaqtida emizishni toʻxtatish lozim.

Avtotransportni va potensial xavfli mexanizmlarni boshqarish qobiliyatiga taʼsiri. Avtomobil va mexanik jihozlarni boshqarish qobiliyatiga taʼsir qilishi boʻyicha tadqiqotlar oʻtkazilmagan. Dotsetaksel bilan davolanish vaqtida avtomobilni va mexanik jihozlarni boshqarishdan saqlanish tavsiya etiladi.

Preparat bolalar ololmaydigan joyda saqlansin va yaroqlilik muddati oʻtganidan soʻng qoʻllanmasin.

 

Dozani oshirib yuborilishi

Dozani oshirib yuborilishi haqida maʼlumotlar koʻp emas. Dotsetakselni dozasini oshirib yuborilishidagi antidoti yoʻq. Doza oshirib yuborilganida bemor ixtisoslashtirilgan boʻlimda kuzatiladi va organizmning hayot uchun muhim boʻlgan faoliyatlarini sinchkov monitoringi oʻtkaziladi. Doza oshirib yuborilganida nojoʻya reaksiyalar kuchayishi mumkin. Dozani oshirib yuborilishining mumkin boʻlgan birinchi asorati suyak koʻmigini bostirilishi, periferik neyrotoksiklik va mukozitdan iborat. Zarurat boʻlgan hollarda boshqa muvofiq, simptomatik davolash oʻtkaziladi.

 

Chiqarilish shakli

1, 2 va 4 ml dan rezina qopqoq va alyumin yoki alyumoplastik yoki aralash qopqoq bilan oʻralgan 2,5 va 10 ml sigʻimli flakonlar. Flakon qoʻllash boʻyicha yoʻriqnomasi bilan birga karton qutiga joylangan.

 

Saqlash sharoiti

Yorugʻlikdan himoyalangan joyda, 2 oS dan 8oS gacha haroartda saqlansin.

 

Yaroqlilik muddati

2 yil. Oʻramida koʻrsatilgan yaroqlilik muddati oʻtganidan soʻng qoʻllanmasin.

Flakonni ochgandan soʻng

Har bir flakon bir marta qoʻllash uchun moʻljallangan va uni ochgandan soʻng darxol ishlatish lozim. Agar eritma darhol ishlatilmasa, uni muddati va saqlash sharoitlariga foydalanuvchi javob beradi.

Infuzion idishga qoʻshgandan soʻng

Mikrobiologik nuqtai nazardan, tayyorlangan (suyultirilishi) nazorat qilinadigan va aseptik sharoitlarda oʻtkazilishi lozim. Infuzion sigʻimga qoʻshgandan soʻng, tavsiyalar boʻyicha dotsetaksel infuziyasi eritmasi, agar u 25oS dan past haroratda saqlansa, 4 soat davomida barqaror boʻladi. Uni 4 soat davomida ishlatilishi lozim (shu jumladan vena ichi infuziyasi uchun zarur boʻlgan bir soat).

 

Dorixonalardan berish tartibi

Shifokor retsepti boʻyicha.